მერაბ მერკვილაძის ახალი ამბები Merab Merkviladzis Akhali Ambebi

  • Home
  • Georgia
  • Tbilisi
  • მერაბ მერკვილაძის ახალი ამბები Merab Merkviladzis Akhali Ambebi

მერაბ მერკვილაძის ახალი ამბები Merab Merkviladzis Akhali Ambebi ახალი ამბების პორტალი

დანიის პრემიერ-მინისტრმა, მეტე ფრედერიქსენმა აშშ-ის არჩეულ პრეზიდენტს, დონალდ ტრამპს სატელეფონო საუბრის დროს უთხრა, რომ ...
16/01/2025

დანიის პრემიერ-მინისტრმა, მეტე ფრედერიქსენმა აშშ-ის არჩეულ პრეზიდენტს, დონალდ ტრამპს სატელეფონო საუბრის დროს უთხრა, რომ გრენლანდიამ თავად უნდა გადაწყვიტოს თავისი მომავალი. - ინფორმაციას Politico დანიის პრემიერის ოფისზე დაყრდნობით ავრცელებს.

გამოცემის ცნობით, ფრედერიქსენმა ტრამპს გაუმეორა გრენლანდიის პრემიერ-მინისტრის, მუტე ეგედეს განცხადება, რომ „გრენლანდია არ იყიდება“.

დონალდ ტრამპს სატელეფონო ზარის შესახებ საჯაროდ არ უსაუბრია. მან სოციალურ მედიაში განათავსა 2019 წლის გამოკითხვის შედეგები, რომლის თანახმადაც, გრენლანდიელთა 68 პროცენტი მხარს უჭერდა დანიისგან დამოუკიდებლობას.

შეგახსენებთ, შეერთებული შტატების არჩეულმა პრეზიდენტმა კუნძულ გრენლანდიის ყიდვის სურვილი გამოთქვა და ამ სურვილის შესასრულებლად, სამხედრო ძალის გამოყენებაც არ გამორიცხა.

"თალიბან"-მა ავღანელი ქალებისთვის ახალი შეზღუდვა შემოიღო. მათ ახლა ოფიციალურად აეკრძალათ ტელევიზიაში მუშაობა. ასევე, ქალ...
16/01/2025

"თალიბან"-მა ავღანელი ქალებისთვის ახალი შეზღუდვა შემოიღო. მათ ახლა ოფიციალურად აეკრძალათ ტელევიზიაში მუშაობა. ასევე, ქალ ჟურნალისტებს შეეზღუდათ საჯარო ღონისძიებებზე დასწრება.

სათნოების ხელშეწყობის სამინისტროს ახალი განკარგულებით, ქალთა სახეების ტელევიზიით ჩვენება მამაკაცებს „პროვოცირებს“.

ავღანელი ქალი ჟურნალისტები იუწყებიან, რომ "თალიბან"-ის წარმომადგენლებმა ღონისძიებებზე მათი დაშვება შეწყვიტეს და ინტერვიუების მიცემაზე უარს აცხადებენ. მაშინაც კი, როცა იმართება პრეს-კონფერენციები, სადაც ქალი რეპორტიორებს უშვებენ, მათ იქ კითხვების დასმა ეკრძალებათ, რათა კადრში არ გამოჩნდნენ.

ადგილობრივი მედიის თანამშრომლების თქმით, ნებისმიერ საჯარო ღონისძიებაზე ქალის დასწრება თუ წინასწარ არ იქნება შეთანხმებული ხელისუფლებასთან, შესაძლოა, მოხდეს ძალის გამოყენება ქალების წინააღმდეგ, მათ შორის, ტექნიკის განადგურების ჩათვლით.

16/01/2025

რუსეთის ტამბოვის ოლქში მდებარე დენთის ქარხანას დრონები დაესხნენ თავს.

უკრაინის დეზინფორმაციის საწინააღმდეგო ცენტრის ცნობით, ქარხანა არის რუსეთის სამხედრო-სამრეწველო კომპლექსის ერთ-ერთი მთავარი ობიექტი, რომელიც უკრაინის წინააღმდეგ ომში მონაწილეობს.

