https://www.facebook.com/206732396026905/

Gujarat News Malayalam

Home
India
Ankleshwar
Gujarat News Malayalam

Gujarat News Malayalam is one of the leading Media & Digital Marketing Company operates in Gujarat.

WIFT Technologies are specialised in offering world class IT infrastructure, automation and security solutions to its clients. Since our foundation in 2009, we have remained focussed to the best and most reliable products and services at competitive prices. Our commitment to offer best quality products to our clients has positioned us as one of the noted importers, suppliers, service providers and

traders in the industry. With the most experienced team in the industry and technical expertise, we offer CCTV Surveillance System, Fire Alarm Systems, Time Attendance System (Face/Fingerprint/RFID), Access Control Systems, Networking and Server Solutions etc. We have built our reputation throughout the years from our incredible customer service and the guaranteed product satisfaction. To serve our clients with the best possible experience and achieve operational excellence, we have established relationships with the top quality manufacturers in the business. Using our wealth of knowledge and reliable vendor base we are able to cater to any type of electronic security or IT enabled requirements. Besides, our efficient professionals have profitably grown the company while continuously improving quality and promptness of our products and services. Their ability to understand client’s requirements helps in ensuring maximum flexibility for the services with remarkably innovative solutions and practical advices.

21/12/2024

അഹമ്മദാബാദ്-വഡോദര എക്‌സ്‌പ്രസ് വേയുടെ സർവീസ് ലെയ്‌നിൽ റംബിൾ സ്ട്രിപ്പ് സ്ഥാപിക്കൽ ആരംഭിച്ചു.

അഹമ്മദാബാദ്: അഹമ്മദാബാദ്-വഡോദര എക്‌സ്പ്രസ് വേയിൽ ഓരോ 100 മീറ്ററിലും റംബിൾ സ്ട്രിപ്പുകൾ (യെല്ലോ സ്പീഡ് ബ്രേക്കർ ലൈനുകൾ) സ്ഥാപിക്കുന്ന ജോലികൾ നദിയാദിൽ നിന്ന് ആരംഭിച്ചു.

അഹമ്മദാബാദ്-വഡോദര എക്‌സ്‌പ്രസ് വേയുടെ 93 കിലോമീറ്റർ ദൂരത്തിലാണ് ഇൻസ്റ്റലേഷൻ ജോലികൾ നടക്കുന്നതെന്നും, നദിയാട് മുതൽ ആനന്ദ് വരെയുള്ള ഭാഗത്ത് ഏകദേശം 40 മുതൽ 50 കിലോമീറ്റർ വരെ പണി പൂർത്തിയായിട്ടുണ്ട് എന്നും, ഈ നൂതന നടപടി ക്രമങ്ങൾ അപകടങ്ങൾ കുറയ്ക്കാൻ സഹായിക്കുമെന്നും നാഷണൽ ഹൈവേ അതോറിറ്റി ഓഫ് ഇന്ത്യ (എൻഎച്ച്എഐ) അറിയിച്ചു.
മുഴുവൻ പദ്ധതിയും പൂർത്തിയാകാൻ രണ്ടോ മൂന്നോ മാസമെടുക്കുമെന്നാണ് കണക്കുകൂട്ടൽ.

Team GNM

21/12/2024

അബുദാബിയിൽ നിന്ന് വന്ന ദമ്പതികളിൽ നിന്ന് 13.80 കോടി രൂപ വിലമതിക്കുന്ന വാച്ച് പിടിച്ചെടുത്ത് കസ്റ്റംസ് ഉദ്യോഗസ്ഥർ.

അഹമ്മദാബാദ് : അഹമ്മദാബാദ് സർദാർ വല്ലഭായി പട്ടേൽ വിമാനത്താവളത്തിൽ നിന്ന് 13.80 കോടി രൂപ വിലമതിക്കുന്ന രണ്ട് വാച്ചുകളുമായി ദമ്പതികളെ കസ്റ്റംസ് ഉദ്യോഗസ്ഥർ പിടികൂടി.
പിടിച്ചെടുത്ത വാച്ചുകളിൽ ഒരു വാച്ചിന് 12.50 കോടിയും മറ്റേ വാച്ചിന് 1.30 കോടിയുമാണ് വില.
അഹമ്മദാബാദിലെ അന്താരാഷ്ട്ര വിമാനത്താവളത്തിൽ നിന്ന് ഇത്രയും വിലകൂടിയ വാച്ചുകൾ പിടികൂടുന്നത് ഇതാദ്യമാണ്.
എയർ അറേബ്യ വിമാനത്തിൽ ഭർത്താവും, അര മണിക്കൂർ വ്യത്യാസത്തിൽ ഇൻഡിഗോ വിമാനത്തിൽ ഭാര്യയും എയർപോർട്ടിൽ എത്തുകയായിരുന്നു.
തുടർന്ന് ലഗേജുകൾ എടുക്കാൻ വിമാനത്താവളത്തിനടുത്തുള്ള കൺവെയർ ബെൽറ്റിന് സമീപം നിൽക്കുകയായിരുന്ന ഇരുവരെയും കുറിച്ച് സംശയം തോന്നിയ കസ്റ്റംസ് എയർ ഇൻ്റലിജൻസ് വിഭാഗം ഇവരെ ചോദ്യം ചെയ്തെങ്കിലും ദമ്പതികൾ തൃപ്തികരമായ മറുപടി നൽകിയില്ല.
തുടർന്നുള്ള പരിശോധനയിൽ വാച്ച് കണ്ടെത്തുകയായിരുന്നു.

വാച്ചിൻ്റെ മോഡൽ നമ്പറിൽ നിന്ന്, ഈ രണ്ട് വാച്ചുകളും ഇന്ത്യയിൽ വളരെ കുറച്ച് ആളുകൾ മാത്രമേ ഉപയോഗിക്കുന്നുള്ളൂവെന്ന് കണ്ടെത്തി.
കൂടാതെ കസ്റ്റംസ് ഉദ്യോഗസ്ഥർ അവരുടെ യാത്രാ ചരിത്രവും പ്രൊഫൈലും പരിശോധിച്ചപ്പോൾ ദമ്പതികൾ ദുബായിലും അബുദാബിയിലും പതിവായി വരുന്നതായി കണ്ടെത്തി.
ഇരുവരെയും കൂടുതൽ ചോദ്യം ചെയ്തു വരികയാണ്.

Team GNM

21/12/2024

ബലാത്സംഗക്കേസിലേ പ്രതിക്ക് വേണ്ടി അഭിഭാഷകർ ഹാജരാവില്ലെന്ന് ഭരുച്ച് ബാർ അസോസിയേഷൻ.

ഭറൂച്ച് : ബറൂച്ചിലെ ജഗഡിയ താലൂക്കിൽ 10 വയസുള്ള പെൺകുട്ടി ക്രൂരമായി ബലാത്സംഗത്തിനിരയായ കേസിൽ ഒരു അഭിഭാഷകനും പ്രതിക്ക് വേണ്ടി ഹാജരാവില്ലെന്നു ബറൂച്ച് ബാർ അസോസിയേഷൻ അറിയിച്ചു.
ജനനേന്ദ്രിയത്തിലടക്കം കമ്പികൊണ്ട് പരിക്കേൽപ്പിച്ചത് ഉൾപടെ മിക്ക ശരീരഭാഗങ്ങളിലും ഗുരുതര പരിക്കേറ്റ പെൺകുട്ടി ഇപ്പോൾ വഡോദരയിലെ സയാജി ഹോസ്പിറ്റലിൽ ചികിത്സയിൽ അതീവ ഗുരുതരാവസ്ഥയിൽ കഴിയുകയാണ്.

