Koukouwouj Enfo

24/12/2024

Kounye a pou yon moun gen kè pou l di se prizon kap tann teworis viv nan san yo!
Bay tout moun pwazon n fini.

23/12/2024

Ede sosyete a idantifye kriminèl sa a, se yon polisye ki afekte nan komisarya Gonayiv la, li nan UDMO
Misye fè yon fiziyad nan Gonayiv nan Céleste bar reto samdi 21 desanm nan aswè
5 moun blese, yonn mouri.
Li met van nan vwèl li.

Lapolis ap chache l kou chen fou.

19/12/2024

S.O.S PNH Latibonit
Daprè sa kèk moun Lestè di nou
Gang kokorat san ras atake Lestè, yap tire nan tout direksyon

18/12/2024

18/12/2024

Bonjour

18/12/2024

Men video kote fòs lòd yo nan fyèf gang grangrif nan Tirivyè Latibonit.

Antouka gen bonjan pwogrè.
Bat bravo pou lapopo ak fòs Miltinasyonal la.
Siw vle gen tout enfòmasyon an tan reyèl, abone a Koukouwouj Enfo
Mèsi pou konfyans ou fè nou!

17/12/2024

Pa chache misye pami vivan yo.

Li rele Ti Nwè, se misye ki toujou al chache kòb kidnapping pou teworis grangrif nan Savyen yo.
Se misye ki toujou veye otaj yo.

Si wap chache l, ale devan bawon, se nouvo anfandkè bawon.
Abone a paj la pou w pa rate anyen.
Koukouwouj Enfo
Abone, kòmante epi pataje
Nou se se bonjan enfòmasyon
San wete, san mete!

17/12/2024

Tirivyè Latibonit
Bagay yo pa dous pou bandi yo non.
Tout moun te panse yo te gen kran wi

17/12/2024

Lapolis ap travay san kanpe pou mete lapè nan peyi a!

17/12/2024

Endividi sa nap gade la a, pote non Wougan tcholi,li viktim anba kout baton yon gwoup kretyen misyonè nan zòn Deriso ( Vye wout) ki twouvel nan depatman nip peyi Dayiti.

Gwoup misyonè sila tap preche levanjil nan zòn nan epi rantre lakay Hougan an pandanl tal jaden, yo kraze ,debalize tout sa ki te nan badji wougan an.

Se menm moman an wougan Tcholi tap soti nan jaden al mande gwoup misyonè a , de ki prevyen, ki moun ki otorize yo , san rann kont yo vide kou sou li, kalonnen li anba kout wòch.

Balendjo Nago l!

16/12/2024

Pral gen zen, nan vil la!
M pap pale.
Banm siiiiiiiiiiiiiiiib
Koukouwouj Enfo

16/12/2024

Lapopo ap pi efikas chak jou.
Ekipman ap antre pou kwape teworis sal
Koukouwouj Enfo
Abone, kòmante epi pataje
Nou se bonjan enfòmasyon
San wete, san mete!

16/12/2024

Tout tan nap poste zam lanmou 100 jou a se cham nap bay teworis sal, nèg sòt!
Koukouwouj Enfo

16/12/2024

Viv ansanm tèlman pran kou nan weekend sa a, anfen!
Bonjou lemond!

15/12/2024

Pa chache kenken, gwo sòlda babekyou.
Misye deja nan 2 pla men bawon.
Se lapolis ki òje misye.
Viv Ansanm pa sispann pran frap nan dènye jou sa yo.
Si w ta renmen wè misye kap benyen nan san l, ekri nou sou WhatsApp 44 31 4949 .
Se foto a nou genyen, nou poko gen video
Koukouwouj Enfo
Abone, kòmante epi pataje
Nou se bonjan enfòmasyon
San wete, san mete!

