KL 6 news

06/05/2024

🟣🔵നടി കനകലത അന്തരിച്ചു. 🟣🔵

നടി കനകലത (63) അന്തരിച്ചു. തിരുവനന്തപുരത്തെ വസതിയിലായിരുന്നു അന്ത്യം. 250ലധികം സിനിമകളിൽ അഭിനയിച്ചു. സിനിമയിലെത്തിയത് നാടകത്തിലൂടെ. പ്രധാന സിനിമകൾ: കിരീടം, അനിയത്തിപ്രാവ്, ജാഗ്രത, ഗുരു, കിലുകില്‍ പമ്പരം, സ്ഫടികം, ദോസ്ത്, മാനത്തെ കൊട്ടാരം, ചെങ്കോൽ, മിഥുനം, പാവക്കൂത്ത്, രാജാവിന്റെ മകൻ, വർണ്ണപ്പകിട്ട്, ആകാശഗംഗ, പഞ്ചവർണ്ണതത്ത തുടങ്ങി നിരവധി സിനിമകളിൽ അഭിനയിച്ചു.

പാര്‍ക്കിന്‍സണ്‍സ്‌ രോഗ ബാധയെ തുടര്‍ന്ന് ചികിത്സയിലിക്കെയാണ് മരണം
തിരുവനന്തപുരം: പ്രശസ്ത സിനിമാ സീരിയല്‍ താരം കനകലത അന്തരിച്ചു. പാര്‍ക്കിന്‍സണ്‍സ്‌ രോഗ ബാധയെ തുടര്‍ന്ന് ചികിത്സയിലിക്കെ തിരുവനന്തപുരത്താണ് അന്ത്യം.

നാടകത്തില്‍ നിന്ന് വെള്ളിത്തിരയിലെത്തിയ കനക ലത തൊണ്ണൂറുകളില്‍ മലയാള സിനിമയില്‍ ചെറുതും വലുതുമായ നിരവധി വേഷങ്ങള്‍ ചെയ്തിട്ടുണ്ട്.

ചില്ല്, കരിയിലക്കാറ്റുപോലെ, രാജാവിന്റെ മകൻ, ജാഗ്രത, കിരീടം, എന്റെ സൂര്യപുത്രിക്ക്, കൗരവർ, അമ്മയാണെ സത്യം, ആദ്യത്തെ കണ്‍മണി, തച്ചോളി വർഗീസ് ചേകവർ, സ്ഫടികം, അനിയത്തിപ്രാവ്, ഹരികൃഷ്ണൻസ്, മാട്ടുപ്പെട്ടി മച്ചാൻ, പ്രിയം, പഞ്ചവർണതത്ത, ആകാശഗംഗ 2 തുടങ്ങി മലയാളത്തിലും തമിഴിലുമായി 350-ലധികം ചിത്രങ്ങളില്‍ കനകലത അഭിനയിച്ചിട്ടുണ്ട്.

കൊല്ലം ജില്ലയിലെ ഓച്ചിറയില്‍ പരമേശ്വരൻ പിളളയുടെയും ചിന്നമ്മയുടെയും മകളായി 1960 ഓഗസ്റ്റ് 24ന് ജനനം. കൊല്ലം ഗവ. ഗേള്‍സ് ഹൈസ്കൂളില്‍ നിന്ന് പ്രാഥമിക വിദ്യാഭ്യാസം നേടി

കോമഡി, അമ്മവേഷം, വില്ലത്തി വേഷങ്ങളിലുടെയും സഹനടിയായും സ്വഭാവ നടിയായും അഭ്രപാളിയില്‍ വിസ്മയം തീര്‍ത്ത നടിയായിരുന്നു കനകലത. ഇന്ദ്രന്‍സ്, കലാഭവന്‍ മണി തുടങ്ങിയ ഹാസ്യതാരങ്ങള്‍ക്കൊപ്പമുളള കനകലതയുടെ കൂട്ട്‌കെട്ടാണ് പ്രേക്ഷകമനസില്‍ എന്നും നിറഞ്ഞ് നില്‍ക്കുന്നതാണ്.

നാടകത്തില്‍ നിന്നായിരുന്നു അഭിനയജീവിതത്തിന്റെ തുടക്കം. അമച്വര്‍ നാടകങ്ങളിലൂടെയാണ് തുടങ്ങയതെങ്കിലും പിന്നീട് പ്രൊഫഷണല്‍ നാടകങ്ങളുടെ ഭാഗമാകുകയായിരുന്നു.2005ലാണ് കനകലത വിവാഹബന്ധം വേര്‍പെടുത്തിയത്. മൂത്ത സഹോദരന്റെ വിയോഗശേഷം അദ്ദേഹത്തിന്റെ മൂന്നു മക്കളെ ഏറ്റെടുത്തതു വളര്‍ത്തി. ഇവര്‍ക്കൊപ്പമായിരുന്നു കനകലത കഴിഞ്ഞിരുന്നത്

06/05/2024

🔵നടി കനകലത അന്തരിച്ചു.🟣🔵

തിരു.: ചെറിയ വേഷങ്ങളിലൂടെ മലയാളികളുടെ മനസ്സില്‍ ചേക്കേറിയ കലാകാരി കനകലത (63) അന്തരിച്ചു. വിവിധ ഭാഷകളിലായി 350ലേറെ ചിത്രങ്ങളില്‍ അഭിനയിച്ചിട്ടുണ്ട്. മറവിരോഗത്തെത്തുടര്‍ന്ന് ചികിത്സയിലായിരുന്നു. പാര്‍ക്കിന്‍സണ്‍സും ഡിമെന്‍ഷ്യയുമാണ് കനകലതയെ തളര്‍ത്തിയത്.
ചില്ല്, കരിയിലക്കാറ്റുപോലെ, രാജാവിന്റെ മകന്‍, ജാഗ്രത, കിരീടം, എന്റെ സൂര്യപുത്രിക്ക്, കൗരവര്‍, അമ്മയാണെ സത്യം, ആദ്യത്തെ കണ്‍മണി, തച്ചോളി വര്‍ഗീസ് ചേകവര്‍, സ്ഫടികം, അനിയത്തിപ്രാവ്, ഹരികൃഷ്ണന്‍സ്, മാട്ടുപ്പെട്ടി മച്ചാന്‍, പ്രിയം, പഞ്ചവര്‍ണ്ണതത്ത, ആകാശഗംഗ 2 തുടങ്ങി മലയാളത്തിലും തമിഴിലുമായി 350ലധികം ചിത്രങ്ങളില്‍ അവര്‍ തന്റെ വേഷങ്ങള്‍ മികച്ചതാക്കി. പൂക്കാലമാണ് അവസാനം പുറത്തിറങ്ങിയ ചിത്രം.
മുപ്പതിലധികം സീരിയലുകളിലും കനകലത വേഷമിട്ടിട്ടുണ്ട്. പ്രമാണി ഇന്ദുലേഖ, സ്വാതി തിരുനാള്‍ തുടങ്ങിയ നാടകങ്ങളിലും കനകലത അഭിനയിച്ചിട്ടുണ്ട്.

06/05/2024

🟣🔵പ്രശസ്ത സംവിധായകൻ ഹരികുമാർ അന്തരിച്ചു🟣🔵

തിരുവനന്തപുരം: ചലച്ചിത്ര സംവിധായകനും തിരക്കഥാകൃത്തുമായ ഹരികുമാർ അന്തരിച്ചു. 70 വയസ്സായിരുന്നു. തിരുവനന്തപുരത്തെ സ്വകാര്യ ആശുപത്രിയിൽ ക്യാൻസർ ബാധിതനായി ചികിത്സയിലായിരുന്നു. ഇന്ന് വൈകുന്നേരം അഞ്ചരയോടെ തിരുവനന്തപുരത്തു വെച്ചാണ് അന്ത്യം. 1981-ല്‍ പുറത്തിറങ്ങിയ ആമ്പല്‍ പൂവാണ് ആദ്യചിത്രം. 1994-ല്‍ എംടി വാസുദേവന്‍ തിരക്കഥയില്‍ സംവിധാനം ചെയ്ത് സുകൃതമാണ് ശ്രദ്ധേയമായ ചിത്രം. ദേശീയ ചലച്ചിത്രപുരസ്‌ക്കാര ജൂറിയില്‍ അംഗമായും പ്രവര്‍ത്തിച്ചിട്ടുണ്ട്. സുകൃതം, ഉദ്യാനപാലകൻ, സ്വയംവരപ്പന്തൽ, എഴുന്നള്ളത്ത് ഉൾപ്പെടെ 18 സിനിമകൾ സംവിധാനം ചെയ്തു. 2022ൽ റിലീസ് ചെയ്‌ത ഓട്ടോറിക്ഷക്കാരന്റെ ഭാര്യയാണ് അവസാനമായി സംവിധാനം ചെയ്‌തത്.

06/05/2024

🟣🔵ഐ.എസ്.ആര്‍.ഒ വിളിക്കുന്നു; പരീക്ഷയില്ലാതെ നേരിട്ട് ജോലി; ഇന്റര്‍വ്യൂ തിരുവനന്തപുരത്ത്🟣🔵

06/05/24

കേന്ദ്ര സര്‍ക്കാര്‍ സ്ഥാപനമായ ഐ.എസ്.ആര്‍.ഒക്ക് കീഴില്‍ വിക്രം സാരാഭായ് സ്‌പേസ് സെന്ററിലേക്ക് ജോലിയവസരം. ഗ്രാജ്വേറ്റ് അപ്രന്റീസ്, ടെക്‌നീഷ്യന്‍സ് അപ്രന്റീസ് തസ്തികകളിലേക്കാണ് നിയമനം നടക്കുന്നത്. വിവിധ ഡിഗ്രി, ഡിപ്ലോമ യോഗ്യതയുള്ളവര്‍ക്കായി ആകെ 99 ഒഴിവുകളാണുള്ളത്. ഉദ്യോഗാര്‍ഥികള്‍ക്ക് നേരിട്ട് ഇന്റര്‍വ്യൂ മുഖേന അപേക്ഷ നല്‍കാം. പരീക്ഷ ഇല്ലാതെ കേരളത്തില്‍ തന്നെ ജോലി ആഗ്രഹിക്കുന്നവര്‍ക്ക് മികച്ചൊരു അവസരമാണിത്. മേയ് 8നാണ് ഇന്റര്‍വ്യൂ.