സംഭവത്തിൽ അങ്കലേശ്വർ ഡിവൈഎസ്പി ഡോ. കുശാൽ ഒജായുടെ മേൽനോട്ടത്തിൽ പ്രതിയായ ഉത്തരാഖണ്ഡ് സ്വദേശിയെ പിടികൂടി സാഹചര്യത്തെളിവുകൾ ശേഖരിച്ച് കൂടുതൽ അന്വേഷണം നടത്തിവരികയാണ്.

Team GNM

21/12/2024

ലഹരിവിരുദ്ധ ബോധവത്കരണ റാലി നടത്തി ബറൂച്ച് ലിറ്റിൽ ഫ്ലവർ സ്കൂൾ വിദ്യാർത്ഥികൾ.

ബറൂച്ച് : മയക്കുമരുന്ന് ഉപേക്ഷിച്ച് ആരോഗ്യകരമായ ജീവിതം നയിക്കുന്നതിന് ജനങ്ങളെ ബോധവൽക്കരിക്കുന്നതിനായി ലിറ്റിൽ ഫ്ലവർ സ്കൂൾ വിദ്യാർഥികൾ നാഷ് മുക്തി പ്രചാരണ റാലി നടത്തി.
കോർപ്പറേറ്റർ ഹേമേന്ദ്ര കോത്തിവാലയുടെയും സാമൂഹിക നേതാക്കളായ ഷോയിബ് സുജ്‌നിവാല , അബ്ദുൾ കാംതി , ലുഖ്മാൻ എം പട്ടേൽ എന്നിവരുടെ പിന്തുണയോടെ സംഘടിപ്പിച്ച റാലിയിൽ വൻ തോതിൽ ഉള്ള സാമൂഹിക നേതാക്കളും പങ്കെടുത്തിരുന്നു.

Team GNM

20/12/2024

ഡമ്മി സ്കൂളുകൾക്കെതിരെ നിയമനടപടി.ഗുജറാത്തിലെ 29 സ്കൂളുകളിൽ സിബിഎസ്ഇ പരിശോധന നടത്തി;

ഗാന്ധിനഗർ : സെൻട്രൽ ബോർഡ് ഓഫ് സെക്കൻഡറി എജ്യുക്കേഷൻ (സിബിഎസ്ഇ) മാനദണ്ഡങ്ങളും അഫിലിയേഷൻ ബൈ-ലോകളും പാലിക്കുന്നുണ്ടോയെന്ന് ഉറപ്പ് വരുത്തുന്നതിനായി സിബിഎസ്ഇ ടീമുകൾ അഹമ്മദാബാദിലെ രണ്ട് സ്കൂളുകൾ, വസ്ത്രാപൂരിലെ നിർമാൻ ഹൈസ്കൂൾ, ബോപാലിലെ ദ ന്യൂ തുലിപ് ഇൻ്റർനാഷണൽ സ്കൂൾ എന്നിവ സന്ദർശിച്ച് വിദ്യാർത്ഥികളുടെ എൻറോൾമെൻ്റ് രേഖകൾ, അടിസ്ഥാന സൗകര്യങ്ങൾ, സ്കൂളുകളുടെ മൊത്തത്തിലുള്ള പ്രവർത്തനം എന്നിവ പരിശോധിച്ചു.
ഇവയിൽ മിക്ക സ്കൂളുകളും ബോർഡിൻ്റെ അഫിലിയേഷൻ ബൈ-ലോ ലംഘിച്ചതായി കണ്ടെത്തി.

ചട്ടങ്ങൾ ലംഘിച്ചതായി കണ്ടെത്തിയ സ്കൂളുകൾക്ക് കാരണം കാണിക്കൽ നോട്ടീസ് നൽകി, വീഴ്ച വരുത്തിയ സ്ഥാപനങ്ങൾക്കെതിരെ കർശന നടപടിക്കൊരുങ്ങുകയാണ് സിബിഎസ്ഇ.

Team GNM

20/12/2024

മഹാ കുംഭമേളയ്ക്കായി പശ്ചിമ റെയിൽവേ ഗുജറാത്തിൽ നിന്ന് 3 പ്രത്യേക ട്രെയിനുകൾ കൂടി ഓടിക്കും.

അഹമ്മദാബാദ്: യാത്രക്കാരുടെ സൗകര്യത്തിനും മഹാ കുംഭമേള 2025 ലെ അധിക തിരക്ക് ഒഴിവാക്കുന്നതിനുമായി അഹമ്മദാബാദ്-ജാങ്ഹായ്, രാജ്‌കോട്ട്-ബനാറസ്, വെരാവൽ-ബനാറസ് എന്നിവിടങ്ങളിൽ പ്രത്യേക നിരക്കിൽ മൂന്ന് പ്രത്യേക ട്രെയിനുകൾ ഓടിക്കാൻ പശ്ചിമ റെയിൽവേ തീരുമാനിച്ചതായി വെസ്റ്റേൺ റെയിൽവേ ചീഫ് പബ്ലിക് റിലേഷൻസ് ഓഫീസർ വിനീത് അഭിഷേക് അറിയിച്ചു.

ട്രെയിൻ നമ്പർ 09403 അഹമ്മദാബാദ്-ജങ്ഹായ് മഹാ കുംഭമേള സ്‌പെഷ്യൽ അഹമ്മദാബാദിൽ നിന്ന് 21:15 മണിക്ക് പുറപ്പെട്ട് മൂന്നാം ദിവസം 03:00 മണിക്ക് ജങ്ഹായിലെത്തും. ഈ ട്രെയിൻ 2025 ജനുവരി 9, 16, 21, 5, 14, 15, 18, 19, 26 ഫെബ്രുവരി തിയതികളിൽ ഓടും. അതുപോലെ, ട്രെയിൻ നമ്പർ 09404 ജങ്ഹായ്-അഹമ്മദാബാദ് മഹാ കുംഭമേള സ്പെഷൽ ജങ്ഹായിൽ നിന്ന് പുറപ്പെട്ട് 08:30 ന് ജങ്ഹായിൽ എത്തിച്ചേരും.
ഈ ട്രെയിൻ 2025 ജനുവരി 11, 18, 23 തീയതികളിലും 2025 ഫെബ്രുവരി 7, 16, 17, 20, 21, 28 തീയതികളിലും ഓടും.
ആനന്ദ്, ഛായപുരി, ഗോധ്ര, ദാഹോദ്, രത്‌ലം, നാഗ്ഡ, ഭവാനി മണ്ഡി, രാംഗഞ്ച് മണ്ഡി, കോട്ട, സവായ് മധോപൂർ, ഗംഗാപൂർ സിറ്റി, ബയാന, ആഗ്ര ഫോർട്ട്, തുണ്ഡ്‌ല, ഇറ്റാവ, ഗോവിന്ദ്പുരി, ഫത്തേപൂർ, പ്രയാഗ്‌രാജ് സ്റ്റേഷനുകളിൽ ഈ ട്രെയിനിന് സ്റ്റോപ്പുകൾ ഉണ്ടായിരിക്കും.

