KL 6 news

02/02/2025

🔵🟣ഇടുക്കി രാജാക്കാടിന് സമീപം പാറപ്പൊടിയുമായി വന്ന ടോറസ് ലോറി നിയന്ത്രണം വിട്ട്
മണ്‍തിട്ടയില്‍ ഇടിച്ച്
ഡ്രൈവര്‍ മരിച്ചു.🔵🟣

02/02/25
ഇടുക്കി രാജാക്കാടിന് സമീപം പാറപ്പൊടിയുമായി വന്ന ടോറസ് ലോറി നിയന്ത്രണം വിട്ട് മണ്‍തിട്ടയില്‍ ഇടിച്ച്
കമ്പിളികണ്ടം സ്വദേശിയായ ഡ്രൈവര്‍ മരിച്ചു.
രാജാക്കാട് കൊച്ചുപ്പ് കുരങ്ങുപാറ റോഡില്‍ വാഹനാപകടം.ഡ്രൈവർ മരിച്ചു.കമ്പിളികണ്ടം കൂടാരത്തില്‍ ആകാശാണ് മരിച്ചത്.പാറപ്പൊടിയുമായി വന്ന ടോറസ് ലോറി നിയന്ത്രണം വിട്ട് മണ്‍തിട്ടയില്‍ ഇടിക്കുകയായിരുന്നു. ലോറിയുടെ ക്യാമ്പില്‍ പൂര്‍ണമായി തകര്‍ന്നു.രണ്ടര മണിക്കൂര്‍ ഓളം നാട്ടുകാര്‍ നടത്തിയ പരിശ്രമത്തിനൊടുവിലാണ് ആകാശിനെ പുറത്തെടുക്കാന്‍ സാധിച്ചത്
ഇന്ന് രാവിലെ 7 മണിയോടെ ജോസ്ഗിരി തേക്കിൻകനം റോഡിൽ കൊച്ചുപ്പ് സിറ്റിക്ക് സമീപമായിരുന്നു അപകടം.. രാജാക്കാട് ഭാഗത്തു നിന്നും കുഞ്ചിത്തണ്ണി ഭാഗത്തേക്ക്‌ പാറ പൊടിയുമായി വരികയായിരുന്ന വാഹനം ഇറക്കമിറങ്ങി വരുന്നതിനിടെ ബ്രെക്ക് നഷ്ടപ്പെട്ട് പാതയോരത്തെ മൺതിട്ടയിലേക്ക് ഇരിക്കുകയായിരുന്നു എന്ന് പ്രേദേശ വാസികൾ പറഞ്ഞു.....
അപകടം ഉണ്ടായ ഉടനെ നാട്ടുകാരുടെ നേതൃത്വത്തിൽ ആദ്യം രക്ഷാപ്രേവർത്തനം നടത്തുകയും രാജാക്കാട് പോലീസ്, ഫയർഫോസ് ചേർന്ന് ആകാശിനെ പുറത്തെടുക്കുകയും രാജാക്കാട് ഉള്ള സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാൻ കഴിഞ്ഞില്ല..

02/02/2025

🟣🔵രക്ഷിതാക്കളുടെ അടിയന്തിര ശ്രദ്ധയ്ക്ക് നെടുങ്കണ്ടം പോലീസ് സ്റ്റേഷനിൽ നിന്നുള്ള അറിയിപ്പ്.🔵🟣

പ്രിയ രക്ഷിതാക്കളേ,
നമ്മുടെ കുട്ടികളുടെ ഉത്തരവാദിത്തവും സുരക്ഷയും നമ്മുടെ കയ്യിലാണ്. എന്നാൽ പല രക്ഷിതാക്കളും 18 വയസു പൂർത്തിയാകാത്ത കുട്ടികളുടെ കയ്യിൽ വാഹനങ്ങൾ ( സ്കൂട്ടി,ബൈക്ക്,........) പല ആവശ്യങ്ങളുടെ പേരിൽ റോഡിലേക്ക് കൊടുത്തു വിടുകയും വൻ അപകടങ്ങളിൽ പെടുന്നതായും ശ്രദ്ധയിൽ പെട്ടിട്ടുണ്ട്. ലൈസൻസില്ലാതെ വാഹനം ഓടിക്കുന്നത് പിടിക്കപ്പെട്ടാൽ വാഹന ഉടമയുടെ പേരിൽ 25000 Rs ഫൈൻ ഈടാക്കുകയും കുട്ടിയുടെ പേരിൽ SIR (Social Investigation Report ) തയ്യാറാക്കി മേൽ നടപടികൾ സ്വീകരിക്കുന്നതുമാണ്. 18 വയസ് പൂർത്തിയായതിനു ശേഷവും 7 വർഷത്തേക്ക് അവർക്ക് 'ലൈസൻസ് ലഭ്യമാക്കുന്നതല്ല.

👉 കുട്ടികളുടെ സ്കൂളിലും പുറത്തുമുള്ള സുഹൃത്തുക്കളെ കുറിച്ച് കൃത്യമായ ധാരണ രക്ഷിതാക്കൾക്ക് ഉണ്ടായിരിക്കണം.

👉വൈകുന്നേരം 6 മണിക്കു ശേഷം ഒരു കാരണവശാലും രക്ഷിതാക്കളുടെ കൂടെയല്ലാതെ കുട്ടികൾ പുറത്തുപോകുവാൻ പാടില്ല. കൂട്ടുകാരുമായുള്ള രാത്രികാലങ്ങളിലെ സഞ്ചാരങ്ങൾ പലപ്പോഴും വൻ അപകടങ്ങളിലാണ്. കൊണ്ടെത്തിക്കുന്നത്.

👉കുട്ടികളിലെ അസ്വാഭാവികമായ പെരുമാറ്റം, വസ്ത്രധാരണത്തിലുള്ള ശ്രദ്ധക്കുറവ്, ഉറക്കക്ഷീണം , എപ്പോഴും ച്യൂയിംഗം ചവയ്ക്കുക. അസാധാരണമായ ഗന്ധം എന്നിവ ശ്രദ്ധയിൽപ്പെട്ടാൽ അതിൻ്റെ കാരണങ്ങൾ കണ്ടെത്തുക.

👉 കുട്ടികളുടെ ബാഗ്,പുസ്തകങ്ങൾ, വസ്ത്രങ്ങൾ എന്നിവ നിർബന്ധമായും രക്ഷിതാക്കൾ ഇടയ്ക്കിടെ പരിശോധിക്കുക.

👉 ഇന്ന് പല തരത്തിലുള്ള ലഹരിവസ്തുക്കളുടേയും വിൽപ്പനയ്ക്കും ഉപയോഗത്തിനുമായ് ലഹരിമാഫിയ സ്കൂൾ വിദ്യാർത്ഥികളെയാണ് വലയിലാക്കുന്നത് ആകയാൽ രക്ഷിതാക്കൾ നമ്മുടെ മക്കളുടെ കാര്യത്തിൽ പ്രത്യേകം ശ്രദ്ധ ചെലുത്തേണ്ടതാണ്.

👉സ്കൂൾ വിട്ടാൽ കുട്ടികൾ കൃത്യസമയത്ത് വീട്ടിൽ എത്തിച്ചേരുന്നുണ്ട് എന്ന് ഉറപ്പുവരുത്തുക.

👉 കുട്ടികളുടെ പാഠ്യ പാഠ്യേതരവിഷയങ്ങൾ ചർച്ച ചെയ്യാൻ ഇടയ്ക്ക് സ്കൂൾ സന്ദർശിക്കുക.