"აქ იწარმოება დენთი, რომელიც გამოიყენება სხვადასხვა ტიპის მცირე იარაღის, საარტილერიო და სარაკეტო სისტემებისთვის. ასევე, - კოლოქსილინი, რომელიც გამოიყენება ასაფეთქებელი ნივთიერებებისა და სხვა სპეციალიზებული პროდუქტების შესაქმნელად." - ნათქვამია განცხადებაში.

უწყება აღნიშნავს, რომ საწარმო რუსული არმიისთვის ასაფეთქებელი მასალების ერთ-ერთი მთავარი მომწოდებელია და უკრაინაში სრულმასშტაბიანი ომის დაწყების შემდეგ, ამ ობიექტზე წარმოება მნიშვნელოვნად გაიზარდა.

აშშ-ს სახელმწიფო მდივნობის კანდიდატი:"რუსეთის წინააღმდეგ სანქციების მოხსნა, შეიძლება, ომის დასრულებასთან დაკავშირებული მ...
16/01/2025

აშშ-ს სახელმწიფო მდივნობის კანდიდატი:
"რუსეთის წინააღმდეგ სანქციების მოხსნა, შეიძლება, ომის დასრულებასთან დაკავშირებული მოლაპარაკების ნაწილი იყოს"

„ჩვენ არა მხოლოდ უნდა მივიღოთ, არამედ გავცეთ. სანქციები ან სანქციების მოხსნა (რუსეთის წინააღმდეგ) შეიძლება იყოს მოლაპარაკების ნაწილი (რუსეთსა და უკრაინას შორის), თუ შესაფერისი პირობები იქნება.“ - თქვა აშშ-ის სახელმწიფო მდივნობის კანდიდატმა მარკო რუბიომ. მან ასევე დაამატა, რომ უკრაინის ნეიტრალიტეტის საკითხი, საბოლოო ჯამში, ნებისმიერი მოლაპარაკების ნაწილი იქნება.

16/01/2025

რუსეთის ვორონეჟის ოლქის ქალაქ ლისკისში, დრონები თავს დაესხნენ ნავთობის საცავს, სადაც დიდი ხანძარი გაჩნდა.

უკრაინის პრეზიდენტი ვოლოდიმირ ზელენსკი თვლის, რომ უკრაინაში ომის დამთავრების ან ცეცხლის შეწყვეტის პერსპექტივა დამოკიდებუ...
16/01/2025

უკრაინის პრეზიდენტი ვოლოდიმირ ზელენსკი თვლის, რომ უკრაინაში ომის დამთავრების ან ცეცხლის შეწყვეტის პერსპექტივა დამოკიდებულია ევროპის მზადყოფნაზე, რუსეთის მიმართ უფრო მკაცრი იყოს. ამის შესახებ ზელენსკიმ პოლონურ მედიასთან ინტერვიუში განაცხადა.

კითხვაზე, შესაძლებელია თუ არა ომის 2025 წელს დასრულება, ზელენსკიმ უპასუხა, რომ ის მსგავს სურვილს აშშ-ის არჩეული პრეზიდენტის, დონალდ ტრამპის მხრიდან გრძნობს.

„დარწმუნებული ვარ, რუსეთს ეშინია აშშ-ის, ჩინეთის და გაერთიანებული ევროპის. ევროპას უკრაინის არმიის გარეშე რუსეთის ჯართან გამკლავება არ შეუძლია, რადგან რუსული არმია რიცხოვნობით უფრო დიდია. რუსეთს მეტი იარაღი აქვს, მეტი ხალხი ჰყავს და უფრო სასტკია, ვიდრე ევროპელები.“ - განაცხადა ზელენსკიმ.

მისივე თქმით, ევროპელები ცხოვრობენ დემოკრატიაში და რუსეთისგან განსხვავებით, არ იციან, რა არის ომი.

„ევროპას, სამწუხაროდ, უკრაინული არმიის გარეშე დღეს რუსეთის წინააღმდეგ არანაირი შანსი არ აქვს. პუტინმა ეს იცის და ამის შესახებ თავის წრეში საუბრობს. ამიტომ, თუ უკრაინა თავს არ დაიცავს, ის სწრაფად წავა უფრო შორს, ეს ფაქტია.“ - აღნიშნა ზელენსკიმ.

მან ევროკავშირს მოუწოდა, იყოს სამჯერ უფრო პრაგმატული და გაზარდოს იარაღის წარმოება როგორც უკრაინისთვის, ასევე საკუთარი თავისთვის, რათა პუტინს გაუსწროს.

