Kalam Sunda

kalamsunda merupakan sebuah website yang isinya sebuah apreasi atau gerakan pelestarian bahasa sunda

27/08/2024

dr. Mohammad Wahyu:
Teteg Patekadan Demi Masyarakat Cianjur

Miang tina katetegan patekadan, dr. Mohammad Wahyu, nu sapopoe ancrub dina aktivis di widang kasehatan oge pendidikan. Dina bulan Agustus katompernakeun beuki ngarasa sumanget, sok komo boga implengan hayang leuwih nyata bebela ka masyarakat.

Najan sibuk, dr. Mohammad Wahyu nyempetkeun ngobrol sok sanajan dina waktu samporet Tapi saliwat oge estu atra kagambar inyana nonoman nu cerdas. Ramah turta parigel.

Parigel turta cekatan atuda kalatih ku gawe sapopoe salaku dokter spesialis di sababaraha Rumah Sakit, Dosen di berbagai kampus, kandidat Doktor bidang Manajemen.

Dina sela sela kasibukanana, tetep ramah marahmay kalawan tegas mastikeun yen gagasan Otentik terkait pembangunan di Kabupaten Cianjur. Seperti: Bantuan 25 juta per RT, Bantuan Pelayanan Kesehatan Rumah Sakit Gratis untuk semua, 300 juta per Pesantren, Optimalisasi Pembangunan Infrastuktur, oge berbagai program laina nu nembongkeun kesungguhan serta keberpihakan pada peningkatan kesejahteraan masyarakat banyak ***

26/08/2024

Gan Gan Solehudin:
Teu Satuju Industri Disebut Ngaruksak Alam

Loba jalma atawa masyarakat anu mikir cenah lamun aya insdutri di Kabupaten Cianjur, sok pasti ngaruksak alam anu aya di Cianjur. Balukarna Industri jadi paneumbleuhan.

" Ceuk kuring pamikiran model kitu muncul kusabab bada ningali kondisi kiwari anu kajadian di kota Cianjur." Pokna Gan Gan sawaktu ngobrol ngeunaan Industri dina mobil satengahing perjalanan ka Samolo anyar kaliwat.

Pikeun kuring salila kawasan industri di tata kalawan hade pamoholan kitu, moal ruksak moal. Malah tangtu katingali pisan manfaat oge hasilna.

Makana kalintang penting penataan wilayah cluster, luyu jeung kondisi kawilayahan turta lucu jeung ancoanana, Mun seug kitu, insya Allah kota Cianjur baris kabagi jadi sababaraha cluster.

misalna cluster industri, cluster pemukiman, cluster bisnis (pedtokoan), cluster peternakan/pertanian/perkebunan/perikanan, jeung sajabana,

Nepika Kabupaten Cianjur katata rapih jeung tetep merhatikeun lingkungan oge kalestarian alam.

Jadi bakal ebreh geura pontensi oge mandirina Cianjur mun seug ditata tur dikelola kalawan luyu jeung clusterna.

Gan Gan Solehudin, S.H, Wakil Ketua Apindo Dpk Cianjur. Oge Ketua HRD Cianjur Club nutup obrolan waktu mobil anjog ka tempat anu di tuju di Samolo. ***

22/08/2024

Naha Masih Aya Tokoh Sunda Nu Micinta
Basa Sunda Baraya?

16/08/2024

Daun garing (Kalakay)
Dahan garing (Pangpung)
Popoean garing (Ngelenteng)
Gening basa sunda mah sakitu euyeubna.

10/08/2024

Sunda Mawa Wibawa
Moal Ieuh Tumpur Malah Sunda Tetep Ajeg Dina Galur

02/08/2024

.
Muka Ka Wanoh Jeung Kang Denas
Teu Sombong Ku Jabatan, Kapercayaan Leuwih Utama

Waktu kalam sunda tepung di Haurwangi, najan waktu teu lila, gening bisa muka kawanoh jeung Kang Deden Nasihin, nu nenehna akrab di sebut Kang Denas.

Bari rengkuh teu sombong kujabatan, Kang Denas saliwat oge bisa kaguar cenah anjeuna leuwih ngutamakeun kapercayaan ti masyarakat atawa ti pihak laina anu geus mercaya. Tibatan kudu kukuh jeung nagkuh ku jabatan.

