Oodweynenews and Media

25/12/2024

Dowladda Ethiopia Oo Loo Bandhigay Xaqiiqada Xasuuqa Dacawalay, Shirqoolada La Maleegay iyo Qorshaha Jigjiga Ilaa Laascaanood

18/12/2024

Haldoorkii La ilaaway ee Somaliland Oo Hiil Lama Filaan ah helay

02/12/2024

Shirweynaha Tacliinta Sare ee Somaliland Oo Hargeysa Ka Furmay

Komishanka Tacliinta Sare ee Jamhuuriyadda Somaliland oo kaashanaya Midowga Yurub, ayaa maanta magaalada Hargeysa ka furay shir-sannadeed lagu qiimeynayo tayada Waxbarashada Jaamacadaha dalka.

Kulankan oo ibo-fur u noqonaya Shir-sannadeed lagu qiimeyn doono tayada Tacliinta Sare ee dalka Sannadka kasta la qaban doono, ayaa socon doona muddo laba maalmood ah, waxaana furitaankiisa ka soo qayb-galay Wasiir ku-xigeenka Wasaasarada Warfaafinta, Guddoomiyaha iyo Agaasimaha guud ee Komishanka Tacliinta Sare, Guddoomiyeyaasha Jaamacadaha ka hawl-gala Jamhuuriyadda Somaliland iyo saraakiil ka socotay midowga Yurub.

Ugu Horeyn, waxa kulanka furay Gudoomiyaha Guddiga Tacliinta sare Prof. Saleebaan Dirir Cabdi iyo Charles Wafula oo ah khubarada Midowga Yurub ee daadihinaysa Mashuurca iyo Wasiir ku-xigeenka Wasaaradda Warfaafinta iyo Wacyi-gelinta Siciid Xasan habane.

Waxa kale oo kulanka ka hadlay Guddoomiyaha Jaamacadda Hargeysa Dr. Maxamed Axmed Sulub, Guddoomiyaha Jaamaacdda Camuud Maxamed Muuse Jibriil, waxaanay bogaadiyeen dedaallada Komishanka Tacliinta Sare ku xoojinayo Xidhiidhka wada-shaqayneed ee ka dhexeeya.

Ujeeddada ka dambaysa qabsoomidda shirkan ayaa ka dhashay dedaallo kor loogu qaadayo tayada Tacliinta Sare ee dalka oo uu ku tallaabsaday Agaasimaha Guud ee Komishanka Tacliinta Sare Ilyaas Faarax Xasan oo bishii June ee Sannadkan Kormeer dar-dargelin iyo Qiimeyn isugu jira ku maray gobollada dalka halkaas oo uu kulamo kula yeeshay Guddoomiyeyaasha iyo masuuliyiinta Jaamacadaha dalka.

05/11/2024

Qayla-dhaan Ka Soo Yeedhay Haweenka Qorilugud

04/10/2024

23/09/2024

XIDDIGAHA GEESKA OO HEES KU KARBAASHAY MADAXWEYNE MUUSE BIIXI
https://www.youtube.com/watch?v=8_5KwKNOsmU

"MARKII HORAAN SIGANAY OO SAHAN LA'AAN GUURNAY"

Xiddigaha Geeska Oo Hees Cusub U Qaaday madaxweyne Muuse BiixiHargeysa Music Production waa Hoyga Fanka iyo Suugaanta Soomaalida

