Chhanna - The Answer

Home
India
Aizwal
Chhanna - The Answer

Infiamna chanchin thar - thu dik, thlitfim tawh sa - rintlak ni bawk chu i tan.

06/06/2024

Sunil Chhetri kan Lawm e 🙌

India ramah footballer an langsar hleithei lo a, chutiang karah chuan Sunil Chhetri hian hnuhma ropui leh langsar tam tak a rawn hnutchhiah a, khawvel hriat hlawh khawp a ni.

India leh Kuwait ten FIFA World Cup 2026 Qualifier an khelh chu India tana Chhetri-a match hnuhnung ber a ni ta a, a sulhnu te hi India rama football ngaina tute tan chuan a la hlu zual dawn chauh.

Salt Lake Stadium, Kolkata chhunga inkhel entute khan zah tak chungin Chhetri an thlah a, football ngainatna khawpui a ni bawka an boruak pawh a lian takzet.

Cristiano Ronaldo leh Lionel Messi te ho nen ram tana an statistics sawi ho a ni ve thin hrim hrim te hi a lawmawm asin!

India tana Chhetri
🏟 151 Appearances
⚽ 94 Goals

05/06/2024

Lionel Messi pawhin Copa America khel turin inbutsaihna a nei tan e, a dam tha leh zak zak tawh khawp mai.

Argentina captain hian ram tan World Cup, Copa America, Olympic leh Finalissima te a la tawh a, tun tournament hi ram tana a inlan hnuhnung a ni ve tawh mai thei bawk.

A dam that a, harsatna dangin a tlakbuak a nih ngawt loh chuan football hmuhnawm min chhawp chhuahsak leh ngei dawn e.

A ke vei lamin thil mak a ti leh ang a, amah vengtuten a tih dan tur hre lawk vek mah se dan harsa an ti leh dawn - football ngainatu tan chuan a nghahhlelh awm takzet.

04/06/2024

Real Madrid tana khelh hi a naupan lai atanga a duhthusam kha a ni a, a mi ngaihsan Cristiano Ronaldo hnung zuia Real Madrid Star Player nih a chak thin - a duhthusam hi a thleng dik chho mek.

Kylian Mbappe chuan, "Ka lawmna hi thuin a sawifiah zo lo a, midang tan pawh hriatfiah thiam chi a ni lo," tiin Real Madrid a zawm chungchang a sawi.

Paris Saint Germain tan k*m khatah pound maktaduai 21.4 vel a hlawh thin a, tunah chuan a hlawh hi a zatve deuhthaw in a tlahniam dawn - sum aiin nomawi chawi a chak tihna a ni.

Real Madrid tana Ronaldo sulhnu ang kha a neih theih kan ring em, ngaihdan sawi ho teh ang u 🤔

02/06/2024

Toni Kroos: “Real Madrid tana hun tawp hman danah chuan duhthusam a ni, hetiang hi ka duhthusam leh mumanga ka lo hmuh thin chu a ni. In zavaia chungah ka lawm takzet.

“Chawl tura thutluakna ka siam chhan chu chhungkua a hun hman ka duh vang a ni, chutihrualin ka thian leh inkhelh puite hi ka ngai dawn em em a ni...”

Toni Kroos hi k*m 34 mi chauh a la ni, k*min January thla khan k*m 34 hi a tling chauh - duh ni se la chuan Real Madrid ni kher lo khelhna tur club a la hmu dawn tih a chiang.

A bik takin Saudi Arabia leh US lamah hahdam leh sum tam zawk hlawh turin a la inkhel thei ngei bawk ang, mahse sum ringawt hi hlimna a ni ber lo tih a hrechiang a, chhungkua a hun hman tam chu a hlutna a hmu chiang tihna a ni.

Real Madrid hian an player tha leh ropui pawh an chelh ngai lo a, an uina an lantir tam ngai lem lo. Hetiang tak mai a Toni Kroos an thlah zet hi chu a mak zawk hial - Spanish club hian German midfielder hi an ngaihlu hle tih a lang.

