Zalên News

Home
Zalên News

Zalên News Nitin chanchin thar rintlak chhiar tur chhawpchhuah thin a ni.
(1)

17/01/2025

Chakma sing tel en liam an nih laia Zohnahthlak mi 28 thawnhaw hrethiam lo

ZALEN January 17, 2025 : MZP General Headquarters Executive Committee meeting vawi 639-na chu vawiin khan MZP Conference Hall-ah neih a ni a. Meeting-ah hian Free Movement Regime (FMR) hlih chungchang te, MPSC hnuaia hnalak chungchang leh pawl chhung thilte rel a ni.

Meeting chuan, "Tun hnaiah India sawrkar-in Myanmar leh Mizoram inkalpawhna Free Movement Regime (FMR) a ti tawp chu hriatthiam har a tiin pawi a ti a. Zofa chhak leh thlanga cheng, u leh nau, hnam leh sakhua thuhmun, awlsam taka inkalpawhna kawngpui pawimawh tak khar a ni ta hian Zofate inpumkhatna turah nghawng tha lo tak a neih a hlau a ni."

"Tun hnaia Myanmar, Bangladesh leh Manipur buaina avanga Mizorama sa himna zawnga lo tlante theih ang angin Mizoram-in a tuamhlawm mek a. Chutih laiin, Bangladesh atanga Mizorama sa himna zawnga lo lut mi 28 velte Myanmar ram chhungah thawn let an ni chu pawi a tiin a lainat a. Bangladesh atanga dan loa lo pem lut Chakma mi sing tel an en liam mai mai laia, Zofate laka India sawrkar laipui hmalak dan hi hriatthiam a har hle a ni," an ti a. Hemi chungchang hi Union Home Ministry-ah lehkha thawn nise an ti.

Meeting-ah hian Zoram Ni hman dan turte, MZP K*m 90-na lawm dan tur leh MZP Establishment chungchang pawh rel a ni a. Meeting hi President H. Lalthianghlima chuan a kaihruai a ni.

17/01/2025

FMR kengkawh tura tihna Sawrkar laipui leh Mizoram sawrkar order hal dawn

ZALEN January 17, 2025 : ZORO General Headquarters vawiina meeting chuan India Sawrkarin Free Movement Regime (FMR) thiat a, India - Myanmar Border fencing a tum chungchang leh Bangladesh raltlan thawnkir chungchang an rel a, FMR order kengkawh tura sawrkar laipui leh Mizoram sawrkar order chu hal turin thutlukna an siam.

India sawrkar laipui in Zofa ram hrang hranga chengte zalen taka kan intlawh pawh theihna Free Movement Regime (FMR) chu thiatin ramri kan turte tan Border Pass neih ngei a tul leh Border Pass neilo tan ramri kan a theih lohna dan chu January 1, 2025 atangin ken kawh tan a ni a. Free Movement Regime ti tawpa India-Myanmar ramri kan tura Border Crossing Permit lak a ngai ta chu Zo Re-Unification Organisation (ZORO) chuan pawi a ti. Free Movement Regime (FMR) kengkawh tura tihna Sawrkar laipui order leh Mizoram Sawrkar order chu January 29, 2025 (Nilaini) hian an hal dawn a, Sawrkar laipui leh Mizoram sawrkar order hi Aizawl mai bakah Mizoram hmun hrang hranga hal turin ruahmanna a siam a ni.

ZORO chuan Free Movement Regime a tih tawpna hi hlip leh ngei turin an ngen a, he dikna chanvo nei let leh tur hian ZORO chuan a tawp thlengin a bei zel dawn an ti a ZORO hmalakna hi Zoram mipui ten thlawp tlat turin an ngen nghal bawk a ni.

Bangladesh rambuai avangin Mizoram state rawn bel Mizoram chhungah thahnem tak an awm mek a. January 5, 2025-a Bangladesh atangin sahimna zawnga mi 28 in Mizoram rawn lut, Assam Rifle in an man a an hreng zui, January 11, 2025-a Mizoram sawrkar leh Assam Rifle ruahmannaa thawnkir an ni chu ZORO chuan hriatthiam har an ti.

