Mehal Kalan

Home
India
Barnala
Mehal Kalan

Mehal Kalan Mehal Kalan is situated on Ludhiana Bathinda highway between Raikot and Barnala City. This village is about 20kms. from Barnala and about 15kms.
(4)

from Raikot.

✔ Verified Official Page
✔ Facebook Certified

If we deeply look into the history of this village we come to know that this village was established by the famous Jatt Sikh Clan Chahal and then other clans also settled here. This village was named Mehal (which is known as Palace in English) because this village had old Forts and Palaces which were constructed by old Maharaja's of Raik

ot Constituency. The main thing which you will find interesting in this village is that people live here in brotherhood. A very alive example of this is that this village has only one Gurudawara. Otherwise, you can find many Gurudawar's or other religious places in one village which shows that how our people have divided religion according to their Clans and Castes. According to religious angle, this village has One Gurudawara on the name of Guru Hargobind Sahib, One Shiv Mandir, One Nanaksar Thaath, and one Mosque which clearly represents that people from all religions live here in peace. If we see from an Educational point of view this village has Government Primary School, Government Senior Secondary School, Baba Gandha Singh Public School, Gurpreet Holly Heart Public School, and Akal Academy Baru Sahib are there we can refer to. This village also has one Primary Health Centre and one Veterinary Hospital. There are various assembly points for Senior Citizens where they can gather and share their thoughts. The population of this village is around 12000 and about 5000 people legally hold the right to Vote.

ਪਿੰਡਾਂ ਵਿਚੋਂ ਪਿੰਡ ਸੁਣੀਂਦਾ ,"ਮਹਿਲ ਕਲਾਂ" ਨੇ ਕਹਿੰਦੇ,
ਓਸ ਪਿੰਡ ਦੇ ਇਕ ਚੋਬਰ ਦੇ ਗੀਤ ਗੁੰਜਦੇ ਰਹਿੰਦੇ,
ਰਹਿੰਦਾ ਵਿਚ ਉਹ ਸ਼ਹਿਰ ਬਠਿੰਡੇ, ਲੋਕ "ਟਿਵਾਣਾ" ਕਹਿੰਦੇ,
ਨੀ ਹੱਸ ਕੇ ਬੋਲ ਕੁੜੇ, ਰੋਅਬ ਯਾਰ ਨਾ ਸਹਿੰਦੇ,
ਨੀ ਹੱਸ ਕੇ ਬੋਲ ਕੁੜੇ...

01/06/2024

ਮਹਿਲ ਕਲਾਂ ਵਿਖੇ ਵੋਟਰਾਂ ਨੂੰ ਆਪੋ ਆਪਣੇ ਹੱਕ 'ਚ ਭੁਗਤਾਉਣ ਲਈ ਹਰੇਕ ਪਾਰਟੀ ਵਲੋਂ ਅੱਡੀ ਚੋਟੀ ਦਾ ਜ਼ੋਰ ਲਾਇਆ ਗਿਆ। ਪਰ ਵੋਟਰਾਂ ਦੇ ਦਿਲ ਦਾ ਭੇਦ ਕੋਈ ਨੀ ਪਾ ਸਕਿਆ....!!!! ਮਹਿਲ ਕਲਾਂ ਵਿਖੇ ਵੱਖ-ਵੱਖ ਰਾਜਨੀਤਕ ਪਾਰਟੀਆਂ ਦੇ ਪੋਲਿੰਗ ਬੂਥਾਂ ਦੀਆਂ ਤਸਵੀਰਾਂ।

01/06/2024

ਮਹਿਲ ਕਲਾਂ ਵਿਖੇ ਆਮ ਆਦਮੀ ਪਾਰਟੀ ਦੀ ਜਿੱਤ ਲਈ ਦਿਨ ਰਾਤ ਇਕ ਕਰ ਕੇ ਮਿਹਨਤ ਕਰਨ ਵਾਲੇ ਬਲਾਕ ਪ੍ਰਧਾਨ ਸਰਬਜੀਤ ਸਿੰਘ ਸ਼ੰਭੂ, ਆਮ ਆਦਮੀ ਪਾਰਟੀ ਦੇ ਪੋਲਿੰਗ ਬੂਥ 'ਤੇ ਗੁਰਦੀਪ ਸਿੰਘ ਸੋਢਾ, ਗੋਬਿੰਦਰ ਸਿੰਘ ਸਿੱਧੂ, ਸਰਵਨ ਸਿੰਘ ਖ਼ਾਲਸਾ ਆਦਿ ਸਮਰਥਕਾਂ ਨਾਲ ਜੇਤੂ ਨਿਸ਼ਾਨ ਬਣਾਉਂਦੇ ਹੋਏ।