ട്രെയിൻ നമ്പർ 09537 രാജ്‌കോട്ട്-ബനാറസ് മഹാ കുംഭമേള സ്‌പെഷ്യൽ രാജ്‌കോട്ടിൽ നിന്ന് 06:05 മണിക്ക് പുറപ്പെട്ട് അടുത്ത ദിവസം 14:45 മണിക്ക് ബനാറസിലെത്തും. ഈ ട്രെയിൻ 2025 ഫെബ്രുവരി 6, 15, 19 തീയതികളിൽ ഓടും. അതുപോലെ, ട്രെയിൻ നമ്പർ 09538 ബനാറസ്-രാജ്‌കോട്ട് മഹാ കുംഭമേള സ്‌പെഷൽ ബനാറസിൽ നിന്ന് 19:30 മണിക്ക് പുറപ്പെട്ട് മൂന്നാം ദിവസം 04:10 മണിക്ക് രാജ്‌കോട്ടിലെത്തും. ഈ ട്രെയിൻ 2025 ഫെബ്രുവരി 7, 16, 20 തീയതികളിൽ ഓടും.
വാങ്കനേർ, സുരേന്ദ്രനഗർ, വിരാംഗം, മഹേശന, പാലൻപൂർ, അബു റോഡ്, പിൻദ്വാര, ഫല്ന, റാണി, മർവാർ, ബീവാർ, അജ്മീർ, കിഷൻഗഡ്, ജയ്പൂർ, ബന്ദികുയി, ഭരത്പൂർ, ആഗ്ര ഫോർട്ട്, തുണ്ഡ്ല,ഗോവിന്ദ്പുരി, ഫത്തേപൂർ, പ്രയാഗ്‌രാജ്, ഗ്യാൻപൂർ റോഡ് സ്‌റ്റേഷനുകൾ ഇരു ദിശകളിലും ട്രെയിനിന് സ്റ്റോപ്പുകൾ ഉണ്ടായിരിക്കും.
എസി 2-ടയർ, എസി 3-ടയർ, സ്ലീപ്പർ ക്ലാസ്, ജനറൽ സെക്കൻഡ് ക്ലാസ് കോച്ചുകൾ എന്നിവ ട്രെയിനിൽ ഉൾപ്പെടുന്നു.

2025 ഫെബ്രുവരി 22-ന് ട്രെയിൻ നമ്പർ 09591 വെരാവൽ-ബനാറസ് മഹാ കുംഭമേള സ്പെഷൽ വെരാവലിൽ നിന്ന് 22:20 ന് പുറപ്പെട്ട് മൂന്നാം ദിവസം 14:45 ന് ബനാറസിലെത്തും.
അതുപോലെ, ട്രെയിൻ നമ്പർ 09592 2025 ഫെബ്രുവരി 24 ന് ബനാറസ്-വെരാവൽ മഹാ കുംഭമേള സ്‌പെഷ്യൽ ബനാറസിൽ നിന്ന് 19:30 മണിക്ക് പുറപ്പെട്ട് മൂന്നാം ദിവസം 09:00 മണിക്ക് വെരാവലിൽ എത്തിച്ചേരും.
രാജ്‌കോട്ട്, വാങ്കനീർ, സുരേന്ദ്രനഗർ, വിരാംഗം, മഹേശന, പാലൻപൂർ, അബു റോഡ്, പിൻദ്വാര, ഫല്‌ന, റാണി, മാർവാർ, ബീവാർ, അജ്മീർ, കിഷൻഗഡ്, ജയ്പൂർ, ബന്ദികുയി, ഭരത്പൂർ, ആഗ്ര ഫോർട്ട്, തുണ്ടല, ഇറ്റാവ, ഗോവിന്ദ്പുരി, ഫത്തേപൂർ, പ്രയാഗ്‌രാജ്, ഗ്യാൻപൂർ റോഡ് എന്നീ സ്റ്റേഷനുകളിലെ ഇരുദിശകളിലും ഈ ട്രെയിനിന് സ്റ്റോപ്പുകൾ ഉണ്ടായിരിക്കും.
ഈ ട്രെയിനിൽ എസി 2-ടയർ, എസി 3-ടയർ, സ്ലീപ്പർ ക്ലാസ്, ജനറൽ സെക്കൻഡ് ക്ലാസ് കോച്ചുകൾ ഉൾപ്പെടുന്നു.

09403, 09537, 09591 എന്നീ ട്രെയിൻ നമ്പറുകൾക്കുള്ള ബുക്കിംഗ് 2024 ഡിസംബർ 24 മുതൽ എല്ലാ PRS കൗണ്ടറുകളിലും IRCTC വെബ്‌സൈറ്റിലും ആരംഭിക്കും.
കൂടുതൽ വിവരങ്ങൾക്ക് www.enquiry.indianrail.gov.in സന്ദർശിക്കുക.

Team GNM

20/12/2024

*വൻതോതിൽ ചൈനീസ് ചരടുമായി ഒരു പ്രതി പിടിയിൽ*

സൂറത്ത് : രഹസ്യ വിവരത്തിൻ്റെ അടിസ്ഥാനത്തിൽ 21.52 ലക്ഷം വിലവരുന്ന നിരോധിത ചൈനീസ് ചരടുമായി ഐസർ ടെമ്പോയിൽ വരികയായിരുന്ന പ്രതിയെ പാർക്ക് ബ്രിഡ്ജിൽ വച്ച് ദിൻഡോലി പോലീസ് പിടികൂടി.
അനിൽകുമാർ ശങ്കർലാൽ മീണയാണ് പിടിയിലായത്.
ട്രക്കിനുള്ളിൽ 60 പെട്ടികളിലായി പായ്ക്ക് ചെയ്ത നിലയിലായിരുന്നു ചരട്.
സുരക്ഷിതവും, സമാധാനപരവുമായ ഉത്തരായന ആഘോഷങ്ങൾക്ക് ഇത്തരം ത്രെഡുകൾ ഉപയോഗിക്കുന്നത് പോലീസ് കമ്മീഷണർ കർശനമായി വിലക്കിയിട്ടുണ്ട്.

Team GNM

19/12/2024

ഗുജറാത്തിൽ വിവിധ അപകടങ്ങളിൽ അഞ്ച് മരണം.

ഗാന്ധിനഗർ : സംസ്ഥാനത്തെ രാജ്‌കോട്ട്, ബനസ്‌കന്ത, ബറൂച്ച്, സബർകാന്ത എന്നിവിടങ്ങളിലുണ്ടായ അപകടങ്ങളിൽ രണ്ട് സ്ത്രീകൾ അടക്കം അഞ്ച് പേർ മരിച്ചു.
രാജ്‌കോട്ടിലെ ഭാവ്‌നഗർ റോഡിലുണ്ടായ വാഹനാപകടത്തിൽ യുവാവ് മരിച്ചു.
അജി ഡാമിന് സമീപം രവിവാരി ബസാറിന് സമീപം അജ്ഞാതനായ യുവാവിനെ ഡംപർ ഡ്രൈവർ ഇടിക്കുകയും യുവാവ് സംഭവസ്ഥലത്ത് തന്നെ മരിക്കുകയും ചെയ്തു. അപകടത്തിന് ശേഷം ഡമ്പർ ഡ്രൈവർ ഓടി രക്ഷപ്പെട്ടു.
ബനസ്‌കന്തയിലെ തരാഡ് ഹോസ്പിറ്റലിൽ നിന്ന് വീട്ടിലേക്ക് വരുന്നതിനിടെ തരാടിലെ സനാദറിന് സമീപം അജ്ഞാത ബൈക്ക് ഇടിച്ച് രണ്ട് സ്ത്രീകൾ മരിച്ചു.
ബറൂച്ച് ജില്ലയിലെ വാഗ്ര താലൂക്കിലെ പനിയദാര ഗ്രാമത്തിന് സമീപം പുലർച്ചെ ട്രക്കും ബൈക്കും തമ്മിൽ ഉണ്ടായ അപകടത്തിൽ ബൈക്ക് യാത്രികരായ രണ്ട് യുവാക്കൾ സംഭവസ്ഥലത്ത് വെച്ച് മരിച്ചു.

