She Loves The Gloves

27/05/2025

არ გამოგვრჩეს ისიც, რომ გუშინ UFC-მ დამოუკიდებლობის დღე ულამაზესად მოგვილოცა 🇬🇪❤️‍🔥

27/05/2025

კაი კარა ფრანსი ის იშვიათი შემთხვევაა, როდესაც უმსუბუქესი წონის მებრძოლს ნოკაუტის ძალა აქვს. თუმცა, co-main ივენთის მონაწილეს ნოკაუტისთვის ბონუსის მიღების იმედი არ აქვს… რადგან მთავარ ბრძოლაში ილია თოფურია ჩხუბობს 😅

26/05/2025

🎙️ “მერაბი მაინც გამოვა და საკუთარ საქმეს შეასრულებს, ყველაფრის მიუხედავად.”

დვალიშვილის მთავარმა მწვრთნელმა, ჯონ ვუდმა მერაბის მოტეხილ თითზე ისაუბრა 👇

25/05/2025

Merab "The Machine" Dvalishviliს ო’მალისთან რევანშის შემდეგ, წელს კიდევ 2 ბრძოლის ჩატარება სურს 😳

25/05/2025

🚨 თოფურიას ახალი გუნდი, მერაბის ტრავმა, ჩანიშნული ბრძოლები, სიახლეები, კითხვა-პასუხი...

🎥 15:00-ზე შევხვდებით She Loves The Gloves იუთუბ არხზე, სადაც ვისაუბრებთ ყველაფერზე, რაც გაინტერესებთ: https://www.youtube.com/

24/05/2025

🏆 Levan Chokheli Phoenix FC ქვესაშუალო წონის ახალი ჩემპიონია!

ქართველმა ბრაზილიელი ალექსანდრე გონსალვეში მეორე რაუნდში დაანოკაუტა. აღსანიშნავია, რომ ჩოხელი მეტოქეზე აშკარა ტექნიკური უპირატესობას მატჩის დასაწყისიდანვე აჩვენებდა და ბრძოლა ამდენი ხანი მხოლოდ მეტოქის გამძლეობის ხარჯზე გაგრძელდა.

🇬🇪 ბრძოლის შემდგომ ინტერვიუში, ჩოხელმა მადლობა გადაუხადა თანაგუნდელებს, ქართველ და უცხოელ გულშემატკივრებს, ბოლოს კი დაამატა, რომ შემდეგი შეხვედრის გამართვა UFC-ის ოქტაგონში სურს.

24/05/2025

🎙️ ამ კვირაში UFC ტურნირი არ გვაქვს, რაც მშვენიერი შესაძლებლობაა, ვილაპარაკოთ ბოლოდროინდელ მოვლენებზე, ან თუნდაც ისეთ თემებზე, რასაც ივენთიდან ივენთამდე ყურადღებას ვერ ვუთმობთ.

ასე რომ - კაპიც შენია და ოქტაგონი. გამოუშვი ყველაფერი, რაც გაინტერესებს და საუკეთესო კითხვებს ხვალ, 15:00-ზე, MMA მემატიანეს ლაივში ვუპასუხებ 🤘

24/05/2025

მშვიდად ჩატარებული ე.წ. მოსამზადებელი “კემპი” მერაბ დვალიშვილისთვის ისეთივე ანომალიაა, როგორც ბრძოლაში დაღლა 😅

ქართველი ჩემპიონის შონ ო'მალისთან რევანშამდე 2 კვირა რჩება.

23/05/2025

🤨 ამასობაში, ქვემსუბუქ დივიზიონში მოვლენები უცნაურად ვითარდება:

-ზე დიეგო ლოპესთან ტიტულის დაბრუნების შემდეგ, ალექსანდრ ვოლკანოვსკის ქამრის დაცვა დაუმარცხებელ მოვსარ ევლოევთან სურდა. თუმცა, როგორც ჩანს, ორგანიზაციას სხვა გეგმები აქვს და ინგუშ სპორტსმენს შემდეგი ბრძოლა ივლისში, აბუ-დაბიში ჩაუნიშნეს.

22/05/2025

🥊 ერთი ნაკლებად ცნობილი, თუმცა ძალიან შთამაგონებელი ფაქტი -ზე:

7 ივნისის ბრძოლა შონ ო’მალისთან მერაბ დვალიშვილისთვის ნიუ-ჯერსიში 2018 წლის შემდეგ პირველი ასპარეზობა იქნება. ქართველმა სპორტსმენმა ჩრდილოეთ შტატში ბოლო მატჩი 7 წლის წინ, რიკი სიმონთან ჩაატარა.

