28/12/2024
КОЈ Е ТУТЕ ДИ ТУТЕ КАПИ ВО ЈПДП?
Да се пофалам, имам ДОПИСНИК од ЈП ДП. Еве го неговото првото јавување од внатре:
,,Туте Ди Туте е Никола Тутевски викан Туте, до скоро човек мистерија во Јавното претпријатие за Државни патишта, со кое раководи пензионерот Коце Трајановски. Вработените до скоро се чудевме кој е ТУТЕ, тип кој лошо и откосо не гледа, а дојден е во ЈП ДП со Коце Трајановски, рака под рака! Тука е од првиот пат кога Коце стапна кај нас на работа...
Да ве запознаеме со Туте. Тој е дете од „најпатриотската" општина Гази Баба. Живее на територијата на Гази Баба, советник е од редовите на ВМРО ДПМНЕ во Советот на Општина Гази Баба, а мајката му е долгогодишен административен службеник баш во Општина Гази Баба. Нивна си е, си ја чувствуваат за своја, па си се вработуваат фамилијарно.
Од импресивната биографија објавена на веб страната на Општина Гази Баба, се дознава дека Никола Тутевски е роден 1986 година, дека од образование има диплома за средношколски остручен електротехничар (веројатно дека е со четиригодишно средно образование, со тригодишно се занаетчии: бравари, дреари и сл.). Се дознава и дека е претседател на комисијата за култура, спорт и рекреација, дека се разбира ептен од урбано живеење па е и член на комисија за урбанизам, комунални работи, сообраќај и заштита на животната средина, ама како сестран и ептен изучен и заучен, член е и на комисија за еднакви можности на жените и мажите. Во ВМРО ДПМНЕ се пак ептен познати по давање еднакви можности на СИТЕ! Највеќе на себе!
Кај нас во ЈП ДП дојде тивко незабележано, како човек од доверба на Коце Трајановски, првите денови кроце се движеше, за да збукне и да прерасне во „(не) формален" шеф на кабинет на Коце Трајановски. Ама, како што поминуваат недели и месеци, гледаме дека ТУТЕ му станува шеф на Коце, според начинот и тонот со кој му се обраќа на директорот на состаноци на кои е задолжително присутен. Никој во ЈП ДП не знае во кое својство ТУТЕ го има на сите тие состаноци на кои е и Коце Трајановски. Веројатно знаат само премиерот Мицкоски, ТУТЕ и КОЦЕ!
Никола Тутевски-Туте за само два-три месеци изгради неверојатна кариера. На хартија е само, про форма као возач на директорот (согласно степенот на образованието), а на јаве е Коце Никола Тутевски Туте Трајановски! Затоа, повеќекратно в.д. директорот Коце Трајановски гласно ни има кажано дека кога Туте ќе даде наредба тоа е како лично тој да ја дал наредбата и дека тука нема простор за прашања, одбивање и неизвршување на наредбата од Туте. Извршна била ТУТЕВАТА!
Ако споредуваме, Туте знае повеќе на пример и од Борис Настов (втората десна рака на Коце). Туте е прва десна! Настов е дипломиран машински инженер со долгогодишно работно искуство на раководни позиции во Гранит АД Скопје, БАУЕР БГ Скопје, ЈП „Комунална хигиена" Скопје, Министерство за финансии, а беше и еден од многуте директори на Данела Арсовска, беше директор на ЈП „Улици и патишта", ама кога стигна команда од ВМРО ДПМНЕ да се даваат оставки и да се бега подалеку од Данела, Настов веднаш ја даде баранат оставка. Во ЈП ДП е дојден со преземање од Општина Гази Баба каде бил последно вработен. Па сега е десна рака на десната рака ТУТЕ ДИ ТУТЕ...
Башка, од ВМРО ДПМНЕ има и трет контролор од доверба на Мицкоски, изваден е од нафталин, пензионираниот Горѓи Шулајковски. За него никој ништо не знае меѓу нас во ЈП ДП, ама претставен ни е како како врвен инженер кај кој инженерите од ЈП ДП мораат задолжително да одат на отчет, откако ќе се отчетат десната рака на десната рака ТУТЕ, на отчет кај Настов. Да разјасниме. Прво мора да се оди на отчет кај Настов, па кај Шулајковски, па кај ТУТЕ кој сето тоа го одобрува, а Коце Трајановски на крај се согласува бидејќи Туте веќе се согласил и одобрил...
Да се вратиме сега на Туте. Тој е сестран дечко. Нема нешто во што не се разбира и за што не е експерт. Најпрво ја среди Наплатната служба (позната како патарина) со инсталирање на проверени ВМРО-вски кадри чија единствена задача е да ги ,,средат" состојбите, иако само едно кратко пребарување по интернет ќе покаже дека изминатите 7-8 години наплатната служба постојано генерира рекордни приходи за ЈП ДП и не може да се најде ниту еден текст како што фрчеа кога беше апсењето за ЗМИСКО ОКО, КАЛДРМА и слични, поврзани баш со ВМРО ДПМНЕ.
Потоа, како десна рака на Коце, сакале тоа или не, Туте е и шеф на сите помошници директори и ново примени/дојдени лица. Туте се грижи сите да бидат соодветно згрижени, се грижи за новата систематизација во подготовка и кој каде ќе е вработен, се грижи секој што нему не му е по ќеф или не го слуша, да биде соодветно мрцварен и казнет.
ТУТЕ се разбира и во јавните набавки, па заедно со новопримениот стручен кадар Златко Алексов, поранешен член на Совет за јавни набавки, се погрижија да се поништат сите тендери дури и оние за кои беше завршена постапката и да се почне све од почеток, како што е ред. Ние се прашуваме вака јавно - зошто??? Лично не смееме нико да го прашаме. Да не страдаме.
Туте се грижи и за редот и дисциплината, па на пријавница покрај видео камерите донесе и „жив" видео надзор кој стана и една од поглавните ѕверки затоа што вработените во ЈПДП пропусниците за службено и приватно отсуство ги доставуваат кај портирот Перо! Туте го донесе Перо и Перо веднаш е фактор...
Се на се главен наредбодавач и на помошници директори и на раководители и на инженери и на вработени е ТУТЕ! Тoj пали, тој гаси. Коце Трајановски без него не оди на состанок, а кога Коце не може тогаш Туте држи состанок со инженери, директори, изведувачи, надзори и слично. Дека е стручен! И не само што држи состаноци туку и секогаш има идеи и решенија. За изводливоста на идеите и решенијата не станува збор, мора да се може. Ај некој нека проба да не може да сработи нешто што смислил Туте!?
Долг е списокот на „работните вештини" на Туте па нека ни извини ако заборавивме да наброиме некоја од нив. Всушност, слободно може сам да го дополни списокот!
Дали ова беше доволно за да разберете зошто вработените во ЈП ДП се прашуваат кој им е директор? Коце ли е, Туте ли е? Дали можеби „Туте е капо ди ТУТЕ капи во ЈПДП"? Или можеби некој така сака да мислат сите?
(од вашиот Дописник од ЈП ДП)
п.с. една од бројните вештини на ТУТЕ е и вештината да ,,решава,, луѓе. Му ветил на Коце Трајановски дека и БУРЕВЕСНИК ќе го реши. Чекам ТУТЕ да ме ,,реши,,! з. б.
