29/12/2024
किन जीवन! कसरी जीवन
यी झस्किरहने प्रश्नहरूको,सामना गर्दै
रहर हराएको शहरमा,
अध्यारो चकमन्न कोठाबाट
उज्यालो आशाको आकास देख्ने
अबोधहरुलाई सोध
अनन्त धुवाँधुलो गाडी कोलाहल
, मूर्खहरूले भरिएका सहरको गल्लीहरुलाई सोध
आफुलाई सदाको लागि बदनाम गर्ने,
कुन्चित मानसिकता भएकाहरुलाई सोध
म भन्दा मूर्ख को छ, र को हो
उज्यालोको लागि व्यर्थै चाहने आँखाहरू,
संघर्षको लागी तट्पिएका दिनहरु
सँधै नवीकरण हुने संघर्षको कथाहरु
तर सबैको , नराम्रो नतिजा
, आफ्नो वरिपरि देखेको
चहलपहल र उग्र भीडबाट,
टाढा गएर हिडेको आफ्नै बाटो
म भन्दा मूर्ख को छ, र को हो
रहेको खाली र बेकार वर्षहरू मध्ये,
बाँकी म संग जोडिएको, प्रश्न
किन जीवन कसरी जीवन
अनुत्तरित प्रश्नहरुको लागि भौतारिएको म
जिवनको लागि जिवन कि
सौन्दर्यताको लागि जीवन
काम क्रोध लोभ मोह र
अङ्हकारको लागि जिवन कि
त्याग र समर्पनको लागि जीवन
यी सबै फोकट बकवास जस्तो लाग्छ
किन कि हिड्नु छ आफ्नै बाटो
तय गर्नु छ प्रेमिल यात्रा
विगतका यादहरुलाई भुलेर
जिउनु छ खुसीको सुनौलो बिहान सम्म
सिद्धान्तको लाागी जिवन भन्दा
जिवनको लागि सिद्धान्त नै ठिक छ
तर्नु छैन रतानको जंघार
भुलेर आफ्नो
वास्तविक आधार
सुख्खा जमिनको कुरुप चरित्र बनेर
आउने र जाने दुबैलाई
नम्रता र कठोरता दुबैको प्रर्यावाची सिकाउनु छ
मर्यादाको र सिमाको बाध भत्काउनेहरुलाई
मुस्कानले फिडा बनाउनु छ
जे सुकै लेखियोस्
जे सुकै देखियोस्
विलियम सेक्सपियरको पर्दा
भन्दा पनि माथी
टिएस इलियटको सुख्खा जमिनको
रचना भन्दा पनि माथी
सबैको सबै भन्दा पनि माथी
व्यक्तिगत सफलता नै छ
आसुँहरुको भेललाई
भावनामा बगाएर
हतास कुण्ठा र आक्रोसमा पनि
म जीवन देखेको हुन्छु
अध्यारोमा पनि म आसाको
किरण देखेको छु
पुस्तक भन्दा ठूलो म जीवन देखेको छु
उपन्यासको पाना भन्दा
जिन्दगीको पाना सुन्दर देखेको छु
अब सबैले भन्न सक्छन
म भन्दा मूर्ख को छ, र को हो ।