Club lama Toni Kroos Hlawhtlinna:
🏆🏆🏆🏆🏆🏆 Champions League
🏆🏆🏆🏆🏆 Club World Cup
🏆🏆🏆🏆 European Super Cup
🏆🏆🏆🏆 La Liga
🏆🏆🏆 Bundesliga
🏆🏆🏆 German Cup
🏆🏆🏆 Spanish Super Cup
🏆 World Cup
🏆 Copa del Rey
🏆 German Super Cup

02/06/2024

Real Madrid leh Champions League hi chu kawp tura duan an ni🔥

A nihna takah chuan UCL vawi khat lak pawh hi a harsa a nia. Real Madrid hi chuan an ta neih tawp a ni ber mai.

🏆 1956
🏆 1957
🏆 1958
🏆 1959
🏆 1960
🏆 1966
🏆 1998
🏆 2000
🏆 2002
🏆 2014
🏆 2016
🏆 2017
🏆 2018
🏆 2022
🏆 2024

01/06/2024

Mizoramin International Record Holder thar kan nei ta!

Samuel Lalbiakhlua (k*m 11) chu Paragliding Pilot naupang ber niin International Book of Records chuan official in a puang ta a ni.

Saitual naupang Samuel-a chungchangah hian Guinness Book of Records pawh apply mek niin, thu leh hla ngaihchan mek a ni bawk.

Samuel-a hian k*min March 16, Inrinni zing khan Biri Biling, Himachal Pradesh-ah amah chauha paragliding khalhin a thlawk a, hlawhtling takin a tum.

A thlawhna hmun hi Aisa rama paragliding site sang ber a ni a, khawvel huap chuan a sang pahnihna a ni thung.

31/05/2024

Hlimen chuan lungngaihna karah lawmna tur an tawng e! Aizawl District II Division Season Ending Tounament-ah an champion.

RG Stadium, Mualpuia inkhelah Hlimen hian Zemabawk North chu 4-3 in an hneh a, an champion lai hian an chhiattawh leh boral tate an hrereng.

Final Boruak
Hlimen 4-3 Zemabawk North
HFC: Lalramdinsanga 18', 48'; Rampianmawia 30'; F. Zosangliana 90'
ZNFC: Lalawmpuia 31'; Peter Lalrinhlua 45+1'; Lalnunsanga 90+2'

31/05/2024

Rio Ferdinand: “Tun dinhmunah chuan William Saliba hi Premier League center-back tha ber a ni...”

Premier League season liamta kha match a khel kim a, an thlak miah lo - a khel kim vek!

K*m 23 mi niin vanglai a hmang chho dawn mek - tunah chuan France squad a zawm tawh a, nipuiah Euro 2024 a khel dawn, an ram tan pawh rinrawl a ni phak tawhin a rinawm.

29/05/2024

Premier League Record khum harsa tawh tura ngaihte an ni a, eng hi nge khum harsa bera kan rin sawi ho ila 🤔

🎯 Christano Ronaldo-a'n k*m 2008 khan mimal chawimawina dawn theih ho a dawng kim vek.

🎯 Erling Halaand-a'n match riat atangin hat-trick vawi thum a siam.

🎯 Liverpool chuan point 97 hmu chungin nomawi an chawi lo.

🎯 Jamie Vardy-a'n a zawnin match 11 chhung goal a khung. Ruud Van Nistelrooy (10) a khum a ni.

🎯 Petr Cech-a'n 2004/2005 season khan clean sheet vawi 24 tehmeuh a nei.

🎯 Manchester City chuan 2017/2018 season khan point 100 an hmu tling.

🎯 Sadio Mane-a'n Aston Villa lakah minute hnih leh second 56 chhungin goal thum a khung.

🎯 Frank Lampard chu midfielder zinga goal khung tam ber (177) a ni.

🎯 John Terry chu defender zinga goal khung tam ber (41) a ni.

🎯 Arsenal chuan ni 250 chhung hmahruaitu ni chungin nomawi an chawi lo.

🎯 Edwin Van Der Sar-a'n a zawnin match 14 chhung goal a chhuah lo.

🎯 Jose Mourinho enkawl Chelsea chuan 2004/2005 season khan goal 15 chauh an chhuah.

🎯 Ryan Giggs-a'n EPL nomawi 13 tehmeuh a chawi.