უკრაინა და რუსეთი უკვე აწარმოებენ მოლაპარაკებებს, ორივე ქვეყანაში ბირთვულ ობიექტებზე თავდასხმის გამორიცხვის მიზნით.Bloom...
16/01/2025

უკრაინა და რუსეთი უკვე აწარმოებენ მოლაპარაკებებს, ორივე ქვეყანაში ბირთვულ ობიექტებზე თავდასხმის გამორიცხვის მიზნით.

Bloomberg-ის ცნობით, მოლაპარაკებები ყატარში მიმდინარეობს.

ამავდროულად, უკრაინელი ოფიციალური პირები, რომლებსაც სააგენტო ესაუბრა, ამტკიცებენ, რომ მოსკოვსა და კიევს შორის მოლაპარაკებები შემოიფარგლება სამხედრო ტყვეების გაცვლით და უკრაინელი ბავშვების დაბრუნებით.

სახელმწიფო მდივნის პოსტზე ტრამპის მიერ წარდგენილმა კანდიდატმა მარკო რუბიომ, რუსეთის მიერ უკრაინის ყველა ტერიტორიის დაბრუ...
15/01/2025

სახელმწიფო მდივნის პოსტზე ტრამპის მიერ წარდგენილმა კანდიდატმა მარკო რუბიომ, რუსეთის მიერ უკრაინის ყველა ტერიტორიის დაბრუნების სცენარს "არარეალური" უწოდა.

"პრობლემა, რომლის წინაშეც უკრაინა დგას, ის კი არ არის, რომ მათ უმთავრდებათ ფული, არამედ ის, რომ მათ უკრაინელები უმთავრდებათ. რაც პუტინმა გააკეთა, მიუღებელია, მაგრამ ეს ომი უნდა დასრულდეს. მნიშვნელოვანია, რომ ყველა იყოს რეალისტური. დათმობებზე წასვლა არა მხოლოდ რუსეთს, არამედ უკრაინელებთანაც მიუწევთ.“ - განაცხადა რუბიომ სენატში გამართულ მოსმენაზე.

მისი თქმით, ახლა პუტინის მიზანია უკრაინისთვის ფაქტობრივი ნეიტრალიტეტის თავს მოხვევა, არმიის მოდერნიზება და 4-5 წელიწადში ხელახლა თავდასხმა.

„მნიშვნელოვანია, რომ უკრაინელებს ჰქონდეთ ბერკეტები, მაგრამ მათ ასევე მოუწევთ დათმობაზე წასვლა ამ შეთანხმების მისაღწევად.“ - დასძინა მან.

15/01/2025

35 წლის ერაყელი დაქორწინდა... 9 წლის გოგონაზე. მისმა მამამ ბავშვი მდიდარ პედოფილ სასიძოს მიჰყიდა.

გოგონა სადედოფლოდ იყო მორთული და ნამდვილი ქორწილი ჰქონდა.

ასეთი ქორწინება შესაძლებელი გახდა ერაყში კანონის მიღების შემდეგ, რომელიც სექსუალური თანხმობის ასაკს 18-დან 9 წლამდე ამცირებს.

პუტინი მზადაა უკრაინასთან ტერიტორიის გაცვლა განიხილოს კურსკის ოლქის ნაწილის მიტაცების კონტექსტში, მაგრამ სურს, შეინარჩუნ...
15/01/2025

პუტინი მზადაა უკრაინასთან ტერიტორიის გაცვლა განიხილოს კურსკის ოლქის ნაწილის მიტაცების კონტექსტში, მაგრამ სურს, შეინარჩუნოს უკრაინის ტერიტორიის 20%, რომელიც ფაქტობრივად რუსეთის კონტროლს ექვემდებარება. ამის შესახებ "ბლუმბერგ"-ი კრემლის გეგმების მცოდნე წყაროებზე დაყრდნობით ავრცელებს."

ულტიმატუმებს შორის, რომელთა წარდგენა სურს რუს დიქტატორს ტრამპთან მოლაპარაკებებში, შემდეგი პუმქტებია:

◾️უკრაინა უნდა დარჩეს ნეიტრალურ სახელმწიფოდ და არასოდეს შეუერთდეს ნატოს;

◾️კიევმა მკვეთრად უნდა შეამციროს კავშირი ალიანსთან და შეზღუდოს მისი სამხედრო პოტენციალი.

