Daily Ausaf Gilgit Baltistan

18/08/2024

جعفرآباد سکندرآباد نلت تھول میں کالی آندھی نے طوفان مچا دیا مزکورہ علاقوں میں اس طوفان کی وجہ سے مختلف مقامات پر درختوں کے جڑ سے اکھڑنے کی اطلاعات اور دیگر مقامات پر پھل دار درختوں کے شاخے ٹوٹنے کی بھی اطلاعات ہیں آخر میں بلخصوص سیب کے پھل کو شدید نقصان پہنچا ھے۔

ویڈیو بشکریہ فدا فدیم

18/08/2024

غذر۔۔۔۔۔اشکومن میں سیلاب کی تباہ کاری..

18/08/2024

پی ای سی الیکشن نادرا نتظامہ کی بدماشی کیمرہ ٹوڑنے کی کوشش
پاکستان انجینئرنگ کونسل کے انتخابات بدمزگی کا شکار انٹرنیٹ لنک ڈآؤن ووٹرز گھنٹوں سے لائنوں میں کھڑے ہیں وجوہات معلوم کرنے پر میڈیا سے بدتمیزی کیمرہ چھیننے کی کوشش

18/08/2024

دنیور
(بشارت یزدانی)
دنیور منوگاہ نالہ میں سیلاب نے تباہی مچا دی۔
رابطہ سڑکیں تباہ , سینکڑوں پل , واٹر چینل , اور مختلف گاؤں کے پانی کے سربند سیلاب کی نظر۔
اگر حکومت کی طرف سے بروقت نقصان کا ازالہ نہیں کیا گیا .زمینداروں کے فصلوں کو نقصان ہونے کا اندیشہ ہے .سڑک کی بحالی کے کام کا بھی باقاعدہ آغاز کر دیا گیا مشینری منوگاہ نالہ پہنچ گئی۔ اور ساتھ ساتھ مقامی رضاکار سیلاب سے متاثرہ چشمے کے پانی کی پائپ لائن کی بحالی میں مصروف ہے
دنیور حالیہ دنوں میں ہونے والی شدید بارشوں کے نتیجے میں دنیور کے پانی کی سپلائی لائن کو شدید نقصان پہنچا تھا، جس کو مقامی رضاکاروں کی انتھک محنت کے بعد پانی کی سپلائی کو بحال کر دیا گیا تھا۔ جس کے دو دن بعد ہی دوبارہ سیلاب نے پانی کے پائپ لائن کو شدید نقصان پہنچا دیا ہے جس سے علاقے کی آبادی کو پینے کے پانی کی قلت کا سامنا کرنا پڑ رہا ہے ۔ تاہم، مقامی رضاکار پانی کی سپلائی کو بحال کرنے میں مصرف ہیں، عوامی تعاون سے پانی کی فراہمی بحال کرنے کے لئے مصروف عمل ہیں مگر سیلاب کی وجہ سڑک کئی مقامات پر تباہ ہو گئی ہے جس وجہ سے پانی کے پائپ لائن کو بھی بحال کرنے میں سخت دشواری پیش ہو رہی تاہم بارشوں کے دوران علاقے کی سڑکیں اور رابطہ پل بری طرح متاثر ہوئے ہیں، جس کی وجہ سے وہاں کے مکینوں کو شدید مشکلات کا سامنا ہے۔ لیکن سینکڑوں سیاحوں اور مقامی لوگوں کی موٹر سائیکلیں ابھی بھی جنگل میں پھنسی ہوئی ہیں کیونکہ رابطہ پل اور سڑکیں مکمل طور پر تباہ ہو چکی ہیں۔علاقہ مکینوں کا کہنا ہے کہ وہاں ان کے لیے غذائی ضروریات کی قلت پیدا ہو گئی ہے انھوں نے مزید کہا ہے منسٹر سید سہیل عباس شاہ نے یقینی دہانی کرائی تھی کہ جلد اس روڈ کی بحالی کے کام کا آغاز کر دیا جائے گا مگر کافی دن گزرنے کے باوجود ابھی تک سڑک اور وہاں کے آبادیوں کی نالیوں کی بحالی نہیں ہوئی ہیں۔ اگر مزید کچھ دنوں تک ان کی آبادی اور فصلوں کو پانی نہیں پہنچا تو ان کی ساری محنت ضائع ہو کر رہ جائے گی۔
دنیور کے حالیہ بارشوں سے متاثرہ علاقے اور پانی کی بحالی کے حوالے سے عوام کو درپیش مسائل کے حل کے لیے مزید اقدامات کی ضرورت ہے تاکہ علاقہ مکینوں کے مشکلات میں کمی ہو اور دنیور کے عوام کے پینے کے پانی کا مسلہ بھی حل ہو سکے ۔