🎯 Arsenal chu hneh lo nei loin 2003/2004 season khan an champion.

🎯 Chelsea chu k*m li chhung anmahni khelmualah an tlawm lo, match 86 chhung a ni.

🎯 Kai thar ni chunga champion thei awmchhun chu Leicester City an ni.

28/05/2024

Infiamna lam pawn deuh ni mah se, hei hian Aizawl khawpui leh a chhehvel boruak chu eng emaw chen a ti fiah viau awm e.

Tlawng Lei (Bridge), Reiek kawng ami, sang tak mai kha tuilian in a chim tep a ni.

In awmhmunah khan lo him hram teh u 🙏

28/05/2024

Mizo Thalai - tlangval leh nula te chhiat tawk tan, khaw chhia, thli leh ruah karah pawh an che chhuak han hmuh hian rilru a va hneh tak em ♥️

Thli leh ruah vangin Mizoram hmun hrang hrangah chhiatna a thleng nasa, chhiat tawkte kan tawrh pui takzet a, chhiat tawk tanpui tura che chhuak zawng zawngte zahna chibai kan buk bawk che u🔥

28/05/2024

Cristiano Ronaldo: “Record te hi ka zui ve lem lo, record hian min zui mai zawk a ni...”

Cristiano Ronaldo chuan Saudi League lamah record a siam leh a, season khat chhunga goal khung tam ber (35 goals) a ni leh ta.

Tun season Saudi Pro League match 31 atabgin goal 35 a khung bakah hian assist vawi 11 a nei bawk.

Record hmasa chelhtu chu Hamdallah niin 2018/2019 season kan goal 34 a khung a ni.

27/05/2024

Hetia khuang ruahpui ruah a sur lai hian maw:

🎯 Real Madrid Fans chuan Champions League Final an nghak.

🎯 Manchester United Fans chuan FA Cup an la sawi vul char char.

🎯 Chelsea Fans chuan manager thar tur an ngaihtuah, tha deuh duh mah se an hre mai si lo.

🎯 Liverpool Fans ho pawh Jurgen Klopp ngaia an lungleng a la reh thei lo.

🎯 Arsenal Fans ho chuan Next Season an nghakhlel hle.

🎯 Manchester City Fans pawh ar an talh a, champion lawm nan chaw an eikhawm dawn.

26/05/2024

FA Cup Champion te chu lawm ve bawk ang chu 🏆

26/05/2024

Captain armband hreng chungin Santiago Bernabeu a rawn lut a, a thiante chuan zahna chibai an lo buk - a sir tawnah dingin an lo chawimawi a ni. Jersey no 8 leh ‘Kroos’ tih inziahna an ha vek bawk.

Toni Kroos pawhin Real Madrid tan anmahni khelmuala a match hnuhnung ber a khel zo ta, amah chauh ni loin khelmual sira a nupui leh fate nen khan an insum zo lo, an biangah mittui a luang a nih kha!

Theihna sang tak a la nei a, season tluana match zawng zawng khel turin a tlin tawh lo a nih pawhin inkhel pawimawh leh tam taka inlan turin a la tha tawk, mahse hun tawp lama khel phak lo nih hnua chawlh ai chuan uiawm leh la tha tak ni chunga chawlh a thlang miau mai sia, dan theih a ni si lo.

Champions League Final a la hmabak a, an ramin an koh kir avangin Euro 2024 a hmachhawn bawk ang - player cool leh ball sem thiam Kroos ngaina tute tan chuan a lunglen thlak chho viau mai dawn a ni.

26/05/2024

Pep Guardiola: “Tun dinhmunah chuan khawvela center-back tha zual panga thlang dawn ila, chung zingah chuan Lisandro Martínez a tel chiang a ni.

“Tlarhnungah a ding nghet em em a, ball pass a thiam in boruak a ti danglam vek thei bawk...”

Khawvela manager tha bik Pep Guardiola hian Manchester United defender Lisandro Martinez hi a dah sang khawp mai. Erik ten Hag hian a hmang thiam ve em bawk a ni.