კრემლის პოზიციაა, რომ ნატოს ზოგიერთ წევრს შეუძლია, გააგრძელოს უკრაინისთვის იარაღის მიწოდება ორმხრივი შეთანხმებების საფუძველზე, მაგრამ ეს იარაღი არ უნდა იქნას გამოყენებული რუსეთის წინააღმდეგ ან მისი ოკუპირებული ტერიტორიების გასათავისუფლებლად.

სააგენტო აღნიშნავს, რომ პუტინის მოთხოვნები უკრაინისთვის მიუღებელი იქნება.

ისრაელმა და "ჰამას"-მა ცეცხლის შეწყვეტისა და მძევლების გათავისუფლების შესახებ შეთანხმებას მიაღწიეს.ამის შესახებ ინფორმაც...
15/01/2025

ისრაელმა და "ჰამას"-მა ცეცხლის შეწყვეტისა და მძევლების გათავისუფლების შესახებ შეთანხმებას მიაღწიეს.

ამის შესახებ ინფორმაციას ისრაელის მედია აშშ-ის და არაბ ოფიციალურ პირებზე დაყრდნობით ავრცელებს.

შეთანხმების შესახებ, ოფიციალურად, მომდევნო საათებში გამოცხადდება.

ისრაელის მედიის თანახმად, "ჰამას"-ი ადასტურებს, რომ "პასუხისმეგებლობით" უპასუხა ცეცხლის შეწყვეტისა და მძევლების გათავისუფლების შეთანხმების წინადადებაზე.

შეთანხმება ითვალისწინებს ბრძოლის შეჩერებას ღაზის სექტორში, ასევე, ისრაელიდან გატაცებული მძევლების და პალესტინელი პატიმრების ეტაპობრივ გათავისუფლებას.

უკრაინა მხარს უჭერს ქართველ ხალხს. არცერთ ქვეყანას, განსაკუთრებით კი, რუსეთს, არ აქვს უფლება, ხალხის გეოპოლიტიკურ არჩევა...
15/01/2025

უკრაინა მხარს უჭერს ქართველ ხალხს. არცერთ ქვეყანას, განსაკუთრებით კი, რუსეთს, არ აქვს უფლება, ხალხის გეოპოლიტიკურ არჩევანს ვეტო დაადოს. ამის შესახებ უკრაინის საგარეო საქმეთა მინისტრმა, ანდრეი სიბიგამ უკრაინულ მედიასთან ინტერვიუში განაცხადა.

ანდრეი სიბიგას ჰკითხეს, ვინ არის საქართველოს პრეზიდენტი და აქვს თუ არა უკრაინას მიხეილ ყაველაშვილთან კონტაქტი.

„უკრაინა მხარს ქართველ ხალხს უჭერს. ჩვენ ვგმობთ გადაწყვეტილებას ევროინტეგრაციის შეჩერების შესახებ, ვგმობთ დიდი რაოდენობით დარღვევებს საპარლამენტო არჩევნების დროს, ვგმობთ საქართველოს ხელისუფლების არაპროპორციულ რეპრესიებს საკუთარი მოქალაქეების წინააღმდეგ. ჩვენ ეუთო-ს დასკვნა ყურადღებით შევისწავლეთ, სადაც მრავალრიცხოვანი დარღვევების შესახებ ნათლად არის აღნიშნული. დასკვნის მთავარი რეკომენდაცია პრობლემების ძირითადი მიზეზების აღმოსაფხვრელად ახალი არჩევნების ჩატარებაა.“ - განაცხადა უკრაინის საგარეო საქმეთა მინისტრმა.

მისი თქმით, „არცერთ ქვეყანას, განსაკუთრებით კი რუსეთს, არ აქვს უფლება, ხალხის გეოპოლიტიკურ არჩევანს ვეტო დაადოს“.