Team GNM

19/12/2024

1,689 ഗോശാലകളുള്ള ഗുജറാത്ത് രാജ്യത്ത് നാലാം നാലാം സ്ഥാനത്ത്.

ഗാന്ധിനഗർ : കന്നുകാലി സംരക്ഷണ കേന്ദ്രങ്ങളുടെയോ ഗോശാലകളുടെയോ എണ്ണത്തിൽ രാജ്യത്ത് നാലാം സ്ഥാനം ഗുജറാത്തിനാണെന്ന് കേന്ദ്രസർക്കാർ ലോകസഭയിൽ അറിയിച്ചു.
ഉത്തർപ്രദേശ്, രാജസ്ഥാൻ, മധ്യപ്രദേശ് എന്നിവക്കാണ് ആദ്യ 3 സ്ഥാനങ്ങൾ ലഭിച്ചിരിക്കുന്നത്.
അനിമൽ വെൽഫെയർ ബോർഡ് ഓഫ് ഇന്ത്യ (എഡബ്ല്യുബിഐ) 2023-24ൽ രാജ്യവ്യാപകമായി 51 മൃഗക്ഷേമ സംഘടനകളെ അംഗീകരിച്ചിട്ടുണ്ടെങ്കിലും അവയൊന്നും ഗുജറാത്തിൽ നിന്നുള്ളതല്ലെന്ന് കേന്ദ്ര ഫിഷറീസ്, മൃഗസംരക്ഷണം, ക്ഷീരവികസന വകുപ്പ് മന്ത്രി രാജീവ് രഞ്ജൻ സിംഗ് പറഞ്ഞു.

ഇന്ത്യൻ ഭരണഘടനയുടെ ആർട്ടിക്കിൾ 243 (W) പ്രകാരം, കന്നുകാലി പൗണ്ട്, പിഞ്ചുപോൾ എന്നിവയുടെ ഉത്തരവാദിത്തം തദ്ദേശ സ്ഥാപനങ്ങൾക്കാണ്. അലഞ്ഞുതിരിയുന്ന കന്നുകാലികളെ സംരക്ഷിക്കുന്നതിനായി കന്നുകാലി പൗണ്ടുകൾ, ഗോശാല ഷെൽട്ടറുകൾ എന്നിവ സ്ഥാപിക്കുകയും നിരവധി കന്നുകാലികളെ ഇതുവഴി സംരക്ഷിക്കുകയും ചെയ്തിട്ടുണ്ട്.

Team GNM

19/12/2024

ബറൂച്ചിൽ 10 വയസ്സുകാരിയെ ബലാത്സംഗം ചെയ്ത പ്രതിക്ക് 5 ദിവസത്തെ റിമാൻഡ്...
ആശുപത്രിയിൽ എത്തി പെൺകുട്ടിയെ സന്ദർശിച്ച് ജാർഖണ്ഡ് മന്ത്രി.

ബറൂച്ച് : ബറൂച്ചിലെ വാംഗിയയിൽ 10 വയസ്സുകാരിയെ ക്രൂരമായി ബലാത്സംഗത്തിന് ഇരയാക്കിയ ജാർഖണ്ഡ് സ്വദേശിയായ പ്രതി വിജയ് പാസ്വാനെ 5 ദിവസത്തേക്ക് കോടതി റിമാൻഡ് ചെയ്തു.
സംഭവത്തിൽ രഹസ്യഭാഗങ്ങളിൽ അടക്കം ഗുരുതരമായി പരിക്ക് പറ്റിയ പെൺകുട്ടി ഇപ്പോൾ വഡോദരയിലെ സിവിൽ ആശുപത്രിയിൽ ചികിത്സയിലാണ് ഉള്ളത്.
സംഭവത്തെ തുടർന്ന് ജാർഖണ്ഡ് സർക്കാരിലെ ഗ്രാമവികസന, പഞ്ചായത്തീരാജ് മന്ത്രി ഉൾപ്പെടെയുള്ള ഒരു സംഘം ആശുപത്രിയിൽ എത്തി കുടുംബത്തെ കണ്ട് പെൺകുട്ടിയുടെ ആരോഗ്യനിലയിൽ ആശങ്ക രേഖപ്പെടുത്തി.
കൂടാതെ ജാർഖണ്ഡ് സർക്കാരിലെ കോൺഗ്രസ് മന്ത്രി ദീപിക പാണ്ഡെ സിംഗും, മറ്റ് വനിതാ ഉദ്യോഗസ്ഥരും വഡോദര സിവിൽ ആശുപത്രിയിൽ എത്തി പെൺകുട്ടിയുടെ വീട്ടുകാരെയും ചികിൽസിക്കുന്ന ഡോക്ടർമാരെയും കണ്ട് സ്ഥിതിഗതികൾ ചോദിച്ചറിഞ്ഞിരുന്നു.
പെൺകുട്ടിയുടെ തുടർ ചികിത്സയ്ക്ക് ജാർഖണ്ഡ് സർക്കാർ സന്നദ്ധത പ്രകടിപ്പിച്ചതായും, ജാർഖണ്ഡ് മുഖ്യമന്ത്രി ഹേമന്ത് സോറൻ മൂന്നംഗ സംഘത്തെ ഗുജറാത്തിലേക്ക് അയച്ചിട്ടുണ്ടെന്നും ദീപിക പാണ്ഡെ സിംഗ് പറഞ്ഞു.
സംഭവത്തിൽ പെൺകുട്ടിയുടെ കുടുംബത്തിന് ജാർഖണ്ഡ് സർക്കാർ നാല് ലക്ഷം രൂപ സഹായധനം നൽകിയിട്ടുണ്ട്.

Team GNM

19/12/2024

ഭറുച് ടോള്‍ ടാക്സ് സ്വകാര്യ ബസ് ഡ്രൈവർമാർ ഉപരോധിച്ചു.

ഭറുച് : ഭറുചിലെ മുള്ളദ് ടോൾ ടാക്‌സിൽ നിന്ന് സ്ഥാനികരായ ലക്ഷ്വറി ബസ്സുകളെ ഒഴിവാക്കണം എന്ന ആവശ്യവുമായി കഴിഞ്ഞ ദിവസം പുലര്‍ച്ചെ സ്വകാര്യ ബസ് ഡ്രൈവർമാർ റോഡ് ഉപരോധിച്ചു. ദാഹേജ്, ജഗടിയ തുടങ്ങിയ സ്ഥലങ്ങളിലെ കമ്പനികളില്‍ ഉദ്യോഗസ്ഥരെയും കൊണ്ട് പോവുന്ന ബസ്സുകളുടെ ഡ്രൈവര്‍മാര്‍ ആണ് ടോള്‍ പ്ലാസയില്‍ ബസ്സുകള്‍ നിര്‍ത്തി ഇട്ടു ട്രാഫിക് ജാം ആക്കിയത്.

2017ൽ നർമദാ നദിക്ക് കുറുകെയുള്ള കേബിൾ പാലം നിർമിച്ച് എട്ട് മാസങ്ങൾക്ക് ശേഷമാണ് ടോൾ പിരിവ് ആരംഭിച്ചത്. എന്നാൽ അക്കാലത്ത് ബറൂച്ചിലെ പ്രാദേശിക വാഹനങ്ങളെ ടോളിൽ നിന്ന് ഒഴിവാക്കിയിരുന്നു. ഫാസ്റ്റ് ടാഗ് വന്നതോടെ ടോള്‍ ഈടാക്കി തുടങ്ങിയത് ദിവസേന ഇതുവഴി പോകുന്ന ബസ്സുകള്‍ക്ക് വന്‍ തുക ബാധ്യത ആവുന്നതിനാല്‍ ആണ് ഇങ്ങനെ ഒരാവശ്യവുമായി ടോള്‍ ഉപരോധിച്ചത് എന്ന് ഓപ്പറേറ്റര്‍മാര്‍ പറഞ്ഞു.

