25/03/2024
*A distans*
*Epizòd* #⃣2⃣
*A distans*
mezanmi Dave tap fè kou nan yon lekòl men trouve mèt lekòl la wè efektif li te genyen an , ap bese li mande Dave pou li fè yon poze si tout fwa bagay yo ta vin ok la voye chèche misye , Dave te trouve sa yon ti jan dwòl pou li chita pandan ke li pral gen yon ti moun pa twò lontan, men Dave gen yon zanmil.ki rele Christopher ki te nan lame, epi li toujou ap pale de sa ak Dave pou li dil sil al nan lame lap benefisye anpil bagay Dave te trouve se pat yon movè ide ,pou li te fè sa men aprè sa ki vin rive a Dave pap travay ankò li oblije ap prepare li, pou li kal nan lame, lè misye rele madanm ni pou li dil men kòman bagay yo ,li pral nan lame, fi a pat vle tande yon bagay konsa menm pou Dave te fè wout sa, men Dave di li paka chita li oblije ale, paske sil ale pitit li ap gen chans benefisye anpil bagay...
*Josette* Dave e mwen menm akiyès ou pral kitem nan kay la ?
*Dave* m'ap fè youn nan ti sèm yo vin ret la ak ou ...
*Josette* non Dave e ti moun nan ki gentan nan vant mwen an,mwen pap ka pase twòp tan san ou non bb tanpri pa ale, chèche yon lòt bagay pito..
se konsa Josette t'ap pale ak Dave men se te sèl chans ki te genyen, Christopher ede Dave aranje tout bagay li, misye pat pran twòp tan pou li te al fèmen , sè Dave la vin ret nan kay la ak Josette, men Josette pat janm kontan toutan se toujou dlo nan zye Josette santi Dave mankel paske moun yo te twò damou, e yo renmen lontan, yo fin marye yo pako menm gentan jwi maryaj yo, pou kounye a se nan lame misye prale, Josette ap panse ak yon pakèt bagay li di li ka pèdi Dave pi devan men se pat fasil pou misye te rete.
aprè kèk mwa Josette ale lopital pou li konnen kòman bebe a ye andedan vant li, doktè a revele Josette ke tout bagay ap mache byen men se 2 ti moun li wè Josette pral fè mezanmi Josette tèlman sezi paske li pat prepare pou sa, men kòm se bondye kap bay ,li oblije pran lap panse a Dave ,li gentan ap kouri sou 2,a 3 mwa li pako janm ka wè Dave, se yon lè konsa Dave ba li yon ti kout fil pou li mandel kòmanl ye, men Dave pako soti non , paske li fème lap pran fòmasyon, li pa gen twòp aksè pou li pale ak madanm ni,men Dave andedan lap panse ak madanm ni, li gendwa chita byen pwòp lespril byen lwen li pap panse ak lòt moun ke Josette e menm jan misye ye a, se konsa madanm ni ye tou.
mezanmi se konsa wi lè ou renmen yon moun, depi w pa tandel ou pa byen, yo tou 2 moun paka viv san lòt, jou ap pase epi se konsa Dave pral gen pou li soti aprè tout tan sa li te fèmen ,yo bay chak moun ki te nan fòmasyon an yon ti chans pou yo al wè fanmi yo, epi Dave pa fè ni 2,ni 3 li gentan rive lakay li, lèl vini li jwenn madanm nan tap soufri paske fi a pat ka rete ankò san li pa wè maril, Josette tèlman kontan li fè yon vole sou Dave li menm bliye sil te gro vant...
*Dave* oouffff madanm mwen ,ou genlè bliye siw gen ti Dave, mwen bòw pote pou mwen ?
