https://www.youtube.com/@kannadadevotionalsongs-sgv1010

Sri Raghavendra Swami Vaibhava, C35/1, 2nd Floor, 80 Feet Road, Stage 1, KHB Colony, Basaveshwar Nagar, Bangalore (2025)

30/12/2024

,*****ರಾವಣನಿಲ್ಲದ ಮಂಡೋದರಿಯ ಬದುಕು*****
ರಾಮ ರಾವಣರ ಯುದ್ಧದಲ್ಲಿ ರಾವಣ ಮಡಿಯುತ್ತಾನೆ. ರಾವಣನಿಲ್ಲದೆ ಮಂಡೋದರಿಯ ಬದುಕು ಏನಾಗುತ್ತದೆ? ಮಂಡೋದರಿ ಸುಂದರವಾದ ಹೆಣ್ಣು. ಪ್ರಾತಃಸ್ಮರಣೀಯರಾದ ಪಂಚಕನೈಯರಲ್ಲಿ ಆಕೆಯೂ ಒಬ್ಬಳು. ಕೆಲವರ ಪ್ರಕಾರ ರಾವಣನ ಚಿತೆಯೊಂದಿಗೆ ಮಂಡೋದರಿಯೂ ಅಗ್ನಿಯನ್ನು ಪ್ರವೇಶಿಸುತ್ತಾಳೆ. ಮತ್ತೆ ಕೆಲವರ ಪ್ರಕಾರ ಮಂಡೋದರಿ ಲಂಕಾಧಿಪತಿ ವಿಭೀಷಣನನ್ನು ಮದುವೆಯಾಗುತ್ತಾಳೆ. ಹೌದು, ಚಿಂತನೆಗಳು ಬೇರೆಯಾದರೂ

ಆಕೆಯದು ಮಹೋನ್ನತ ವ್ಯಕ್ತಿತ್ವ ಎಂಬುದರಲ್ಲಿ ಎರಡು ಮಾತಿಲ್ಲ.

ನಮ್ಮ ಬದುಕಿನ ಪ್ರತಿಯೊಂದು ಘಟನಾವಳಿಗಳು ಎರಡು ಮಗ್ಗುಲಿನಿಂದ ಕೂಡಿರುತ್ತವೆ. ಮೊದಲನೆಯದಲ್ಲಿ ಸಂಕಷ್ಟವಿದ್ದರೆ ಮತ್ತೊಂದರಲ್ಲಿ ಸಂತೋಷವಿರುತ್ತದೆ. ರಾವಣನ ಪತ್ನಿಯಾಗಿ ಮಂಡೋದರಿ ಸ್ವರ್ಣ ಲಂಕೆಯ ಮಹಾರಾಣಿಯಾಗಿದ್ದಳು.

ಕಥೆಯೊಂದರಂತೆ ಮಧುರ ಎಂಬ ಅಪ್ಸರೆ ಪಾರ್ವತಿ ಇಲ್ಲದ ಸಮಯದಲ್ಲಿ ಕೈಲಾಸ ಪರ್ವತಕ್ಕೆ ಭೇಟಿ ಕೊಡುತ್ತಾಳೆ. ಶಿವನನ್ನೇ ನೋಡುತ್ತಾ ಕೂಡುತ್ತಾಳೆ. ಅದೇ ಸಮಯಕ್ಕೆ ಬಂದ ಪಾರ್ವತಿ ಈ ದೃಶ್ಯವನ್ನು ಕಂಡು ಕೋಪಗೊಂಡು ಮಧುರ ಅಪ್ಸರೆಯನ್ನು ಶಪಿಸುತ್ತಾಳೆ. ಪಾರ್ವತಿಯ ಶಾಪದ ಕಾರಣ ಮಧುರ ಕಪ್ಪೆಯಾಗಿ ಬದಲಾಗುತ್ತಾಳೆ. ಶಿವನ ಅನುಜ್ಞೆಯಂತೆ ಪಾರ್ವತಿ ಮಧುರಳ ಶಾಪದ ಅವಧಿಯನ್ನ 12 ವರ್ಷಕ್ಕೆ ಸೀಮಿತಗೊಳಿಸುತ್ತಾಳೆ. 12 ವರ್ಷಗಳ ಸುದೀರ್ಘ ತಪಸ್ಸಿನ ನಂತರ ನಿನ್ನ ಶಾಪ ವಿಮೋಚನೆಯಾಗುತ್ತದೆ ಎನ್ನುತ್ತಾಳೆ. ಶಾಪ ವಿಮೋಚನೆಯ ನಂತರ ಅಪ್ಸರೆ ಮಧುರಾಳೇ ಮಂಡೋದರಿಯಾಗಿ ಬದಲಾಗುತ್ತಾಳೆ. ಮಾಯಾಸುರ ಮತ್ತು ಹೇಮಾಳ ದತ್ತು ಪುತ್ರಿಯಾಗುತ್ತಾಳೆ. ಒಮ್ಮೆ ರಾವಣಾಸುರ ಮಾಯಾಸುರನ ಅರಮನೆಗೆ ಬರುತ್ತಾನೆ. ಮಂಡೋದರಿಯನ್ನು ಕಂಡು ಆಕೆಯಲ್ಲಿ ಅನುರಕ್ತನಾಗಿ ಮದುವೆಯಾಗುತ್ತಾನೆ. ಮಂಡೋದರಿಗೆ ಮೂವರು ಮಕ್ಕಳಾಗುತ್ತಾರೆ. ಅವರೇ ಮೇಘನಾದ, ಅತಿಕಾಯ ಮತ್ತು ಅಕ್ಷಯಕುಮಾರ.

ರಾವಣ ಸೀತೆಯನ್ನು ಅಪಹರಿಸಿ ಲಂಕೆಗೆ ಕರೆತಂದಾಗ ಮಂಡೋದರಿ ಬುದ್ದಿ ಹೇಳುತ್ತಾಳೆ. ಪರಸ್ತ್ರೀ ವ್ಯಾಮೋಹ ಸಲ್ಲದು ಎಂದು ತಿಳಿಹೇಳುತ್ತಾಳೆ.

ದುರುಳ ರಾವಣ ಮಂಡೋದರಿಯ ಮಾತು ಕೇಳದೆ ತನ್ನ ಅಪಾಯವನ್ನು ತಾನೇ ತಂದುಕೊಳ್ಳುತ್ತಾನೆ. ಯುದ್ಧಾನಂತರ ಮಂಡೋದರಿ ರಣಭೂಮಿಗೆ ಭೇಟಿ ಕೊಡುತ್ತಾಳೆ. ಯುದ್ಧಭೂಮಿಯಲ್ಲಿ ಮೃತ ಗಂಡ, ಮಕ್ಕಳ ಶವವನ್ನು ನೋಡಿ ಆಕ್ರಂದನಗೈಯುತ್ತಾಳೆ. ಆದರೆ ಆಕೆಗೆ ರಾಮ ಸಾಮಾನ್ಯ ಮನುಷ್ಯನಲ್ಲ ಸಾಕ್ಷಾತ್ ಮಹಾವಿಷ್ಣುವಿನ ಅವತಾರ ಎಂಬುದು ತಿಳಿಯುತ್ತದೆ.

ರಾವಣನ ಸಾವಿಗೆ ಕಾರಣ

ಬಹಳಷ್ಟು ಮಂದಿ ವಿಭೀಷಣನ ಕಾರಣ ರಾವಣ ಮೃತಪಟ್ಟ ಎನ್ನುತ್ತಾರೆ. ಆದರೆ ರಾವಣನ ನಿಜವಾದ ಸಾವಿಗೆ ಕಾರಣಳೆಂದರೆ ಮಂಡೋದರಿ ಎಂದರೆ ನಿಮಗೆ ಆಶ್ಚರ್ಯವೆನಿಸಬಹುದು.

ರಾಮ ರಾವಣರ ಯುದ್ಧದಲ್ಲಿ ರಾವಣನ ವಕ್ಷಸ್ಥಳದಲ್ಲಿರುವ ಅಮೃತಕುಂಭದ ಸೂಚನೆ ಕೊಟ್ಟವನೇ ವಿಭೀಷಣ. ಆ ಕುಂಭವಿರುವ ತನಕ ರಾವಣನನ್ನು ಜಯಿಸಲು ಯಾರಿಂದಲೂ ಸಾಧ್ಯವಾಗಬಾರದು ಎಂಬ ವರವಿರುತ್ತದೆ. ರಾವಣನ ಮೇಲೆ ಅಮೋಘವಾದ ಅಸ್ತ್ರಗಳನ್ನು ರಾಮ ಪ್ರಯೋಗಿಸುತ್ತಾನೆ. ಆಗ ವಿಭೀಷಣ ಬಂದು ಹೇಳುತ್ತಾನೆ. 'ಹೇ ರಾಮ, ನೀನು ಎಷ್ಟೇ ಶಕ್ತಿಯುತವಾದ ಅಸ್ತ್ರವನ್ನು ರಾವಣನ ಮೇಲೆ ಪ್ರಯೋಗಿಸಿದರೂ ಪ್ರಯೋಜನವಿಲ್ಲ. ಅವನನ್ನು ನಾಶ ಮಾಡಬಲ್ಲ ಅಸ್ತ್ರವು ಮಂಡೋದರಿಯ ಬಳಿಯಿದೆ' ಎನ್ನುತ್ತಾನೆ.

ರಾಮನ ಸೂಚನೆಯಂತೆ ಹನುಮಂತ ರಾವಣನ ಅರಮನೆಗೆ ತೆರಳುತ್ತಾನೆ. ರಾಮ, ರಾವಣರ ಯುದ್ಧದ ನಡುವೆ ಬ್ರಾಹ್ಮಣನಂತೆ ವೇಷ ಧರಿಸುತ್ತಾನೆ. ರಹಸ್ಯವಾಗಿ ಮಂಡೋದರಿಯ ಅಂತಃಪುರವನ್ನು ಹನುಮಂತ ಪ್ರವೇಶಿಸುತ್ತಾನೆ. ಮಂಡೋದರಿಯನ್ನು ಕೆಣಕುತ್ತಾನೆ. ಆಕೆಯ ಬಳಿ ಇರುವ ಅಸ್ತ್ರವನ್ನು ತನ್ನ ವಶಪಡಿಸಿಕೊಳ್ಳುತ್ತಾನೆ. ಇನ್ನೇನು ಹನುಮಂತ ಅಂತಃಪುರದಿಂದ ಹಾರಬೇಕು ಎನ್ನುವಷ್ಟರಲ್ಲಿ ಮಂಡೋದರಿಗೆ ವಿಷಯ ತಿಳಿಯುತ್ತದೆ. ಅಷ್ಟು ಹೊತ್ತಿಗಾಗಲೇ ಹನುಮಂತ ರಣಭೂಮಿಯತ್ತ ತೆರಳಿರುತ್ತಾನೆ. ಹನುಮನಿತ್ತ ಅಸ್ತ್ರದ ಸಹಾಯದಿಂದ ರಾಮ ರಾವಣನನ್ನು ಸಂಹರಿಸುತ್ತಾನೆ. ತನ್ನ ಪತಿಯ ಮೃತದೇಹವನ್ನು ಕಂಡ ಮಂಡೋದರಿ ಕೋಪಾವೇಶದಿಂದ ರಾಮನನ್ನು ಕುರಿತು ಹೀಗೆ ಹೇಳುತ್ತಾಳೆ. 'ಯಾರು ನನ್ನಿಂದ ಉಪಾಯವಾಗಿ ಅಸ್ತ್ರವನ್ನು ಸಂಪಾದಿಸಿದರೋ, ಅವರು ನಿನ್ನಿಂದ ದೂರವಾಗಲಿ. ನನ್ನ ಈ ದಿನದ ಪರಿಸ್ಥಿತಿಯಂತೆಯೇ, ಹೇಗೆ ನಾನು ದುಃಖದ ಮಡುವಿನಲ್ಲಿದ್ದೇನೆಯೋ ಹಾಗೆಯೇ ನೀನು ಸಹ ದುಃಖದಲ್ಲಿ ಮುಳುಗುವಂತಾಗಲಿ'. ಮಂಡೋದರಿಯ ಶಾಪದಂತೆ ಮುಂದೆ ರಾಮನಿಂದ ಆಂಜನೇಯ ಬೇರ್ಪಡುತ್ತಾನೆ... 🌺🙏🌺

ಸಂಗ್ರಹ: ಆಧ್ಯಾತ್ಮಿಕ ಸ್ವಾರಸ್ಯ ಕಥೆಗಳು. — at Vijaya Gardens,Baridih,Jamshedpur.

30/12/2024

***********-:ಪಾಪ ನಾಶಿನಿ ಗಂಗೆ :- ***********
*****ನಿಜವಾಗಿ ಗಂಗಾನದಿಯಲ್ಲಿ ಸ್ನಾನ ಮಾಡಿದರೆ ಪಾಪ ನಾಶವಾಗುತ್ತದೆಯಾ.*****ಒಮ್ಮೆ ಶಿವ ಪಾರ್ವತಿಯರು ಹರಿದ್ವಾರದ ಆಕಾಶದಲ್ಲಿ ಸಂಚರಿಸುತ್ತಿದ್ದರು.
ಕೆಳಗೆ ಪರಮ ಪಾವನೆ ಗಂಗಾ ನದಿಯಲ್ಲಿ ಮುಳುಗಿ ಸ್ನಾನ ಮಾಡಲು ಜನಸಾಗರವೇ ಹರಿದು ಬರುತ್ತಿತ್ತು. ಹಾಗೆ ಬಂದವರು ಪಾವನೆ ಗಂಗೆಯಲ್ಲಿ ಮುಳಗಿ ಹರೇ ಕೃಷ್ಣ ಹರೇ ರಾಮ ಎಂದು ಪಠಿಸುತ್ತಾ ಸ್ನಾನ ಮಾಡಿ ಮಡಿ ಬಟ್ಟೆ ಧರಿಸಿ “ಹರ ಹರ ಮಹಾದೇವ - ಹರ ಹರ ಗಂಗೆ” ಎಂದು ಪ್ರಾರ್ಥಿಸಿ ಭಗವಂತನ ದರ್ಶನ ಮಾಡಲು ಹೋಗುತ್ತಿದ್ದರು. ಗಂಗಾ ನದಿ ಸ್ನಾನಕ್ಕೆಂದು ನಿತ್ಯವು ಸಾವಿರಾರು ಸಂಖ್ಯೆಯಲ್ಲಿ ಜನರು ಬರುತ್ತಿದ್ದರು ಗಂಗೆಯಲ್ಲಿ ಮುಳುಗು ಹಾಕಿ ಸ್ನಾನ ಮಾಡುತ್ತಿ ದ್ದರು. ಆಕಾಶಮಾರ್ಗದಲ್ಲಿ ವಿಹರಿಸುತ್ತಿದ್ದ ಪಾರ್ವತಿ ಇದನ್ನು ನೋಡಿದ ಅವಳಿಗೆ
ಪಾಪನಾಶಿನಿ ಗಂಗೆಯಲ್ಲಿ ಸ್ನಾನ ಮಾಡಿದರು ಅವರು ಸಂತೋಷವಾಗಿಲ್ಲ ಏಕೆ ಹೀಗೆ ಎಂದು ಅವಳಿಗೆ ಆಶ್ಚರ್ಯವಾಯಿತು. ಅವಳು ಶಿವನಲ್ಲಿ ಕೇಳಿದಳು.