Sok padahal Kang. Denas lain jalma jore jore, kapan jelas cukcrukanar yen Dr. Deden Nasihin ΜΚΡ mangrupa kader sejati Partai Golkar. Nu kiwari Kang Denas menjabat sebagai Wakil Ketua DPRD kabupaten Cianjur Wakil Ketua Penggalangan Khusus DPD Partai Golkar Jawa Barat.

Kasang tukang Pendidikan oge estu nyongcolang. Kang Denas lulusan :

Universitas Padjajaran Bandung Administrasi Publik (S3) 2024

Universitas Padjajaran Bandung Magister Kebijakan Publik (S2) 2014

Universitas Islam Negeri Syarif Hidayatullah Sarjana limu Komunikasi 2005

MA Ponpes Azzainiyyah Sukabumi 2000

Ponpes Daarul Karomah Burujul Cijati 1996

MTs Bojongjati Cijati Cianjur 1994

SDN Jatimanggung Cijati Cianjur 2000-2005

"Man Jadda Wajada" minangka moto Kang Denas. Artina, "sing saha bersungguh-sungguh, maka ia akan berhasil."

Pengalaman Kerja jeung Organisasi

Himpunan Mahasiswa Islam (HMI) Cabang Ciputat

Badan Eksekutif Mahasiswa 2000-2005

Universitas Islam Negeri Syarifhidayatullah Jakarta 2005-2010

Presidium Kahmi Cianjur 2007-2010

Ketua PK Golkar Kecamatan Cijati 2010-2015

Wakil Sekretaris DPD Partai Golkar Kabupaten Cianjur

Sekretaris Partai Golkar Kabupaten Cianjur

Kabupaten Cianjur Sekretaris Partai Golkar

Sarjana Pendamping PKH

Wakil Ketua DPRD Kabupaten Cianjur

Wakil Ketua DPRD Kabupaten Cianjur

Wakil Ketua DPD Partai Golkar Provinsi Jawa Barat

Dosen Prodi PPKN FKIP Universitas Suryakancana

Caleg terpilih DPRD Provinsi Jawa Barat.

Ku pangalaman model kitu, sok komo diwuwuh ku elmu, angot Kang Denas bakal bisa ngeusi harepan ti sak*mna nu mere kapercayaan ***

28/07/2024

Drajat Wibawa:
Ngawujudkeun Panyambung Sora Dina Politik

Dina enggoning naratas jalur gerakan dina lakuning bebela ka rahayat, teu ieuh laas k*mangsa, sok komo dirina nu mangrupa saurang aktivis, cenah moal uereun ku nyoarakeun keur kamajuan Cianjur.

Kitu awal dina obrolan Kalam Sunda jeung Kang Darajat Wibawa di saung Tim Ngaprak Lembur (TNL) anyar kaliwat.

Bari neuteup ka jauhna, Kang Drajat Wibawa nyebutkeun dirina aya dina jalur nu sok ngageuing para pihak gegeden atawa inohong di Cianjur bakat ku cinta ka Cianjur. Matak nepika ayeuna oge osok terus nyambung silaturakhmi jeung sobat sobat nu diantarana, Kang Unang Margana, Kang Dian , Kang Ubun, Mas Cipta Camdra oge loha lobana deui. Nu ti beragam kalangan.

" Enggoning nyambungkeun tali silaturakhmi supaya tetep kajalin sok bari diskusi moal mungkin bisa laksana mun bari ditepuangan hiji hiji. Pon komo pami waktu pada pada sibuk," pokna.

Tapi najan kitu sumanget pikeun ngawal naon rupa pangwangunan, oge widang politik estu beuki tambah kapikir kudu tetep dilakukeun malar Cianjur leuwih maju,

Matak aya inisiatif ngabentuk grup dina Facebook (Fb) kalawan dingaranan Rumah Bersama Urang Cianjur anu langsung digagas sababaraha taun ka tukang.

"Salaha sahijina tempat anu dipake ngariung ngobrolkeun dibentukna RBUC kapanan di saung TNL ieu," tandesna.

Kiwari RBUC geus jadi wadah keur diskusi atawa mere panggeuing kana naon rupa anu nyimpang atanapi anu teu luyu jeung visi misi Cianjur.

