02/11/2023
Ti Joslin! (Partie 18)🕯
Mwa Desanm se pat yon abitid pou mesye yo te al pase l an provens paske yo te toujou di “Yon Desanm rete yon Desanm”, menmsi nan gran vakans yo souvan al an provens men pou ti vakans Desanm yo se pat bagay yo te konn negosye pou anyen. Se te moman pou yo al nan lòt aktivite yo, soti avèk zanmi al pran ti plezi yo, enjoy yo, eksetera. Men, ane sa se te avèk anpil entònman tout moun te wè Roberson te fè valiz li e te pran direksyon provens pou li.
Rive an provens salye tout moun, tout moun te kontan wè Roberson kòm abitid, men nan lè li te rive a kouzen l lan te soti li pat la, depi lè kouzen l lan tap rantre nan baryè a li te kwaze avèk yon ti sèl ki te dil :«Ey, Roberson la wi, li tap mande pou ou», gran frè a :«Oh msye gentan rive», ti sè a :«Wi, prèske apèn».
Gran frè a te kòmanse ri epil te tou deplase yon fwa, kòm chanm Roberson te toujou renmen dòmi depi l vini an se te anlè a li te ye, kouzen an te tou pran direksyon eskalye a, li te kontinye ri san rete, li potko menm fin monte eskalye a li te gentan rele :«Robersonnnn» plizyè fwa, Roberson :«Oh oh sa msye ap fèm konsa».
Nan yon bat je kouzen an te gentan rive nan chanm nan, epi l di :«Yow, sak ap fèt?», Roberson :«Nou poze wi e ou?», Kouzen an :«Apam poze m la». Kouzen an te gade Roberson, li te pran ri, epi l di :«Yow, apaw vini vre menn?», nan nivo kouzen an tap ri a, Roberson pat ka anpeche tèt li, tap souri an menm tan epil te reponn :«Sa msye ap di la, saw te vle menn?».
Kouzen an te chita sou yon chèz ki te nan chanm nan epil di :«Fanm sa genyen chans papa!», Roberson :«Kòman chans lan?», kouzen an :«Ou menm ki la, nan yon mwa desanm wi», Roberson :«Ah, bay vag monchè, antouka aprè midi a fòk ou degajew pouw fèm wè l wi», kouzen an :«Kiyès?», Roberson :«Ou stupid wi nèg, gen kesyon w pa poze wi», kouzen an :«Ebyen pouw al lakay li», Roberson :«Map pale bagay serye avèw, wap fè tapaj», se konsa konvèzasyon an te kontinye antre 2 mesye yo, yo tap pale de tout bagay, se te soti nan sa tonbe nan yon lòt.
Brèf, jounen an te pase nou te gentan nan yon lòt jounen, malgre kèk tantativ nan aprèmidi men ni youn ni lòt potko vrèman genyen kontròl Joslin, plizyè jou tap pase kouzen an avèk Roberson potko ka rankontre avèk Joslin, chak jou ki tap pase se te vakans lan ki tap apwoche nan bout li, kòm yo toulede te konnen ki kote Joslin rete, yo te deside bati yon plan paske pat vrèman genyen lòt chwa.
Yon bon aprèmidi, kòm kouzen an te gentan genyen yon lyen amitye ansanm avèk Joslin, li te deside pou tal lakay li, yon fason pou te fasilite tout bagay. Se konsa vre li te benyen, mete rad sou li e te pran direksyon lakay Joslin. Bon chans pou li, depi nan premye kout “onè" a yo te deja vin reponn li, men se te tann Doudoun, li te salye granmoun nan avèk tout sajès, li te mande l èske l te kapab wè Joslin, erezman pou li ankò, yo te bay li chèz epi tann Doudoun te rantre anndan an tal rele Joslin pou li.
Tann Doudoun :«Jos, kotew, men yon moun ap mande pou ou wi», Joslin :«Sevre, kiyès li ye la?», tann Doudoun :«Mwen pa trò byen rekonèt li non», Joslin :«Anh oke man, mwen pral kotel», se konsa vre Joslin te tou soti deyò a.