02/02/2025

🟣🔵എല്‍.പി സ്‌കൂള്‍ ടീച്ചര്‍ ഇന്റര്‍വ്യൂ🟣🔵

02/02/25

മലപ്പുറം : മലപ്പുറം ജില്ലയില്‍ വിദ്യാഭ്യാസവകുപ്പില്‍ എല്‍.പി സ്‌കൂള്‍ ടീച്ചര്‍ (മലയാളം മീഡിയം) തസ്തികയിലേക്കുള്ള ആദ്യഘട്ട അഭിമുഖം ഫെബ്രുവരി 5, 6, 7, 12, 13, 14, 19, 20, 21, 27, 28 തീയതികളില്‍ നടക്കും. ഉദ്യോഗാര്‍ഥികള്‍ തങ്ങളുടെ പ്രൊഫൈലില്‍ ലഭ്യമാക്കിയിട്ടുള്ള ഇന്റര്‍വ്യൂ മെമ്മോ ഡൗണ്‍ലോഡ് ചെയ്ത് സര്‍ട്ടിഫിക്കറ്റുകളുടെ അസ്സല്‍ സഹിതം കേരള പബ്ലിക് സര്‍വീസ് കമ്മീഷന്റെ മലപ്പുറം ജില്ലാ ഓഫീസില്‍ ഹാജരാകണമെന്ന് ഓഫീസര്‍ അറിയിച്ചു.

01/02/2025

🟣🔵കാട്ടു കൊമ്പൻ പടയപ്പയ്ക്ക് മദപ്പാട് സ്ഥിരീകരിച്ച് വനംവകുപ്പ് അധികൃതർ🟣🔵

മൂന്നാർ▪️ മൂന്നാറിലെ കാട്ടു കൊമ്പൻ പടയപ്പയ്ക്ക് മദപ്പാട് കണ്ടെന്നു വനംവകുപ്പ് അധികൃതർ സ്ഥിരീകരിച്ചു. ഇടതുചെവിയുടെ ഭാഗത്തായാണു മദപ്പാട് കണ്ടെത്തിയത്. മദപ്പാട് കണ്ടതോടെ ആനയെ നിരീക്ഷിക്കാനായി വാച്ചർമാരടങ്ങുന്ന പ്രത്യേകസംഘത്തെ നിയമിച്ചതായും ഉദ്യോഗസ്‌ഥർ പറഞ്ഞു.

കഴിഞ്ഞ വർഷം ഫെബ്രുവരി പകുതിയോടെയാണു പടയപ്പയിൽ മദപ്പാട് കണ്ടെത്തിയത്. മദപ്പാട് തുടങ്ങിയാൽ പടയപ്പ അക്രമാസക്തനാകുന്നതു പതിവാണ്. കഴിഞ്ഞ വർഷം മദപ്പാട് കാലത്ത് മുപ്പതിലധികം വാഹനങ്ങൾ പടയപ്പ ആക്രമിച്ചു കേടുവരുത്തിയിരുന്നു. ഇന്നലെ പകൽ പെരിയവര ഭാഗത്തായിരുന്നു പടയപ്പ. ബുധനാഴ്ച രാത്രി കന്നിമല ലോവർ ഡിവിഷനിലെ ജനവാസമേഖലയിലിറങ്ങി വ്യാപകമായി കൃഷി നശിപ്പിച്ചിരുന്നു.

01/02/2025

🟣🔵സ്ത്രീകള്‍ക്കും കുട്ടികള്‍ക്കുമായി പോലീസിന്റെ സ്വയം പ്രതിരോധ പരിശീലന പരിപാടി🟣🔵

അതിക്രമങ്ങള്‍ നേരിടുന്നതിന് സ്വയം പ്രതിരോധ മുറകൾ അഭ്യസിക്കാൻ സ്ത്രീകള്‍ക്കും കുട്ടികള്‍ക്കും പോലീസ് പരിശീലനം നല്‍കുന്നു. കേരള പോലീസിന്‍റെ ആഭിമുഖ്യത്തില്‍ 2015 ല്‍ ആരംഭിച്ച സ്വയം പ്രതിരോധ പരിശീലന പരിപാടിയിലൂടെ ഇതുവരെ ലക്ഷക്കണക്കിന് സ്ത്രീകളും കുട്ടികളും സ്വയം പ്രതിരോധ മുറകളില്‍ പരിശീലനം നേടിയിട്ടുണ്ട്. ജനമൈത്രി സുരക്ഷാപദ്ധതിയുടെ കീഴില്‍ വനിതാ പോലീസ് ഉദ്യോഗസ്ഥർ നല്‍കുന്ന ഈ പരിശീലനം തികച്ചും സൗജന്യമാണ്. താല്‍പര്യമുള്ള വ്യക്തികള്‍ക്കും സ്ഥാപനങ്ങള്‍ക്കും തുടര്‍ന്നും പരിശീലനം നേടാവുന്നതാണ്. ഇടുക്കി ജില്ലയിൽ പരിശീലനം അവശ്യമുള്ളവർ ബന്ധപ്പെടുക ഫോണ്‍ : 9497912649

01/02/2025

🟣🔵സേവനങ്ങൾ ആധാർ വഴിയാക്കാൻ മോട്ടോർ വാഹനവകുപ്പ്​.🟣🔵

01/02/25

മോ​ട്ടോ​ർ വാ​ഹ​ന​ വകു​പ്പി​ൽ നി​ന്നു​ള്ള എ​ല്ലാ സേ​വ​ന​ങ്ങ​ളും മാ​ർ​ച്ച്​ ഒ​ന്നു​ മു​ത​ൽ ആ​ധാ​ർ
അ​ധി​ഷ്ഠി​ത​മാ​ക്കു​ന്നു.
ഇ​തി​ന് മു​​ന്നോ​ടി​യാ​യി വാ​ഹ​ന ഉ​ട​മ​ക​ൾ ആ​ധാ​റു​മാ​യി ലി​ങ്ക്​ ചെ​യ്ത്​ മൊ​ബൈ​ൽ ന​മ്പ​ർ പ​രി​വാ​ഹ​ൻ പോ​ർ​ട്ട​ലി​ൽ ഉ​ൾ​​പ്പെ​ടു​ത്ത​ണ​മെ​ന്നാ​ണ്​ ​ഗ​താ​ഗ​ത ക​മീ​ഷ​ണ​റു​ടെ നി​ർ​ദേ​ശം. ഇ-​സേ​വ കേ​ന്ദ്ര​ങ്ങ​ൾ, അ​ക്ഷ​യ കേ​ന്ദ്ര​ങ്ങ​ൾ എ​ന്നി​വ വ​ഴി മൊ​ബൈ​ൽ ന​മ്പ​ർ പ​രി​വാ​ഹ​നി​ൽ അ​പ്​​ഡേ​റ്റ്​ ചെ​യ്യാം. ഇ​തി​നാ​യി ആ​ർ.​ടി.​ഒ-​ജോ​യ​ന്‍റ്​ ആ​ർ.​ടി.​ഒ ഓ​ഫി​സു​ക​ളി​ൽ പ്ര​ത്യേ​ക കൗ​ണ്ട​റു​ക​ളും ത​യാ​റാ​ക്കി​യി​ട്ടു​ണ്ട്.​

ഫെബ്രുവരി ഒ​ന്നു​മു​ത​ൽ 28 വ​രെ​യാ​ണ്​ അ​പ്​​ഡേ​ഷ​ന്​ അ​വ​സ​രം. പ​ല​വ​ട്ടം പ​രീ​ക്ഷി​ച്ചെ​ങ്കി​ലും ഉ​ദ്യോ​ഗ​സ്ഥ​രു​ടെ ഇ​ട​ങ്കോ​ലി​ൽ പ​രാ​ജ​യ​പ്പെ​ട്ട സം​വി​ധാ​ന​മാ​ണ്​ ആ​ധാ​ർ അ​ധി​ഷ്ഠി​ത സേ​വ​ന സൗ​ക​ര്യം. സേ​വ​ന​ങ്ങ​ൾ​ക്കു​ള്ള അ​പേ​ക്ഷ ന​ട​പ​ടി​ക​ൾ പൂ​ർ​ത്തീ​ക​രി​ക്കു​ന്ന​തി​ന്​ ആ​ധാ​ർ ഉ​പാ​ധി​യാ​ക്കു​ക​യും ആ​ധാ​ർ ലി​ങ്​ ചെ​യ്ത ഫോ​ൺ ന​മ്പ​റി​ലേ​ക്ക്​ ഒ.​ടി.​പി എ​ത്തു​മെ​ന്ന​തു​മാ​ണ്​ പ്ര​ത്യേ​ക​ത. ഇ​ട​നി​ല​ക്കാ​രു​ടെ ഇ​ട​പെ​ട​ൽ ഒ​ഴി​വാ​ക്കാ​നാ​ണ്​ ഇ​തു​വ​ഴി ല​ക്ഷ്യ​മി​ടു​ന്ന​ത്.