തസ്തിക& ഒഴിവ്
ISRO- വിക്രം സാരാഭായ് സ്‌പേസ് സെന്ററിലേക്ക് അപ്രന്റീസ് ട്രെയിനിങ് റിക്രൂട്ട്‌മെന്റ്.

ഗ്രാജ്വേറ്റ് അപ്രന്റീസ്, ടെക്‌നീഷ്യന്‍സ് അപ്രന്റീസ് പോസ്റ്റുകളില്‍ ആകെ 99 ഒഴിവുകള്‍.

Advt NO: VSSC/R&R/9.2/WII/02/2024

ഗ്രാജ്വേറ്റ് അപ്രന്റീസ് (ആകെ 50 ഒഴിവ്)

👉ഇലക്ട്രോണിക്‌സ് എഞ്ചിനീയറിങ് = 21
👉മെക്കാനിക്കല്‍ എഞ്ചിനീയറിങ് = 15
👉Metallurgy = 06
👉 ഹോട്ടല്‍ മാനേജ്‌മെന്റ് / കാറ്ററിങ് ടെക്‌നോളജി = 04
👉 ജനറല്‍ സ്ട്രീം (നോണ്‍- എഞ്ചിനീയറിങ്) = 04

ടെക്‌നീഷ്യന്‍ അപ്രന്റീസ് ( ആകെ 49 ഒഴിവ്)

* മെക്കാനിക്കല്‍ എഞ്ചിനീയറിങ് = 30
👉 കൊമേഴ്‌സ്യല്‍ പ്രാക്ടീസ് = 19

പ്രായപരിധി
ഗ്രാജ്വേറ്റ് അപ്രന്റീസ് പോസ്റ്റ് = 28 വയസ് വരെ.

ടെക്‌നീഷ്യന്‍ അപ്രന്റീസ് പോസ്റ്റ് = 30 വയസ് വരെ.

വിദ്യാഭ്യാസ യോഗ്യത

ഗ്രാജ്വേറ്റ് അപ്രന്റീസ്
ഇലക്ട്രോണിക്‌സ്/ മെക്കാനിക്കല് എഞ്ചിനീയറിങ്, Metallurgy

* ബന്ധപ്പെട്ട മേഖലയിലെ എഞ്ചിനീയറിങ് ഡിഗ്രി*

ഹോട്ടല്‍ മാനേജ്‌മെന്റ്/ കാറ്ററിങ് ടെക്‌നോളജി

ഹോട്ടല്‍ മാനേജ്‌മെന്റ്/ കാറ്ററിങ് ടെക്‌നോളജിയില്‍ ഫസ്റ്റ് ക്ലാസ് ഡിഗ്രി (നാലുവര്‍ഷം).

ജനറല്‍ സ്ട്രീം (നോണ്‍- എഞ്ചിനീയറിങ്)

ബാച്ചിലര്‍ ഡിഗ്രി

ടെക്‌നീഷ്യന്‍ അപ്രന്റീസ്

മെക്കാനിക്കല്‍ എഞ്ചിനീയറിങ്
എഞ്ചിനീയറിങ്ങില്‍ ഫസ്റ്റ് ക്ലാസ് ഡിപ്ലോമ

കൊമേഴ്‌സ്യല്‍ പ്രാക്ടീസ്
കൊമേഴ്‌സ്യല്‍ പ്രാക്ടീസില്‍ മൂന്ന് വര്‍ഷ ഡിപ്ലോമ

ശമ്പളം
തെരഞ്ഞെടുക്കപ്പെടുന്നവര്‍ക്ക് നാഷനല്‍ അപ്രന്റീസ് നിയമമനുസരിച്ചുള്ള ശമ്പളം ലഭിക്കും. കൂടുതല്‍ വിവരങ്ങള്‍ക്ക് വിജ്ഞാപനം കാണുക.

അപേക്ഷ
ഉദ്യോഗാര്‍ഥികള്‍ വിക്രം സാരാഭായ് സ്‌പേസ് സെന്ററിന്റെ ഔദ്യോഗിക വെബ്‌സൈറ്റ് സന്ദര്‍ശിച്ച് കൂടുതല്‍ വിവരങ്ങളറിയാം. മേയ് 8ന് നടക്കുന്ന ഇന്റര്‍വ്യൂ മുഖേനയാണ് തെരഞ്ഞെടുപ്പ്.

വിലാസം
VSSC Guest House
ATF Area/ Veli
Near Veli Church
Thiruvananthapuram, Kerala

06/05/2024

🟣🔵കീറിയ കറൻസി നോട്ടുകൾ മാറി നൽകാൻ കഴിയില്ലെന്ന് പറയാൻ ബാങ്കുകൾക്ക് അനുവാദമില്ല:, ആർബിഐ 🟣🔵

06-05-2024

ഇന്ത്യ ഡിജിറ്റലാകുകയാണ്. സാമ്പത്തിക ഇടപാടുകൾ യുപിഐ വന്നതോടെ ക്യാഷ്‌ലെസ്സ് ആകാൻ തുടങ്ങിയിരുന്നു. എങ്കിലും കറൻസികൾ ഉപയോഗം കുറവല്ല, പലപ്പോഴും കറൻസി ഉപയോഗിക്കുമ്പോൾ കേടായ നോട്ടുകൾ ലഭിച്ചാൽ അല്ലെങ്കിൽ കയ്യിലുള്ളവ ഏതെങ്കിലും രീതിയിൽ ഉപയോഗിക്കാൻ കഴിയാത്ത വിധമായാൽ എന്തുചെയ്യും? ആർബിഐ മാർഗ്ഗനിർദ്ദേശ പ്രകാരം ബാങ്കുകൾക്ക് കേടായ കറൻസി നോട്ടുകൾ മാറ്റാം. ഒരു ബാങ്കുകൾക്കും അത് നിരസിക്കാനുള്ള ഓപ്ഷൻ ഇല്ല.

കീറിയതോ ഒട്ടിച്ചതോ മറ്റെന്തെങ്കിലും മാറ്റം വരുത്തിയതോ ഇനി ഉപയോഗിക്കാനാകാത്തതോ ആയ നോട്ടുകൾ മാറ്റുന്നതിനുള്ള മാർഗ്ഗനിർദ്ദേശങ്ങൾ ആർബിഐ പ്രഖ്യാപിച്ചിട്ടുണ്ട്. ഫോമുകൾ പൂരിപ്പിക്കാതെ തന്നെ ഈ ഇടപാടുകൾ പൊതുമേഖലാ ബാങ്ക് ശാഖയിലോ സ്വകാര്യമേഖലാ ബാങ്കിൻ്റെ കറൻസി ചെസ്റ്റ് ശാഖയിലോ ആർബിഐ ഇഷ്യൂ ഓഫീസിലോ നടത്താം. കേടായ നോട്ടുകൾ മാറ്റുന്നതിനുള്ള സേവനവും പൊതുജനങ്ങളുടെ സൗകര്യാർത്ഥം ടിഎൽആർ (ട്രിപ്പിൾ ലോക്ക് റിസപ്റ്റാക്കിൾ) കവറുകൾ വഴി നൽകുന്നുണ്ട്.

ആർബിഐയുടെ നിയന്ത്രണമനുസരിച്ച് ഏത് ബാങ്കിലും പോയി ഈ നോട്ടുകൾ മാറ്റിയെടുക്കാം. റിസർവ് ബാങ്ക് പറയുന്നതനുസരിച്ച് ഒരു ബാങ്കിനും നോട്ടുകൾ മാറാൻ കഴിയില്ലെന്ന് പറയാൻ അനുവാദമില്ല. സെൻട്രൽ ബാങ്കിൻ്റെ നിർദ്ദേശങ്ങൾ അനുസരിച്ച്, അത് പാലിക്കാൻ വിസമ്മതിച്ചാൽ ബാങ്ക് അനന്തരഫലങ്ങൾ നേരിടേണ്ടിവരും.

👉കേടുപാടുകൾ സംഭവിച്ച കറൻസി നോട്ടുകൾ മാറ്റുന്നതിനുള്ള ആർബിഐ വ്യവസ്ഥകൾ

താഴെപ്പറയുന്ന ആവശ്യകതകൾക്ക് വിധേയമായി കേടായ നോട്ടുകൾ ബാങ്കിൽ മാറ്റാവുന്നതാണ്:

1. ഗുണനിലവാരമനുസരിച്ച് നോട്ടിൻ്റെ മൂല്യം കുറയും.

2. ഒരു വ്യക്തിക്ക് 5,000 രൂപയിൽ കൂടുതൽ കേടായ 20 നോട്ടുകൾ ഉണ്ടെങ്കിൽ ഇടപാട് ഫീസ് ബാധകമാകും.

3. ഒരു കൈമാറ്റം നടത്തുന്നതിന് മുമ്പ്, നോട്ടിൽ സുരക്ഷാ ചിഹ്നങ്ങളുണ്ടോ എന്ന് പരിശോധിക്കേണ്ടത് പ്രധാനമാണ്.

നോട്ടുകൾ മാറാൻ ബാങ്ക് വിസമ്മതിച്ചാൽ ഓൺലൈനായി പരാതി നൽകാം. ആർബിഐ ബാങ്ക് ജീവനക്കാർക്ക് എതിരെ നടപടി എടുക്കും . 1000 രൂപ വരെയുള്ള നാശനഷ്ടങ്ങൾക്ക് ബാങ്ക് നഷ്ടപരിഹാരം നൽകാം

06/05/2024

🟣🔵മാതാപിതാക്കളോട് മോശമായി പെരുമാറുന്ന മക്കളെ വീട്ടില്‍ നിന്ന് പുറത്താക്കാം; സംസ്ഥാനത്ത് നിയമഭേദഗതി വരുന്നു🟣🔵

തിരുവനന്തപുരം: പ്രായമായ മാതാപിതാക്കളെ അവഗണിക്കുകയോ മോശമായി പെരുമാറുകയോ ചെയ്യുന്ന മക്കളും പിന്തുടർച്ചാവകാശികളും സൂക്ഷിക്കുക. വയോജനങ്ങൾ പരാതി നൽകിയാൽ നിങ്ങൾ വീടിന് വെളിയിലാവും. മക്കളുടെയോ പിന്തുടർച്ചാവകാശിയുടെയോ പീഡനത്തിനിരയായാൽ മുതിർന്ന പൗരന്മാർക്ക് അവരെ വീട്ടിൽ നിന്നൊഴിവാക്കാനുള്ള അവകാശം നൽകുന്ന നിയമഭേദഗതിക്കാണ് സർക്കാർ സമിതിയുടെ ശുപാർശ.