ZORO chuan mahni sahimna zawnga Mizoram rawn bel te thawnkir an ni chu na a ti a, unaute thawnkirtu Mizoram sawrkar leh Assam Rifle te demawm an ti. "Kan unau sahimna zawnga rawn kal an awm leh a nih chuan mahni Inpui rawn bel na na na chu lo kuangkuah a, lo tuamhlawm thin tawh turin thunei tute kan ngen nghal bawk a ni," an ti.

17/01/2025

Hnathawk chhia kan inchawlhtir hreh dawn lo - CM Lalduhoma

ZALEN January 17, 2025 : Aizawl South II ZPM chuan vawiin khan R Dengthuama Hall, Mualpuiah Block Conference an nei a, he hun hmanpuitu Chief Minister Lalduhoma chuan party leh sawrkar timualpho khawpa hnathawk chhia an awm anih chuan party atang pawhin an inchawlhtir hreh loh tur thu a sawi.

Khuallian Chief Minister chuan,"Party leh sawrkar ti mualpho khawpa hnathawk chhia, ram hmangaihna nei lo, hlep hnem tum ringawt kan awm a nih chuan party atang pawhin kan inchawlh tir hreh dawn lo a ni. Sawrkar hmasa atanga kan chhawm, hna chhia leh tlo lo tak tak buaipui ngai a awm teuh mai a, ZPM sawrkar hnua thawh chu a tha bik tur a ni a, a danglam tur a ni," a ti.

Lalduhoma chuan, "Kan sawrkar tirh khan, 'Thlai thar kan buaipui ang,' kan ti a. Nik*mah Hmunphiah bikah agreement kan ziahpui company in min ti mualpho hle mai a, k*minah erawh empanelled firm 7 te nen agreement kan ziak a, Hmunphiah ro hi an lei zo vek thei lo a nih chuan sawrkarin a lei ang a, Home hrang hranga awm thalaite hnathawh tur kan siam sak dawn a ni," a ti.

Chief Minister chuan, "Kan sawrkar tuk atangin beih kan tawk nghal a, thil tha kan tih te hmu thei lovin sawi selna tur an zawng nasa hle. 'In Sawhthing lei kan ba lo,' ti tute ngeiin Kuthnathawktute kan han ngaihsak chu min beihna an zawng leh si a, thil tha kan ti ang tih hi an hlau em em a, mahse kan ram tan hian thil tha tih kan thulh dawn chuang lova, kuthnathawktute an banah kaiin kan khai chhuak ngei dawn a ni."

"Tun dinhmunah Sawhthing pawh a chawh hun runpui kan la thleng lova, kuthnathawktute hmakhaw ngaiin a to hun kan nghahpui hret a, kan lo sawi tawh chu tihhlawhtlin ngei kan tum a ni. A him chin leh a mawi chinah te chuan party mi te kan inhre ve ang, amaherawh chu mimal hamthatna duh lutuk avanga innawr vak vak te hi a tha lova, ZPM in ram siam kan tum dan nen pawh a inpersan hle a ni. ZPM chu kan danglam tur a ni kan tih kha a la ngai reng a ni," a ti.

17/01/2025

EXCISE & NARCOTICS DEPT HNUAIA GROUP D POST LAK TUR INTERVIEW HUN SAWN

Excise & Narcotics Department hnuaia Group D Post lak tura Interview hun tura ruat sa - 20th to 24th January 2025 chu LC/VC inthlan hun tur puan a nih tak avangin a hmun ngaiah February 17, 18, 19 leh 21, 2025 ah sawn a ni.

16/01/2025

Mizo zinga India Book of Record a lang hmasaber Lz Varte record hlanna nei

ZALEN January 16, 2025 : India rama State leh Union Territory zawng zawng Thirsakawra fang chhuak rang ber record siamtu Vanlallawmzuala Varte (Lz Varte), Mission Veng hnenah vawiin khan India Book of Record hlanna leh lawmna hun hman a ni.

'Ride to Clean Air' tih thupuia hmanga Boruak chhe mek laka invenna dan tur leh hmalak dan tur auchhuahpuia India ram hmun hrang hrang fangchhuak Lz Varte hi India Book of Record aiawhin Tapan Datta chuan record hlanna hun a hmang. Lz Varte hi Mizo zinga India Book of Record-a lakluh hmasakber a ni.