Argentine defender hi a huaisen a, a hunah chuan buaina han siam deuh rap rap pawh hi a hreh lem lo - a tawp nana Raphael Varane nen an dingdun pawh an nghet khawp mai.

FA Cup an champion theih chhan langsar a ni a, khelmual a chhuahsan dawna Man City captain Kyle Walker laka a chet duh dante kha a ngeng in a luhlul tih hi a chiang reng mai a - hliam nei tlemin inkhel tam se la chuan Man United season hman dan pawh a danglam mai thei!

25/05/2024

𝗖𝗵𝗮𝗺𝗽𝗶𝗼𝗻 𝗧𝘂𝗿𝗮 𝗗𝘂𝗮𝗻 𝗠𝗮𝗻 𝗨𝗻𝗶𝘁𝗲𝗱 🏆

Manchester United chuan Premier League champion Manchester City 2-1 in an hneh a, sawiselna kara leng Erik ten Hag leh a naute chu FA Cup champion an ni daih!

Season an hman that loh avangin sawisel an hlawh a, mahse season a tawp meuh chuan anmahni nuihzat thinte tih theih loh ‘Nomawi Chawi’ chu an zia a ni leh tlat si.

Diogo Dalot ball vawrh a class turu a, defenderJosko Gvardiol-a'n a tauh sual zui nen - Alejandro Garnacho goal kan hmu a, pressure kha a pe fuh ve bawk a ni.

Man City an buai ru tlat - Garnacho awmna lam atangin an hlauhawm zel a, goal hnihna a luh dawna Bruno Fernandes pass a mawi a, a khungtu Kobbie Mainoo kha a ‘cool’ zek bawk si - a sirah Pep Guardiola khan tui a lo in pawp pawp mai a nih kha!

Pep-a'n Julian Alvarez leh Jeremy Doku te a dah lut a, an goal nawr a na sawt. Erling Haaland-a'n goal bar a pet per lai leh, captain Kyle Walker shot Andre Onana-a'n a lo dansak lai te chuan Man United tantute thinphu a rang hle ang.

Hun tawp dawna Doku-a goal khungin boruak a chawk nung thar a, mahse Wembley Stadium bakah khawvel hmun danga Man United tantute lawmna turin goal an venghim tluan thei a ni.

Inkhel Result
Man City 1 - 2 Man United
MNU: Alejandro Garnacho 30'; Kobbie Mainoo 39'
MCY: Jeremy Doku 87'

25/05/2024

Alejandro Garnacho-a Goal kan hmu daih mai le, hum thei tak ang maw!

25/05/2024

Commentator hi sual den😆

25/05/2024

Khaw lum karah pawh kan Soft tur a ni lo 🏊

24/05/2024

Lu-kawlh leh Lu-kawlh an intawng dawn - Manchester United leh Manchetser City inkhel tur FA Cup Final resut ring dik zinga vannei berin Rs 500/- a dawng ang.

Lawmman tumtu C. Hualhnuna & Sons (Arms and Ammunitions) hi Like/Follow a ngai aw. Link:- https://www.facebook.com/profile.php?id=100064883981170

24/05/2024

Manchester United vanglai kha a rei ta, an thenawm Manchester City chunga Premier League season an khar hnuhnung ber hian Phil Foden hi a la naupang khawp mai.

Tunah chuan Foden hian EPL nomawi paruk a nei der tawh!

24/05/2024

Mizo tlangval pali - Lallianzuala Chhangte, Lalchungnunga, Edmund Lalrindika leh David Lalhlansanga te chu FIFA World Cup Qualifier khel tur India squad-ah an awm tlang dawn.

A tirah player koh an awm nual a, a hnuah player 27 chauh thlan chhuah leh an ni. Heng zingah hian Mizo pali an tel tlang ta a ni.

Lalengmawia Ralte leh Isak Ralte te pawhin a tirah kohna an dawng a, mahse an zawm thei ta lo kha a ni a, zawm thei ni ngat se la chuan India squad-ah Mizo kan tam dawn ngei mai.

India Squad:
Goalkeepers: Gurpreet Singh Sandhu, Amrinder Singh, Vishal Kaith.

Defenders: Amey Ranawade, Anwar Ali, Jay Gupta, *Lalchungnunga,* Mehtab Singh, Narender, Nikhil Poojary, Rahul Bheke, Subhasish Bose.