2009-ലെ 'കേരള മെയിൻ്റനൻസ് ആൻഡ് വെൽഫെയർ ഓഫ് പേരൻ്റ്സ് ആൻഡ് സീനിയർ സിറ്റിസൺസ് റൂൾസ്' ഭേദഗതിക്കായി സംസ്ഥാന സർക്കാർ നിയോഗിച്ച സമിതിയുടെ ശുപാർശയിലാണ് പുതിയ നിർദേശം. വയോജന സംരക്ഷണത്തിന് കർശന നടപടികളാണ് സമിതി ശുപാർശ ചെയ്തിരിക്കുന്നത്.

പരിപാലിക്കാതിരിക്കുകയോ പീഡിപ്പിക്കുകയോ മോശമായി പെരുമാറുകയോ ചെയ്യുന്ന മക്കളെയും പിന്തുടർച്ചാവകാശിയെയും വീട്ടിൽനിന്നൊഴിവാക്കാൻ മുതിർന്ന പൗരന്മാർക്ക് ജില്ലാ മജിസ്ട്രേറ്റിന് പരാതി നൽകാം. ഈ അപേക്ഷ 15 ദിവസത്തിനകം ജില്ലാ മജിസ്ട്രേറ്റ് സബ് ഡിവിഷണൽ മജിസ്ട്രേറ്റിനു കൈമാറണം. അദ്ദേഹം 21 ദിവസത്തിനുള്ളിൽ റിപ്പോർട്ട് നൽകണം. പരാതി ന്യായമെന്നു കണ്ടാൽ, ജില്ലാ
മജിസ്ട്രേറ്റ് ബന്ധപ്പെട്ടവർക്കു നോട്ടീസ് നൽകും. അത് ലഭിച്ച് 30 ദിവസത്തിനകം വീട്ടിൽനിന്നു മാറിയില്ലെങ്കിൽ മജിസ്ട്രേറ്റിനു പൊലീസ് സഹായത്തോടെ ഒഴിപ്പിക്കൽ നടപടികളിലേക്കു നീങ്ങാം. മജിസ്ട്രേറ്റിന്റെ ഉത്തരവിനെതിരെ എതെങ്കിലും തരത്തിലുള്ള ആക്ഷേപം ഉണ്ടെങ്കിൽ അത് പരിഗണിക്കാനുള്ള അധികാരം ഹൈക്കോടതിക്കായിരിക്കും.

വയോജനസുരക്ഷ ഉറപ്പാക്കാൻ സംസ്ഥാനത്ത് പ്രത്യേക പോലീസ് സെൽ വേണമെന്നും ഇതിനായി ഓരോ സ്റ്റേഷനിലും പ്രത്യേകം പൊലീസുകാരനെ ചുമതലപ്പെടുത്തണമെന്നും ശുപാർശയിൽ പറയുന്നു. തദ്ദേശസ്ഥാപനങ്ങൾക്കു കീഴിൽ 'സീനിയർ സിറ്റിസൺ കമ്മിറ്റി' രൂപവത്കരിക്കണം.

വയോജനസുരക്ഷ ഉറപ്പാക്കാൻ ഡിവൈഎസ്‌പി റാങ്കിൽ കുറയാത്ത ഉദ്യോഗസ്ഥന്റെ നേതൃത്വത്തിൽ ജില്ലകളിൽ സ്പെഷ്യൽ പൊലീസ് യൂണിറ്റ് സ്ഥാപിക്കാനും ശുപാർശയുണ്ട്. രണ്ടുപേർ സ്ത്രീകളടക്കം അഞ്ച് സാമൂഹികപ്രവർത്തകരും അതിലുണ്ടാവണം.

06/05/2024

🟣🔵ഉപഭോക്താക്കള്‍ക്ക് തിരിച്ചടിയായി സർചാർജ് ഏർപ്പെടുത്തി🟣🔵

06-05-2024

വൈദ്യുതി നിയന്ത്രണത്തിന് പിന്നാലെ ഉപഭോക്താക്കള്‍ക്ക് തിരിച്ചടിയായി സർചാർജും. നിലവിലുള്ള 9 പൈസ സർചാർജിന് പുറമേ ഈ മാസം 10 പൈസ അധികം ഈടാക്കും. അതേസമയം മേഖല തിരിച്ചുള്ള വൈദ്യുതി നിയന്ത്രണം ഫലം കണ്ടുതുടങ്ങിയതായി വൈദ്യുതി മന്ത്രി കെ.കൃഷ്ണൻകുട്ടി അറിയിച്ചു. സംസ്ഥാനത്ത് വൈദ്യുതി നിയന്ത്രത്തില്‍ തീരുന്നില്ല. വൈദ്യുതി പ്രതിസന്ധി മറികടക്കാൻ സർചാർജും കൊടുക്കണം. നിലവിലുള്ള 9 പൈസ സർചാർജിന് പുറമേ, 10 പൈസ കൂടി സർചാർജായി മെയിലെ ബില്ലില്‍ ഈടാക്കാനാണ് തീരുമാനം. ആകെ 19 പൈസ സർചാർജ്. മാർച്ചിലെ ഇന്ധന സർചാർജായാണ് തുക ഈടാക്കുന്ന്. ഇന്നലെ മുതല്‍ സംസ്ഥാനത്ത് മേഖല തിരിച്ചുള്ള വൈദ്യുതി നിയന്ത്രണം തുടങ്ങി. നിയന്ത്രണത്തില്‍ ജനത്തിന് എതിർപ്പ് ഉണ്ടെങ്കിലും ഉപഭോഗം കുറഞ്ഞെന്നാണ് സർക്കാർ വിലയിരുത്തല്‍ ഇന്നലെ 200 മെഗാവാട്ട് വൈദ്യുതി ഉപഭോഗം കുറഞ്ഞെന്നാണ് കണക്ക്. പത്ത് മിനിറ്റോ, പതിനഞ്ച് മിനിറ്റോ മാത്രം വൈദ്യതി നിയന്ത്രിക്കാനാണ് നിലവില്‍ തീരുമാനം. രണ്ട് ദിവസം ഉപഭോഗ കണക്കുകള്‍ പരിശോധിച്ചതിന് ശേഷം നിയന്ത്രണം തുടരണമോ വേണ്ടയോ എന്നതില്‍ തീരുമാനമെടുക്കും. ഈ വരുന്ന ബുധനാഴ്ചയോടെ മഴ മെച്ചപ്പെടുമെന്ന കാലാവസ്ഥ പ്രവചനങ്ങളും വകുപ്പിന് ആശ്വാസമാണ്. മഴ കിട്ടിയാലും, ചൂട് കൂറഞ്ഞാലും, ബില്ലടയ്ക്കാൻ അധികം പണം വേണ്ടിവരും.

06/05/2024

🟣🔵മൊബൈല്‍ കോളുകളുടെ നിരക്ക് വർധിപ്പിച്ചേക്കും🟣🔵

06-05-2024

മൊബൈല്‍ കോളുകളുടെ നിരക്ക് വർധിപ്പിക്കാന്‍ രാജ്യത്തെ മുന്‍നിര ടെലികോം കമ്പനികള്‍ ഒരുങ്ങുന്നു. ജൂണ്‍ നാലിന് പൊതുതെരഞ്ഞെടുപ്പ് ഫലം പുറത്തുവന്നതിന് ശേഷം നിരക്കുകള്‍ 25 ശതമാനം ഉയര്‍ത്താനാണ് മുന്‍നിര മൊബൈല്‍ സേവനദാതാക്കളായ റിലയന്‍സ് ജിയോ, ഭാരതി എയര്‍ടെല്‍, വോഡഫോണ്‍ ഐഡിയ (വി) തുടങ്ങിയ കമ്പനികള്‍ ധാരണയിലെത്തിയിരിക്കുന്നത്. സ്പെക്‌ട്രം ലേലത്തില്‍ കമ്പനികള്‍ക്ക് മേല്‍ അധിക ഫീ ബാധ്യത കൂടി വരുന്നതിനാല്‍ നിലവിലുള്ള നിരക്കുകള്‍ ഉയര്‍ത്താതെ മാര്‍ഗ്ഗമില്ലെന്ന് ടെലികോം കമ്പനികള്‍ പറയുന്നു. ലോകത്തിലെ മറ്റ് പ്രമുഖ വിപണികളുമായി താരതമ്യം ചെയ്യുമ്പോള്‍ ഒരു ഉപയോക്താവില്‍ നിന്നുള്ള പ്രതിയോഹരി വരുമാനം(എആര്‍പിയു) ഏറ്റവും കുറവ് ഇന്ത്യയിലാണ്. താരിഫ് വർധിപ്പിച്ചില്ലെങ്കില്‍ ടെലികോം കമ്പനികളുടെ പ്രവര്‍ത്തനം പ്രതിസന്ധിയിലാകുമെന്നും അവര്‍ പറയുന്നു. ഇന്‍റര്‍നെറ്റ് ഉപയോഗം തുടര്‍ച്ചയായി കൂടുന്നതിനാല്‍ താരിഫ് കൂട്ടിയില്ലെങ്കില്‍ പോലും ടെലികോം നിരക്കുകള്‍ പത്ത് മുതല്‍ 15 ശതമാനം വരെ ഉയരാനിടയുണ്ട്. പ്രതിയോഹരി വരുമാനം 300 രൂപയിലധികമാകാതെ ഇന്ത്യയിലെ ടെലികോം സേവനങ്ങള്‍ ലാഭകരമാകില്ലെന്ന് അനലിസ്റ്റുകള്‍ പറയുന്നു. രാജ്യം ഡിജിറ്റല്‍വൽകരണം വേഗത്തിലാക്കുമ്പോഴും അഞ്ചാം തലമുറ (5G) സേവനങ്ങള്‍ വ്യാപകമാക്കുന്നതില്‍ മുന്‍നിര ടെലികോം കമ്പനികള്‍ മെല്ലെപ്പോക്ക് നയമാണ് സ്വീകരിക്കുന്നത്. 5G സേവനങ്ങള്‍ ലഭ്യമാക്കാന്‍ അധിക നിക്ഷേപം ആവശ്യമാണെങ്കിലും വരുമാനം കാര്യമായി കൂടാത്തതാണ് മുന്‍നിര ടെലികോം കമ്പനികള്‍ക്ക് വലിയ വെല്ലുവിളി സൃഷ്ടിക്കുന്നത്. ജിയോയും എയര്‍ടെല്ലും 5G വ്യാപകമാക്കുന്നുവെന്ന് അവകാശപ്പെടുമ്പോഴും ഇക്കാര്യത്തില്‍ വലിയ ആവേശം ദൃശ്യമല്ല. അടിസ്ഥാന സൗകര്യങ്ങള്‍ ലഭ്യമാക്കുന്നതിന് ഏറ്റവും ഉയര്‍ന്ന മൂലധന നിക്ഷേപം ആവശ്യമുള്ള ടെലികോം വിപണിയില്‍ നിന്ന് കൂടുതല്‍ പണം ഊറ്റിയെടുക്കാന്‍ സ്പെക്‌ട്രം ലേലത്തുകയ്ക്കൊപ്പം അധിക ഫീ കൂടി ഈടാക്കുന്നതിനാല്‍ കമ്പനികള്‍ വലിയ ബാധ്യതയാണ് നേരിടുന്നത്. നിലവില്‍ ഭാരതി എയര്‍ടെല്ലിനാണ് ഉപയോക്താക്കളില്‍ നിന്നും പ്രതിമാസം ഏറ്റവും ഉയര്‍ന്ന വരുമാനം ലഭിക്കുന്നത്. എയര്‍ടെല്ലിന് 208 രൂപയും റിലയന്‍സ് ജിയോയ്ക്ക് 182 രൂപയും വൊഡഫോണ്‍ ഐഡിയയ്ക്ക് 160 രൂപയുമാണ് ലഭിക്കുന്നത്.

