JamDy Pro

30/04/2023

好多人食椰菜花都係食個「花」，而香港買到嘅椰菜花好多時都已經處理好晒。不過英國買到嘅椰菜花就九成九都係連埋葉賣嘅，聽過有人會搣晒d葉掉晒佢，不過我地比較環保（定孤寒？🤣🤣），上網睇過其實葉都營養豐富，仲係可以幫助女性改善貧血嘅食療嚟咖！不過椰菜花葉都分底面，面嗰d比較粗，多渣同「嚡」口，我地會切到好碎用嚟整菜飯或炒麵嘅菜；至於較貼近棵花嘅嫩葉，就可以了直接煮嚟食啦！睇落係咪好似生菜呢，唔止咁咖，仲甜過生菜好多！大家下次買椰菜花，記住食埋d葉啦，唔好浪費😀
#環保 #咪做大嘥鬼 #唔好浪費 #食得唔好嘥 #餐蛋麵 #椰菜花 #椰菜花葉 #英國日常 #英國煮婦 #早餐 #港式 #英國超市 #英國生活

06/03/2023

反叛到識擺pose嘅紅蘿蔔？！其實喺農夫或者食材採購者眼中，佢地想最每一枝蘿蔔都係同一個樣，枝枝都肥大飽滿（諗諗吓其實某地嘅填鴨教育都係一樣）。當然正如人一樣，農作物都唔會棵棵都一樣啦，奇形怪狀或者奀挑鬼命嘅最終都唔會拎去市場賣，一係拎去做飼料肥料，最後都仲有剩嘅就會拎去堆填...呢種食物生產過程既增加堆填區壓力，又浪費好多食得嘅嘢。所以近嚟living cost crisis嘅不景氣之下都見到 仲有 ， 呢類大超市都開始推廣呢d「奇形怪狀」嘅農作物，等大家荷包慳返d嘅同時又可以減少食物浪費，未嘗唔係一舉兩得！
#浪費 #減廢 #綠色生活 #英國日常 #英國生活 #環保 #浪費食物 #減少浪費

21/01/2023

早排聽到個電台節目，幾位主持講開移英嘅朋友去到英國，遇到嘅不適應，尤其是喺香港用開嘅小物品，英國係非常之難搵，其中一樣就係塗改液啦！聽完之後薯生諗返，公司的確係無塗改液，大家寫錯咗都係用筆刪咗佢再寫（所以真係有d睇死人），一開始仲以為係因為official record唔可以塗。咁啱過幾日之後薯太就遇到一個問題，就係佢喺香港帶嚟嘅塗改液用晒啦。心諗唔係咁邪啩，唔通要叫人喺香港寄過嚟。以唔信邪嘅心態上網搵，唔係喎，英國係有塗改液賣喎，不過主流竟然係大大樽用掃嘅款式，唔係吧，咁老土！
結果有一日經過Tesco，見到原來tipp-ex(即係大樽掃嗰隻塗改液嘅牌子）有出細細枝嘅塗改液喎！不過都幾貴吓，要4鎊！不過既然Tesco有，即係應該有其他地方有啦，好在住嘅地方附近都多嘢行，Wilko有大枝裝，兩鎊有找，價錢就同香港差唔多。最後薯太買咗枝返屋企用，結論係，都係pental好用，呢隻如果大力寫會一塊塊甩出嚟。如果有朋友喺英國搵到更好嘅塗改液，歡迎分享交流一下！ #塗改液 #文房具 #文具 #英國 #英國日常 #英國生活 🇬🇧 #香港人 #香港人在英國 #移英 #移英港人 #移英生活