17/08/2024

17/08/2024

گلگت بلتستان کو شدید خطرات۔
اگر موسمیاتی تبدیلیوں پر سنیجدگی سے کام نہیں کیا گیا تو پھر اگلے بیس سالوں میں کیا ہوگا۔ دیکھئے اسرار الدین اسرار کا تجزیہ

17/08/2024

وزیر اعلیٰ گلگت بلتستان حاجی گلبر خان نے نلتر 16 میگاواٹ پاور پروجیکٹ کا دورہ کیا۔ اس موقع پر وزیر اعلیٰ نے سیکریٹری برقیات او ر پروجیکٹ ڈائریکٹر کو ہدایت کی کہ لوڈشیڈنگ کی وجہ سے گلگت میں عوام کو شدیدمشکلات کا سامنا ہے۔ 16 میگاواٹ پاور پروجیکٹ 30 اکتوبر کی ٹائم لائن کے مطابق مقررہ مدت میں مکمل کریں۔ منصوبے کی رفتار کو مزید تیز کیا جائے اور ٹھیکیداروں کو پابند کیا جائے کہ مختلف شفٹ میں اس منصوبے پر کام کرے۔ وزیر اعلیٰ نے کہاکہ گلگت کیلئے بجلی کی فراہمی نلتر سے ہورہی ہے جس کو مدنظر رکھتے ہوئے وفاقی حکومت کو سفارش کی جائے گی کہ مستقبل میں واپڈا کے ذریعے پاور پروجیکٹس کیلئے ریزوائر تعمیر کیاجائے تاکہ بلاتعطل پاور پروجیکٹس کو پانی کی فراہمی ممکن ہو۔اس موقع پر صوبائی سیکریٹری برقیات اور پروجیکٹ ڈائریکٹر نے 16 میگاواٹ پاور پروجیکٹ کے حوالے سے تفصیلی بریفنگ دی۔ وزیر اعلیٰ نے 18 میگاواٹ پاور پروجیکٹ کی ٹینک کی صفائی کے کام کا بھی جائزہ لیا۔
وزیر اعلیٰ کو چھلمس داس میں دریائی کٹاؤ کی وجہ سے ہونے والے نقصانات کے حوالے سے سیکریٹری برقیات اور کمشنر گلگت ڈویژن نے بریفنگ دی۔ وزیر اعلیٰ نے اس موقع پر کہا کہ دریائی کٹاؤ کی روک تھام کے حوالے سے مستقل حل نکالنے کیلئے محکمہ تعمیرات،جی بی ڈی ایم اے کو ہدایت کی جائے گی کہ جامہ سفارشات تیار کریں۔

17/08/2024

وزیر اعلی گلگت بلتستان حاجی گلبر خان کی جانب سے وزیر اعظم پاکستان میاں شہباز شریف کو قراقرم انٹرنیشنل یونیورسٹی اور بلتستان یونیورسٹی کے انڈومنٹ فنڈ کے لیے گلگت بلتستان کونسل کے فنڈز سے ایک ارب کی رقم صوبائی حکومت کو منتقلی کے حوالے سے لکھے جانے والے خصوصی مراسلے پر وزیر اعظم سکریٹریٹ نے وفاقی وزارت خزانہ اور گلگت بلتستان کونسل سے تحریری سفارشات طلب کی ہیں۔

