პოდკასტ ბათუმი/Podcast Batumi არის პირველი საპოდკასტე სივრცე ბათუმში, სადაც ადამიანები ღია მიკროფონის ფორმატში ისაუბრებენ მათთვის საინტერესო თემებზე და აიმაღლებენ ამ მიმართულებით კვალიფიკაციას. პროექტის ფარგლებში ჩაიწერება სამი ფორმატის პოდკასტი - „რა მოხდა?!“ , „Lec Talk” და „Youth voice“.
პროექტის მიზნები:
🎬 თავისუფალი და მიუკერძოებელი სივრცის შექმნა - პროექტის მთავარი მიზანია ბათუმელი ახალგა
ზრდებისთვის შეიქმნას თავისუფალი და ღია მიკროფონის ფორმატის საპოდკასტე სივრცე, ტექნიკური უზრუნველყოფით, რომელიც თავისუფალ დროს ნებისმიერი მათგანისთვის იქნება ხელმისაწვდომი.
🎬 ინფორმირებულობის ზრდა და პრობლემების განხილვა - იდეის განხორციელებისას, მოქნილი ფორმატის ფარგლებში, ვისაუბრებთ რეგიონში აქტუალურ სხვადასხვა საინტერესო თემებებზე, სხვადასხვა ავტორიტეტულ და საინტერესო სტუმტრებთან ერთად. მათთან ერთად განვიხილავთ მიმდინარე მოვლენებს და ვიმსჯელებთ უკვე მომხდარ ქეისებზე. პოდკასტების მიმდინარეობისას ახალგაზრდებს მივაწვდით ინფორმაციას სხვადასხვა აქტივობებისა და პროექტების შესახებ.
🎬 განათლების და თვითრეალიზების ხელშეწყობა ახალგაზრდებში - სივრცეს ასევე ექნება საგანმანათლებლო დატვირთვაც. სტაჟიორებს მიეცემათ საშუალება, უშუალოდ მუშაობის პროცესში, პრაქტიკაზე დაყრდნობით აითვისონ ისეთი უნარები როგორიცაა: რეჟისურა, მონტაჟი, განათების აწყობა, სტუდიის მოწყობა, სოციალური მედიის მართვა, პროექტის შექმნა, მისი მართვა, ასევე იდეის გაწერა, ბიუჯეტირება და საბოლოო ჯამში რეალიზება.