Lz Varte hi he hunah hian Khawvela Paragliding Pilot naupang bera International Book of Records in, 'Youngest Certified Paragliding Pilot' nihna an pek Samuel Lalbiakhlua, Saitual pawhin a tawiawm a ni.

Lza sulhnu thenkhat :

• 2013 - Lunglei trekking & Siaha Cycling.
• 2015 - Champhai Tlangdung, Cleanliness Campaign.
• 2021 - Mizoram hmar tawp atangin chhim tawp Cycle in a rap thleng a, Three Country Point a thleng.
2021 - Mariana Trenching, (10,971 m) cycle in 200kms, elevation gain 11034 m turah 12181 m a tlan.
• 2021 - 24hrs Cycling - 330 kms, Tuirial Airfield hel kual.
• 2022 - 24hrs trekking 100 kms (mu lovin), In atyangin Rengte Tlang Sang thleng.
• 2023 - Mizoram hmar tawp atangin chhim tawp ke in a kal thleng leh bawk a, hetah hian kawngsir plastic bur ruak leh tawihtheilo thil eina kawr a chhar tluanchhuak zak a ni.

India rama state zawng zawng leh UT a tlawh kim vek nan hian Km. 17,045 vel a in rap kal a, Ni 285 a thang a ni. Nikhata a tlan thui ber chu Km 207.82. a ni a, Lucknow atanga Badlapui, UP kalkawnga a tlanna a ni a. A tlan chak ber West Bengal, Kurseong atanga Darjeeling a ni a, darkar khata Km. 68.8 tlan ang a ni.

January 2024 khan km 500 vel chauh a tlan hman a, February– April, 2024 khan km 2000 chuang thla tin khalh a ni a, May-November, 2024 kha chuan thla tin chawhrualin Km. 1278 vel tlan ang a ni tawh a.

Vanlallawmzuala record hlanna leh lawmna hun hi Dr. Malsawmkima chuan a kaihruai a, Upa Zonunmawia chuan hunserh a hmang a, Technical report Prof. Zodinpuia Pachuau hnen atanga ngaihthlan niin, Lz Varte hian a zinkawng chanchin a sawi a, a pa VL Chhuanawma chuan lawmthu a sawi.

16/01/2025

SBI-in Nuai 10 chuang man hmanrua Traffic Police pe

ZALEN January 16, 2025 : State Bank of India chuan an Corporate Social Responsibility (CSR) atangin Aizawl Traffic Police hnenah cheng 10,97,190/- man thilpek an hlan a, SBI General Manager Amresh K*mar Jha chuan Aizawl Traffic Police te chu fakawm a tih thu a sawi.

Amresh K*mar Jha chuan Aizawl Traffic kalphung chu India ram state dang te nen an danglam hlak a, felfai taka Traffic system kalpui a nih theihna atana Traffic Police te thawhrimna fakawm a ti a, chutihrualin mipui lam pawhin Traffic felfai tak a awm theihna tura thu an awihna ropui a tih thu a sawi.

SBI General Manager chuan Aizawl Traffic Police te chu duty dan a hmuhin tanpui tlak an nih thu a sawi bawk a, a hnathawh dan enin an thil pek chu thil beitham tak a nih thu a sawi bawk.

Traffic SP Stephen Lalrinawma pawhin SBI ten an tana tangkai tak tur an pek avangin lawmthu a sawi a, an hnuaia hnathawk tam zawk te chu SBI-ah accout nei an nih thu leh loan an pek thin te chu tangkai taka thawktuten an hmang thin a ti a, SBI nena thawhona tha tak an neih thin leh an neih mek chu vawngnun tlang zel tura a duh thu a sawi bawk.

SBI ten Traffic hnena hmanrua leh silhfel an pekte chu :

1. Road Signage with pole - 44 Nos
2. High Strength, colour consistency Jacket - 300 Nos
3. Multi-purpose Safety Reflector Jacket - 300 Nos
4. HP All in one 13th Gen Intel Core i7 Computer Set - 1 Set
5. Road Security Traffic Convex Mirror - 50 Nos

Total Cost - Rs. 10,97,190/- (Rupees Ten lacs ninety seven thousand one hundred ninety only)

16/01/2025

VC leh LC inthlan hun puang

ZALEN Jan. 16. 2025; State Election Commissioner Dr. H Lalthlangliana chuan Local Council leh Village Council inthlan February ni 12, 2025 (Nilaini)-ah neih a nih tur thu a puang.