10/01/2023

今日同一位來自土耳其嘅同學一齊搭巴士返學，傾傾吓講開佢嘅背景。

佢獨自嚟咗英國3年，當年除咗佢自己個名，就唔識講其他英文。

佢因為某啲原因唔可以返去佢個國家，1年前佢嘅老婆同大女嚟咗同佢一齊生活，但仲有個細女仲喺土耳其。

佢話土耳其有齊4季，天氣比英國好，消費亦比英國平，叫我一定要去土耳其旅行，仲開埋google map 同我講要去邊度玩。

睇得出佢真係好愛佢嘅國家，要選擇離開，或許只是迫於無奈。

01/07/2022

【 #韓式人蔘雞湯 ＋ #雞湯飯 】一湯兩食✌🏻

今次整嘅係韓式人蔘雞湯，做法十分簡單。 煲完湯之後，仲可以用埋啲湯嚟煮飯，YEAH！！🥳 (如果怕啲湯用埋嚟煮飯會唔夠湯飲，可以湯加水一齊溝埋嚟煮飯）

〔食材〕
雞殼 x 1
豬扒 x 1
韓式人蔘湯包 x 1

⭐ 點解唔用雞全隻？因為之前試過加雞殼同雞柳，都已經唔係好夠味，所以今日淨係落雞殼，其他肉留返嚟整其他嘢；
⭐ 而放豬扒就喺因為我媽媽話人蔘雞湯會燥，要加返豬肉去中和下；
⭐ 湯包裡面有紅棗，我建議將佢去埋核，咁就唔怕燥啦！

〔做法〕
1. 首先將所有食材沖洗乾淨，人蔘湯包裡面嘅材料都要簡單沖洗一下，因為慎防佢哋喺曬乾嘅過程中會有灰塵。但千其唔好浸洗同沖洗得太耐，因為會洗走晒啲味。

2. 將雞殼放入鍋裡面，放入冷水蓋過雞殼表面，然後以細小火加熱。喺呢個過程中，雞殼內部的雜質與血水就會慢慢擴散到水面。
滾至雞殼的表面變熟時，水面會有一層雜質浮面，把浮沫撇去，再把雞殼撈出洗乾淨。

3. 跟住將所有材料放入鍋中，煲2個鐘就攪掂啦！👍🏻
⭐喺煲緊嘅過程中，有時仲會有啲殘留嘅雜質浮面，都記住要撇走佢呀！

#港人移英 #人蔘雞湯 #簡易 #食譜

04/06/2022

【 #焗爐蒸虹鱒 】

有次行Morrisons又俾我買到平嘢啦！🤩 今次喺虹鱒(原價：£2.29；特價：£0.58）

好耐冇買過原條新鮮魚，第一時間即刻諗到就係蒸咗佢啦! 😋🥢

因為喺英國好難買到大蒸爐，同埋西式鑊個蓋仲要喺平蓋，蓋上去會壓住條魚，加上廚房空間有限，又唔想買多過中式鑊，仲要只喺為咗佢個拱形蓋，所以嚟到呢度好少蒸原條魚嚟食。

如果大家同我一樣有以上問題嘅話，可以試下用我以下方法：👇🏻

〔食材〕
虹鱒 1條

醃料：
薑2片
紹興酒 - 2茶匙

調味料：
Aldi 豉油 - 5 茶匙
Sainsbury's 照燒汁 - 3茶匙
欖欖油 - 1.5湯匙
麻油 - 1茶匙
大蔥 - 隨意

〔做法〕
1. 首先要準備兩個大小一樣嘅錫紙盤，將魚洗乾淨，去除內臟，用薑絲放喺魚裡面，再加1茶匙嘅紹興酒，醃1個鐘。（醃係因為我怕淡水魚嘅泥味同腥味，係Optional)

2. 1個鐘後，將焗爐預熱180度；錫紙盤加熱水(水位大概嘅高位 1-2mm，用熱水係為咗唔使浪費焗爐嘅熱力去煲滾d水），喺魚身輕輕界刀，並放在碟上。

3. 將盛載魚嘅碟放在裝咗水的錫紙盤內，並蓋上另一個大小一樣嘅錫紙盤。(防止焗爐將水份蒸乾）

4. 焗爐預熱後，放入焗爐焗10分鐘。（因應魚嘅大小而定，如果魚較大就要焗耐d)