15/12/2024

𝐇𝐚𝐲𝐭𝐢: 𝐋𝐚𝐠𝐞̀ 𝐬𝐢𝐯𝐢𝐥 𝐞𝐤𝐥𝐚𝐭𝐞 𝐝𝐞𝐩𝐢 𝐤𝐞̀𝐤 𝐭𝐚𝐧 𝐞𝐩𝐢 𝐭𝐨𝐮𝐭 𝐦𝐨𝐮𝐧 𝐟𝐞̀ 𝐤𝐨́𝐦𝐬𝐢 𝐲𝐨 𝐩𝐚 𝐰𝐞̀ 𝐬𝐚

Chak jou, plizyè santèn moun pèdi lavi yo nan masak san pitye, dizèn milye lòt oblije kite kay yo, pandan grangou ap depafini ak popilasyon an. Sèvis piblik yo prèske pa fonksyone ankò. Pandanstan, chèf yo pa gen okenn jennen pou ap pataje resous peyi a tankou se byen pa yo.

Hayti nan lagè. Yon lagè kont pwòp tèt li, òganize pa fòs vizib ak envizib, soutni pa yon mepri flagran pou lavi moun ak enterè kolektif la. Men, sa k fè pi mal la, kri dezespwa nou yo, san k ap koule, ak tout kraze nou yo, pa enterese pèsonn. "Zanmi Hayti" yo vire do yo, yo pito rete nan inaksyon pase yo pran responsabilite yo.

𝐑𝐞𝐲𝐨̀𝐠𝐚𝐧𝐢𝐳𝐞 𝐥𝐚𝐯𝐢 𝐤𝐨𝐦𝐢𝐧 𝐲𝐨: 𝐘𝐨𝐧.𝐧𝐞𝐬𝐞𝐬𝐢𝐭𝐞 𝐢𝐣𝐚𝐧

Devan dezòd sa a, gen yon sèl chimen ki rete: repran kontwòl lokal yo. Si gouvènman an sèlman enterese nan fè lajan sou do nou, se devwa nou pou nou òganize komin yo selon sa nou bezwen vrèman. Nou dwe bati yon avni ki respekte reyalite ak priyorite chak depatman, epi pa kite yon ti gwoup san fwa ni lwa detwi sa ki rete nan men nou.

Sa dwe kòmanse ak yon revey sitwayen. Nou dwe leve kanpe epi refize lage yon santimèt tè, resous, ak avni nou nan men moun k ap piye yo. Nou dwe fòme konsèy minisipal angaje, mobilize fòs nou yo, planifye devlopman teritwa nou yo, epi pwoteje sa ki rete yo a ak yon detèminasyon san fay.

𝐘𝐨𝐧.𝐚𝐩𝐞̀𝐥 𝐩𝐨𝐮 𝐧𝐨𝐮 𝐝𝐞𝐟𝐚𝐧𝐧 𝐝𝐰𝐚 𝐧𝐨𝐮

Li lè pou nou leve vwa nou, denonse piyè peyi yo, epi konstwi yon mouvman kolektif ki ap fè tande l nan tout peyi a. Sa pa sèlman yon kesyon siviv, men yon kesyon diyite. Nou dwe tounen gad intransijan dwa nou yo, dwa pitit nou yo, ak avni nasyon nou an.

Nou pa ka rete nan lonbraj dezespwa ankò. Hayti bezwen ewo. Pa ewo ki pou kont yo, men komin antye ki ini nan volonte pou defann ekzistans yo. Tan pale vid la fini. Tan aksyon kouraje yo rive. Hayti ka toujou sove, men sa dwe kòmanse koulyea.

Beken Petit-Homme
15 Desanm 2024
Sekretè Jeneral
Sosyete Sivil Gonayiv

14/12/2024

𝐅𝐞̀ 𝐝𝐞𝐩𝐚𝐭𝐦𝐚𝐧 𝐋𝐚𝐭𝐢𝐛𝐨𝐧𝐢𝐭 𝐫𝐞𝐯𝐢𝐯 : 𝐏𝐢 𝐠𝐰𝐨 𝐢𝐣𝐚𝐧𝐬 𝐧𝐨𝐮 𝐠𝐞𝐧𝐲𝐞𝐧 𝐥𝐚 𝐚

Depatman Latibonit, ki te konsidere kòm grenye peyi a nan tan lontan, jodi a ap travèse yon gwo kriz. E se politik la ki responsab move sitiyasyon sa a k ap mennen nou tou dwat nan destriksyon an. Pou bay espwa ak vitalite nan depatman an, li nesesè pou nou adopte mezi konkrè ak kowòdone.

