Shtëpia Botuese & Libraria TENDA

24/12/2024

PREZANTIM I BOTIMIT MË TË RI

SKËNDERBEU NË VENDET NORDIKE

Autorë: Xhevat Lloshi & John Quanrud
Gjergj Kastrioti Skënderbeu, prijësi dhe heroi më i madh në historinë shqiptare, cilësohet si i tillë edhe nga historiani i njohur skandinav Ludvig Holberg më 1739. Ky botim sjell për lexuesit rrëfimin e Holbergut dhe të autorëve të tjerë për përhapjen e historisë dhe figurës së Skënderbeut në vendet nordike, fillimisht si histori e shkruar dhe më pas në formën e sagave dhe këngëve epike.

24/12/2024

PREZANTIM I BOTIMIT MË TË RI

TINGUJT E ERËS – Poezi nga Muzafer Ramiqi

“Tingujt e erës” është përmbledhja me lirikat e autorit Muzafer Ramiqi. Ky botim vjen si një vazhdë projektuese për një lexues shumë të përzgjedhur nga plasaritjet e rrepta të postmodernizmit në jetë e stërngarkuar të brezit që po stepet para ikjes së pamatshme të kohës që ka sjellë vetmi, lakmi, depresion, mospërmbushje e ikje madje edhe nga vetvetja.

24/12/2024

PREZANTIM I BOTIMIT MË TË RI

American Mission in Albania

Përpiloi dhe përmblodhi: Bejtullah Destani.

Ky libër është përmbledhje dokumentesh që datojnë kryesisht nga viti 1909 deri në vitin 1914, duke përfshirë periudhën nga Kongresi i Manastirit dhe ai i Lushnjës, shpalljen e Pavarësisë së Shqipërisë, ndryshimet politike në Shqipëri, dhe fillimin e Luftës së Parë Botërore.

19/12/2024

Dhurata më e bukur për Krishtlindje është një libër që ushqen shpirtin dhe zgjeron mendjen!

Nëse ende nuk keni vendosur çfarë dhurate t’u bëni familjarëve tuaj këtë Krishtlindje, ne kemi disa sugjerime të mrekullueshme për ju që do t’ju ndihmojnë të bëni zgjedhjen perfekte.

Bëni Krishtlindjen e këtij viti të veçantë me një dhuratë që mbetet përgjithmonë në zemrën e marrësit.

Festat bëhen më të bukura me libra! 🎄📚🎁

17/12/2024

Krahët e Erës nga Jaap van’t Veer, një përmbledhje e poezive, vargje të thella, të ndjera, të cilat prekin shpirtin.

Kjo poezi ashtu sikurse psalmet kanë melodi jo të rimës e të masës por melodi të përsëritjes dhe paralelizimit të idesë artistike.

14/11/2024

Këshillimi në Sofër është titulli i një libri mbase edhe i thjeshtë e praktik, por shumë i dobishëm e i nevojshëm për njeriun postmodern.

Ky libër po u ofrohet juve si një dhuratë praktike, sidomos tani kur nevoja e këshillimit, e baritimit, e prindërimit në mesin tonë është rritur shumë për shkak të ndryshimit të jetesës, filozofisë së re postmoderne dhe nevojave të mëdha.

Çmimi 5€

31/10/2024

Dita e Reformacionit 31 tetor 1517

Martin Luteri, ishte një reformator gjerman i shekullit të 16-të, i cili ishte figura kryesore në Reformacionin Protestant. Në vitin 1517, ai publikoi 95 Teza. Ai besonte se shpëtimi mund të arrihej përmes besimit e jo përmes veprave.

Pesë tezat kryesore, që kapen vëmendjen

- Sola Fide (Vetëm besimi)
- Sola Gratia (Vetëm Hiri)
- Solus Christus (Vetëm nëpërmjet Krishtit)
- Sola Scriptura (Vetëm Shkrimi i Shenjtë)
- Soli Deo Gloria (Vetëm Perëndisë Lavdia)

Për ata që dëshirojnë të mësojnë më shumë rreth Reformacionit Protestant dhe përhapjes së tij mes shqiptarëve, ju inkurajojmë të lexoni këto libra.

23/10/2024

NJË RRËFIM I VËRTETË

Në nëntor të vitit 1884, një djalë i ri shqiptar, me ëndrrën për të ndryshuar kombin, niset me një karrocë që shkonte për në Korçë, pa e ditur se rrugës i kishin zënë pritë.
Qiriazi përshkruan me detaje përvojën e tij personale si peng i kaçakëve. Libri përmbledh sfidat, përpjekjet që ai përjetoi gjatë kohës së robërisë.

Pengu i Kaçakëve nga Gjerasim Qiriazi
Çmimi: 5€

01/10/2024

Të dashur lexues,

Këto janë dy libra me rëndësi të madhe që çdo besimtar i krishterë duhet t’i lexojë.
Cilat ishin figurat e para protestante?
Si u përhap Reformacioni në Evropë dhe në botë?
Si po vazhdon Reformacioni edhe sot?
Si u përhap mes shqiptarëve?
Çfarë roli patën protestantët në zgjimin kombëtar shqiptar?

Gjithashtu, në fund të tetorit festojmë 507-vjetorin e Reformacionit Protestant.

Librat janë në ofertë vetëm këtë muaj.
Nëse i blini të dy librat, çmimi është 20€.

05/07/2024

Kërkime Onomastike II: Emrat e shqiptarëve në shek XIII - XV në dritën e burimeve kishtare serbe

E shkruar nga autori Dr. sc. Skënder Gashi

Çmimi: 12 euro

26/06/2024

Lëvizja Protestante midis shqiptarëve 1908-1991
Nga autori Mr. David Young

Ky libër prezanton vlera të çmueshme shkencore dhe historike, dhe si i tillë do të jetë me dobi për studentët, historianët, pastorët dhe për publikun e gjërë.

Çmimi është 5 euro.

12/06/2024

Nga panairi i librit “Prishtina 2024”:
I falënderojmë gjithë miqtë e mikeshat dhe të interesuarit tjerë që kanë vizituar stendën tonë.
Kjo është lista e botimeve më të kërkuara nga stenda e jonë për këtë vit (shihni fotot).
Gjatë gjithë qershorit librat tonë do të vazhdojnë të jenë me zbritje 25%.

08/06/2024

05/06/2024

Sh. B. Tenda nga sot e deri të dielën do të jetë në Panairin e Librit “Prishtina 2024”, dhe na gjeni te pjesa e Sallës së Kuqe.

U presim gjithë juve miq të dashur dhe lexues për botimet tona më të reja dhe ato përfaqësuese me zbritje deri në 25%.

Bëhu pjesë e festës më të madhe kulturore në vend që i kushtohet librit.

15/05/2024

Cila është shpresa e besimtarëve të rilindur për qytetarinë qiellore meqë jemi të ndarë që të jemi të huaj dhe shtegtarë në këtë botë?

Përgjigjen e kësaj pyetje e gjenë tek libri
“Qytetërimi Qiellor” nga autori Rik Lubbers.

Çmimi 4€

13/05/2024

Zoti mund ta kthejë të keqën në të mirë, mallkimin në bekim, rrezikun në shpëtim, vdekjen në jetë.

Libri "Dora e Perëndisë" është një përmbledhje prej 21 dëshmi të 21 personave të cilët e kanë përjetuar luftën në ose jashtë Kosovës.

Libri është përkthyer edhe në gjuhën angleze!

Çmimi është 4 euro.

08/05/2024

Pjesëmarrje para ca ditësh në Forumin Shqiptar të Udhëheqjes në Durrës me botimet tona të përzgjedhura.