26/12/2024
🇦🇿🇷🇺🔴დღეს დადასტურდა, რომ აზერბაიჯანის ავიახაზების სამგზავრო თვითმფრინავი რუსეთის ჰაერსაწინააღმდეგო სისტემის რაკეტამ ჩამოაგდო.
ეს ინფორმაცია "Euronews"-ს აზერბაიჯანის სახელისუფლებო წყაროებმა მიაწოდეს.
📌როგორც ჩანს, ბაქოდან გროზნოში მიმავალი თვითმფრინავი, რუსეთის ჰაერსაწინააღმდეგო სისტემამ უკრაინულ დრონად აღიქვა და მისი მიმართულებით რაკეტა გაუშვა. რაკეტა სავარაუდოდ თვითმფრინავთან აფეთქდა და მისი საფარი ძლიერ დააზიანა.
📌ამასთან გამოირკვა, რომ დაზიანებულ აზერბაიჯანულ თვითმფრინავს არ მისცეს რუსეთის ტერიტორიაზე საავარიო დაშვების უფლება, რის შემდეგაც ის უკან გაბრუნდა და დასავლეთ ყაზახეთში, ქ. აქტაუს სიახლოვეს ჩამოვარდა.
✔️როგორც იცით, გუშინ დასავლეთ ყაზახეთის ტერიტორიაზე ჩამოვარდა ბაქოდან გროზნოს მიმართულებით მიმავალი აზერბაიჯანის ავიახაზების სამგზავრო თვითმფრინავი, რომლის ბორტზეც ეკიპაჟის ჩათვლით 67 ადამიანი იმყოფებოდა. 38 მგზავრი დაიღუპა, დანარჩენები გადარჩნენ და სხვადასხვა სიმძიმის დაზიანებებით საავადმყოფოში არიან გადაყვანილი.
✔️პრინციპში, აზერბაიჯანული სამგზავრო თვითმფრინავის გარე ზემოქმედების შედეგად ჩამოგდების ეჭვი ჯერ კიდევ გუშინ გაჩნდა, როდესაც თვითმფრინავზე შესამჩნევი იყო შრაპნელის კვალი.