„ხაზგასმით აღვნიშნავ, რომ არცერთ ქვეყანას, განსაკუთრებით კი, რუსეთს, არ აქვს უფლება, ხალხის გეოპოლიტიკურ არჩევანს, ქვეყნის მონაწილეობას საერთაშორისო გაერთიანებებსა და ალიანსებში, ვეტო დაადოს. ამიტომ, ხელისუფლების ქმედებებზე ჩვენი რეაქცია მკაცრი იყო. ჩვენ საქართველოს მოქალაქეების უფლებების დარღვევაში ეჭვმიტანილ პირებს სანქციები დავუწესეთ. რაც შეეხება თქვენს შეკითხვას, უკრაინა სახელმწიფოებს აღიარებს.“ - აღნიშნა ანდრეი სიბიგამ.

უკრაინის საგარეო საქმეთა მინისტრმა აღნიშნა, რომ დასმულ შეკითხვასთან დაკავშირებით უკრაინის მიდგომა ევროკავშირის მიდგომას დაეფუძნება.

„დემოკრატიული ღირებულებების, ადამიანის უფლებებისა და სტანდარტების დაცვა ჩვენთვის, როგორც სახელმწიფოსთვის, რომელმაც თავისი მაიდანი გამოიარა, ცარიელი სიტყვები არ არის. ამიტომ, მე არ მჯერა არცერთი წარმატებული ხელისუფლებისა და ძალაუფლების მოდელების, რომლებიც ხალხის ნების საწინააღმდეგოდ არის აგებული. ასევე, დარწმუნებულები ვართ, რომ ქართველი ხალხის არჩევანი საქართველოს ევროატლანტიკური მისწრაფებაა. შემიძლია დავამატო, რომ ჩვენი მიდგომა ევროკავშირის მიდგომაზე იქნება დაფუძნებული. როგორც სახელმწიფო, რომელიც ევროკავშირში სრულუფლებიანი წევრობისკენ მიისწრაფვის, ჩვენ ვალდებულები ვართ, რომ ევროკავშირის პოლიტიკური შეფასებითა და განცხადებებით ვიხელმძღვანელოთ.“ - განაცხადა ანდრეი სიბიგამ.

შოკისმომგვრელია ცნობები „ქართული ოცნების“ პოლიტიკოსების გიორგი გახარიაზე სასტიკ თავდასხმაში მონაწილეობის შესახებ. ძალადო...
15/01/2025

შოკისმომგვრელია ცნობები „ქართული ოცნების“ პოლიტიკოსების გიორგი გახარიაზე სასტიკ თავდასხმაში მონაწილეობის შესახებ. ძალადობისა და დაუსჯელობის ადგილი არცერთ დემოკრატიაში არ არის. ამის შესახებ საგარეო და უსაფრთხოების პოლიტიკის საკითხებში ევროკავშირის მთავარი პრეს-სპიკერი, ანიტა ჰიპერი X-ში წერს.

„საქართველო: შოკისმომგვრელია ცნობები „ქართული ოცნების“ პოლიტიკოსების საქართველოს ყოფილ პრემიერ-მინისტრსა და ოპოზიციის ლიდერ გიორგი გახარიაზე სასტიკ თავდასხმაში მონაწილეობის შესახებ.

არცერთ დემოკრატიაში არ არის ძალადობისა და დაუსჯელობის ადგილი, რომ აღარაფერი ვთქვათ იმ ქვეყანაზე, რომელიც ევროკავშირის კანდიდატია.” - წერს ჰიპერი.

შეერთებული შტატები გმობს პარტია „ქართული ოცნების" მიმდინარე ძალადობას საქართველოს მოქალაქეების წინააღმდეგ, მათ შორის, ოპ...
15/01/2025

შეერთებული შტატები გმობს პარტია „ქართული ოცნების" მიმდინარე ძალადობას საქართველოს მოქალაქეების წინააღმდეგ, მათ შორის, ოპოზიციის ლიდერების, ჟურნალისტების, სამოქალაქო საზოგადოების წევრებისა და აქციის მონაწილეების მიმართ. ამის შესახებ საქართველოში აშშ-ის საელჩოს განცხადებაშია ნათქვამი.

საელჩოს განცხადების თანახმად, „მსგავსი ქმედებები, რომელიც ჩანს, ქართველების ძირითადი თავისუფლებების გამოყენების შეზღუდვას ისახავს მიზნად, არაფერს აკეთებს საქართველოს ევროატლანტიკურ გზაზე დასაბრუნებლად, რაც ქართველების უმრავლესობის ნებაა“.