Vawiin khan inthlan neih hun tur hi thuthar lakhawmtute hmaah a puang a, State Election Commissioner chuan inthlan puan a nih rualin Election Model Code of Conduct hman nghal tur a nih thu sawiin, Village Council 544 leh Local Council inthlan neih turah AMC hnuaiah Local Council 87 ah inthlan neih a ni ang a, Lunglei Municipal Council (LMC) hnuaia Local Council 25 ah inthlanna neih a ni ang.

VC leh LC inthlan atan hian tun thla ni 23 thleng nomination thehluh theih a ni dawn a, inhnukdawk duhte tan tun thla ni 24 tleng hun hawn a ni.

Vote thlak ni February ni 12, 2025 zan dar 7 atangin vote chhiar nghal tur a ni.

16/01/2025

Larsap thar lakluhna-ah leaders pathum
ZALEN Jan 16. 2025; Vawiin chawhma dar 11:00 khan Gen. V.K. Singh chu Raj Bhavan Circular Lawn-ah Gauhati High Court Chief Justice Vijay Bishnoi chuan Mizoram Governor atan rinawmna thu tiamtirin a la lut. He hunah hian Mizoram Chief Minister ni mek Lalduhoma, Ex CM pahnih Lal Thanhawla leh Zoramthanga te bakah mi pawimawh dangte an tel.

15/01/2025

Court in Mizoram sawrkar insawifiahna hun a pe
ZALEN Jan 15. 2025; Mizoram sawrkarin VC term thla ruk aia tam mah a pawhtawina Gauhati High Court Aizawl Bench a khinna chungchang chu court in thutlingah a ngai a, Mizoram sawrkar insawifiahna hun a pe.

ZALEN thudawn danin, hemi chungchang hi ni 15.1.2025 Nilaini hian ngaihtuah ni a. High Court chuan VC te khinna chu thutlingah ngaiin, High Court chuan enfiah zui ngai a ni tih sawiin, sawrkar chu insawifiahna hun a pe a. January ni 30-a he thubuai chingfel hman turin ruahmanna a siam.

High Court Aizawl Bench hian VC term pawh tawi chungchangah hian sawrkar chu kar khat chhunga sawifiahna, counter affidavit thehlut turin a ti a, Counter Affidavit hi January ni 23 aia tlai lova thehluh tur a ni ang a. January ni 30 ah chuan chinfel hman anih theihna turin Court hian ruahmanna a siamfel nghal a ni.

15/01/2025

Ṭhalai boral an tam
ZALEN Jan 15. 2025; Social media (Zualko facebook group) a alan danin, tun thla kal mek chhungah ṭhalai (k*m 12-45) boral an tam.

Zualko FB group (member 47,000 chuang awmna) a Zualko chungchang post hian Mizoram pumpui a huam zo kher lo ang a, hetihlai hian he FB group a Zualko chungchang post thin atang hian Mizoram dinhmun engemawchen a rin thiam theih tura ngaih a ni.

He Zualko FB group a tarlan a nih danin, tun January (15.1.25 thleng) thla kal mek chhungin, ṭhalai k*m 12-45 inkar boral an tam ber a, mi 37 an awm. An zingah hian mipa an tam zawk a, hmun thum a thena hmun hnih aia tam mah an tling.

Hetihlai Zualko tarlan-ah thihna chhan tarlan loh a tam thin avangin an thih chhan natna erawh chiang taka hriat vek theih a ni lo a. Thalai thenkhat boral chhan tarlan hmuh theih chinah chuan accident, lungphuchawl a boral an awm.

15/01/2025

Maxi Cab chesualah Mizo hmeichhe pahnih an boral
ZALEN Jan. 15. 2025; Tukin (15.1.25) dar 6 vel khan Guwahati - Aizawl sumo (maxi cab) AS 01 KC 9188 chu Meghalaya state thlen hma deuhah chesualin, a hmunah mi pathum an boral a, an zinga pahnih te chu Mizo hmeichhia nia hriat an ni.