17/08/2024

17 اگست 2024: فارن سروس اکیڈمی کے 44 ویں اسپیشلائزڈ ڈپلومیٹک کورس کے شرکا نے دیامر بھاشا ڈیم پراجیکٹ کا دورہ کیا۔ شرکا نے مین ڈیم کےمختلف سائٹس پرجاری تعمیراتی پیشرفت اور سرگرمیوں کا معائنہ کیا۔ جنرل منیجر/پراجیکٹ ڈائریکٹردیامر بھاشا ڈیم انجینئرنزاکت حسین نے کورس کے شرکا کو ڈیم کی اہمیت و افادیت اورسائٹ پر جاری تعمیراتی اہداف سے متعلق آگاہ کیا۔ کورس کے شرکا کودیامربھاشا ڈیم کنٹریکٹرز کیمپ میں ڈیم سے متعلق تفیصلی بریفنگ دی گئی۔ دیامربھاشا کنسلٹنٹس گروپ کے ڈپٹی پراجیکٹ منیجر میجر(ریٹائرڈ) غلام رضا خان نے شرکا کو ڈیم کی تعمیراتی پیشرفت اور دیگر امور سے متعلق آگاہ کیا۔ بریفنگ کے بعد سوال و جواب کا بھی سیشن ہوا۔ اس موقع پرگفتگو کرتے ہوئےکورس کے شرکا نےسستی اور ماحول دوست توانائی کےحصول کےلیے دیامربھاشا ڈیم کی تعمیر کو ناگریز قرار دیا۔ کورس کے منتظمین اورشرکا نے دیامربھاشا ڈیم سائٹ پر دورےکیلیے انتظامات پرپراجیکٹ انتظامیہ کا شکریہ ادا کیا۔

17/08/2024

اپر چترال دیو سیر گول میں سیلاب آنے کی وجہ سے دریا یار خوان میں پانی کا بہاؤ رک گیا

17/08/2024

وخی زبان

Emotional and psychological violence is a serious form of gender-based violence affecting many
women in Gilgit-Baltistan. Recognize the signs: verbal abuse, isolation, constant criticism, and
control. If you or someone you know is a victim, seek help from family, community elders,
healthcare professionals, or dedicated helplines.
Together, we can break the silence and support our women.
To report reach out to:
Online Harassment & Cyber Crime helpline : 9911 (FIA)
GB Police : 15
Child protection unit : 1121
HRCP Complaint Cell : 03554541088/03445475553
This Public Service Message is brought to you by Karakoram Area Development Organization &
Women Development Department GB, supported by AKRSP, Global Affairs Canada & Aga
Khan Foundation Canada

17/08/2024

گانچھے کے نواہی علاقہ سومو کھر میں چار گھر شارٹ سر کٹ کی وجہ سے جل کر راکھ

لوگ اپنی مدد آپ کے تحت آگ کسیے بھجا رہے ہیں ۔۔۔۔

17/08/2024

سومو کھر میں شارٹ سرکٹ سے آگ لگ گئی

17/08/2024

بغیر جامع منصوبہ بندی کے ڈیجیٹل رجسٹریشن کے نام پے حکومت علاقے کو گندم بحران کی طرف دھکیل رہی ہے: جاوید منوآ

اپنے حق کے لئے ہوپر نگر میں پرامن احتجاج کرنے والوں پر ایف آئی آر کی پر زور مذمت کرتے ہیں : سابق وزیر خزانہ