31/05/2024

ਪਿੰਡ ਮਹਿਲ ਖ਼ੁਰਦ ਵਿਖੇ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਗੁਰਮੀਤ ਸਿੰਘ ਮੀਤ ਹੇਅਰ ਦੇ ਹੱਕ 'ਚ ਅੱਜ ਵਪਾਰ ਵਿੰਗ ਦੇ ਜ਼ਿਲ੍ਹਾ ਗੁਰਪ੍ਰੀਤ ਸਿੰਘ ਗੁਰੀ ਔਲਖ, ਕਿਸਾਨ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਅਵਤਾਰ ਸਿੰਘ ਮਹਿਲ ਖ਼ੁਰਦ ਵਲੋਂ ਸਮਰਥਕਾਂ ਸਮੇਤ ਘਰ-ਘਰ ਜਾ ਕੇ ਵੋਟਰਾਂ ਨੂੰ ਸਹਿਯੋਗ ਦੇਣ ਦੀ ਅਪੀਲ ਕੀਤੀ ਗਈ। ਉਨ੍ਹਾਂ "ਆਪ" ਸਰਕਾਰ ਵਲੋਂ ਕੀਤੇ ਕੰਮਾਂ ਅਤੇ ਲੋਕ ਪੱਖੀ ਨੀਤੀਆਂ ਸਬੰਧੀ ਪੋਸਟਰ ਵੰਡ ਕੇ ਵੋਟਰਾਂ ਨੂੰ ਪ੍ਰੇਰਿਤ ਕੀਤਾ ਕਿ ਉਹ ਉਮੀਦਵਾਰ ਮੀਤ ਹੇਅਰ ਨੂੰ ਵੱਡੀ ਲੀਡ ਨਾਲ ਜਿਤਾ ਕੇ ਭੇਜਣ। Meet Hayer

30/05/2024

ਮਹਿਲ ਕਲਾਂ ਦੀ ਅਹਿਮ ਸਖਸ਼ੀਅਤ ਸੇਵਾ ਮੁਕਤ AFSO ਅਤੇ ਕਿਸਾਨ ਆਗੂ ਬ੍ਰਿਜ ਲਾਲ ਸ਼ਰਮਾ ਨਮਿੱਤ ਗਰੁੱੜ ਪੁਰਾਣ ਦੇ ਪਾਠ ਦਾ ਭੋਗ ਅਤੇ ਸ਼ਰਧਾਂਜਲੀ ਸਮਾਗਮ ਸ਼ਗਨ ਪੈਲੇਸ ਮਹਿਲ ਕਲਾਂ ਵਿਖੇ ਹੋਇਆ। ਇਸ ਮੌਕੇ ਵੱਖ-ਵੱਖ ਬੁਲਾਰਿਆਂ ਨੇ ਬ੍ਰਿਜ ਲਾਲ ਸ਼ਰਮਾ ਵਲੋਂ ਨੌਕਰੀ ਦੌਰਾਨ ਅਤੇ ਸੇਵਾ ਮੁਕਤੀ ਉਪਰੰਤ ਸਮਾਜ ਸੇਵੀ ਕਾਰਜਾਂ 'ਚ, BKU ਡਕੌਂਦਾ ਦੇ ਬਲਾਕ ਖਜ਼ਾਨਚੀ ਵਜੋਂ ਤਨਦੇਹੀ ਨਾਲ ਨਿਭਾਈਆਂ ਸੇਵਾਵਾਂ ਦੀ ਸ਼ਲਾਘਾ ਕਰਦਿਆਂ ਉਨ੍ਹਾਂ ਨਾਲ ਜੁੜੀਆਂ ਯਾਦਾਂ ਨੂੰ ਤਾਜ਼ਾ ਕੀਤਾ। ਇਸ ਸਮੇਂ BKU ਡਕੌਂਦਾ ਸਮੇਤ ਵੱਖ-ਵੱਖ ਜਥੇਬੰਦੀਆਂ ਵਲੋਂ ਉਨ੍ਹਾਂ ਦੇ ਸਪੁੱਤਰਾਂ ਮਾ: ਬਲਜਿੰਦਰ ਪ੍ਰਭੂ ਅਤੇ ਮੋਨੂੰ ਸ਼ਰਮਾ ਨੂੰ ਦਸਤਾਰਾਂ ਭੇਂਟ ਕੀਤੀਆਂ ਗਈਆਂ।

27/05/2024

TO LET....!

27/05/2024

ਕੌਣ ਪਹੁੰਚੇਗਾ, ਸੰਗਰੂਰ ਤੋਂ ਸੰਸਦ ਤੱਕ?

ਕੁਮੈਂਟ ਕਰ ਕੇ ਆਪਣੀ ਰਾਇ ਦਰਜ ਕਰੋ ਅਤੇ ਇਨਾਮ ਜਿੱਤੋ*

ਲੋਕ ਸਭਾ ਹਲਕਾ ਸੰਗਰੂਰ ਦਾ ਸਭ ਤੋਂ ਵੱਡਾ ਨਿਰਪੱਖ ਸਰਵੇ!

Meet Hayer Sukhpal Singh KhairaIqbal Singh Jhundan Arvind Khanna Kisan Simranjit Singh Mann

22/05/2024

ਨੌਜਵਾਨ ਆਗੂ ਹਰਜੀਤ ਸਿੰਘ ਖਿਆਲੀ ਵਲੋਂ ਅੱਜ ਮਾਂਗੇਵਾਲ, ਟੱਲੇਵਾਲ, ਖੇੜੀ ਚਹਿਲਾਂ ਆਦਿ 'ਚ ਆਜ਼ਾਦ ਉਮੀਦਵਾਰ ਬਲਵਿੰਦਰ ਸਿੰਘ ਸੇਖੋਂ ਦੇ ਹੱਕ 'ਚ ਚੋਣ ਪ੍ਰਚਾਰ ਕੀਤਾ ਗਿਆ। ਇਸ ਮੌਕੇ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਜ਼ੁਲਮ ਕਰਦੀਆਂ ਸਰਕਾਰਾਂ ਤੋਂ ਹਿਸਾਬ ਲੈਣ ਲਈ ਆਜ਼ਾਦ ਉਮੀਦਵਾਰ ਬਲਵਿੰਦਰ ਸਿੰਘ ਸੇਖੋਂ ਨੂੰ ਸੰਸਦ ਪਹੁੰਚਾਉਣਾ ਬਹੁਤ ਜ਼ਰੂਰੀ ਹੈ।

