https://www.facebook.com/108740005659259/

KANAN POST, Bethlehem Vengthlang, Aizawl (2025)

16/12/2024

50TH RAKHAIN STATE DAY SITTWE AH HMANG, GEN.MINN AUNG HLAIN
'AN THUCHAH A THAWN.

Dec.16,2024: : Nimin Dec.15 ni khan "50th Rakhain State Day" a ni a, He ni lawm hian Military Council chuan Rakhain State khawpui Sittwe ah hun an hmang a, Military Council Chairman Snr.Gen. Minn Aung Hlain-a chuan lawmpuina thuchah a thawn a, a lehkha thawnah chuan AA te leh Three Brotherhood inti te chu an ralthuamte dah tha a, Inthlannaa tel ve turin a sawm a ni.

Snr Gen.Minn Aung Hlain-a chuan a sawi zelnaah rampum huap inkahhai ( Nationalwise Ceasefire Agreement) kal phung atang chauhvin ram nuam leh ram zalen kan ni thei anga, ram dang lak atang kan ram zalenna tih chhiat tumtute lakah leh kan ram chhunga hnam hrang hrangte inunauna ti chhe thei thil thu dik lo vawrhdarh chingte lakah fimkhur ila, Politics thila kan mamawh leh kan duhte chu ralthuam chelek mai lova politics dawhkan atanga chinfel dan kawng zawn hi kan ram himna zel tur a ni a ti a ni. Myanmar Military Chairman chuan Rakhain state hi Burma Socialist Programme Party hun laia siam 1974 Burma Constitution in a tarlan angin Rakhain state hi a lo piang a ni a ti.

Rakhain State Day hi Sittwe khawpui Weikaba (၀င်္ကဘာကွင်း) field ah hman a ni a, Programme dang chu U Auhtamah hall ah hman niin Myanmar Military Council member Dr.Hmu Thang, Dr Ba Shwe, Khun San Lwin, Union Minister of Border Affair Lt.Gen.Tun Tun Naung, Union Minister Jeng Phang, Rakhain state Cheif Minister U Hten Lynn leh a cabinet Minister te an tel a ni. k*min Rakhain State Day hi ropui tak leh hlimawm takin an hmang thin a.K*minah erawh AA ten an tih buai an hlauh avangin venhimna khauh tak hnuaiah an hmang thei tawk a ni.

Rakhain state ah hian Arakan Army te hian k*m khat chhungin township 13 Military Council k*t atangin an la thei a, chungte chu:- Paletwa(ပလက်၀မြို့နယ်), Kyuahdaw( ကျောက်တော်မြို့နယ်), Taungkyuh(တောင်ကုတ်မြို့နယ်), Pungnachung) ပုဏ္ဏားကျွန်းမြို့နယ်), Pauhtaw(ပေါက်တောမြို့နယ်), Bothitaung(ဘူးသီးတောင်မြို့နယ်), Minnpya(မင်းပြားမြို့နယ်), Maungtaw(မောင်တောမြို့နယ်), Maypung( မြေပုံမြို့နယ်), MyoOo( မြောက်ဦးမြို့နယ်), Yangbe(ရမ်းဗြဲမြို့နယ်), Yethittaung( ရသေ့တောင်မြို့နယ်), Tantwe( သံတွဲမြို့နယ်) te an ni.

BNI-Myanmar Peace Monitor ten Dec.1 a an tarlan danin Myanmar ram pumpuia Revolutionaries ten khawpui an lak tawh zat chu 86 niin an sawi a ni.

15/12/2024

BASHAR AL-ASSAD
Vs
MINN AUNG HLAIN

Syria ram hi 1946 k*m khan France k*t atangin zalenna a hmu a, An ramin zalenna an hmuh atanga k*m 1970 thleng khan sipai sorkarna hnuaiah an awm a ni. Sipai sorkar chuan Ba'ath Party an din a, Hafez al-Assad chuan a thih hma zawng 2000 k*m thleng khan Syria President niin Syria ram chu One party system in a awp bet tlat a ni.