പ്രതിഷേധത്തെ തുടർന്ന് ദേശീയപാതയിൽ കഴിഞ്ഞ ദിവസം രാവിലെ മൂന്നു കിലോമീറ്ററോളം കനത്ത ഗതാഗതകുരുക്ക് അനുഭവപ്പെട്ടിരുന്നു. ഇതേ തുടർന്ന് പോലീസ് സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി.

Team GNM

19/12/2024

*അപകടസാധ്യതയുള്ള 20ഓളം ജലാശയങ്ങളിൽ കുളിക്കുന്നതിന് വിലക്കേർപ്പെടുത്തി വഡോദര കളക്ടർ*

വഡോദര : കഴിഞ്ഞ മൂന്ന് വർഷത്തിനിടെയുണ്ടായ മുങ്ങിമരണ സംഭവങ്ങളുടെ റിപ്പോർട്ടുകൾ വിശദമായി പരിശോധിച്ച വഡോദര ജില്ലാ കളക്ടർ ബിജൽ ഷാ അപകടസാധ്യതയുള്ള 20ഓളം ജലാശയങ്ങളിൽ കുളിക്കുന്നതിന് വിലക്കേർപ്പെടുത്തി.
മഹിസാഗറിന് സമീപമുള്ള കോട്‌ന ബീച്ച്, ലഞ്ചൻപൂർ, സിന്ധ്രോട്ട് ചെക്ക് ഡാം എന്നിവിടങ്ങളിൽ നിരവധി മുങ്ങി മരണങ്ങൾ റിപ്പോർട്ട്‌ ചെയ്തിട്ടുണ്ട്.

ഡുമ ഗ്രാമത്തിലെ നർമ്മദ കനാൽ, വ്യാര ഗ്രാമത്തിലെ ദേവ് നദി, ഹനുമാൻപുര വില്ലേജ് കുളം, കൊട്ടമ്പി കുളം, ബസ് സ്റ്റേഷന് പിന്നിലെ ഡ്രെയിനേജ്, ടെന്തലാവ് ഗ്രാമത്തിലെ നർമ്മദ മെയിൻ കനാൽ, കുന്ദേല ഗ്രാമത്തിലെ നർമ്മദ മൈനർ കനാൽ , അമ്പവാഡി വില്ലേജ് കുളം, പാലസ്വാഡ വില്ലേജ് കുളം, വടദ്ലിയിലെ ഒർസാങ് നദി, ദിവീർ വില്ലേജിലെ നരേശ്വർ ഘട്ട്, ലീലോഡിലെ നർമദാ നദി, സയാർ വില്ലേജ്, മാഹി നദിയുടെ ലാഞ്ചൻപൂരിലെ മാഹി നദി (കനോഡ), സിന്ധ്രോട്ട് ചെക്ക് ഡാം, മഹിസാഗർ നദി, മാഹി നദി, പദ്രയിലെ അംബാജി മാതാ കുളം, എന്നിവിടങ്ങളിൽ ആണ് നിരോധനം ഏർപ്പെടുത്തിയിരിക്കുന്നത്.
2025 ജനുവരി 31 വരെ നിരോധനം പ്രാബല്യത്തിൽ ഉണ്ടായിരിക്കും.

Team GNM

18/12/2024

എസ്‌വിപിഐ വിമാനത്താവളത്തിൽ നിന്ന് രണ്ട് അന്താരാഷ്ട്ര മയക്കുമരുന്ന് കടത്തുകാരെ ഡയറക്ടറേറ്റ് ഓഫ് റവന്യൂ ഇൻ്റലിജൻസ് (ഡിആർഐ) പിടികൂടി.

അഹമ്മദാബാദ് : അഹമ്മദാബാദിലെ സർദാർ വല്ലഭായ് പട്ടേൽ ഇൻ്റർനാഷണൽ (എസ്‌വിപിഐ) വിമാനത്താവളത്തിൽ നിന്ന് 15 കിലോ കഞ്ചാവുമായി രണ്ട് അന്താരാഷ്ട്ര മയക്കുമരുന്ന് കടത്തുകാരെ ഡയറക്ടറേറ്റ് ഓഫ് റവന്യൂ ഇൻ്റലിജൻസ് (ഡിആർഐ) അറസ്റ്റ് ചെയ്തു.
വിപണിയിൽ 9 കോടി രൂപ വിലമതിക്കുന്ന 9.2 കിലോ ഹൈഡ്രോപോണിക് കഞ്ചാവുമായി ബാങ്കോക്കിൽ നിന്ന് എത്തിയ ഒരു ഇന്ത്യൻ പൗരനും,
ആറ് കിലോ ഹൈഡ്രോപോണിക് കഞ്ചാവുമായി ഒരു തായ്‌ലൻഡ് പൗരനുമാണ് അറസ്റ്റിലായത്.
ഇരുവർക്കുമെതിരെ 1985ലെ നാർക്കോട്ടിക് ഡ്രഗ്‌സ് ആൻഡ് സൈക്കോട്രോപിക് സബ്‌സ്‌റ്റാൻസസ് (എൻഡിപിഎസ്) ആക്‌ട് പ്രകാരം കേസെടുത്തിട്ടുണ്ട്.
കൂടാതെ മയക്കുമരുന്നിൻ്റെ ഉറവിടം കണ്ടെത്തുന്നതിനും കള്ളക്കടത്ത് ശൃംഖല തകർക്കുന്നതിനുമുള്ള അന്വേഷണം പുരോഗമിക്കുകയാണ് എന്ന് ഡിആർഐ അറിയിച്ചു.

Team GNM

18/12/2024

മലയാളം മിഷന്‍ ദേശീയ ബാലശാസ്ത്ര പരീക്ഷയിൽ ഗുജറാത്തില്‍ നിന്നുമുള്ള കുട്ടികളുടെ മിന്നുന്ന പ്രകടനം

ഗാന്ധിനഗര്‍ : മലയാളം മിഷന്റെ ആഭിമുഖ്യത്തിൽ നടത്തപ്പെട്ട പി ടി ഭാസ്കരപ്പണിക്കർ സ്മാരക ദേശീയ ബാലശാസ്ത്ര പരീക്ഷയിൽ ഗുജറാത്ത് സംസ്ഥാനതലത്തിൽ സൂറത്തിന്റെ അനന്യാ പ്രകാശ് ഒന്നാം സ്ഥാനത്ത്. കച്ഛ് മേഖലയിലെ ആര്യൻ അനൂപും അഹമ്മദാബാദ് മേഖലയിലെ അദ്വയ ശ്രീനിവാസനുമാണ് യഥാക്രമം രണ്ടും മൂന്നും സ്ഥാനം കരസ്ഥമാക്കിയത്. ഇനി നടക്കുന്ന ആഗോള തല മത്സരത്തിൽ അനന്യ ആയിരിക്കും ഗുജറാത്ത് ചാപ്റ്ററിനെ പ്രതിനിധീകരിക്കുക. രാജ്കോട്ടിൽ നടന്ന ഗുജറാത്ത് യുവ ഉത്സവില്‍ കുച്ചിപ്പുടിയിലും അനന്യ ഒന്നാം സ്ഥാനം കരസ്ഥമാക്കിയിരുന്നു. മികച്ച പ്രകടനം കാഴ്ച വച്ച ഗുജറാത്തിന്‍റെ കുരുന്നുകള്‍ക്ക് ജി എന്‍ എം ന്‍റെ അഭിനന്ദനങ്ങള്‍.