18/05/2024

ਮਹਿਲ ਕਲਾਂ ਦੀ ਅਹਿਮ ਸਖਸ਼ੀਅਤ ਸੇਵਾ ਮੁਕਤ AFSO ਅਤੇ ਕਿਸਾਨ ਆਗੂ ਬ੍ਰਿਜ ਲਾਲ ਸ਼ਰਮਾ ਦਾ ਅੱਜ ਸਵੇਰੇ ਦਿਹਾਂਤ ਹੋ ਗਿਆ। ਉਹ 75 ਵਰ੍ਹਿਆਂ ਦੇ ਸਨ। ਉਹ ਫੂਡ ਸਪਲਾਈ ਮਹਿਕਮੇ ਚੋਂ ਏ.ਐਫ਼.ਐਸ.ਓ. ਵਜੋਂ ਸੇਵਾ ਮੁਕਤ ਹੋਏ ਅਤੇ ਸਮਾਜ ਸੇਵੀ ਕਾਰਜਾਂ 'ਚ ਜੁਟ ਗਏ। ਭਾਰਤੀ ਕਿਸਾਨ ਯੂਨੀਅਨ ਡਕੌਂਦਾ ਦੇ ਬਲਾਕ ਖਜ਼ਾਨਚੀ ਵਜੋਂ ਉਨ੍ਹਾਂ ਤਨਦੇਹੀ ਨਾਲ ਸੇਵਾ ਕੀਤੀ। ਕੁਝ ਸਾਲ ਪਹਿਲਾਂ ਕੈਂਸਰ ਰੂਪੀ ਨਾ ਮੁਰਾਦ ਦਾ ਅਜਿਹਾ ਸ਼ਿਕਾਰ ਹੋਏ ਤੇ ਅੱਜ ਜਿੰਦਗੀ ਤੇ ਮੌਤ ਲੜਾਈ ਲੜਦੇ ਹੋਏ ਦਮ ਤੋੜ ਗਏ। ਉਨ੍ਹਾਂ ਆਪਣੀ ਬਿਮਾਰੀ ਦਾ ਟਾਕਰਾ ਪੂਰੀ ਦ੍ਰਿੜਤਾ ਨਾਲ ਕੀਤਾ। ਬ੍ਰਿਜ ਲਾਲ ਸ਼ਰਮਾ ਦਾ ਅੰਤਿਮ ਸਸਕਾਰ ਅੱਜ ਮਹਿਲ ਕਲਾਂ ਵਿਖੇ ਸਥਿੱਤ ਸਮਸ਼ਾਨਘਾਟ 'ਚ ਕੀਤਾ ਗਿਆ, ਜਿੱਥੇ ਵੱਡੀ ਗਿਣਤੀ 'ਚ ਲੋਕਾਂ ਨੇ ਪਹੁੰਚ ਕੇ ਉਨ੍ਹਾਂ ਨੂੰ ਅੰਤਿਮ ਵਿਦਾਇਗੀ ਦਿੱਤੀ।

18/05/2024

ਲੋਕ ਸਭਾ ਹਲਕਾ ਸੰਗਰੂਰ ਤੋਂ ਆਜ਼ਾਦ ਉਮੀਦਵਾਰ ਸੇਵਾ ਮੁਕਤ ਡੀ.ਐੱਸ.ਪੀ. ਬਲਵਿੰਦਰ ਸਿੰਘ ਸੇਖੋਂ ਦੇ ਹੱਕ 'ਚ ਅੱਜ ਨੌਜਵਾਨ ਆਗੂ ਹਰਜੀਤ ਸਿੰਘ ਖਿਆਲੀ ਵਲੋਂ ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਦੇ ਪਿੰਡਾਂ ਬੀਹਲਾ, ਚੰਨਣਵਾਲ, ਈਨਾ ਬਾਜਵਾ, ਸ਼ੇਰਪੁਰ ਆਦਿ 'ਚ ਚੋਣ ਪ੍ਰਚਾਰ ਕੀਤਾ ਗਿਆ ਹੈ। ਇਸ ਮੌਕੇ ਉਨ੍ਹਾਂ ਸਮੂਹ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਆਪਣੇ ਬੱਚਿਆਂ ਦੇ ਸੁਰੱਖਿਤ ਭਵਿੱਖ ਲਈ ਸਾਰੇ ਉਮੀਦਵਾਰਾਂ ਚੋਂ ਬੇਹੱਦ ਕਾਬਲ ਉਮੀਦਵਾਰ ਬਲਵਿੰਦਰ ਸਿੰਘ ਸੇਖੋਂ ਨੂੰ ਜਿਤਾਉਣ।