5. 開爐準備滾油（即係麻油加橄欖油）。

6. 10分鐘後，將魚取出，先放大蔥在魚身上，再淋上蒸魚豉油（簡單做法係豉油＋照燒汁，比例大約2：1），然後將將滾油淋上魚面，咁就大功告成啦！

虹鱒用清蒸嘅方法，又滑又唔會有泥味腥味，真係唔錯。😋👍🏻

#港人移英 #虹鱒 #焗爐 #食譜

27/05/2022

【 #港式蜜汁叉燒】

之前去Sainsbury's 見到 Gammon Joint 特價 🤩，由£4減到£0.99，所以就諗都唔諗就即刻放入購物車度啦！🛒💨

因為佢裡面附有Honey Glaze，原本就係用嚟搽上肉度放入焗爐就得，因為我實在太掛住蜜汁叉燒啦，所以就即刻動手試整啦！😆

〔食材〕
金門火腿 Gammon Joint 470g
Aldi 豉油 - 5茶匙

蠔油 - 2茶匙
糖 - 2茶匙

紹興酒 - 2茶匙
Honey Glaze - 1包(大約有10茶匙）

薑2片

蒜頭2瓣

〔做法〕
1. 將豬肉洗淨，印乾水，切片(或可不切），放入保鮮盒；薑同蒜頭磨蓉。
2. 加入所有醃料，拌勻。(而我就鐘意將醃料放晒入去保鮮盒內，合上蓋，然後搖均）
3. 放入雪櫃雪過夜，會更加入味 (如果時間不夠，至少醃2個鐘）
4. 預熱焗爐200度，準備網架，將叉燒放在網架上。醃肉後留有嘅汁加蜜糖拌勻，掃在叉燒上面，連同焗盤入爐 200度焗10分鐘，10分鐘後取出焗盤，翻轉再掃上醃肉汁加蜜糖汁，再焗多10分鐘。(焗嘅時間視乎肉嘅厚度同大小而定，而我預先將肉切咗片，所以時間可以縮短。)
5. 如果Step 1無切片的話，出爐後，放置10分鐘後才切開，讓叉燒吸收醬汁；如果切咗片，因為每片叉燒已掃滿醬汁，所以放涼少少就可以食啦！🥢😋

食叉燒又點可以冇白飯 🍚 呢？ 配埋生菜，有肉有菜有飯又一餐啦！😙

#港人移英 #叉燒 #回憶 #食譜

13/05/2022

13/05/2022

11/05/2022

喺英國做咗眼鏡都過咗半年有多，發現網上有好多資訊都係講點樣搵GP，但關於NHS眼睛或驗眼嘅資訊就唔算太多，所以今日就用自身嘅經驗，分享吓香港人可以用到嘅服務。

喺呢度嘅Opticians（即係眼鏡店）大致可分成兩種，一種係完全私人嘅（Private)，即係類似私家醫生咁；另一類就係有同NHS簽合約，可以行使NHS Voucher嘅同時亦有提供Private Opticians提供到嘅服務（以下簡稱NHS Opticians)。聽落好似好複雜咁，以下就先講吓呢度嘅Opicians可以提供咩服務先啦：

眼睛度數檢驗（Ocular Refration) -
即係一般講嘅驗眼，呢度法例要求係驗咗眼之後一定要比張度數紙（驗眼處方）個客，可以係NHS標準嘅GOS2，亦都可以係店家自己格式嘅一張Form，總之就一定要比返個客。但要留意返度數紙係唔會有焦點嘅，如果拎張度數紙上網買眼鏡就要留意（喺呢度學咗一個自己幫自己度PD嘅方法，都有8-9成準咖）。如果係比較深嘅度數，會有埋驗眼時嘅BVD（後頂距參數），比配鏡嘅人參考。

眼鏡及隱形眼鏡驗配 （Spectacles and Contact Lenses) -
英國傳統上分Opthalmic Opticians（即係Optometrist視光師），同Dispensing Opticians（配鏡師，不過喺英國，由於配鏡師越來越少人讀，大部分嘅眼鏡驗配都改咗例，可以喺視光師監管之下由無配鏡師牌嘅人員完成。雖然係咁，配鏡師同視光師喺英國都係有好大需求嘅專業。）。所以驗眼處方交咗比Patient之後，佢係可以自由地去其他地方配眼鏡（甚至上網配，不過英國法例亦訂明，某D Patient例如16歲以下嘅小朋友係一定要搵有牌嘅人士做驗配）。咁當然眼鏡店當然會想你喺佢度配埋眼鏡或者con啦。

