31/01/2025
ଚଞ୍ଚକତା କରି ପକ୍ଷାଘାତ ରୋଗରେ ଶଯ୍ୟାଶାୟୀ ଥିବା ବାପା ଙ୍କ ପୈତୃକ ସଂପତ୍ତି କୁ ନିଜ ନାମିତ କରି ଅନ୍ୟ କୁ ବିକ୍ରି କରିବା ଘଟଣା ସାମ୍ନା କୁ ଆସିଛି।ବାଲେଶ୍ବର ଜିଲ୍ଲା ବାଲିଆପାଳ ବ୍ଲକ ବାଲିକୁଟି ପଞ୍ଚାୟତ ର ଛଡ଼ା ଗ୍ରାମରେ।ସୁଚନା ମୁତାବକ ଶ୍ରୀ ଝାଡେଶ୍ୱର ଦେ ଙ୍କର ଦୁଇ ପୁଅ ଓ ଦୁଇ ଝିଅ ଅଛନ୍ତି।ଦୁଇ ବର୍ଷ ରୁ ଉର୍ଦ୍ଧ ସମୟ ହେବ ସେ ରୋଗ ଶଯ୍ୟାରେ ମୃତ୍ୟୁ ସହ ସଂଘର୍ଷ କରୁଛନ୍ତି।ଏହାର ସୁଯୋଗ ନେଇ ସାନ ପୁଅ ସୁଦାମ ଦେ ଚଞ୍ଚକତା କରି ବାପାଙ୍କ ନାମିତ ଛଡା ମୈଜା ରେ ଥିବା ଖାତା ନଂ ୪୧୯/୪୦୦,୪୧୯/୩୬୪,୪୧୯/୩୫୬,୪୧୯/୨୪୨,୪୧୯/୭୩ ରେ ସମୁଦାୟ ୧ ଏକର ୧୬ ଡେସିମିଲ ସମ୍ପତ୍ତି କୁ ନିଜ ନାମରେ ନାମିତ କରିଥିବା ଜାଣି ବଡ଼ ଭାଇ ପ୍ରଦିପ ଦେ ୩୧/୧୨/୨୦୨୫ ରେ ବାଲେଶ୍ବର ସିଭିଲ ଜଜ ସିନିଅର ଅତାଲତ ର ଦ୍ବାରସ୍ଥ ହୋଇଥିବା ବେଳେ ସୁଦାମ ଦେ ବୁଧବାର ସନ୍ଧ୍ୟା ୭ ସମୟ ରେ ଦକ୍ଷିଣ ମହାବଳା ଗ୍ରାମର ସମ୍ପର୍କୀୟ ବାବୁ ସିଂ ଙ୍କୁ ରେଜିଷ୍ଟ୍ରି କରିଛନ୍ତି। ଖବର ପାଇଁ ସ୍ତ୍ରୀ, ବଡ଼ ପୁଅ, ଝିଅ କୁ ଧରି ରେଜିଷ୍ଟ୍ରି ଅଫିସ ରେ ବିରୋଧ କରିବାରୁ ସାନ ପୁଅ ର ସ୍ତ୍ରୀ ଶାଶୁ ଙ୍କ ମଧ୍ୟରେ ଗଣ୍ଡଗୋଳ କରିବା ସହିତ ଖରାପ ଭାଷା ରେ ଗାଳିଗୁଲଜ କରି ଠେଲାପେଲା କରିଥିଲେ। ଖବର ପାଇ ଘଟଣା ସ୍ଥଳ ରେ ପୋଲିସ ପହଞ୍ଚି ଗଣ୍ଡଗୋଳ କୁ ଆୟତ କରିଥିଲେ।ପରେ ଝାଡେଶ୍ୱର ଦେ ଥାନା ରେ ପହଞ୍ଚି ସାନ ପୁଅ ସୁଦାମାଙ୍କ ନାମରେ ଲିଖିତ ଅଭିଯୋଗ କରିବା ସହିତ ଚଞ୍ଚକତା କରି ସମ୍ପତି ନିଜ ନାମରେ କରାଇ ଅନ୍ୟ କୁ କେମିତି ବିକ୍ରି କଲେ ବୋଲି ପ୍ରଶାସନ ବିଚାର କରି ଉଚିତ ନ୍ୟାୟ ପ୍ରଦାନ କରିବା ସହିତ ଦୋଷୀ କୁ ଦଣ୍ଡ ବିଧାନ କରିବା ପାଇଁ ପ୍ରମିଳା ଦେ, ପ୍ରଦୀପ ଦେ, ଜୟନ୍ତୀ ଦେ ପ୍ରମୁଖ ନିବେଦନ କରିଛନ୍ତି।