"Mugia wae kang ide jeung gagasan abdi anu mungkin masih aya dina kakirangan ieu khusus di RBUC tiasa manfaat," pokna Kang Drajat bari roman marahmay, ngagambar kapuasaan hatena.***

11/07/2024

Cipta Candra :
Pertanian Bisa Naratas Huripna Kahirupan

Najan anyar pinnggih, tapi waktu ngobrol nyabit soal potensi jeung masalah nu muncul di masyarakat estu teu ieuh kagok, malah atra sumanget jeung pedaran eces pinuh ku harepan, masalah pertanian di pedar panjang lebar sok cenah bisa naratas huripna kahirupan di Kabupaten Cianjur.

Cipta Candra, mindeng medar soal pertanian. Malah, Pengusaha kalahiran Yogyakarta ieu teh ngaku dirina kagembang ku gedena peluang anu aya dina widang tatanen.

Sok komo Cianjur, mibanda potensi alam jeung hasilna geus kasohor dina pertanianan, samodel sohor beasna. Sohor ku alamna.

"Tapi hanjakal can aya hal anu fokus arah eta nepika jelas ngawujud pertanian bisa jadi nomor hiji keur ngadukung suksesna karaharjaan di Cianjur," ceuk Cipta Candra waktu mimiti ngungkapkeun pamanggihna waktu ngobrol bari ngopi.

Pasoalan di Cianjur loba anu acan kaungkulan, sok komo jajauheun bisa karengsekeun ku solusi anu hade.

Kiwari masih loba pasoalan nu minangka anu jelas we, kusabab arah pertanian teu dikokola antukna teu narik minat ayana regenerasi dina widang pertanian. Cenah di Cianjur paling sapersen

Keur ngawangun Cianjur, itu sebenerna teu susah,, sabab potensi alam Cianjur kalintang beunghar jeung ngaleuyah. Urang saukur butuh,, Konsep jeung program pangwangunan nu inovatif, komprehensif turta integratif. Nya lamun dipedar leuwih jero tambah loba nu kaguar. Pokna. **"🙏

01/07/2024

Kisah Inspiratif Cianjuran (3)
Yadi Cunkring Di Tilu Jam Tilu Menit
Katalangsara Nguniang Tekad Bebela

Impian ka Amerika Serikat nu maksud hayang panggih jeung Agnes Mo, malah kasarung ka nagara Guatemala (ka asup Amerika Latin).
Guatemala mangrupa negara nu kawengku
gunung berapi, pagunungan, jeung pantai di Samudra Pasifik jeung Laut Karibia. Ti Pegunungan Cuchamatán di dataran tinggi bagian barat, nepi ka garis pantai di Laut Karibia jeung Samudra Pasifik, negara leutik ieu mibanda ciri nu kontras. Tilu tina 30 gunung berapi di Guatemala masih aktif.
Umumna warga jadi nelayan Pon kitu deui Yadi Cukring ahirna daek teu daek angkleung angkleungan dina kapal gede nu unggal poe ngalaan lauk

"Pokona mah kuring kasiksa nepika awak oge tambah beging, sok komo gawe di tengah lautan, ti pantai nepika paranti ngala lauk teh diperjalanan oge sabulan," ceuk Yadi bari ngalimba nahan cimata nu rek juuh.

Sataun gawe dikapal bari teu meunang gajih, nu ahirna tos sataun kapal ka darat. Tapi malah ka Afrika Selatan. Ahirna Yadi Cunkring jeung batur baturna ngalaman di panjara di Afrika Selatan. Di penjara kalawan meunang panyiksa anu kejem ti sasama anu ditahan.

"Kuring ngalaman pait peuheur di penjara eta, teungteuingeun ka jalma jalma anu geus ngakaya. Tapi najan pait peuheur kuring jeung batur batur terus berjuang sangkan bisa mulang ka Indonesia," ceuk Yadi Cunkring.

Upayana ahirna ngabuahkeun hasil, Yadi jeung 49 urang baturna bisa mulang ka Indonesia. Tapi turun tina pesawat bingung sabab saurang oge taya anu boga duit. Ahirna sarerea nekad leumpang muru ka Cibubur tempat pausahaan anu nginditkeun ka Amerika.

" Nya tina perjalanan eta kuring ka didik jeung kalatih ku serikat buruh migran indonesia di Jakarta, nepika kuring ngarti jeung paham kuring salah sahiji korban jaringan penjualan orang secara ilegal," pokna.