„საქართველო უკეთესს იმსახურებს”, - წერია განცხადებში, რომელსაც საეჩ
ლჩო „ფეისბუქ"-ში ავრცელებს.

დიდი ბრიტანეთის ელჩი გარეტ უორდი, საქართველოში ბოლო დროს განვითარებულ მოვლენებთან დაკავშირებით, განცხადებას ავრცელებს.რო...
15/01/2025

დიდი ბრიტანეთის ელჩი გარეტ უორდი, საქართველოში ბოლო დროს განვითარებულ მოვლენებთან დაკავშირებით, განცხადებას ავრცელებს.

როგორც განცხადებაშია ნათქვამი, ძალადობის განახლება ოპოზიციონერი პოლიტიკოსების მიმართ და ჟურნალისტებისა და მომიტინგეების თვითნებური დაკავება მიუღებელია. ბრიტანეთის ელჩი მოუწოდებს „ქართული ოცნების“ ხელისუფლებას, უზრუნველყოს ძალადობაზე პასუხისმგებელი პირების პასუხისგებაში მიცემა.

“საქართველოში მიმდინარე პოლიტიკური კრიზისის ფონზე, უკანასკნელ დღებში, უფრო მეტი ღრმად შემაშფოთებელი ფაქტების მომსწრენი გავხდით.

ძალადობის განახლება ოპოზიციონერი პოლიტიკოსების მიმართ და ჟურნალისტებისა და მომიტინგეების თვითნებური დაკავება მიუღებელია.

მოვუწოდებთ „ქართული ოცნების“ ხელისუფლებას, უზრუნველყოს ძალადობაზე პასუხისმგებელი პირების პასუხისგებაში მიცემა.

საქართველომ, როგორც ევროპის საბჭოს წევრმა, უნდა დაიცვას საკუთარი მოსახლეობის ფუნდამენტური უფლებები და თავისუფლებები.

სწორედ ამიტომ, დღეს, ევროპის საბჭოში, დიდი ბრიტანეთი შეუერთდა ევროპელ პარტნიორებს და მკაცრად დაგმეს ძალადობა მშვიდობიანი მომიტინგეების, მედიის წარმომადგენლებისა და პოლიტიკოსების მიმართ.“ - აღნიშნულია განცხადებაში.

სულ მეტად და მეტად, რეჟიმი ფიზიკურად ესხმის თავს მათ, ვინც თავისუფალი და სამართლიანი არჩევნების მოწოდებით გამოდის. ამერი...
15/01/2025

სულ მეტად და მეტად, რეჟიმი ფიზიკურად ესხმის თავს მათ, ვინც თავისუფალი და სამართლიანი არჩევნების მოწოდებით გამოდის. ამერიკა ხედავს ამას და ქმედებებს განვახორციელებთ. ამის შესახებ აშშ-ის ჰელსინკის კომისიის თავმჯდომარე, კონგრესმენი ჯო უილსონი (რესპუბლიკური პარტია) X-ის საკუთარ გვერდზე წერს.

“ცალსახად ვგმობ ივანიშვილის რეჟიმის თავდასხმას ყოფილ პრემიერ-მინისტრ გიორგი გახარიასა და ზვიად ქორიძეზე. სულ მეტად და მეტად, რეჟიმი ფიზიკურად ესხმის თავს მათ, ვინც თავისუფალი და სამართლიანი არჩევნების მოწოდებით გამოდის. ამერიკა ხედავს ამას და ქმედებებს განვახორციელებთ. ქართველი ხალხი არ შეშინდება.” - წერს უილსონი.

ამერიკელი მილიარდერის, ილონ მასკის კოსმოსურმა კომპანიამ, SpaceX-მა მთვარეზე ორი კერძო კოსმოსური ხომალდი გაუშვა. რაკეტა F...
15/01/2025

ამერიკელი მილიარდერის, ილონ მასკის კოსმოსურმა კომპანიამ, SpaceX-მა მთვარეზე ორი კერძო კოსმოსური ხომალდი გაუშვა. რაკეტა Falcon 9 ფლორიდაში მდებარე კენედის კოსმოსური ცენტრიდან, ადგილობრივი დროით, 01:09 საათზე აფრინდა.

