22/12/2024
რადგან ბევრი გვწერთ უკვე და გვეკითხებით, გადავწყვიტეთ რომ საჯაროდ პოსტის სახითაც გიპასუხოთ.
პროტესტის დაწყების პირველივე დღეებიდან, ჩვენ ვინც დისტილერიის უკან ვართ, ჩართული ვართ სრულად პროტესტში და ვიზიარებთ ყველა მოთხოვნას და პირობას:
• უნდა გათავისუფლდეს ყველა დაკავებული, ვინც უსამართლო რეჟიმმა დააკავა;
• უნდა დაინიშნოს ახალი თავისუფალი არჩევნები;
• ევროკავშირის წევრობისკენ მიმავალ გზაზე ნებისმიერი შეფერხება ან უკან ნაბიჯი, არის საქართველოს ღალატი და მტრის წისქვილზე წყლის დასხმა.
Freebusiness.ge პლატფორმის შექმნიდან, პირველ თუ არა, ალბათ მეორე დღესვე შევუერთდით თავისუფალი ბიზნესების განცხადებას, და ზოგადად ამ სიით ვიხელმძღვანელებთ მომავალში, როცა სხვადასხვა კომპანიებთან მოგვიწევს ბიზნეს ურთიერთობაში შესვლა.
ჩვენ სამნი ვართ დისტილერიის უკან: გიორგი ნადარაია, გიორგი ჯღარკავა და საბა გოგიბერიშვილი.
როგორც მოგახსენეთ სამივე ვიზიარებთ პროტესტის სულისკვეთებას, მაგრამ დისტილერიის გვერდზე ან ჯგუფში, არ დაგვიწერია რაიმე. რადგან თავს არ მივიჩნევთ და ობიექტურად არ ვართ არც დიდი ბიზნესი და არც დიდი გავლენის მქონე გვერდი, შესაბამისად მიგვაჩნდა და მიგვაჩნია ახლაც რომ ეს რეკლამას უფრო გაგვიკეთებდა ვიდრე ჩვენ შევმატებდით რამეს პროტესტს.
შეიძლება ვცდებით, არც სხვა მცირე ბიზნესებს ვაკნინებთ, ყველა თავისებურად აპროტესტებს, ყველა პროტესტი მნიშვნელოვანია. თუმცა ჩვენ ჯიუტად ასე გვჯერა, მაგრამ გადავაბიჯეთ ამ სიჯიუტეს და გვესმის რა ბევრი თქვენთაგანის, ვაფიქსირებთ ამ გვერდიდანაც პოზიციას (ზემოთ შეგიძლიათ წაიკითხოთ).
კომენტარებში დისკუსიაში არ შემოვალთ, ხოლო არაკორექტული შინაარსის კომენტარები წაიშლება.