Team GNM

18/12/2024

ദിയുവിലെ വിനോദസഞ്ചാരകേന്ദ്രങ്ങളിൽ മദ്യം നിരോധിച്ചു.

ദിയു : ദിയുവിലെ വിനോദസഞ്ചാരകേന്ദ്രങ്ങളിൽ ലഹരിയിലായ വിനോദസഞ്ചാരികളുടെ എണ്ണം അനിയന്ത്രിതമായിരിക്കുകയാണ്.
മദ്യശാലകളിൽ നിന്ന് മദ്യം വാങ്ങി ഇത്തരം സ്ഥലങ്ങളിൽ കൂട്ടമായിരുന്നോ ഒറ്റക്കോ കുടിക്കുക,
ചില്ലു കുപ്പികൾ പൊതുസ്ഥലത്ത് തന്നെ ഉപേക്ഷിക്കുക, മദ്യപിച്ച് മറ്റുള്ളവരെ അക്രമിക്കുകയും അസഭ്യം പറയുകയും ചെയ്യുക തുടങ്ങിയ ക്രിമിനൽ പ്രവർത്തനങ്ങൾ വർധിച്ചതായി കണ്ടെത്തിയതിനെ തുടർന്ന് ഘോഗ്‌ല ബീച്ച്, നാഗോവ ബീച്ച്, ദിയു ജെത്തിബായ് ബസ് സ്റ്റാൻഡ്, ദിയു ഫോർട്ട്, സെൻ്റ് പോൾ ചർച്ച്, ജലന്ധർ ബീച്ച്, മറ്റ് പൊതു ഇടങ്ങൾ എന്നിവിടങ്ങളിൽ മദ്യപാനം നിരോധിച്ചുകൊണ്ട് ഭാരതീയ നാഗരിക് സുരക്ഷാ സൻഹിതയുടെ സെക്ഷൻ 163 പ്രകാരം ജില്ലാ കളക്ടർ വിജ്ഞാപനം പുറപ്പെടുവിച്ചു.
നിലവിൽ 60 ദിവസത്തേക്കാണ് നിരോധനം ഏർപ്പെടുത്തിയിരിക്കുന്നത്.

Team GNM

18/12/2024

വസ്തു നികുതി കുടിശ്ശിക വരുത്തുന്നവർക്കെതിരെ ഡ്രം ഡ്രൈവ് ആരംഭിച്ച് എഎംസി.

അഹമ്മദാബാദ്: ദീർഘകാല വസ്തുനികുതി കുടിശികയുള്ള ഉടമകളുടെ പേരുകളും കുടിശ്ശിക തുകകളും പാരമ്പര്യേതര രീതിയിൽ ഡ്രം അടിച്ച് പരസ്യമായി പ്രഖ്യാപിച്ചു.
വെള്ളവും മറ്റ് സേവനങ്ങളും വിച്ഛേദിക്കുമെന്ന ഭീഷണി ഉൾപ്പെടെ ഒന്നിലധികം മുന്നറിയിപ്പുകൾ നൽകിയിട്ടും പേയ്‌മെൻ്റുകൾ നൽകാത്തത് മൂലമാണ് നടപടി.
കൂടാതെ അടക്കാത്ത നികുതികൾ വീണ്ടെടുക്കുന്നതിനായി വാണിജ്യ കുടിശ്ശിക വരുത്തുന്നവരുടെ സ്വത്തുക്കൾ ലേലം ചെയ്യാനുള്ള പദ്ധതിയും എഎംസി ആസൂത്രണം ചെയ്തിട്ടുണ്ട്.
ഇന്ന് ജീവരാജ് പാർക്ക്, ബോപാൽ, വെജൽപൂർ, ജുഹാപുര തുടങ്ങിയ പ്രദേശങ്ങളിലും നാളെ വെസ്റ്റ് സോണിലുമാണ് നടപടി.

2023-24 സാമ്പത്തിക വർഷത്തിൽ വസ്തു നികുതിയായി എഎംസി 1,679.98 കോടി രൂപ പിരിച്ചെടുത്തതിൽ നിന്ന്, 2024-25 സാമ്പത്തിക വർഷം ഡിസംബർ 3 ആയപ്പോഴേക്കും ഈ തുക ഗണ്യമായി കുറഞ്ഞ് 1,184.92 കോടി രൂപയിലെത്തി.
കൂടാതെ 2024-25 സാമ്പത്തിക വർഷത്തിലെ എല്ലാ സ്രോതസ്സുകളിൽ നിന്നുമുള്ള മൊത്തം നികുതി വരുമാനം 1,524.20 കോടി രൂപയാണ്, ഇത് മുൻ വർഷത്തെ മൊത്തം 2,152.82 കോടിയുടെ 70.8% മാത്രമാണ്.

Team GNM

18/12/2024

അഴിമതിയോ അശ്രദ്ധയോ...? 80 കോടി ചെലവിൽ പൂർത്തിയാക്കിയ ഘുമ-ഷീൽജ് മേൽപ്പാലത്തിന് റോഡില്ല..!

അഹമ്മദാബാദ് : അഹമ്മദാബാദിൽ 80 കോടി ചെലവിൽ നിർമ്മിക്കുന്ന ഘുമ-ഷീൽജിനെ ബന്ധിപ്പിക്കുന്ന റെയിൽവേ മേൽപാലത്തിന്റെ ഏകദേശം 80% ത്തോളം പണികളും പൂർത്തിയായിട്ടുണ്ടെങ്കിലും, ആസൂത്രണത്തിലെ വലിയ അപാകത മൂലം റെയിൽവേ പാലത്തിന്റെ പ്രവർത്തനജോലികൾ സ്തംഭിച്ചിരിക്കുകയാണ്.
പാലത്തിന് 30 അടി ദൂരെയായി ഒരു മതിലും അവിടെ നിന്ന് 12 അടി വീതിയുള്ള റോഡും ആണ് ഉള്ളത്.
അതിനാൽ പാലത്തിൽ നിന്ന് ഷിൽജിലേക്ക് എങ്ങനെ വാഹനങ്ങൾ പോകുമെന്നാണ് ഇപ്പോഴത്തെ ചോദ്യം.
ഔഡയുടെയും നഗരസഭയുടെയുംകടുത്ത അനാസ്ഥയാണ് ഇതിലൂടെ പുറത്ത് വരുന്നത്.
ഷീലാജ് ഭാഗത്തേക്കുള്ള 45 മീറ്റർ റോഡിൻ്റെ സാധ്യതാ റിപ്പോർട്ട് തയാറാക്കാൻ നിർദേശം നൽകിയെങ്കിലും ഇതുവരെ നടപടികൾ ഒന്നും ഉണ്ടായിട്ടില്ല ബന്ധപ്പെട്ട ഉദ്യോഗസ്ഥർ അറിയിച്ചു.