18/05/2024

ਮਹਿਲ ਕਲਾਂ ਤੋਂ ਆਮ ਆਦਮੀ ਪਾਰਟੀ ਦੇ ਸਰਗਰਮ ਆਗੂ ਮੋਹਿਤ ਗਰਗ ਵਲੋਂ ਆਪਣੇ ਜਨਮ ਦਿਨ ਮੌਕੇ ਬੂਟੇ ਲਗਾ ਕੇ ਵਾਤਾਵਰਨ ਬਚਾਓ ਮੁਹਿੰਮ 'ਚ ਯੋਗਦਾਨ ਪਾਇਆ ਹੈ। ਇਸ ਮੌਕੇ ਆਗੂ ਮੋਹਿਤ ਗਰਗ ਨੇ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹੇ ਸਮਾਜ ਭਲਾਈ ਦੇ ਕੰਮ ਕਰਨ ਦੀ ਪ੍ਰੇਰਨਾ ਆਪਣੇ ਸਤਿਕਾਰਯੋਗ ਪਿਤਾ ਸਵ: ਜੀਵਨ ਕੁਮਾਰ ਗਰਗ ਤੋਂ ਮਿਲਦੀ ਹੈ। ਉਨ੍ਹਾਂ ਹੋਰਨਾਂ ਨੌਜਵਾਨਾਂ ਨੂੰ ਆਪਣੇ ਜਨਮ ਦਿਨ, ਵਰ੍ਹੇਗੰਡ ਅਤੇ ਹੋਰ ਖੁਸ਼ੀ ਦੇ ਮੌਕਿਆਂ 'ਤੇ ਬੂਟੇ ਲਗਾ ਕੇ ਵਾਤਾਵਰਨ ਦੀ ਸ਼ੁੱਧਤਾ 'ਚ ਆਪਣਾ ਸਹਿਯੋਗ ਦੇਣ ਦੀ ਅਪੀਲ ਕੀਤੀ।

18/05/2024

ਆਮ ਆਦਮੀ ਪਾਰਟੀ ਬਲਾਕ ਮਹਿਲ ਕਲਾਂ ਦੇ ਪ੍ਰਧਾਨ ਸਮਾਜ ਸੇਵੀ ਸਰਬਜੀਤ ਸਿੰਘ ਸ਼ੰਭੂ ਵਲੋਂ ਵਿਧਾਇਕ ਕੁਲਵੰਤ ਸਿੰਘ ਪੰਡੋਰੀ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਆਪਣੀ ਟੀਮ ਸਮੇਤ ਪਾਰਟੀ ਉਮੀਦਵਾਰ ਮੀਤ ਹੇਅਰ ਹੱਕ 'ਚ ਘਰ-ਘਰ ਚੋਣ ਪ੍ਰਚਾਰ ਕੀਤਾ ਗਿਆ। ਇਸ ਸਮੇਂ ਉਨ੍ਹਾਂ ਲੋਕਾਂ ਨੂੰ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਅਗਵਾਈ ਹੇਠ ਕੀਤੇ ਇਤਿਹਾਸਕ ਕੰਮਾਂ ਅਤੇ ਮੀਤ ਹੇਅਰ ਦੀਆਂ ਕੈਬਨਿਟ ਮੰਤਰੀ ਵਜੋਂ ਪ੍ਰਾਪਤੀਆਂ ਜ਼ਿਕਰ ਕਰਦਿਆਂ ਕਿਹਾ ਕਿ Meet Hayer ਵਰਗੀ ਬੁਲੰਦ ਆਵਾਜ਼ ਦਾ ਸੰਸਦ 'ਚ ਹੋਣਾ ਅਤਿ ਜ਼ਰੂਰੀ ਹੈ, ਤਾਂ ਜੋ ਕੇਂਦਰ ਕੋਲੋਂ ਪੰਜਾਬ ਨੂੰ ਬਣਦੇ ਹੱਕ ਦਿਵਾਏ ਜਾ ਸਕਣ। "ਆਪ" ਦੇ ਸੀਨੀਅਰ ਆਗੂ ਗੋਬਿੰਦਰ ਸਿੰਘ ਸਿੱਧੂ, ਗੁਰਦੀਪ ਸਿੰਘ ਸੋਢਾ ਨੇ ਦਾਅਵਾ ਕੀਤਾ ਕਿ 'ਮੀਤ ਹੇਅਰ' ਦੀ ਜਿੱਤ ਪੱਕੀ ਹੈ, ਬੱਸ ਐਲਾਨ ਹੋਣਾ ਬਾਕੀ ਹੈ।

15/05/2024

ਹੈਪੀ ਮੈਡੀਕਲ ਛਾਪਾ ਦੇ ਮਾਲਕ ਡਾ: ਜਗਰਾਜ ਸਿੰਘ ਬਾਜਵਾ ਦੇ ਸਤਿਕਾਰਯੋਗ ਪਿਤਾ ਸ: ਜਗਤਾਰ ਸਿੰਘ ਬਾਜਵਾ ਬੀਤੇ ਦਿਨੀਂ ਸਦੀਵੀ ਵਿਛੋੜਾ ਦੇ ਗਏ ਹਨ। ਉਨ੍ਹਾਂ ਨਮਿੱਤ ਪਾਠ ਦਾ ਭੋਗ ਅਤੇ ਅੰਤਿਮ ਅਰਦਾਸ ਕੱਲ੍ਹ 16 ਮਈ, ਦਿਨ ਵੀਰਵਾਰ ਨੂੰ 1 ਵਜੇ, ਗੁਰਦੁਆਰਾ ਸਾਹਿਬ ਡੇਰਾ ਸਮਾਧਾਂ (ਸੋਢਾ ਪੱਤੀ), ਪਿੰਡ ਛਾਪਾ (ਬਰਨਾਲਾ) ਵਿਖੇ ਪਵੇਗਾ। ਆਪ ਸਭ ਨੂੰ ਪਹੁੰਚਣ ਲਈ ਸਨਿਮਰ ਬੇਨਤੀ ਹੈ ਜੀ।