Midfielders: Anirudh Thapa, Brandon Fernandes, *Edmund Lalrindika,* Jeakson Singh Thounaojam, *Lallianzuala Chhangte*, Liston Colaco, Mahesh Singh Naorem, Nandhak*mar Sekar, Sahal Abdul Samad, Suresh Singh Wangjam.

Forwards: *David Lalhlansanga*, Manvir Singh, Rahim Ali, Sunil Chhetri, Vikram Partap Singh.

23/05/2024

Gareth Southgate hian player chhawr tur a nei tha viau a - Euro 2024 hi an champion k*m a nih ve tawh kan ring em 🤔

Mizoram buai (1966) hnuah Three Lions hian Major Title an la chawi leh miah lo a ni.

✅️ Phil Foden - Premier League Best Player
✅️ Cole Palmer - Premier league Best Young Player
✅️ Kobbie Mainoo - Man United Best Young Player
✅️ Jude Bellingham - Ballon d'Or Candidate
✅ Harry Kane️ - Europe Top Goalscorer

23/05/2024

𝗕𝗥𝗘𝗔𝗞𝗜𝗡𝗚
Lalnghinglova Hmar chu Mizoram Football Association (MFA) President atan chuhtu awm lo a thlan thar a ni.

Tetea Hmar hi MFA Honorary Secretary ni lai kha a ni a, minister ni tawh mah se Mizoram Football tan a la thawk chhunzawm zel dawn a ni.

23/05/2024

Rim taka thawh a, dawhtheih taka nghah a, a tawpa hlawhtlinna chan chu a hlu bik a, a ropui bik kan ti a nih pawhin a mak lo ang!

Gian Piero Gasperini-a'n ropuina rama Atalanta a hruai thlen dan hi a ngaihnawm asin, pawisa nei tlem si, player neih that chelh thei lo - sum mamawhna vangin hralh a ngai, chutiang chung chuan Serie A team hnuaihnung zinga mi kha k*m 8 a liam meuh chuan Europa League nomawi a chawi pui der mai asin.

K*m 2016 khan Serie A atanga tlak mai hlauhawm team hi a enkawl a, sum an nei tlem si - player hlawh atana an sum pek chhuah hi Premier League club nena khaikhin chuan a hniam lama pathumna an ni hial.

Player tha an chelh theih loh avangin team thar a din zel a, a team thar hi a kalphung pangngai angin attacking football hmuhnawm a khelh tir thei zel a, dai ngai loh ramah a hruai lut thei zel bawk.

Season riat a enkawl chhung hian sum an chawibelh lo a, hlep hi euro maktaduai 157 an nei hial zawk - hmasawnna chu a zuan in a zuang a ni ber mai.

Europa League Final khelh dawn khan, a nihna takah chuan rinkai lo zawk an ni. Mahse, tun season chhunga tlawm la nei lo Bayer Leverkusen chu 3-0 in an sawp thei a, an phu ang ngeiin an champion.

22/05/2024

Antonella Roccuzzo: “Leo, mikhual inleng kan nei dawn a, khawngaih takin zanin chu nalh takin lo inchei rawh aw...”

Lionel Messi pawh a lo inchei nalh khawp mai 😁

22/05/2024

Casemiro: “Toni Kroos hi chuan a duh hunah inkhel kalhmang a ti muang a, a duh hunah a ti rang leh mai bawk a, kan khelh dan tur kha chu Kroos duh danah a innghat thui thei hle a ni,” a ti.

Toni Kroos hi khelmual chhunga langsar tak kan tih ang chi kha a ni lem lo, a bik takin ‘Highlights’ en thin tan a langsar lo deuh mai thei, inkhel chik leh game kalhmang hria te erawh chuan an dah sang thei hle thung.

Inkhel khaikhawmtu ni tur chuan football thiam satliah nih a tawk lo a, thluak hmang thiam nih a ngai a, khelhpuite phak leh tlin tawk an chhut thiam a ngai tel bawk - Kroos thatna chu hetiang tak hi a ni.

