Bridging East & West
13/02/2025
جرمنی کے شہر میونخ میں ایک افغان شہری نے مزدوروں کے ہجوم پر گاڑی چڑھا دی، جس کے نتیجے میں کم از کم 28 افراد زخمی ہوگئے۔حکام کے مطابق زخمیوں میں دو کی حالت نازک ہے، جبکہ پولیس نے حملہ آور کو حراست میں لے لیا ہے۔
جرمن پولیس کے مطابق مشتبہ شخص 24 سالہ افغان شہری ہے، جس نے ملک میں پناہ کی درخواست دے رکھی تھی۔ پولیس کا کہنا ہے کہ اس پر چوری اور منشیات فروشی کے سنگین الزامات عائد تھے اور ملک بدری کے احکامات بھی جاری ہو چکے تھے۔
ریاست باویریا کے وزیر اعظم نے کہا کہ حملہ ممکنہ طور پر دہشت گردی ہوسکتا ہے۔ یہ واقعہ امریکی نائب صدر جے ڈی وانس اور یوکرینی صدر ولادیمیر زیلنسکی کی میونخ سیکیورٹی کانفرنس میں شرکت سے چند گھنٹے قبل پیش آیا۔
یہ یاد رہے کہ گزشتہ ماہ آشافنبورگ میں چاقو حملے میں دو افراد ہلاک اور دو زخمی ہوئے تھے، اور اس واقعے میں بھی ایک 28 سالہ افغان شہری کو گرفتار کیا گیا تھا۔