14/05/2024

ਮੈਡੀਕਲ ਪ੍ਰੈੱਕਟੀਸ਼ਨਰਜ਼ ਐਸੋਸੀਏਸ਼ਨ ਦੇ ਆਗੂ ਅਤੇ ਪ੍ਰੀਤ ਹਸਪਤਾਲ ਮਹਿਲ ਕਲਾਂ ਦੇ ਮਾਲਕ ਸਮਾਜ ਸੇਵੀ ਡਾ: ਨਰਿੰਦਰ ਸਿੰਘ ਮਹਿਲ ਖ਼ੁਰਦ ਨੂੰ ਉਸ ਸਮੇਂ ਗਹਿਰਾ ਸਦਮਾ ਲੱਗਾ ਜਦੋਂ ਉਨ੍ਹਾਂ ਦੀ ਧਰਮਪਤਨੀ ਬੀਬੀ ਹਰਮਨਦੀਪ ਬੱਗਾ (45) ਦਾ ਅਚਾਨਕ ਦਿਲ ਦਾ ਦੌਰਾ ਪੈਣ ਕਾਰਨ ਚੰਡੀਗੜ੍ਹ ਵਿਖੇ ਦਿਹਾਂਤ ਹੋ ਗਿਆ। ਇਸ ਦੁੱਖ ਦੀ ਘੜੀ ਵਿੱਚ ਵੱਖ-ਵੱਖ ਆਗੂਆਂ ਨੇ ਪਰਿਵਾਰ ਹਮਦਰਦੀ ਪ੍ਰਗਟ ਕੀਤੀ ਹੈ। ਮਰਹੂਮ ਹਰਮਨਦੀਪ ਬੱਗਾ ਦਾ ਅੰਤਿਮ ਸਸਕਾਰ ਅੱਜ 14 ਮਈ ਨੂੰ ਸਵੇਰੇ 10 ਵਜੇ ਪਿੰਡ ਮਹਿਲ ਖ਼ੁਰਦ (ਬਰਨਾਲਾ) ਵਿਖੇ ਕੀਤਾ ਜਾਵੇਗਾ। ਆਪ ਸਭ ਨੂੰ ਪਹੁੰਚਣ ਲਈ ਸਨਿਮਰ ਬੇਨਤੀ ਕਰਦੇ ਹਾਂ ਜੀ।

13/05/2024

ਲੋਕ ਸਭਾ ਹਲਕਾ ਸੰਗਰੂਰ ਤੋਂ ਆਜ਼ਾਦ ਉਮੀਦਵਾਰ ਸਾਬਕਾ ਡੀ.ਐਸ.ਪੀ. ਬਲਵਿੰਦਰ ਸਿੰਘ ਸੇਖੋਂ ਦੇ ਹਲਕਾ ਮੁੱਖ ਚੋਣ ਦਫ਼ਤਰ ਦੀ ਅੱਜ ਮਹਿਲ ਕਲਾਂ ਵਿਖੇ ਸ਼ੁਰੂਆਤ ਕੀਤੀ ਗਈ। ਇਸ ਮੌਕੇ ਨੌਜਵਾਨ ਆਗੂ ਹਰਜੀਤ ਸਿੰਘ ਖਿਆਲੀ ਨੇ ਕਿਹਾ ਕਿ ਹਲਕੇ ਦੇ ਕ੍ਰਾਂਤੀਕਾਰੀ ਲੋਕਾਂ ਵਲੋਂ ਉਮੀਦਵਾਰ ਸੇਖੋਂ ਦੀ ਚੋਣ ਮੁਹਿੰਮ ਨੂੰ ਹੁੰਗਾਰਾ ਦਿੱਤਾ ਜਾ ਰਿਹਾ ਹੈ। ਇਹ ਚੋਣ ਕਿਰਤੀ ਲੋਕਾਂ ਨੂੰ ਉਨ੍ਹਾਂ ਦੇ ਹੱਕਾਂ ਪ੍ਰਤੀ ਅਤੇ ਸਮਰਾਏਦਾਰ ਲੋਕਾਂ ਨੂੰ ਉਨ੍ਹਾਂ ਦੀ ਕਿਰਤ ਦੀ ਕੀਤੀ ਜਾ ਰਹੀ ਲੁੱਟ ਪ੍ਰਤੀ ਜਾਗਰੂਕ ਕਰੇਗੀ। ਸਰਕਾਰ ਦੇ ਸਤਾਏ ਅਤੇ ਰਾਜਨੀਤਿਕ ਪਾਰਟੀਆਂ ਦੇ ਲੀਡਰਾਂ ਤੋਂ ਅੱਕੇ ਹਰ ਵਰਗ ਦੇ ਲੋਕ ਆਪ ਮੁਹਾਰੇ ਡੀ.ਐਸ.ਪੀ. ਸੇਖੋਂ ਦੀ ਚੋਣ ਮੁਹਿੰਮ ਨਾਲ ਜੁੜ ਰਹੇ ਹਨ।
-----
Harjit singh khiali Balwinder Sekhon

09/05/2024

ਬੀ.ਜੇ.ਪੀ. ਲਈ ਵੋਟਾਂ ਮੰਗਣ ਆਇਆ ਹਰਜੀਤ ਸਿੰਘ ਗਰੇਵਾਲ ਕਿਸਾਨਾਂ ਨੇ ਘੇਰਿਆ...ਫ਼ੇਰ ਆਹ ਕੁਸ਼ ਹੋਇਆ।...ਦੇਖੋ ਵੀਡੀਓ