Team GNM

17/12/2024

ജാം നഗർ തിരുനൽവേലി എക്സ്പ്രസ്സിൽ യാത്രാമധ്യേ മരണപ്പെട്ട ആളെ തിരിച്ചറിഞ്ഞു

ജാം നഗർ : ശനിയാഴ്ച ജാം നഗറിൽ നിന്നും തിരുന്നെൽവേലിയിലേക്ക് പുറപ്പെട ജാം നഗർ തിരുനൽവേലി എക്സ്പ്രസ്സിൽ യാത്രാമധ്യേ മരണപ്പെട്ട ആളെ തിരിച്ചറിഞ്ഞു. കന്യാകുമാരി തിരുനെൽവേലി സ്വദേശിയും റിലയൻസ് കമ്പനിയിൽ എൻജിനീയറുമായ ശ്രീ ജസ്റ്റിൻ. ടി (48) ആണ് മരണപ്പെട്ടത്. ജാം നഗറിൽ നിന്നും M1/47 എസി കോച്ചിൽ യാത്ര ചെയ്യവേ ആണ് പനവേലിൽ വെച്ച് മരണപ്പെട്ട നിലയിൽ ഇദ്ദേഹത്തെ കാണപ്പെട്ടത്. തുടർന്ന് ജി ആർ പി. ഉദ്യോഗസ്ഥർ ബോഡി പൻവേൽ സ്റ്റേഷനിൽ ഇറക്കി അവിടെ നിന്നും ഗവൺമെന്റ് ഹോസ്പിറ്റലിൽ എത്തിച്ചു.

ജി.ആർ.പി ഉദ്യോഗസ്ഥർ കേരള കൾച്ചറൽ സൊസൈറ്റി പൻവേലുമായി ബന്ധപ്പെടുകയും കെ സി എസ് പ്രവർത്തകർ, നാട്ടിൽ അദ്ദേഹത്തിൻ്റെ ബധുക്കളുമായി ബന്ധപ്പെടുകയും, ബന്ധുക്കളുടെ അഭ്യർത്ഥനയെ തുടർന്ന് മൃതദേഹം പോസ്റ്റ്മോർട്ടം ചെയ്ത് മറ്റു നിയമ നടപടികളും നടത്തി മൃതദേഹം ഏറ്റെടുക്കുകയും നാട്ടിലെക്ക് അയക്കാനുള്ള നടപടികളും ചെയ്തു. 15/12/2024 ഞായറാഴ്ച രാവിലെ അഞ്ചു മണിയോടുകൂടി വിമാനമാർഗ്ഗം തിരുവനന്തപുരം എയർപോർട്ടിൽ ബന്ധുക്കൾ മൃതദേഹം ഏറ്റുവാങ്ങി. ജി എൻ എം ൻ്റെ ആദരാഞ്ജലികൾ.

Team GNM

Address

Ankleshwar
393002

Telephone

+918799212105

Website

facebook.com

Alerts

Be the first to know and let us send you an email when Gujarat News Malayalam posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Gujarat News Malayalam:

Videos

സർദാർ സരോവർ യോജന കുടിശിക പ്രശ്നം.യുവാവും യുവതിയും മൊബൈൽ ടവറിൽ കയറി പ്രതിഷേധിച്ചു. നർമ്മദ : സർദാർ സരോവർ യോജനയുടെ ദുരിതബാധിതരുടെ കുടിശ്ശിക പ്രശ്‌നങ്ങൾ ഏറെക്കാലമായി പരിഹരിക്കപ്പെട്ടില്ല എന്ന് കാണിച്ച് നവഗാം ലിംഡി, ചിച്ദിയ എന്നിവിടങ്ങളിൽ നിന്നുള്ള ദിനേശ് തദ്വി, ബബിത തദ്വി എന്നിവർ മൊബൈൽ ടവറിൽ കയറി പ്രതിഷേധം അറിയിച്ചു. എട്ട് വർഷം കഴിഞ്ഞിട്ടും തങ്ങളുടെ ആവശ്യങ്ങൾ അംഗീകരിച്ചിട്ടില്ല എന്നും, അംഗീകരിക്കുന്നത് വരെ ടവറിൽ നിന്നും ഇറങ്ങില്ല എന്നും ഇരുവരും അറിയിച്ചു. സംഭവത്തെ തുടർന്ന് പോലീസും ഫയർഫോഴ്‌സും സ്ഥലത്തെത്തി ഇരുവരെയും അനുനയിപ്പിച്ച് താഴെ ഇറക്കാനുള്ള ശ്രമങ്ങൾ ആരംഭിച്ചിട്ടുണ്ട്. #gujaratnewsmalayalam #gujaratvarthakal #gujaratiannan #gnmnews #narmadha Team GNM.

പിജിവിസിഎൽ കസ്റ്റമർ കെയർ സെൻ്ററിലെ എല്ലാവരും സുഖമായ ഉറക്കത്തിൽ... രാജ്ക്കോട്ട് : രാജ്‌കോട്ടിലെ കനക് റോഡിൽ സ്ഥിതി ചെയ്യുന്ന പിജിവിസിഎൽ കസ്റ്റമർ കെയർ സെൻ്ററിലെ ജീവനക്കാർ ഉറങ്ങുന്ന വീഡിയോ വൈറൽ ആകുന്നു. ഒരു വശത്ത് നിരവധി ഉപഭോക്താക്കൾ പരാതികൾ നൽകുന്നതിനായി കസ്റ്റമർ കെയറിലേക്ക് വിളിക്കുമ്പോൾ ആണ് ഈ കടുത്ത അനാസ്ഥ. #gujaratnewsmalayalam #gujaratvarthakal #gujaratiannan #gnmnews #rajcot #PGVCL Team GNM.

ഭക്തിസാന്ദ്രമായ അന്തരീക്ഷത്തില്‍ അങ്കലേശ്വര്‍ ശ്രീ അയ്യപ്പ ക്ഷേത്രത്തില്‍ കൊടിയേറി. #ayyappatempleankleshwar #gujaratnewsmalayalam #ulsavam2024 #gujaratvarthakal

ഭക്തിസാന്ദ്രമായ അന്തരീക്ഷത്തില്‍ അങ്കലേശ്വര്‍ ശ്രീ അയ്യപ്പ ക്ഷേത്രത്തില്‍ കൊടിയേറി. അങ്കലേശ്വര്‍ : ഭക്തിസാന്ദ്രമായ അന്തരീക്ഷത്തില്‍ അങ്കലേശ്വര്‍ ശ്രീ അയ്യപ്പ ക്ഷേത്രത്തില്‍ ഡിസംബര്‍ ഒന്നിന് കൊടിയേറി. ക്ഷേത്ര സന്നിധിയില്‍ തിങ്ങി നിറഞ്ഞ ജനസഞ്ചയത്തെ സാക്ഷിയാക്കിയായിരുന്നു ഉത്സവത്തിന് കൊടിയേറിയത്. ക്ഷേത്രം തന്ത്രി അഴകത്ത് പരമേശ്വരൻ നമ്പൂതിരി, ക്ഷേത്രം മേല്‍ശാന്തി കണ്ണന്‍ തിരുമേനി എന്നിവര്‍ മുഖ്യ കാര്‍മികത്വം വഹിച്ചു. ഡിസംബര്‍ എട്ടിന് ആറാടി, കൊടിയിറങ്ങുന്നതോടെ ഈ വര്‍ഷത്തെ ഉത്സവആഘോഷങ്ങള്‍ സമാപിക്കും. ഒന്ന് മുതല്‍ ആറു വരെയുള്ള ദിവസങ്ങളില്‍ വിവിധ മലയാളീ സംഘടനകള്‍ അവതരിപ്പിക്കുന്ന കലാപരുപടികളും, അന്നദാനവും ഉണ്ടായിരികുന്നതാണ്. Team GNM #gujaratnewsmalayalam #gujaratiannan #gujaratvarthakal #ayyappantemple #ayyappatempleankleshwar #ulsavam2024