კოსმოსში გაგზავნილი ერთ-ერთი მოწყობილობა „Blue Ghost“ ამერიკულ კომპანია „Firefly“-ს ეკუთვნის. ის არის აშშ-ს აეროკოსმოსური სააგენტოს (NASA) კონტრაქტორი და პროგრამა "არტემიდა"-ს მონაწილე, რომლის ფარგლებშიც, NASA მთვარეზე ასტრონავტების გაგზავნას გეგმავს. ეს კომპანიისთვის პირველი გაშვებაა.

მეორე Hakuta-R-ის ტიპის მოწყობილობა იაპონური კომპანია Ispace-ის კუთვნილებაა. 2023 წელს ამ კომპანიამ უკვე სცადა თავისი მოდულის მთვარეზე დაშვება, მაგრამ მცდელობა წარუმატებელი აღმოჩნდა და მოწყობილობა დაიმსხვრა. როგორც
კომპანიის დირექტორმა ძუმპეი ნოძაკიმ თქვა, ახალი მისია პირველი გაშვების შეცდომების გამოსასწორებლადაა შექმნილი.

რაკეტის პირველი საფეხური, როგორც დაგეგმილი იყო, დედამიწაზე გაშვებიდან 8,5 წუთის შემდეგ დაბრუნდა და ატლანტის ოკეანეში მცურავ პლატფორმაზე დაეშვა. მეორე საფეხურმა განაგრძო მოძრაობა: გაშვებიდან 65 წუთის შემდეგ, მთვარის გარდამავალ ორბიტას გადაეცა მოდული Blue Ghost-ი, ხოლო კიდევ 27 წუთის შემდეგ, - იაპონური კომპანიის მოდული.

ამერიკულ Blue Ghost-ს, მთვარემდე მისასვლელად, დაახლოებით, 45 დღე დასჭირდება. იაპონური მოდული იმოძრავებს „დაბალენერგეტიკული ტრაექტორიით“ და დაახლოებით, ხუთ თვეში მიუახლოვდება დედამიწის ბუნებრივ თანამგზავრს.

პოლონეთის პრემიერ-მინისტრმა დონალდ ტუსკმა უკრაინის პრეზიდენტ ვოლოდიმირ ზელენსკისთან ერთად ვარშავაში გამართულ პრეს-კონფერ...
15/01/2025

პოლონეთის პრემიერ-მინისტრმა დონალდ ტუსკმა უკრაინის პრეზიდენტ ვოლოდიმირ ზელენსკისთან ერთად ვარშავაში გამართულ პრეს-კონფერენციაზე განაცხადა, რომ რუსეთის ხელისუფლება მთელ მსოფლიოში, ავიახაზების წინააღმდეგ, ტერორისტულ თავდასხმებს ამზადებს.

"ეს საბოტაჟის აქტები არის ომის ვერსიები, რომელიც რუსეთმა გამოუცხადა მთელ მსოფლიოს და არა მხოლოდ უკრაინას. ისინი საჭიროებენ ერთობლივ მოქმედებას და პოლონეთი თამაშობს მთავარ როლს ამგვარი აქტების წინააღმდეგ ბრძოლაში, რომლებიც განხორციელდა არა მხოლოდ პოლონეთის ტერიტორიაზე." - თქვა ტუსკმა.

როგორც მან აღნიშნა, ბოლო მონაცემები ადასტურებს, რომ რუსეთი ამზადებს ტერორისტულ აქტებს ავიახაზების წინააღმდეგ.

მრავალი თვეა, რაც ევროპული ქვეყნების ხელისუფლებები ეჭვობენ, რომ რუსეთი კრიტიკული ინფრასტრუქტურის ობიექტების წინააღმდეგ საბოტაჟს ამზადებს და ახორციელებს. ეს ეჭვები მას შემდეგ გაძლიერდა, რაც ბალტიის ზღვის ფსკერზე გამავალი კაბელები დაზიანდა.

გუშინ New York Times-მა გამოაქვეყნა ვრცელი სტატია რუსეთის მიერ შეერთებულ შტატებსა და კანადაში ტერაქტების დაგეგმვის შესახებ. გამოცემა იხსენებს, რომ 2024 წლის ზაფხულში დიდი ბრიტანეთის, გერმანიისა და პოლონეთის აეროპორტებსა და საწყობებში მოხდა ამანათების სპონტანური წვის და აფეთქების რამდენიმე შემთხვევა. აშშ მივიდა დასკვნამდე, რომ ევროპის ქვეყნებში სამომხმარებლო საქონლის აფეთქებები მოსკოვის ორგანიზებით მოხდა. შემდეგი ნაბიჯი იყო ასეთი ამანათების სხვა ქვეყნებში გაგზავნა.