05/05/2024

കുമളി മൂന്നാം മൈൽ സമീപം EBT ബസ് അപകടത്തിൽപ്പെട്ടു.കട്ടപ്പനയിൽ നിന്നും കുമളിക്ക് വരികയായിരുന്ന EBT ബസ് ആണ് അപകടത്തിൽപ്പെട്ടത്.. ബസ്സിന്റെ ബ്രേക്ക് നഷ്ടപ്പെട്ടതാണ് അപകടകാരണം.. എന്നറിയുന്നു,
അപകടത്തിൽ ആർക്കും പരിക്കുകളില്ല..

29/04/2024

🟣🔵കരടിപ്പാറ ബസ് അപകടത്തിന് 50 വയസ്സ്: 1974 ഏപ്രിൽ 29 ന് ഉണ്ടായ അപകടത്തിൽ മരിച്ചത് 33 പേർ🟣🔵

അടിമാലി:കരടിപ്പാറ ബസ് അപകടത്തിന് 50 വയസ്സ്. 1974 ഏപ്രിൽ 29ന് കൊച്ചി ~ ധനുഷ്കോടി ദേശീയപാതയിൽ കരടിപ്പാറ വളവിലുണ്ടായ അപകടത്തിൽ 10 സ്ത്രീകളടക്കം 33 പേരാണ് മരിച്ചത്. 24 പേർക്ക് പരിക്കേറ്റു. രാവിലെ എട്ടിന് നിറയെ യാത്രക്കാരുമായി മൂന്നാറിൽനിന്ന് പുറപ്പെട്ട കെ.എസ്.ആർ.ടി.സി ബസ് എതിരെ വന്ന പാർസൽ ലോറിക്ക് സൈഡ് കൊടുക്കുന്നതിനിടെ നിയന്ത്രണംവിട്ട് 1500 അടി താഴ്ചയിലേക്ക് മറിയുകയായിരുന്നു.

പാറക്കെട്ടിൽ ഇടിച്ച് ഏലത്തോട്ടത്തിലേക്ക് വീണ ബസിൽനിന്ന് യാത്രക്കാരെ പുറത്തെത്തിക്കാൻ മണിക്കൂറുകൾ വേണ്ടിവന്നു. ആനച്ചാൽ, തോക്കുപാറ, കല്ലാർ എന്നിവിടങ്ങളിൽനിന്ന് എത്തിയ നാട്ടുകാരാണ് രക്ഷാപ്രവർത്തനം നടത്തിയത്. ബസ് ഡ്രൈവർ തലയോലപ്പറമ്പ് സ്വദേശി ദാമോദരൻ പരിക്കുകളോടെ രക്ഷപ്പെട്ടെങ്കിലും കണ്ടക്ടർ വടശ്ശേരിക്കര സാമുവൽ തൽക്ഷണം മരിച്ചു. പരിക്കേറ്റവരെ ആദ്യം കണ്ണൻദേവൻ ആശുപത്രിയിലാണ് എത്തിച്ചത്. വഴിയിൽതന്നെ പലരും മരിച്ചു. ഇടുക്കി സന്ദർശിക്കാനെത്തിയ അന്നത്തെ ഗവർണർ എൻ.എൻ. വാഞ്ചുവും കലക്ടർ ഡി. ബാബുപോളും ആശുപത്രിയിൽ ഓടിയെത്തി. മൂന്നാറിലെ ഒരു കുടുംബത്തിൽനിന്നുള്ള വൈദ്യരമ്മ എന്ന കളരിക്കൽ മേരി ആന്‍റണി, മകൾ റാണി, റാണിയുടെ ഭർത്താവ് ജോസി, ബന്ധു ലിസമോൾ എന്നിവർ മരിച്ചവരിൽപെടുന്നു. മൂന്നാറിൽ മെഡിക്കൽ സ്റ്റോർ നടത്തിയിരുന്ന ഈ കുടുംബം കല്ലാറിലെ ഏലത്തോട്ടത്തിലേക്ക് പോകുകയായിരുന്നു. ലിസയുടെ സഹോദരി ഒരു വയസ്സുള്ള ലിൻഡ അത്ഭുതകരമായി രക്ഷപ്പെട്ടു. ലിൻഡ ഇപ്പോൾ ഡൽഹിയിൽ അഭിഭാഷകയാണ്.

കാറിൽ പിന്തുടർന്നെത്തി ബസിൽ കയറി മരണത്തിന് കീഴടങ്ങിയ സിസി ഈ ദുരന്തത്തിന്‍റെ നൊമ്പരപ്പെടുത്തുന്ന ഓർമയാണ്. മൂന്നാറിൽ ദന്താശുപത്രി നടത്തിയിരുന്ന ഡോ. പോൾ ബാബുവിന്‍റെ മകളായ സിസി വന്നപ്പോഴേക്കും ബസ് പുറപ്പെട്ടിരുന്നു. തുടർന്ന് ബാബു കാറിൽ മകളുമായി ബസിനെ പിന്തുടർന്നു. ഒന്നര കി.മീ. കഴിഞ്ഞപ്പോൾ ബസിന്‍റെ മുന്നിലെത്തിയ മകളെ കയറ്റിവിട്ടു. ആദ്യം സ്ഥിരീകരിച്ച മരണം സിസിയുടേതായിരുന്നു. അന്ന് കരടിപ്പാറയിൽ ആകെയുണ്ടായിരുന്നത് ഒരു ചായക്കട മാത്രമാണ്. ഇതിനടുത്ത് താമസിച്ചിരുന്ന പൈലിയുടെ മകൾ 12 വയസ്സുള്ള തുളസിയാണ് ബസ് മറിയുന്നത് ആദ്യം കണ്ടത്. കരടിപ്പാറക്ക് ഇപ്പോഴും കാര്യമായ മാറ്റമില്ല. ചായക്കടയുടെ സ്ഥാനത്ത് ഒരു റസ്റ്റാറന്‍റും ചെറിയ പെട്ടിക്കടകളും വന്നു. ബസ് മറിഞ്ഞ സ്ഥാനത്ത് പിന്നീട് കൈവരിയും ചുറ്റുമതിലും സ്ഥാപിച്ചു. അപകടത്തിൽ മരിച്ച മൂന്നാർ ബ്രദേഴ്സ് ഹോട്ടൽ ഉടമ മാത്യുവിന്‍റെ കുടുംബാംഗങ്ങൾ കോട്ടയം വടക്കൻ മണ്ണൂർ സെന്‍റ് തോമസ് പള്ളി സെമിത്തേരിയിലെത്തി എല്ലാ വർഷവും പ്രാർഥന നടത്താറുണ്ട്.

29/03/2024

🟣🔵എം .ജി സർവകലാശാലയില്‍ റൂസാ പ്രോജക്ടില്‍ റിസർച്ച്‌ അസിസ്റ്റന്റ് തസ്തികയില്‍ നിയമനത്തിന് അപേക്ഷ ക്ഷണിച്ചു🟣🔵

29/03/24

ഏതെങ്കിലും സോഷ്യല്‍ സയൻസ് വിഷയങ്ങളില്‍ (ഗാന്ധിയൻ സ്റ്റഡീസിനും ഡെവലപ്പ്മെന്റ് സ്റ്റഡീസിനും മുൻഗണന) ബിരുദാനന്തര ബിരുദവും യു.ജി.സി നെറ്റുമാണ് അടിസ്ഥാന യോഗ്യത. ഫീല്‍ഡ് ബേസ്ഡ് റിസർച്ച്‌ പ്രോജക്ടുകളിലും, ട്രാൻസ്‌ക്രിപ്റ്റുകളും റിസർച്ച്‌ റിപ്പോർട്ടുകളും തയ്യാറാക്കുന്നതിലുമുള്ള പ്രവൃത്തിപരിചയവും ഇംഗ്ലീഷ് പരിജ്ഞാനവും അഭികാമ്യം. 25000 രൂപ ഓണറേറിയം ലഭിക്കും. നാലു മാസത്തേക്കുള്ള നിയമനം പ്രോജക്‌ട് തീരുന്നത് വരെ നീട്ടി നല്‍കിയേക്കാം. [email protected] എന്ന മെയിലില്‍ ഏപ്രില്‍ 9 വരെ അപേക്ഷിക്കാം. ഫോണ്‍ : 9447887321.

28/03/2024

🟣🔵ഈ വരുന്ന ശനിയും ഞായറും ബാങ്കുകൾ പ്രവർത്തിക്കും🟣🔵

*28-03-2024*

ഈ വരുന്ന ശനിയാഴ്ചയും ഈസ്റ്റര്‍ ദിനമായ ഞായറാഴ്ചയും (മാർച്ച്‌ 31) രാജ്യവ്യാപകമായി ബാങ്കുകള്‍ പ്രവര്‍ത്തിക്കും. സര്‍ക്കാരിന്റെ സാമ്പത്തിക ഇടപാടുകള്‍ നടക്കുന്ന ഏജന്‍സി ബാങ്കുകളുടെ ശാഖകളാണ് തുറക്കുക. 2023-24 സാമ്പത്തിക വര്‍ഷത്തെ അവസാന ദിവസങ്ങളായതിനാലും നിരവധി സര്‍ക്കാര്‍ നടപടികള്‍ പൂര്‍ത്തിയാക്കേണ്ടതുള്ളതിനാലുമാണ് ശാഖകള്‍ തുറക്കാന്‍ റിസര്‍വ് ബാങ്ക് നിര്‍ദേശിച്ചത്. കേന്ദ്രസര്‍ക്കാര്‍ ആവശ്യപ്പെട്ട പ്രകാരമാണ് നടപടി.