ಸ್ವಾಮಿ, ಜನರು ಪವಿತ್ರ ಗಂಗೆಯಲ್ಲಿ ಎಷ್ಟು ಸಲ ಸ್ನಾನ ಮಾಡಿದರೂ ಈ ಜನರ ದುಃಖ ಮತ್ತು ಪಾಪ ಏಕೆ ನಾಶವಾಗುತ್ತಿಲ್ಲ. ಇವರ ಪಾಪಗಳನ್ನು ನಾಶಪಡಿಸುವ ಶಕ್ತಿ ಗಂಗೆಯಲ್ಲಿ ಇಲ್ಲವೇ ಎಂದು ಕೇಳಿದಳು. ಶಿವನು ಪಾರ್ವತಿ ಈ ಪ್ರಶ್ನೆಗೆ ದೇವಿ, “ಗಂಗೆಗೆ ಜನಗಳ ಪಾಪ ತೊಳೆಯುವ ಸಾಮರ್ಥ್ಯವಿದೆ. ಆದರೆ ಈ ಜನರು ಪವಿತ್ರ ಗಂಗೆಯಲ್ಲಿ ಸ್ನಾನ ಮಾಡದೆ ಬರೀ ನೀರಿನಲ್ಲಿ ಮುಳಗೇಳುತ್ತಿದ್ದಾರೆ. ಹೀಗಿರುವಾಗ ಪಾಪ ಹೇಗೆ ನಾಶವಾಗುತ್ತದೆ ಎಂದು ಹೇಳಿದನು. ಇನ್ನು ಆಶ್ಚರ್ಯಕ್ಕೆ ಒಳಗಾದ
ಅವಳು ಸ್ವಾಮಿ, ಅವರೆಲ್ಲ ಗಂಗೆಯಲ್ಲಿ ಸ್ನಾನ ಮಾಡುತ್ತಿದ್ದಾರೆ ಎನ್ನುವುದಕ್ಕೆ ಅವರ ಶರೀರದ ಮೇಲೆ ಇನ್ನು ನೀರು ನೀರು ಇಳಿಯುತ್ತಿದೆ ಎಂದಳು. ದೇವಿ ಅವರು ಗಂಗೆಯಲ್ಲಿ ಸ್ನಾನ ಮಾಡುತ್ತಿಲ್ಲ, ಇನ್ನು ಆಶ್ಚರ್ಯದಿಂದ ಅದು ಹೇಗೆ ಹೇಳುವಿರಿ ಎಂದಾಗ, ಶಿವನು ದೇವಿ ನಿನಗೆ ನಾಳೆ ತಿಳಿಸುವೆ ಎಂದನು.

ಮರುದಿನ ಪರಮೇಶ್ವರನು ತನ್ನ ಲೀಲೆಯಿಂದ ವೃದ್ಧ ಬ್ರಾಹ್ಮಣನಾದನು. ಮೈ ಕೈ ನಡುಗುತ್ತಿದೆ ಹಣ್ಣು ಹಣ್ಣು ಮುದುಕ, ಬಂದವನೇ ಗಂಗೆಯಲ್ಲಿ ಸ್ನಾನಕ್ಕೆ ಇಳಿದು ವಾಲಾಡುತ್ತಾ ಎದುಸಿರು ಬಿಡುತ್ತಾ ಎದ್ದು ಬಿದ್ದು ಒದ್ದಾಡುತ್ತಿದ್ದವನು ಒಮ್ಮೆ ನದಿಯ ಒಂದು ಗುಂಡಿ ಜಾಗದಲ್ಲಿ ಬಿದ್ದನು. ಆ ಗುಂಡಿಯಿಂದ ಕಾಲು ಎತ್ತಲು ಅವನಿಂದ ಆಗಲಿಲ್ಲ. ಪಾರ್ವತಿಯನ್ನು ಕೂಗಿ, ಯಾರನ್ನಾದರೂ ಸಹಾಯಕ್ಕೆ ಕರಿ
ಎಂದು ಅವಳ ಕಿವಿಯಲ್ಲಿ ಎಲ್ಲವನ್ನು ಹೇಳಿದ. ಪಾರ್ವತಿ ತಕ್ಷಣ ಎದುರಿಗಿದ್ದ ಜನಗಳ ಗುಂಪಿಗೆ ಕೇಳುವಂತೆ, ದಯವಿಟ್ಟು ಯಾರಾದರೂ ನನಗೆ ಸಹಾಯ ಮಾಡಿ ನನ್ನ ವಯಸ್ಸಾದ ಪ್ರತಿ ಗಂಗೆಯ ಹೊಂಡದಲ್ಲಿ ಬಿದ್ದಿದ್ದಾರೆ. ಅವರಿಗೆ ಹೇಳಲು ಶಕ್ತಿ ಇಲ್ಲ ಮೇಲೆ ಬರಲು ಸಹಾಯ ಮಾಡಿ, ನನಗೂ ವಯಸ್ಸಾಗಿದೆ ಶಕ್ತಿ ಇಲ್ಲ ಬನ್ನಿ ಯಪ್ಪಾ ಎಂದು ಕೂಗಿ ಕರೆದಳು.

ಅವಳ ಕೂಗು ಕೇಳಿ ಒಂದಷ್ಟು ಜನ ದಾವಿಸಿ ಬಂದು ಮುದುಕನನ್ನು ಎತ್ತಿ ತರಲು ಹೊರಟರು. ಆಗ ಪಾರ್ವತಿ ಅವರನ್ನು ತಡೆದು,ನೋಡಿ ನನ್ನ ಪತಿ ಯಾವುದೇ ಪಾಪ ಕಾರ್ಯ ಮಾಡದ ಮಹಾ ಪುಣ್ಯವಂತ ನಾಗಿದ್ದಾನೆ. ಅವರನ್ನು ಮುಟ್ಟುವವ ರು ಪಾಪರಹಿತರಾಗಿರಬೇಕು. ಇಲ್ಲದಿದ್ದರೆಅವರನ್ನು ಮುಟ್ಟುತ್ತಲೇ ಭಸ್ಮವಾಗುವರು ಎಂದಾಗ ಬಂದ ಜನ ಹೆದರಿ ಹಿಂದೆ ಸರಿದರು ಏಕೆಂದರೆ ಅವರ್ಯಾರಿಗೂ ಸಾಯಲು ಇಷ್ಟವಿರಲಿಲ್ಲ.

ಶಿವ ಪಾರ್ವತಿಗೆ ಹೇಳಿದ, ನೋಡಿದೆಯಾ? ದೇವಿ ಯಾರೊಬ್ಬರೂ ಮೇಲೆ ಎತ್ತಲು ಬರಲಿಲ್ಲ ಅವರಲ್ಲಿ ಒಬ್ಬನಿಗಾದರೂ‘ಗಂಗೆ’ ಪಾಪನಾಶಿನಿ ಎಂಬ ನಂಬಿಕೆ ಇರಲಿಲ್ಲ, ನಂಬಿಕೆ ಇದ್ದವರು ನನ್ನನ್ನು ಮೇಲೆತ್ತಲು ಬಂದರೆ, ಎನ್ನುತ್ತಿದ್ದಂತೆ ಒಬ್ಬ ಯುವಕ ಮುದುಕನನ್ನು ಮೇಲೆತ್ತಲು ಬಂದಾಗ, ಪಾರ್ವತಿ ಅವನನ್ನು ತಡೆದು, ಆತನಿಗೂ ನಿಬಂಧನೆ ಹೇಳಿದಳು. ಆದರೆ ಯುವಕ ದೃಢ ನಿಶ್ಚಯದಿಂದ ಪಾರ್ವತಿಗೆ ಹೇಳಿದ. ಅಮ್ಮಾ, ನಾನೂ ಪಾಪ ಕಾರ್ಯ ಮಾಡಿರುವೆ ಎಂಬ ಸಂದೇಹ ನಿಮಗೆ ಬಂದಿದೆ. ನಾನು ಅರಿವಿದ್ದು ಅರಿವಿಲ್ಲದೆಯೋ ಪಾಪ ಕಾರ್ಯ ಮಾಡಿದ್ದೇನೆ. ಆದರೂ ಹೇಳುತ್ತೇನೆ ನೀವೇ ನೋಡಿದಂತೆ ನಾನು ಇದೇ ಈಗ ತಾನೇ ಶುದ್ಧ ಮನಸ್ಸಿನಿಂದ ಗಂಗೆಯಲ್ಲಿ ಸ್ನಾನ ಮಾಡಿ ಮಡಿಬಟ್ಟೆ ಉಟ್ಟು ಬಂದಿದ್ದೇನೆ. ಇಂಥ ಪವಿತ್ರ ಪಾಪನಾಶಿನಿ ಗಂಗೆಯಲ್ಲಿ ಮುಳುಗಿ ಸ್ನಾನ ಮಾಡಿದ ಮೇಲೆ ಇನ್ನು ನನ್ನ ಪಾಪ ಕರ್ಮಗಳು ಉಳಿಯಲು ಹೇಗೆ ಸಾಧ್ಯ? ನೀವು ಹೆದರಬೇಡಿ ನಾನು ನೀರಿನ ಕೊಂಡದಲ್ಲಿ ಸಿಕ್ಕಿಕೊಂಡಿರುವ ನಿಮ್ಮ ಪತಿಯನ್ನು ಮೇಲಕ್ಕೆತ್ತಿ ತರುತ್ತೇನೆ ಎಂದು ಪಾರ್ವತಿಗೆ ಹೇಳಿ ನದಿಗೆ ಇಳಿದು ಆಕೆಯ ಪತಿಯನ್ನು ಹೊಂಡದಿಂದ ಮೇಲೆತ್ತಿ ದಡಕ್ಕೆ ತಂದನು.

ಪಾಪ ಮಾಡದಿರುವವರು ಯಾರು ಇಲ್ಲ . ಮನುಷ್ಯನಾದ ಮೇಲೆ ಸರಿ- ತಪ್ಪುಗಳ
ನಡುವೆ ಜೀವನ ಮಾಡಬೇಕು.‌ ಇದಕ್ಕಾಗಿಯೇ “ಗಂಗಾ ಸ್ನಾನಂ ತುಂಗಾಪಾನಂ”
ಎಂಬ ನಾಣ್ನುಡಿ ಬಂದಿರುವುದು. ಶುದ್ಧವಾದ ಮನಸ್ಸಿನಿಂದ “ಗಂಗೆಯಲ್ಲಿ ಮುಳುಗಿ ಸ್ನಾನ ಮಾಡಿದರೆ ಪಾಪ ನಾಶವಾಗುತ್ತದೆ ಎಂಬ ನಂಬಿಕೆ ಸ್ನಾನ ಮಾಡುವವರಲ್ಲಿ ಇರಬೇಕು. “ನಂಬಿಕೆ” ಎಂಬ ಶಕ್ತಿಯಿಂದ ಪಾಪ ಪರಿಹಾರ ಆಗುತ್ತದೆ ಅಥವಾ ಬೇರೆ ಯಾವುದೇ ಪುಣ್ಯಕಾರ್ಯಗಳನ್ನು ಮಾಡಿದರೂ, ಮಾಡಿದ ಪಾಪಗಳು ಕಳೆಯುತ್ತ ವೆ, ಮತ್ತೆ ಮತ್ತೆ ಪಾಪ ಕಾರ್ಯ ಮಾಡದಂತೆ ಎಚ್ಚರಿಕೆಯಿಂದ ಇರಬೇಕು.‌ ಮಾಡು ವ ಕರ್ತವ್ಯದಲ್ಲಿ ವಿಶ್ವಾಸವಿದ್ದರೆ ಸ್ನಾನ, ದಾನ, ಭಗವಂತನ ನಾಮಸ್ಮರಣೆ, ಪೂಜೆ, ಭಜನೆ ಏನೇ ಮಾಡಿದರೂ ಪಾಪ ಕಳೆದು ಕಿಂಚಿತ್ ಪುಣ್ಯದ ಫಲ ಅವಶ್ಯವಾಗಿ ಸಿಗುತ್ತದೆ ಎಂದು ಶಿವ ಪಾರ್ವತಿಗೆ ತಿಳಿಸಿದನು.

ಆ ಪೂಜೆ ಮಾಡಿದೆವು, ಈ ವ್ರತ ಮಾಡಿದೆವು, ದಾನ ಮಾಡಿದೆವು ಪುಣ್ಯಕ್ಷೇತ್ರ
ದಲ್ಲಿ ಮಿಂದು ಬಂದೆವು.‌ ಆದರೂ ಸಮಸ್ಯೆ ಪರಿಹಾರವಾಗಲಿಲ್ಲ ಎಂದರೆ, ಒಂದೊ ತಾಳ್ಮೆಯಿಂದ ಕಾಯಬೇಕು, ಇಲ್ಲ ನಾವು ಮಾಡುವ ಕಾರ್ಯದಿಂದ ಒಳ್ಳೆಯದು ಆಗೇ ಆಗುತ್ತದೆ ಎಂಬ ನಂಬಿಕೆ ಇರಬೇಕು. ನಮ್ಮ ಅವಸರಕ್ಕೆ ಆಗುವುದಿಲ್ಲ ಕೆಲವು ಕರ್ಮಗಳು ಕಳೆಯಬೇಕು, ಪುಣ್ಯ ಪ್ರಾಪ್ತಿಯಾಗಬೇಕು.

ಅಪವಿತ್ರ: ಪವಿತ್ರೋ ವಾ
ಸರ್ವಾವಸ್ಥಾಂ ಗತೋಪಿ ವಾ!
ಯ: ಸ್ಮರೇತ್ ಪುಂಡರಿಕಾಕ್ಷಂ
ಸ ಬಾಹ್ಯಾ ಭ್ಯಂತರಶ್ಯುಚಿ: !!

ಅಪವಿತ್ರನಾಗಿರಲಿ, ಪವಿತ್ರನಾಗಿರಲಿ, ಯಾವುದೇ ಅವಸ್ಥೆಯನ್ನು ಹೊಂದಿದವನಾಗಿರಲಿ, ಯಾರು ಪುಂಡರೀಕಾಕ್ಷನನ್ನು ಮರಿಸುತ್ತಾರೋ
ಅವರು ಒಳಗೂ ಹೊರಗೂ ಶುಚಿಯುಳ್ಳವರಾಗುತ್ತಾರೆ.

ವಂದನೆಗಳೊಂದಿಗೆ,
ಬರಹ:- ಆಶಾ ನಾಗಭೂಷಣ. — at Vijaya Gardens,Baridih,Jamshedpur.

30/12/2024

ಇಂದಿನ ಶ್ರೀ ಪಂಚಮುಖಿ ಆಂಜನೇಯ ಸ್ವಾಮಿಯ ದರ್ಶನ. (ಗಾಣದಾಳ). ಮಂತ್ರಾಲಯ. 30/12/24🙏🏻❤️🌼

30/12/2024

ಸೋಮವಾರ ಶಿವನ ಅನುಗ್ರಹ ಪಡೆಯಲು

1) ಶಿವೋಹಂ ಶಿವೋಹಮ್
ರಚನೆ: ಆದಿ ಶಂಕರಾಚಾರ್ಯರು

ಮನೋ ಬುಧ್ಯಹಂಕಾರ ಚಿತ್ತಾನಿ ನಾಹಂ ನ ಚ ಶ್ರೋತ್ರ ಜಿಹ್ವಾ ನ ಚ ಘ್ರಾಣನೇತ್ರಮ್ | ನ ಚ ವ್ಯೋಮ ಭೂಮಿರ್-ನ ತೇಜೋ ನ ವಾಯುಃ ಚಿದಾನಂದ ರೂಪಃ ಶಿವೋಹಂ ಶಿವೋಹಮ್ || 1 ||

ನಾನು ಮನಸ್ಸು, ಬುದ್ಧಿ , ಅಹಂಕಾರ , ವಿಚಾರಗಳಿಗೆ ನಿಲುಕುವವನಲ್ಲ..ನಾನು ಕಿವಿ , ನಾಲಿಗೆ , ಮೂಗು , ಕಣ್ಣುಗಳಿಂದ ಗ್ರಹಿಸಲ್ಪಡುವವನಲ್ಲ..ನಾನು ಆಕಾಶ , ಭೂಮಿ , ಬೆಂಕಿ , ವಾಯುಗಳಿಗೂ ಸಿಗುವವನಲ್ಲ..ಚಿದಾನಂದರೂಪನಾದಂತಹ (ಜ್ಞಾನ ಹಾಗೂ ಆನಂದ) ಶಿವ ನಾನು ಶಿವ ನಾನು..