17/09/2024

Boqor Buurmadow Oo Boqray Beddelka Suldaankii Xaalka siiyey Gala-Dagaalka

31/08/2024

War Ka Farxiyey Reer Hargeysa Oo Ka soo Dhacay Xaafadda Jigjiga Yar

29/08/2024

, , , , ,

29/08/2024

25/08/2024

Ku Xidhnow Sarriflaha SHAAM Money Exchange

30/07/2024

Agaasimaha guud ee Guddida Tacliinta Sare Ilyaas Faarax Xasan oo ay weheliyaan qaar ka mida Agaasime waaxeedyada Tacliinta Sare ayaa xafiiska ku qaabilay Guddoomiyaha ururka SAHA (Somaliland-American Health Association) Dr Candiraxmaan Madar iyo Jaamacadaha bixiya kulliyadda dawooyinka iyo Qalliinka (Medicine and Surgery).
Kulankan oo ujeedadiisu ahayd sidii Jaamacadaha bixiya Kulliyadda Dawooyinka iyo Qalliinku ay qayb uga noqon lahaayeen imtixaanadka caafimaadka ee Maraykanka ee loo yaqaan USA-ML.
Jaamacadihii kulankan kasoo qayb galay ayaa si weyn usoo dhoweeyey barnaaminkan isla markaana ballan qaaday in ay ka hawl gelayaan sidii barnaaminkaasi u qabsoomi lahaa isla markaana Jaamacaduhu qayb uga noqon lahaayeen.
Guddoomiyaha ururka SAHA Dr Cabdiraxmaan Madar ayaa warbixin faahfaahsan Jaamacadaha ka siiyey barnaamijkan USA-ML sida uu u shaqeeyo iyo sida ay u rabaan in Jaamacadaha Somaliland ay qaybta uga noqon lahaayeen.

19/07/2024

Maalinta Sabtida, sidii aan h**e u iclaamiyay waxaan socdaal la tashi ah ugu tagayaa bulshadii i soo dooratay ee reer Awdal.
Waxaan soo dhaweynayaa baaqyada isa soo taraya ee lagaga soo hor jeedo gefkii la igula kacay iyo dacwaddii sharci-darrada ahayd ee loo gudbiyay shir guddoonka Wakiillada.
Ciidanka booliska waxaan ugu baaqayaa, in ay sida ugu habboon u sugaan amniga dadweynaha go'aansaday in ay i soo dhaweeyaan, aniguna aan ka aqbalay iyo amnigayga labadaba.
Xukuumaddana waxaan ugu baaqayaa in caqligu shaqeeyo, oo aanay samaym kicin dadweyne.
Waxaan mar labaad ku celinayaa in aanay i metelin qof ama koox walba oo sidata calan aan ahayn ka Somaliland, maadaama aynu nahay dal madax bannaan.
In kasta oo la iga doortay gobolka Awdal, waxaan xildhibaan u ahay guud ahaan shacbi-weynaha Jamhuuriyadda Somaliland. Waxaan u dhaartay ilaalinta sharciga iyo dastuurka dalka, mana ogoli in lagu xad-gudbo, la baal maro ama la jebiyo sharciga.
Sidaa si la mid ah, ma ogoli in waxyeello loo geysto ama la mashquuliyo ganacsiyada iyo in shaqooyinkooda laga hor joogsado dadweynaha reer Boorama.
Waxaan guud ahaan shacbi-weynaha Jamhuuriyadda Somaliland u rajeymayaa barwaaqo iyo amni buuxa.

WAXA QORAY XILDHIBAAN MAXAMED ABIIB

13/07/2024

Young Man Adnaan AdnaanShow Ku Soo dhawada Page kiisa

04/07/2024

Agaasimaha Guud ee Guddida Tacliinta Sare Ilyaas Faarax Xasan ayaa kulamo gaargaar ah la qaatay dhamaan Agaasime Waaxeedyada Guddida Tacliinta Sare isaga oo halkaasi Warbixino kala duwan kaga dhagaystay.
Agaasimaha Guud oo dhowaan Madaxweynaha Jamhuuriyadda Somaliland usoo magacaabay Guddida Tacliinta Sare ayaa wali ku jira xog ururin iyo diyaarinta qorshayaasha cusub ee xafiiska Tacliinta Sare.

27/06/2024

Qayla-dhaan Fashilisay Shir-qoollo ka Dhan ah Somaliland iyo Cidda Ku Hawlan

21/06/2024

Hargeysa (OWN)- Md. Ilyaas Faarax Xasan Agaasimaha Guud ee Guddiga Tacliinta Sare oo hoggaaminaya wefti ka kooban madax-waaxeedyada komishanka, ayaa Socdaal shaqo ugu baxay gobollada Galbeedka dalka, waxaanay kormeer ku mareen Jaamacadaha ku yaalla magaalooyinka Boorama iyo Gabiley.