انتظامیہ اپنا قبلہ درست کرے ورنہ مرمت کرنا جانتے ہیں۔گندم کوٹہ روک کر نگر میں مصنوعی بحران انتظامیہ قصدن پیدا کر رہی ہے، حالات خراب ہوئے تو ذمہ داری انتظامیہ کی ہوگی۔

بار بار بتانے کے باوجود حکومتی وزراء سمیت چیف سیکرٹری اس معاملے میں سنجیدہ نہیں ہیں اور گندم کوٹہ روک کر حالات کو خرابی کی طرف لیکر جانا چاہتے ہیں۔

نگر میں عوام کی طرف سے دئے گئے الٹیمیٹم تک گندم کی فراہمی شروع نہیں ہوئی تو حالات کی مکمل ذمہ دار حکومت ہوگی۔

17/08/2024

ملک کے مختلف شہروں میں موسلادھار بارش، نشیبی علاقے زیر آب آگئے

16/08/2024

حکومت میں موجود لوگ حاجی گلبر کے خلاف عدم اعتماد لانے کی کوشش کررہے ہیں۔ لیکن اوپر والے نہیں مان رہے ہیں۔
اپوزیشن کسی سرپرائز کا انتظار کررہی ہے۔
اپوزیشن لیڈر کے سنسنی خیز انکشافات

16/08/2024

پریس ریلیز..وزیر اعلی گلگت بلتستان محترم حاجی گلبر خان سے معروف بزنس مین و کنٹریکٹرز ایسوی ایشن اف پاکستان کے صوبائی چیف کوارڈینیٹر بشارت حسین کی ملاقات. یونائیٹڈ انجینیرز الائنس پاکستان کے امیدوار برائے چیرمین پاکستان انجینرنگ کونسل انجینیر سید اشفاق حسین شاہ اور ان کے پینل حوالے سے تفصیلی گفتگو ہوئی اور تعاون کی درخواست کی.وزیر اعلی گلگت بلتستان نے تعاون کی مکمل یقین دہانی کروادی.وزیر اعلی گلگت بلستان سے ملاقات کے بعد میڈیا کو جاری بیان میں بشارت حسین نے کہا کہ سید اشفاق حسین کی چیرمین انجینرنگ کونسل جیتنے کے بعد گلگت بلتستان کے انجینیرز کے حقیقی مسائل جو گزشتہ کئی دہائیوں سے ھل طلب ہیں کو ھل کرنے میں اپنا حقیقی کردار ادا کرونگا.اور ملکی اور بیرون ممالک میں ٹریننگ اور سکالر شپ کی حصول کے لئیے بھرپور کوشش کرونگا.جو انجینیرز کا بنیادی حق ہے جنکو ماضی میں نظر انداز کیا گیا ہے.جس سے ہمارے انجینیرز میں سخت مایوسی پھلی ہوئی ہے. انجینرنگ کونسل میں جی بی کے انجینیرز کو ایکسس نہیں ہونی وجہ سے اپنے مسائیل ھل کروانے میں سخت مشکلات سے گزریں ہیں.سید اشفاق حسین کی جیت سے گلگت بلتستان کے انجینیرز کو ی انجینرنگ کونسل کے دروازے ہمیشہ کیلئے کھول دئیے جائینگیں.اور ہر وہ سہولت جو ملک کے دیگر صوبوں کے انجینیرز اور کنٹریکٹرز کو حاصل ہے.وہ گلگت بلتستان میں ہی میسر کرانے کیلئے صوبائی دفتر کا قیام بھی عمل میں لانے کیلئے اپنا کردار ادا کرونگا..اور گلگت بلتستان کنسٹریکشن انڈسٹریز وہ مسائیل جو گزشتہ تیس سال سے انجینرنگ کونسل میں ھل طلب ہیں جو کہ کنٹریکٹرز کے قوانین بناتا ہے کی پالیسی ساز ادارے میں گلگت بلتستان کے زمینی حقائیق کی روشنی میں قوانین بنوانے میں اپنا کردار ادا کرینگیں. ماضی میں گلگت بلتستان کے کنٹریکٹرز نت نئے قوانین کے نیچے پس رہیں تھے جنکو پہلی گورننگ باڈی میں حل کرایا جائیگا.سید اشفاق وہ پہلی واحد شخصیت امیدوار برائے چیرمین پاکستان انجینرنگ کونسل ہیں جنہوں نے گلگت بلتستان کےتمام صوبائی ایسوسی ایشنز اور تمام ڈسٹرکٹس کے انجینیرز سے ذاتی طور پر رابطہ کر کے ووٹ مانگا ہے جو انکی محبت کا موں بولتا شبوت ہے.اور ہر پارٹی سے ووٹ اور سپورٹ کیلئے درخواست کی ہے.شکریہ

