25/05/2024
●వార్‌ వన్‌సైడే..అది వైఎస్సార్‌ సిపి వైపే..!
●సింహం విదేశాలకు వెళ్లింది. జూన్‌ ఒకటో తేదీ దిగుతుంది. 4న జూలు విదిలించబోతోంది..!
●జిల్లాలో 14 అసెంబ్లీ సీట్లు, రెండు ఎంపీ సీట్లూ గెలవబోతున్నాం..!
●రాష్ట్రంలో 164 అసెంబ్లీ సీట్లు గెలవబోతున్నాం. కేవలం నాలుగు సీట్లకు మాత్రమే చంద్రబాబు పరిమితం కాబోతున్నాడు..!
●7 సీట్లలో బిజెపి, జనసేన గెలవబోతోంది..!
●జూదం నిర్వహిస్తున్న తెలుగుదేశం పార్టి కార్యకర్తల్లారా మీ నాయకుల మాటలు నమ్మి మీ డబ్బులు పోగొట్టుకోవద్దని కోరుతున్నా..!
●గెలిచేది మేమే. పోయిన ఎన్నికల్లో దెబ్బ తిన్నారు. ఈసారి కూడా దెబ్బతిని మీ కుటుంబాలు ఇబ్బందుల పాలు చేసుకోవద్దు..!
●4వ తేది వరకు ఎంజాయ్‌ చేయండి. వస్తున్నాం.. వస్తున్నాం అంటూ కల కనండి. ఆ కలలోనే బతకండి. 4వ తేది మధ్యాహ్నం 12 గంటలకు నేలమీదకు దిగిరండి. అప్పుడు వాస్తవంలో జగనన్నే గెలవబోతున్నాడు
●రాప్తాడు ఎమ్మెల్యే తోపుదుర్తి ప్రకాష్‌రెడ్డి గారు..!
సార్వత్రిక ఎన్నికల్లో వార్‌ వన్‌సైడే అది వైసిపి వైపే ఉందని రాప్తాడు ఎమ్మెల్యే తోపుదుర్తి ప్రకాష్‌రెడ్డి గారు అన్నారు. శనివారం అనంతపురంలో ఎంపి గోరంట్ల మాధవ్‌ నివాసంలో ఏర్పాటు చేసిన విలేకరుల సమావేశంలో ఎమ్మెల్యే మాట్లాడారు. పందెం కోళ్లు ప్రజా తీర్పును జూదంగా మార్చుకునేందుకు ప్రయత్నిన్నాయి. రాష్ట్రంలో ఎన్నికలు జరిగింది తెలుగుదేశం పార్టీ, వైఎస్సార్‌ కాంగ్రెస్ పార్టీ మధ్యకాదు. విశ్వసనీయత మోసానికి మధ్య జరిగిన ఈ ఎన్నికల్లో అంతిమ విజయం విశ్వసనీయతదే. ప్రజలు విశ్వసనీతయతకే పట్టం కట్టారు. జిల్లాలో 14 అసెంబ్లీ సీట్లు, రెండు ఎంపీ సీట్లూ గెలవబోతున్నాం. హిందూపురంలో బాలకృష్ణ కూడా జెండా పీకేసి చాప చుట్టేశారు. కుప్పంలో చంద్రబాబు, పిఠాపురంలో పవన్‌కళ్యాణ్‌ ఓడిపోతున్నారు. 164 అసెంబ్లీ సీట్లు గెలవబోతున్నాం. కేవలం 4 సీట్లకు మాత్రమే చంద్రబాబు పరిమితం కాబోతున్నాడు. బిజెపి, జనసేన 7 సీట్లలో గెలవబోతోంది
👉తెలుగుదేశం పార్టివాళ్లు, చంద్రబాబు వారసులు. రెండు అంసులు వేయాలి, పేకాడి పడుకోవాలని చంద్రబాబు ఇచ్చిన సందేశాన్ని పాలో అవుతున్న టిడిపి జూదగాళ్లు కొత్త డ్రామాకు తెర తీశారు. తెలుగుదేశం పార్టి గెలవబోతోందంటూ ఐప్‌ క్రియేట్‌ చేస్తూ తెలుగుదేశం పార్టి చోటామోటా నాయకులకు ఆశలు కల్పించి వారితో అప్పులు చేయించి పందేలు కట్టేలా చేయిస్తున్నారు. వైఎస్సార్‌సిపి తరపున పందేలు కడుతోంది కూడా ఓడిపోతున్న ఆ పార్టి అభ్యర్థులే. ఎన్నికల్లో ఖర్చు పెట్టిన డబ్బులు సంపాదించుకునేందుకు వారే పందేలు కడుతున్నారు. తెలుగుదేశం పార్టి గెలవబోతోందంటూ ప్రచారం చేస్తూ పాము తన గుడ్లును తానే మింగినట్లు తెలుగుదేశం పార్టి కార్యకర్తల సొమ్మును కాజేసేందుకు వారి అభ్యర్థులు కుట్ర పన్నారు.
