Raaso24

Raaso24.com waa warbaahinta Maanta iyo Mar waliba Waana Run sheega rasmiga ah Raaso Media cidna Ma

16/01/2024

Dowladda Itoobiya oo ku dhawaaqday ineysan ka qeyb gali karin shirka deg dega ah ee madaxda IGAD.

Iyadoo hal maalin oo kaliya ay ka harsan tahay waqtiga loo iclaamiyay shir ay isugu imaanayaan madaxda dalalka IGAD oo ka dhacaya dalka Uganda ayaa dowladda Itoobiya ay ka cudur daaratay ka qeybgalka shirkaas.

Shirkaan oo uu dhawaan Iclaamiyay madaxweynaha dalka Jabuuti Ismaaciil Cumar Geelle ayaa ah mid looga hadlayo heshiiskii muranka badan dhaliyay ee bilowgii bishaan Adis Ababa ku dhexmaray raysal wasaaraha Itoobiya Abiy Axmed iyo madaxweynaha Somaliland Muuse Biixi Cabdi.

Wasaaradda arrimaha dibadda dalka Itoobiya ayaa warqad ay u dirtay IGAD kaga gaabsatay ka qeyb galka shirkaas, iyadoo sheegatay iney howlo kale ku mashquulsan yihiin, islamarkaana dib loogu dhigo shirka.

Warkaan kasoo baxay dowladda Itoobiya ayaa kusoo beegmaya, iyadoo Itoobiya ay wajaheyso weji gabax diblumaasiyadeed oo ku qasbaya iney ka dhuumato fagaarayaasha gobolka iyo kuwa caalamiga ah, wixii ka dambeehay heshiiskii dhawaan ay la gashay Somaliland ee ahaa iney hesho 20KM oo ka mid ah biyaha Soomaaliya.

16/01/2024

Saddex qof oo ku geeriyooday qarax ismiidaamin ah oo ka dhacay degmada Xamarweyne.

Ugu yaraan 3 qof ayaa ku geeriyooday, labo qofna way ku dhaawacmeen qarax ismiidaamin ah oo maanta ka dhacay maqaayadda Alhindi oo kutaala degmada Xamarweyne.

War kasoo baxay ciidanka booliiska ayaa lagu sheegay in qof naftii halliga ah oo ay eryanayeen ciidamada amniga ee dowladda uu isku qarxiyay bannaanka h**e ee maqaayada AlHindi.

Booliiska ayaa sheegay in goobta ay wax ka dhacayn uu ka socdo baaritaan dhawaana la bixin doono faah faahin dhammeystiran.

Alshabaab ayaa sheegatay masuuliyadda weerarkan, iyagoo sheegay in ay la beegsadeen goob ay ku sugnaayeen saraakiil ciidan oo katirsan nabad sugidda iyo xubno kamid ah shaqaalaha wasaaradaha ee dowladda.

Qarax sidaan oo kale ka dhacay maqaayadan sanadkii 2016 ayaa waxaa ku geeriyooday 5 qof, kadib markii gaari lagasoo buuxiyay waxyaabaha qarxa lagu beegsaday.

Alhindi, waa maqaaxi caan ah oo kutaala degmada Xamar Wayne, taasoo dadku isugu yimaadaan, marar badanna waxaa halkaas taga askarta ciidanka dowladda .

13/04/2023

Maraykanka oo sheegay inuu taageerayo wada hadalada Soomaaliya iyo Somailand.

Safiirka xilka kasii dagaya ee dowladda Maraykanka u qaabilsan Soomaaliya Andre Larry ayaa sheegay dowladdiisa ay ka go'an tahay ka miro dhalinta wada hadalada Soomaaliya iyo Somaliland.

Hadalkaan ayuu safiirku ku sheegay kulan qadka taleefonka ah oo uu la yeeshay ergayga Gaarka ah ee Aarrimaha Somaliland Abdikarim Hussein Guled.

Ergayga iyo danjiraha ayaa kawada hadlay ahmiyadda iyo xoojinta Wada hadalada dowladda Soomaaliya iyo Somaliland iyo sidii mustaqbalka dhow guul looga gaari lahaa wada hadalka.