16/08/2024

ضلع استور کو مسلسل قدرتی آفات کا سامنا ،،،،شدید طوفانی بارشوں کا سلسلہ جاری ہے

16/08/2024

نگر کے چھلت نالے میں گدلا اور سیلابی پانی بے قابو ،اطراف کی زمین کا کٹاو جاری

16/08/2024

وزیر اعلیٰ گلگت بلتستان حاجی گلبر خان نے روس میں منعقدہ اولمپکس میں غواڑی کے ننھے سیف اللہ کی شرکت اور ایشین چلڈرن بیسٹ اتھلیٹ میڈل جیتنے پر مبارک باد دی۔ وزیر اعلیٰ گلگت بلتستان نے وزیر اعلیٰ سیکریٹریٹ میں سیف اللہ اور ان کے والد کو مدعو کیا، حوصلہ افزائی کی، شیلڈ، اسناد اور نقد انعام سے نوازا۔ اس موقع پر وزیر اعلیٰ نے گفتگو کرتے ہوئے کہاکہ ننھے سیف اللہ کی بین الاقوامی سطح پر پذیرائی اور پاکستان کا نام روشن کرنا اس بات کی دلیل ہے کہ گلگت بلتستان کی نوجوان نسل میں صلاحیتوں اور استعداد کی کوئی کمی نہیں ہے۔ موجود حکومت نوجوانوں میں موجود صلاحیتوں میں نکھار پیدا کرتے ہوئے پلیٹ فارمز مہیا کرنے پر یقین رکھتی ہے۔ وزیر اعلیٰ نے سیف اللہ کو کھیلوں کے میدان میں آگے بڑھنے کیلئے حائل رکاوٹوں کو دور کرنے سمیت ہر ممکن تعاون کی یقین دہانی بھی کرائی جبکہ کھیلوں کے ساتھ ساتھ انہیں تعلیم پر بھی اپنا توجہ مرکوز رکھنے کی تلقین کی۔ وزیر اعلیٰ نے محکمہ سیاحت کے ذمہ داروں کو ہدایت کی کہ وہ سیف اللہ کی بھرپور معاونت کریں۔ اس موقع پر ننھے سیف اللہ اور ان کے والد نے وزیر اعلیٰ گلگت بلتستان کا شکریہ ادا کرتے ہوئے حکومت گلگت بلتستان کی تعریف کی اور کہا کہ وزیر اعلیٰ گلگت بلتستان کی عزت افزائی ہمارے لئے سرمایہ حیات ہے۔ ہم حکومت کی جانب سے کیا گیا اس تعاون کو کبھی فراموش نہیں کریں گے۔ سیف اللہ نے کہاکہ اسی طرح اگر مزید بھی مجھے مناسب حکومتی توجہ نصیب ہو تو میں نہ صرف گلگت بلتستان بلکہ آنے والے دنوں میں عالمی اولمپکس میں پاکستان کا نام روشن کروں گا۔

