聯絡：
02/09/2024
大家好！好耐冇見啦！😁
藉住9月2日，同大家say hi順便分享吓我部AE92嘅近照喇🚗，各位同香港嘅AE92會友好嗎？
嚟咗英國都一段時間喇，咩都適應晒喇，各樣發展比預期順利，多謝各位關心😄睇近照都見到冇肥冇瘦到，淨係又流長咗D頭髮🤣
「車」當然繼續係我嘅第二最愛（屋企人梗係排第一啦），假日除咗洗車搞吓保養之外，就係搞吓個「後花園」（真係種花種草果D），全部都係勞力嘢😅，不過就幾有滿足感。
英國嘅汽車歷史好悠久，亦發展咗好多相關周邊產業，而且各樣產業都係非常成熟，亦好多專門做各式各樣翻新或者汽車修復嘅舖頭，呢D舖頭都會父傳子，或者已經交到第三代手上經營，閒閒地都有五六十年歷史。
關於「車」嘅每一樣嘢我都想學，而嚟到英國真係大開眼界，所以我仲係每日學習中，將來學有所成一定會同大家分享！
祝各位無論响香港同英國或者世界各地嘅朋友生活愉快，玩車玩得開心😉
#一切順利多謝關心
#英國 #香港