眼睛健康檢查（Ocular Health）-
驗眼時當然會做埋眼睛健康啦，除咗用Slit Lamp之外，有需要嘅話，亦會影眼底相，甚至OCT （Optical Coherence Tomography眼底掃描）同Visual Field Test（視野圖測試）。OCT同Field Test通常係要額外收費。

急診及轉介（Emergencies and Referral) -
英國嘅視光師可以處理例如眼睛發炎或異物入眼之類嘅急症，亦可以處方眼藥水例如抗生素(Chloramphenicol)或抗敏感藥（Opatanol)。對於白內障或其他眼睛病變亦可以轉介去專科醫院作跟進。

講完去Optician可以得到咩服務之後，就簡單講吓香港人可以用到嘅NHS福利。對英國本地人嚟講，好多Benefits都可以獲得NHS嘅Optical Voucher，例如透過Job Centre Plus搵工，可以申請Job Seeker Allowance同Universal Credit，長者如果退休金唔達某一數值，可以申請Pension Credit，拎呢D福利嘅客去有同NHS Opticians都可以有免費驗眼同NHS Optical Voucher眼鏡津貼（大部分嘅店家都會將最平嘅眼鏡標做NHS Free Glasses，只要係有NHS Voucher就可以唔使錢拎一副或兩副眼鏡）。由於BNO Visa係申請唔到福利嘅（No Access to Public Funds)，所以大部分嘅情況都唔會拎到NHS眼鏡津貼。不過有一個例外嘅情況，就係16歲以下嘅小朋友同埋16，17，18歲嘅全日制學生啦！NHS訂明16歲以下嘅小朋友，唔單止有免費驗眼，有眼鏡津貼，更重要嘅係，如果小友爛咗或唔見咗眼鏡，只需要拎住度數去任何一間NHS Opticians，就可以維修或更換一副新眼鏡，大部分嘅情況之下都係免費（揀副名牌眼鏡再配對變色鏡就梗係要加錢啦！）。而NHS官網其寫明咗以下嘅人士都可以獲得GOS1驗眼津貼，而部份更有配眼鏡嘅津貼：

16歲以下人士 （可以獲得GOS3配鏡津貼及GOS4眼鏡維修更換津貼）
16，17，18歲嘅全日制學生（可以獲得GOS3配鏡津貼，需提供就讀院校資料）
60歲以上人士（不論有無拎Pension Credit都有免費驗眼）
已登記為視障人士或盲人
本人有糖尿病或青光眼
已滿40歲而直系親屬有青光眼
眼科醫生證明有青光眼風險 （需提供眼科醫生資料）

至於其他嘅種類（釋囚，有HC2）就在此不贅了，大家可以喺呢個網頁睇到
（https://www.nhs.uk/nhs-services/opticians/free-nhs-eye-tests-and-optical-vouchers/ ）

而optician同GP一樣係要登記同預約（有機會可以Walk In，尤其係急症嘅情況，呢個之後再講。），不過同GP唔同，你係唔需要跟死一間Optician嘅，不過好多人都會揀就近同埋評價好嘅（呢樣Google Review幫到手）。希望可以比到有需要嘅朋友參考。

#港人移英 #眼鏡小知識
#工作經驗分享

16/04/2022

用英國超市容易買到嘅食材，整咗一個三文魚味噌湯，方法簡單

材料：
#三文魚 #味噌 #豆腐 #西蘭花 #牛奶 #蔥

步驟：
1. 煎香三文魚及豆腐
2. 放西蘭花及水
3. 水滾後放味噌及牛奶
4. 待稍滾後加入蔥花，以鹽調味即成

落牛奶會比單用味噌令湯底更濃厚，而煎魚後再煮湯亦可以令香氣更強

#乳和食キャンペーン #乳和食

03/03/2022

【好物推介 - , Moisture Cream 🥥 】

來到英國🇬🇧已經7個月了，我除了調配肌肉酸痛的按摩油及具治療性質的油外，我就沒有再溝面霜及身體乳液了，但都會尋找市面上成份天然的護膚產品。

英國的天然產品價錢比參差。今次介紹的產品性價比極高，只售99p,即是港幣9.9！！

這罐椰子🥥味嘅Cream，陪伴了我們在英國的寒冬，我們回購了已有10罐了，覺得好用先介紹！

這罐面霜有95%都是來自天然成份，再睇下它的成份，頭幾項有Aqua、Helianthus Annuus (Sunflower)Seed oil, Glyceryl Stearate se, Cetearyl Alcohol… 竟然沒有護膚產品最常會用的礦物油成分，而且在網上進行成份分析，顯示成份尚算天然無害。