വാ​ഹ​ന ഉ​ട​മ​സ്ഥാ​വ​കാ​ശ കൈ​മാ​റ്റം, പെ​ര്‍മി​റ്റ് സേ​വ​ന​ങ്ങ​ള്‍, ഫി​നാ​ന്‍സ് സേ​വ​ന​ങ്ങ​ള്‍ തു​ട​ങ്ങി​യ​വ നേ​ര​ത്തെ ആ​ധാ​ർ അ​ധി​ഷ്ഠി​ത​മാ​ക്കി​യി​രു​ന്നു. ആ​ധാ​ർ ന​മ്പ​റി​ന്​ പു​റ​മെ, ബ​ദ​ൽ സൗ​ക​ര്യ​മെ​ന്ന നി​ല​യി​ൽ മൊ​ബൈ​ൽ ന​മ്പ​ർ കൂ​ടി ന​ൽ​കി ഒ.​ടി.​പി സ്വീ​ക​രി​ച്ച്​ ഓ​ൺ​ലൈ​ൻ ന​ട​പ​ടി പൂ​ർ​ത്തി​യാ​ക്കാ​നു​ള്ള സൗ​ക​ര്യം അ​ന്നു​ണ്ടാ​യി​രു​ന്നു. ആ​ധാ​ർ ന​ൽ​കി​യാ​ൽ ആ​ധാ​ർ ലി​ങ്ക് ചെ​യ്ത ന​മ്പ​റി​ലേ​ക്കും മൊ​ബൈ​ൽ ഫോ​ൺ ന​ൽ​കി​യാ​ൽ ആ ​ന​മ്പ​റി​ലേ​ക്കും ഒ.​ടി.​പി എ​ത്തു​മാ​യി​രു​ന്നു. ഇ​താ​ക​ട്ടെ, ഇ​ട​നി​ല​ക്കാ​ർ​ക്ക് സൗ​ക​ര്യ​വു​മാ​യി. ഇ​ട​നി​ല​ക്കാ​ർ ത​ങ്ങ​ളു​ടെ മൊ​ബൈ​ൽ ന​മ്പ​ർ ന​ൽ​കി ഒ.​ടി.​പി സ്വീ​ക​രി​ച്ച്​ ന​ട​പ​ടി​ക​ൾ പൂ​ർ​ത്തി​യാ​ക്കു​ന്ന സ്ഥി​തി​യാ​യി. ക്ര​മേ​ണ ആ​ധാ​റി​ല്ലാ​തെ മൊ​ബൈ​ൽ ഫോ​ൺ ന​മ്പ​ർ ന​ൽ​കു​ന്ന രീ​തി മാ​ത്ര​മാ​യി. ഇ​ത്​ അ​വ​സാ​നി​പ്പി​ച്ചാ​ണ്​ ആ​ധാ​റി​ൽ മാ​ത്ര​മാ​യി ഒ.​ടി.​പി സേ​വ​നം പ​രി​മി​ത​പ്പെ​ടു​ത്തു​ന്ന​ത്.

01/02/2025

01/02/2025

🔵🟣ഭൂമിയുടെ വില കുറച്ച് കാണിച്ച് ആധാരം രജിസ്റ്റര്‍ ചെയ്തവര്‍ക്ക് സെറ്റില്‍മെന്റ്, കോമ്പൗണ്ടിങ് പദ്ധതികള്‍🔵🟣

01/02/25

മാര്‍ച്ച് 31 നകം കുറവ് തുക ഒടുക്കി നടപടികളില്‍ നിന്ന് ഒഴിവാകാം
ഭൂമിയുടെ വില കുറച്ച് കാണിച്ച് ആധാരം രജിസ്റ്റര്‍ ചെയ്തവര്‍ക്ക് സെറ്റില്‍മെന്റ്, കോമ്പൗണ്ടിങ് തുടങ്ങിയ പദ്ധതികളുമായി രജിസ്ട്രേഷന്‍ വകുപ്പ്. രജിസ്ട്രേഷന്‍ സമയത്ത് ശരിയായ വില കാണിക്കാതെ രജിസ്റ്റര്‍ ചെയ്ത ആധാരങ്ങളിലെ കുറവ് മുദ്രയും ഫീസും ഈടാക്കുന്നതിനുള്ള നടപടികള്‍ സമയബന്ധിതമായി തീര്‍പ്പാക്കുന്നതിനായുള്ള സര്‍ക്കാര്‍ ഉത്തരവ് പ്രകാരമാണ് പദ്ധതികള്‍ നടപ്പാക്കുന്നത്. മാര്‍ച്ച് 31 നകം കുറവ് തുക ഒടുക്കി റവന്യു റിക്കവറി ഉള്‍പ്പടെയുള്ള നിയമ നടപടികളില്‍ നിന്ന് ഒഴിവാകാമെന്നും ആധാരം അണ്ടര്‍വാല്യുവേഷന്‍ നടപടിക്ക് വിധേയമായിട്ടുണ്ടോ എന്ന് പൊതുജനങ്ങള്‍ക്ക് www.pearl.registration.kerala.gov.in എന്ന വെബ്സൈറ്റ് സന്ദര്‍ശിച്ച് പരിശോധിക്കാമെന്നും ജില്ലാ രജിസ്ട്രാര്‍ (ജനറല്‍) അറിയിച്ചു.
പാലക്കാട് ജില്ലയിലെ 1986 മുതല്‍ 2017 മാര്‍ച്ച് 31 തിയതി വരെയുള്ള കാലയളവില്‍ അണ്ടര്‍ വാല്വേഷന്‍ നടപടി നേരിടുന്ന ആധാരങ്ങള്‍ക്കാണ് സെറ്റില്‍മെന്റ് സ്‌കീം പദ്ധതിയുടെ ആനുകൂല്യം ലഭിക്കുക. കളക്ടറുടെ/ജില്ലാ രജിസ്ട്രാറുടെ അന്തിമ ഉത്തരവ് പ്രകാരം അടക്കേണ്ട കുറവ് മുദ്രയുടെ പരമാവധി 60 ശതമാനവും രജിസ്ട്രേഷന്‍ ഫീസിന്റെ പരമാവധി 75 ശതമാനം കുറച്ച് നല്കും.
ജില്ലയിലെ 2017 എപ്രില്‍ ഒന്നു മുതല്‍ 2023 മാര്‍ച്ച് 31 തിയതി വരെയുള്ള കാലയളവില്‍ ആധാരത്തില്‍ വില കുറച്ച് കാണിച്ച് രജിസ്റ്റര്‍ ചെയ്ത ആധാരങ്ങള്‍ക്കാണ് കോമ്പൗണ്ടിങ് പദ്ധതിയുടെ ആനുകൂല്യം ലഭിക്കുക. സബ് രജിസ്ട്രാര്‍ റിപ്പോര്‍ട്ട് ചെയ്ത കുറവ് മുദ്രയുടെ 50 ശതമാനം മാത്രം അടച്ചാല്‍ മതിയാകും. കുറവ് രജിസ്ട്രേഷന്‍ ഫീസ് പൂര്‍ണമായും ഒഴിവാക്കിയിട്ടുണ്ട്.
കൂടുതല്‍ വിവരങ്ങള്‍ക്ക് ജില്ലാ രജിസ്ട്രാര്‍ ഓഫീസുമായോ സബ് രജിസ്ട്രാര്‍ ഓഫീസുമായോ ബന്ധപ്പെടാം (ഫോണ്‍ 0491 2505201) .

