25/03/2020
Selamat malam
Sekali lagi selamat malam
Pia Basa Puri Ratu, Basa Lewolein, dan Polindes Riangduli
Kame leta tite wahan kae hama" denge wengen, koda kirin ama belen leba lewo baan tana naene pirema ni...
"Nuane pi dai, nuun mayan apun angin lau sina jawa haka aen te'belolo wengin tua te'beleku, ke lewo tana mayan gaha...
Lein lau weran rae-hikun teti wanan lali pi lewo tana tobo lodo dei gere hama" denge wengen :
1) Lewotana an'an bahin susah nulan pana peken. Di tite tai hupen mayan opu bine, kaka arin lewo iken, di hala ki. Noon opu bine kaka arin beto hupen mayan di tite, tai hala ki.
2) Lewo tana an'an bahin nai pana pekenet pe reron ne, tite neka peli odo dopero pe reron ne, di mihin. Na pana pekenet rema, pe noi hogo ekan neek rera gere, tite neka peli odo dopero mihin.
3) Gemohin" usaha dana si lewotana lodo wahan kae, juga dihentikan seluruh aktifitasnya, dan akan disesuaikan setelah 14 hari kedepan.
4) Murine wahan kae si lewotana lodo, mulai jam buthon rema, ne ata lodo roleya tobo peephuna si raran wutuken wahan kae, noon si uma lango wahan kae, taan kayaken ayan hama helon getan muane, ne hala ki.
5) Murhan ramhen si lewo tana one lodo, noon lali dulhin palhin lodo, di Ta Mu Ki.
~ Lewotana gaha mariro kae ni, tite wahan kae hama" denge dore, taan liko lapak jaga gerihan, hipen papan lewotana-pai tite atadiken wahan kae si lewotana onen lodo, noon lewotana an'an bahin inawae amalake, keresin belen si ata ekana nai wahan kae.
~ Lodo lali dulhin palhin tede toon ephut orinet, gere si lewotana tede toon umhat langut, marin onet ti nuun mayan apun angin tou nin, tobo nai doan hiba nai lela.
~ Informasi lebih lanjut akan disampaikan setelah melihat perkembangan 14 hari kedepan
HONIHAMA, 25 MARET 2020
