30/12/2024
دیسان هێلکە
شاسوار بێدەنگی و بێ هەڵویستیت بەرامبەر ڕۆژئاوا باجی لەسەرە، فێڵ و تەڵەکەت بەرامبەر خاوەن پشکەکان باجی لەسەرە، لە ڕۆژئاوا ئاگربارانە کەچی جەنابت لە کەناڵەکانت بێدەنگ و بێ هەڵوێستیت هەڵبژاردووە لەپێناو پاراستنی کورسیە تەزویرەکانت.
بێ غەل و غەش، بێ ئاین و ئۆین، بەبێ هیچ بەرژەوەندییەک، بەبێ بیرکردنەوە لە ژیانی خۆمان و کەسوکارمان، بەڵێ ئێمە:
ئیسماعیل سیان و شڤان ئازاد
بەڵێنمان بە خوا و خەڵک و خاکی خۆمانداوە
تا دوا هەناسە بوەستینەوە لەبەرامبەر زۆردار و ساختەچی، نەک هەر لە دژیان دەوەستینەوە بەهەموو توانامان هێرشیان دەکەینە سەر، نمونەکانیش زۆرن ئێوە شاهیدی چالاکییەکانمان بدەن، کەسانێکیش لە ژێر هەر پەردەیەکەوە قسەمان لەسەر دەکەن، هەر ناوێکمان لێ دەنێن گەردەنیان ئازاد دەکەین.
خەباتی ئێمە بۆ هەمووانە
خەباتی ئێمە درێژەی هەیە تا ئەو ڕۆژەی حزبی دەسەڵات بە زۆرداری سیاسەت دەکات، بەناو حزبی ئۆپۆزسیۆن بە ساختەچێتی سیاسەت دەکات.
لێناگەڕێین بە ئاسودەیی بێنە دەرەوەی وڵات و سامانی وڵات لە پایتەختی وڵاتە خۆشەکانی دوونیا هەڵڕێژن، بەڵێ ئەو وڵاتە خۆشانەی ئێمە لەبەر هەژاری و زۆرداری و نەبوونی ئەمن و ئاسایش ڕوومان تێکرد.
ئێمە خۆمان دەناسین و ویژدانمان ئاسودەیە بەرامبەر خوا و خەڵک و خاکی خۆمان.
ئیسماعیل سیان - شڤان ئازاد
چالاکوان دژی زاڵم و ساختەچی