A sawi thin tawh angin Real Madrid lo chu club dang zawm a tum lo a, hun tawp lama khel phak lo leh bench lama thu nih ai chuan, a that leh thiam dan takin a khel a, zuih lem loin a chawl, tia sawi hi a duh dan a ni zawk.

Kroos hi ball pass thiam hmingthang a ni a, a bik takin hnai te te a ball pek kual a thiam, hla taka a pass thut hi a hlauhawm zual lai a ni bawk - football ngaina, a bik takin midfielder ho ngaisang tan chuan Kroos zet hi chu a ngaihawm khawp ang.

21/05/2024

“A thau si, a hmel chhe si, a chuti khati si, etc...” tiin Declan Rice-a bialnu chungchang hi comment a tam thei hle a, amah ngei hian a lo chhiar vein hrehawm pawh a ti thin; IG pawh a ti tawp (deactivated) hial a nih kha!

English tlangval, hmeltha leh pian nalh a nih avangin Rice hi chu a “Luck Turu” dawn tih a chiang reng mai si - Football an atchilhna ramah a thiam berte zinga mi a la ni lehzel zui a!

Fans lamin Rice-a bialnu tur hi chhelo leh nalh deuh an lo duh pui a ni mai thei. Mahse, Rice chuan tun hma atanga a hmangaih hi a hausak a, a hlawhtlin hnuah pawh kalsan a tum lem lo - hmangaih takin a CHOICE zui ta zawk.

A bialna chungchang an zawhna chhangin Rice chuan, “Ka hmangaih a ni a, ani aia tha leh thlan tur dang hi ka tan an awm thei tawh chuang lo,” a ti hmiah.

Football khelmualah chauh a ni lo, hmangaihna lamah pawh Declan Rice chu a lo Class Turu a ni. A Choice tan hian a nuam khawp ang - Premier League season kharniah an rawn inlan ho ngei a ni.

21/05/2024

Lalremsiami Hmar leh Red Bull chu an thawk ho leh ta rup mai - Class thei zuks a ni💥

Thawh hona hi IOS Sports hnuaiah a ni a, thuamhnaw lamah chuan Mizo nula hi “Nike” nen an inrem thung.

Address

Aizwal

Website

https://chhannatheanswer.com/

Alerts

Be the first to know and let us send you an email when Chhanna - The Answer posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Chhanna - The Answer:

Videos

Infiamna lam pawn deuh ni mah se, hei hian Aizawl khawpui leh a chhehvel boruak chu eng emaw chen a ti fiah viau awm e. Tlawng Lei (Bridge), Reiek kawng ami, sang tak mai kha tuilian in a chim tep a ni. In awmhmunah khan lo him hram teh u 🙏

Commentator hi sual den😆

Khaw lum karah pawh kan Soft tur a ni lo 🏊

Champion chiah loh pawhin puar tho ila 😁

Ramhlun Venglai leh Cricket hi chu a inzawm tlat a, tualchhung Cricket thununtu an nihna chu a takin kan hmu leh ta 🔥 CYMA leh CAM buatsaih Cricket Tournament 2024 final-ah RVL hian Durtlang chu wicket sarih a hnehin a vawi ruk nan an champion. A tawp nana Joseph Thankhuma'n six run a vuak kha a va mawi ve! CYMA Cricket hi vawi 12 buatsaih a ni tawh a, hengah hian RVL hi vawi ruk champion tawhin, an champion loh kumah pawh vawi thum chu pahnihna an ni bawk. 2006 RVL 🥇 2008 RVL 🥇 2016 RVL 🥇 2018 RVL 🥇 2022 RVL 🥇 2024 RVL 🥇 Note: RVL chu an nulate pawhin Cricheroes App an nei vek, an ti ♥️ #Chhanna_TheAnswer