Syria dictator President Hafez al-Assad a lo boral takah chuan a fapa UK-a Doctor Specialist zir mek Bashar al-Assad chu Syria ram President a lo ni chho leh ta a, Bashar al-Assad-a Syria ram President a nih hnu 2011 ah chuan Syria ram mipuite chuan Assad chhungkua rorelna chu a hne ve tawh ngang a niang Democracy lam tluang zawha Multi-Party system-a an ram chu kalpui ve tawh phut nawrhna nasa tak an ti chhuak a, Syria Civil War a chhuak ta a ni.Mahse, Bashar al-Assad sorkar chuan chung Syria mipui revolutionaries te chu Iran leh Russia puihna a nghaisa a, a hmetmit thei hram a ni. He Arab Spring Revolution ah hian Syria mipui nuai 6 dawn an boral a, mi maktaduai khat aia tlem lo ramdangah an tlan chhe hial bawk a ni.

Syria President Bashar al-Assad chu Arab Spring Revolution ten paih thla thei lo mahse Syrian mipuite thinlungah an ram dictator rule chu paih thlak duhna chu a thi thei chuang lo, ralthuam keng hel pawl hrang hrang a piang a, chung hel pawl hrang hrang paruk te chuan 28th,Jan.2017 k*m khan "Hay'at Tahrir al-Sham" ( HTS) tiin an insuihkhawm a, an hruaitu atan Abu Mohammed al- Golani chu an dah a ni. Golani kaihhruaina hnuaiah hian an pawl chuan hma a sawn hle a, 8th Dec.2024 khan Syria ram khawpui ber Damascus chu lain K*m 54 lai mai Assad family in dictatorship a an awpna chu a lo tluchhe ta a, Syria President Bashar al-Assad pawh Russia ramah a tlanchhe ta a ni.

Myanmar ram pawh 1962 k*m atanga chhutin k*min 2024 k*m thleng hian Myanmar Military dictatorship hnuaia an awm hi k*m 62 lai a lo ni ta! Myanmar chanchin thil thleng dan chu sawi tam ngai lovin kan hre vek a! Syria ram dinhmun kan tarlan tak ang khi a ni mai awm e. Syrian revolutionaries hovin an ram Assad family dictatorship an tih tlawm ang hian Myanmar Spring revolutionaries ten Gen.Minn Aung Hlaina hi eng tikah tak Russia rama tlanchhe khawpin um chhuak ve thei ang maw le??

13/12/2024

Ramri gate te hawn rem ti mahse
CHINA CHUAN K.I.A TE CHU MYANMAR SORKAR AN BEIH CHAWLHSAN TURIN LA TI FAN.

Dec.13,2024: : China sorkar chuan Kachin Independent Organization/ Army hruaitute chu China rama zin tura a sawm angin KIO/A leader Gen.N’Ban La, Lt.Gen. Gun Maw, the secretary of Department of General Administration Col.Laphai Zaw Yaw, Col.Khun Naung te chu Dec.8 khan China ramah an kal a, an la cham mek a ni.

He KIO/A delegate team te hian Chinese Communist Party Central Committee member Wu Gang chu Beijing ah nimin khan an hmu a, he tia an inhmuh vang nge ni an inhmuh ni la la in KIO/A ten an control chin ramri insumdawnna gate zawng zawng chu China sorkar chuan a hawng nghal vek a ni. KIA spokesman Col.Naw Bu chuan " Ramri Gate hawn a ni ngei a.mahse, mihring luh leh chhuah erawh phal a la ni Chuang lo,China lam leh Myanmar lam atang ve ve pawhin motor lut leh chhuak a la awm bawk lo a ti a, KIO/A leh China sorkar inbiakna hi eng ang taka rahtha a chhuah dawn loh hriat a la ni lo" a ti a ni.