09/05/2024

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਵਲੋਂ ਕੱਢੀ ਜਾ ਰਹੀ "ਪੰਜਾਬ ਬਚਾਓ ਯਾਤਰਾ" ਅੱਜ ਮਹਿਲ ਕਲਾਂ ਪੁੱਜੀ। ਸਥਾਨਕ ਅਨਾਜ ਮੰਡੀ ਵਿਖੇ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਦਿੱਲੀ ਤੋਂ ਚੱਲਣ ਵਾਲੀਆਂ ਪਾਰਟੀਆਂ "ਆਪ", ਕਾਂਗਰਸ ਅਤੇ ਬੀ.ਜੇ.ਪੀ. ਨੇ ਪੰਜਾਬ ਦਾ ਬੇੜਾ ਗਰਕ ਕਰ ਕੇ ਰੱਖ ਦਿੱਤਾ ਹੈ। ਇਸ ਲਈ ਪੰਜਾਬ ਦੇ ਲੋਕ ਆਪਣੀ ਖੇਤਰੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਦੇ ਹੱਕ 'ਚ ਫ਼ਤਵਾ ਦੇਣਾ ਚਾਹੀਦਾ ਹੈ। ਉਨ੍ਹਾਂ ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਦੇ 9 ਪਿੰਡਾਂ 'ਚ ਯਾਤਰਾ ਕੱਢਦਿਆਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਇਕਬਾਲ ਸਿੰਘ ਝੂੰਦਾਂ ਨੂੰ ਵੱਡੇ ਫਰਕ ਨਾਲ ਜਿਤਾ ਕੇ ਸੰਸਦ 'ਚ ਭੇਜਣ। ਇਸ ਯਾਤਰਾ ਦੌਰਾਨ ਹਲਕਾ ਮਹਿਲ ਕਲਾਂ ਦੇ ਵੱਖ-ਵੱਖ ਪਿੰਡਾਂ ਤੋਂ ਟਰੈਕਟਰ, ਮੋਟਰਸਾਇਕਲ, ਕਾਰਾਂ ਆਦਿ ਆਪੋ ਆਪਣੇ ਸਾਧਨਾਂ ਸਮੇਤ ਸ਼ਮੂਲੀਅਤ ਕੀਤੀ।

Sukhbir Singh Badal Shiromani Akali Dal Iqbal Singh Jhundan

09/05/2024

ਲੋਕ ਸਭਾ ਹਲਕਾ ਸੰਗਰੂਰ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਸੁਖਪਾਲ ਸਿੰਘ ਖਹਿਰਾ ਵਲੋਂ ਅੱਜ ਮਹਿਲ ਕਲਾਂ ਵਿਖੇ ਹਲਕਾ ਮੁੱਖ ਚੋਣ ਦਫ਼ਤਰ ਦਾ ਉਦਘਾਟਨ ਕੀਤਾ ਗਿਆ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਉਮੀਦਵਾਰ ਖਹਿਰਾ ਨੇ ਸੱਤਾਧਾਰੀ ਪਾਰਟੀ ਕਰੜੇ ਹੱਥੀਂ ਲਿਆ। ਉਨ੍ਹਾਂ ਕਿਹਾ ਕਿ ਸੰਗਰੂਰ ਦੇ ਲੋਕ 'ਆਪ' ਦੀ ਸੱਚਾਈ ਜਾਣ ਚੁੱਕੇ ਹਨ। ਗੱਲ-ਗੱਲ 'ਤੇ ਝੂਠ ਬੋਲਣ ਵਾਲਿਆਂ ਦੀ ਐਤਕੀਂ ਸੰਗਰੂਰ 'ਚ ਦਾਲ ਨਹੀਂ ਗਲਣੀ। ਉਨ੍ਹਾਂ ਦਾਅਵਾ ਕੀਤਾ ਕਿ ਲੋਕਾਂ ਦਾ ਭਰਵਾਂ ਸਹਿਯੋਗ ਉਨ੍ਹਾਂ ਨੂੰ ਮਿਲ ਰਿਹਾ ਹੈ, ਜਿਸ ਦੇ ਸਦਕਾ ਉਹ ਜਿੱਤ ਪ੍ਰਾਪਤ ਕਰਨਗੇ। ਇਸ ਉਪਰੰਤ ਖਹਿਰਾ ਵਲੋਂ ਮਹਿਲ ਕਲਾਂ ਸਮੇਤ ਹਲਕੇ ਦੇ ਵੱਖ-ਵੱਖ ਪਿੰਡਾਂ 'ਚ ਚੋਣ ਮੀਟਿੰਗਾਂ ਕੀਤੀਆਂ ਗਈਆਂ।

Sukhpal Singh Khaira

07/05/2024

ਪਿੰਡ ਮਹਿਲ ਖ਼ੁਰਦ ਵਿਖੇ "ਆਪ" ਉਮੀਦਵਾਰ ਗੁਰਮੀਤ ਸਿੰਘ 'ਮੀਤ ਹੇਅਰ' ਦੀ ਚੋਣ ਮੁਹਿੰਮ ਨੂੰ ਭਰਵਾਂ ਹੁੰਗਾਰਾ ਮਿਲਿਆ। ਇਸ ਮੌਕੇ ਉਮੀਦਵਾਰ ਮੀਤ ਹੇਅਰ ਨੇ ਪੰਜਾਬ ਸਰਕਾਰ ਦੀਆਂ ਪ੍ਰਾਪਤੀਆਂ ਅਤੇ ਲੋਕਾਂ ਲਈ ਕੀਤੇ ਕੰਮਾਂ ਜ਼ਿਕਰ ਕੀਤਾ। ਵਿਧਾਇਕ ਕੁਲਵੰਤ ਸਿੰਘ ਪੰਡੋਰੀ ਨੇ ਕਿਹਾ ਕਿ ਲੋਕ ਸਭਾ 'ਚ ਪੰਜਾਬ ਦੇ ਹੱਕਾਂ ਦੀ ਪਹਿਰੇਦਾਰੀ ਕਰਨ ਵਾਸਤੇ ਮੀਤ ਵਰਗੀ ਬੁਲੰਦ ਆਵਾਜ਼ ਦੀ ਜ਼ਰੂਰਤ ਹੈ। ਇਸ ਲਈ ਲੋਕ ਮੀਤ ਹੇਅਰ ਨੂੰ ਵੱਡੇ ਫ਼ਰਕ ਨਾਲ ਜਿਤਾ ਕੇ ਸੰਸਦ 'ਚ ਭੇਜਣ।