“Silchar atangin an hawna tur an inngaihtuah chawp a...” tiin North East Olympics Games khel player-te Mizorama an rawn haw chungchang a darh hluai mai a! Mizoram Volleyball Team chunghang a ri zui a. Mizoram Volleyball Association (MVA) hruaitute kan be pawp a, anni chuan an hawna tur pawisa hi Mizoram sorkar lamin a tumsak vek thu min hrilh. Sports discipline dang pawh tumsak vek an ni. NE Games-ah Mizoram hi a vawi khat nan Volleyball champion kan ni. MVA lam an phur a, an player leh coaching staff hi Silchar-ah an lo zuk hmuak, a lawmna siamin anmahni duhdanin an rawn haw mai a ni a, lo lakkawih emaw ngaih huat tur a awm lem lo. Champion avanga lawmna leh hlimna kha a ni zawk a, politics inchirhtheh nana lo hman kha a fuh viau lem lo - Volleyball Champion nih avanga lawmna vang zawk a ni e ♥️ #Chhanna_TheAnswer

Presbyterian Kohhran naupang leh Salvation Army naupang te ♥️ “Hosanna Lalpa hming lo kal chu fakin awm rawh se... ” 🌿

Mizoram Sepaktakraw Team che vel pawh hi a hmuhnawm asin 💥 North East Olympic Games neih laiah result tha kan nei tam viau, a bikin team inelna lamah kan che tha, mimal lamah erawh hmasawn kan la ngai. Men's Team🥉 Men's Regu🥉 Men's Quad🥉 Men's Doubles🥈 #Chhanna_TheAnswer

Jeho Himnakulhpuingheta hian North East Olympic Games-ah hian Mizoram tan Medal pathum a vaw chhuak. Mizo rawlthar hian Table Tennis hi chu a thiam ve thlawt a ni 💫💥 Men's Singles 🥇 Men's Doubles 🥈 Team Event 🥇 #Chhanna_TheAnswer

Malsawmfela'n Volleyball net a zuan lai kha in hmu hlawmin a rinawm, hei Valbuanga te bulah volleyball training a chhunzawm nghal e 🏐 Football atangin Volleyball lamah hian a inlet daih mai thei a ni 😀

Manchester United goal hnuhnung ber, 4-3 a Liverpool an hnehna tur kha an lo ring lawk, ring dik hlauh zui 💥

𝗦𝗮𝗶𝘁𝘂𝗮𝗹 𝗡𝗮𝘂𝗽𝗮𝗻𝗴𝗶𝗻 𝗜𝗻𝗱𝗶𝗮 𝗥𝗲𝗰𝗼𝗿𝗱 𝗦𝗶𝗮𝗺 💥 Samuel Lalbiakhlua (kum 11) S/o MS.Dawngzuala, Saitual Venglai, tun a PES Saitual a Class-VI zir tur chuan chawlh laiin Himachal Bir-ah Junior Paragliding Pilot course a kal a. He course hi ṭha taka zovin India ram a Paragliding pilot naupang ber record a siam 💥

Pachhunga University College chuan Hrangbana College hnehin MZU Annual Sports Meet 2024 Mipa Football champion an ni. Hun pangngaiah goal a lut lo, penalty shootout-ah PUC an vannei ta zawk ⚽ #Chhanna_TheAnswer

Mumbai khawpuiah Lallianzuala Chhangte an hai tlat mai! Lz- Chhangte unaupa hian a unaupa Jersey a ha a, vai hoin amah Lz-a tak tak emaw tiin an lo bawr luai luai 😀 WhatsApp status lamah Lz Chhangte chuan, “Mumbai lamah chuan Lz Chhangte aiin a lar tlat...” tiin a ziak. #Chhanna_TheAnswer

Hringnun hi a awlsam lo ve bawk a ni 😆 Hetiang huna lut thin thianpa i nei ngeiin a rinawm 😀

Kumthar Ruaitheh Fatu-ah pawh boruak a sang viau😅 Bungkawn Vengthar - Hetiang em em chu a 😆😆

A Naaaa lutuk 💔

Mizoram chuan Santosh Trophy 2023-24 an group match hnuhnung berah Pondicherry 6-0 in an sawp a, Final Round an lut. Mizo hi chu kan zaithiam - Bus bang ben hi kan bang thei lo, a nuam ve bawk a ni. Inkhel Result Mizoram 6 - 0 Pondicherry MIZ: PC Lallawmkima 72', 77' 83'; Lalkhawpuimawia 16', 87'; Lalrinchhana Tochhawng 90+5' #Chhanna_TheAnswer