China hian KIO/A te chu Military Council an beihna chu chawlhsan rih turin leh Politics thil chu 2025 Inthlan hnu lama sawiho tura tih nise, Myanmar chhim chhak lam remna leh muanna chu China sorkar kaihhruainaa a kal zel dawn thu te, Myanmar ram chhunga China Project/ Invesment a thawh mekte himna chu a ngaih pawimawh berte zinga mi a nih thute an lo hrilh niin Irrawady News chuan a ngai a ni.

China sorkar hian Myanmar tualchhung buaina chungchanga Ethnic Armed te leh Myanmar sorkar a biak dawn reng Chinese Special Envoy to Myanmar Deng Xijun hi an tirh ber a ni thin a, KIO/ A te erawh Chinese Communist Party Central Committee, member Wu Gang an hmang ta daih hi thil mak ve tak chu a ni. Mr.Wu Gang China Ambassador to Germany lo ni tawh a ni.

KIO/A te hian Kachin state khawpui pahnihna Bahmo khawpui lak tumin an bei mek a, thenkhat chuan an la tawh nite pawhin an sawi a ni.He tih laia China Sorkarin KIA te chu Military Council an beihna chawlhsan tura an ti hi KIO/A lam hian engtin chhang ang maw le!

08/12/2024

HEL HOVIN SYRIA KHAWPUI BER AN LA, AN RAM PREDIDENT RAM DANGAH TLAN CHHIA.

Dec.9,2024: : Syria ram helho te chuan k*m 13 chhung an ram dictator President Bashar al-Assad-a sorkar an dona chu a hlawh tling ta! Syria ram hel hruaitu Abu Mohammed al- Golani sipai te chuan nimin Sunday ni khan an ram khawpui ber Damascus an lut a, an President Bashar al-Assad chu Syria ram a chhuahin ram dangah a tlan chhe tawh a ni.

Syria ram hi 1970 k*m atang khan tuna an ram President Bashar al-Assad-a pa Hafez al-Assad hun atang tawh khan an chhungkaw inthlah chhawng zelin k*m 54 chhung an awp a ni. K*m 2011 khan Syria lal chhungkaw sorkar hi paih thlak tumin mipuiin nawrhna an buatsaih mahse an hlawhtling ta lo.Bashar al-Assad hian Russia leh Iran tanpuinain a hmetmit thei hram a ni. He Syria ram mipui nawrhna avang hian Syria mipui mi 6,17,910 chuangin nunna an chan a, mi million khat dawnin an ram an chhuahin Syria mipui million tam takin ei leh bara harsatna nasa tak an tawk a, mi nuai tam takin an in leh lo an chan a ni.

December thla tir mai atang khan Syria hel pawlte hian khawvel mak tih khawpin Syria ram khawpui lian zualte chu an la ta zung zung mai a, nimin Sunday ni khan Syria ram President Bashar al-Assad k*t hnuaiah Damascus khawpui chu a tlu ta a ni. Mak ve tak mai chu! Myanmar mipuite entawn atan leh hriat atan ni awm tak Syria khawpui pakhat Idlip ah chuan Spring Revolution symbol k*tzungtang pathum tih lanna " The Peoples will win" tih poster in tar phochhuah a ni.

03/12/2024

MNDAA TEN INKAHHAI AN PUANG MILITARY COUNCIL AH PALAI TIR THUAI DAWN.

Dec.4,2024 : : Myanmar National Democratic Alliance Army ( MNDAA), Kokang Army te chuan Myanmar Military Council an beihna chu chawlhsan rih an tum a, inkahhai ( Ceasefire) an puan thu nimin khan an tarlang a, Military Council hruaitute be turin palai an tir thuai dawn bawk a ni.

He tianga MNDAA ( Kokang) ten Myanmar Military Council an beihna chawlhsan rih an tumna chhan ber niawma lang ta chu an pawl hruaitu Pheung Daxun chu China Sorkarin an hren vang ni berin a lang a.China sorkar hian MNDAA te chu Lashio khawpui chhuahsan turin an nawr reng bawk vang a ni.