Sataun di jakarta, Yadi jadi ilibiung dina enggoning nulungan anu carilaka akibat gawe ka luar negeri. Tos kitu mulang ka lembur, Yadi Cunkring gerak nguniang tekad bebela ka warga leutik anu ngabutuhkeun bantuan.

Matak enggoning mantuan warga anu hayang KTP jeung KK oge Yadi Cunkring trang trangan ngaku sok nyaloan, sanajan teu ieuh ngarah ngarinah ka warga sok komo tupa tipu mah tara.

"Kuring ngarasakeun kieu jadi jalma teu boga, jalma bodo sok dibobodo, matak kuring baris ngabela. Tuh tina ladang pamura pamera waktu ngabantu nyieun KTP kuring mampu ngabantu nyieun imah warga anu arek runtuh, kuring teu mentingkeun sorangan.".

Berjuang moal eureun, Yadi Cunkring nekad diri hayang terus diajar jujur jeung amanah.***

29/06/2024

Kisah Inspiratif Cianjuran (2)
Yadi Cunkring Di Tilu Jam Tilu Menit
Ngalaman Katalangsara di Amerika Latin

Ti Saprak Yadi Cunkring anu asalna urang lembur bari sakola teu luhur gening ku keyeng mah mampu hasil ngawujudkeun cita citana, bisa aktif dina acara TV.
Geus model kitu mah kulawarga anu asalna kurang malire dumeh nganggap Yadi bedegong jadi ngarasa reueus ku perjuangan Yadi nepika bisa mawa hade kulawarga.

Ti taun 2010 nepika taun 2011 Yadi bulak balik ka Jakarta oge ka Bandung ngilu shooting acara Inbox SCTV najan ukur pangrame tapi sakali shooting kalawan dibere honor lumayan gede

Waktu harita mindeng ningali artis nu sohor, nepika Yadi Cunkring ngaku kataji ku Agnes Monica. Pokona ngaidolakeun pisan nepika keyeng hayang panggih jeung Agnes nu keur aya di Amerika.

"Waktos harita kuring kakara mulang ti Jakarta tos shooting, harita mulang teh ka imah dulur keur dahar, kakara dua huap ngadenge dulur ngobrolkeun Om Tomi tatanggana keur neangan anu arek gawe keur di Amerika, kuring langsung eureun dahar malah gancang nitah nelpon Om Tomi yen arek daek gawe ka Amerika," ceuk Yadi.

Singketna, Tomi basa di telpon geus aya di Ciranjang nu maksud rek ka Tasik, Kusabab Yadi rek daek nya didagoan. "Kabayang waktu harita kuring yakin bakal panggih jeung Agnes di Amerika bari teu kabayang Amerika teh model k*maha," pokna.

Ahirna Tomi bisa kasusul sok sanajan harita ampir katinggaleun, nya dina tahapan awal mah teu nyangka dirina bakal tigebrus kana jaringan sindikat penjualan orang. Sabab prosesna kawas anu heueuh bener, anu harita arek ka Amerika di seleksi di tes di Jawa.

Tina jumlah anu ngilu tes sarombongan jeung Om Tomi ngan dirina sorangan anu hasil bisa miang gawe ka Amerika. Puguh we kulawarga jadi tambah reueus, Yadi Cunkring anu asalna bedegong jeung dianggap baha ka kolot, gening bisa sukses mindeng ngilu ahooting di TV terus ayeuna bisa indit gawe di Amerika kalawan gampil.

"Pas indit nepi ka Amerika, kuring kuciwa sabab kabayang samemehna kota kota Amerika anu wah, tapi kuring malah nepi ka hiji nagara anu teu luyu jeung hate. Gening kuring diinditkeun teh malah ka Amerika Latin," pokna bari halon, jiga nahan rasa nalangsa sawaktu cumarita soal Amerika Latin.
Kaguar gening ti tidnya mimiti Yadi Cungkring ngarandapan katalangsara di Amerika bari taya sanak kadang. Estu kabeh deungeun deungeun.. lain wae pikir anu jadi gering tapi awak oge kasiksa....(Nyambung).