ಅಹಂ ಪ್ರಾಣ ಸಂಜ್ಞೋ ನ ವೈ ಪಂಚ ವಾಯುಃ ನ ವಾ ಸಪ್ತಧಾತುರ್-ನ ವಾ ಪಂಚ ಕೋಶಾಃ | ನವಾಕ್ಪಾಣಿ ಪಾದೌ ನ ಚೋಪಸ್ಥ ಪಾಯೂ ಚಿದಾನಂದ ರೂಪಃ ಶಿವೋಹಂ ಶಿವೋಹಮ್ || 2 ||

ನಾನು ಚಲನೆಯಲ್ಲಿರುವ ಪ್ರಾಣವಲ್ಲ , ಪಂಚವಾಯುವಲ್ಲ , ಸಪ್ತಧಾತುಗಳಲ್ಲ , ಪಂಚಕೋಶನಲ್ಲ , ಮಾತು , ಕೈ , ಪಾದಗಳಿಗೂ ನಿಲುಕುವವನಲ್ಲ ನಾನು ಚಿದಾನಂದರೂಪನಾದ ಶಿವ , ಶಿವ..

ನ ಮೇ ದ್ವೇಷರಾಗೌ ನ ಮೇ ಲೋಭಮೋಹೌ ಮದೋ ನೈವ ಮೇ ನೈವ ಮಾತ್ಸರ್ಯಭಾವಃ | ನ ಧರ್ಮೋ ನ ಚಾರ್ಥೋ ನ ಕಾಮೋ ನ ಮೋಕ್ಷಃ ಚಿದಾನಂದ ರೂಪಃ ಶಿವೋಹಂ ಶಿವೋಹಮ್ || 3 ||

ನನಗೆ ದ್ವೇಷ – ಪ್ರೇಮಗಳಿಲ್ಲ , ಲೋಭ-ಮೋಹಗಳಿಲ್ಲ , ಅಹಂಕಾರ-ಮಾತ್ಸರ್ಯಗಳಿಲ್ಲ,ಧರ್ಮ-ಅರ್ಥ-ಕಾಮ ಮೋಕ್ಷಗಳಿಲ್ಲ..ಚಿದಾನಂದರೂಪನಾದ ನಾನು ಶಿವ , ನಾನು ಶಿವ

ನ ಪುಣ್ಯಂ ನ ಪಾಪಂ ನ ಸೌಖ್ಯಂ ನ ದುಃಖಂ ನ ಮಂತ್ರೋ ನ ತೀರ್ಥಂ ನ ವೇದಾ ನ ಯಜ್ಞಃ | ಅಹಂ ಭೋಜನಂ ನೈವ ಭೋಜ್ಯಂ ನ ಭೋಕ್ತಾ ಚಿದಾನಂದ ರೂಪಃ ಶಿವೋಹಂ ಶಿವೋಹಮ್ || 4 ||

ಪುಣ್ಯ-ಪಾಪಗಳಿಲ್ಲ , ಸುಖ-ದುಃಖಗಳಿಲ್ಲ , ಮಂತ್ರ , ತೀರ್ಥ , ವೇದ , ಯಜ್ಞಗಳು ಬೇಕಿಲ್ಲ , ಭೋಜನ , ತಿಂಡಿಗಳನ್ನು ಸೇವಿಸುವವನಲ್ಲ..ಆದರೆ ಚಿದಾನಂದರೂಪನಾದ ನಾನು ಶಿವ, ಶಿವ…

ನ ಮೃತ್ಯುರ್-ನ ಶಂಕಾ ನ ಮೇ ಜಾತಿ ಭೇದಃ ಪಿತಾ ನೈವ ಮೇ ನೈವ ಮಾತಾ ನ ಜನ್ಮ | ನ ಬಂಧುರ್-ನ ಮಿತ್ರಂ ಗುರುರ್ನೈವ ಶಿಷ್ಯಃ ಚಿದಾನಂದ ರೂಪಃ ಶಿವೋಹಂ ಶಿವೋಹಮ್ || 5 ||

ನನಗೆ ಮೃತ್ಯುವಿಲ್ಲ , ಅನುಮಾನವಿಲ್ಲ , ನನಗೆ ಜಾತಿಭೇದಗಳಿಲ್ಲ , ತಂದೆ-ತಾಯಿಗಳಿಲ್ಲ,ಜನ್ಮವಿಲ್ಲ , ಬಂಧುಗಳಿಲ್ಲ , ಮಿತ್ರರಿಲ್ಲ , ಗುರುವಿಲ್ಲ , ಶಿಷ್ಯರಿಲ್ಲ ನಾನು ಚಿದಾನಂದರೂಪನಾದ ಶಿವ ಶಿವ..

ಅಹಂ ನಿರ್ವಿಕಲ್ಪೋ ನಿರಾಕಾರ ರೂಪೋ ವಿಭೂತ್ವಾಚ್ಚ ಸರ್ವತ್ರ ಸರ್ವೇಂದ್ರಿಯಾಣಾಮ್ | ನ ವಾ ಬಂಧನಂ ನೈವ ಮುಕ್ತಿರ್ ನ ಬಂಧಃ ಚಿದಾನಂದ ರೂಪಃ ಶಿವೋಹಂ ಶಿವೋಹಮ್ || 6 ||

ಸಂದೇಹಗಳಿಲ್ಲ, ಆಕಾರವಿಲ್ಲ , ಜ್ಞಾನದಿಂದ ಶರೀರದ ಯಾವ ಇಂದ್ರಿಯಗಳ ಜೊತೆಗೂ ಸಂಬಂಧ ಹೊಂದಿದವನಲ್ಲ , ನನಗೆ ಬಂಧನ-ಮುಕ್ತಿಗಳಿಲ್ಲ..ಚಿದಾನಂದರೂಪನಾದ ನಾನು ಶಿವ ಶಿವ..

ಶಿವೋಹಂ ಶಿವೋಹಂ, ಶಿವೋಹಂ ಶಿವೋಹಂ ನಾನು ಶಿವ , ನಾನು ಶಿವ , ನಾನು ಶಿವ , ನಾನು ಶಿವ ಆರು ಶ್ಲೋಕಗಳಿರುವುದಕ್ಕೆ ಷಟ್ಕಮ್ ಎಂದು ಕರೆಯುತ್ತಾರೆ..

ಶ್ರೀ ಶಂಕರ ಭಗವತ್ಪಾದರಿಂದ ರಚಿತವಾದ ಸ್ತೋತ್ರ ಶ್ರೀ ನಿರ್ವಾಣ-ಷಟ್ಕಮ್. ಆಚಾರ್ಯರು , ಭಗವಾನ್ ಶಂಕರನ ಸ್ವರೂಪವನ್ನು ಸರಳ-ಸುಂದರವಾಗಿ ತಿಳಿಸಿದ್ದಾರೆ.. ಯಾವ ಚಿಂತನೆಗೂ ನಿಲುಕದ ,

ಚಿದಾನಂದ ಸ್ವರೂಪನಾದ ಶಂಕರ ಲೋಕಕ್ಕೆ ಸನ್ಮಂಗಲವನ್ನುಂಟುಮಾಡಲಿ.

2) ಶಿವಮಾನಸ ಪೂಜೆ.
ರಚನೆ : ಆದಿ ಶಂಕರಾಚಾರ್ಯರು

ರತ್ನೈಃ ಕಲ್ಪಿತಮಾಸನಂ ಹಿಮಜಲೈಃ ಸ್ನಾನಂ ಚ ದಿವ್ಯಾಂಬರಂ , ನಾನಾರತ್ನ ವಿಭೂಷಿತಂ ಮೃಗಮದಾ ಮೋದಾಂಕಿತಂ ಚಂದನಮ್ | ಜಾತೀ ಚಂಪಕ ಬಿಲ್ವಪತ್ರ ರಚಿತಂ ಪುಷ್ಪಂ ಚ ಧೂಪಂ ತಥಾ , ದೀಪಂ ದೇವ ದಯಾನಿಧೇ ಪಶುಪತೇ ಹೃತ್ಕಲ್ಪಿತಂ ಗೃಹ್ಯತಾಮ್ || 1 ||

ಹೇ ಪಶುಪತಿ (ಈಶ್ವರ) , ರತ್ನಗಳಿಂದ ಮಾಡಲ್ಪಟ್ಟಿರುವ ಈ ಸಿಂಹಾಸನವನ್ನು ನಿನಗಿತ್ತಿರುವೆ..ಸ್ನಾನ ಮಾಡಲು ಹಿಮಾಲಯದ ನೀರು , ಧರಿಸಲು ಪವಿತ್ರವಾದಂತಹ ವಸ್ತ್ರ ,ಬೆಲೆಬಾಳುವ ರತ್ನಗಳನ್ನು ನೀಡಿರುವೆ..ಕಸ್ತೂರಿ ಹಾಗೂ ಗಂಧವನ್ನು ಸಮರ್ಪಿಸಿರುವೆ..ಜಾತೀ , ಚಂಪಕ , ಬಿಲ್ವಪತ್ರೆ ಮುಂತಾದ ಪುಷ್ಪ-ಪತ್ರೆಗಳನ್ನು , ಧೂಪವನ್ನು , ದೀಪವನ್ನೂ ನೀಡಿರುವೆ..ಹೇ ದಯಾನಿಧಿ ನನ್ನ ಮನಸ್ಸಿನಿಂದ ಸಮರ್ಪಿಸಿರುವ ಈ ಎಲ್ಲಾ ವಸ್ತುಗಳನ್ನು ದಯವಿಟ್ಟು ಸ್ವೀಕರಿಸು..

ಸೌವರ್ಣೇ ನವರತ್ನಖಂಡ ರಚಿತೇ ಪಾತ್ರೇ ಘೃತಂ ಪಾಯಸಂ , ಭಕ್ಷ್ಯಂ ಪಂಚವಿಧಂ ಪಯೋದಧಿಯುತಂ ರಂಭಾಫಲಂ ಪಾನಕಮ್ | ಶಾಕಾನಾಮಯುತಂ ಜಲಂ ರುಚಿಕರಂ ಕರ್ಪೂರ ಖಂಡೋಜ್ಜ್ಚಲಂ , ತಾಂಬೂಲಂ ಮನಸಾ ಮಯಾ ವಿರಚಿತಂ ಭಕ್ತ್ಯಾ ಪ್ರಭೋ ಸ್ವೀಕುರು || 2 ||

ನವರತ್ನಗಳಿಂದ ಕೂಡಿರುವ ಚಿನ್ನದ ಪಾತ್ರೆಯಲ್ಲಿ ನಿನಗೆ ತುಪ್ಪ ಹಾಗೂ ಪಾಯಸವನ್ನು ಅರ್ಪಿಸಿರುವೆ..ಮೊಸರು ಹಾಗೂ ಹಾಲಿನಿಂದ ತಯಾರಿಸಲಾದ ಐದು ವಿಧ ನೈವೇದ್ಯಗಳನ್ನು ನಿನಗೆ ನೀಡಿರುವೆ..ಮಧುರ ಫಲಗಳಿಂದ ತಯಾರಿಸಲಾದ ಪಾನಕವನ್ನೂ ನೀಡಿರುವೆ..ಸುಗಂಧದಿಂದ ಕೂಡಿದ ನೀರನ್ನು , ಕರ್ಪೂರದಿಂದ ಬೆಳಗುತ್ತಿರುವ ದೀಪ , ತಾಂಬೂಲ ಎಲ್ಲವನ್ನೂ ನನ್ನ ಮನಸ್ಸಿನಿಂದ ನೀಡಿರುವೆ..ಹೇ ಪ್ರಭು ಶಂಕರ ಇದನ್ನೆಲ್ಲ ದಯವಿಟ್ಟು ಸ್ವೀಕರಿಸು..

ಛತ್ರಂ ಚಾಮರಯೋರ್ಯುಗಂ ವ್ಯಜನಕಂ ಚಾದರ್ಶಕಂ ನಿರ್ಮಲಂ , ವೀಣಾ ಭೇರಿ ಮೃದಂಗ ಕಾಹಲಕಲಾ ಗೀತಂ ಚ ನೃತ್ಯಂ ತಥಾ | ಸಾಷ್ಟಾಂಗಂ ಪ್ರಣತಿಃ ಸ್ತುತಿ-ರ್ಬಹುವಿಧಾ-ಹ್ಯೇತತ್-ಸಮಸ್ತಂ ಮಯಾ , ಸಂಕಲ್ಪೇನ ಸಮರ್ಪಿತಂ ತವ ವಿಭೋ ಪೂಜಾಂ ಗೃಹಾಣ ಪ್ರಭೋ || 3 ||

ಛತ್ರ , ಚಾಮರ , ವ್ಯಜನಗಳನ್ನು , ದರ್ಪಣವನ್ನು , ವೀಣೆ , ಭೇರಿ , ಮೃದಂಗ ಮುಂತಾದ ವಾದ್ಯವಿಶೇಷಗಳನ್ನು , ನೃತ್ಯ ಹಾಗೂ ಗೀತೆಯನ್ನು , ಸಾಷ್ಟಾಂಗ ನಮಸ್ಕಾರ , ಹಲವು ವಿಧಗಳ ಪ್ರಾರ್ಥನೆ , ಈ ಎಲ್ಲಾ ವಸ್ತುಗಳನ್ನು ಸಂಕಲ್ಪದಿಂದ ಸಮರ್ಪಿಸಿರುವೆ…ಹೇ ವಿಭು ಇವುಗಳನ್ನೆಲ್ಲಾ ಸ್ವೀಕರಿಸು..

ಆತ್ಮಾ ತ್ವಂ ಗಿರಿಜಾ ಮತಿಃ ಸಹಚರಾಃ ಪ್ರಾಣಾಃ ಶರೀರಂ ಗೃಹಂ , ಪೂಜಾ ತೇ ವಿಷಯೋಪಭೋಗ-ರಚನಾ ನಿದ್ರಾ ಸಮಾಧಿಸ್ಥಿತಿಃ | ಸಂಚಾರಃ ಪದಯೋಃ ಪ್ರದಕ್ಷಿಣವಿಧಿಃ ಸ್ತೋತ್ರಾಣಿ ಸರ್ವಾ ಗಿರೋ , ಯದ್ಯತ್ಕರ್ಮ ಕರೋಮಿ ತತ್ತದಖಿಲಂ ಶಂಭೋ ತವಾರಾಧನಮ್ || 4 ||

ಹೇ ಶಂಭು..ನನ್ನ ಆತ್ಮ ನಿನ್ನ ಮಂದಿರ..ನನ್ನ ಸಮಸ್ತಕ್ರಿಯೆಗಳು ನಿನ್ನವು..ನನ್ನ ಪ್ರಾಣ , ಶರೀರ , ಮನೆ , ವಿಷಯಗಳ ಅನುಭವ ಎಲ್ಲವೂ ನಿನ್ನದು..ನನ್ನ ನಿದ್ರೆ ನಿನ್ನ ಧ್ಯಾನ , ನನ್ನ ಚಲನೆ ನಿನಗೆ ಪ್ರದಕ್ಷಣೆ , ನಾನಾಡುವ ಮಾತುಗಳು ನಿನ್ನ ಸ್ತೋತ್ರ , ನಾನು ಯಾವ್ಯಾವ ಕರ್ಮವನ್ನು ಮಾಡುತ್ತಿದ್ದೇನೋ ಅದೆಲ್ಲವೂ ನಿನ್ನ ಆರಾಧನೆಯಷ್ಟೇ..

ಕರ ಚರಣ ಕೃತಂ ವಾಕ್ಕಾಯಜಂ ಕರ್ಮಜಂ ವಾ , ಶ್ರವಣ ನಯನಜಂ ವಾ ಮಾನಸಂ ವಾಪರಾಧಮ್ | ವಿಹಿತಮವಿಹಿತಂ ವಾ ಸರ್ವಮೇತತ್-ಕ್ಷಮಸ್ವ , ಜಯ ಜಯ ಕರುಣಾಬ್ಧೇ ಶ್ರೀ ಮಹಾದೇವ ಶಂಭೋ || 5 ||

ಹೇ ದಯಾನಿಧಿ , ಮಹಾದೇವ , ಶಂಭು..ಹಸ್ತದಿಂದಾಗಲಿ , ಪಾದಗಳಿಂದಾಗಲಿ , ಮಾತಿನಿಂದಾಗಲಿ , ಕರ್ಮಗಳಿಂದಾಗಲಿ , ಕಿವಿಯಿಂದಾಗಲಿ , ಕಣ್ಣುಗಳಿಂದಾಗಲಿ , ಮನಸ್ಸಿನಿಂದಾಗಲಿ , ಒಳ್ಳೆಯದಕ್ಕೋ ಅಥವಾ ಕೆಟ್ಟದ್ದಕ್ಕೋ ನಾನೇನೇ ಅಪರಾಧಗಳನ್ನು ಮಾಡಿದ್ದರೂ ದಯವಿಟ್ಟು ಕ್ಷಮಿಸು..