可以參考下P. , 或如果有興趣，可在這個網站搜尋一下成份。https://cosmily.com/ingredient-checker

JamDy 用後報告📝

保濕力： ♥♥♥♥
CP值：♥♥♥♥♥
回購度：♥♥♥♥

#在英生活 #移英港人 #好物推介 #天然 #保濕

02/11/2021

之前講過嚟英國之前租定AirBnb同檢測，今日就講吓到咗埗之後好多人都會擔心嘅嘢。香港人相信或多或少都有d黎生嘅基因，無工做無糧出就會身痕唔自在。所以今次就講吓搵工同見工嘅經歷。

個人唔知算好彩定唔好彩，本身喺香港份工雖然唔係咩高職位，但工作經驗喺呢邊都叫做有用，所以搵工尚算順利。個人覺得喺英國，份CV同Cover letter都幾緊要，好在 .uk 整CV嘅功能都幾完善。當然除咗indeed之外，我仲有用到online CV builder，因為好多工嘅職責，要言簡意賅咁用英文寫出嚟都唔易，呢d CV builder嘅罐頭文字就非常好用，鍾意佢地排版嘅仲可以比錢買佢地整好嘅CV template。不過我就比較縮骨，copy and paste晒落indeed 算數。最後如果有BNO visa嘅各位，記得寫低No working visa needed。如果想進取d，可以將整好嘅CV同cover letter放上各大CV database平台，咁就更多僱主會睇到。

以我行業（零售）為例，好多時都係會先同你用電話傾吓偈先。最緊要係唔好怕，亦唔好覺得要人慢慢講即係英文唔叻，現實係佢地口音好多時都係雞同鴨講，電話又矇，pardon幾次，或者would you please speak a little slower都唔係問題。總之，有嗰句講嗰句就得，唔使太拘謹。之後嘅事，就祝大家好運啦！
#香港人 #移英 🇬🇧 #返工 #搵工 #英國生活 #英國

17/10/2021

香港呢幾日都開始天氣凍，其實英國都凍咗一段時間。英國呢邊食材比想像中易搵，即使係最多人擔心難買嘅泰國米，去華人超市甚至西人超市都買得到。加上海鮮例如蝦都好抵食，趁呢排天氣涼整返個金銀蒜蝦蒸飯（炒飯底）。做法簡單亦唔需要太多準備，可以簡單介紹吓：

1. 蝦我自己用紹興酒浸一陣，貪佢香d，呢度Tesco都買到台灣出品嘅紹興酒，值得推介，之後將蝦開邊
2. 開鑊爆薑蔥同蒜蓉，爆完就撈起備用
3. 用爆完薑蔥蒜嘅油，加埋麻油同蛋炒飯，麻油一樣係超市買得到。你鍾意黃金炒飯嘅話就炒到飯乾身先落蛋漿快炒，落鹽調吓味，但唔需要太鹹
4. 將炒飯倒返落飯煲，落少少水（好少就得），鋪蝦喺飯面，落d蒜蓉落蝦上面。再鋪芫茜同剛才爆好嘅薑蔥蒜喺面，用電飯煲焗（因為無蒸籠又無荷葉）
5. 我自己嘅電飯煲焗15分鐘就食得

If you need this recipe in English version, please feel free to DM us

#食譜 #中餐 #英國生活 🇬🇧 #港式 #蝦食譜 #蝦

10/10/2021

The sun is setting in the sky, teletubbies say goodbye

#草原 #童年回憶

29/09/2021

Jump Jump Jump🐿️

25/09/2021

趁秋未去、冬未來，出去享受多一點英國的陽光

#休息 #日落 #曼城

16/09/2021

The last bit of ....