𝐊𝐨𝐧𝐛𝐚𝐭 𝐳𝐚𝐟𝐞̀ 𝐠𝐚𝐧𝐠 𝐧𝐚𝐧

Gang k’ap vale teren nan Latibonit se youn nan pi gwo baryè pou lapè ak estabilite. Pou rezoud pwoblèm sa a, li enpòtan pou:

1. 𝐑𝐚𝐧𝐟𝐨̀𝐬𝐞 𝐟𝐨̀𝐬 𝐥𝐨̀𝐝 𝐲𝐨: Fòs sekirite yo dwe gen mwayen nesesè pou yo kapab lite kont gang ame yo. Sa mande pou bay yo bon fòmasyon, ekipman modèn (tank, fizi d’assaut, bal, jilè anti-bal, elikoptè, materyèl lou, elatriye) epi devlope yon bon koperasyon ak kominote lokal yo.

2. 𝐏𝐰𝐨𝐦𝐨𝐮𝐯𝐰𝐚 𝐥𝐚𝐣𝐢𝐬𝐭𝐢𝐬: Jistis la dwe rann de fason transparan ak jis. Fòk gen yon konba kont enpinite. Tout moun ki fè vyolans dwe al devan lajistis, kèlkeswa lyen politik, ekonomik yo oswa zanmitay yo ak komisè Gouvènman yo.

3. 𝐄𝐧𝐯𝐞𝐬𝐭𝐢 𝐥𝐚𝐣𝐚𝐧 𝐧𝐚𝐧 𝐥𝐞𝐝𝐢𝐤𝐚𝐬𝐲𝐨𝐧 𝐚𝐤 𝐟𝐨̀𝐦𝐚𝐬𝐲𝐨𝐧: Ofri altènativ pou jèn ki ta ka antre nan kriminalite enpòtan anpil. Pwogram edikatif ak fòmasyon pwofesyonèl ka kreye opòtinite ekonomik epi dekouraje jèn yo nan chwazi chemen vyolans.

𝐑𝐞𝐩𝐚𝐫𝐞 𝐞𝐫𝐞̀ 𝐩𝐨𝐥𝐢𝐭𝐢𝐤 𝐲𝐨

Politisyen yo gen gwo responsablite nan sitiyasyon jodi a. Sepandan, olye nou tonbe nan dekourajman, li nesesè pou konsantre sou solisyon ki ka bati:

1. 𝐌𝐚𝐧𝐝𝐞 𝐤𝐨𝐧𝐭: Sitwayen yo dwe mande kont nan men moun k’ap dirije yo. Transparans ak responsabilite dwe chita nan kè gouvènans lan.

2. 𝐀𝐧𝐤𝐨𝐮𝐫𝐚𝐣𝐞 𝐚𝐧𝐠𝐚𝐣𝐦𝐚𝐧 𝐬𝐢𝐭𝐰𝐚𝐲𝐞𝐧 𝐲𝐨: Enplike sitwayen yo nan lavi politik ak sosyal ka ede ranfòse demokrasi epi anpeche abi pouvwa.

3. 𝐑𝐞𝐤𝐥𝐚𝐦𝐞 𝐫𝐞𝐟𝐨̀𝐦 𝐞𝐬𝐭𝐫𝐢𝐤𝐭𝐢𝐭𝐞̀𝐥: Fòk gen gwo refòm nan sektè ekonomik, agrikòl, ak jistis pou asire yon devlopman dirab ak ekitab.

𝐑𝐞𝐭𝐚𝐛𝐥𝐢 𝐥𝐚𝐩𝐞̀ 𝐚𝐤 𝐤𝐨𝐧𝐟𝐲𝐚𝐧𝐬

_Pou retabli lapè ak konfyans nan Latibonit, li nesesè pou:_

1. 𝐀𝐧𝐤𝐨𝐮𝐫𝐚𝐣𝐞 𝐝𝐲𝐚𝐥𝐨̀𝐠 𝐤𝐨𝐦𝐢𝐧𝐨𝐭𝐞̀: Òganize fowòm diskisyon pou pèmèt sitwayen yo eksprime tèt yo epi jwenn solisyon ansanm pou pwoblèm yo.