MNDAA te hian Military Council nena inbe turin palai a tir thuai dawn a, chung lam atanga Military Council Jetfighter ten an bomb thin chu ti tawp tawh turin an ngen bawk dawn a ni.MNDAA te hian Inkahhai hi puang mahse min beitu an awm chuan kan lo inven ve nan a hma ang thovin kan bei let zel ang an ti a ni.

27/11/2024

ROYAL THAI ARMY LEH UWSA TE INKAR BORUAK THA LO HLE, INKAH MAI PEIHIN AN IN EP.

Nov.27,24: : Myanmar Ethnic Armed Group zinga sipai ngah ber leh ralthuam nei tha ber, Myanmar sipai ten pawhin kah tina an tin ngam loh an enliam ve tak mai mai United Wa Solidarity Army ( UWSA) te Thailand sorkar sipai Royal Thai Army te chu ram inchuhna avangin an inkar boruak a chhe hle! Inkap mai thei turin an in ep mek a ni.

Royal Thai Army te hian UWSA Camp neihna hmun Do Hua Ma, Nong Luang leh Camp dang te 5 chu Thailand ram chhung a ni tiin December 18 hma ngeia chhuahsan turin UWSA te hi an hriat tir a. Mahse, UWSA te lam hian an hnial ve tlat avangin an inkar boruak hi a chhe ta a ni.

Khaosod News Media chuan UWSA te hian Royal Thai Army te lo hma chhawn turin an in peih reng tawh niin a tarlang a. Tunah Thailand ram an inchuhna lai hi k*m zabi tam chhung Maehongson Province, Pai District chhunga UWSA ten Camp an siamna hmun hi k*m tam tak atang tawh khan Thailand ram hian an ramah an chhiar tawh a, an lo inchuh dun reng thin a ni.

Nik*m 2023 June thla khan Shan state Tarchilake khuaa Thai- Myanmar border Committee neih tum Thailand sorkar palaite chuan Myanmar Military Council palaite hnenah UWSA te hian he hmun hi chhuahsan tura hrilh turin an lo sawi tawh bawk ani.

26/11/2024

ADAMAN TUIPUIAH INDIA COAST GUARD TEN MYANMAR MITE HNEN ATANGIN M**H TON 5 CHUANG MAN.

Nov.27,2024: : Indian Coast Guard te chuan Myanmar mite hnen atangin M**hamphetamine tam tham tak tone 5.5 ( Kg.5,500) lawih an man thu AFP News chuan nimin Nov.26 khan an tarlang a ni.

Nov.24 ni khan India leh Myanmar tuipui inkara Adaman sea- ah " Soe Wai Yan Htoo" tih lo kal sangha man lawng chu India Coast Guard ten an rinhlelh thilah an check a, tunlai ruihhlo lar tak M**hamphetamine tha hnem tak hi an man ta a, he lawnga chuang Myanmar mi 6 pawh an man nghal a ni.India Coast Guard te hian a hma pawhin M**h hi tone 1.5 tone an lo man tawh bawk a ni.

26/11/2024

Chunglam beihna tuar nasat vangin.
TNLA TEN MILITARY COUNCIL NEN INBIAKNA NEIH AN DUH.

Nov.26,2024: : Military Council in nasa taka chunglam atanga bomb a thlak khum nghek nghek mek Shan State chhimlama hel pawl lian tak Ta'ang National Liberation Army (TNLA) te chuan China sorkar remruatnaa Military Council nena inbiakrem mai an duh thu an sawi a ni.