16/08/2024

روس میں منعقدہ اولمپکس میں شرکت کرنے والے غواڑی کے ننھے سیف اللہ کے تاثرات

16/08/2024

وزیر اعلیٰ گلگت بلتستان حاجی گلبر خان نے پاور سٹیئرنگ کمیٹی اجلاس کے موقع پر گفتگو کرتے ہوئے کہا ہے کہ پاورمنصوبوں کی بروقت تکمیل کے حوالے سے محکمے کی جانب سے دیئے جانے والے ٹائم لائز میں سے جن منصوبوں کے ٹائم لائن پر مکمل نہیں ہوئے ہیں نئے ٹائم لائن پر ہر صورت مکمل کریں۔ مزید تاخیر کی صورت میں متعلقہ آفیسران اور ٹھیکیداروں کیخلاف کارروائی ہوگی۔ محکمے میں سزاء اور جزاء کا سخت نظام پر عمل کرے۔ محکمے کی جانب سے ٹائم لائز پر من و عن عملدرآمد نہ کرنے پر عدم اطمینان کا اظہار کرتے ہوئے سیکریٹری برقیات کو ہدایت کی کہ نئے ٹائم لائز میں مزید تاخیر نہیں ہونا چاہئے۔ بجلی کی لوڈشیڈنگ کی وجہ سے عوام کو درپیش مشکلات کا احساس ہے۔ حکومت محکمہ برقیات کے منصوبوں کی بغیر تاخیر کے تکمیل اور اضافی بجلی سسٹم میں شامل کرنے کیلئے ہر ممکن اقدامات کررہی ہے۔ وزیر اعلیٰ نے سیکریٹری برقیات کو ہدایت کی کہ زیر تعمیر تمام منصوبوں کے ٹائم لائز تحریری طور پر وزیر اعلیٰ سیکریٹریٹ میں جمع کرائیں۔ نلتر 16 میگاواٹ کے حوالے سے بھی محکمہ ٹائم لائن کا تعین کرے۔ گلگت شہر میں عوام بجلی کی عدم دستیابی کی شکایت کررہے ہیں۔ محکمہ ہر ممکن یقینی بنائے کہ غیر ضروری لوڈشیڈنگ سے اجتناب کرے۔ محکمہ اہداف کے حصول کو یقینی بنانے اور بجلی کے بلوں کے حصول کیلئے جامع حکمت عملی بنائے۔ موسم سرما کے حوالے سے پلان بھی تیار کرے۔