Socdaalka Agaasimaha oo qayb ka ah dar-dargelin lagu xoojinayo hawlaha uu Komishanka Tacliinta sare ugu xil-saaran yahay Qaranka, waxa ay hawlahooda shaqo ka bilaabeen magaalada Boorama oo ay kulan isbarasho iyo dhiirrigelin ah kula yeesheen madaxda iyo hawl-wadeennada Xafiiska Komishanka Tacliinta Sare ee Gobollada Galbeedka Dalka.

Agaasimaha Guud waxa uu ugu h**eyn warbixinno ka dhegaystay masuuliyiinta Xafiiska Guddiga Tacliinta Sare ee Gobollada galbeedka oo uga warramay xaaladda Xafiiska iyo qaabka ay u gutaan waajibaadka shaqo ee ay qaranka u hayaan.

Warbixinta kaddib, agaasimaha Guud waxa uu masuuliyiinta ku boorriyey culayska ay leedahay masuuliyadda ay Qaranka u hayaan ee ah inay jaamacadaha dalka ku kormeeraan kuna ilaaliyaan heerka tayada waxbarashada iyo siyaasadda xukuumadda madaxweyne Muuse Biixi ee ku wejahan tayeynta Tacliinta Sare ee dalka.

Dhinaca kale, weftiga Agaasimaha Guud ee Tacliinta Sare, waxa ay mid-mid kormeer ugu mareen xarumaha Jaamacadaha ku yaalla magaalada Boorama, halkaas oo ay kulamo gooni-gooni ah kula qaateen madaxda Jaamacadaha Camuud University, Eelo University, Horn University, Alpha iyo Adal University oo ah jaamacad bixisa Culuumta caafimaadka.
Kulamada oo ku qabsoomay xarumaha Jaamacadahan oo uu ugu tagay, waxa uu Agaasimaha Guud ku boorriyey madaxda jaamacadaha inay sii xoojiyaan tayada waxbarashada ay bixiyaan kuna ilaaliyaan heerka looga baahan yahay Tayada waxbarashada heerka jaamacadeed isla markaana ka foogaadaan inay hawl-galiyaan ama qaataan dad aanay aqoontoodu gaadhsiisnayn heer Jaamacadeed.

Sidoo kale, waxa uu Agaasimaha kormeer ku maray Cusbitaallo ay Jaamacadaha Camuud iyo Adal University kuwaas oo ay ka hawl-galaan dhakhaatiir ka aflaxay jaamacadahaas iyo dhakhaatiir kale oo Ajaaniib ah.

Intaas kaddib, weftiga Agaasimaha Guud oo ku gudo-jira Kormeerkooda gobollada Galbeedka, waxa ay u soo kicitimeen dhinaca magaalada Gabiley, waxaanay kormeer Indho-indhayn ah iyo kulamo isbarasho la yeesheen qaar ka mid ah madaxda Jaamacadaha ka hawl-gala Gobolka Gabiley sida Timo-cadde University iyo Gollis University.

Is-barasho kaddib, waxa uu agaasimaha Guud madaxda Jaamacadaha ee kulanka goob-joogga ka ahaa kula dardaarmay inay xoojiyaan tayada waxbarashada ay bixiyaan, waxaanu u ballan-qaaday inay Guddi ahaan xoojin doonaan Xidhiidhka wada-shaqayneed ee ka dhexeeya Jaamacadaha kuna ilaalin doonaan tayada waxbarashada iyagoo fulinaya siyaasadda xukuumadda ee ku wejahan tayada Tacliinta sare ee dalka.

Agaasimaha guud ayaa kulammada uu la qaatay madaxda Jaamacada ku xusay inay jiraan Jaamacado bixiya culuumta kulliyado aanay shuruudahooda buuxinin ama ka hooseeya heerkii looga baahna tayada Tacliinta Sare ee dalka, sidaas awgeed ay Komishan ahaan ka qaadi doonaan tallaabooyin ku habboon.

Kormeerka oo qaatay muddo laba maalmood ah, ayaa daba-socday kormeer uu toddobaadkii h**e ku soo maray Jaamacadaha ku yaalla Gobollada Bari ee dalka, gaar ahaan Saaxil iyo Togdheer.