Motor hi Nasim Choudury (Sonabarighat) khalh niin, Ratacher (Meghalaya) thlen hma km 10 velah kawng thlangah tlan liamin a chesual a, passenger pathum hmeichhia vek a phur.

ZALEN thudawn danin, a hmunah driver leh passenger pakhat, a ID a a inziah danin, Zothanpari, Tuithiang, Aizawl an boral nghal a, Umkiang PHC ah hliam te lak phei an nih hnu in Passenger dang Jenny (Mizo) a boral ve leh a ni. Passenger pahat erawh biak theih in a awm a. Ngaihtuahawm lutuk a ni lo.

Passenger boral Jenny tia hriat hi a nihna kimchang chiang taka hriat theih ala ni lo tih ZALEN thudawnna chuan sawiin, boral pakhat zawk Zothanpari tih pawh a ID a a awmna veng nia tarlan, Tuithiang YMA lamin an veng mi a nih leh nih loh an finfiah mek nia thudawn a ni bawk.

14/01/2025

National Weightlifting League-ah ni khatah Zosangzuali’n medal pahnih la

ZALEN, Jan. 14, 2025: Khelo India zone hrang hranga a tithate inelna bik, Asmita Khelo India Women National Weightlifting League Youth, Junior leh Senior neih zawh taka Thawhlehni khan Zosangzuali’n +87kg huangah Junior-ah gold leh senior-ah silver medal a la.

Brahmapur, Odisha-ah Nilaini atanga inelna tanah hian a tawp niah Keitum ritchawi chak hian medal pahnih hi a la a. Senior-ah hian Sharon James, Jammu & Kashmir chu tluk lo mah se Junior-ah chuan tluktu tumah a nei lo va; snatch-ah 55kg leh clean & jerk-ah 70kg, a vaiin 125kg a chawi kang a ni.

Zosangzuali hi July thlaa Bhubaneswar-a Asmita Khelo India East Zone inelnaah khan Youth-ah silver, Junior-ah gold leh Senior-ah silver medal a lo la tawh a. Tun tum hi zone hrang hranga lawmman late inelna bik a ni.

Brahmapur-a inelnaah hian Zosangzuali hma hian Thawhtanni khan Cindy Lalparmawii chuan kg 76 Youth-ah bronze medal a la tawh bawk.

Kolasib Saidan nula, Cindy-i hian snatch-ah kg 54 leh clean & jerk-ah kg 60, a vaiin kg 114 a chawi a. Vaishnavi, Haryana-in gold medal lain Prativa Rani, Odisha-in silver medal a la thung.

Cindy-i leh Zosangzuali te hi Khelo India State Centre of Excellence (KISCE), Rajiv Gandhi Stadium, Salem Veng, Mualpui-a hostel-a awm niin coach Malsawma Khiangte, Sports & Youth Service zirlai an ni a. Tun tum inelnaah pawh hian coach leh Malsawmtluangi, Masseuse (KISCE), Republic Vengthlang ten an hruai a ni.

14/01/2025

Border Pass pechhuak tura Assam Rifles hman an ni chu ZORO-in mak an ti

14/01/2025

Toyota-in Govt. ITI zirlaite tana course zirtirna a pek tur hawng

14/01/2025

Mizo nula chhuanawm
ZALEN Jan 14. 2025; India ram huap zirlai nuai chuang intihsiakna-ah Mizo nula in pakhatna a hauh, India thalai zawng zawng aiawhin PM Modi hma-ah thu a sawi dawn.

Viksit Bharat Young Leaders Dialoque 2025, Department of Youth Affairs buatsaih intihsiakna-ah Mizoram aiawh a tel Mizo nula in lawmman pakhatna a dawng.

He intihsiakna hi January 10-12, 2025 chhunga buatsaih niin, Mizoram aiawh a tel, Grace Lalrinpari Hauzel D/o Lalsangzela, Pachhunga University College a zirlai, Khatla, Aizawl a cheng chuan inelna hautak tak (mipa leh hmeichhia pakhat ve ve thlanchhuahna ah) a ti tha ber lawmman a dawng a ni.

Grace Lalrinpari Hauzel hi PM Narendra Modi hma a India ram thalai zawng zawng aiawh a thusawi turin thlan a ni.