Danjiraha Maraykanka ayaa muujiyay taageero iyo garab istaag ergayga, asagoona tilmaamay in Dowladdiisa ay ka go'an tahay ka mira-dhalinta wadahadallada Soomaaliya iyo Somaliland.

Dhawaan ayay ahayd markii Somaliland ay soo dhoweysay magacaabidda ergayga cusub, iyagoo sheegay inay ku kalsoon yihiin inuu yahay nin hoggaamin kara wada hadalada oo xog ogaal ah.

30/01/2023

Culumada Degmada Raaso ayaa soo saaray go'aano lagu fududaynayo guurka.

Hadda kadib gabadha Raaso joogta waxaa gabaati ahaan looga bixinayaa lacag dhan 1000birr oo u dhiganta 10$ dollar.

Arooska waxaa lagu qalayaa laba neef oo arri ah ka badan lama oga.

Sooryo ama yarad majiri doono arrintan ayay culumadu Raaso shegeen in looga danleeyahay fududaynta guurka .

Raaso waa magaalo ku taalla gobalka Afdheer ee dowlad deegaanka Soomaalida.

Sidee u aragtaa arrintan ?

15/01/2023

Ciidamada dowlada iyo kuwa dadka deegaanka ayaa gacanta kusoo dhigay Sarkaal ka tirsan kooxda Al-Shabaab, kadib markii ay howl-gal xoogan kula wareegeen deegaanka Baraag Sheekh Caamir oo u dhaxeysa Galcad iyo Masagawaay ee gobolka Galgaduud.

Sarkaal Shabaabka ah ee ciidamada huwanta gacanta ku dhigeen ayaa la sheegay in kooxda u qaabilsanaa deegaanka Baraag Sheekh Caamir, waxaana magaciisa lagu sheegay Cabdi Cali-gadiid.

Saraakiil ka tirsan ciidamada dowladda oo la hadlay warbaahinta ayaa sheegay in xilliga la qabanayay sarkaalka ka tirsan Shbaab uu raashin u waday xubno ka tirsan kooxda.

Ciidankaan oo ka baxay magaalada Masagawaa ayaa sii maray dhowr deegaan oo ay isaga carareen maleeshiyaadkii horay u joogay ee Al-Shabaab, iyaga oo gaaray illaa deegaanka Cigo oo ay ku taallo deked macmal ah.

Deegaanada kala ah Dhabaqle, Xuseen-Cagey, Cigo iyo deegaano kale ayaa laga raacdeeyey Al-Shabaab, waxaana maanta ku sugan ciidamada dowladda.

Deegaanadaan ayaa waxaa mudo dheer maamuleysay kooxda Al-Shabaab, waxaana la sheegay in ciidankii ka xoreeyey ay hadda kaabiga ku hayaan magaalada Ceeldheer ee gobolka Galgaduud.

Intii uu socday howl-galkaan ayaa sidoo kale waxay ciidamadu qabteen dad la sheegay in looga shakiyey inay ka tirsan yihiin kooxda Al-Shabaab.

Ciidamada xoogga dalka ayaa maalmahaan dardar-gelinaya howl-galada ka dhanka ah kooxda Al-Shabaab, waxayna ciidankii xoreeyey Shabeellaha Dhexe hadda kaabiga ku hayaan Ceel-dheer oo Galgaduud ka tirsan.

Dhanka Mudug waxaa Hobyo, Wisil iyo Baxdo ka soo baxay ciidankii ugu xooganaa oo Danab, PSF-ta Puntland, daraawiishta Galmudug iyo xoogagga hubka qaatay ee deegaanka isugu jira, wuxuuna duulaankaas ku jiheysan yahay degmada muhiimka ah ee Xarardheere.

15/01/2023

Hay’adda Nabad Sugidda iyo Sirdoonka Qarana ee loo yaqaano (NISA) ayaa qaaday tallaabo culus oo ku aadan amniga magaalada Muqdisho, kadib markii ay dowladda federaalka siisay awood gaar ah, oo ay sido kale kula fal-galeyso ciidamada Booliiska.

Wararka ayaa sheegaya in ciidamada NISA ay isku ballaariyeen guud ahaan magaalada Muqdisho ee caasimada Soomaaliya, ayada oo bar-kasta oo ay ku sugnaayeen ciidamada Boolioska la geeyey askar ka tirsan kuwa Nabad Sugidda, si ay ula shaqeeyaan Booliska.