*Josette* pa enkyetew Cheri menm yo menm yo kontan wè bb...
se konsa yo te chita , depi lè Dave vini an Josette pa pile tè menm se nan bra Dave li manje,nan bra Dave li brè nan bra Dave li menm benyen , tèlman moun yo damou..
ala bèl sa bèl lèw gen yon mari ki gen prestans , se yon bagay ki pou tout gason ta dwe chèche fè wi, ramase chay ou ka pote , gen yon bagay map swiv ti nèg toujou renmen gro fanm, anpil nan nou lè nap renmen nou toujou vle pran gro fanm , e gro nèg toujou renmen ti fanm ,bon e si ou menm ki pran gro fi a, yon bon lè fi sa, malad nan menw se ou menm sèl ak li kisaw pral fè , menm si sa tou mwen menm k'ap ba nou istwa mwen pa gro gason se yon fanm pa gen bèl bout anba, mwen pa fin twò anvi kole e mwen pa gro nèg mwen paka kache pechem se nan san ti nèg sa ye menm ,yo toujou renmen gro fanm tanpri padonem medam yo...se jis yon ti blag mwen ta fè nan lanmou pa gen fizik, men toujou bat pou nou pran chay nou ka pote
ebyen se konsa Dave gen pou li pase yon semèn ak madanm ni, si Dave ap fè 7 jou konnen tou le 7 jou sa yo li gen projè pou li menm ak Josette ,li tèlman gate fi a anfen
Pandan yo te bay Dave yon ti tan pou li te pase wè fanmi li, se konsa li ap jwi ti semèn nan ak madanm li, yo soti ansanm yal sou plas ansanm yap fè ti romans yo, tout moun k'ap swiv yo di gadon pè pijon tèlman moun yo damou, yal nan makèt ansanm, al nan sinema chak jou yo al yon kote jis pou yo ka profite ti moman yo te genyen pou yo profite a, men tout ti kòb sa yo kiyès k'ap depanse se Josette paske Dave pat ko ap travay...
*Dave* bb mwen pakonn sa, pou mwen fè , pou mwen ta remèsyew pou lanmou..
*Josette* e mwen menm cheri mwen pakonn sa pou mwen ta bòw poum ta peyew pou janw fèm ap byen viv...
*Dave* ou peye tout sa yo deja ,se mwen ki dwew yo cheri, yon sèl bagay map tann nan menw..
*Josette* kisa'l ye cheri..
*Dave* komisyon mwen bòw pote pou 9 mwa a..
*Josette* jou a pa lwen bb ,yo prèske vini an nou tann ni..
*Dave* mwen espere jou sa, mwen bò kotew pou m'ap pran tout soufrans yo bb...
se konsa yo tap pale men Dave pa two lwen kite Josette, paske li gen pou li pati nan 2 jou ankò paske se yon semèn yo te ba li, semèn sa li fè ak madanm ni, li pa kite Josette fè anyen menm se li ki pase mòp, li ki fè manje, li ki lave pou madanm ni, sevre nan kay la gen yon sè Dave, men li pa kite yo fè anyen , sa vle di se li ki pou fè tout travay, li bay tout moun repo, chak maten Dave leve fè kafe pou madanm li, kòm si se li ki t'ap travay ak moun yo...,epi se konsa Dave rive nan jou li te gen pou li pati kite madanm ni an, li leve pou li ale, Josette pa menm ko kite Dave dil li prale, dlo kòmanse ap degoute nan jel e nan menm jou sa , Josette te gen pou li al travay tou, yo tou 2 moun yo kòmanse ap kriye paske youn paka viv san lòt..
*Dave* madanm mwen ,sevre mwen konnen nou pral tris vrèman, men yon desizyon yon òm dre respekte cheri, fòk mwen ale, e n'ap toujou pale ...
se konsa Dave ap anbrase Josette pou li dil orevwa , tou 2 ap kriye Dave paka kenbe dlo nan zyel, e menm jan pou madanm ni, menm lòt ti sè Dave la ki nan kay la ak yo a paka kenbe dlo...
se yon bagay ki di anpil wi ,pou wè kòmanw atache ak yon moun e ou pral separe ak moun sa pou yon ti moman, sitou se madanm ak mouche, paske aprè maryaj nou ta dwe toujou ak patenè nou prèske chak jou paske lè nou di maryaj, nou wè se ini, savle di 2 moun ki vin bay yon sèl , paske yo vin pataje lanmou nan yon sèl kè youn paka viv san lòt, ebyen se konsa mesyedam yo santi yo nan moman sitou, len gate lòt...