TNLA te hian k*min October thla atanga 1027 operation beihpui an thlak atang khan Shan State chhim lama Ta'ang leh Kukang mite luah chin ram chu Military Council hian TNLA k*t atangin Kutkai(ကွတ်ခိုင်မြို့)၊ Nammadu(နမ္မတူမြို့)၊ Nam Kham(နမ့်ခမ်းမြို့)၊ Nam Sam(နမ့်ဆန်မြို့)၊ Man Dun(မန်တုံမြို့)၊ Mai Ngaw(မိုင်းငေါ့မြို့)၊ Mai Lun(မိုင်းလုံမြို့), Naung Cho ( နောင်ချိုမြို့)leh Lashio khawpui te chu a chan fai vek a ni. Military Council hian China border-a awm Muse (မူဆယ်) leh UWSA control-na hnaih khawpui Mai Ye( မိုင်းရယ်), Tan Yain( တန့်ယန်း) te chauh an control thei chauh tawh ani.

TNLA te hian an luahchin ram chu state puitlinga hlankaia Self determinization neih an phut a, Myanmar ram chu federal democracy system kaihhruaia a awm an duh bawk a ni.

23/11/2024

India rama thawn luh tur
RUIHHLO KYAT BILLION 27 HU KALEMYO LEH MANDALAY AH MAN A NI.

Nov.25,2024: : Mandalay leh Sagain region chhunga ruihhlova sum dawng thin hnen atangin No.4 leh M**hamphetamine Kyat Billion 27 hu Myanmar Police ten an man thu Myanmar Millitary Council chuan an sawi a ni.

Nov.5 khan Kalemyo thlen hma Gyigon khuaah FUSO truck chu Myanmar police te hian lo ti dingin an check a, He**in Kg.50.6 an man ta a, an mi mante in puanna atangin Mandalay leh Kalemyo Tahan atangte ruihhlo tawlhru thin mi 21 te hnen atangin ruihhlo thahnem tak an man belh zel ta a ni. An mi man zingah hian Mizo hming pawh a lang ve tlat mai!

Heng mi 21 hnen atanga Ruihhlo an man zat chu He**in Kg.150 chuang, M**hamphetamine mum maktaduai 5 , Ice Kg.412 leh chemical caffiene ton 3 te an ni.

19/11/2024

Myanmar Revolutionaries ten khawpui 84 an la tawh.
တော်လှန်ရေးအင်အားစုများမှ သိမ်းပိုက်ထိန်းချုပ်ထားသည့် မြို့ပေါင်း ၈၄ မြို့

15/11/2024

15TH BODYBUILDING CHAMPIONSHIP AH MYANMAR MI PAKHATNA

Nov.15,2024: : 15th World Bodybuilding & Physique Sports Championship Maldives, Addu khawpuia neih zawh takah Myanmar mi Ye Tun Naung chu Kg 75 Category ah pakhatna niin Gold Medal a la. He 15th World Bodybuilding & Physique Sports Championship ah hian khawvel ram 41 atangin mi 300 chuang an tel a ni.

15/11/2024

CHIN BAPTIST CHURCHES USA TEN RUIHHLO DO NAN CYMA KUTAH CHENG NUAI 10 HLAN

Nov.15,2024: : Chin Baptist Churches USA Women wing te chuan Central Young Association hnenah ruihhlo dona atan cheng nuai 10 an hlan.Nimin Nov.14 khan Chin Baptist Churches USA, Women wing hruaitute hian Hotel Emerald, Aizawlah Central Young Mizo Association( CYMA), Mizo Hmeichhia Insuihkhawm Pawl (MHIP) leh All Mizoram Women’s Federation (AMWF) hruaitute nen inkawmna hun an nei a, He hunah hian CYMA hnenah ruihhlo dona atan Chin Baptist Churches USA Women wing hruaitute chuan CYMA President Pu Lalhmachhuana hnenah cheng nuai 10 hi an hlan a ni.

Chin Baptist Churches USA Women wing te hian Mizoram a ruihhlo dona atan hian 2022 k*m atang khan k*m tin sum an lo hlan tawh a, tun tuma mi hi 2024-25 k*m chhung atan a ni. Chin Baptist Churches USA (CBCUSA) te hi USA hmun hrang hranga kohhran 100 chuangte insuihkhawmte an ni a, an member neih zat 35000 lai an ni.