04/05/2024

ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਦੇ ਸ਼ੇਰਪੁਰ ਅਨਾਜ ਮੰਡੀ 'ਚ ਲਿਫ਼ਟਿੰਗ ਨਾ ਹੋਣ ਕਾਰਨ ਮਜ਼ਦੂਰਾਂ ਅਤੇ ਆੜ੍ਹਤੀਆਂ ਵਲੋਂ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਮੌਕੇ ਪਹੁੰਚੇ ਨੌਜਵਾਨ ਆਗੂ ਹਰਜੀਤ ਸਿੰਘ ਖਿਆਲੀ ਨੇ ਘਟੀਆ ਖਰੀਦ ਪ੍ਰਬੰਧਾਂ ਨਿੰਦਾ ਕੀਤੀ। ਉਨ੍ਹਾਂ ਕਿਹਾ ਕਿ ਲਿਫਟਿੰਗ ਨਾ ਹੋਣ ਕਾਰਨ ਮਜ਼ਦੂਰ ਵਿਹਲੇ ਬੈਠੇ ਹਨ, ਹਰ ਜ਼ੋਰ ਆਪਣੀ ਜੇਬ ਚੋਂ ਪੈਸੇ ਖਰਚ ਕੇ ਮੁੜ ਜਾਂਦੇ ਹਨ। ਜਿਸ ਕਾਰਨ ਮਹਿੰਗਾਈ ਦੀ ਚੁੱਕੀ 'ਚ ਪਿਸ ਰਹੇ ਮਜ਼ਦੂਰ ਆਰਥਕ ਪੱਖੋਂ ਹੋਰ ਕਮਜ਼ੋਰ ਹੋ ਰਹੇ ਹਨ। ਰੋਸ ਪ੍ਰਦਰਸ਼ਨ ਨੂੰ ਦੇਖਦਿਆਂ ਮੌਕੇ 'ਤੇ ਪਹੁੰਚੇ ਖਰੀਦ ਏਜੰਸੀਆਂ ਦੇ ਅਧਿਕਾਰੀਆਂ ਨੇ 10 ਹਜ਼ਾਰ ਗੱਟੇ ਦੀ ਰੋਜ਼ਾਨਾ ਚੁਕਾਈ ਹੋਣ ਦਾ ਲਿਖਤੀ ਤੌਰ 'ਤੇ ਭਰੋਸਾ ਦਿੱਤਾ।

03/05/2024

ਕੌਮਾਂਤਰੀ ਪ੍ਰੈੱਸ ਆਜ਼ਾਦੀ ਦਿਵਸ ਮੌਕੇ ਦੁਨੀਆਂ ਭਰ ਦੀਆਂ ਨਿੱਡਰ ਅਤੇ ਨਿਧੜਕ ਕਲਮਾਂ ਨੂੰ ਸਲਾਮ ਕਰਦੇ ਹਾਂ।

01/05/2024

ਕੌਮਾਂਤਰੀ ਮਜ਼ਦੂਰ ਦਿਵਸ ਮੁਬਾਰਕ ਦੋਸਤੋ!

-----

ਕੌਮਾਂਤਰੀ ਮਜ਼ਦੂਰ ਦਿਵਸ ਮੁਬਾਰਕ ਦੋਸਤੋ!

ਇਸ ਮੌਕੇ ਦੁਨਿਆਂ ਭਰ ਦੇ ਕਿਰਤੀ ਕਾਮਿਆਂ ਨੂੰ ਸਲਾਮ ਕਰਦੇ ਹਾਂ।

-ਪੰਜਾਬ ਕਿਤਾਬ ਘਰ, ਮੈਲਬੌਰਨ
-----
fans

01/05/2024

30/04/2024

ਜ਼ਿਲ੍ਹਾ ਬਰਨਾਲਾ ਦੇ ਪਿੰਡ ਠੁੱਲੇਵਾਲ ਦੀ ਹੋਣਹਾਰ ਧੀ ਨੇ ਮਾਪਿਆਂ ਦਾ ਨਾਂਅ ਚਮਕਾਇਆ ਹੈ। ਪੰਜਾਬ ਸਕੂਲ ਸਿੱਖਿਆ ਬੋਰਡ ਵਲੋਂ ਐਲਾਨੇ ਨਤੀਜਿਆਂ 'ਚ ਹੋਣਹਾਰ ਵਿਦਿਆਰਥਣ ਮਹਿਕਪ੍ਰੀਤ ਕੌਰ ਨੇ 593/600 ਅੰਕਾਂ ਨਾਲ ਜ਼ਿਲ੍ਹਾ ਬਰਨਾਲਾ ਚੋਂ ਪਹਿਲਾ ਅਤੇ ਪੰਜਾਬ ਭਰ ਚੋਂ 7ਵਾਂ ਸਥਾਨ ਪ੍ਰਾਪਤ ਕਰਨ 'ਚ ਕਾਮਯਾਬੀ ਹਾਸਿਲ ਕੀਤੀ ਹੈ। ਮਾਪਿਆਂ ਨੇ ਦੱਸਿਆ ਕਿ ਮਹਿਕਪ੍ਰੀਤ ਕੌਰ ਸ਼ੁਰੂ ਤੋਂ ਹੀ ਪੜ੍ਹਾਈ 'ਚ ਕਾਫੀ ਹੁਸ਼ਿਆਰ ਹੈ, ਉਹ ਐਲ.ਐਲ.ਬੀ. ਕਰ ਕੇ ਇਕ ਸਫ਼ਲ ਵਕੀਲ ਬਣਨਾ ਚਹੁੰਦੀ ਹੈ। ਉਨ੍ਹਾਂ ਨੂੰ ਆਪਣੀ ਧੀ 'ਤੇ ਬੇਹੱਦ ਮਾਣ ਹੈ।