ಮಾತಾ ಚ ಪಾರ್ವತೀದೇವಿ ಪಿತಾ ದೇವೋ ಮಹೇಶ್ವರಃ | ಬಾಂಧವಾಃ ಶಿವಭಕ್ತಾಶ್ಚ ಸ್ವದೇಶೋ ಭುವನತ್ರಯಮ್ ||

ನನ್ನ ತಾಯಿ ಪಾರ್ವತೀದೇವಿ , ತಂದೆ ಮಹೇಶ್ವರದೇವ..ನನ್ನ ಬಂಧುಬಳಗ ಶಿವಭಕ್ತರು..ಮೂರು ಲೋಕಗಳೇ ನನ್ನ ದೇಶ..

ದೇವರನ್ನು ಸ್ಮರಿಸಲು ಪೂಜೆ ಪುನಸ್ಕಾರಗಳು ಬೇಕಿಲ್ಲ..ಮನದ ಭಕ್ತಿಯೊಂದೇ ಸಾಕೆಂದು ಶ್ರೀ ಶಂಕರರ ಈ ಸ್ತೋತ್ರ ತಿಳಿಸುತ್ತದೆ..

2) ಶಿವಾಷ್ಟಕಮ್ ಮಂತ್ರದ ಅರ್ಥ

ಪ್ರಭುಂ ಪ್ರಾಣನಾಥಂ ವಿಭುಂ ವಿಶ್ವನಾಥಂ ಜಗನ್ನಾಥ ನಾಥಂ ಸದಾನಂದ ಭಾಜಾಮ್ | ಭವದ್ಭವ್ಯ ಭೂತೇಶ್ವರಂ ಭೂತನಾಥಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 1 ||

ಪ್ರಭುವಾದ , ನಮ್ಮ ಜೀವದ ಅಧಿಪತಿಯಾದ , ವಿಶ್ವಕ್ಕೆ ಒಡೆಯನಾದ , ಸಕಲಲೋಕಗಳಿಗೂ ರಾಜನಾದ , ಸದಾ ಅನಂದಿತನಾಗಿರುವ , ಚರಾಚರವಸ್ತುಗಳನ್ನೂ ಬೆಳಗಿಸುವ , ಭೂತಗಳ ಒಡೆಯನಾದ ಶಿವ , ಶಂಕರ , ಶಂಭು , ಈಶಾನ ಮುಂತಾದ ಹೆಸರಿನಿಂದ ಪೂಜಿಸಲ್ಪಡುವ ಈಶ್ವರನಿಗೆ ನಮಸ್ಕಾರಗಳು

ಗಲೇ ರುಂಡಮಾಲಂ ತನೌ ಸರ್ಪಜಾಲಂ ಮಹಾಕಾಲ ಕಾಲಂ ಗಣೇಶಾದಿ ಪಾಲಮ್ | ಜಟಾಜೂಟ ಗಂಗೋತ್ತರಂಗೈ ರ್ವಿಶಾಲಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 2||

ಕತ್ತಿನಲ್ಲಿ ರುಂಡಮಾಲೆಯನ್ನು , ಶರೀರದಲ್ಲಿ ಸರ್ಪಜಾಲವನ್ನು ಧರಿಸಿರುವ , ಮಹಾಕಾಲನೆಂಬ ರಾಕ್ಷಸನನ್ನು ಸಂಹರಿಸಿರುವ , ಗಣಗಳ ಪ್ರಭುವಾದ , ವಿಶಾಲವಾದ ಗಂಗೆಯ ಅಲೆಗಳು ಜಟೆಯಿಂದ ಧುಮ್ಮಿಕ್ಕುತ್ತಿರುವ ಶಿವ , ಶಂಕರ , ಶಂಭು , ಈಶೆನೆಂದು ಕರೆಯಲ್ಪಡುವ ಈಶ್ವರನಿಗೆ ನಮಸ್ಕಾರಗಳು..

ಮುದಾಮಾಕರಂ ಮಂಡನಂ ಮಂಡಯಂತಂ ಮಹಾ ಮಂಡಲಂ ಭಸ್ಮ ಭೂಷಾಧರಂ ತಮ್ | ಅನಾದಿಂ ಹ್ಯಪಾರಂ ಮಹಾ ಮೋಹಮಾರಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 3 ||

ಸಂತೋಷದಿಂದ ಈ ಜಗತ್ತನ್ನು ಅಲಂಕರಿಸಿರುವ ತಾನೇ ಜಗತ್ತಿನಂತಿರುವ, ಭಸ್ಮವನ್ನು ಧರಿಸಿಕೊಂಡಿರುವ , ಆದಿಯಿಲ್ಲದ , ಅಪರಿಮಿತನಾದ , ಭವದ ವ್ಯಾಮೋಹಗಳನ್ನು ನಾಶಪಡಿಸುವ ಶಿವ , ಶಂಕರ , ಶಂಭು , ಈಶಾನ ಮುಂತಾದ ಹೆಸರುಗಳಿಂದ ಸ್ತುತಿಸಲ್ಪಡುವ ಈಶ್ವರನನ್ನು ಸ್ಮರಿಸುತ್ತೇನೆ..

ವಟಾಧೋ ನಿವಾಸಂ ಮಹಾಟ್ಟಾಟ್ಟಹಾಸಂ ಮಹಾಪಾಪ ನಾಶಂ ಸದಾ ಸುಪ್ರಕಾಶಮ್ | ಗಿರೀಶಂ ಗಣೇಶಂ ಸುರೇಶಂ ಮಹೇಶಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 4 ||

ವಟವೃಕ್ಷದ ಕೆಳಗೆ ವಾಸ ಮಾಡುವ , ಜೋರಾಗಿ ಅಟ್ಟಹಾಸಗೈಯುವ , ಮಹಾಪಾಪಗಳನ್ನೂ ನಾಶಪಡಿಸುವ , ಸದಾ ಪ್ರಕಾಶಿಸುವ , ಪರ್ವತರಾಜನಾದ , ಗಣಗಳ ಪ್ರಭುವಾದ , ದೇವರುಗಳ ರಾಜನಾದ , ಮಹೇಶನಾದ , ಶಿವ , ಶಂಕರ , ಶಂಭು , ಈಶಾನ ಮುಂತಾದ ಹೆಸರುಗಳಿಂದ ಪ್ರಸಿದ್ಧನಾಗಿರುವ ಈಶ್ವರನನ್ನು ನಾನು ಸ್ಮರಿಸುತ್ತೇನೆ..

ಗಿರೀಂದ್ರಾತ್ಮಜಾ ಸಂಗೃಹೀತಾರ್ಧದೇಹಂ ಗಿರೌ ಸಂಸ್ಥಿತಂ ಸರ್ವದಾಪನ್ನ ಗೇಹಮ್ | ಪರಬ್ರಹ್ಮ ಬ್ರಹ್ಮಾದಿಭಿರ್-ವಂದ್ಯಮಾನಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 5 ||

ಹಿಮಾಲಯದ ಮಗಳಿಗೆ (ಪಾರ್ವತಿಗೆ) ಅರ್ಧಶರೀರವನ್ನೇ ನೀಡಿರುವ , ಕೈಲಾಸ ಪರ್ವತದಲ್ಲಿ ವಾಸಿಸುವ , ಬ್ರಹ್ಮನ ಆತ್ಮವಾಗಿರುವ , ಬ್ರಹ್ಮಾದಿ ದೇವತೆಗಳಿಂದ ಸದಾ ವಂದಿತನಾಗಿರುವ ಶಿವ , ಶಂಕರ , ಶಂಭು , ಈಶಾನ ಮುಂತಾದ ಹೆಸರುಗಳಿಂದ ಪ್ರಖ್ಯಾತನಾಗಿರುವ ಈಶ್ವರನನ್ನು ನಾನು ಸ್ಮರಿಸುತ್ತೇನೆ..

ಕಪಾಲಂ ತ್ರಿಶೂಲಂ ಕರಾಭ್ಯಾಂ ದಧಾನಂ ಪದಾಂಭೋಜ ನಮ್ರಾಯ ಕಾಮಂ ದದಾನಮ್ | ಬಲೀವರ್ಧಮಾನಂ ಸುರಾಣಾಂ ಪ್ರಧಾನಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 6 ||

ಕಪಾಲ ಹಾಗೂ ತ್ರಿಶೂಲಗಳನ್ನು ಕೈಯಲ್ಲಿ ಹಿಡಿದಿರುವ , ಚರಣಕಮಲಗಳಲ್ಲಿ ಶರಣಾದವರ ಮನೋಕಾಮನೆಗಳನ್ನು ಪೂರೈಸುವ , ನಂದಿಯನ್ನು ವಾಹನವನ್ನಾಗಿಸಿಕೊಂಡಿರುವ , ಸುರರಲ್ಲಿ ಶ್ರೇಷ್ಠನಾಗಿರುವ , ಶಿವ , ಶಂಕರ , ಶಂಭು , ಈಶಾನ ಮುಂತಾದ ಹೆಸರುಗಳಿಂದ ಪೂಜಿಸಲ್ಪಡುವ ಈಶ್ವರನಿಗೆ ನನ್ನ ನಮನಗಳು..

ಶರಚ್ಚಂದ್ರ ಗಾತ್ರಂ ಗಣಾನಂದಪಾತ್ರಂ ತ್ರಿನೇತ್ರಂ ಪವಿತ್ರಂ ಧನೇಶಸ್ಯ ಮಿತ್ರಮ್ | ಅಪರ್ಣಾ ಕಳತ್ರಂ ಸದಾ ಸಚ್ಚರಿತ್ರಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 7 ||

ಶರತ್ಕಾಲದ ಚಂದ್ರನ ಗಾತ್ರವನ್ನು ಹೊಂದಿರುವ , ಗಣಗಳಿಗೆ ಆನಂದವನ್ನು ನೀಡುವ , ತ್ರಿನೇತ್ರಗಳನ್ನು ಹೊಂದಿರುವ , ಕುಬೇರನ ಮಿತ್ರನಾದ , ಪಾರ್ವತಿಯ ಪತಿಯಾದ , ಸದ್ಗುಣಗಳನ್ನು ಹೊಂದಿರುವ , ಶಿವ , ಶಂಕರ , ಶಂಭು , ಈಶಾನ ಮುಂತಾದ ಹೆಸರುಗಳಿಂದ ಸ್ತುತಿಸಲ್ಪಡುವ ಈಶ್ವರನಿಗೆ ನನ್ನ ನಮನಗಳು..

ಹರಂ ಸರ್ಪಹಾರಂ ಚಿತಾ ಭೂವಿಹಾರಂ ಭವಂ ವೇದಸಾರಂ ಸದಾ ನಿರ್ವಿಕಾರಂ| ಶ್ಮಶಾನೇ ವಸಂತಂ ಮನೋಜಂ ದಹಂತಂ, ಶಿವಂ ಶಂಕರಂ ಶಂಭು ಮೀಶಾನಮೀಡೇ || 8 ||

ಭವದ ದುಃಖಗಳನ್ನು ಪರಿಹರಿಸುವ , ಸರ್ಪಹಾರವನ್ನು ಧರಿಸಿರುವ , ಸ್ಮಶಾನದಲ್ಲೇ ವಿಹರಿಸುವ , ಭವನಾದ , ವೇದಗಳ ಸಾರವಾಗಿರುವ , ನಿರ್ವಿಕಾರನಾದ , ಸ್ಮಶಾನದಲ್ಲೇ ವಾಸಿಸುವ , ಮನದಲ್ಲಿ ಹುಟ್ಟುವ ಆಸೆಗಳನ್ನು ದಹಿಸುವ , ಶಿವ , ಶಂಕರ , ಶಂಭು , ಈಶಾನ ಎಂದು ಸ್ತುತಿಸಲ್ಪಡುವ ಈಶ್ವರನಿಗೆ ನನ್ನ ನಮನಗಳು..

ಸ್ವಯಂ ಯಃ ಪ್ರಭಾತೇ ನರಶ್ಶೂಲ ಪಾಣೇ ಪಠೇತ್ ಸ್ತೋತ್ರರತ್ನಂ ತ್ವಿಹಪ್ರಾಪ್ಯರತ್ನಮ್ | ಸುಪುತ್ರಂ ಸುಧಾನ್ಯಂ ಸುಮಿತ್ರಂ ಕಳತ್ರಂ ವಿಚಿತ್ರೈಸ್ಸಮಾರಾಧ್ಯ ಮೋಕ್ಷಂ ಪ್ರಯಾತಿ ||

ಯಾರು ಪ್ರತಿದಿನ ಮುಂಜಾನೆ ಈ ಸ್ತೋತ್ರವನ್ನು ಓದಿ ಶೂಲಪಾಣಿಯನ್ನು ಸ್ಮರಿಸುತ್ತಾರೋ , ಅವರಿಗೆ ಒಳ್ಳೆಯ ಸಂತತಿ , ಸಂಪತ್ತು , ಒಳ್ಳೆಯ ಮಿತ್ರರು , ಒಳ್ಳೆಯ ಸಂಗಾತಿ , ನೆಮ್ಮದಿಯ ಜೀವನ ಹಾಗೂ ಮೋಕ್ಷ ಸಿಗುತ್ತವೆ..

▬▬▬ஜ۩۞۩ஜ▬▬▬*▬▬▬ஜ۩۞۩ஜ▬▬
*ಸರ್ವೇಷಾಂ ಸಮಸ್ತ ಸನ್ಮಂಗಳಾನಿ ಭವಂತು*
*'ಸರ್ವೇ ಜನಾಃ ಸುಖಿನೋ ಭವಂತು'*
ಶುಭವಾಗಲಿ ಧನ್ಯವಾದಗಳು ಶ್ರೀಮತಿ ನಿರ್ಮಲ ರಾಜೇಶ್

*ಧಮೋ೯ ರಕ್ಷತಿ ರಕ್ಷಿತ:* ಕೃಷ್ಣಾರ್ಪಣಮಸ್ತು*
▬▬▬ஜ۩۞۩ஜ▬▬▬▬▬▬ஜ۩۞۩ஜ▬▬▬

30/12/2024

ಅರಳಿ ಮರಕ್ಕೆ 108 ಪ್ರದಕ್ಷಿಣೆ ಹಾಕಿದರೆ.

ಸೋಮವತಿ ಅಮಾವಾಸ್ಯೆ ದಿನ ಶಿವಾಲಯದ ಬಳಿ ಇರುವ ಅರಳಿ ಮರದ ಸುತ್ತ 108 ಸಲ ಪ್ರದಕ್ಷಿಣೆ ಹಾಕಿದರೆ ಜಾತಕ ದೋಷಗಳು ಬರಲ್ಲ ಎಂದು ಆಧ್ಯಾತ್ಮಿಕ ನಿಪುಣರು ಹೇಳುತ್ತಿದ್ದಾರೆ. ಅಷ್ಟೇ ಅಲ್ಲದೆ ಪಿತೃದೇವತೆಗಳಿಗೆ ಈ ದಿನ ಪಿಂಡ ಪ್ರದಾನ ಮಾಡಿದರೆ ಸಂತೃಪ್ತಿ ಹೊಂದುತ್ತಾರಂತೆ. ಆ ಮೂಲಕ ನಮಗೆ ಒಳ್ಳೆಯದಾಗುತ್ತದೆ ಎಂಬ ನಂಬಿಕೆ. ಈ ದಿನ ವಿವಾಹಿತರು, ಅವಿವಾಹಿತರು ಅರಳಿ ಮರವನ್ನು 108 ಸಲ ಪ್ರದಕ್ಷಿಣೆ ಹಾಕುವ ಮೂಲಕ ಬೇಡಿಕೊಂಡಿದ್ದು ನೆರವೇರುತ್ತವೆ ಎಂದು ಪಂಡಿತರು ಹೇಳುತ್ತಿದ್ದಾರೆ.