სევდიანად ცნობილ შეხვედრაში დვალიშვილს მსაჯების ერთსულოვანი გადაწყვეტილებით უნდა გაემარჯვებინა, თუმცა, რეფერის მიერ დაშვებული შეცდომის გამო, ბრძოლის ბედი სიმონის სასარგებლოდ გადაწყდა და ამერიკელს ტექნიკური საბმიშენით მოგება მისცეს. ბრძოლა, რომელიც თანამედროვე MMA-ში ე.გ. “ძარცვის” ერთ-ერთ ყველაზე სამწუხარო მაგალითად რჩება, ქართველის კარიერაში განსაკუთრებით რთულ პერიოდს უკავშირდება - ამ მარცხის შემდეგ დვალიშვილის UFC სტატისტიკა 0-2 გახდა. მოგეხსენებათ, ზედიზედ 3 წაგების შემთხვევაში, ორგანიზაცია სპორტსმენებთან კონტრაქტს ხშირად საერთოდ წყვეტს…

🦾 7 წლის შემდეგ მერაბ დვალიშვილი ნიუ-ჯერსიში UFC სუპერმსუბუქი წონის ჩემპიონის და ამ დივიზიონის ისტორიაში ერთ-ერთი საუკეთესო მებრძოლის სტატუსში დაბრუნდება. რაც შეეხება რიკი სიმონთან წაგებას, ის დღემდე ქართველის კარიერაში ბოლო მარცხად რჩება. შონ ო’მალისთან რევანშში გამარჯვების შემთხვევაში, მხოლოდ 2 ბრძოლა დააშორებს მერაბ დვალიშვილს სუპერმსუბუქი წონის ტიტულის დაცვების რეკორდს და 135 ფუნტის უდავო GOAT-ის წოდებას.

21/05/2025

🎙 ილია და ალექსანდრე თოფურიების Climent Club-იდან წასვლის ფაქტმა შერეული ორთაბრძოლების მოყვარულებში ბევრი კითხვა და სპეკულაცია გამოიწვია. საბედნიეროდ, Climent Club-ის დამაარსებლებმა, ხორხე და აუგუსტინ კლიმენტებმა ესპანურ გამოცემა MARCA-ს ვრცელი ინტერვიუ მისცეს, სადაც სიტუაცია დეტალურად ახსნეს. ქვემოთ გთავაზობთ ძმები კლიმენტების ინტერვიუს ძირითადი ამონარიდების ქართულ ადაპტაციას.

ხორხე კლიმენტის თქმით, თოფურიას გუნდის მიერ მოყვანილი ვერსია სწორად ასახავს იმას, რაც მოხდა - თანამშრომლობის გაგრძელების მთავარი ხელისშემშლელი ფაქტორი ილიას და ალექსანდრეს მადრიდში გადასვლა იყო, მაშინ, როდესაც მწვრთნელები ალიკანტეს ფიზიკურად ვერ დატოვებდნენ:

“ოჯახები აქ გვყავს, ჩვენი პროექტებიც აქაა, აქ არის ჩვენი დარბაზიც - ჩვენი ცხოვრება გვაქვს. მთელი ცხოვრების განმავლობაში გაწეულ შრომას ასე უბრალოდ ვერ დავტოვებდით. კარიერული განვითარების მიზნით, [ილიამ და ალექსანდრემ] მადრიდში საცხოვრებლად გადასვლა გადაწყვიტეს. პატარები იყვნენ, როდესაც ჩვენთან მოვიდნენ, ჩვენთან ერთად გაიზარდნენ. ჩვენ მათ დავეხმარეთ, მისულიყვნენ იქამდე, სადაც არიან და დღეს უკვე შეუძლიათ ფრთები გაშალონ და გაფრინდნენ.”

“გადაწყვეტილება ერთობლივი იყო. მეგობრები ვართ, ზრდასრული ადამიანები და ერთმანეთის საჭიროების გვესმის. ილიასთან ვისაუბრეთ და ერთად მოვიფიქრეთ, თუ როგორ შეიძლებოდა საუკეთესო შედეგის მიღწევა. მას სჭირდება ისეთი ადამიანები, რომლებიც მუდამ მის გვერდით იქნებიან, როგორც პროფესიონალები.”

ინტერვიუს ბოლოს მწვრთნელებმა კიდევ ერთხელ გაუსვეს ხაზი იმას, რომ მხარეებს შორის არსებული მეგობრობა გრძელდება და გულშემატკივრებს ეჭვებისთვის არანაირი მიზეზები არ აქვს.

აუგუსტინ კლიმენტი:

“მადლიერები ვართ ყველაფრისთვის, რაც ილიამ ამ სპორტისთვის გააკეთა და იმისთვისაც, რასაც ახლა აკეთებს. დარწმუნებულები ვართ, რომ მას ვერავინ დაამარცხებს.”

ხორხე კლიმენტი:

“არანაირი დისკომფორტი ჩვენ შორის არ ყოფილა. ჩვენ ყველაფერი კარგად გვესმის. ამ თემაზე ჯენტლმენურად ვისაუბრეთ. ვამაყობთ იმით, რასაც ერთად მივაღწიეთ და ახლა დროა, ცალ-ცალკე გავაგრძელოთ ცხოვრება. ვუსურვებთ ილიას და ალექსანდრეს წარმატებებს მათ ყველა წამოწყებაში.”

21/05/2025

სულ ვამბობ: ძალიან ჭკვიანურია, როდესაც მებრძოლები თავიანთ მეტოქეებს აქებენ 🤘ნუ, სულ მცირე - მათ უნარებს

ქართველ მებრძოლთან რევანშის წინ ჩაწერილ ინტერვიუში ტიმ უელჩმა მეტოქეზე დადებითად ისაუბრა.