Candidate nuai chuang zinga ti tha ber lawmman a dawng hi CM Lalduhoma chuan amah leh an zirtirtute a lawmpui takzet tih a official IG page-ah a tarlang.

14/01/2025

AMVCA te an President hmingin Court an kal leh

ZALEN January 14, 2025 : All Mizoram Village Council Association ten sawrkar dinglaiin Village Council term a pawhtawi vanga High Court-a an zualkona an hnuhdawh hnuah vawiin (14.01.2025) Thawhlehni khan AMVCA President K.Lalngaizuala hmingin High Court-ah sawrkar order khinna (Writ Petition) an thehlut leh.

All Mizoram Village Council Association President K.Lalngaizuala hnen atanga Zalen thudawn danin All Mizoram Village Council Association chu sawrkarah register a nih loh avangin AMVCA hminga an thehluh chu an hnukdawk a, mahse AMVCA President hmingin an thehlut leh tih sawiin Court pawh a pawm a, a ngaihtuah ngei an beisei tih a sawi.

K.Lalngaizuala chuan High Court hian 16.01.2025 Ningani ah a list anga, hemi ni hian a case hi sawi nghal turin an beisei tih a sawi a. “He thil hi party politics anga lak chi a ni lova, VC kal leh zel turte zahawmna humhim nan leh democracy ram kan nih anga democratic taka thil a kal zel theih na tura VC General Conference thu pass bawhzui zelna a ni,” a ti bawk.

14/01/2025

Reiek tlang a lun
ZALEN Jan. 14. 2025; Hnamdang khuazin leh Mizo mipui nawlpui ten an tlawh nasat Reiek tlang chu tun hnai thla hnih, November leh December, 2024 chhungin tlawhtu mi 11,115 an awm a, hetihlai hian Reiek tlang panna a lirthei service rate chu ennawn zel theih tur a ni tih Reiek Tlang Tourism Development Board hotute chuan ZALEN an hrilh.

Reiek tlang Tourism Development Board chairman leh Reiek VCP ni bawk C. Lalrozama chuan k*m 2024 November thla chhung khan Reiek tlang tlawhtu mi 5,083 an awm thu leh December-ah mi 6,032 an awm thu ZALEN a hrilh a, a k*m telin Mizo mipui leh hnamdangte pawhin Reiek tlang an hlut deuh deuh nia an hriat thu a sawi.

Thudawnna in a sawi danin, Reiek tlang faina chungchang-ah hmasawnna a awm tih sawiin, tun hma lam te ngaihtuah chuan Reiek tlang tlawhtuten faina an ngai pawimawh nia an hriat thu a sawi. Hetihlai hian tlang tlawhtu an tam hrim hrim avangin bawlhlawh thehthang mai mai tawk erawh an la tam tho niin a sawi bawk.

Reiek Tlang Tourism Development Board ruahmanna angin Reiek tlang a bawlhlawh chhar khawmtu tur mi phanih rawih an ni a, chung mite chuan tlang a bawlhlawh awmte chhar khawmin, chung bawlhlawhte chu lirthei hmangin dumping ground-ah paih a ni thin.

Tunhnai atanga Reiek tlang a lirthei service tir a nih chungchangah thudawnna chuan, k*m upa leh hriselna tha tawk lo te, pianphunga rualbanlo, Reiek tlang a hmun ngei a hmu ve chak te an rilru-ah an awm ber tih sawi bawkin, a chuan man bithliah mek chu a tul dan ang zel a ennawn zel theih tur a nih thu a sawi.

14/01/2025

Faina kawngah hma sawn kan in ti a, chumi lam in zirtirna pawh uar taka kalpui a nih laiin, duhna lai laia bawlhhlawh paih mai ching kan la awm.