08/11/2024

MYANMAR MILITARY COUNCIL CHAIRMAN ACMECS CHAIRMAN AH.

Nov.8,2024: : China a zin mek Myanmar Military Council Chairman Snr.Gen.Minn Aung Hlain-a chu Ayeyawady-Chao Phraya-Mekong Economic Cooperation Strategy (ACMECS) chairman thar a ni dawn ta! Nimin khan Cu***ng khawpuiah Cambodia, Lao, Thailand, Myanmar, Vietnam ram hruaitute chu 10th Ayeyawady-Chao Phraya-Mekong Economic Cooperation Strategy (ACMECS) summit an nei a, ACMECS Chairman nilai Cambodia Prime Minister Hun Manet k*t atangin Prime Minister Minn Aung Hlain hian charge a la ta a ni.

Cu***ng khawpuiah hian 10th Ayeyawady-Chao Phraya-Mekong Economic Cooperation Strategy (ACMECS) summit an neih bakah hian the 8th Greater Mekong Subregion (GMS) summit leh the 11th Cambodia-Lao PRD- Myanmar-Vietnam (CLMV) summit an nei nghal bawk a, Cambodia,Lao, Thailand, Myanmar, Vietnam ram Prime Minister theihte an tel thei a ni.

06/11/2024

MYANMAR RAM TIH CHHIAT TUMTUTE TAN CHINA RAM AH HMUN A AWM LO.
By. Chinese PM

Nov.7, 2024: : China rama zin mek Myanmar Military Council Chairman Snr. Gen.Minn Aung Hlain leh Chinese Prime Minister Mr. Li Qiang chu nimin khan Cu***ng khawpuia "Haigeng Garden Hotel "ah in hmuin Chinese Prime Minister chuan " Myanmar ram tih chhiat tumtute tan China ramah hmun a awm ngai dawn lo" tih a lo hrilh a ni.

Chinese Prime Minister Mr. Li Qiang chuan Myanmar ramah remna leh muanna a awm theih nan China chuan thinlung takin a duh a, chu mi a thlen theih nan chuan a pui reng dawn a, Myanmar chu China ram thenawm ram thiantha a ni reng dawn a ni a ti a ni. Mr. Li Qiang chuan Myanmar tualchhung buaina a reh thuai theih nana Myanmar sorkar ( Military Council) hmalak dan chu tha an tih thu a sawi a, inthlanna buatsaih a nih dan turah puih an in huam thu pawh a sawi a ni.

China chuan Myanmar sorkar leh a ram chu a hriatpui a, Myanmar ram chhiatna tura hma la tu reng reng chu an pawm dawn lova, ram pahnih ramri gate te pawh sorkar control-na hnuaiah chauh a awm tur a ni tiin Mr. Li Qiang chuan a sawi bawk a ni. Snr Gen.Minn Aung Hlain pawhin Chinese Prime Minister hnenah hian MNDAA၊ TNLA leh AA te hian remna an duh tak tak thu chiangkuang taka an lan tir hunah chuah inbiakna kan nei ang tiin a hrilh ve a awm e.

02/11/2024

JET FIGHTER HMANGA BEIHNA VANGIN CHIN STATE AH CIVIL MI 108 THI TAWH, MI 231 IN HLIAM TUAR.

Nov.3,2024: : Myanmar sipai ten 2021 atanga thuneihna an lak hnu k*m 3 chhungin Chin state hmun hrang hranga Myanmar Military Council Jet fighter hmanga beihna avangin Civil mi 108 an boral tawh a, hliam hi mi 231 lai an awm a, boral zingah hian naupang k*m tling lo mi 29 lai an tel niin Chin Human Right Organisation ( CHRO)chuan October 29 khan an tarlang a ni.