05/09/2021

Busy bee in Manchester
🇬🇧

02/09/2021

我們的英國🇬🇧之路(2) - 到埗前後👣

因為疫情🦠關係，去英國除咗要填passenger locator form之外, 仲要準備英國嘅檢測包。

英國同香港最唔同嘅地方，係可以自己選擇檢測公司(香港要背靠「祖國」嘛，明嘅。😎)

我地好彩🤞🏻，去嘅時候香港由amber🔴轉green🟢，所以可以避咗唔使隔離十日，亦唔需要做兩次檢測。🥳🥳 不過因為之前做功課唔夠，臨急之下喺google搵咗間價錢尚算合理嘅self test at home，即係喺屋企做完再寄返去。後來諗返，如果時間就到嘅話，去機場附近做埋檢測先繼續行程，咁就可以煩少樣，亦可以避咗我地遇到嘅蝦碌嘢😬，就係寄失啦！ 😭

我地一行4人，但檢測包淨係寄咗3個嚟！😳 好在如果係寄漏嘅話，政府唔會當你漏做（因為每人都有政府派嘅一個編號）。

最終同檢測公司傾咗一大輪之後，佢都肯寄多一份嚟，叫做有驚無險咁啦！🙃

🌟所以一有唔妥，一定要盡早講呀！

講開落地檢測，依家多數去英國嘅航班🛫都係飛倫敦(後來發現可以轉機去曼城🥴）點樣駁腳去你要去嘅地方最好就預先計劃好📝，咁多種方案裡面，最平係坐coach，即係長途巴士🚌，而火車🚄由於打算買飛嘅時候已經貴到飛起💸，所以無考慮過。

最後，因為我地人👨‍👩‍👧‍👦同行李🧳都唔少，通宵機又累，就揀咗直接由倫敦坐Uber🚘去曼城嘅AirBnB
🌟雖然呢個方案比較貴，但就叫做舒服😌同唔使搵路同轉車😵💫，始終往後日子可能要係咁捱，叫做享受咗先囉。🤪

👩🏻：下次講下搵工同我哋喺airBnB嘅生活，有人🧑🏻好叻仔咁喺到埗兩星期內就極速搵到工😎，究竟佢喺邊度搵工㗎呢？有咩搵工tips? 記住繼續留意吓啦！

#移英港人 #移英搵工 #移英生活 #日常 #疫情 #檢疫 #英國

17/08/2021

我們的英國 🇬🇧 之路（1）- 出境準備 📑

由決定去英國，到真正踏足英國，前後只有共半年時間。點解要咁短時間離開?🤔 原因不贅，只係想講準備嘅時間永遠都唔會夠，唯有喺有限時間內盡做。😎🤟🏻
執行李🧳或者申請BNO visa嗰d有好多人講過，我地之後再分享。
今次想特別提嘅，係出境前一定要做妥先上到機嘅幾樣嘢：

1. 出境前72小時內嘅陰性證明。呢樣如果你唔介意嘅話，可以喺社區檢測中心做，當然私家都有好多選擇，📌記得個報告要英文版。

2. 出境前48小時內填妥Passenger Locator Form。
呢份嘢聽落唔係填好多嘢，但真係填喺上嚟，有好多嘢要留意，就要好似我地咁，因為航空公司喺前一日仲未俾seat number我哋，攪到我哋要喺機場開電腦做deadline fighter了🤯🤯

3. 準備Day 2 核酸檢測🧪
呢樣最好喺填Locator Form前訂好，因為填表時係需要填呢一個編號嘅 （SCREE開頭）。我地揀咗self swab at home(即係檢測包寄上門，做完再寄返去）。聽過有人揀provider supervised on site，然後一落地就即刻去做，咁就唔使煩寄失呢個問題。

4. 出發前做咗online check in先。
呢樣都要喺填locator form前做妥，因為locator form要填座位號碼，如果你去機場check in，咁就要拎咗座位號碼後填返。(睇返上面第二個)

唔好低估locator form，地勤check得仲緊過passport。當然好好彩，我地遇到好嘅地勤，最終順利到達英國。🎊🥳

#移民 #移民英國

13/02/2021

Happy lunar new year of ox!
#牛年