Joslin te sezi lèl te wè se te kouzen Roberson nan, epil di :«Oh bonswa, kòman w ye?», kouzen an :«Mwen anfòm wi, e ou menm?», Joslin :«Pa mal non», kouzen an :«Ou sezi, ou pat panse se te mwen?», Joslin :«Non, bagay serye, mwen etone vre wi», kouzen an :«Ah, bon m te diw nenpòt lè, se gade wap gade wap wèm vin lakay ou», Joslin :«Bon ou te di sa vre wi, men m pat panse ou tap vini tout bon».
Yo youn te kontan wè lòt, paske yo te gentan nan plis ke mwa depi yo pat janm rankontre, apèn yo te kontinye pale, kouzen Roberson nan te di :«Ey, ou pat okipe?», Joslin :«Pa vrèman non, benyen mwen ta pral benyen», kouzen an :«Oh, ebyen ou mèt al benyen map tann ou», Joslin :«Ah, map gentan al benyen talè», kouzen an :«Oh, bon ou dim benyen ou ta pral benyen, mwen diw ou mèt al benyen epiw pa vle?», Joslin :«Oh, mwen mèt kitew chita la pou kòw?», kouzen an :«Ohhh, sa map genyen? Al benyen tande map tann ou».
Se konsa vre, Joslin te leve l tal benyen e l te kite kouzen Roberson nan chita nan galri a. Pou kouzen an tout bagay te gentan sou kontròl, malgre l tap pale avèk Joslin san l pat menm lonmen non Roberson men, tout sa ki te nan tèt li, se te “à tout prix” atenn objektif li.
Aprè bon kèk minit konsa, Joslin te fin benyen mete bèl ti rad li sou li e te soti deyò a pou te kontinye pale avèk kouzen Roberson nan. Konsa vre, konvèzasyon an te reprann, yo tap pale de tout bagay, epi kouzen Roberson nan di :«Oh, mwen pa rayi zòn nan non!» Joslin :«Ni mwen menm tou wi», kouzen an :«Epoutan siw wè sa, se pa yon kote mwen souvan pase non?», Joslin :«Sak fè sa?», kouzen an :«Ah, ou konnen li agoch de lakay mwen», kouzen an te kite kèk segond pase epil di :«Ey, saw panse, ann al fè yon ti mache non? Granmoun ou pap dakò?», Joslin :«Non!», kouzen an :«Ebyen di yo wap vini, ann ale non».
Joslin te rantre anndan an epil di :«Man, Pa, map vini, map fè yon ti soti deyò a la», tann Doudoun :«Anh oke, pitanm men pa rete tròp non», Joslin :«Non, kounya map tounen wi», Joslin te tou soti deyò a, epi li menm avèk kouzen Roberson nan te soti vre pou yo tal fè yon ti mache nan zòn nan. Apèn kèk pa de lakay Joslin, pandan yo tap pale antre yo, premye je Joslin te wè se te Roberson epil di :«Ey, se pa vre!», kouzen an :«Sak pase?», Joslin :«Anyen, ou fè tout tan sa ap pale avèm, ou pa dim sil la?», kouzen an tap souri, epil di :«Se pat vrèman enpòtan», Joslin :«Kòman l pat enpòtan an? Ann fè yon ti kanpe epitou sa lap fè anba a la?», kouzen an :«Mwen pa konnen non», Joslin :«Woyyy pa banm manti, ou wè se baz mwen ou ye, jis dim kisa lap fè anba a la?».
Kouzen Roberson nan pat ka kenbe souri ki te sou vizaj li, li te sèlman tap ri pandan l tap eseye kenbe ri a, men malerezman li pat kapab, epi Joslin di :«Apaw pa reponn?», kouzen an finalman te deside bay laverite epil di :«Ansanm nou ye!», Joslin te etone epil di :«Ou sérieux?», kouzen an :«Bon w poze m yon kesyon kounya mwen deside baw laverite, ou mande m sim serye», Joslin te souri, li te souke tèt li epil di :«Ahhh, ou gen sou ou», kouzen an :«Apaw kanpe, ann kontinye non?» epil te tou pase men l li te pran men Joslin pou yo te kontinye.
A swiv!
✅ , ✅ , ✅
Klike sou link sa pouw abòne pouw pa rate okenn nan pati yo ak tout bèl istwa nou yo!
👉🏽➡️ https://www.facebook.com/Winsly512?mibextid=LQQJ4d
