31/12/2024
“წელი, რომელიც ახლა უკან გვრჩება, სავსე იყო სიხარულით და დაუვიწყარი მომენტებით, მაგრამ ის ასევე იყო ცრემლების და გამოწვევების წელი, ჩვენი გამძლეობის გამოცდის წელი, რომელმაც გვაჩვენა რამდენად ძლიერი შეგვიძლია ვიყოთ. ამ წელიწადმა გვაჩვენა, რომ ყოველი ნაბიჯის გადადგმისას და დაცემისას, შეგვიძლია ჩვენს თავში ახალი ძალა ვიპოვოთ. ამ წელს ვისწავლეთ, რომ არ უნდა დავნებდეთ - ერთმანეთის, სიყვარულის და ბოროტზე კეთილის გამარჯვების გვჯეროდეს.
ჩემთვის ეს ემოციებით დატვირთული წელი იყო. სპორტი ვნებით, მსხვერპლით და მუდმივი სწავლითაა სავსე, მაგრამ სპორტს მიღმა, ჩემი ცხოვრება მჭიდროდ არის დაკავშირებული ჩემს სამშობლოსთან, საქართველოსთან. ამჟამად, ჩემი გული ჩემს ხალხთანაა - მათთან, ვინც იბრძვის თავისუფლებისთვის;
ეს ბრძოლა მხოლოდ პოლიტიკური მნიშვნელობის არ არის, ეს ღირსებისთვის და თავისუფლებისთვის ბრძოლაა.
ვიცი, რომ რთული დროა, მაგრამ ასევე ვიცი, რომ ჩვენ, როგორც ერს, ყოველთვის გვაქვს ძალა. ჩვენ ვსწავლობთ წინააღმდეგობის გაწევას, ვიბრძვით ჩვენი ღირებულებების დასაცავად და არასდროს ვწყვეტთ უკეთეს მომავლზე ფიქრს.
არასოდეს დაივიწყოთ, რომ მიუხედავად იმისა, რამდენად რთულია გზა, ჩვენში ყოველთვის არის ძალა, რომელიც წინ წაგვიყვანს, წაგვიყვანს სიყვარულით და წაგვიყვანს თავისუფლებისაკენ!
მინდა გისურვოთ, რომ 2025 იყოს წელი, როდესაც თითოეული ჩვენგანი და მთელი ჩვენი ქვეყანა ძლიერი, სამართლიანი, თავისუფალი და ბედნიერი იქნება!” ❤️🙏
🎙️გიორგი ქოჩორაშვილი