Address

Tbilisi

Website

Alerts

Be the first to know and let us send you an email when მერაბ მერკვილაძის ახალი ამბები Merab Merkviladzis Akhali Ambebi posts news and promotions. Your email address will not be used for any other purpose, and you can unsubscribe at any time.

Videos

რუსეთის ტამბოვის ოლქში მდებარე დენთის ქარხანას დრონები დაესხნენ თავს. უკრაინის დეზინფორმაციის საწინააღმდეგო ცენტრის ცნობით, ქარხანა არის რუსეთის სამხედრო-სამრეწველო კომპლექსის ერთ-ერთი მთავარი ობიექტი, რომელიც უკრაინის წინააღმდეგ ომში მონაწილეობს. "აქ იწარმოება დენთი, რომელიც გამოიყენება სხვადასხვა ტიპის მცირე იარაღის, საარტილერიო და სარაკეტო სისტემებისთვის. ასევე, - კოლოქსილინი, რომელიც გამოიყენება ასაფეთქებელი ნივთიერებებისა და სხვა სპეციალიზებული პროდუქტების შესაქმნელად." - ნათქვამია განცხადებაში. უწყება აღნიშნავს, რომ საწარმო რუსული არმიისთვის ასაფეთქებელი მასალების ერთ-ერთი მთავარი მომწოდებელია და უკრაინაში სრულმასშტაბიანი ომის დაწყების შემდეგ, ამ ობიექტზე წარმოება მნიშვნელოვნად გაიზარდა.

რუსეთის ვორონეჟის ოლქის ქალაქ ლისკისში, დრონები თავს დაესხნენ ნავთობის საცავს, სადაც დიდი ხანძარი გაჩნდა.

35 წლის ერაყელი დაქორწინდა... 9 წლის გოგონაზე. მისმა მამამ ბავშვი მდიდარ პედოფილ სასიძოს მიჰყიდა. გოგონა სადედოფლოდ იყო მორთული და ნამდვილი ქორწილი ჰქონდა. ასეთი ქორწინება შესაძლებელი გახდა ერაყში კანონის მიღების შემდეგ, რომელიც სექსუალური თანხმობის ასაკს 18-დან 9 წლამდე ამცირებს.

ინდოეთში, არმიის დღისადმი მიძღვნილ აღლუმში, რობოტი ძაღლები მონაწილეობდნენ. კადრებში ჩანს, რომ მოდენაზე მარშით მიმავალ რობოტ ძაღლებს, უკან ოპერატორები მიჰყვებოდნენ, დისტანციური მართვის პულტით ხელში.

სლოვაკეთის პრორუსი პრემიერ-მინისტრი რობერტ ფიცო უკიდურესად გაბრაზდა სკოლის მოსწავლეზე, რომელმაც ქვეყნის პრეზიდენტს, პიტერ პელეგრინის ხელი არ ჩამოართვა. გუშინ სოციალურ ქსელში გავრცელდა ვიდეო, სადაც ჩანს, რომ ცენტრალური ევროპის მათემატიკური ოლიმპიადის ბრინჯაოს მედალოსანი სიმონ ომანიკი ქვეყნის განათლების მინისტრის, ტომას დრაკერის ხელიდან იღებს მედალს გამარჯვებისთვის, ხოლო სლოვაკეთის პრეზიდენტის მიერ გაწვდილ ხელს ნეგატიური ჟესტით პასუხობს. როგორც ღონისძიების შემდეგ მოზარდმა თქვა, ეს იმიტომ გააკეთა, რომ არ ეთანხმება პელეგრინის პოლიტიკურ პოზიციას. მან სლოვაკეთის პრეზიდენტი საპრეზიდენტო არჩევნებში "მოტყუებითა და სიცრუით" გამარჯვებაში დაადანაშაულა, მათ შორის, ომის თემით მანიპულირებით, რომელიც რუსეთმა უკრაინის წინააღმდეგ გააჩაღა. „არ

Shortcuts

Share

Category