ഗുജറാത്തില്‍ 5000 കോടി രൂപയുടെയുടെ മയക്ക് മരുന്ന് നിര്‍മാണശാല കണ്ടെത്തി. അങ്കലേശ്വര്‍ : അങ്കലേശ്വർ ആസ്ഥാനമായുള്ള ഫാര്‍മ കമ്പനിയിൽ നിന്ന് 5,000 കോടി രൂപയുടെ കൊക്കെയ്ൻ കണ്ടെത്തി. 518 കിലോയോളം വില വരുന്ന കൊക്കെയ്ൻ ആണ് ഡൽഹി പോലീസും ഗുജറാത്ത് പോലീസും സംയുക്തമായി നടത്തിയ ഓപ്പറേഷനിൽ പിടികൂടിയത്. ബറൂച്ച് ജില്ലയിലെ അങ്കലേശ്വറിൽ പ്രവര്‍ത്തിക്കുന്ന അവ്കാർ ഡ്രഗ്സ് പ്രൈവറ്റ് ലിമിറ്റഡിന്‍റെ ഭാഗമായ അവ്കാർ ഫാർമ സൊല്യൂഷൻ സർവീസസ് എന്ന സ്വകാര്യ കമ്പനിയിൽ നിന്നാണ് കൊക്കെയ്ൻ സ്റ്റോക്ക് കണ്ടെത്തിയത്. ഒക്ടോബർ ഒന്നിന് ഡൽഹിയിലെ മഹിപാൽപൂരിലെ ഒരു വെയർ ഹൗസിൽ നിന്ന് 562 കിലോ കൊക്കെയ്‌നും ഹൈഡ്രോപോണിക് കഞ്ചാവും പിടികൂടിയിരുന്നു. ഇതിനെ തുടര്‍ന്ന് നടത്തിയ അന്വേഷണത്തില്‍ ആണ് കൊക്കെയ്ൻ നിര്‍മിച്ചത് അങ്കലേശ്വർ ആസ്ഥാനമായുള്ള കമ്പനിയാണെന്ന് കണ്ടെത്തിയത്. വളരെ

രുചിയുടെ സാമ്രാട്ട് ആദ്യമായി ഗുജറാത്തില്‍. സൂറത്ത് : കേരള സമാജം സൂറത്തിന്റെ ഓണാഘോഷം 2024 ഒക്ടോബർ 6 ന് അഡാജൻ എൽപി സവാനി റോഡിലെ ടി.ജി.ബി സർക്കിളിന് സമീപത്തുള്ള ശ്രീ സൂർത്തി മോദ് വാനിക്ക് വാടിയിൽ വച്ച് നടക്കും. ആഘോഷങ്ങളുടെ ഭാഗമായി രാവിലെ 8.30 ന് ഉദ്ഘാടനകർമം നടക്കുന്നതാണ്. ചടങ്ങിലെ അതിഥികളായി മുൻ മന്ത്രിയും സൂറത്ത് എംഎൽ എ യും ആയ ശ്രീ പൂർണേഷ് മോദിയും, എസ്എംസി കോർപറേറ്റർ ആയ ശ്രീ നിലേഷ്ഭായ് സുരേഷ്ഭായ് പട്ടേലും പങ്കെടുക്കുന്നതാണ്. തുടർന്ന് 9 മണിക്ക് വിവിധ കലാ മത്സരങ്ങളും, അതിന് ശേഷം 11 മണിക്ക് പാചകകലയിലെ അഗ്രഗണ്യനും രുചികൂട്ടുകളുടെ സാമ്രാട്ടുമായ ശ്രീ പഴയിടം മോഹനൻ നമ്പൂതിരി ഒരുക്കുന്ന വിഭവ സമൃദ്ധമായ സദ്യയും തുടർന്ന് 3.30 ന് പ്രൗഡഗംഭീരമായ സാംസ്‌കാരിക സമ്മേളനവും ഉണ്ടായിരിക്കുന്നതാണ്. ചടങ്ങിൽ ചീഫ് ഗസ്റ്റുകൾ ആയി ഗുജറാത്ത്‌ ആഭ്യന്തര മന്ത്രി ഹർഷ് സ

വ്യത്യസ്തമായ റീലുകളിൽ കൂടി ഓണാഘോഷത്തെ വരവേറ്റ് വിവിധ സമാജങ്ങൾ. നാളെ ഓണം ആഘോഷിക്കുന്ന അഹമ്മദാബാദ് കേരളസമാജം ബോപാൽ വാർഡിന്റെ വ്യത്യസ്തമായ ഒരു റീല്‍. #gujaratnewsmalayalam #gujaratvarthakal #gujaratiannan #gnmnews Team GNM.

വാപ്പി മലയാളി വെൽഫയർ അസോസിയേഷൻ ഓണാഘോഷം സെപ്റ്റംബർ 29 ന്.

ഗുജറാത്തിലും ബുള്‍ഡോസര്‍ രാജ്. ഗണപതി പന്തലിന് കല്ലെറിഞ്ഞ പ്രതികളുടെ അനധികൃത കയ്യേറ്റങ്ങള്‍ പൊളിച്ചു നീക്കി Team GNM #gujaratnewsmalayalam #gujaratvarthakal #gnmnews #gujaratiannan #ganapatipandal #suratstonepeltingnews

സൂറത്ത് മെട്രോ നിര്‍മാണത്തിന് ഇടയില്‍ ക്രയിന്‍ തകര്‍ന്ന് അപകടം.

സൂറത്ത് : സൂറത്തിലെ നാനാ വരാച്ചയില്‍ മെട്രോ റയില്‍ ന്‍റെ പണിക്കിടെ ക്രെയിന്‍ തകര്‍ന്നു അപകടം. ക്രെയിന്‍ ഓപ്പറേറ്റര്‍ക്ക് ഉണ്ടായ നിസാര പരിക്ക് ഒഴിച്ചാല്‍ ആളപായമില്ല. അപകടത്തില്‍ സമീപത്തെ സൊസൈറ്റിയിലുള്ള വീടിനു സാരമായ കേടുപാടുകള്‍ സംഭവിച്ചു. രണ്ട് ക്രെയിനുകൾ ഉപയോഗിച്ച് പാലത്തിന്റെ ലോഞ്ചർ പില്ലറിലെക്ക് ഉയർത്തുന്നതിനിടയില്‍ ആണ് അപകടം ഉണ്ടായത്. അപകടത്തെ തുടർന്ന് മെട്രോ അധികൃതരുടെ സംഘം സ്ഥലത്തെത്തിയിട്ടുണ്ട്. ഒരു മാസത്തിനിടയില്‍ രണ്ടാമത്തെ അപകടം ആണ് സൂറത്ത് മെട്രോയുടെ പണിക്കിടയില്‍ ഉണ്ടാവുന്നത്. #gujaratvarthakal #GujaratDevelopment #gujaratnewsmalayalam #gujaratiannan #gnmnews #suratmetro #bridgecollapse

Gujarat News Malayalam

21/12/2024

21/12/2024

21/12/2024

21/12/2024

20/12/2024

20/12/2024

20/12/2024

19/12/2024

19/12/2024

19/12/2024

19/12/2024

19/12/2024

18/12/2024

18/12/2024

18/12/2024

18/12/2024

18/12/2024

17/12/2024

Address

Telephone

Website

Alerts

Contact The Business

Videos

സൂറത്ത് മെട്രോ നിര്‍മാണത്തിന് ഇടയില്‍ ക്രയിന്‍ തകര്‍ന്ന് അപകടം.

Shortcuts

Share

Category