Thlalak : Salem veng - Trinity Hospital (World Bank Road, Aizawl)

Address

Telephone

+913897961858

Website

http://zalen.in/

Alerts

Be the first to know and let us send you an email when Zalên News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zalên News:

Videos

Faina kawngah hma sawn kan in ti a, chumi lam in zirtirna pawh uar taka kalpui a nih laiin, duhna lai laia bawlhhlawh paih mai ching kan la awm. Thlalak : Salem veng - Trinity Hospital (World Bank Road, Aizawl)

Lalsavunga Park, Hlimen hi tun aia tihchangtlun chhoh zel theih ni-ah kan ngai em? ZALEN Jan. 13. 2025; Aizawl dai hnaiah tourist leh mipui nawlpuite tlawh theih hmunhma a awm tam lo. A awm chhun zing a mi Lalsavunga Park, Hlimen in hlut a hlawh chho zel niin a lang. ZALEN thudawn danin, Lalsavunga Park hi chawhrualin ni khat-ah mi 50 bawr velin an tlawh thin anga ngaih a ni a, chung zingah chuan hnam dang pawh an awm nual thin Lalsavunga Park luh man hi naupang kum 12 hnuai lam tan mi pakhat zelag Rs. 20 niin, kum 12 chung lam tan Rs. 50 a ni. Aizawl dai hnai mai a awm Lalsavunga Park hian tlawh a hlawh chho deuh deuh zel niin ZALEN chuan a hmu a, a enkawltu Local Administration Department (LAD) lamin nasa zawka an cheibawl a, ruahmanna tharte an siam chho zel a nih chuan foreign tourist te tan pawh a tlawh man hla tur hmun rem leh nuam, boruak nuam bawk si niin ZALEN chuan a hmu bawk. #ZalenNews

Hangi Lunglen Tlang-ah 'Skywalk' ZALEN Jan 10. 2025; Aizawl Peak Restaurant, Hangi Lunglen Tlang-ah 'Skywalk' siam mek a ni a, peih fel thuai beisei a ni. Khawvel ramdang leh ram changkang zawkah te khualzin hipna turte leh khaw tual mite tlawh turin hmun buatsaih thin a ni a, chung zinga mite tlawh hlawh leh ngaih hlut em em thin chu Skywalk an siam thin hi a ni. Tuna Skywalk siamna hmun, Aizawl Peak Restaurant hi Hangi Lunglen Tlang chhip a awm niin, khaw hawi a nuam a, Aizawl khawpui mai bakah, boruak a thian lai chuan Mizoram chhung thui tham tak thlir theihna a ni. He hmuna Skywalk siam mek hi mimal siam a ni a, peih fel theih thuai beisei a ni, tunah hian hnathawktu ten ngawrh takin a siam hna an thawk mek a ni. #ZalenNews

𝐀𝐂𝐇 𝐁𝐥𝐨𝐨𝐝 𝐁𝐚𝐧𝐤-𝐚𝐡 𝐫𝐚𝐦𝐩 𝐚 𝐚𝐰𝐦 𝐥𝐨𝐡 𝐯𝐚𝐧𝐠𝐢𝐧 𝐜𝐨𝐦𝐩𝐥𝐚𝐢𝐧𝐭 𝐭𝐡𝐞𝐡𝐥𝐮𝐭 ZALEN January 7, 2025 : Mahnia ke a kal thei lo, wheelchair hmang, Mumbai atanga lo kal Prakash Nadar chuan nimina Synod Hospital, Durtlang a thisen a pek hnuah vawiin khan People with Disabilities (PwD) Commissioner Vanlaldiki Sailo hnenah Civil Hospital Blood Bank panna turah ramp a awm loh avangin complaint a thehlut. Prakash Nadar hian PwD Commissioner hnenah complaint a theh luh chhan hi Civil Hospital Blood Bank-in rualbanlote tana kalna tur ramp a neih loh vanga a ni a, Blood Bank panna atana ramp siamna tur hian sum pek vek an ni a ti a, hetianga State Blood Bank lian bera ramp a awm lo hi hrethiam lovin Central Ministries lamah pawh hmalak zel a tum tih a sawi. Vawiin khan Prakash Nadar hian Civil Hospital Blood Bank kawtah ramp awm loh avanga lungawilohna lantirin Mizoram atang pawhin mi engemaw zatin an tawiawm a, hemi hnu hian PwD Commissioner hnenah hian lungawilohna thu hi a han thleng a ni. Thisen vawi 126 pe ta Prakash Nadar hian India ram state tinah thisen pek kim tumin hma a la a, tun thleng hian State 25 leh UT 5-ah thisen a pe tawh. Aizawl-ah hian Civil Hospital Blood bank-ah thisen pek a tum a, mahse, rualbanlo te kalna tur ramp a awm loh avangin Synod Hospital-ah hian a pe ta zawk a ni.