ಸೋಮವಾರದ ದಿನ ಬರುವ ಅಮಾವಾಸ್ಯೆಗೆ ತುಂಬಾ ಪ್ರಾಮುಖ್ಯತೆ ಇದೆ. ಆ ದಿನವನ್ನು ಸೋಮಾವತಿ ಅಮಾವಾಸ್ಯೆ ಎಂದು ಕರೆಯುತ್ತಾರೆ. ಸೋಮಾವತಿ ಅಮಾವಾಸ್ಯೆ ದಿನ ಉಪವಾಸ ಮಾಡಿ ಅರಳಿ ಮರಕ್ಕೆ 108 ಸಲ ಪ್ರದಕ್ಷಿಣೆ ಮಾಡಿದರೆ ಜಾತಕದಲ್ಲಿ ಇರುವ ಸಕಲ ದೋಷಗಳು ನಿವಾರಣೆಯಾಗುತ್ತವೆ ಎಂಬ ವಿಶ್ವಾಸ. ಸೋಮಾವತಿ ಅಮಾವಾಸ್ಯೆ ದಿನ ಶಿವಾರಾಧನೆ ಮಾಡಿ.. ಅರಳಿ ಮರಕ್ಕೆ ಪ್ರದಕ್ಷಿಣೆ ಹಾಕಿ.. ಸೋಮವತಿ ಕಥೆಯನ್ನು ಒಮ್ಮೆ ನೆನಪು ಮಾಡಿಕೊಂಡು.. ಉಪವಾಸ ದೀಕ್ಷೆಯನ್ನು ತೆಗೆದುಕೊಂಡರೆ ಜಾತಕ ದೋಷಗಳು ನಿವಾರಣೆಯಾಗುತ್ತವೆ.

ಈ ಅಮಾವಾಸ್ಯೆಯನ್ನು ಮೌನಿ ಅಮಾವಾಸ್ಯೆ, ಶನಿ ಅಮಾವಾಸ್ಯೆ ಎಂದೂ ಕೂಡ ಕರೆಯುತ್ತಾರೆ. ಸೋಮಾವತಿ ಅಮಾವಾಸ್ಯೆ ದಿನ ಅರಳಿ ಮರವನ್ನು 108 ಸಲ ಪ್ರದಕ್ಷಿಣೆ ಮಾಡುವವರಿಗೆ ಅಷ್ಟೈಶ್ವರ್ಯಗಳು ಸಿದ್ಧಿಸುತ್ತವೆ. ಮುಖ್ಯವಾಗಿ ಜಾತಕದಲ್ಲಿರುವ ಸರ್ಪದೋಷಗಳು ನಿವಾರಣೆಯಾಗುತ್ತವೆ. ಕಾಲ ಸರ್ಪದೋಷ ನಿವಾರಣೆಯಾಗಬೇಕು ಎಂದರೆ.. ಸೋಮಾವತಿ ಅಮಾವಾಸ್ಯೆ ದಿನ 108 ಸಲ ಪ್ರದಕ್ಷಿಣೆ ಹಾಕಬೇಕು ಎಂದು ಆಧ್ಯಾತ್ಮಿಕ ಪಂಡಿತರು ಸೂಚಿಸಿದ್ದಾರೆ.

‘ಸೋಮವತಿ ಅಮಾವಾಸ್ಯೆ’ ದಿನಕ್ಕಾಗಿ ಸಪ್ತ ಋಷಿಗಳು, ನವಗ್ರಹಗಳು, ಮುಕ್ಕೋಟಿ ದೇವತೆಗಳು ಕಾಯುತ್ತಿರುತ್ತಾರೆ. ಈ ದಿನ ಶಿವನಿಗೆ ಅಭಿಷೇಕ ಮಾಡಿ ಉಪವಾಸವಿದ್ದರೆ ಪುಣ್ಯ ಬರುತ್ತದೆಂದು ಪಂಡಿತರು ಹೇಳುತ್ತಿದ್ದಾರೆ. ಈ ದಿನ ಅಭಿಷೇಕ ಯಾಕೆ ಮಾಡುತ್ತಾರೆಂದರೆ ,ಈ ದಿನ ಸಕಲ ಶಕ್ತಿಗಳು ಲಿಂಗ ರೂಪವಾದ ಶಿವನಲ್ಲಿ ಮನೆ ಮಾಡಿಕೊಂಡಿರುತ್ತದೆ. ಆದ್ದರಿಂದ ಮಾಡಿದ ಪಾಪಗಳು ತೊಲಗಿ ಹೋಗುತ್ತದೆಂದು ಹೇಳುತ್ತಾರೆ. ಇನ್ನೊಂದು ಮುಖ್ಯ ವಿಚಾರ ಓಂ ನಮಃ ಶಿವಾಯಃ ಪಂಚಾಕ್ಷರಿ ಮಂತ್ರವನ್ನು 108 ಸಲ ಪಠಿಸಿದರೂ ಸಕಲವೂ ಸಿದ್ಧಿಸುತ್ತದೆ.

ಕೆಲವೊಂದು ನಿಯಮಗಳನ್ನು ಪಾಲಿಸುವುದರಿಂದ ನಮಗೆ ಅನೇಕ ಲಾಭಗಳಿವೆ. ಹಾಗಾಗಿ ಇಂತಹ ಪುಣ್ಯ ದಿನ ಅರಳಿ ಮರಕ್ಕೆ ಪ್ರದಕ್ಷಿಣೆ ಹಾಕುವ ಮೂಲಕ ಒಳ್ಳೆಯ ಪ್ರತಿಫಲವನ್ನು ಪಡೆಯಿರಿ.

ಈ ದಿನ ಪ್ರಾತಃಕಾಲದಲ್ಲಿ ಎದ್ದು, ಅಶ್ವತ್ಥವೃಕ್ಷದ ಮೂಲದಲ್ಲಿ ಮಹಾವಿಷ್ಣುವನ್ನು ಆರಾಧಿಸಲಾಗುತ್ತದೆ. ವೃಕ್ಷಕ್ಕೆ ನೂರೆಂಟು ಪ್ರದಕ್ಷಿಣೇಯನ್ನು ಮಾಡಿ, ದಾನಾದಿಗಳನ್ನು ನೀಡಲಾಗುತ್ತದೆ. ಅಷ್ಟೇ ಅಲ್ಲದೆ ಸುಹಾಸಿನಿಯರಿಗೆ ತಾಂಬೂಲವನ್ನು ನೀಡಲಾಗುತ್ತದೆ. ಈ ವ್ರತವನ್ನು ಆಚರಿಸತಕ್ಕವರಿಗೆ ಸಕಲ ಅಭೀಷ್ಟಗಳೂ ಸಿದ್ಧಿಸುತ್ತವೆ ಎಂಬ ನಂಬಿಕೆ ಭಕ್ತರದು.

▬▬▬ஜ۩۞۩ஜ▬▬▬*▬▬▬ஜ۩۞۩ஜ▬▬
ಧಮೋ೯ ರಕ್ಷತಿ ರಕ್ಷಿತ:* ಕೃಷ್ಣಾರ್ಪಣಮಸ್ತು
ಸರ್ವಜನಾಃ ಸುಖಿನೋಭವತು
ಶುಭವಾಗಲಿ ಧನ್ಯವಾದಗಳು ಶ್ರೀಮತಿ ನಿರ್ಮಲ ರಾಜೇಶ್
▬▬▬ஜ۩۞۩ஜ▬▬▬▬▬▬ஜ۩۞۩ஜ▬▬▬

30/12/2024

IIಶ್ರೀಮನ್ಮೂಲರಾಮೋ ವಿಜಯತೇII
IIಶ್ರೀಗುರುರಾಜೋ ವಿಜಯತೇII
ಶ್ರೀರಾಘವೇಂದ್ರಸ್ವಾಮಿಗಳವರ ಅಲಂಕಾರ ಹಾಗೂ ದರ್ಶನ.
ದಿನಾಂಕ:- 30.12.2024
ಸ್ಥಳ:- ನಂಜನಗೂಡು ಶ್ರೀರಾಘವೇಂದ್ರಸ್ವಾಮಿಗಳವರ ಮಠ, ಭವಾನಿನಗರ, ಹುಬ್ಬಳ್ಳಿ.
0836 - 2351304
90360 51304

30/12/2024

ಸೋಮಾವತಿ ಅಮಾವಾಸ್ಯೆಗೆ ಸಂಬಂಧಿಸಿದಂತೆ ಅನೇಕ ಕಥೆಗಳಿವೆ. ಸೋಮಾವತಿ ಅಮವಾಸ್ಯೆಯ ದಿನದಂದು ಈ ಕಥೆಗಳನ್ನು ಶಾಸ್ತ್ರೋಕ್ತವಾಗಿ ಪಠಿಸಲಾಗುತ್ತದೆ ಎಂಬುದು ಸಂಪ್ರದಾಯ.

ಬಡ ಬ್ರಾಹ್ಮಣ ಕುಟುಂಬವಿತ್ತು, ಅದರಲ್ಲಿ ಗಂಡ, ಹೆಂಡತಿ ಮತ್ತು ಮಗಳು ಇದ್ದರು. ಮಗಳು ನಿಧಾನವಾಗಿ ಬೆಳೆಯತೊಡಗಿದಳು. ಕಾಲಾನಂತರದಲ್ಲಿ, ಆ ಹುಡುಗಿಯಲ್ಲಿ ಎಲ್ಲಾ ಸ್ತ್ರೀ ಗುಣಗಳು ಬೆಳೆಯುತ್ತಿದ್ದವು. ಹುಡುಗಿ ಕೂಡ ಸುಂದರ, ಸುಸಂಸ್ಕೃತ ಮತ್ತು ಸದ್ಗುಣಿಯಾಗಿದ್ದಳು, ಆದರೆ ಬಡವನಾಗಿದ್ದರಿಂದ ಅವಳು ಮದುವೆಯಾಗಲು ಸಾಧ್ಯವಾಗಲಿಲ್ಲ.

ಒಂದು ದಿನ ಒಬ್ಬ ಸನ್ಯಾಸಿ ಬ್ರಾಹ್ಮಣನ ಮನೆಗೆ ಬಂದನು, ಅವನು ಹುಡುಗಿಯ ಸೇವೆಯಿಂದ ಬಹಳ ಸಂತೋಷಗೊಂಡನು. ಹುಡುಗಿಗೆ ದೀರ್ಘಾಯುಷ್ಯ ಸಿಗಲಿ ಎಂದು ಆಶೀರ್ವದಿಸಿದ ಋಷಿ, ಹುಡುಗಿಯ ಅಂಗೈಯಲ್ಲಿ ಮದುವೆಯ ರೇಖೆ ಇಲ್ಲ.

ಬ್ರಾಹ್ಮಣ ದಂಪತಿಗಳು ಸಾಧುವಿನ ಬಳಿ ಮದುವೆಯ ಯೋಗವಾಗುವಂತೆ ಹುಡುಗಿ ಏನು ಮಾಡಬೇಕು ಎಂದು ಉಪಾಯವನ್ನು ಕೇಳಿದರು. ಸ್ವಲ್ಪ ಸಮಯ ಆಲೋಚಿಸಿದ ನಂತರ, ಋಷಿಯು ತನ್ನ ಒಳನೋಟದಿಂದ ಧ್ಯಾನಿಸಿದನು ಮತ್ತು ಸ್ವಲ್ಪ ದೂರದಲ್ಲಿರುವ ಒಂದು ಹಳ್ಳಿಯಲ್ಲಿ ಸೋನಾ ಎಂಬ ಧುಬಿ ಜಾತಿಯ ಮಹಿಳೆ ತನ್ನ ಮಗ ಮತ್ತು ಸೊಸೆಯೊಂದಿಗೆ ವಾಸಿಸುತ್ತಾಳೆ, ಅವರು ಉತ್ತಮ ನಡತೆ ಮತ್ತು ಉತ್ತಮ ನಡತೆ ಹೊಂದಿದ್ದಾರೆ. ಮತ್ತು ಪತಿ. ಮತಿಭ್ರಮಣೆಯಾಗಿದೆ. ಈ ಹುಡುಗಿ ಅವನ ಸೇವೆ ಮಾಡಿದರೆ ಮತ್ತು ಆ ಮಹಿಳೆ ತನ್ನ ಮದುವೆಯಲ್ಲಿ ಅವಳ ಬೇಡಿಕೆಗೆ ಸಿಂಧೂರವನ್ನು ಹಾಕಿದರೆ, ನಂತರ ಈ ಹುಡುಗಿಯನ್ನು ಮದುವೆಯಾದ ನಂತರ, ಈ ಹುಡುಗಿಯ ವೈದ್ಯ ಯೋಗವನ್ನು ಅಳಿಸಬಹುದು.

ಆ ಮಹಿಳೆ ಎಲ್ಲಿಯೂ ಹೋಗುವುದಿಲ್ಲ ಎಂದು ಸನ್ಯಾಸಿ ಹೇಳಿದರು. ಇದನ್ನು ಕೇಳಿದ ಬ್ರಾಹ್ಮಣಿಯು ತನ್ನ ಮಗಳನ್ನು ತೊಳೆಯುವವನ ಸೇವೆ ಮಾಡಲು ಕೇಳಿಕೊಂಡಳು.

ಹುಡುಗಿ ಬೆಳಿಗ್ಗೆ ಬೇಗ ಎದ್ದು ಬಟ್ಟೆ ಒಗೆಯುವವನ ಮನೆಗೆ ಹೋಗಿ ಶುಚಿಗೊಳಿಸಿ ಉಳಿದೆಲ್ಲ ಕೆಲಸ ಮುಗಿಸಿ ತನ್ನ ಮನೆಗೆ ಹಿಂದಿರುಗುತ್ತಿದ್ದಳು. ಸೋನಾ ಧೋಬಿನ್ ತನ್ನ ಸೊಸೆಯನ್ನು ಕೇಳುತ್ತಾಳೆ, ನೀವು ಬೇಗನೆ ಎದ್ದು ಎಲ್ಲಾ ಕೆಲಸಗಳನ್ನು ಮಾಡುತ್ತೀರಿ ಮತ್ತು ಗೊತ್ತಿಲ್ಲ. ಅತ್ತಿಗೆ ಹೇಳಿದಳು ಅತ್ತೆ, ನೀನು ಬೆಳಿಗ್ಗೆ ಎದ್ದು ಎಲ್ಲ ಕೆಲಸವನ್ನೂ ನೀನೇ ಮುಗಿಸು ಎಂದುಕೊಂಡೆ. ನಾನು ತಡವಾಗಿ ಎದ್ದೇಳುತ್ತೇನೆ. ಇದಾದ ಮೇಲೆ ಅತ್ತೆ-ಸೊಸೆ ಇಬ್ಬರೂ ಮನೆಕೆಲಸಗಳನ್ನೆಲ್ಲ ಮಾಡಿ ಮುಂಜಾನೆ ಹೊರಡುವವರಾರು ಎಂದು ನಿಗಾ ಇಡತೊಡಗಿದರು.

ಹಲವಾರು ದಿನಗಳ ನಂತರ, ಒಬ್ಬ ಹುಡುಗಿ ಕತ್ತಲೆಯ ಮನೆಯಲ್ಲಿ ಮುಖಾಮುಖಿಯಾಗಿರುವುದನ್ನು ತೊಳೆಯುವವನು ನೋಡಿದನು ಮತ್ತು ಎಲ್ಲಾ ಕೆಲಸಗಳನ್ನು ಮುಗಿಸಿ ಹೊರಟುಹೋದನು. ಅವಳು ಹೊರಡಲು ಪ್ರಾರಂಭಿಸಿದಾಗ, ಸೋನಾ ತೊಳೆಯುವವನು ಅವಳ ಕಾಲಿಗೆ ಬಿದ್ದು, ನೀನು ಯಾರು ಮತ್ತು ನನ್ನ ಮನೆಯಲ್ಲಿ ಏಕೆ ಹೀಗೆ ಅಡಗಿಕೊಂಡಿದ್ದೀರಿ ಎಂದು ಕೇಳಿದನು.

ಆಗ ಆ ಹುಡುಗಿ ಋಷಿ ಹೇಳಿದ ಎಲ್ಲವನ್ನೂ ಹೇಳಿದಳು. ಸೋನಾ ಒಗೆಯುವ ಪತಿಯಾಗಿದ್ದಳು, ಅವಳಿಗೆ ತೇಜಸ್ಸು ಇತ್ತು. ಅವಳು ತಯಾರಾದಳು. ಸೋನಾ ಧೋಬಿನ್ ಅವರ ಪತಿ ಸ್ವಲ್ಪ ಅಸ್ವಸ್ಥರಾಗಿದ್ದರು.