01/02/2025

🟣🔵യുപിഐ ഇടപാടുകളില്‍ ഇന്ന് മുതല്‍ മാറ്റം.🟣🔵
31/01/25

ദില്ലി: 2025 ഫെബ്രുവരി 1 മുതല്‍ യുപിഐ ഐഡികളില്‍ സ്‍പെഷ്യല്‍ കാര്യക്ടറുകള്‍ അനുവദിക്കില്ലെന്ന് നാഷണല്‍ പേയ്‌മെന്‍റ് കോർപ്പറേഷൻ ഓഫ് ഇന്ത്യ (എൻപിസിഐ) അറിയിച്ചു.യുപിഐ ഐഡികളിലോ ഇടപാട് ഐഡികളിലോ സ്‍പെഷ്യല്‍ കാര്യക്ടറുകള്‍ അടങ്ങിയിട്ടുണ്ടെങ്കില്‍ 2025 ഫെബ്രുവരി 1-ന് ശേഷം പേയ്‌മെന്‍റുകള്‍ പരാജയപ്പെടുമെന്നും എൻപിസിഐ വ്യക്തമാക്കി. നിങ്ങളുടെ യുപിഐ ഐഡിയില്‍ സ്‍പെഷ്യല്‍ കാര്യക്ടറുകള്‍ ഉണ്ടെങ്കില്‍ അവയില്‍ ഉടൻ തന്നെ മാറ്റം വരുത്തേണ്ടിവരും.

ജനുവരി 9-ന് യുപിഐ ഇടപാടുകളിലെ മാറ്റം സംബന്ധിച്ച്‌ എൻപിസിഐ ഒരു സർക്കുലർ പുറപ്പെടുവിച്ചിരുന്നു. അതില്‍ പുതിയ നിയമങ്ങള്‍ വ്യക്തമാക്കുന്നു. ഇനി മുതല്‍ യുപിഐ ഇടപാട് ഐഡിയില്‍ ആല്‍ഫാന്യൂമെറിക് മാത്രമേ ഉപയോഗിക്കാവൂ എന്ന് സർക്കുലറില്‍ വ്യക്തമായി പ്രസ്താവിച്ചിരിക്കുന്നു. അതായത്, അതില്‍ അക്കങ്ങളും അക്ഷരങ്ങളും മാത്രമേ ഉണ്ടാകാൻ പാടുള്ളൂ. പ്രത്യേക പ്രതീകങ്ങളൊന്നും (ക്യാരക്ടര്‍) അതിന്‍റെ ഭാഗമാകരുത്. ഏതെങ്കിലും ഇടപാട് ഐഡിയില്‍ പ്രത്യേക ക്യാരക്ടറുകള്‍ അടങ്ങിയിട്ടുണ്ടെങ്കില്‍, സിസ്റ്റം അത് നിരസിക്കും. ഇത്തരം ഇടപാടുകള്‍ കേന്ദ്ര സംവിധാനം സ്വമേധയാ തള്ളുന്ന തരത്തിലാണ് ക്രമീകരണം ഒരുക്കിയിരിക്കുന്നതെന്നും നാഷണല്‍ പേയ്‌മെന്‍റ്സ് കോര്‍പ്പറേഷന്‍ ഓഫ് ഇന്ത്യ അറിയിച്ചു.

നിങ്ങള്‍ ഈ മാറ്റം വരുത്തണം

ജനപ്രിയ പേയ്‌മെന്‍റ് ആപ്പുകള്‍ ഓട്ടോമാറ്റിക്കായി യുപിഐ ഐഡി സൃഷ്‌ടിക്കുന്നുണ്ടെങ്കിലും, ഉപയോക്താക്കള്‍ക്ക് സ്വന്തമായി ഇഷ്‌ടാനുസൃത യുപിഐ ഐഡി സൃഷ്‌ടിക്കാനോ നിലവിലുള്ള ഐഡിയില്‍ മാറ്റങ്ങള്‍ വരുത്താനോ ഉള്ള ഓപ്ഷൻ ലഭിക്കും. നിങ്ങളുടെ നിലവിലുള്ള യുപിഐ ഐഡിയില്‍ എന്തെങ്കിലും സ്‍പെഷ്യല്‍ കാര്യക്ടറുകള്‍ അടങ്ങിയിട്ടുണ്ടെങ്കില്‍ അത് എഡിറ്റ് ചെയ്യാനുള്ള ഓപ്ഷൻ ലഭിക്കും. ഈ ഫീച്ചർ ഉപയോഗിച്ച്‌ സ്‍പെഷ്യല്‍ കാര്യക്ടറുകള്‍ നീക്കം ചെയ്യുക. ഇതുകൂടാതെ, തിരഞ്ഞെടുത്ത പേയ്‌മെന്‍റ് ആപ്പുകള്‍ നിലവിലുള്ള ഐഡിയില്‍ സ്വയമേവ മാറ്റങ്ങള്‍ വരുത്തും.

ഫെബ്രുവരി 1 മുതല്‍ പ്രാബല്യത്തില്‍ വരുന്ന പുതിയ നിയമങ്ങള്‍ക്ക് അനുസരിച്ച്‌ നിങ്ങള്‍ സമയബന്ധിതമായി മാറ്റങ്ങള്‍ വരുത്തിയില്ലെങ്കില്‍ നിങ്ങള്‍ക്ക് യുപിഐ പേയ്‌മെന്‍റുകള്‍ നടത്താൻ കഴിയില്ല. ഫെബ്രുവരി 1-ന് ശേഷം നിങ്ങളുടെ യുപിഐ പേയ്‌മെന്‍റുകള്‍ തുടർച്ചയായി പരാജയപ്പെടുകയാണെങ്കില്‍, അത് നിങ്ങളുടെ യുപിഐ ഐഡിയിലോ ഇടപാട് ഐഡിയിലോ ഉള്ള ഈ സ്‍പെഷ്യല്‍ കാര്യക്ടറുകള്‍ മൂലമാകാൻ സാധ്യതയുണ്ട്.

ഒരു ഉദാഹരണത്തിലൂടെ മനസിലാക്കാം

യുപിഐയില്‍ വരുന്ന മാറ്റം നിങ്ങള്‍ക്ക് എളുപ്പത്തില്‍ മനസിലാക്കണമെങ്കില്‍, നിങ്ങളുടെ ഫോണ്‍ നമ്ബർ 994455778866 ആണെന്നും നിങ്ങളുടെ ബാങ്ക് എച്ച്‌ഡിഎഫ്‍സി ബാങ്ക് ആണെന്നും കരുതുക. പേയ്‌മെന്‍റ് ആപ്പുകള്‍ സ്വയമേവ നിങ്ങളുടെ യുപിഐ ഐഡികള്‍ സൃഷ്ടിക്കുന്നു. ഉദാഹരണത്തിന്, 994455778866@okhdfcbank എന്നത് നിങ്ങളുടെ യുപിഐ ഐഡി ആകാം. എന്നാല്‍ ഇനി ഇതുവഴി ഇടപാട് നടത്താൻ കഴിയില്ല. 994455778866okhdfcbank പോലുള്ള ഐഡികള്‍ക്ക് മാത്രമേ ഇനി സാധുതയുള്ളൂ. ഇതുകൂടാതെ, നിങ്ങള്‍ ഒരു ഇഷ്‌ടാനുസൃത യുപിഐ ഐഡി സൃഷ്‌ടിച്ചിട്ടുണ്ടെങ്കില്‍ അതിലും മാറ്റങ്ങള്‍ വരുത്തേണ്ടതുണ്ട്. ഉദാഹരണത്തിന്, നിങ്ങള്‍ ajit@kumar@upi പോലെയുള്ള ഒരു ഐഡി സൃഷ്ടിച്ചിട്ടുണ്ടെങ്കില്‍, ഇപ്പോള്‍ അതില്‍ നിന്ന് അറ്റ് (@) നീക്കം ചെയ്യേണ്ടിവരും. അത്തരമൊരു സാഹചര്യത്തില്‍ നിങ്ങളുടെ ഐഡി ajitkumarupi പോലെ മാറ്റേണ്ടിവരും.