👉జగనన్న అమలు చేసిన పథకాల గురించి చెప్పి వైఎస్సార్‌సిపి అభ్యర్థులు ఓట్లు అడిగాం. అన్నం పెట్టిన జగనన్నను గెలిపించమని ఓట్లు అడిగాం. మరి తెలుగుదేశం పార్టి అభ్యర్థులు మమ్మల్ని తిడుతూ ఓట్లు అడిగారు. మేం అధికారంలోకి వస్తే వారిని తొక్కుతాం, వీరిని తొక్కుతాం అంటూ వీరంగాలు చేస్తూ ప్రచారం మమ అనిపించారు. కనీసం చంద్రబాబు ఎజెండా కాని, సూపర్‌ సిక్స్‌ గురించి మాట్లాడే «దైర్యం కూడా చేయలేదు. చంద్రబాబు ఒక పెద్ద మోసగాడు అనేది వారికీ తెలుసు. పథకాలేమీ లేవు అమరావతిలో పెట్టుబడులు పెడితే మంచి రిటర్న్స్‌ వస్తాయంటూ స్వయంగా చంద్రబాబు మాట్లాడినట్లు ఆడియో కూడా వైరల్‌ అయింది.
👉సంక్షేమ పథకాలకు మద్దతుగా, ప్రభుత్వం చేసిన సాయానికి మద్దతుగా ఓటింగ్‌ జరిగింది. రాష్ట్రంలో జగనన్న ప్రభంజనం నడిచింది. చరిత్ర సృష్టించబోతున్నాం. జగనన్న వైనాట్‌ 175 అనేది అంత ఆషామాషీగా చెప్పలేదు. అన్ని అస్త్రాలు సిద్ధం చేసుకునే మాట్లాడాడు. మోసం, కుట్ర, మేనేజ్‌మెంట్‌తోనే ఎన్నికల్లో కనీసం పోటీ ఇవ్వగలమనే బిజెపితో జత కట్టాడు. అందులో భాగంగానే ఎన్నికల కమిషన్‌ను తమ చెప్పుచేతల్లో పెట్టుకుని తమకు నచ్చిన అధికారులను ఎన్నికల్లో వేయించుకున్నారు. వారు ఎక్కడైతే అధికారులను వేసుకున్నారో అక్కడ మాత్రమే గొడవలు జరిగాయి. గెలుస్తామనే ఆశ చంద్రబాబుకు ఎప్పుడూ లేదు. అందుకోసమే ప్రతి జిల్లాలోనూ సీట్లు అమ్ముకున్నాడు.
👉జూదం నిర్వహిస్తున్న తెలుగుదేశం పార్టి కార్యకర్తల్లారా మీ నాయకుల మాటలు నమ్మి మీ డబ్బులు పోగొట్టుకోవద్దని కోరుతున్నా. గెలిచేది మేమే. పోయిన ఎన్నికల్లో దెబ్బ తిన్నారు. మరి ఈసారి కూడా దెబ్బతిని మీ కుటుంబాలు ఇబ్బందుల పాలు చేసుకోవద్దు. 4వ తేది వరకు ఎంజాయ్‌ చేయండి. వస్తున్నాం..వస్తున్నాం అంటూ కల కనండి. ఆ కలలోనే బతకండి. 4వ తేది మధ్యాహ్నం 12 గంటలకు నేలమీదకు దిగిరండి. అప్పుడు వాస్తవంలో జగనన్నే గెలవబోతున్నాడు.
●ఎంపి గోరంట్ల మాధవ్‌ మాట్లాడుతూ..!