ಅವನು ಹಿಂದಿರುಗುವವರೆಗೂ ತನ್ನ ಸೊಸೆಯನ್ನು ಮನೆಯಲ್ಲಿಯೇ ಇರಲು ಹೇಳಿದನು. ಹುಡುಗಿಯ ಬೇಡಿಕೆಗೆ ಸೋನಾ ಧೋಬಿನ್ ಸಿಂಧೂರವನ್ನು ಅನ್ವಯಿಸಿದ ತಕ್ಷಣ, ಆಕೆಯ ಪತಿ ಹೋದರು. ಈ ವಿಷಯ ಆತನಿಗೆ ತಿಳಿಯಿತು.

ದಾರಿಯಲ್ಲಿ ಎಲ್ಲೋ ಅರಳಿ ಮರ ಕಂಡರೆ ಸುಳ್ಯ ಕೊಟ್ಟು ಪ್ರದಕ್ಷಿಣೆ ಹಾಕಿದ ನಂತರವೇ ನೀರು ತೆಗೆದುಕೊಳ್ಳುತ್ತೇನೆ ಎಂದುಕೊಂಡು ನೀರಿಲ್ಲದೆ ಮನೆ ಬಿಟ್ಟಿದ್ದಳು. ಆ ದಿನ ಸೋಮಾವತಿ ಅಮವಾಸ್ಯೆ. ಬ್ರಾಹ್ಮಣರ ಮನೆಯಲ್ಲಿ ಸಿಗುವ ಪೂಜೆ-ತಟ್ಟೆಗೆ ಬದಲಾಗಿ ಇಟ್ಟಿಗೆಯ ತುಂಡುಗಳಿಂದ 108 ಬಾರಿ ಭಾವರಿಗೆ ಕೊಟ್ಟು ನೀರು ತೆಗೆದ ಅರಳಿ ಮರಕ್ಕೆ 108 ಬಾರಿ ಪ್ರದಕ್ಷಿಣೆ ಹಾಕಿದರು. ಇದನ್ನು ಮಾಡಿದ ಕೂಡಲೇ ಪತಿಯ ಮೃತ ದೇಹ ಕಂಪಿಸತೊಡಗಿತು.

▬▬▬ஜ۩۞۩ஜ▬▬▬*▬▬▬ஜ۩۞۩ஜ▬▬
ಧಮೋ೯ ರಕ್ಷತಿ ರಕ್ಷಿತ:* ಕೃಷ್ಣಾರ್ಪಣಮಸ್ತು
ಸರ್ವಜನಾಃ ಸುಖಿನೋಭವತು
▬▬▬ஜ۩۞۩ஜ▬▬▬▬▬▬ஜ۩۞۩ஜ▬▬▬

30/12/2024

Mantralayam Maha Prabu Sri Guru Raghavendra Swamy and Sri Vadheendra Thirtar Dharshana-Monday, 30 December 2024.
💐Sri Raghavendraya Namaha💐
🪷Sri Gurubyo Namaha🌸

30/12/2024

ಒಬ್ಬ ಶಿವಭಕ್ತನ ಕಥೆ :
ತಮಿಳುನಾಡಿನಲ್ಲಿ ಒಂದು ಕ್ಷೇತ್ರ ಇದೆ.
" ಟೋನಿಪುರಂ " ಅಲ್ಲಿ ಒಬ್ಬ ಬ್ರಾಹ್ಮಣ ದಂಪತಿ ಇದ್ದರು. ಪತಿ - ಪತ್ನಿ ಇಬ್ಬರೂ ಶಿವನ ಅನನ್ಯ ಉಪಾಸಕರಾಗಿದ್ದರು. ಅವರು ಛಲ - ಕಪಟ, ಲೋಭಿ - ಆಸೇಬುರುಕತನದಿಂದ ಯಾವತ್ತೂ ದೂರ ಉಳಿದಿದ್ದರು. ಭಗವಂತ ಶಿವ ಪರಮಾತ್ಮನಿಗೆ
" - ನಮಗೆ ಯಾವ ಅಪೇಕ್ಷೆಯೂ ಇಲ್ಲ ಪ್ರಭು. ಕೇವಲ ನಿನ್ನ ಕೃಪಾಶೀರ್ವಾದ ನಮ್ಮ ಮೇಲಿರಲಿ..! ಅಷ್ಟು ಸಾಕು 🙏"
ಇಷ್ಟೇ ಬೇಡುತ್ತಿದ್ದರು. ಕೆಲವು ಸಮಯದ ನಂತರ ಅವರ ಮನೆಯಲ್ಲಿ ಒಬ್ಬ ಬಾಲಕ ಜನ್ಮ ತಳೆದ. ಆ ಬಾಲಕನ ಜನನದಿಂದ ಆ ಮನೆಯಲ್ಲಿ ಆನಂದ ಉತ್ಸಾಹಗಳು ಮನೆ ಮಾಡಿದವು. ಅವರು ಅವನಿಗೆ ಪ್ರೀತಿಯಿಂದ
" - ಜ್ಞಾನ..! ( ಸಂಭಂದನ್ )"
ಎಂಬ ಹೆಸರಿಟ್ಟರು. ಜ್ಞಾನನ ತಂದೆ ನಿತ್ಯ ಪೂಜೆ ಪುನಸ್ಕಾರಕ್ಕಾಗಿ ಶಿವನ ಗುಡಿಗೆ ಹೋಗುತ್ತಿದ್ದ. ಅದಕ್ಕೂ ಮುನ್ನ, ಗುಡಿಯ ಪಕ್ಕದಲ್ಲಿನ ಕೆರೆಯಲ್ಲಿ ಸ್ನಾನ ಮಾಡಿ ಮಡಿಯುಟ್ಟು ಶಿವನ ಸೇವೆಗೆ ಅಣಿಯಾಗುತ್ತಿದ್ದ. ಜ್ಞಾನನು ತಂದೆ ಶಿವನ ಸೇವೆಗೆ ನಿತ್ಯ ಹೋಗುವುದು ನೋಡಿ
" - ನಾನೂ ನಿಮ್ಮೊಂದಿಗೆ ಬರುತ್ತೇನೆ ಅಪ್ಪ..! ನನಗೂ ಕರೆದೋಯ್ಯಿರಿ "
ಎಂದು ಹಠ ಮಾಡುತ್ತಿದ್ದ. ಅವರು ನಸು ನಕ್ಕು
" - ನೀನಿನ್ನೂ ಚಿಕ್ಕವನಿದ್ದೀಯ. ಇನ್ನೂ ಸ್ವಲ್ಪ ದೊಡ್ಡವನಾಗು. " ಎಂದು ಹೇಳುತ್ತಿದ್ದರು.
ಒಂದು ದಿನ ಜ್ಞಾನನ ತಂದೆ ಬೆಳಿಗ್ಗೆ ಬೇಗ ಎದ್ದು ಗುಡಿಗೆ ಹೋಗುವ ಸಿದ್ಧತೆಯಲ್ಲಿದ್ದ. ಆತ ಮನೆಯಿಂದ ಹೊರಬಿದ್ದು ಗುಡಿಯುತ್ತ ನಡೆಯುತ್ತಿoದ್ದತೆ ಜ್ಞಾನ ಹಿಂಬಾಲಿಸಿ ಹೊರಟ. ಅವನು ಇನ್ನೂ ಕೇವಲ 3 ವರ್ಷದ ಬಾಲಕನಿದ್ದ. ಅವನ ತಂದೆ ಎಷ್ಟು ತಿಳಿ ಹೇಳಿದರೂ ಆತ ಕೇಳಿರಲಿಲ್ಲ. ಎಷ್ಟು ಪ್ರೀತಿಯಿಂದ ಮನ ಒಲಿಸಿದರೂ ಕೇಳದ ಬಾಲಕನ ಮುಂದೆ ಸೋತು ನಿರ್ವಾಹವಿಲ್ಲದೆ ಅವನನ್ನು ತನ್ನ ಹೆಗಲ ಮೇಲೆ ಕೂಡ್ರಿಸಿಕೊಂಡು ಹೊರಟ. ಜ್ಞಾನನನ್ನು ಕೆರೆಯ ದಡದಲ್ಲಿ ಕೂಡ್ರಿಸಿ ಮೊದಲು ಆತ ಗುಡಿಯ ಪಕ್ಕದ ಕೆರೆಯಲ್ಲಿ ಸ್ನಾನಕ್ಕೆ ಹೋದ. ಕೆರೆಯಲ್ಲಿ ಒಂದು ಮುಳುಗು ಹಾಕಿದ್ದು ನೋಡಿ ಜ್ಞಾನ ಭಯಭೀತನಾದ.
" - ಅಯ್ಯೋ... ಅಮ್ಮ..! ಅಪ್ಪ..!!"
ಅವನ ಬಾಯಿಂದ ಉದ್ಘಾರ ಹೊರಟಿತು. ಅದು ಜ್ಞಾನನ ತಂದೆ ಕೇಳಿರಲಿಲ್ಲ. ಆದರೆ..., ಅದೇ ಸಮಯಕ್ಕೆ ಅಲ್ಲಿಂದ ವಿಹಾರ ಹೊರಟ ಶಿವ ಪಾರ್ವತಿ ಇವರು ಬಾಲಕನ ಅಳು ಕೇಳಿಸಿಕೊಂಡರು. ಬಾಲಕನ ಅಳು ನೋಡಿ ಇಬ್ಬರೂ ತಬ್ಬಿಬ್ಬಾದರು. ಶಿವನು ಪಾರ್ವತಿಯೊಂದಿಗೆ ಹೇಳಿದ
" - ಕೇಳಿಸುತ್ತಾ... ಈ ಬಾಲಕ ಅಮ್ಮ ಅಪ್ಪಾ ಎಂದು ನಮ್ಮನ್ನು ಕರೆದ..! ಹೀಗಾಗಿ ಇವನು ಇಂದಿನಿಂದ ನಮ್ಮ ಮಗನಾದ."
ಶಿವನ ಮಾತು ಕೇಳಿ ದೇವಿ ಪಾರ್ವತಿಯು ನಸುನಗುವಿನೊಂದಿಗೆ ಬಾಲಕನ ಬಳಿ ಬಂದಳು. ಅಳುತ್ತಿರುವ ಬಾಲಕನನ್ನು ತನ್ನ ಮಡಿಲಲ್ಲಿ ಕುಳ್ಳರಿಸಿಕೊಂಡಳು. ಅವನ ಕಣ್ಣೀರು ಒರೆಸಿದಳು. ಬಾಲಕ ಶಾಂತನಾಗಿ ಅವಳನ್ನು ಅಚ್ಚರಿ, ಕುತೂಹಲದಿಂದ ನೋಡತೊಡಗಿದ.
" - ಏನಾಯ್ತು ಮಗು..?!, ಹೊಟ್ಟೆ ಹಸಿದಿದೆಯಾ..? ಕುಡಿಯಲು ಏನಾದರೂ ಬೇಕಿತ್ತೇ..?!" ಪಾರ್ವತಿಯು ಮಮತೆಯಿಂದ ಕೇಳಿದಳು. ಅಷ್ಟೇ.. ಮರುಕ್ಷಣದಲ್ಲಿ ಅವಳ ಕೈಯಲ್ಲಿ ಬಂಗಾರದ ಲೋಟ ಇತ್ತು. ಅದು ಸಿಹಿಯಾದ ಹಾಲಿನಿಂದ ತುಂಬಿತ್ತು. ಅವಳು ಜ್ಞಾನನಿಗೆ ಸಮಾಧಾದಿಂದ ಹೇಳಿದಳು
" ಹಾಲು ಕುಡಿ ಮಗು..!"
ಬಾಲಕ ಶಾಂತನಾಗಿ ಸುಮ್ಮನೇ ಹಾಲು ಕುಡಿಯತೊಡಗಿದ. ಸ್ವಲ್ಪ ಹೊತ್ತಿನ ಮೇಲೆ ಶಿವ ಪಾರ್ವತಿ ಹೊರಟುಹೋದರು. ಜ್ಞಾನನ ತಂದೆ ಸ್ನಾನ ಮುಗಿಸಿ ನೀರಿನಿಂದ ಮೇಲಕ್ಕೆ ಬಂದು ಮಡಿಯುಟ್ಟು ಬಾಲಕನ ಬಳಿ ಬಂದು ಅವನ ಕೈಯಲ್ಲಿ ಬಂಗಾರದ ಲೋಟ ನೋಡಿ ಬೆಚ್ಚಿಬಿದ್ದ.
ಲೋಟದಲ್ಲಿ ಸ್ವಲ್ಪ ಹಾಲು ಉಳಿದಿತ್ತು. ಅವನ ತುಟಿಗಳಿಗೂ ಹಾಲಿನ ನೊರೆ ಹತ್ತಿಕೊಂಡಿತ್ತು. ಅವನು ಅಚ್ಚರಿಯಾದ. ಏನೂ ತಿಳಿಯದಾಯಿತು. ಜ್ಞಾನನಿಗೆ ಬಯ್ದು
" - ಯಾರು ಕೊಟ್ಟರು ನಿನಗೀ ಬಂಗಾರದ ಲೋಟ..?!"
ಎಂದು ಕೇಳಿದ. ಜ್ಞಾನ ಏನೂ ಹೇಳದೇ ಕೈ ಎತ್ತಿ ಎದುರಿಗೆ ಬೊಟ್ಟು ಮಾಡಿ ತೋರಿಸಿದ. ಅವನ ತಂದೆಗೆ ಇದೆಲ್ಲ ತಿಳಿಯಲಿಲ್ಲ. ಅವನು ಚಿಂತಿತಾನಾಗಿ ಮಗುವಿನತ್ತ ನೋಡಿದ.
"- ನೀನು ಏನು ಹೇಳಲು ಇಚ್ಛೆಸುತ್ತಿರುವೆಯೋ ನನಗಂತೂ ಒಂದೂ ತಿಳಿಯದಾಗಿದೆ "
ಇಷ್ಟು ಗುನುಗುನಿಸುವುದೊಂದೇ ಬಾಕಿ ಜ್ಞಾನನ ಬಾಯಿಯಿಂದ ಕವಿತೆಯ ನುಡಿಗಳು ಹೊರಬಿದ್ದವು. ಅದ್ಭುತವಾದ ಕವಿತೆ ಅದಾಗಿತ್ತು. ಜ್ಞಾನನಿಗೆ ಹೇಗೆ ಶಿವ - ಪಾರ್ವತೀಯರು ದರ್ಶನ ಕೊಡುವುದಲ್ಲದೇ, ತಮ್ಮ ಕೈಯಾರೇ ಅವನಿಗೆ ಹಾಲು ಕುಡಿಸಿದರು. ಆ ಕವಿತೆಯಲ್ಲಿ ಇದೆಲ್ಲವುದರ ವರ್ಣನೆ ತುಂಬಿತ್ತು. ಜ್ಞಾನನ ತಂದೆಗೆ ಇದರ ಮೇಲೆ ವಿಶ್ವಾಸವೇ ಆಗಲಿಲ್ಲ.
" - ಮೂರು ವರ್ಷದ ಬಾಲಕ, ಮತ್ತು ಇಷ್ಟು ಸುಂದರ ಕವಿತೆ..?! ಈ ಚಮತ್ಕಾರ ಯಾರೋ ಅಲೌಕಿಕ ವ್ಯೆಕ್ತಿಯೇ ಮಾಡಬಲ್ಲ " ಎಂದುಕೊಳ್ಳುತ್ತ ಎಕಚಿತ್ತದಿಂದ ಜ್ಞಾನನನ್ನು ನೋಡತೊಡಗಿದ. ಯಾವಾಗ ಜ್ಞಾನನು ಕವಿತೆ ಹೇಳುವುದು ಮುಗಿಸಿದನೋ ಆಗ ಅವನನ್ನು ಹೆಗಲ ಮೇಲೆ ಕೂಡ್ರಿಸಿಕೊಂಡು ಕುಣಿಯತೊಡಗಿದ. ಮುಂದಿನ ಎಲ್ಲ ಜೀವನವೂ ಶಿವನ ಪೂಜೆ ಪುನಸ್ಕಾರ ಅವನ ಸೇವೆಯಲ್ಲೇ ಕಳೆಯುವ ನಿರ್ಧಾರ ಮಾಡಿದ. ' - ತಾನು ಇಷ್ಟೆಲ್ಲ ಮಾಡಿ ಶಿವಪಾರ್ವತಿಯರನ್ನು ನೋಡಲಾಗಲಿಲ್ಲ, ಆದರೆ.., ಈ ನನ್ನ ಬಾಲಕ ಜ್ಞಾನ ಅದೆಲ್ಲವನ್ನು ಕಂಡುಕೊಂಡ.' ಎಂದು ಅವನನ್ನು ಹೆಗಲ ಮೇಲೆ ಹೊತ್ತೇ ಗುಡಿಯ ಬಳಿ ನಡೆದ. ಗುಡಿಯ ಬಳಿ ಆಗಲೇ ಈ ಅಲೌಕಿಕ ಘಟನೆಯ ಬಗ್ಗೆ ಚರ್ಚೆ ಹರಡಿತ್ತು. ಜನವೆಲ್ಲ ಆ ಅದ್ಭುತ ಬಾಲಕ ಶಿವನ ಪ್ರಿಯನು ಎಂದು ತಿಳಿದು ಬಾಲಕನಿಗೆ ಕೈ ಮುಗಿಯತೊಡಗಿದರು.
ಇದು ಇಷ್ಟಕ್ಕೆ ಮುಗಿಯಲಿಲ್ಲ. ಜ್ಞಾನನ ದರ್ಶನ ಮಾಡಲು ಅಕ್ಕ ಪಕ್ಕದ ಊರಿನಿಂದ ಜನ ಬರತೊಡಗಿದರು. ಅವರೆಲ್ಲ ಅವನನ್ನು ತಮ್ಮ ತಮ್ಮ ಊರು, ಹಳ್ಳಿಗಳಿಗೆ ಕರೆಯತೊಡಗಿದರು. ಅವನ ಮಧುರವಾದ ಮಾತುಗಳನ್ನು ಕೇಳುತ್ತಿದ್ದರು.
ಒಂದು ದಿನ ದೂರದ ಊರಿನಿಂದ ಜ್ಞಾನನಿಗೆ ಕರೆ ಬಂತು. ಅವನ ತಂದೆ ಅವನನ್ನು ಹೆಗಲ ಮೇಲೆ ಕೂಡ್ರಿಸಿಕೊಂಡು ಹೊರಟ.
" - ಅಪ್ಪ.. ನನ್ನನ್ನು ಕೆಳಗೆ ಇಳಿಸಿ. ನಾನೂ ನಡೆಯುತ್ತ ಬರುವೆ. ನೀವು ಮತ್ತು ಉಳಿದ ಭಕ್ತರೆಲ್ಲ ನಡೆಯುವಂತೆ..!"
ಜ್ಞಾನನ ತಂದೆ ಅವನನ್ನು ಕೆಳಗಡೆ ಇಳಿಸಿದ. ಬಾಲಕ ನೆಲೆದ ಮೇಲೆ ನಡೆಯತೊಡಗಿದ. ಅವರೆಲ್ಲ ಯಾವ ಊರಿನ ಗುಡಿಗೆ ಹೊರಟಿದ್ದರೋ ಆಕಸ್ಮಿಕವಾಗಿ ಆ ಗುಡಿಯ ಪೂಜಾರಿಗೆ ಶಿವನ ವಿಗ್ರಹ ಅಲುಗಾಡಿದ ಹಾಗೆ ತೋರಿತು. ಹೆದರಿಕೆಯಿಂದ ಪೂಜಾರಿ ತನ್ನೆರಡೂ ಕೈ ಜೋಡಿಸಿ ನಿಂತ. ಆಗವನಿಗೆ ಒಂದು ಆಕಾಶವಾಣಿ ಕೇಳಿತು
"- ನನ್ನ ಪ್ರೀಯ ಬಾಲಕ ಭಕ್ತ ಬರಿಗಾಲಲ್ಲಿ ನಡೆಯುತ್ತ ಬರುತ್ತಿದ್ದಾನೆ. ಇದೀಗ ಅವನ ಕಾಲಿಗೆ ಮುಳ್ಳು ಚುಚ್ಚಿದೆ. ಮುತ್ತುಗಳಿಂದ ತುಂಬಿದ ಪಲ್ಲಕ್ಕಿ ಒಯ್ದು, ಅದರಲ್ಲಿ ಅವನನ್ನು ಕೂಡ್ರಿಸಿ ಕರೆದು ತನ್ನಿ ' -
" ಪ್ರಭು.. ಆದರೆ, ಆ ಪಲಕ್ಕಿ ಎಲ್ಲಿದೆ...?!"
ಪೂಜಾರಿ ಕೇಳಿದ.
'- ಮಂದಿರದ ಗುಪ್ತ ದ್ವಾರ ತೆರೆದು ನೋಡಿ. ಅಲ್ಲಿದೆ ಆ ಪಲ್ಲಕ್ಕಿ '
ಎಂಬ ಮಾತು ಕೇಳುತ್ತಿದ್ದಂತೆ ತನ್ನ ಸಹಾಯಕ್ಕೆ ಒಂದಿಬ್ಬರನ್ನು ಕರೆದುಕೊಂಡು ಆ ಗುಪ್ತ ದ್ವಾರದ ಬಳಿ ಧಾವಿಸಿ ಹೋದ. ಗುಪ್ತದ್ವಾರದ ಬೀಗ ತೆಗೆದು. ನಿಜವಾಗಿಯೂ ಅಲ್ಲಿ ಮುತ್ತುಗಳಿಂದ ಅಲಂಕರಿಸಿದ ಪಲ್ಲಕ್ಕಿ ಇತ್ತು. ಸಾವಿರಾರು ಜನ ಕೂಡಿದ್ದರು. ಜ್ಞಾನನನ್ನು ಪಲಕ್ಕಿಯಲ್ಲಿ ಕೂಡ್ರಿಸಿ ಗುಡಿಗೆ ಕರೆತರಲಾಯ್ತು. ಪಾಲಕಿಯ ಹಿಂದೆ ಭಕ್ತ ಗಣ ಚಾವರಿ ಬೀಸುತ್ತಿದ್ದರು. ತಾಳ ಮದ್ದಳೆ ಯೊಂದಿಗೆ ಹಾಡು ಕೀರ್ತನೆ ನೃತ್ಯ ಆಗುತ್ತಿದ್ದವು. ಜ್ಞಾನನ ಖ್ಯಾತಿ ದೂರ ದೂರದವರೆಗೂ ಹರಡತೊಡಗಿತು.
ಹೀಗಿದ್ದಾಗ ಒಮ್ಮೆ ಜ್ಞಾನ ತನ್ನ ಮನೆ ಹೊರಗಡೆ ಒಂದು ಕೂಗು ಕೇಳಿದ
"ನಾವಕರಸರ್ ಬರುತ್ತಿದ್ದಾರೆ..!!"
ಅವರು ಬಹಳ ದೊಡ್ಡ ಸಂತರಿದ್ದರು. ಎಲ್ಲರೂ ಅವರ ಸನ್ಮಾನ ಮಾಡುತ್ತಿದ್ದರು. ನಾವಕರಸರ ಬರುವುದು ಕಂಡು ಜ್ಞಾನ ಅವರತ್ತ ಧಾವಿಸಿ ಹೋದ.
"- ನೀವೊಬ್ಬ ಮಹಾನ್ ಸಂತರಿದ್ದಿರಿ. ನನ್ನ ತಂದೆಯ ಸಮಾನ ಆಗಿರುವಿರಿ. ನಿಮ್ಮ ದರ್ಶನದಿಂದ ನಾ ಧನ್ಯನಾದೆ."
ಜ್ಞಾನ ಕೈ ಮುಗಿದು ಕಾಲಿಗೆ ಬೀಳುವವನಿದ್ದ. ಅಷ್ಟರಲ್ಲೇ ನಾವಕರಸರ್ ಜ್ಞಾನನನ್ನು ತಡೆಯುತ್ತಾ ತಾವೇ ಪ್ರತಿ ವಂದನೆ ಸಲ್ಲಿಸಿ
"- ನಿಮ್ಮ ಪ್ರಸದ್ಧಿಯ ಕುರಿತು ಕೇಳಿರುವೆ. ಸಾಕ್ಷಾತ್ ಶಿವ ಪಾರ್ವತಿಯರ ಪುತ್ರ ನೀವು..ನಿಮ್ಮಂಥ ಸಿದ್ಧಿ ಯಾರಿಗೂ ಪ್ರಾಪ್ತವಾಗಿಲ್ಲ. ನಾನೇ ನಿಮ್ಮ ದರ್ಶನದಿಂದ ಧನ್ಯನಾದೆ."
ಎಂದರು. ಈಗವರು ಇಬ್ಬರೂ ಮಿತ್ರರಾದರು. ಇಬ್ಬರೂ ಸೇರಿ ತೀರ್ಥಯಾತ್ರೆ ಮಾಡುತ್ತ
" ವೇದಾರಣ್ಯo " ಎಂಬ ಸ್ಥಾನ ತಲುಪಿದರು. ಅಲ್ಲಿನ ಪ್ರಾಚೀನ ಮಂದಿರದ ಬಾಗಿಲು ಹಾಕಲಾಗಿತ್ತು. ಅವುಗಳ ಮೇಲೆ ದೊಡ್ಡ ಬೀಗ ಹಾಕಲಾಗಿತ್ತು. ಇಬ್ಬರೂ
"- ಓಂ ನಮಃ ಶಿವಾಯ "
ಎಂದು ಶಿವನನ್ನು ಸ್ಮರಿಸಿ ಅಲ್ಲಿಯೇ ಗುಪ್ತರಾದರು.
ಓಂ ನಮಃ ಶಿವಾಯ 🙏🚩(ಸು. ಜಾ.)