യുപിഐ ട്രാന്‍സാക്ഷന്‍ ഐഡികള്‍ സൃഷ്ടിക്കുന്ന പ്രക്രിയയെ നിലവാരമുള്ളതാക്കുന്നതിന്‍റെ ഭാഗമായാണ് നടപടി. എല്ലാ യുപിഐ പേയ്മെന്‍റ് സേവനദാതാക്കളും ഇതിനാവശ്യമായ നടപടികള്‍ സ്വീകരിക്കണമെന്നും നാഷണല്‍ പേയ്‌മെന്‍റ്സ് കോര്‍പ്പറേഷന്‍ ഓഫ് ഇന്ത്യയുടെ സര്‍ക്കുലറില്‍ പറയുന്നു. യുപിഐ ഐഡികളില്‍ പ്രത്യേക പ്രതീകങ്ങള്‍ നിരോധിക്കാനുള്ള തീരുമാനം യുപിഐ ഇക്കോസിസ്റ്റം സ്റ്റാൻഡേർഡ് ചെയ്യുന്നതിനും സുരക്ഷിതമാക്കുന്നതിനുമുള്ള വിപുലമായ ശ്രമത്തിന്‍റെ ഭാഗമാണ്. എൻപിസിഐ പുറത്തുവിട്ട ഡാറ്റ പ്രകാരം, യുപിഐ ഇന്ത്യയിലെ ഏറ്റവും ജനപ്രിയമായ ഡിജിറ്റല്‍ പേയ്‌മെന്‍റ് സംവിധാനങ്ങളിലൊന്നായി മാറിയിരിക്കുന്നു. യുപിഐ വഴിയുള്ള ഇടപാടുകളുടെ മൂല്യം 2024 ഡിസംബറില്‍ 16.73 ബില്യണ്‍ എന്ന റെക്കോർഡ് ഉയരത്തിലെത്തി. മുൻ മാസത്തേക്കാള്‍ എട്ട് ശതമാനം വർധനവാണ് ഇത് എന്നാണ് കണക്കുകള്‍.

01/02/2025

🔵🟣സൂപ്പർവൈസർ അഭിമുഖം🔵🟣

01/02/25

ന്യൂനപക്ഷ ക്ഷേമ ഡയറക്ടറേറ്റിലെ സ്കോളർഷിപ്പ് സെക്ഷനിലെ സൂപ്പർവൈസർ തസ്തികയിലേക്ക് താത്കാലിക നിയമനത്തിന് ഫെബ്രുവരി 6ന് അഭിമുഖം നടക്കും. എംസിഎ അല്ലെങ്കിൽ ബി.ടെക് (കമ്പ്യൂട്ടർ സയൻസ്/ഐടി) അല്ലെങ്കിൽ ബി.എസ്.സി കമ്പ്യൂട്ടർ സയൻസ് അല്ലെങ്കിൽ പിജിഡിസിഎയാണ് യോഗ്യത. താത്പര്യമുള്ളവർ ബയോഡേറ്റ, മാർക്ക് ലിസ്റ്റ്, യോഗ്യത, പ്രായം, പ്രവൃത്തിപരിചയം എന്നിവ തെളിയിക്കുന്ന സർട്ടിഫിക്കറ്റുകളുടെ ഒറിജിനൽ സഹിതം രാവിലെ 10.30ന് തിരുവനന്തപുരം ന്യൂനപക്ഷ യുവജന പരിശീലന കേന്ദ്രത്തിൽ (സമസ്ത ബിൽഡിംഗ്, മേലേ തമ്പാനൂർ, തിരുവനന്തപുരം) നേരിട്ട് ഹാജരാകണം. വിശദ വിവരങ്ങൾക്ക്:

A Minority Cell was constituted under General Administration Department Kerala Government Secretariat, during April 2008

01/02/2025

🟣🔵യൂസ്ഡ് കാർ ഷോറൂമുകൾക്ക് ഓതറൈസേഷൻ നിർബന്ധമാക്കി.; സെക്കൻഡ് ഹാൻഡ് കാർ വാങ്ങുന്നവർക്ക് മുന്നറിയിപ്പുമായി ഗതാഗത വകുപ്പ്🟣🔵

യൂസ്ഡ് കാർ ഷോറൂമുകൾക്ക് ഓതറൈസേഷൻ നിർബന്ധമാക്കി. അനധികൃത യൂസ്ഡ് കാർ ഷോറൂമുകൾക്ക് കടിഞ്ഞാണിടാൻ വേണ്ടിയാണ് ഗതാഗത വകുപ്പ് ഈ നിയമം കൊണ്ട് വാരുന്നത്. മാർച്ച് 31നു മുൻപ് എല്ലാ യൂസ്ഡ് കാർ ഷോറൂമുകളും ഓതറൈസേഷൻ നേടണം. അല്ലാത്ത സ്ഥാപനങ്ങൾക്കെതിരെ നിയമ നടപടി സ്വീകരിക്കും. ഇത്തരം സ്ഥാപനങ്ങളിലെ വാഹനങ്ങളെ കരിമ്പട്ടികയിൽ പെടുത്തും. അംഗീകാരമില്ലാത്ത യൂസ്ഡ് കാർ ഷോറൂമുകളിൽ നിന്നും വാഹനങ്ങൾ വാങ്ങരുതെന്ന് ഗതാഗത വകുപ്പ് ജനങ്ങൾക്ക് മുന്നറിയിപ്പ് നൽകി.

യൂസ്ഡ് അല്ലെങ്കില്‍ സെക്കന്‍ഡ് ഹാന്‍ഡ് കാര്‍ വില്‍പനയുടെ ജിഎസ്ടി ഉയര്‍ത്താന്‍ കേന്ദ്ര സർക്കാർ ശിപാര്‍ശ ചെയ്തിരുന്നു. കേന്ദ്ര സര്‍ക്കാരിന്റെ ഈ തീരുമാനം രാജ്യത്തെ യൂസ്ഡ് കാര്‍ ബിസിനസില്‍ ക്രമരഹിതമായ ഘടന സൃഷ്ടിക്കുമെന്ന് വിപണി വിദഗ്ധര്‍ മുന്നറിയിപ്പ് നല്‍കുന്നു. ഡിസംബര്‍ 21ന് രാജസ്ഥാനിലെ ജയ്സാല്‍മറില്‍ നടന്ന 55-ാമത് ജിഎസ്ടി കൗണ്‍സില്‍ യോഗത്തിലാണ് ജിഎസ്ടി ഭേദഗതികള്‍ ചര്‍ച്ച ചെയ്തത്.

ഇത് അനുസരിച്ച് യൂസ്ഡ് കാര്‍ വില്‍ക്കുന്നതിനുള്ള ജിഎസ്ടി 12 ശതമാനത്തില്‍ നിന്ന് 18 ശതമാനമാക്കി ഉയര്‍ത്തി. യൂസ്ഡ് കാര്‍ വില്‍പ്പനക്കായി രജിസ്റ്റര്‍ ചെയ്ത ഡീലര്‍മാരേയാണ് ഈ തീരുമാനം നേരിട്ട് ബാധിക്കുക. 1200 സിസി വരെ എഞ്ചിനുകളുള്ള വാഹനങ്ങള്‍ വില്‍ക്കുമ്പോഴാണ് ഈ മാറ്റം ബാധകമാവുക.

01/02/2025

🔵🟣മോട്ടോർ വാഹനവകുപ്പും പോലീസും സംയുക്തമായി ഇടുക്കി ജില്ലയിലെ മോട്ടോർ വാഹന വകുപ്പ് ഓഫീസുകളിൽ മെഗാ ഇ ചെലാൻ അദാലത്ത് സംഘടിപ്പിക്കുന്നു🔵🟣
01/02/25

മോട്ടോർവാഹനവകുപ്പും പോലീസും സംയുക്തമായി ഇടുക്കി ജില്ലയിലെ മോട്ടോർവാഹ വകുപ്പ് ഓഫീസുകളിൽ ഫെബ്രുവരി 4,5,6 തീയതികളിൽ മെഗാ ഇ ചെലാൻ അദാലത്ത് നടത്തും. രാവിലെ 7 മണി മുതൽ വൈകിട്ട് 7 മണിവരെയാണ്. അദാലത്ത്. .ട്രാഫിക് നിയമലംഘനങ്ങൾക്ക് മോട്ടോർ വാഹനവകുപ്പും പോലീസും ചുമത്തിയിരിക്കുന്ന പിഴകൾ, കോടതി നടപടികളിൽ ഇരിക്കുന്ന ചെലാനുകൾ എന്നിവ തീർപ്പാക്കി പൊതുജനങ്ങൾക്ക് വാഹനങ്ങൾക്കെതിരെയുള്ള തുടർനടപടികളിൽ നിന്നും ഒഴിവാകാം.

