თბილისის საერთაშორისო კინოფესტივალის ისტორია
თბილისის საერთაშორისო კინოფესტივალი 2000 წელს დაარსდა. პირველი ორი წლის განმავლობაში ის ხელოვნების ფესტივალის "საჩუქრის" ფარგლებში ტარდებოდა, რომელსაც ბევრი სპონსორი და მხარდამჭერი ჰყავდა და, შესაბამისად, კინოფესტივალის პროგრამაც ძალზე მრავალფეროვანი და საინტერესო იყო. 2002 წელს "საჩუქარს" დახურვის საფრთხე დაემუქრა, ამიტომ რამდენიმე თანამოაზრემ (გაგა ჩ
ხეიძე, ნინო ანჯაფარიძე, ლაშა ბაქრაძე, დავით ბუხრიკიძე, ბესიკ დანელია, გუგა კოტეტიშვილი, გაგა ლომიძე, გიორგი ყაჯრიშვილი) კინოხელოვნების ცენტრი "პრომეთე" დააარსა, რომლის საქმიანობის მთავარი მიზანი, სხვა პროექტების განხორციელების გარდა, თბილისის საერთაშორისო კინოფესტივალის შენარჩუნება იყო. 2002 წელს კინოხელოვნების ცენტრმა "პრომეთემ" კინოფესტივალი დამოუკიდებლად, მწირი ფინანსებით ჩაატარა.
დროთა განმავლობაში "პრომეთემ" თავისი საქმიანობით სახელმწიფო სტრუქტურების დაინტერესებაც შეძლო. 2004 წელს თბილისის საერთაშორისო კინოფესტივალი კერძო სპონსორებთან ერთად საქართველოს კინემატოგრაფიის ეროვნულმა ცენტრმა დააფინანსა, მომდევნო წლებში კინოცენტრს თბილისის მერია და კულტურის სამინისტროც შეუერთდა.
კინოფესტივალის მთავარი მიზანია, მაყურებელს გააცნოს მსოფლიო და ქართული კინემატოგრაფიის ახალი, მაღალი მხატვრული ღირებულების მქონე ნამუშევრები, მსოფლიო კინოს ახალი ტენდენციები და ხელი შეუწყოს ქართული კინოინდუსტრიის განვითარებას.
პროფესიული შეხვედრები, უორკშოპები, მასტერკლასები, რეტროსპექტივები და სხვა ინდუსტრიული ღონისძიებები, რომლებიც ყოველწლიურად იმართება ფესტივალის ფარგლებში, სტიმულს აძლევს ახალგაზრდა კინემატოგრაფისტების ნიჭისა და შემოქმედებითი ხედვის განვითარებას. ჩვენ ვისწრაფით, რომ კინოფესტივალი სამხრეთ კავკასიაში რეჟისორების, პროდიუსერების, გაყიდვების აგენტებისა და დისტრიბუტორების თავშეყრის ადგილი გახდეს. თავისი არსებობის მანძილზე ფესტივალმა საერთაშორისო მასშტაბით დიდი მნიშვნელობა შეიძინა. წლიდან წლამდე მატულობს ფესტივალზე ფილმის წარდგენისა და მონაწილეობის მსურველთა რაოდენობა. HISTORY OF TBILISI INTERNATIONAL FILM FESTIVAL
Tbilisi International Film Festival was first held in 2000 within a larger art festival framework, Gift which had numerous supporters and sponsors. In 2002 the festival faced closure threat and a circle of friends and co-thinkers (Gaga Chkheidze, Nino Anjaparidze, Lasha Bakradze, Davit Bukhrikidze, Besik Danelia, Guga Kotetishvili, Gaga Lomidze and Giorgi Kajrishvili) decided to set up the Cinema Art Center, Prometheus to maintain it and run other projects too. In 2002 the Cinema Art Center, Prometheus organized the festival with its scarce financial resources. Ultimately, Prometheus succeeded in attracting attention of governmental agencies and in 2004 the Georgian National Film Centre provided it with financial support along with other private sponsors. A couple of years later the Ministry of Culture and Tbilisi Municipality joined the track. Main aims of the festival are to introduce Georgian public with new works of high artistic value made in Georgia proper and worldwide, inform it about new trends in the world cinema and support development of Georgian cinema industry. Meetings of professionals in cinema community, workshops, master classes, retrospectives and other industrial events organized within the festival's frameworks give motivation to young cinematographers and encourage them to develop talent and artistic vision. We strive to turn the festival into a gathering place for filmmakers, producers, sales agents and distributors in South Caucasus. The festival has gained more significance throughout its history on worldwide scale. Number of the filmmakers willing to participate in the festival in any way is increasing year after year.