29/12/2024

🌺 ಓಂ ಸವದತ್ತಿ ಶ್ರೀ ರೇಣುಕಾ ಯಲ್ಲಮ್ಮ ದೇವಿಯ
ಶುಭ ಭಾನುವಾರದ ✨(29/12/24)✨ ರ ಸುಂದರ ದರ್ಶನ ಭಾಗ್ಯದಿಂದ ಎಲ್ಲರಿಗೂ ಶುಭವಾಗಲಿ🌺 🙏🕉️🙏

29/12/2024

🌼🙏ಮಧ್ಯರಂಗ🙏🌼

ಆದಿ ರಂಗ, ಮಧ್ಯ ರಂಗ ಮತ್ತು ಅಂತ್ಯ ರಂಗ ಅತ್ಯಂತ ಪವಿತ್ರ ಸ್ಥಳಗಳು. ಮಂಡ್ಯ ಜಿಲ್ಲೆ ಶ್ರೀರಂಗಪಟ್ಟಣದ ಶ್ರೀರಂಗನಾಥಸ್ವಾಮಿಯು ಆದಿ ರಂಗ. ಅದೇ ಜಿಲ್ಲೆಯ ಶಿವನಸಮುದ್ರದ ಬಳಿ ಇರುವ ಶ್ರೀರಂಗನಾಥಸ್ವಾಮಿ ಮಧ್ಯ ರಂಗನೆಂದು ಪ್ರಸಿದ್ಧಿ. ತಮಿಳುನಾಡಿನ ಶ್ರೀರಂಗವು ಅಂತ್ಯ ರಂಗವಾಗಿದೆ. ಈ ಮೂರೂ ಸ್ಥಳಗಳಲ್ಲಿ ಇರುವ ರಂಗನಾಥಸ್ವಾಮಿ ದೇವಸ್ಥಾನಗಳು ಕಾವೇರಿ ನದಿಯಿಂದ ಸುತ್ತುವರಿಯಲ್ಲಪಟ್ಟಿವೆ. ಹೀಗಾಗಿ ಇವುಗಳನ್ನು ಮೊದಲನೆ, ಎರಡನೆ ಮತ್ತು ಮೂರನೆ ದ್ವೀಪಗಳೆನ್ನುತ್ತಾರೆ. ಮೂರು ರಂಗನ ದರ್ಶನವನ್ನು ಏಕದಿನದಲ್ಲಿ ಮಾಡಿದರೆ ಪುಣ್ಯ ಹೆಚ್ಚು .

ಸ್ಥಳ ಪುರಾಣ:
ಕೃತಯುಗದ ಕಾಲದಲ್ಲಿಯೇ ಸ್ಥಾಪಿತಗೊಂಡ ದೇವಸ್ಥಾನವಿದು. ಭಕ್ತರ ಕಣ್ಮನ ಸೆಳೆಯುವುದರಿಂದ ಜಗನ್ಮೋಹನ ಶ್ರೀರಂಗನಾಥಸ್ವಾಮಿ ಎಂಬ ಹೆಸರು. ಶ್ರೀರಂಗನಾಥಸ್ವಾಮಿಗೆ ಹೂವಿನ ಹಾರದಂತೆ ಸುತ್ತುವರಿದು ಹರಿಯುತ್ತಿದ್ದ ಕಾವೇರಿ ನದಿಯ ಹರಿವಿಗೆ ಹೆಬ್ಬಂಡೆ ರೂಪದಲ್ಲಿ ರಾಕ್ಷಸ ಅಡ್ಡಿಯಾಗಿರುತ್ತಾನೆ. ಆಗ ಶಿವನು ರಾಕ್ಷಸನನ್ನು ಸಂಹಾರ ಮಾಡಿದಾಗ ಬಂಡೆ ಛಿದ್ರವಾಗುತ್ತದೆ, ಮತ್ತು ಕಾವೇರಿ ಸುಗಮವಾಗಿ ಹರಿಯಲು ಹಾದಿಯಾಗುತ್ತದೆ. ಹೀಗಾಗಿ ಇದು ಶಿವನ ಸಮುದ್ರ.

ಬಹಳ ಹಿಂದೆ ದೇವರಾಜನಾದ ದೇವೇಂದ್ರನಿಗೆ ಕಾರಣಾಂತರಗಳಿಂದ ಶಾಪವಾಗಿರುತ್ತದೆ. ಅದರ ವಿಮೋಚನೆಗಾಗಿ ಈ ಸ್ಥಳದಲ್ಲಿ ಶ್ರೀ ವಿಷ್ಣುವಿನ ಶೇಷಶಯನ ರೂಪವನ್ನು ಭೂಲೋಕದ ಭಕ್ತರೂ ಕಾಣುವಂತೆ ಶ್ರೀರಂಗನಾಥನ ಸಾಲಿಗ್ರಾಮ ಶಿಲೆಯ ವಿಗ್ರಹವನ್ನು ಸ್ಥಾಪಿಸಲು ಸಪ್ತರ್ಷಿಗಳು ಸೂಚಿಸುತ್ತಾರೆ. ಅದರಂತೆ ಇಂದ್ರನು ಶ್ರೀರಂಗನಾಥಸ್ವಾಮಿಯನ್ನು ಪ್ರತಿಷ್ಠಾಪಿಸುತ್ತಾನೆ. ಸಪ್ತರ್ಷಿಗಳು ಭರಚುಕ್ಕಿಯಲ್ಲಿರುವ ಕಾವೇರಿ ಜಲದಲ್ಲಿ ಪ್ರತಿ ದಿನ ಸಂಧ್ಯಾ ಸಮಯದಲ್ಲಿ ಪವಿತ್ರ ಸ್ನಾನ ಮತ್ತು ಸಂಧ್ಯಾವಂದಾನಾದಿ ವಿಧಿ ಗಳನ್ನು ಈಗಲೂ ಪೂರೈಸಿಕೊಳ್ಳುತ್ತಾರೆ ಎಂಬ ನಂಬಿಕೆ ಇದೆ. ಹೀಗಾಗಿ ಈ ಸ್ಥಳವು ಸಪ್ತರ್ಷಿ ಕ್ಷೇತ್ರ ಎಂದೂ ಪ್ರಸಿದ್ಧಿ ಪಡೆದಿದೆ.
ಸರ್ಪಲೋಕದ ಒಡೆಯ ತಕ್ಷಕನು ಇಲ್ಲಿ ಕ್ಷೇತ್ರಪಾಲಕ. ದೇವಸ್ಥಾನದ ಒಳಗಡೆ ಎಡಭಾಗದಲ್ಲಿರುವ ಮೊದಲನೇ ವಿಗ್ರಹವೇ ತಕ್ಷಕನದು. ಶ್ರೀ ರಂಗನಾಥಸ್ವಾಮಿಯ ವಿಗ್ರಹದಿಂದ 60 ಅಡಿಗಳ ಕೆಳಗೆ ಬಹಳ ವರ್ಷಗಳ ಹಿಂದೆ ಋಷಿಗಳು `ಅಮೃತಕುಂಭ’ ವನ್ನು ಸ್ಥಾಪಿಸಿದ್ದಾರೆ; ಪ್ರಳಯದ ನಂತರದಲ್ಲಿ ಈ ಕುಂಭವು ಇಡೀ ಜಗತ್ತನ್ನು ಪುನಶ್ಚೇತನಗೊಳಿಸುತ್ತದೆ ಎಂದು ಹೇಳಲಾಗಿದೆ. ಈಗ ಕುಂಭವು ಅಗಸ್ತ್ಯರ ಪತ್ನಿ ಲೋಪಮುದ್ರಾದೇವಿ, ದುರ್ಗಾದೇವಿ ಮತ್ತು ಆಂಜನೇಯಸ್ವಾಮಿ ಅವರುಗಳಿಂದ ಸಂರಕ್ಷಿಸಲ್ಪಟ್ಟಿದೆ. ಈ ದೇವಾಲಯದ ಇತಿಹಾಸದ ವಿವರಗಳನ್ನು ಬೆಂಗಳೂರಿನ ಹಲಸೂರಿನ ಸುಪ್ರಸಿದ್ಧ ಶ್ರೀ ಸೋಮೇಶ್ವರ ದೇವಸ್ಥಾನದ ಶಿಲಾ ಶಾಸನದಲ್ಲಿ ಕಾಣಬಹುದು.

