25/09/2024
Dosye edikasyon
Koze gen rapò ak edikasyon, ministè edikasyon nasyonal pibliye sou sit ministè pousantaj rezilta egzamen NS4 yo pou kèk depatman tankou nò ak nòdès. Lè nou gade to reyisite yo se dlo nan zye se vreman lamantab. Jodi a nan depatman nòdès patikilyèman nan wanament edikasyon an prèske pa egziste ankò ke nan lekòl piblik ak prive yo.men sa padi Moun kap mennen edikasyon yo anyen, paske yo mobil yo sèlman se fè lajan. Resiyite elèv yo pa vle di anyen ni pou pa paran ni pou direksyon lekòl yo alevwa pou pwofèsè yo. Yè reyisite ane lekòl la te chita sou rezilta elèv yo men Jodi a li chita sou kantite lajan administrasyon lekòl antre kòm pwofi pou ane a ,se sak fè chak ane pri lekòl yo monte malgre gen move rezilta. Mesye nou paka ap fè Yon sosyete sa, ki kote nou vle mennen jenès la? Ki mòd sitwayen nou Bezwen demen? Eske Jodi a nou pi fyè lè nou wè elèv nou yo nan boule kawotchou nan voye wòch, nan bwè kleren ,nan gang ke lè yo te konn devni medsen ,enjenyè, avoka elatriye. Mesye sa pa di nou anyen lè nou wè se ansyen elèv nou yo ki vin devni Yon anpèchman pou sosyete a. Sa pa di nou anyen pou lè nou wè se ansyen elèv nou yo ki nan gang.
Konsène yo Jodi a li enpotan pou nou pran konsyans pou nou di metòd nap itilize a pa bon fè lajan sèlman an pa bon. Pou nou pa tonbe nan pou bèl istwa fò nou retounen nan sa lekòl la te ye yè kote prensipal enterè nou se te elèv yo.
An nou pran konsyans pou nou Yon lòt ayiti demen . Nou pap ka chanje peyi sa si nou pa byen edike elèv yo.
Ekri pa Elvil Darcelin defensè piblik.
