17/12/2025
👑 როცა დასამტკიცებელი აღარაფერი დარჩა…
ტერენს “Bud” კროუფორდი პროფესიონალური კრივიდან წავიდა. დაუმარცხებელი ამერიკელის კარიერა რიცხვებში:
🥊 17 წელი
🥊 5 წონითი კატეგორია
🥊 18 ჩემპიონობა
🥊 42 გამარჯვება (31 ნოკაუტით), 0 მარცხი
🥊 პირველი კაცი ისტორიაში, რომელმაც ე.წ. 4 ქამრის ერაში აბსოლუტური ჩემპიონის სტატუსს 3 სხვადასხვა დივიზიონში მიაღწია
და (ალბათ) ყველაზე შთამბეჭდავი: გადაწყვეტილებამდე მისულ 11 ბრძოლაში არცერთ მსაჯს დაპირისპირება ბადის მეტოქის სასარგებლოდ არ შეუფასებია. ანუ, კროუფორდს ოპონენტისთვის არამც თუ ბრძოლა, მსაჯის ერთი “ქარდიც” არასდროს დასთმობია - მათ შორის, არც კანელო ალვარესისთვის, რომელიც კროუფორდმა სექტემბერში სუპერ-ბრძოლაში დაამარცხა.
როგორც წესი, ორთაბრძოლების სამყაროში კარიერის დასრულება დიდად არაფერს ნიშნავს და მებრძოლები სპორტში ან ფინანსური მიზეზების, ან უბრალო მოწყენილობის გამო მალევე ბრუნდებიან. ტერენს კროუფორდი კი ის შემთხვევაა, როდესაც მთელი გულით მინდა მჯეროდეს, რომ გადაწყვეტილება საბოლოა...
იმიტომ, რომ ტერენს “Bud” კროუფორდს დასამტკიცებელი აღარავისთვის აღარაფერი დარჩა.
მადლობა ბრწყინვალებისთვის 🫡