Sida ay ogaatay Caasimada Online askarta NISA ayaa waxaa la dhigay laga soo bilaabo isgoysyada ku yaalla Mirinaayada illaa iyo Dan-wadaagaha ee degmada Wadajir.

Ciidamada Nabad Sugidda ayaa lagu soo warramayaa in dhaq-dhaqaaqyo cusub ay ka bilaabeen isgoysyadaasi oo saaka lagu arkay ciidamo cusub oo dheeraad ah.

Ujeedka ka dambeeya arrintaan ayaa ah in la adkeeyo amniga magaalada Muqisho, si looga hortago weerarada kooxda Al-Shabaab oo haatan culeys weyn soo saaray caasimada.

15/01/2023

Xildhibaan Maxamed Ibraahim Macalimuu ayaa si adag uga horyimid hindise-sharciyeedka Cunaqabateynta Maaliyadeed ee Cayiman, kaasi oo guddoonka Golaha Shacabka uu sheegay in la ansixiyay.

Xildhibaanka ayaa sheegay in hindise-sharciyeedkan oo markii h**e ahaa sharci darro, lagu ansixiyay sharci darro kale, ayada oo aan la marsiin saddex aqrin, sida uu dhigayo xeer hoosaadka Golaha Shacabka.

“Hadaba iyada oo shalay ay aheyd aqrintii labaad oo lixdameeyo Xildhibaan ay Golaha ku hareen, kooram sharci ansixin karaa aanu fadhiyin waxa uu guddoonkii shirka ku dhawaaqay in sharcigii Cunaqabateynta Maaliyadda ee Cayiman la ansixiyay aqrin sadaxaad iyo kooram ku filan midna aan loo baahneyn,” ayuu ku yiri Xildhibaan Macallimuu qoraal uu soo dhigay bartiisa Facebook.
Waxa uu arrin laga xumaado ku tilmaamay in baarlamaanka oo ah cunsurka koowaad ee dowladnimada, lana rabay in laga toosiyo ku xad-gudubka shuruucda iyo korjoogteynta hay’addaha fulinta, uu asagii ku kaco sharci darro.

“Waxaa muuqata sharciyo kale oo badan oo hadda Golaha horyaalla oo liddi ku ah Dastuurka, Diinta iyo Qawaaniinta kale ee dalku leeyahay in waddadan ay mari doonaan.”

Waxa uu sii raaciyay qoraalkiisa “Hal booli ah nirig xalaal ah ma dhasho ,natiijada iyo maxsuulka ka dhalan kara sharciga oo la baal maro qof kasta oo weyn waa garan karaa. Dadka Soomaaliyeedna Allahooda ayay qabaan.”

09/01/2023

Degmada KAXDA oo aheyd Degmada Dalxiiska ee Gobolka Banaadir, ayaa Mudooyinkii danbe ku Noqotay Mid Horumarkeedi, Dhismihii, Kobeceedi Dhaqaaale Uu la Dagay Gudoomiyaha Cusub Ee hada Waxaana Haawanaya Goobihii Loo Dalxiis Tagi jiray.

Dagmadu waxey aheyd mid Xiiso Gaar ah Iyo Xasilooni Siyaasadeed ku jirtay Intaan la magacaabin Gudoomiyahaan Fadhiidka ah Ee ku Caan baxay Isku Dirka Kala Geynta Beelaha Walaalaha ah Ee wada daga Dagmada kaxda Ee Gobolka Banaadir.

Allaah ha barakeeyo, Nabad waartana hasiiyo Gudoomiye Fadhiidna Umada Alle Haka Hor Wareejiyo Aamiin .

09/01/2023

Guddoomiyaha Golaha Shacabka Baarlamaanka Fedaraalka Soomaaliya Sheekh Aadan Maxamed Nuur Madoobe ayaa Maanta magacaabay guddiga saaxiibtinimada Baarlamaanka Fedaraalka Soomaaliya iyo Baarlamaanka Turkiga.

Guddigaan uu magacaabay guddoomiye Sheekh Aadan Madoobe ayaa la sheegay iney ka shaqeyn doonaan xiriirka iskaashi iyo saaxiibtinimada labada Baarlamaan, waxaana guddigaan uu ka kooban yahay 15 xubnood oo isugu jira labada Aqal ee Baaralamaanka Soomaaliya.