അദാലത്ത് നടത്തുന്ന സ്ഥലങ്ങൾ:🔸

ആർ ടി ഒ ഇടുക്കി - ജില്ലാ കളക്ടറേറ്റ് , കുയിലിമല , സബ് ആർ ടി ഒ തൊടുപുഴ - മിനി സിവിൽ സ്റ്റേഷൻ തൊടുപുഴ, സബ് ആർ ടി ഒ വണ്ടിപ്പെരിയാർ -മിനി സിവിൽ സ്റ്റേഷൻ പീരുമേട്,. സബ് ആർ ടി ഒ ഉടുമ്പഞ്ചോല -മിനി സിവിൽ സ്റ്റേഷൻ നെടുങ്കണ്ടം., സബ് ആർ ടി ഒ ദേവികുളം സബ് ആർ ടി ഓഫീസ് അടിമാലി, ആർ ടി ഒ എൻഫോഴ്‌സ്മെന്റ് ഇടുക്കി- ഫസ്റ്റ് ഫ്ലോർ ബി എസ് എൻ എൽ ബിൽഡിംഗ് വെങ്ങല്ലൂർ

31/01/2025

🔵🟣മോട്ടോർ വാഹനവകുപ്പും പോലീസും സംയുക്തമായി ഇടുക്കി ജില്ലയിലെ മോട്ടോർ വാഹന വകുപ്പ് ഓഫീസുകളിൽ മെഗാ ഇ ചെലാൻ അദാലത്ത് സംഘടിപ്പിക്കുന്നു🔵🟣
31/01/25

മോട്ടോർവാഹനവകുപ്പും പോലീസും സംയുക്തമായി ഇടുക്കി ജില്ലയിലെ മോട്ടോർവാഹ വകുപ്പ് ഓഫീസുകളിൽ ഫെബ്രുവരി 4,5,6 തീയതികളിൽ മെഗാ ഇ ചെലാൻ അദാലത്ത് നടത്തും. രാവിലെ 7 മണി മുതൽ വൈകിട്ട് 7 മണിവരെയാണ്. അദാലത്ത്. .ട്രാഫിക് നിയമലംഘനങ്ങൾക്ക് മോട്ടോർ വാഹനവകുപ്പും പോലീസും ചുമത്തിയിരിക്കുന്ന പിഴകൾ, കോടതി നടപടികളിൽ ഇരിക്കുന്ന ചെലാനുകൾ എന്നിവ തീർപ്പാക്കി പൊതുജനങ്ങൾക്ക് വാഹനങ്ങൾക്കെതിരെയുള്ള തുടർനടപടികളിൽ നിന്നും ഒഴിവാകാം.

അദാലത്ത് നടത്തുന്ന സ്ഥലങ്ങൾ:🔸

ആർ ടി ഒ ഇടുക്കി - ജില്ലാ കളക്ടറേറ്റ് , കുയിലിമല , സബ് ആർ ടി ഒ തൊടുപുഴ - മിനി സിവിൽ സ്റ്റേഷൻ തൊടുപുഴ, സബ് ആർ ടി ഒ വണ്ടിപ്പെരിയാർ -മിനി സിവിൽ സ്റ്റേഷൻ പീരുമേട്,. സബ് ആർ ടി ഒ ഉടുമ്പഞ്ചോല -മിനി സിവിൽ സ്റ്റേഷൻ നെടുങ്കണ്ടം., സബ് ആർ ടി ഒ ദേവികുളം സബ് ആർ ടി ഓഫീസ് അടിമാലി, ആർ ടി ഒ എൻഫോഴ്‌സ്മെന്റ് ഇടുക്കി- ഫസ്റ്റ് ഫ്ലോർ ബി എസ് എൻ എൽ ബിൽഡിംഗ് വെങ്ങല്ലൂർ

31/01/2025

🔵🟣റേഷൻ വിതരണം ഫെബ്രുവരി നാല് വരെ നീട്ടി, ഫെബ്രുവരി 5-ാം തീയതി അവധി🔵🟣

31/01/25

തിരുവനന്തപുരം: സംസ്ഥാനത്തെ ജനുവരി മാസത്തെ റേഷൻ വിതരണം ഫെബ്രുവരി നാല് വരെ നീട്ടിയതായി ഭക്ഷ്യ പൊതുവിതരണ വകുപ്പ് മന്ത്രി ജി.ആർ അനില്‍ അറിയിച്ചു. ഫെബ്രുവരി 5-ാം തീയതി മാസാന്ത്യ കണക്കെടുപ്പുമായി ബന്ധപ്പെട്ട് റേഷൻ വ്യാപാരികള്‍ക്ക് അവധി ആയിരിക്കുന്നതും 6 മുതല്‍ ഫെബ്രുവരി മാസത്തെ റേഷൻ വിതരണം ആരംഭിക്കുമെന്നും മന്ത്രി അറിയിച്ചു.

ഇന്നലെ (30/01/2025) വൈകുന്നരം 5 മണി വരെ 68.71 ശതമാനം കാർഡ് ഉടമകള്‍ റേഷൻ കൈപ്പറ്റിയിട്ടുണ്ട്. ഗതാഗത കരാറുകാരുടെ പണിമുടക്ക് കാരണം ഭക്ഷ്യധാന്യങ്ങളുടെ വാതില്‍പ്പടി വിതരണം പൂർത്തീകരിക്കുന്നതില്‍ കാലതാമസമുണ്ടായിരുന്നു.

എന്നാല്‍ കഴിഞ്ഞ അഞ്ച് ദിവസമായി വാതില്‍പ്പടി വിതരണം സുഗമമായി നടന്നു വരികയാണ്. സംസ്ഥാനത്തെ എല്ലാ റേഷൻ കടകളിലും ആവശ്യത്തിന് സ്റ്റോക്ക് ലഭ്യമാണ്. ഈ സാഹചര്യത്തില്‍ ജനുവരി മാസത്തെ റേഷൻ കൈപ്പറ്റാനുള്ള എല്ലാ കാർഡ് ഉടമകളും ഫെബ്രുവരി 4ന് മുൻപ് റേഷൻ കൈപ്പറ്റണമെന്ന് മന്ത്രി അറിയിച്ചു. റേഷൻകടകളിലെ ഭക്ഷ്യധാന്യങ്ങളുടെ സ്റ്റോക്കിന്റെ അടിസ്ഥാനത്തില്‍ കാർഡ് ഉടമകള്‍ക്ക് ആവശ്യാനുസരണം വിതരണം ചെയ്യുന്നതിനുള്ള സൗകര്യം ഒരുക്കുന്നതിനായി കോമ്ബനിനേഷൻ ബില്ലിംഗ് ഫെബ്രുവരി മാസവും അനുവദിച്ചിട്ടുണ്ട്.

29/01/2025

🟣🔵വിവാഹിതരായ പെൺകുട്ടികളുടെ മാതാപിതാക്കൾക്ക് ധനസഹായം🟣🔵


29/01/25
കേരളത്തിലെ മുന്നാക്ക സമുദയങ്ങളിലെ സാമ്പത്തികമായി പിന്നാക്കം നിൽക്കുന്ന കുടുംബങ്ങളിൽ നിന്ന് 2024 ജനുവരി ഒന്നിനും ഡിസംബർ 31 നുമിടയിൽ വിവാഹിതരായ പെൺകുട്ടികളുടെ മാതാപിതാക്കൾക്ക് വിവാഹ ധനസഹായം അനുവദിക്കുന്ന മംഗല്യ സമുന്നതി പദ്ധതിയിലേക്ക് അപേക്ഷ ക്ഷണിച്ചു.

ഒരു ലക്ഷം രൂപ വരെ കുടുംബ വാർഷിക വരുമാനമുള്ള മുൻഗണന എഎവൈ, മുൻഗണന വിഭാഗങ്ങളിൽ ഉൾപ്പെടുന്നവർക്ക് അപേക്ഷിക്കാം. ലഭ്യമാകുന്ന അപേക്ഷകളിൽ നിന്ന് ഏറ്റവും കുറഞ്ഞ വരുമാനമുള്ളവരിൽ അർഹരായവർക്ക് സർക്കാരിൽ നിന്ന് ലഭിക്കുന്ന ഫണ്ടിന് ആനുപാതികമായി ധനസഹായം അനുവദിക്കും.