*ലഭിക്കുന്ന സേവനങ്ങള്‍*

ഈ ശനിയും (നാലാം ശനി) ഞായറും നാഷണല്‍ ഇലക്‌ട്രോണിക് ഫണ്ട്‌സ് ട്രാന്‍സ്ഫര്‍, റിയല്‍ടൈം ഗ്രോസ് സെറ്റില്‍മെന്റ് എന്നീ സേവനങ്ങള്‍ ലഭിക്കും. സര്‍ക്കാര്‍ അക്കൗണ്ടുമായി ബന്ധപ്പെട്ട എല്ലാ ചെക്കുകളുടെയും ക്ലിയറിംഗ് നടപടികളും അന്നേദിവസങ്ങളില്‍ നടക്കും. കേന്ദ്ര-സംസ്ഥാന സര്‍ക്കാരുകളുടെ റെസീറ്റ്, പേയ്‌മെന്റ് ഇടപാടുകള്‍, പെന്‍ഷന്‍ വിതരണം, സ്‌പെഷ്യല്‍ ഡെപ്പോസിറ്റ് സ്‌കീം, പബ്ലിക് പ്രൊവിഡന്റ് ഫണ്ട് സ്‌കീം, സീനിയര്‍ സിറ്റിസണ്‍സ് സേവിംഗ്‌സ് സ്‌കീം, കിസാന്‍ വികാസ് പത്ര, സുകന്യ സമൃദ്ധി യോജന, റിസര്‍വ് ബാങ്ക് അംഗീകൃത ബോണ്ട് ഇടപാടുകള്‍ തുടങ്ങിയവയുമായി ബന്ധപ്പെട്ട സേവനങ്ങളും ഈ ശനിയും ഞായറും നടത്താം.

26/03/2024

🟣🔵വോട്ടറുടെ പോളിംഗ് ബൂത്തും സ്ഥാനാർത്ഥി ആരെന്നും അറിയാൻ വഴിയുണ്ട്🟣🔵
https://chat.whatsapp.com/FOOr9twpdEI6VcUZdlF249

ജില്ലാ ഇന്‍ഫര്‍മേഷന്‍ ഓഫീസ്, ഇടുക്കി
വാര്‍ത്താക്കുറിപ്പ്
25 മാര്‍ച്ച് 2024

👉നോ യുവര്‍ കാൻഡിഡേറ്റ് (കെ.വൈ.സി ) ആപ്ലിക്കേഷനിലൂടെ സ്ഥാനാർത്ഥിയാരെന്നും അറിയാം

രാജ്യത്ത് ഏഴു ഘട്ടങ്ങളിലായി നടക്കുന്ന ലോക്‌സഭ തിരഞ്ഞെടുപ്പിൽ വോട്ടര്‍മാര്‍ക്കായി പത്ത് ലക്ഷത്തിലധികം പോളിംഗ് സ്റ്റേഷനുകളാണ് സജ്ജീകരിക്കുന്നത്. അപ്പോൾ പോളിംഗ് ബൂത്ത് കണ്ടുപിടിക്കുക ശ്രമകരമാന്നെന്ന് ചിലർക്കെങ്കിലും തോന്നുക സ്വാഭാവികം. ഈ സാഹചര്യത്തിലാണ് വോട്ടർമാർക്ക് തങ്ങളുടെ ബൂത്ത് ഏതാണ് എന്നറിയാനുള്ള എളുപ്പവഴി ഇലക്ഷൻ കമ്മീഷൻ ഒരുക്കുന്നത്. electoralsearch.eci.gov.in വെബ്‌സൈറ്റിലൂടെ ഓരോ വോട്ടർമാർക്കും തൊട്ടടുത്തുള്ള ബൂത്തുകള്‍ കണ്ടെത്തി വോട്ട് ചെയ്യാനാകും.

വെബ്‌സൈറ്റില്‍ പ്രവേശിച്ച് പേര്, ജനനത്തീയതി , ജില്ല, നിയമസഭ മണ്ഡലം എന്നിങ്ങനെയുള്ള വിവരങ്ങള്‍ നല്‍കിയാല്‍ ബൂത്ത് ഏതെന്നു അറിയാനാകും. കൂടാതെ വോട്ടര്‍ ഐഡി കാര്‍ഡ് നമ്പര്‍ മാത്രം നല്‍കി സെര്‍ച്ച് ചെയ്ത് പോളിംഗ് ബൂത്ത് കണ്ടെത്തുന്നതിനുള്ള സംവിധാനവും വെബ്‌സൈറ്റിലുണ്ട്. വോട്ടര്‍ ഐഡിക്കൊപ്പം രജിസ്റ്റര്‍ ചെയ്തിട്ടുള്ള മൊബൈല്‍ നമ്പര്‍ നല്‍കി ഒ.ടി.പി നൽകിയാലും വിവരം ലഭ്യമാകും. മൂന്ന് രീതിയിലൂടെയും പോളിംഗ് ബൂത്ത് കണ്ടെത്തുമ്പോഴും ഫലം ലഭിക്കാന്‍ സ്‌ക്രീനില്‍ കാണിക്കുന്ന ക്യാപ്ച്ച കോഡ് കൃത്യമായി നല്‍കണം.

പോളിംഗ് ബൂത്ത് കണ്ടെത്തിയാല്‍ ഗൂഗിള്‍ മാപ്പ് വഴി ബൂത്തിന്റെ ലൊക്കേഷന്‍ മനസിലാക്കാം. ആന്‍ഡ്രോയ്ഡ്, ഐ ഒ എസ് പ്ലാറ്റ്‌ഫോമില്‍ വരുന്ന വോട്ടർ ഹെല്പ് ലൈൻ ആപ്പ് വഴിയും ഹെല്‍പ്‌ലൈന്‍ നമ്പറായ 1950 ല്‍ ബന്ധപ്പെട്ടാലും പോളിംഗ് ബൂത്ത് സംബന്ധിച്ച വിവരങ്ങള്‍ ലഭിക്കും.

ലോക്സഭ തിരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളെക്കുറിച്ച്‌ കൂടുതൽ അറിയാനുള്ള മൊബൈൽ ആപ്ലിക്കേഷനാണ് നോ യുവര്‍ കാൻഡിഡേറ്റ് (കെ.വൈ.സി ) ആപ്ലിക്കേഷൻ. അതത് മണ്ഡലങ്ങളിലെ സ്ഥാനാർത്ഥികൾ, നാമനിർദ്ദേശ പത്രിക സമർപ്പിക്കുന്ന സമയത്തെ അവരുടെ പശ്ചാത്തലം, സത്യവാങ്മൂലം എന്നിവ സംബന്ധിച്ച വിവരങ്ങൾ അറിയുന്നതിനായി വോട്ടർമാർക്ക് ഉപയോഗിക്കുന്ന ഉപഭോക്തൃ സൗഹൃദ മൊബൈൽ ആപ്പ് ആണ് കെവൈസി.

വോട്ടർമാർക്ക് സ്ഥാനാർത്ഥികളുടെ പേരുകൾ ഉപയോഗിച്ച് ആപ്ലിക്കേഷനിൽ നിന്നും വിവരങ്ങൾ മനസ്സിലാക്കാനാകും . സ്ഥാനാർത്ഥികൾ ഉൾപ്പെട്ടിട്ടുള്ള ക്രിമിനൽ കേസുകളും, കേസിന്റെ നിലവിലെ സ്ഥിതിയും ആപ്ലിക്കേഷനിലൂടെ അറിയാം. ആൻഡ്രോയിഡ്, ഐ.ഒ.എസ് പ്ലാറ്റ്‌ഫോമുകളിൽ ആപ്ലിക്കേഷൻ ഡൗൺലോഡ് ചെയ്യാൻ സാധിക്കും.

WhatsApp Group Invite

24/03/2024

🟣🔵ഇടുക്കി ചേറ്റുകുഴിയിലുണ്ടായ വാഹനാപകടത്തിൽ അഞ്ചു വയസുകാരിക്ക് ദാരുണാന്ത്യം 🟣🔵

ഇടുക്കി ചേറ്റുകുഴിയിലുണ്ടായ വാഹനാപകടത്തിൽ അഞ്ചു വയസുകാരിക്ക് ദാരുണാന്ത്യം. അച്ചക്കട കാട്ടേഴത്ത് എബി – അമലു ദമ്പതികളുടെ മകൾ ആമി എൽസ (5) ആണ് മരിച്ചത്. മലയാറ്റൂർ തീർത്ഥാടനം കഴിഞ്ഞു മടങ്ങിയ സംഘം സഞ്ചരിച്ച വാനും കെ എസ് ആർ റ്റി സി ബസും തമ്മിൽ കൂട്ടിയിടിച്ചാണ് അപകടം. വാഹനമോടിച്ചിരുന്ന എബി, ഭാര്യ അമലു, മകൻ എയ്ഡൻ, എബിയുടെ മാതാപിതാക്കളായ തങ്കച്ചൻ,മോളി എന്നിവർക്ക് സാരമായി പരിക്കേറ്റു. ഇവരെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്ന് രാവിലെ 7മണിയോടെയാണ് അപകടം നടന്നത്. ജെ.സി.ബി ഉപയോഗിച്ച് വാഹനം പൊളിച്ചാണ് ആളുകളെ പുറത്തെടുത്തത്. ചേറ്റുകുഴി ബദനി സ്ഖൂളിന് സമീപമാണ് വാഹനം ഇടിച്ചത്. കമ്പത്തുനിന്നും കട്ടപ്പനയ്ക്ക് വന്ന ബസിലാണ് വാൻ ഇടിച്ചത്.