Ṭhal a ni chho mek a, tui a Aizawl chawmtu Tlawnglui pawh a fim mawi hle. #ZalenNews

Halpuah leh halmawi khap hlawhtling tawk lo ZALEN, January 1, 2025 : Krismas leh Kumthar vuakveta halpuah hal khapna nasa taka beih niin kumdang ai chuan hal tam lo mahse a hlawhtling tawk lo. Christmas leh Kumthar vuakvetah halpuah leh halmawi hallo tur hian sawrkar leh NGO hrang hrang ten nasa takin an bei a, Aizawl ah chuan veng tinah NGO te duty siam in, police te pawh an duty a, drone hmang te pawhin an vil a, mah se hal an ṭhahnem hle. Kum tin hian Kohhran leh NGO te hian Kumthar vuatvetah halpuah leh halmawi hal lo turin hma a lo la tawh thin a, kumdang ang bawkin a hlawhtling lo tih theih a ni.

Central YMA in Bazaar-ah Halpuah leh Halmawi dap ZALEN Dec. 30. 2024; Vawiin (30.12.2024) chawhnu khan Central YMA in Aizawl Bazaar leh a chheh velah Halpuah leh Halmawi zuar an awm leh awm loh enfiah hnatlang an nei. Central YMA Office Bearer te kaihhruaina in Group 5 ah inthenin Chanmari atanga Sipai Lammual Hmar lam Gate inkar, Bazaar leh a chhehvel fang kualin Halpuah leh Halmawi zuar an awm leh awmloh an enfiah a. Dawrkaite chu sawrkar phalloh thil halmawi chi hrang hrang zuarlo turin an ngen kual nghal bawk. Vawiina Aizawl bazaar leh a chhehvel an fan kualnaah hian Central YMA Ob te leh CEC memberte bakah YMA Branch hrang hrang - Dawrpui, Zarkawt, Chanmari, Electric Veng, Chhinga Veng leh Saron Veng Branch hruaitute an tel a. Aizawl Police Station atangin Police lamin Duty insiamin an puibawm bawk. Hetianga enfiah hnatlang hi Krismas hma, ni 21.12.2024(Inrinni) khan an lo nei tawh bawk a ni. Central YMA hian vawiin khan Aizawl khawpui chhung hmun hrang hrangah Motor atangin Halpuah leh Halmawi that loh zia Mike in an puang bawk. Central YMA chuan naktip maia Kumthar lo thleng tur hlim taka kan hman theihnan mipuite duhsakna a hlan a, Sawrkar phalloh thil Halpuah leh Halmawi te hal lo tur leh zuar lo turin mitinte a ngen a. Branch YMA hrang hrangte pawh mahni huamchhung theuhvah theihtawpa tan la turin a ngen nawn leh a ni. #ZalenNews

Republic Veng Kohhran hian fatu dawhkan an lo nei tha hle.. veng dangin an neih lam chu kan hre rih lo.. Sa channa tur chem hi an dawhkanah hian a chhawm nghal...

Shillong, NEIGRIHMS bul a Paradise Lodge-ah Shillong KṬP te an carol (Paradise Lodge hi Mizo pa Pu Ngena leh a chhungte enkawl/ta a ni.) #ZalenNews

SVR MIHARSA TE TAN LUANGCHHUAK ZALEN December 20, 2024 : Vawiin khan SVR te chuan miharsa ten an thawnhnaw zawrh an neih ang tawk tawka lei theih turin an thawmhnaw te an zuar.

Shortcuts

Address
Telephone
Alerts
Contact The Business
Videos
Claim ownership or report listing
Want your business to be the top-listed Media Company?

Country:

City:

17/01/2025

17/01/2025

17/01/2025

17/01/2025

16/01/2025

16/01/2025

16/01/2025

16/01/2025

15/01/2025

15/01/2025

15/01/2025

14/01/2025

14/01/2025

14/01/2025

14/01/2025

14/01/2025

14/01/2025

14/01/2025

Address

Telephone

Website

Alerts

Contact The Business

Videos

Shortcuts

Share