അപേക്ഷകൾ ഫെബ്രുവരി 12 നകം സമർപ്പിക്കണം. വിശദവിവരങ്ങൾക്ക് :

Bhavana Samunnathi Agreement | Online Applications are invited for Vidyasamunnathi Scholarship & Coaching Assistance Scheme (2024-25). Last date for Online Submission is on 20/01/2025 | Ápply Now for Vidyasamunnathi  Scholarship & Coaching Assistance  2024-25  | Applications are invited for...

29/01/2025

🟣🔵ഇന്റർവ്യൂ തീയതിയിൽ മാറ്റം🟣🔵

ജില്ലയിലെ വിവിധ ഹോമിയോ ആശുപത്രികളിൽ ഒഴിവുള്ള ലാബ് അറ്റന്‍ഡര്‍ , അറ്റന്‍ഡര്‍ തസ്തികകളിലേക്ക് നിശ്ചയിച്ചിരുന്ന ഇന്റർവ്യൂ ഫെബ്രുവരി 5 ന് നടക്കും.

ലാബ് അറ്റന്‍ഡര്‍ തസ്തികയിലേക്ക് വി എച്ച് എസ് സി എംഎല്‍റ്റി കോഴ്സ് പാസായ ഉദ്യോഗാര്‍ത്ഥികള്‍ക്ക് അപേക്ഷിക്കാം.

അറ്റന്‍ഡര്‍ തസ്തികയിലേയ്ക്ക് എസ്.എസ്.എല്‍.സി. പാസായതും, ഏതെങ്കിലും ഹോമിയോപ്പതി എ ക്ലാസ് പ്രാക്ടീഷണറുടെ കീഴില്‍ 3 വര്‍ഷത്തെ പ്രവൃത്തിപരിചയമുള്ളവര്ക്കും അപേക്ഷിക്കാം.
അറ്റന്‍ഡര്‍ തസ്തികയിലേക്ക് ഫെബ്രുവരി 5 രാവിലെ 10.30 നും ലാബ് അറ്റന്‍ഡര്‍ തസ്തികയിലേയ്ക്ക് അതേ ദിവസം ഉച്ചയ്ക്ക് 12 നും വാക്ക് ഇന്‍ ഇന്റര്‍വ്യൂ നടക്കും. ഉദ്യോഗാര്‍ത്ഥികള്‍ വയസ് , തിരിച്ചറിയല്‍രേഖ, വിദ്യാഭ്യാസയോഗ്യത, പ്രവൃത്തിപരിചയം എന്നിവ തെളിയിക്കുന്ന അസല്‍ സര്‍ട്ടിഫിക്കറ്റുകളും, എംപ്ലോയ്മെന്റ് രജിസ്ട്രേഷന്‍ കാര്‍ഡും പകര്‍പ്പുകളുമായി തൊടുപുഴ തരണിയില്‍ ബില്‍ഡിംഗില്‍ പ്രവര്‍ത്തിക്കുന്ന ജില്ലാ ഹോമിയോ മെഡിക്കല്‍ ഓഫീസില്‍ എത്തണം. കൂടുതല്‍ വിവരങ്ങള്‍ക്ക് 04862 227326).

29/01/2025

🔵🟣കയറ്റുമതിക്ക് സബ്‌സിഡി, വ്യാപാര മേളകളില്‍ പങ്കെടുക്കാന്‍ സാമ്പത്തിക സഹായം; കയറ്റുമതി പ്രോത്സാഹന നയം പ്രഖ്യാപിച്ച് കേരളം🔵🟣

സംസ്ഥാനത്തു നിന്നുള്ള കയറ്റുമതി പ്രോത്സാഹിപ്പിക്കാന്‍ വിവിധ പദ്ധതികള്‍ ഉള്‍ക്കൊള്ളിച്ചുള്ള കയറ്റുമതി പ്രോത്സാഹന നയത്തിന് മന്ത്രിസഭ യോഗം അംഗീകാരം നല്‍കി. ആഗോള കയറ്റുമതി രംഗത്ത് കേരളത്തെ ഒരു പ്രമുഖ കയറ്റുമതി കേന്ദ്രമാക്കുക എന്ന ഉദ്ദേശ്യത്തോടുകൂടിയാണ് കയറ്റുമതി പ്രോത്സാഹന നയം രൂപീകരിക്കുന്നത്.

സംസ്ഥാനത്തെ കയറ്റുമതിക്കാര്‍ക്ക് അവസരങ്ങള്‍ മുതലെടുക്കാനും പുതിയ പങ്കാളിത്തങ്ങളില്‍ ഏര്‍പ്പെടുന്നതിനും ആഗോളതലത്തില്‍ തങ്ങളുടെ സാന്നിധ്യം രേഖപ്പെടുത്തുന്നതിനും അവസരമൊരുക്കുമെന്നാണ് സര്‍ക്കാരിന്റെ പ്രതീക്ഷ.കോള്‍ഡ് സ്റ്റോറേജ് യൂണിറ്റുകള്‍, വെയര്‍ഹൗസിംഗ്, ലോജിസ്റ്റിക്സ് തുടങ്ങിയ കയറ്റുമതി അധിഷ്ഠിത അടിസ്ഥാന സൗകര്യങ്ങള്‍ സ്ഥാപിക്കുന്നതിന് കയറ്റുമതിക്കാര്‍ക്ക് നിക്ഷേപത്തിന്റെ 25 ശതമാനം ഒറ്റത്തവണ സബ്‌സിഡി നല്‍കും. സംസ്ഥാനത്ത് നിന്ന് കയറ്റുമതി ചെയ്യുന്ന യൂണിറ്റുകള്‍ക്ക് മൂന്നു വര്‍ഷത്തേക്ക് സൗജന്യ ഫ്രീ ഓണ്‍ബോര്‍ഡ് മൂല്യത്തിന്റെ ഒരു ശതമാനം ഇന്‍സെന്റീവ് നല്‍കും. തുറമുഖങ്ങളിലെ ഗതാഗത ചാര്‍ജുകള്‍, ഹാന്‍ഡ്‌ലിംഗ് ചാര്‍ജുകള്‍ മുതലായവ ഉള്‍പ്പെടെ ഉത്പന്നങ്ങള്‍ കയറ്റുമതി ചെയ്യുന്നതിനുള്ള ലോജിസ്റ്റിക് ചെലവുകളുടെ 50 ശതമാനം റീഇംബേഴ്സ്മെന്റ് അനുവദിക്കും
ദേശീയ അന്തര്‍ദേശീയ വ്യാപാര മേളകള്‍, എക്‌സിബിഷനുകള്‍, ബയര്‍-സെല്ലര്‍ മീറ്റുകള്‍ എന്നിവയില്‍ പങ്കെടുക്കുന്നതിന് കയറ്റുമതിക്കാര്‍ക്ക് അവരുടെ ഉത്പന്നങ്ങളും സേവനങ്ങളും പ്രോത്സാഹിപ്പിക്കുന്നതിന് പ്രതിവര്‍ഷം 2 ലക്ഷം രൂപ പരിധിയില്‍ 75 ശതമാനം റീഇംബേഴ്‌സ്‌മെന്റ് വഴി സബ്‌സിഡി നല്‍കും.