23/03/2024

🔵🟣ഇന്ന് രാത്രി ഒരു മണിക്കൂര്‍ വൈദ്യുതി ഉപയോഗം കുറച്ച് ഭൗമ മണിക്കൂര്‍ ആചരിക്കാന്‍ ആഹ്വാനം🟣🔵

സംസ്ഥാനത്ത് ഇന്ന് ഒരു മണിക്കൂര്‍ ഭൗമ മണിക്കൂര്‍ ആചരിക്കാന്‍ ആഹ്വാനം ചെയ്ത് വൈദ്യുത മന്ത്രി കൃഷ്ണന്‍ കുട്ടി. ഇന്ന് രാത്രി 8:30 മുതല്‍ 9:30 വരെ അത്യാവശ്യമല്ലാത്ത എല്ലാ വൈദ്യുത ഉപകരണങ്ങളും ഓഫ് ചെയ്യാന്‍ മന്ത്രി ആവശ്യപ്പെട്ടു. ആഗോളതാപനത്തില്‍ നിന്നും കാലാവസ്ഥ വ്യതിയാനത്തില്‍ നിന്നും രക്ഷ നേടാനുള്ള സംരഭത്തില്‍ പങ്കാളികളാവുകയെന്ന ഉദ്ദേശത്തോടെയാണ് നടപടിയെന്ന് അദ്ദേഹം അറിയിച്ചു.

ആഗോള താപനത്തിനെതിരെ കേരളത്തില്‍ എല്ലാ വര്‍ഷവും ഭൗമ മണിക്കൂര്‍ ആചരിക്കാറുണ്ട്. ഭൂമിയെ സംരക്ഷിക്കുകയെന്ന സന്ദേശവുമായി വേള്‍ഡ് വൈഡ് ഫണ്ട് ഫോര്‍ നേച്ചറാണ് ഈ സംരഭം ആരംഭിച്ചത്. 190ല്‍പരം ലോകരാഷ്ട്രങ്ങള്‍ എല്ലാ വര്‍ഷവും മാര്‍ച്ച് അവസാന ശനിയാഴ്ച ഒരു മണിക്കൂര്‍ വൈദ്യുത വിളക്കുക്കള്‍ അണച്ച് സംരംഭത്തില്‍ പങ്കുചേരുന്നു.

വൈദ്യുതി ഉപയോഗം ക്രമാതീതമായി ഉയരുന്ന ഈ കാലഘട്ടത്തില്‍ ഭൗമ മണിക്കൂര്‍ ആചരണത്തിന് വലിയ പ്രസക്തിയുണ്ടെന്ന് വൈദ്യുതി മന്ത്രി പറഞ്ഞു.

22/03/2024

🟣🔵ഇടുക്കി അണക്കരയിൽ സ്കൂൾ ബസ് ജീവനക്കാരനെ പൊള്ളലേറ്റ് മരിച്ച നിലയിൽ കണ്ടെത്തി🟣🔵

കുമളി :ഇടുക്കി അണക്കരയിൽ സ്കൂൾ ബസ് ജീവനക്കാരനെ പൊള്ളലേറ്റ് മരിച്ച നിലയിൽ കണ്ടെത്തി. അണക്കര സ്വദേശി കളങ്ങരയിൽ തങ്കച്ചൻ(50) ആണ് മരിച്ചത്. സമീപത്ത് ഇയാൾ സഞ്ചരിച്ചിരുന്ന ബൈക്കും കത്തിയ നിലയിൽ കണ്ടെത്തിയിട്ടുണ്ട്. ബൈക്കിന് തീ പിടിച്ച് പൊള്ളലേറ്റത് ആണെന്നാണ് പ്രാഥമിക നിഗമനം.

19/03/2024

🟣🔵ഇടുക്കിയിൽ ഓൺലൈൻ ജോലി വാഗ്ദാനം ചെയ്ത് 26 ലക്ഷം രൂപ തട്ടിയെടുത്ത സംഭവം :മൂന്ന്‌ പേർ കൂടി പിടിയിൽ🟣🔵

ഇടുക്കി സ്വദേശിനിയായ യുവതിയെ പാര്‍ട്‌ടൈം ജോലി നല്‍കാമെന്നു പറഞ്ഞ്‌ കബളിപ്പിച്ച്‌ 26 ലക്ഷം രൂപ തട്ടിയെടുത്ത സംഭവത്തില്‍ മൂന്ന്‌ പേരെ കൂടി ഇടുക്കി സൈബര്‍ ക്രൈം പോലീസ്‌ അറസ്‌റ്റ്‌ ചെയ്‌തു.

മലപ്പുറം നെടുംപറമ്പ് വലിയപറമ്പില്‍ ഹയറുന്നിസ (45), മലപ്പുറം കീഴ്‌മുറി എടക്കണ്ടന്‍ മുഹമ്മദ്‌ അജ്‌മല്‍ (19), മലപ്പുറം വലിയോറ കാവുങ്കല്‍ ഉബൈദ്‌ (33) എന്നിവരെയാണ്‌ അറസ്‌റ്റ്‌ ചെയ്‌തതത്‌. ഇതോടെ ഈ കേസില്‍ അറസ്‌റ്റിലായവരുടെ എണ്ണം അഞ്ചായി. മലപ്പുറം ചെറുവട്ടൂര്‍ പുളിക്കുഴിയില്‍ റഫീക്ക്‌ (36), മലപ്പുറം മോങ്ങം കറുത്തേടത്ത്‌ ഇര്‍ഷാദ്‌ (29) എന്നിവരാണ്‌ നേരത്തെ അറസ്‌റ്റിലായത്‌.

ഇടുക്കി ജില്ലാ പോലീസ്‌ മേധാവി ടി.കെ. വിഷ്‌ണു പ്രദീപിന്റെ നിര്‍ദേശാനുസരണം ഡി. സി. ആര്‍. ബി ഡിവൈ എസ്‌.പി: കെ. ആര്‍ ബിജുവിന്റെ നേതൃത്വത്തില്‍ ക്രൈം പോലീസ്‌ സ്‌റ്റേഷന്‍ എസ്‌.ഐ: എം.എ.സിബി, സീനിയര്‍ സി.പി.ഒ: മാത്യൂസ്‌ തോമസ്‌, സി.പി.ഒമാരായ അമല്‍, ജിലു മോള്‍, ശിവപ്രസാദ്‌ എന്നിവര്‍ ചേര്‍ന്നാണ്‌ പ്രതികളെ അറസ്‌റ്റു ചെയ്‌തത്‌. തൊടുപുഴ ഫസ്‌റ്റ്‌ ക്ലാസ്‌ മജിസ്‌ട്രേറ്റ്‌ കോടതിയില്‍ ഹാജരാക്കിയ പ്രതികളെ റിമാൻഡ് ചെയ്‌തു.

16/03/2024

🟣🔵അത്യുഷ്ണം നാടെങ്ങും: തണ്ണീര്‍പന്തലുകള്‍ ഒരുക്കാന്‍ സഹകരണ വകുപ്പ്🟣🔵

ഉഷ്ണതരംഗം, സൂര്യാഘാതം എന്നിവയുടെ സാധ്യത മുന്‍നിര്‍ത്തി സംസ്ഥാനത്തെ എല്ലാ സ്ഥലങ്ങളിലും തണ്ണീര്‍പന്തലുകള്‍ ഒരുക്കാന്‍ സഹകരണ വകുപ്പ് മന്ത്രി വി എന്‍ വാസവന്‍ നിര്‍ദ്ദേശിച്ചു. മുഖ്യമന്ത്രിയുടെ നിര്‍ദ്ദേശാനുസരണം കഴിഞ്ഞ വര്‍ഷം സഹകരണ മേഖലയില്‍ തണ്ണീര്‍ പന്തലുകള്‍ ഒരുക്കിയിരുന്നു. എന്നാല്‍ ഇത്തവണ പല മേഖലയിലും ചൂട് ഇപ്പോള്‍ തന്നെ വളരെ കൂടിയിരിക്കുകയാണ് അതിനാല്‍ ജനങ്ങള്‍ക്ക് സൗകര്യങ്ങള്‍ ഒരുക്കുന്നതിനായി സഹകരണവകുപ്പ് ഈ ഉത്തരവാദിത്വം ഏറ്റെടുക്കുകയാണന്ന് മന്ത്രി അറിയിച്ചു.

എല്ലാ ബാങ്കുകളും അവരുടെ മേഖലയിലെ പൊതു ഇടങ്ങളിലും, വ്യാപാര തെരുവുകളിലും ആവശ്യാനുസരണം ‘തണ്ണീര്‍ പന്തലുകള്‍’ ആരംഭിക്കുവനാണ് നിര്‍ദ്ദേശിച്ചിരിക്കുന്നത്. സംസ്ഥാനം ഇതുവരെ അഭിമുഖീകരിക്കാത്ത അത്യുഷ്ണമാണ് അനുഭവിക്കുന്നത്. കൊവിഡ് കാലത്തും പ്രളയകാലത്തും ജനങ്ങളെ സഹായിക്കാന്‍ സഹകരണപ്രസ്ഥാനങ്ങള്‍ മുന്‍നിരയില്‍ ഉണ്ടായിരുന്നു. അതേ രീതിയില്‍ സാമൂഹിക ഉത്തരവാദിത്വം എന്ന നിലയില്‍ ഇതിന്റെ ഭാഗമാവുന്നത്. വേനല്‍ അവസാനിക്കുന്ന സമയം വരെ തണ്ണീര്‍ പന്തലുകള്‍ നിലനിര്‍ത്തണം.

തണ്ണീര്‍പ്പന്തലുകളില്‍ സംഭാരം, തണ്ണിമത്തന്‍ ജ്യൂസ് തണുത്ത വെള്ളം, അത്യാവശ്യം ഒആര്‍എസ് എന്നിവ കരുതണം. പൊതുജനങ്ങള്‍ക്ക് ഇത്തരം ‘തണ്ണീര്‍ പന്തലുകള്‍’ എവിടെയാണ് എന്ന അറിയിപ്പും നല്‍കണം. ഇവയ്ക്കായി പൊതു കെട്ടിടങ്ങള്‍, സുമനസ്‌കര്‍ നല്‍കുന്ന കെട്ടിടങ്ങള്‍ എന്നിവ ഉപയോഗിക്കാം. അടുത്ത 15 ദിവസത്തിനുള്ളില്‍ ഇതു നടപ്പാക്കുവാനാണ് മന്ത്രി നിര്‍ദേശം നല്‍കിയിരിക്കുന്നത്.