28/06/2024

Kisah Inspiratif Cianjuran (1)
Yadi Cunkring Di Tilu Jam Tilu Menit
Teu Bisa Ngabohongaan Hate

Waktu tepung najan ukur dina waktu tilu Jam tilu menit, asa sakocepat balas ku anteng ngobrol ngalalakon kisah Kang Yadi Cunkring ti mimiti miang ti lembur nepika mulang deui ka lembur.

Awalna panasaran na saha Yadi Cunkring teh ? Ningali ramena dina salah sahiji acara TV swasta. Yadi Cunkring sakitu mijahna eta wae kamera remen nyorot kana tingkahna anu beda jeung nu sejena. Terus waktu demo gempa di Cianjur, Yadi Cunkring estu nyongcolang gogorowokan bari roman nanda kabawa ku rasa sawaktu gempa. Atuh anu anyar keneh kaliwat waktu rame Calo KTP ngan Yadi Cunkring anu wani ngaku jujur dirina memang calo KTP.

"Hampura kuring ti keur leutik geus diajarkeun jujur , teu bisa ngabohongan hate sorangan, Nepika kuring kadang ngomong model kieu, hampura,* ceuk Yadi Cunkring sawaktu mimiti ngpbrol bari. ngopi nyalse di terasna.

Yadi Cunkring dina KTP na mah ditulis Yadi Lubis nu ngaharib harib ngaran lain urang sunda. Tapi sabenerna mah gening Yadi Cunkring pituin urang kampung Bedahan Desa Mekargalih Kacamatan Ciranjang. Kabupaten Cianjur. Tur Yadi Cunkring anak ka 12 ti pasangan Hajah Oneng jeung Bapa Ubad Badri.

Ngan barang nyebutkeun ngaran indung, Yadi Cunkring tembong riuk romanna robah jiga nalangsa. Kagagas waktu kelas 6 SD indungna ngantunkeun.

"Rarasaan kuring teu narima indung ninggalkeun keur salilana, matak kuring kaluar kelas genep SD ngarasa kaleungitan indung asa jadi bangbaluh nu balukarna kuring teu bener. Hate barontak teu narima," ceuk Yadi Cunkring bari tungkul.

Kaluar SD Yadi masantren, tapi teu lana sabab hate terus barontak, kaleleban ku leungitna kanyaah indung. Malah sabab anak loba asa karasa taya kanyaah kolot.
Akhirna Yadi Cunkring nu sok di sebut Om Ivo teh miang ti lembur nekad neangan katenangan anu ahirna miang ti imah bari ngandelkeun kawani hate.

Ngamimitian jauh ti kulawarga bari hirup sorangan. Ngumbara ka Jakarta, Bandung malah nepi ka Bali. Aprak aparakan ngamen, ngabadut atawa gawe naon anu mampuh sangan jadi pangupa jiwa

" Pas dina taun 2010; sawaktu mulang ka lembur, tamba kesel uing sok lalajo TV nepika kapincut hayang ngilu aub dina acara TV swasta di jakarta, sok komo dina eta acara aya hadiahna, hate kuring tambah gilig hayang ngiluan di acara TV eta, ahirna uing ngawanikeun sorangan nginjeum duit ka tatangga keur ongkos ka Jakarta rek ngiluan lomba dina eta acara TV," ceuk Yadi Cunkring, nu ahirna dirina hasil asup kana eta acara bari meunang hadiah cukup gede.

Ti harita Yudi Cunkring anu asalna urang lembur jadi rame pada ngobrolkeun pedah aya dina acara TV....(Nyambung)

10/06/2024

Wilujeng sonten.

10/06/2024

Sarehat Baraya?

01/06/2024

Bral geura miang, jugjug padumukan anu tangtu, sungsi panyicingan anu pasti, geusan aya katingtriman ati.

13/04/2024

Dina Sela Sela Nikmatna Sacangkir Kopi.

Wow ...nikmat, pait pait p**o. Komo sueg amis amis jambu bari diinum panas panas, karasa ngopi ngopina. Disusul ku seuri bangun guligah manah. Kurang leuwih kitu model nu geus di posting di Facebook Asep Japar (Asjap).

Kitu awal ka titen ku penulis dina roman Drs, H. Asep Japar. MM, Bakal Calon Bupati Sukabumi priode 2024- 2029 sawaktu ngopi bareng warga.