അന്താരാഷ്ട്ര വ്യാപാര ചട്ടങ്ങള്‍ പാലിക്കുന്നതിന് കയറ്റുമതി ഡോക്യമെന്റേഷനുമായി ബന്ധപ്പെട്ട സര്‍ട്ടിഫിക്കേഷനുകള്‍, ഗുണനിലവാര പരിശോധന എന്നിവയുള്‍പ്പെടെ 2 വര്‍ഷത്തേക്ക് ചെലവിന്റെ 50 ശതമാനം വരെ സബ്‌സിഡി.
വിപണി ഗവേഷണം, ഉത്പന്ന വികസനം, ബ്രാന്‍ഡിംഗ്, പ്രൊമോഷണല്‍ പ്രവര്‍ത്തനങ്ങള്‍ എന്നിവയ്ക്കായി കയറ്റുമതിക്കാര്‍ക്ക് സാമ്പത്തിക സഹായവും സബ്സിഡിയും നല്‍കുന്നതിന് പ്രത്യേക ഫണ്ട് സ്ഥാപിക്കും

👉കയറ്റുമതി സഹായിക്കാന്‍ ഡിജിറ്റല്‍ പ്ലാറ്റ്‌ഫോമും

കയറ്റുമതിക്കാരെ ആഗോള വാങ്ങലുകാരുമായി ബന്ധിപ്പിക്കാനും നടപടിക്രമങ്ങള്‍ ലളിതമാക്കാനും ഡിജിറ്റല്‍ പ്ലാറ്റ്ഫോം രൂപീകരിക്കും. ഈ പോര്‍ട്ടല്‍ കേന്ദ്രസര്‍ക്കാരിന്റെ ഡിജിറ്റല്‍ പ്ലാറ്റ്ഫോമുകളുമായി ബന്ധിപ്പിക്കും.
ചെറുകിട, ഇടത്തരം കയറ്റുമതിക്കാര്‍ക്കായി കണ്‍സോര്‍ഷ്യം അല്ലെങ്കില്‍ ക്ലസ്റ്ററുകള്‍ രൂപീകരിക്കുന്നത് സര്‍ക്കാര്‍ പ്രോത്സാഹിപ്പിക്കും. സംയുക്ത വിപണന സംരംഭങ്ങള്‍, വ്യാപാര ഷോകളിലെ പങ്കാളിത്തം, പങ്കിട്ട അടിസ്ഥാന സൗകര്യങ്ങള്‍ എന്നിവയ്ക്കായി ഈ കണ്‍സോര്‍ഷ്യങ്ങള്‍ക്ക് സാമ്പത്തിക സഹായം നല്‍കാന്‍ നയത്തിന് കഴിയും.

സംസ്ഥാന സര്‍ക്കാര്‍ ഏജന്‍സികളുടെ ചെക്ക് ഗേറ്റുകളില്‍ നിന്ന് കയറ്റുമതി ചരക്ക് നേരത്തെ കടന്നുപോകുന്നതിന് നല്ല ട്രാക്ക് റെക്കോര്‍ഡുള്ള സംസ്ഥാനത്തെ കയറ്റുമതിക്കാര്‍ക്ക് കയറ്റുമതി കാര്‍ഡ് നല്‍കാനും തീരുമാനമായി

29/01/2025

🔵🟣ശ്രീഹരിക്കോട്ടയിലെ 100-ാം വിക്ഷേപണം നൂറുമേനി വിജയം; എൻവിഎസ്-02 ഉപഗ്രഹം ഭ്രമണപഥത്തിൽ, ഐഎസ്ആര്‍ഒയ്ക്ക് അഭിമാനം🔵🟣

ശ്രീഹരിക്കോട്ട: ബഹിരാകാശ രംഗത്ത് പുതു ചരിത്രമെഴുതി ഐഎസ്ആര്‍ഒയും ഇന്ത്യയും. രാജ്യത്തിന്‍റെ അഭിമാനമായ ശ്രീഹരിക്കോട്ടയിലെ സതീഷ് ധവാന്‍ സ്പേസ് സെന്‍ററില്‍ നിന്നുള്ള 100-ാം വിക്ഷേപണ ദൗത്യം ഇസ്രൊ വിജയത്തിലെത്തിച്ചു. ഇന്ന് രാവിലെ 6.23ന് രണ്ടാം നമ്പർ ലോഞ്ച് പാഡിൽ നിന്ന് കുതിച്ചുയര്‍ന്ന ജിഎസ്എൽവി-എഫ്15 റോക്കറ്റ് രണ്ടാംതലമുറ ഗതിനിര്‍ണായ ഉപഗ്രഹമായ എൻവിഎസ്-2 വിജയകരമായി ഭ്രമണപഥത്തില്‍ വിന്യസിച്ചു.

മലയാളിയായ തോമസ് കുര്യനായിരുന്നു GSLV-F15/NVS-02 മിഷന്‍ ഡയറക്ടര്‍. നൂറഴകില്‍ ശ്രീഹരിക്കോട്ട, ഐഎസ്ആര്‍ഒ 1979ലാണ് ശ്രീഹരിക്കോട്ടയിലെ സതീഷ് ധവാന്‍ ബഹിരാകാശ കേന്ദ്രത്തില്‍ നിന്ന് ഇസ്രൊ ആദ്യ വിക്ഷേപണം നടത്തിയത്. അന്നത്തെ കന്നി ദൗത്യ സ്വപ്നങ്ങള്‍ 317-ാം സെക്കന്‍ഡില്‍ ബംഗാള്‍ ഉള്‍ക്കടലില്‍ അസ്തമിച്ചു. എന്നാല്‍ പരാജയത്തില്‍ നിന്ന് പാഠം ഉള്‍ക്കൊണ്ട് കുതിച്ച ഐഎസ്ആര്‍ഒ നാല് വീതം എസ്എല്‍വി-3, എഎസ്എല്‍വി വിക്ഷേപണങ്ങളും, 62 പിഎസ്എല്‍വി വിക്ഷേപണങ്ങളും, 17 ജിഎസ്എല്‍വി വിക്ഷേപണങ്ങളും (ഇന്നത്തേത് ഉള്‍പ്പടെ), ഏഴ് എല്‍വിഎം-3 വിക്ഷേപണങ്ങളും, മൂന്ന് എസ്എസ്എല്‍വി വിക്ഷേപണങ്ങളും, ഓരോ ആര്‍എല്‍വി ഹെക്സ്, ടെസ്റ്റ് വെഹിക്കിള്‍ (ടിവി ഡി1), പാറ്റ് വിക്ഷേപണങ്ങളും ശ്രീഹരിക്കോട്ടയില്‍ നടത്തി വിജയഗാഥ രചിച്ചു.

ജിപിഎസിനെ വിറപ്പിക്കാന്‍ നാവിക്?

ഗതിനിര്‍ണയ രംഗത്ത് അമേരിക്കയുടെ ജിപിഎസിന് കനത്ത വെല്ലുവിളി സൃഷ്ടിക്കാന്‍ ഇന്ത്യ തദ്ദേശീയമായി വികസിപ്പിച്ച അത്യാധുനിക നാവിഗേഷന്‍ സംവിധാനമാണ് 'നാവിക്' ( NaVIC). നാവിക് സിഗ്നലുകള്‍ പൊതുജനങ്ങള്‍ക്ക് മൊബൈല്‍ ഫോണില്‍ ലഭ്യമാക്കാന്‍ കഴിയുന്ന എല്‍1 ബാന്‍ഡിലുള്ള ഏഴ് നാവിഗേഷന്‍ സാറ്റ‌്‌ലൈറ്റുകളാണ് ഇസ്രൊ വിക്ഷേപിക്കാന്‍ ലക്ഷ്യമിട്ടിരിക്കുന്നത്. ഏഴെണ്ണത്തില്‍ രണ്ട് കൃത്രിമ ഉപഗ്രഹങ്ങളുടെ വിക്ഷേപണം ഇന്നത്തോടെ പൂര്‍ത്തിയായി.

അമേരിക്കയുടെ ജിപിഎസിനെയും, റഷ്യയുടെ ഗ്‌ളാനോസിനെയും, ചൈനയുടെ ബേദൗയെയും, യൂറോപ്യന്‍ യൂണിയന്‍റെ ഗലീലിയെയും വെല്ലുന്ന നാവിഗേഷന്‍ സംവിധാനമാണ് ഐഎസ്ആര്‍ഒ അണിയിച്ചൊരുക്കുന്ന നാവിക്. എല്ലാത്തരം ഗതാഗത സംവിധാനങ്ങള്‍ക്കും ലൊക്കേഷന്‍ അധിഷ്ഠിത സേവനങ്ങള്‍ക്കും സര്‍വേകള്‍ക്കും നാവിക് ഗുണം ചെയ്യും.