ತಲಪುವುದು ಹೇಗೆ?
ಮಧ್ಯರಂಗವು ಬೆಂಗಳೂರಿನಿಂದ ಸುಮಾರು 140 ಕಿ.ಮೀ. ದೂರದಲ್ಲಿದೆ. ಬೆಂಗಳೂರು-ಮೈಸೂರು ಹೆದ್ದಾರಿಯಲ್ಲಿ ಮದ್ದೂರು ತಲಪಿದ ಮೇಲೆ ಎಡಕ್ಕೆ ತಿರುಗಿ ಮದ್ದೂರು-ಕೊಳ್ಳೇಗಾಲ ರಸ್ತೆ ಸೇರುವುದು. ಮಳವಳ್ಳಿ ಮುಖಾಂತರ ಹೋಗಿ ಸತ್ತೇಗಾಲದಲ್ಲಿ ಎಡಕ್ಕೆ ತಿರುಗಿದರೆ ದೇವಸ್ಥಾನ ಸಿಗುತ್ತದೆ..

🌼🙏🌼🙏

29/12/2024

********🕉️ ಓಂ ಶ್ರೀ ಗುರುಭ್ಯೋ ನಮಃ 🕉️‌*********
*ಪೂಜೆಯಲ್ಲಿ ಅಗರಬತ್ತಿಗಳನ್ನು ಹಚ್ಚಲೇಬಾರದು..! ಆದರೆ, ಇದನ್ನು ಹಚ್ಚಿ..*
ಹಿಂದೂ ಧರ್ಮದಲ್ಲಿ ದೇವರು ಮತ್ತು ದೇವತೆಗಳ ಪೂಜೆಯ ಸಮಯದಲ್ಲಿ ಧೂಪದ್ರವ್ಯವನ್ನು ಬೆಳಗಿಸಲಾಗುತ್ತದೆ. ಧರ್ಮಗ್ರಂಥಗಳಲ್ಲಿ ಧೂಪದ್ರವ್ಯವನ್ನು ಪೂಜೆಯಲ್ಲಿ ಬಳಸುವ ಬಗ್ಗೆ ಯಾವುದೇ ಉಲ್ಲೇಖವಿಲ್ಲ. ಅಗರಬತ್ತಿಗಳನ್ನು ಸುಡುವುದು ಆರೋಗ್ಯಕ್ಕೆ ಹಾನಿಕರ ಎನ್ನುವ ನಂಬಿಕೆಯಿದೆ. ನಿಮ್ಮ ಮನೆಯ ದೇವರ ಕೋಣೆಯಲ್ಲಿ ಪ್ರತಿದಿನ ಅಗರಬತ್ತಿಗಳನ್ನು ಸುಟ್ಟರೆ, ಅದು ಉಸಿರಾಟದ ತೊಂದರೆಗಳನ್ನು ಉಂಟುಮಾಡಬಹುದು ಏಕೆಂದರೆ ಅಗರಬತ್ತಿಗಳನ್ನು ತಯಾರಿಸಲು ಬಳಸುವ ರಾಸಾಯನಿಕಗಳು ಆರೋಗ್ಯಕ್ಕೆ ಉತ್ತಮವೆಂದು ಪರಿಗಣಿಸುವುದಿಲ್ಲ. ಪೂಜೆಯ ಸಮಯದಲ್ಲಿ ನೈವೇದ್ಯಕ್ಕೆ ಮೊದಲು ಅಗರಬತ್ತಿಗಳನ್ನು ಹಚ್ಚುವ ಬದಲು ಧೂಪವನ್ನು ಅರ್ಪಿಸುವುದು ಉತ್ತಮ. ಯಾವ ಧಾರ್ಮಿಕ ಕಾರಣಗಳಿಂದಾಗಿ ಅಗರಬತ್ತಿಗಳನ್ನು ಪೂಜೆಯಲ್ಲಿ ಬಳಸಬಾರದು ಗೊತ್ತೇ..?

*ಈ ಕಾರಣಗಳಿಗಾಗಿ ಅಗರಬತ್ತಿಗಳನ್ನು ಪೂಜೆಯಲ್ಲಿ ಬಳಸಬಾರದು:*
1. ಅಗರಬತ್ತಿಗಳನ್ನು ತಯಾರಿಸಲು ಬಿದಿರನ್ನು ಬಳಸಲಾಗುತ್ತದೆ. ಬಿದಿರನ್ನು ಸುಡುವುದರಿಂದ ಸಂತತಿ ನಷ್ಟವಾಗುತ್ತದೆ ಎಂಬುದು ಧಾರ್ಮಿಕ ನಂಬಿಕೆ. ಹಾಗಾಗಿ ಜನರು ಅಗರಬತ್ತಿಗಳನ್ನು ಪೂಜೆಯಲ್ಲಿ ಬಳಸುವುದನ್ನು ತಪ್ಪಿಸಬೇಕು.

2. ಬಿದಿರನ್ನು ಸುಡುವುದರಿಂದ ಪಿತೃ ದೋಷ ಬರುತ್ತದೆ ಎಂದು ಹೇಳಲಾಗುತ್ತದೆ. ಈ ಕಾರಣದಿಂದಾಗಿ ಅಗರಬತ್ತಿಗಳನ್ನು ಬೆಳಗಿಸಬಾರದು. ಹಿಂದೂ ಧರ್ಮದಲ್ಲಿ, ಬಿದಿರನ್ನು ಅಂತಿಮ ವಿಧಿಗಳಲ್ಲಿ ಬಳಸಲಾಗುತ್ತದೆ. ಅಂತ್ಯಕ್ರಿಯೆಯ ಮೆರವಣಿಗೆಯನ್ನು ಬಿದಿರಿನ ಮೇಲೆ ಮಾತ್ರ ತೆಗೆದುಕೊಂಡು ಹೋಗಲಾಗುತ್ತದೆ ಮತ್ತು ಶವಸಂಸ್ಕಾರದ ಸಮಯದಲ್ಲಿ, ಕಪಾಲ ಕ್ರಿಯೆಯನ್ನು ಬಿದಿರಿನಿಂದ ಮಾಡಲಾಗುತ್ತದೆ.

3. ಮದುವೆ, ಉಪನಯನ ಆಚರಣೆಗಳು ಅಥವಾ ಇತರ ಮಂಗಳಕರ ಸಂದರ್ಭಗಳಲ್ಲಿ ಮಂಟಪವನ್ನು ಸಿದ್ಧಪಡಿಸುವಲ್ಲಿ ಬಿದಿರನ್ನು ಬಳಸಲಾಗುತ್ತದೆ. ಒಂದು ರೀತಿಯಲ್ಲಿ ಇದು ಅಶುಭ ಸಂದರ್ಭದೊಂದಿಗೆ ಮಾತ್ರವಲ್ಲ, ಶುಭ ಸಂದರ್ಭಗಳೊಂದಿಗೂ ಸಂಬಂಧವನ್ನು ಹೊಂದಿದೆ. ಈ ಕಾರಣಕ್ಕಾಗಿಯೂ ಬಿದಿರು ಸುಡುವುದನ್ನು ನಿಷೇಧಿಸಲಾಗಿದೆ.

4. ಅದೃಷ್ಟವನ್ನು ಬೆಳಗಿಸಲು ಫೆಂಗ್ ಶೂಯಿಯಲ್ಲಿ ಬಿದಿರಿನ ಸಸ್ಯವನ್ನು ನೆಡಲು ಸಲಹೆ ನೀಡಲಾಗುತ್ತದೆ. ನೀವು ಬಿದಿರನ್ನು ಸುಟ್ಟರೆ, ಅದು ದುರಾದೃಷ್ಟವನ್ನು ಹೆಚ್ಚಿಸುತ್ತದೆ. ಈ ಕಾರಣದಿಂದಾಗಿ, ಅಗರಬತ್ತಿಗಳನ್ನು ಸುಡಬೇಡಿ.

*ಅಗರಬತ್ತಿಯ ಬದಲು ನಾವು ಯಾವುದನ್ನು ಬಳಸಬೇಕು..?*
1. ಪೂಜೆಯ ಸಮಯದಲ್ಲಿ ಅಗರಬತ್ತಿಗಳ ಬದಲಾಗಿ ಧೂಪವನ್ನು ಬಳಸಬೇಕು. ಇದರಿಂದ ಮನೆಯಲ್ಲಿ ಸುಖ ಶಾಂತಿ ನೆಲೆಸುತ್ತದೆ. ವ್ಯಕ್ತಿಯು ಒತ್ತಡದಿಂದ ಮುಕ್ತನಾಗಿರುತ್ತಾನೆ. ರೋಗಗಳು, ದೋಷಗಳು ಮತ್ತು ನಕಾರಾತ್ಮಕತೆಯನ್ನು ತೆಗೆದುಹಾಕುವಲ್ಲಿ ಧೂಪದ್ರವ್ಯ ಪ್ರಮುಖ ಪಾತ್ರ ವಹಿಸುತ್ತದೆ.

2. ಅನೇಕ ಮರಗಳು, ಮರಗಳ ತೊಗಟೆ, ಶ್ರೀಗಂಧ ಇತ್ಯಾದಿಗಳನ್ನು ಧೂಪವನ್ನು ತಯಾರಿಸಲು ಬಳಸಲಾಗುತ್ತದೆ, ಅವು ಗ್ರಹಗಳಿಗೆ ಸಂಬಂಧಿಸಿವೆ. ಇದನ್ನು ಸುಡುವುದರಿಂದ ಗ್ರಹಗಳು ಶಾಂತವಾಗುತ್ತವೆ, ಅವುಗಳಿಗೆ ಸಂಬಂಧಿಸಿದ ದೋಷಗಳು ಸಹ ನಿವಾರಣೆಯಾಗುತ್ತವೆ.

3. ನೀವು ಪ್ರತಿದಿನ ಪೂಜೆ ಮಾಡಿದರೆ, ಪ್ರತಿದಿನ ಧೂಪವನ್ನು ಹಚ್ಚುವುದು ಉತ್ತಮ. ಒಂದು ವೇಳೆ ನಿಮಗೆ ಪ್ರತಿದಿನ ಧೂಪವನ್ನು ಹಚ್ಚಲು ಸಾಧ್ಯವಾಗದಿದ್ದರೆ ನೀವು ಕೃಷ್ಣ ಪಕ್ಷ ಮತ್ತು ಶುಕ್ಲ ಪಕ್ಷದ ಏಕಾದಶಿ, ತ್ರಯೋದಶಿ, ಚತುರ್ದಶಿ, ಅಮಾವಾಸ್ಯೆ ಮತ್ತು ಪೂರ್ಣಿಮೆಯಂದು ಧೂಪವನ್ನು ಹಚ್ಚಬಹುದು.

ಅಗರಬತ್ತಿಗಳನ್ನು ಶುಭ ಕಾರ್ಯಕ್ಕೆ ಮಾತ್ರವಲ್ಲದೆ, ಹೆಚ್ಚಾಗಿ ಅಶುಭ ಕಾರ್ಯದಲ್ಲೂ ಬಳಸುವುದರಿಂದ ಅದನ್ನು ನಾವು ದೇವರ ಪೂಜೆಗೆ ಉಪಯೋಗಿಸಬಾರದು ಎಂದು ಹೇಳಲಾಗುತ್ತದೆ. ನೀವು ದೇವರ ಪೂಜೆಯಲ್ಲಿ ಅಗರಬತ್ತಿಗಳನ್ನು ಬಳಸುವ ಬದಲು ಧೂಪವನ್ನು ಬಳಸುವುದು ಉತ್ತಮ ಹಾಗೂ ಶುಭ. ‌ ‌ ‌ ‌ ‌ ‌ ‌ ‌ "ಧೂಪಂ ಶ್ಲೋಕ"

*ವನಸ್ಪತಿರಸೋದ್ಭೂತೋ ಗನ್ಧಾದ್ಯೋ ಗನ್ಧಮುತ್ತಮಃ* ।
*ಆಘ್ರೇಯಃ ಸರ್ವದೇವಾನಾಂ ಧೂಪೋದ್ಯಯಂ ಪ್ರತಿಗೃಹ್ಯತಾಮ್* ॥

ಅರ್ಥ :
ಹೇ ಭಗವಾನ್, ವನಸ್ಪತಿಗಳ ರಸದಿಂದ ಅತ್ಯುತ್ತಮವಾದ ಸುಗಂಧದೊಂದಿಗೆ
ಸುಗಂಧಭರಿತವಾಗಿದೆ ಮತ್ತು ಎಲ್ಲಾ ಸುವಾಸನೆಯನ್ನು ಹೊಂದಿರುವ, ಅಂದರೆ ಎಲ್ಲಾ ದೇವತೆಗಳಿಗೆ ಇಷ್ಟವಾದ ಈ ದಯವಿಟ್ಟು ಧೂಪವನ್ನು ಸ್ವೀಕರಿಸಿ.

Sri Raghavendra Swami Vaibhava

30/12/2024

30/12/2024

30/12/2024

30/12/2024

30/12/2024

30/12/2024

30/12/2024

30/12/2024

30/12/2024

29/12/2024

29/12/2024

29/12/2024

Address

Website

Alerts

Videos

ಯಾಲಿ ಕಂಬಗಳು ಇಲ್ಲಿನ ಇನೊಂದು ವೈಶಿಷ್ಟ್ಯ | Sri Raghavendra Swami Vaibhava

ಈ ದೇವಸ್ಥಾನ ಕೆಂಪೇಗೌಡರ ಆಡಳಿತ ಕಛೇರಿಯಾಗಿತ್ತು | Sri Raghavendra Swami Vaibhava

ಅವನಿ ಕ್ಷೇತ್ರದಲ್ಲಿ ನೆಲೆಸಿರುವ ಶಾರದಾಂಬೆ ದೇವಿ | Sri Raghavendra Swami Vaibhava

ನಾಗಲಕ್ಷ್ಮಿ ವ್ರತ ಹಾಳು ಮಾಡಲು ಹೊಸ ಉಪಾಯ ಮಾಡಿದ ಕಾಮನಾಗ | Sri Raghavendra Swami Vaibhava

Shortcuts

Share

Category

ಓಂ ಶ್ರೀ ಗುರು ರಾಘವೇಂದ್ರಾಯ ನಮಃ