ਅਸੀਂ ਪਿੰਡ ਮਹਿਲ ਕਲਾਂ ਦੀ ਤਰਫ਼ੋਂ ਮਹਿਕਪ੍ਰੀਤ ਕੌਰ ਦੀ ਇਸ ਪ੍ਰਾਪਤੀ 'ਤੇ ਵਧਾਈ ਦਿੰਦੇ ਹੋਏ ਉਨ੍ਹਾਂ ਦੇ ਸੁਨਹਿਰੀ ਭਵਿੱਖ ਦੀ ਕਾਮਨਾ ਕਰਦੇ ਹਾਂ।
---
ਤੁਸੀਂ ਵੀ ਕੁਮੈਂਟ ਕਰ ਕੇ ਇਸ ਹੋਣਹਾਰ ਧੀ ਨੂੰ ਹੱਲਾਸ਼ੇਰੀ ਜ਼ਰੂਰ ਦਿਓ।

20/04/2024

ਲੋਕ ਕਵੀ ਸੰਤ ਰਾਮ ਉਦਾਸੀ ਦੇ 85ਵੇਂ ਜਨਮ ਦਿਨ ਮੌਕੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨਾਲ ਵਿਸ਼ੇਸ਼ ਗੱਲ-ਬਾਤ

https://www.youtube.com/watch?v=RzEHYrXDEFY

:- 20 April ਲੋਕ ਕਵੀ Sant Ram Udasi ਦੇ ਜਨਮ ਦਿਨ 'ਤੇ ਵਿਸ਼ੇਸ ...

20/04/2024

ਮਹਿਲ ਕਲਾਂ ਦੇ ਮਰਹੂਮ ਡਾਕਟਰ ਗੁਰਨਿੰਦਰ ਸਿੰਘ (ਸੰਸਥਾਪਕ, ਮਾਲਵਾ ਹਸਪਤਾਲ ਮਹਿਲ ਕਲਾਂ) ਦੀ ਪਹਿਲੀ ਬਰਸੀ ਮੌਕੇ ਕੱਲ੍ਹ 21 ਅਪ੍ਰੈਲ 2024, ਦਿਨ ਐਤਵਾਰ ਨੂੰ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਗੁਰਦੁਆਰਾ ਸਾਹਿਬ ਈ ਬਲਾਕ, ਬੀ.ਆਰ.ਐੱਸ. ਨਗਰ ਲੁਧਿਆਣਾ ਵਿਖੇ 12 ਤੋਂ 1 ਵਜੇ ਤੱਕ ਪਾਏ ਜਾਣਗੇ। ਆਪ ਸਭ ਨੇ ਇਸ ਮੌਕੇ ਪਹੁੰਚਣ ਦੀ ਕ੍ਰਿਪਾਲਤਾ ਕਰਨੀ ਜੀ।

20/04/2024

ਮਹਾਨ ਲੋਕ ਕਵੀ ਸੰਤ ਰਾਮ ਉਦਾਸੀ ਦੇ 85ਵੇਂ ਜਨਮ ਦਿਨ ਦੀਆਂ ਹਾਰਦਿਕ ਸ਼ੁਭ ਕਾਮਨਾਵਾਂ!

ਮੇਰੀ ਮੌਤ 'ਤੇ ਨਾ ਰੋਇਓ, ਮੇਰੀ ਸੋਚ ਨੂੰ ਬਚਾਇਓ।

ਮਹਾਨ ਲੋਕ ਕਵੀ ਸੰਤ ਰਾਮ ਉਦਾਸੀ ਦੇ 85ਵੇਂ ਜਨਮ ਦਿਨ ਦੀਆਂ ਹਾਰਦਿਕ ਸ਼ੁਭ ਕਾਮਨਾਵਾਂ!

Address

Near Bus Stand, Mehal Kalan, District Barnala
Barnala
148104

Website

http://www.mehalkalan.com/

Alerts

Be the first to know and let us send you an email when Mehal Kalan posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Mehal Kalan:

Videos

Kisan vs Grewal Live

ਬੀ.ਜੇ.ਪੀ. ਲਈ ਵੋਟਾਂ ਮੰਗਣ ਆਇਆ ਹਰਜੀਤ ਸਿੰਘ ਗਰੇਵਾਲ ਕਿਸਾਨਾਂ ਨੇ ਘੇਰਿਆ...ਫ਼ੇਰ ਆਹ ਕੁਸ਼ ਹੋਇਆ।...ਦੇਖੋ ਵੀਡੀਓ @followers #HarjitSinghGrewal #BJPPunjab #Kisan #BKUUGRAHA #bkudakaunda