Dina sela sela rineh ngobrol bari ngopi, atra antara Haji Asep jeung warga taya batesanan nu misahkeun, sok sanajan pada apal Haji Asep bakal Calon Bupati Sukabumi teh kapanan lain sanbaranagn. Anjeuna mangrupa tokoh Sukabumi bari aya dina lingkungan gawe saurang pejabat di Pemkab Sukabumi. Tapi hal kitu teu ieuh jadi masalah.

H. Asep Japar estu dekuet jeung warga, deuheus jeung rahayat. Boh anu aya di kota sok komo anu aya di desa desa. Matak teu ieuh jadi lingsem anjeuna ngopi bari ukur kopi seduh anu disayogikeun basajan teu cara di tempat tempat sajian kopi anu modern.

Ngopi lain saukur ngopi, rakyat ngarasa deukeut bari bebas nembrakeun eusi hati sok komo pamanggih ngeunaan pangwangunan Sukabumi kahareupna. Dina hal eta H. Asep geus mampuh ngigelan bari bener bener narima saran jeung kritik ti warga keur kamajuan Sukabumi.

H.Asep Japar nandeskeun, lamun teu ku babarangan jeung sak*mna warga, sok pamohalan kamajuan Sukabumi bisa diwujudkeun kalawan gancang. Matak kitu kieu oge kabersamaan kacida ditamakeun pisan.

Sok dina cara ngopi amis jeung pait karasa ku babarengan, sok kitu deui dina pangwangunan Sukabumi kahareupna, butuh pisan ku babarengan, tong ieuh diwilah wilah. Matak sok geus meujeuh oge mun sarerea ngadukungna.**
Asep Japar Asjap Komunitas Pendukung Kang Asep Japar (Asjap)

05/04/2024

H. R.A. Muhammad Solih Ibang:
Hahalang Jeung Cobaan Tong Ieuh Jadi Alesan, Cianjur Perlu Generasi Anu Tangguh

NU ngora kudu boga patekadan anu ka ukur, sok komo deui ayeuna Cianjur butuh pamikiran pamikiran ti kalangan nonoman, keur marengan pamikiran ti para sepuh sangkan dina prakna ngawangun Cianjur tembong atra ngahijina k*m sadaya kalangan di Cianjur. Nu kagambar dialur program program anu baris dilaksanakeun di Cianjur.

Matak dipiharep ku H. ibang, sasieureun sabeunyeureun bisa nyarungsum kana kamajuan Cianjur. Dalah teu gampang sok komo keur anu kakara diajar model dirina.

Cenah nilik kana legana ambahan wilayah anu kaasup Kabupaten Cianjur apan sakitu legana. Terus loba oge masukan ti warga ngeunaan pang wangunan anu acan kacumpun kawilang loba oge. Tur loba oge pontensi anu dipibanda ku Cianjur anu perlu rojongan Pemkab Cianjur keur kamajuan rahayat masih butuh rojongan.

"Cianjur bener bener perlu akselerasi dina pangwangunan. Anu hamo moal bisa dilakukeun ku sorangan, tapi estu perlu babarengan," ceuk H. Ibang bari neuteup ka jauhna.

Katingali aya riuk nu kagambar bangun daria, nu teu kungsi lila disambung ku sora anu teu pati tarik cara samemehna. "Bener Ibang ayeuna can bisa lumaku leuwih loba keur kapentingan Cianjur, sabab Ibang can gaduh kebijakan." Pok na.

Matak disebutkeun H. Ibang, dirina rek waleh ngilu dina Pilkada, najan aya karaguan jeung nada kurang percaya ti masyarakat, dianggap wajar sabab apan acan kenal jeung wanoh. Ku sabab mimpin Cianjurna oge acan.

Hahalang Jeung Cobaan Tong Ieuh Jadi Alesan, Cianjur Perlu Generasi Anu Tangguh, sok komo mun enya niat nyaah ka Cianjur mah. Diungkapkeun Haji Ibang, pada dasarna sadayana diperyogikeun, najan anu ngeritik, anu teu percaya, anu marin masukan sadaya kedah ditampi. Sok komo ti papada urang Cianjur sangkan jadi bahan keur diri leuwih hade dina engke babakti ka lemah cai...(Nyambung).

04/04/2024

Kisah Inspiratif Bag. 1.