2. 𝐒𝐢𝐩𝐨̀𝐭𝐞 𝐢𝐧𝐢𝐬𝐲𝐚𝐭𝐢𝐯 𝐥𝐨𝐤𝐚𝐥 𝐲𝐨: Ankouraje ak soutni pwojè devlopman lokal ka ranfòse solidarite sosyal epi ankouraje yon ekonomi rezilyan.

3. 𝐑𝐚𝐧𝐟𝐨̀𝐬𝐞 𝐥𝐲𝐞𝐧 𝐬𝐨𝐥𝐢𝐝𝐚𝐫𝐢𝐭𝐞 𝐲𝐨: Solidarite ant sitwayen yo se yon poto mitan pou nou ka simonte difikilte yo. Aksyon nan sans èd mityèl ak pwojè kominotè ka ede rebati konfyans.

Bay Latibonit lavi ankò mande yon apwòch plizyè dimansyon, ki enplike aksyon konkrè pou ranfòse sekirite, ankouraje jistis, mande kont nan men lidè yo, epi retabli konfyans ak solidarite nan kominote a. Se ansanm, nan inite, ke nou ka simonte kriz sa a epi ofri yon avni miyò pou frè ak sè nou nan Latibonit.

𝐁𝐞𝐤𝐞𝐧 𝐏𝐞𝐭𝐢𝐭-𝐇𝐨𝐦𝐦𝐞
14 Desanm 2024
Sekretè Jeneral
Sosyete Sivil Gonayiv

13/12/2024

𝐒𝐞𝐤𝐢𝐫𝐢𝐭𝐞 𝐩𝐢𝐛𝐥𝐢𝐤: 𝐑𝐞𝐬𝐩𝐨𝐧𝐬𝐚𝐛𝐥𝐢𝐭𝐞 𝐭𝐨𝐮𝐭 𝐲𝐨𝐧 𝐤𝐨𝐦𝐢𝐧𝐨𝐭𝐞

Sekirite piblik pa sèlman zafè Lapolis Nasyonal la. Se yon responsablite kolektif ki mande angajman ak kolaborasyon tout kominote a. Pou garanti sekirite nan sosyete nou an, nou dwe mete fòs nou ansanm ak tout lòt aktè ki konsène yo.

Òganizasyon dwa moun, medya yo, Sosyete Sivil, meri yo, delegasyon ak vis-delegasyon, MTPTC, MSPP, EDH, Pakè, Lapolis yo dwe tout travay ansanm pou byennèt komin. Chak nan entite sa yo gen yon wòl esansyèl pou jwe nan mete an plas mezi ki efikas ak dirab pou sekirite kominote nou an.

Li enpòtan pou nou aprann travay ansanm, pataje enfòmasyon ak resous, epi aji nan yon fason kowòdone. Se sèlman lè nou travay ansanm, ak yon vizyon ak yon objektif komen, n ap ka reyalize yon rezilta pozitif ak dirab pou sekirite piblik la. Avni kominote nou an depann de kapasite nou pou travay men nan men pou pwoteje sitwayen nou yo epi garanti yon anviwònman ki an sekirite pou tout moun.

Depatman Latibonit konte sou travay kolektif tout pitit Latibonit, tout enstitisyon ki nan Latibonit pou libere rejyon an anba gang ame yo. Chak sitwayen, chak òganizasyon ak chak enstitisyon gen yon wòl esansyèl pou jwe nan batay sa a.

Kolaborasyon ant fòs sekirite yo, otorite lokal yo, lidè kominotè yo ak popilasyon an esansyèl. Ansanm, nou dwe devlope estrateji pou retabli lapè ak sekirite. Patisipasyon aktif tout pitit Latibonit yo, kit se nan vijilans, denonse aktivite kriminèl oswa ankouraje solidarite sosyal, se yon bagay ki endispansab.

Lè nou ini fòs nou epi travay men nan men, nou ka kreye yon anviwònman kote sekirite ak pwosperite garanti pou tout moun ki nan Latibonit. Se nan solidarite ak detèminasyon kolektif nou n ap rive libere depatman nou an anba gang ame yo epi bati yon avni miyò pou tout moun.

Beken Petit-Homme
13 Décembre 2024
Sekretè Jeneral
Sosyete Sivil Gonayiv