16/03/2024

🟣🔵 ഒരു വർഷത്തെ വൈദ്യുതി ബിൽ മുൻകൂർ അടച്ചാൽ കൂടുതൽ ഇളവ്.🟣🔵

തിരു.: 'ഒരുവർഷത്തെ വൈദ്യുതി ബിൽ മുൻകൂർ അടയ്ക്കൂ, കൂടുതൽ ഇളവുകൾ നേടൂ'- വൈകാതെ ഇത്തരമൊരു വാഗ്ദാനവുമായി വൈദ്യുതിബോർഡ് ഉപഭോക്താക്കളുടെ മുന്നിലെത്തും. സാമ്പത്തികപ്രതിസന്ധി നേരിടുന്ന വൈദ്യുതി ബോർഡിന് അടിയന്തരമായി കൂടുതൽ പണം വേണം. സർക്കാർ സ്ഥാപനങ്ങളുടെ കുടിശ്ശിക അടുത്ത കാലത്തൊന്നും കിട്ടില്ലെന്ന് ഉറപ്പായി. ഈ സാഹചര്യത്തിലാണ് കൂടുതൽ പലിശ വാഗ്ദാനം ചെയ്ത് ഉപഭോക്താക്കളിൽ നിന്ന് മുൻകൂർ പണം സമാഹരിക്കാൻ ബോർഡ് ശ്രമിക്കുന്നത്. ഇതിനുള്ള സ്കീം തയ്യാറാക്കാൻ സർക്കാർ അനുവാദം നൽകി. വൈദ്യുതി മേഖലയിലെയും ബോർഡിന്റെയും പ്രശ്നങ്ങൾ വിലയിരുത്താൻ വ്യാഴാഴ്ച മുഖ്യമന്ത്രി വിളിച്ച ഉന്നതതലയോഗത്തിലാണ് ബോർഡ് ഈ നിർദ്ദേശം മുന്നോട്ടു വെച്ചത്.
അതേസമയം, വൈദ്യുതി ബോർഡിന് ലഭിക്കാനുള്ള കോടിക്കണക്കിന് രൂപാ കുടിശിക പിരിച്ചെടുക്കാൻ യാതൊരു നടപടിയും സ്വീകരിക്കുന്നില്ലെന്ന് ആക്ഷേപമുണ്ട്.

16/03/2024

🟣🔵ഗ്രാമീണ സർവീസ് നിർത്തി കെ.എസ്.ആർ.ടി.സി: ദുരിതത്തിലായി യാത്രക്കാരും വിദ്യാർത്ഥികളും🟣🔵

അടിമാലി: നാളുകളായി നടത്തിവന്നിരുന്ന ഗ്രാമീണ സർവീസ് പൊടുന്നനെ നിർത്തിയതോടെ വിദ്യാർത്ഥികൾ ഉൾപ്പടെയുള്ള യാത്രക്കാർ ദുരിതത്തിലായി. കട്ടപ്പനയിൽ നിന്നും രാവിലെ 6.30 ന് പുറപ്പെട്ട് തോപ്രാംകുടി, മുരിക്കാശേരി, കമ്പിളികണ്ടം, അഞ്ചാംമൈൽ, കൊന്നത്തടി, വെള്ളത്തൂവൽ, ആനച്ചാൽ വഴി മൂന്നാറിലേക്കുള്ള സർവീസാണ് നിലച്ചത്. ഒട്ടനവധി സർക്കാർ, സ്വകാര്യ മേഖലകളിലെ ജീവനക്കാർ ആശ്രയിച്ച് വന്നിരുന്ന യാത്രാ സൗകര്യം ഇല്ലാതായത് ഇവരുടെ ദുരിതം വർദ്ധിക്കാൻ കാരണമായി. സ്കൂൾ -കോളേജ് വിദ്യാർത്ഥികളും ഇതേ ബസിനെ ആശ്രയിച്ചിരുന്നു. അഞ്ചാംമൈൽ - കൊന്നത്തടി - വെള്ളത്തൂവൽ റോഡിൽ മറ്റ് ബസ് സർവീസ് ഇല്ലെന്നതും പ്രശ്നത്തിൻ്റെ കാഠിന്യം വർദ്ധിപ്പിക്കുന്നു. നാട്ടുകാർ പരാതിയുമായി കട്ടപ്പന ഡിപ്പോ അധികൃതരെ സമീപിച്ചെങ്കിലും വണ്ടിയുടെ എണ്ണം കുറവാണെന്ന മറുപടിയാണ് ലഭിച്ചത്. പരീക്ഷാ സമയത്ത് അപ്രതീക്ഷിതമായി ബസ് സർവീസ് ഇല്ലാതായതോടെ രക്ഷിതാക്കളും പ്രതിസന്ധിയിലായി. സമയബന്ധിതമായി ഓഫീസുകളിലും ജോലിസ്ഥലങ്ങളിലും വിദ്യാഭ്യാസ സ്ഥാപനങ്ങളിലും എത്താൻ കഴിയാതെ പ്രതിസന്ധിയിലായ പ്രദേശ വാസികളുടെ പരാതി പരിഹരിക്കണമെന്നതാണ് ആവശ്യം.

16/03/2024

🟣🔵കേരളാ സ്റ്റേറ്റ് റൂട്രോണിക്സ് അവധിക്കാല കമ്പ്യൂട്ടർ പരിശീലനം നൽകുന്നു🟣🔵

കേരള സർക്കാരിന്‍റെ കീഴിൽ പ്രവർത്തിക്കുന്ന കേരളാ സ്‌റ്റേറ്റ് റൂട്രോണിക്സ് അഞ്ചു മുതൽ പ്ലസ്ടൂ വരെയുള്ള സ്കൂൾ വിദ്യാർത്ഥികൾക്കായി അവധിക്കാല കമ്പ്യൂട്ടർ പരിശീലനം നൽകുന്നു. ആർട്ടിഫിഷ്യൽ ഇന്‍റലിജൻസ്, ഓഫീസ് സ്യൂട്ട് ,അക്കൌണ്ടിംഗ്,ഗ്രാഫിക് ഡിസൈനിങ്,
പൈത്തൺ, പിഎച്ച്പി, ജാവാ, സി++ , ഓ​​േട്ടാ കാഡ് വെബ് ഡിസൈനിംഗ്, ഡെസ്ക് ടോപ്പ് പബ്ലിഷിംഗ്, അനിമേഷൻ, ഹാർഡ്‍വെയർ ആൻ‍ഡ് നെറ്റ്‍വർക്കിംഗ്, വീഡിയോ എഡിറ്റിംംഗ് തുടങ്ങി മുപ്പതിലധികംം കോഴ്സുകളിൽ കുട്ടികൾക്ക് പരിശീലനം നൽകും.
വിവിധ തദ്ദേശ സ്വയംഭരണ സ്ഥാപനങ്ങളുടെ പരിധിയിൽ വരുന്ന കേരളാ സ്‌റ്റേറ്റ് റൂട്രോണിക്സിൻ്റെ അംഗീകൃത പരിശീലന കേന്ദ്രങ്ങൾ വഴിയാണ് കുട്ടികൾക്ക് രണ്ടു മാസത്തെ പരിശീലനം നൽകുന്നത്. ക്ലാസ്സുകൾ ഏപ്രിൽ ഒന്നിന് ആരംഭിച്ച് മെയ് 31നു അവസാനിക്കും. പരിശീലനത്തിൽ പങ്കെടുക്കുന്ന എല്ലാ കുട്ടികൾക്കും സ്കൂൾബാഗ് , സ്പോക്കൻ‍ ഇംഗ്ലീഷ് കോഴ്സ് എന്നിവ സൗജന്യമായി നൽകും. പരിശീലനത്തിൽ മികവുപുലർത്തുന്ന വിദ്യാർത്ഥികൾക്ക് പ്രത്യേക അവാർഡും നൽകും. രജിസ്ട്രേഷൻ https://forms.gle/M8wdj4YLWVTvAUzj8 എന്ന ഗൂഗിള്‍ ലിങ്കുവഴി ചെയ്യാവുന്നതാണ്. കൂടുതൽ വിവരങ്ങൾക്ക് https://activitycamp.in/ എന്ന വെബ്സൈറ്റ് സന്ദർശിക്കുക.

15/03/2024

🟣🔵മുൻഗണന റേഷൻ കാര്‍ഡുകളുടെ
മസ്റ്ററിംഗ് ഇന്ന് മുതൽ🟣🔵

കേന്ദ്ര സര്‍ക്കാര്‍ നിര്‍ദേശപ്രകാരം എഎവൈ (മഞ്ഞ), പിഎച്ച്‌എച്ച്‌ (പിങ്ക്‌) റേഷന്‍ കാര്‍ഡ്‌ അംഗങ്ങളുടെ ഇകെവൈസി മസ്‌റ്ററിംഗ് ഇന്ന് മുതല്‍ 17 വരെ നടത്തും. രാവിലെ എട്ട് മുതല്‍ വൈകിട്ട്‌ ഏഴ് മണി വരെയാണ്‌ മസ്റ്ററിംഗ് ക്യാമ്പ്. എല്ലാ മുന്‍ഗണനാ കാര്‍ഡ്‌ അംഗങ്ങളും റേഷന്‍കാര്‍ഡും ആധാര്‍ കാര്‍ഡുമായാണ്‌ മസ്‌റ്ററിങ്ങിന്‌ എത്തേണ്ടത്‌. ഈ ദിവസങ്ങളില്‍ റേഷന്‍ വിതരണം ഉണ്ടായിരിക്കുന്നതല്ല.
സ്ഥല സൗകര്യമുള്ള റേഷന്‍കടകളില്‍ അവിടെത്തന്നെ മസ്‌റ്ററിംഗ് നടത്തും. അല്ലാത്തയിടങ്ങളില്‍ കടകൾക്ക് സമീപത്തുള്ള മറ്റു പൊതുസ്ഥാപനങ്ങളില്‍ ക്യാമ്പ് സംഘടിപ്പിക്കും. ഇകെവൈസി അപ്‌ഡേഷന്‍ പൂര്‍ത്തീകരിക്കാത്ത സാഹചര്യത്തില്‍ ഭക്ഷ്യധാന്യ വിതരണം, സബ്‌സിഡി ക്ലെയിം എന്നിവയെ ദോഷകരമായി ബാധിക്കുമെന്ന്‌ കേന്ദ്ര സര്‍ക്കാര്‍ അറിയിച്ചിട്ടുണ്ട്‌. ഇ-പോസ്‌ മെഷീനുകളിലൂടെ മാത്രമേ മസ്‌റ്ററിങ്‌ നടത്താന്‍ സാധിക്കൂ. അതുകൊണ്ടാണ്‌ റേഷന്‍ വിതണം നിര്‍ത്തിവെച്ചുകൊണ്ടാണ് മസ്‌റ്ററിംഗ് നടത്തുന്നത്‌. ഈ തീയതികളില്‍ മസ്‌റ്ററിങ്‌ പൂര്‍ത്തിയാക്കാന്‍ കഴിയാത്തവര്‍ക്ക്‌ മറ്റൊരു ദിവസം സൗകര്യം ഒരുക്കും. സംസ്ഥാനത്തെ ഏത് റേഷന്‍ കടകളിലും ഏതൊരു മുന്‍ഗണനാ കാര്‍ഡുകാര്‍ക്കും മസ്‌റ്ററിംഗ് നടത്താം. കിടപ്പ് രോഗികള്‍ക്കും ഇപ്പോൾ സ്ഥലത്ത്‌ ഇല്ലാത്തവര്‍ക്കും മസ്‌റ്ററിങ്ങിന്‌ പിന്നീട്‌ അവസരം ഉണ്ടായിരിക്കും. ആധാര്‍ അപ്‌ഡേറ്റ്‌ ചെയ്യാത്ത കുട്ടികള്‍ക്കും വിരലടയാളം പതിയാത്തവര്‍ക്കും പിന്നീട്‌ മസ്‌റ്ററിങ്ങിന്‌ അവസരം ഒരുക്കുന്നതാണ്.