CHRO chuan Myanmar Army ten thuneihna an lak hnu hian Chin state chhungah Jet Fighter hmanga beihna vawi 515 a thleng tawh a, bomb 1239 an thlak tawh niin an sawi a ni.chunglam atanga Myanmar sipai ten an beihna avang hian chenna in 416 a chhe tawh a, zirna in 22, Kristian. Biakin 21,Buddish biakin 5 leh Damdawiin 6 an bomb chhe tawh a, an bomb chhiat tawh building zawng zawng hi 470 a tling tawh a ni an ti.
Chin state ah hian Myanmar sipai ten thuneihna an lak hma khan mihring 5,20;000 vel an awm a, chenna in 96,000 a awm a ni.tunah hian Chin state mihring nuai 2 leh a chanve vel chuan Chin state hi an chhuahsan tawh a ni.
Chin revolutionaries hrang hrangte hian Chin state khawpui Matupi,Tonzang, Ci Kha,Rih Khawdar, Lailenpi, Chindwe, Narain, Rezua, Webula, Sur khua te chu an thuhnuaiah an dah tawh hlawm a, Paletwa leh Sami khua pawh Arakan Army ten an thuhnuaiah an dah ve bawk a ni.

27/09/2024

MYANMAR MILITARY COUNCIL SAWMNA CNF IN PAWM LO. NUG PAWN PAWM CHUANG LO.

Sept.28,2024: : Myanmar Military Council chuan Sept 26 ni khan thuchhuah siamin Myanmar chhunga Ethnic Armed Group hrang hrang leh People's Defence Force ( PDF)te hnenah " Myanmar ram buaina chu Politics vanga buaina a ni a, Politics bawkin i chingfel ang u" tiin a sawm hlawm a, Chin National Front te chuan an pawm loh thu an sawi, National Unity Government ( NUG) te pawhin an pawm loh thu an sawi bawk a ni.

Chin National Front thupuangtu Salai Htet Ni chuan " Myanmar 2008 Constitution frame works chhunga thil tih reng reng an pawm loh thu leh rinna an neih loh thu a sawi a, He an sawmna hi Military Council-in inthlanna a buatsaih tura hmalakna chi khat mai a ni a, Indona vanga chhiatna zozai kan tawrh hnu leh khuarel chhiatna kan tawrh mek laia Military Council in Inthlanna buatsaih ka tum e an ti hi chu engti kawngmaha rin ngam chi a ni lo a ti.Military Council chuan ralthuam chelek vanga kan ram chhiatna zawng zawng hi Politics atang lo chuan chinfel ngaihna a awm lova.Chuvangin, Politics dawhkan atangin kan ramah remna tluantling a awm theih nan tharum thawhna i bansan ang u an ti a ni.

2020 Myanmar General Election-a NLD party MP thenkhat ramdanga tlanchhe ta ten an din National Unity Government-a an Foreign Minister Daw Zin Mar Aung-i chuan " Military Council sawmna hi politics chu politics bawka chinfel an tumna lam ni lovin an thuneihna tih ngeh zual zel an tum lam mai a ni" a ti ve thung a ni. KNU thupuangtu chuan" Military Council sawmnaah PDF te chauh an sawm a, NUG an sawm ve loh avangin hleih nei takin thil an ti a, kan pawm lo" an ti ve bawk.KIA thupuangtu erawh chuan Military Council sawmna chungchang hi kan la ngaihtuah lo a ti thung a ni. Southern Brotherhood MNDAA, AA,TNLA te chuan an ngaihdan an la sawi duh lova, TNLA thupuangtu erawh chuan an pawm a rin loh thu BBC a hrilh thung a ni.

26/09/2024

Tuilian vanga
AN KHAW MI 70% CHHANCHHUAKTU NAUPANG K*M 12 MI CHU!

Myanmar ram tuilian zet zawng a rapthlak teh meuh ve. Capital Ney Pyi Daw Union Territory , Le Way Township ( လယ်ဝေးမြို့နယ်), Aung Tuh Kha khua (အောင်သုခကျေးရွာ) pawh zan khat thilthuah an khua chu tuilianin a rawn chim ta thut mai! He khua in 170 vel lek niin thingtlang khua changkang lo ve tak a ni a, An khaw mipuite chu an tal buai ta! Chhanchhuak tu an ngai, Mihring chu lo loh a lum, an in leh lo an ran vulh te nen lam chuan engtin tak awm ta ang maw le!