ఎన్నికలు ముగిసిన తర్వాత ముఖ్యమంత్రి వైఎస్సార్‌ జగన్‌మోహన్‌రెడ్డి 152కు పైగా ఎమ్మెల్యే స్థానాలు, 22కు పైగా ఎంపీ స్థానాలు గెలవబోతున్నామని చేసిన ప్రకటనతో తెలుగుదేశం పార్టి వాళ్ల గుండెలు పగిలిపోయాయి. జూన్‌ 9 ఉదయం 9.38 నిముషాలకు, విశాఖపట్నం రుషికొండలో ప్రమాణ స్వీకారం చేయబోతున్నాడు.
👉చంద్రబాబూ...నీకు నిజంగా ప్రజల పట్ల విశ్వాసం ఉంటే ఎన్ని సీట్లు గెలుస్తావో చెప్పు. తెలుగుదేశం పార్టీ శ్రేణులను మభ్య పెడుతున్నావు. అమాయకులు, తెలియని చాలామంది కమ్మ వాళ్లు గత ఎన్నికల్లోనూ పందేలు కాసి డబ్బులు పోగొట్టుకున్నారు. ఈసారి కూడా నువ్వు వస్తావనే భ్రమలో వారు రూపాయికి రూపాయిన్నర పెట్టుకుంటామని చాలాచోట్ల చెబుతున్నారంట. కులానికి కులం చేటు, నీళ్లకు పాచి చేటు అంటారు. కమ్మ కులానికి చంద్రబాబు చేటు. రాష్ట్రంలో అనేకమంది యోధులు కమ్మ కులంలో ఉన్నారు. ధర్మంగా బతికేవాళ్లు, మంచి క్రేజ్‌ ఉన్న పొలిటీషియన్లు ఉన్నారు. వారందరినీ తొక్కి పెట్టింది చంద్రబాబునే. రాజకీయంగా సమాన హక్కు కల్పించింది ఒక్క జగన్‌మోహన్‌రెడ్డే. రాజకీయ అజ్ఞాని అయిన తన కుమారుడిని డామినేట్‌ చేస్తారనే ఉద్దేశంతోనే అనేకమంది క్రేజీ ఉన్న కమ్మ వాళ్లకు చంద్రబాటు టికెట్లు ఇవ్వలేదు.
👉పల్నాడులో ఎమ్మెల్యే పిన్నెళ్లి రామకృష్ణారెడ్డి దౌర్జన్యం చేస్తున్నాడంటున్న బూత్‌లో ఎందుకు రీపోలింగ్‌కు ఆదేశించడం లేదు. తెలుగుదేశం పార్టి వాళ్లు రిగ్గింగ్‌ చేసుకోవడంతోనే రీపోలింగ్‌కు ఆదేశించడం లేదనేది అర్థమవుతోంది. ఎన్నికల కమిషన్‌ కూడా న్యాయబద్దంగా, చట్టబద్దంగా, ధర్మబద్దంగా లేదనేది ఈ ఘటన ద్వారా తెలుస్తోంది. మరో 11 చోట్ల ఇలాంటి ఘటనలే జరిగాయంటున్నారు. మరి ఎందుకు అక్కడ రీపోలింగ్‌ చేయడం లేదో ఈసి చెప్పాలి. సీట్లు లేని చంద్రబాబు, ఓట్లు లేని బీజేపీ, ఈ రెండులేని జనసేనను ఎందుకు కలుపుకున్నాడో అందరికీ తెలుసు. పోల్‌ మేనేజ్‌మెంట్‌లో వారు గందరగోళం చేయగలుగుతారనే ఉద్దేశంతోనే వారితో జతకట్టావు. వారిద్వారానే అధికార యంత్రాంగాన్ని మార్పించావు.
👉సూర్యుడిని, చంద్రుడిని, సత్యాన్ని తాత్కాలికంగా ఆపగలుగుతారేమోకాని పూర్తిస్థాయిలో ఆపలేరు. జూన్‌ 4 తర్వాత ఖచ్చితంగా జగన్‌మోహన్‌రెడ్డి రెండోసారి ప్రమాణం చేయబోతున్నారు. తెలుగుదేశం పార్టీ, బీజేపీ, జనసే చేస్తున్న గందరగోళం, హడావుడికి వైఎస్సార్సీపీ శ్రేణులు ఎవరూ రెచ్చిపోవద్దు.