Men Dave pat ka rete li te oblije ,paske se te yon semèn li te vin pase, li di n'ap pale chak tan mwen gen yon ti tan lib cheri, e li pran yon foto madanm ni li metel nan bous li, sè Dave la ki se Manou, li di Manou mwen kitew ak madanm mwen tanpri edel kòm si se te manman ak pitit, koz ou konnen li pa twò lwen pou li akouche,epi li ale tou le 3 ap kriye men domaj Dave paka rete...
lè Dave rive yo pa pran twòp tan yo fè sa yo te gen pou yo fè, epi yo vin bay Dave tout sa l'ap gen bezwen, epi yo metel nan yon ka, si tout fwa yo pral nan yon gè yo gendwa itilize kan pal la, paske gen plizyè ...
e Christopher ki te ede Dave jwenn plas la andedan deside pou li pale ak misye pou li mandel kòmanl retrouvel nan domèn nan.
*Christopher sak pase kòmanw santiw , paske mwen remake ou gentan ap byen konpòtew wi.
*Dave* ah wi mwen kòmanse alèz men se yon sèl bagay k'ap dominem , se madanm mwen..
*Christopher* se konsa wi frèm, bagay yo pa dous non lèw kite fanmiw dèyè epi pou vin nan lame, pafwa ou pa menm konn kilè w'ap retoune chans pou mwen menm, mwen pa marye se renmen mwen ak yon ti zanmi, men jou mwen marye mwen tou demisyone..
*Dave* sa vle mwen di menm, mwen ta dwe demisyone?
*Christopher* oh mwen pa di sa non bon ou fenk kòmanse,.
*Dave* ok papa pandan w'ap pale de demisyone a ,banm rele madanm mwen...
se konsa Dave rele Josette paske pou le moman li nan yon ti tan ki lib, li rele madanm ni.
*Josette* alo Dave.
*Dave* Cheri ..
*Josette* epaw pat janm relem nan cheri?
*Dave* mwen pat ko gentan lib bb, kòman vant lan ye, e kòmanw ye bb, e Manou?
*Josette* anfòm wi papi sèlman, mwen kòmanse piti koz ,ou mankem anpil ,mwen pa santim ka viv konsa non Dave.
*Dave* tanpri Cheri pran yon ti pasyans , se pa tout tanm m'ap fè nan lame ok.
*Josette* wi men ou konnen ,ou pliske yon oksijèn pou mwen bb, e sitou ou konnen se nan mwa sa mwen gen pou mwen akouche bb. .
*Dave* wi mwen konn sa , se sak fè....
Dave pa menm fin gentan di sa ke li te gen pou li di a, apèl la koupe...
*Josette* alo bb, Dave ou la..
Dave pa reponn paske genlè gen yon sitiasyon ki ap deroule nan moman, jeneral la gentan fè apèl ak tout moun , e yo vin parèt sou Dave ki nan telefon yo gentan mandel pou li praparel li pral nan batay, li pa menm gentan di madanm ni orevwa , se sa ki pral bay Josette plis problèm se lè l'ap pale ak Dave pou apèl la ap koupe paske li pa konn sak gentmyen e Dave paka relel bak tou swit pou li ta dil sak pase..
mwen panse tout moun ka gen yon ide de travay, Dave ap fè nan lame se pa yon bagay ki piti, paske se yon kò ki reprezante yon peyi sou mache entènasyonal, se tout yon nasyon ki sou kont ou, pa gentan pou jwe e pa gen tan pou bay madanm ou lanmou, se sak fè yon moun ki konnen ou atache ak madanm ou twòp pata dwe al nan bagay sa, men pafwa genyen ki oblije soufri jis pou yo ka gen yon meyè vi paske ,fanmiw gen chans benefisye anpil bagay akoz de ou..
e Josette kòmanse pakal travay ankò akoz li kòmanse gen doulè...
sa vle di li pa twò lwen pou li akouche...
Abdi Primo