An chhungkua hi Sangha mana ei zawnga khawsa ve tawk tawk an ni a, an rethei a leiah an fapa Paw Mya(ပေါများ) pawh hi skul kal ve thei lovin a pa sangha mana ei zawng chu ni tinin a pui thin. A pa sangha manna lawngleng chu k*m 9 mi a nih chuan duh anga thalin an khaw bul tuipuiah chuan duh tawkin a khalh thiam der tawh a ni. Ni hnih liam ta mai khan an khua chu zan khat thil thuah tuilianin a rawn chim ta,! an khaw mipui 70% te chu Paw Mya hian zan khat leh ni khat chhungin hmun him lamah a pa lawngleng hmang chuan a thiar zo thei vek a nih chu! Paw Mya-a inpekna a ropui em a, social media ah a darh chak khawpui lama mi inphal ten tanpui dan an ngaihtuah mek a ni awm e.

26/09/2024

CHIN MIPUI MI 300 CHUANG MALAYSIA UNHCR OFFICE KAWTAH PUNGKHAWM

Sept.26,2024: : Malaysia khawpui Kualalampur-a UNHCR office kawtah Chin mipui mi 300 chuangte chu vawin chawhma khan pungkhawmin an harsatna te sukiang tura an duh point 7 UNHCR hnenah an thlen a ni.

Tukin chawhma dar 10 vel khan Malaysia rama UNHCR office kawta Chin raltlan insuihkhawm pawl ACR buaitsaihin punkhawmna neihah hian Malaysia rama Chin raltlan CDM Myanmar Police, CDM Myanmar Army hriselna kawnga an harsatna te chu sutkian sak turin an phut a ni.

Malaysia rama Chin raltlan insuihkhawm pawl( ACR) chairman Pu Jame Bawi Thang Bik a chuan " UNHCR office ah hian keini Chin raltlante dikna leh kan chanvo neih ve theihnate chu min tih hlawhtlin sak turin vawi duai lo kan thlen tawh thin a, Mahse, engmah min tih hlawhtlin sak loh avangin hetianga punkhawma nawr hi a ngai ta a ni a ti.Association of Chin Refugee te UNHCR a an thil phut point 7 zinga pawimawh zual an thlen te chu:- Chin raltlante chu security force ten hleih nei tak leh zah lo taka an tih thin chu ti tawp turin, Security te thil tih tur chin bithliah sak turin k*m lama upate leh naupang chanhai te, nu nau paite damloh nikhua emergency thila harsat awm lova enkawl an nih zung zung theih nana a tul anga hma lak sak turin tih te, K*m 2019-2020 chhunga UN Card in register dulte a rang lama chin fel sak turin, K*m 2018 a UN Card nei an lak kir sak Chin Refugee te chu a rang lama an chungchang ngaihtuah sak bik turin tih te a ni.

2018 K*m khan Malaysia rama Chin raltlante mi 16000 te UN Card chu lak kir sak an ni a, a tam zawk chu pek kir leh ni mahse tam tak la hren zui sak an ni. Malaysia ramah hian Chin raltlan mi 80,000 chuang an awm a, UN Card nei lo tam takte chu man an tawk nasain an dam loh hritlan nikhuaa in enkawl chungchangah pawh harsatna an tawk nasa hle a ni.

KANAN POST

16/12/2024

15/12/2024

13/12/2024

08/12/2024

03/12/2024

27/11/2024

26/11/2024

26/11/2024

23/11/2024

19/11/2024

15/11/2024

15/11/2024

08/11/2024

06/11/2024

02/11/2024

27/09/2024

26/09/2024

26/09/2024

Address

Telephone

Website

Alerts

Contact The Business

Shortcuts

Share

Category