H. R.A. Muhammad Solih Ibang:
Maju Teuneung Ludeung Demi Bebela Ka Lemah Cai

Ngahaja janjian bada diskusi budaya di Lokatmala, ngobrol panjang lebar nu dimimitian ku masalah seni budaya, masalah lingkungan akhirna loba hal anu kaguar kalawan mundel ngeunaan cianjur kiwari.

Tuntas ngabahas sababaraha hal anu memang cukup pogot ngeunaan Cianjur, karasa aya alur anu teu kahaja kabuka ngeunaan wawasan jeung pangaweruh H. R.A Muhammad Solih anu akrab di sebut H. Ibang ngenaan Cianjur, nu antukna penulis nanya naha nyaan rek nyalonkeun dina pemilihan Kepala Daerah anu baris datang?

Samemeh nandeskeun kana pertanyaan, H. Ibang ngaku, nu memangc ahir ahir ieu remen ditanyakeun ka dirina, boh dina telpon atawa langsung. Nu ahirna kalawan tatag H. ibang nyebutkeun teuneung ludeung demi bebela ka Cianjur malar aya kamajuan.

"Najan dina emprona ku ayeuna, demi masyarakat Cianjur geus loba pisan anu migawe kalawan parigel demi kamajuan Cianjur, ku bidang bidang anu beda luyu jeung kamampuhna, Naha salah Ibang oge salaku urang Cianjur hayang ngilu ngarojong jeung ngamajukeun Cianjur. Najan alit sasiki sasawi mugia niat Ibang baris mawa manfaat," Pokna daria pisan.

Matak ngarasa meungpeung ngora, meungpeung aya dorong doa jeung pangrojong, disebutkeun H. ibang dirina teuneung ludeung demi bebela keur Cianjur. Najan dina prakprakanana teu sadaya ngarespon hade. Tapi moal ieuh jadi rumegag kana dirina.

Nujelas nu ngora kudu boga patekadan anu ka ukur, sok komo deui ayeuna Cianjur butuh pamikiran pamikiran ti kalangan nonoman, matak dipiharep H. ibang, sasieureun sabeunyeureun bisa nyarungsum kana kamajuan Cianjur....(Nyambung).

21/03/2024

Panon Surem Dumeh Cipanon Ngembeng
Wanci Asa Kamari Urang Kumpul Babarengan, Ayeuna Kudu Pisah...

Address

Jalan Sabandar, Sabandar, Karangtengah
Cianjur Regency
43281

Website

http://kalamsunda.com/

Alerts

Be the first to know and let us send you an email when Kalam Sunda posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Kalam Sunda:

Videos

Tumaninah Mawa Betah. Ki Sunda Tara Hayang Loba Rupana.

"Selamat Ulang Tahun Baznas Ke 22"

Dengan Tema “Berkah Berzakat, Terimakasih Muzaki Terimakasih Mustahik”, BAZNAS Kabupaten Cianjur Selenggarakan khitanan massal dan santunan anak yatim, Dhuafa dan Jompo Di usia 22 tahun, Badan Amil Zakat Nasional (BAZNAS) telah menjadi solusi bagi masyarakat utamanya Muzaki dan Mustahik. Hal itu dirasakan pula oleh warga Kabupaten Cianjur. BAZNAS CIANJUR mengucapkan Terimakasih banyak kepada para donator, dermawan dan orang baik yang telah melakukan kebaikan bersama kami. Semoga Allah Subhanahu wataala memberikan pahala, keberkahan serta kemudahan dunia dan akhirat.

Do'a jeung Harepan di tenda Pangungsian korban Gempa Cianjur 2022.

Jandela Tenda Terpal Muka, Angin peuting dipangungsian nyulusup, lalaunan mawa rasa anu kumalayang, napak dina do'a do'a pinuh harepan. Ya Alloh ...salametkeun abdi sadaya. Kiatkeun abdi sadaya..Aamiin yra.

Kalam Sunda

27/08/2024

26/08/2024

22/08/2024

16/08/2024

10/08/2024

02/08/2024

28/07/2024

11/07/2024

01/07/2024

29/06/2024

28/06/2024

10/06/2024

10/06/2024

01/06/2024

13/04/2024

05/04/2024

04/04/2024

21/03/2024

Address

Website

Alerts

Contact The Business

Videos

"Selamat Ulang Tahun Baznas Ke 22"

Do'a jeung Harepan di tenda Pangungsian korban Gempa Cianjur 2022.

Shortcuts

Share

Category