07/03/2024

🟣🔵അടിമാലി ലൈബ്രറി റോഡിൽ പ്രവർത്തിച്ചിരുന്ന പ്രിൻസ് സ്റ്റുഡിയോ ഉടമ പ്രിൻസ് ചേട്ടൻ മന്നാംകാല എക്സ്ചേഞ്ചിന് സമീപം ഉണ്ടായ ബൈക്ക് ആക്സിഡൻ്റിൽ മരണപ്പെട്ടു. മൃതദേഹം അടിമാലി ഗവ ഹോസ്പിറ്റൽ മോർച്ചറിയിൽ 🟣🔵

07/03/2024

🟣🔵ധാരണാപത്രം ഒപ്പുവെച്ചു🟣🔵

വഴിത്തല ശാന്തിഗിരി ഇൻസ്റ്റിറ്റ്യൂട്ട് ഓഫ് മാനേജ്മെന്റിലെ എം. ബി. എ. വിദ്യാഭ്യാസത്തിനു അന്തർദേശീയ നിലവാരം പുലർത്തുന്നതിനായി മലേഷ്യയിലെ മൾട്ടി മീഡിയ സർവകലാശാലയുമായി ധാരണാപത്രം ഒപ്പുവെച്ചു. മൾട്ടി മീഡിയ സർവകലാശാല അന്താരാഷ്ട്ര സഹകരണ വിഭാഗം ഡയറക്ടർ ഡോ. അബ്ദുൾ അസ്സീസ് അധ്യക്ഷത വഹിച്ച ചടങ്ങിൽ, ശാന്തിഗിരി ബിസിനസ് സ്കൂളിന്റെ എക്സിക്യൂട്ടീവ് ഡയറക്ടർ ഫാ. എബിൻ കല്ലറ്ക്കൽ സിഎംഐ മൾട്ടീമീഡിയ സർവകലാശാല അന്താരാഷ്ട്ര നയതന്ത്ര വിഭാഗം ഡയറക്ടർ ഡോ. ജെറാൾഡിനു ധാരണാപത്രം കൈമാറി. ശാന്തിഗിരി ബിസിനസ് സ്കൂളിന്റെ ഡയറക്ടർ, ഡോ. പ്രദീപ് എസ്. ധാരണാപത്ര കാര്യങ്ങൾ വിശദീകരിച്ചു. ശാന്തിഗിരി ബിസിനസ് സ്കൂളിന്റെ സീനിയർ അദ്ധ്യാപകരായ ഡോ. ജിൻസ് ജോർജ്, നെൽസൺ മാത്യു, സുഷമ സാജു എന്നിവരും 38 കുട്ടികളുടെ സംഘവും മലേഷ്യയിലെ മൾട്ടി മീഡിയ സർവകലാശാലയും, ഡെൽ ടെക്നോളോജിസ്, സൈബർജയ ക്യാമ്പസും സന്ദർശിച്ചു. തുടർന്ന് മൾട്ടി മീഡിയ സർവകലാശാല ക്യാമ്പസ് ടൂറിന് ഡോ. രൂപേഷ് നേതൃത്വം നൽകി. ശാന്തിഗിരി ബിസിനസ് സ്കൂളിൽ എല്ലാ വർഷവും അന്താരാഷ്ട്ര പഠനയാത്ര സംഘടിപ്പിക്കും എന്ന് കോളേജ് എക്സിക്യൂട്ടീവ് ഡയറക്ടർ അറിയിച്ചു

06/03/2024

🟣🔵റേഷന്‍ കാര്‍ഡുകളുടെ മസ്റ്ററിങ്:,റേഷന്‍ കടകള്‍ 15, 16, 17 തീയതികളില്‍ പ്രവര്‍ത്തിക്കില്ല.🟣🔵

തിരു.: സംസ്ഥാനത്തെ റേഷന്‍ കടകള്‍ 15, 16, 17 തീയതികളില്‍ പ്രവര്‍ത്തിക്കില്ലെന്ന് ഭക്ഷ്യമന്ത്രി ജി.ആര്‍. അനില്‍. റേഷന്‍ കാര്‍ഡുകളുടെ മസ്റ്ററിങ് നടത്തുന്നതു മൂലമാണ് അവധി. കേന്ദ്രസര്‍ക്കാര്‍ നിര്‍ദ്ദേശിച്ചിട്ടുള്ള ഇ-കെവൈസി അപ്‌ഡേഷനില്‍ നിന്നും കേരളത്തിന് മാറിനില്‍ക്കാനാവില്ല. അത്തരമൊരു സാഹചര്യത്തില്‍ ഈ മൂന്നു ദിവസവും റേഷന്‍വിതരണം പൂര്‍ണ്ണമായി നിര്‍ത്തിവെച്ച് അപ്‌ഡേഷന്‍ നടത്താനാണ് വകുപ്പ് തീരുമാനിച്ചിട്ടുള്ളത്. റേഷന്‍കടകള്‍ സ്ഥിതി ചെയ്യുന്ന കേന്ദ്രത്തിന് സമീപത്തെ പൊതുഇടത്തു വെച്ച് (സ്‌കൂള്‍, വായനശാല, അംഗന്‍വാടി, ക്ലബ്) ഇ-കെവൈസി അപ്‌ഡേഷന്‍ മാത്രമായി നടത്തുന്നതാണ്.
റേഷന്‍ വിതരണത്തില്‍ തടസ്സം നേരിടുന്നതു കണക്കിലെടുത്ത് മസ്റ്ററിങ്ങ് താല്‍ക്കാലികമായി നിര്‍ത്തിവെച്ചിരിക്കുകയാണ്. 10-ാം തീയതി വരെയാണ് ഇ-കെവൈസി അപ്‌ഡേഷന്‍ നിര്‍ത്തിവെച്ചത്. മാര്‍ച്ച് മാസത്തിലും ഇ-കെവൈസി അപ്‌ഡേഷന്‍ നടത്തി വരികയാണ്. ഇതു കണക്കിലെടുത്ത് ആ മാസം റേഷന്‍ വിതരണത്തിന് പ്രവൃത്തിസമയം ക്രമീകരിച്ചിരുന്നു. എന്നിട്ടും വേഗതക്കുറവ് അനുഭവപ്പെടുന്ന സാഹചര്യത്തിലാണ് മസ്റ്ററിങ് താല്‍ക്കാലികമായി നിര്‍ത്തിയത്. അതേസമയം, കാർഡുടമകളുടെ ബുദ്ധിമുട്ട് മനസ്സിലാക്കി, സെർവറിൻ്റെ ശേഷി കൂട്ടാൻ യാതൊരു നടപടിയും സർക്കാർ സ്വീകരിക്കുന്നില്ലെന്ന് ആക്ഷേപമുയരുന്നുണ്ട്.

06/03/2024

🟣🔵ഗ്ലോകോമ സ്ക്രീനിംഗ് ക്യാമ്പ്🟣🔵

തിരുവനന്തപുരം ഗവ. ആയുർവേദ കോളേജ് ആശുപത്രിയിലെ ശാലാക്യതന്ത്ര വിഭാഗം (ഐ ആൻഡ് ഇ.എൻ.ടി) മാർച്ച് 13നു രാവിലെ ഒമ്പത് മണി മുതൽ 1 മണി വരെ ആയുർവേദ കോളേജ് ആശുപത്രി ക്യാമ്പസിൽ ഗ്ലോകോമ സ്ക്രീനിംഗ് ക്യാമ്പ് സംഘടിപ്പിക്കുന്നു. ലോക ഗ്ലോകോമ വാരചരണത്തിന്റെ ഭാ​ഗമായാണ് സ്ക്രീനിം​ഗ് സംഘടിപ്പിക്കുന്നത്. കാഴ്ച പരിശോധന, കണ്ണിന്റെ മർദ്ദം അളക്കൽ, പെരിമെട്രി തുടങ്ങിയ പരിശോധനകൾ ബി.പി.എൽ വിഭാഗത്തിലുള്ളവർക്ക് സൗജന്യമായും എ.പി.എൽ വിഭാഗത്തിലുള്ളവർക്ക് മിതമായ നിരക്കിലും ലഭിക്കും. മാർച്ച് 11, 12, 13 തീയതികളിൽ രാവിലെ 8 മണി മുതൽ 1 മണി വരെ ഒ. പി. നം. 5 ൽ രജിസ്ട്രേഷൻ സൗകര്യം ലഭ്യമാണ്.

കാഴ്ചശക്തിയെ ശാശ്വതമായി ബാധിക്കുന്ന ഒരു നേത്രരോഗമാണ് ഗ്ലോകോമ. ഈ രോഗം കൂടുതലായും 40 വയസിനു മുകളിലുള്ള മുതിർന്നവരെയാണ് ബാധിക്കുന്നത്. ഗ്ലോകോമ രോഗത്തെക്കുറിച്ചുള്ള അവബോധം സൃഷ്ടിക്കാനും നേരത്തെ കണ്ടുപിടിക്കാനും ഉചിതമായ ചികിത്സാ പ്രതിവിധികൾ നിർദ്ദേശിക്കാനും മാർച്ച് 10 മുതൽ 16 വരെയാണ് ലോക ഗ്ലോകോമ വാരമായി ആചരിച്ചു വരുന്നത്.