16/08/2024

اسلام آباد(ابرار حسین استوری) پاکستان مسلم لیگ (ن) گلگت بلتستان کے ڈپٹی جنرل سیکرٹری اور سابق پارلیمانی سیکرٹری برکت جمیل نے وزیر اعظم پاکستان میاں محمد شہباز شریف سے مطالبہ کیا ہے کہ ضلع استور میں سیلاب اور لینڈ سلائیڈنگ کی وجہ سے ہونے والی تباہی پر ہنگامی بنیادوں پر اقدامات اٹھائے جائیں اور تباہ ہونے گاؤں کی جگہ ضلع غذر کی طرز کے ماڈل گاؤں بنا کر دیئے جائیں،مقامی انتظامیہ اپنی استطاعت کے مطابق امدای کام کر رہی ہے مگر فنڈز کی کمی کے باعث انہیں شدید مشکلات کا سامنا ہےکیونکہ وفاق کی مدد کے بغیر ان مشکلات پر قابو پانا نہایت مشکل عمل ہے، برکت جمیل نے ان خیالات کا اظہار نیشنل پریس کلب اسلام آباد میں ایک ہنگامی پریس کانفرنس کرتے ہوئے کیا،برکت جمیل کا مزید کہنا تھا کہ حالیہ بارشوں کے باعث سیلاب اور لینڈ سلائیڈنگ نے ضلع استور میں تباہی مچا کر رکھ دی ہے،اور استور کے گاؤں کشنت، رامکھ، فینہ، پکورہ، بولن اور مومن آباد تباہ ہو گئے ہیں،لوگوں کے مکانات کو شدید نقصان پہنچا ہے اور وہ بے گھر ہو گئے ہیں،جبکہ رابطہ پل بھی اس سے شدید متاثر ہوا ہے جس سےمقامی آبادی کو آمدورفت میں بھی شدید دشواری کا سامنا ہے،متاثرین نے اسکولوں کی اندر پناہ لے رکھی ہے، سیلاب کی باعث دو بچے بھی جابحق ہوچکے ہیں. لیگی رہنما نے مزید کہا کہ ماضی میں میاں نواز شریف نے بطور وزیر اعظم گلگت بلتستان کو کینسر ہسپتال کا تحفہ دیا تھا جبکہ میاں شہباز شریف کے دور میں ایم آر آئی اور سی ٹی اسکین مشینیں مہیا کی گئی تھیں جبکہ مختلف علاقوں میں چار دانش اسکولوں کا قیام عمل میں لانے کا اعلان بھی کیا ہے جس پر عملدرآمد جاری ہے، انہوں نے مزید کہا کہ گلگت بلتستان حکومت کو فنڈز اور وسائل کی کمی کا سامنا ہے،جو فنڈز ملتے ہیں اس سے نظام حکومت بمشکل چلتا ہے، سابق وزیر اعلیٰ گلگت بلتستان حافظ حفیظ الرحمان اپنی کوششیں بروئے کار لا رہے ہیں ان کی اس حوالے سے تین چار وفاقی وزراء سے ملاقاتیں ہوئی ہیں،اگست کے بعد گلگت بلتستان بالخصوص استور میں سردی کا موسم شروع ہو جاتا ہے جس کی وجہ سے وہاں بسنے والے لوگ شدید پریشانی کا شکار ہیں اور وہاں پر ہنگامی بنیادوں پر کام کرنے کی ضرورت ہے،خاص طور پر کشنت اور رامکھ گاؤں میں بہت زیادہ تباہ کاریاں ہوچکی ہیں اسلئے ان دونوں گاؤں میں ماڈل ویلج بنانے کا اعلان کیا جائے،اس حوالے سے مقامی انتظامیہ سے رائے لی جا سکتی ہے، بے شک زمینیں وہاں کے لوگوں کی اپنی ہونگی جبکہ مکانات بنانے کیلئے حکومت انہیں تمام درکارمالی وسائل فراہم کرے تاکہ ان لوگوں کا احساس محرومی ختم ہو سکے. برکت جمیل نے کہا کہ وزیر اعلیٰ پنجاب محترمہ مریم نواز علاقے کا دورہ کر چکی ہیں اور انہیں ان علاقوں کی جغرافیائی حوالے سے پتہ ہے لہذاٰ ان سے بھی گزارش ہے کہ وہ بھی متاثرین کیلئے پنجاب حکومت کی طرف سے امدادی پیکج کا اعلان کریں تاکہ وہاں کے لوگوں کی محرومیوں کا آزالہ کیا جا سکے۔

16/08/2024

گلگت ضلع استور میں شدید طوفانی بارشیں

16/08/2024

دیکھئے آج رات 8 بجے اپوزیشن لیڈر کاظم میثم کا سنسنی خیز انٹرویو

16/08/2024

کوہستان سے آنے والے نوجوان خنجراب پاس کے حوالے سے اظہار خیال کر رہے ۔۔۔

16/08/2024

جشن آزادی کی تقریب

16/08/2024

پاکستان ہماری آن پاکستان ہماری جان

16/08/2024

استور کے عوام سیلابی صورتحال کے باعث مشکلات میں مبتلا رابطہ پل بہہ جانے کی وجہ سے مریضوں اور ۔سیاحوں کو کیسے ریسکیو کیا جارہا ہے دیکھئیے اس رپورٹ میں

16/08/2024

استور کو مسلسل قدرتی آفات کا سامنا ، طوفانی بارشوں کا سلسلہ جاری