Guddoomiyaha Golaha Baarlamaanka Fedaraalka Soomaaliya Sheekh Aadan Maxamed Nuur Madoobe ayaa faray guddigan uu maanta magacaabay iney kulankooda ugu h**eeya ay ku doortaan guddoomiye, guddoomiye ku xigeen iyo xoghaye.

09/01/2023

WAR DAG DAG AH :- Dowlad-goboleedyada Galmudug, Hirshabeelle, KGS iyo Jubbaland ayaa qoraal ay u direen Beesha Caalamka ku dalbaday in aan 'Mashaariicda Horumarineed' loo soo marin Dowladda Soomaaliya, isla markaasna loola macaamilo si madax-bannaan, sida ku cad qoraal-wadajir ah oo ay u direen Hey'adda Cuntada iyo Beeraha QM.

Tani waxa ay imanaysaa xilli fiidnimadii ay Puntland sheegtey in ay u dhaqmayso 'si madax-bannaan'.

09/01/2023

Maamul goboleedka Puntland ayaa ku dhowaaqay in hadda kadib uu u dhaqmi doono sidii dawlad madaxbanaan oo kale, inta laga dhammaystirayo dastuurka ku meelgaarka ah ee Soomaaliya.

War-saxaafadeed kasoo baxay Puntland ayaa lagu sheegay in qodobka 142 ee dastuurka federaalka uu waafaqsan yahay qodobka 4-aad ee dastuurka Puntland farqadiisa 3-aad uu Puntland xuquuq u siinayo inay u dhaqanto sidii dawlad madaxbannaan.

Waxay sheegtay Puntland in iyadoo raacaysa qodobo ka mid ah dastuurka federaalka iyo dastuurka Puntland ay si gooni ah dawladda federaalka ugala xaajoon doonto heshiisyada dawlad dhiska, gaar ahaan dhammaystrika datsuurka iyo heshiisyada kale ee siyaasiga ah ee awood qaybsiga, habdhiska amniga, wadaagga khayraadka iyo deeqaha caalamiga ah.

Puntland ayaa sheegtay in loo baahan yahay in meesha laga saaro hagardaamada fashilin karta geeddi socodka dawlad dhiska, lana ixtiraamo qaawaaniinta lagu heshiiyey gaar ahaan dastuurka ku meelgaraka ah.

07/01/2023

( Daawo ) Ra’iisul Wasaaraha Xukumada Somalia Mudane Xamse Ayaa ka hadlayay wixii Magaalada Laascaanood ka dhacay Wuxuuna yiri :-
“Shacabka aan u hubaysnayn oo dhagxaan wata, in hub iyo rasaas lala dhaco, oo la laayo wax la aqbali karro ma ahan, cid laga aqbali karo ma jirto”.

07/01/2023

Doorashada Guddiga Dastuurka ee Baarlamaanka Jamhuuriyadda Federaalka Soomaaliya ayaa loo tartamay illaa saddex boos oo kala ah guddoomiye, ku-xigeen iyo xoghaye, kuwaasi oo lagu kala guuleystay.

Xildhibaan Xuseen Iidow ayaa ku guulaystay xilka guddoomiyaha, mana jirin cid la tartantay, halka guddoomiye ku-xigeenka guddigana uu ku guulaystay Senator Cabdullaahi Sheekh Ismaaciil Fartaag oo helay 5 Cod halka Senator Xasan Xuseen Xaaji oo la tartamay uu helay 4 cod.

Sido kale waxa xoghaya guddiga dib u eegista, la-socodka iyo hirgelinta Dastuurka BFS loo doortay Senator Saciid Cabdi Xuseen oo isagana aysan jirin cid la tartantay.

07/01/2023

Wasiir ku-xigeenka gaashaandhiga Soomaaliya, Xildhibaan Cabdifataax Qaasim ayaa shaaciyay in kooxda Al-Shabaab ay wada-hadal kasoo dalbadeen dowladda, xili uu dalka ka socdo guluf dagaal oo ka dhan ah.

“Maanta ayaga ayaa wada-hadal ku jira, anaga waxay naga taagan tahay in Soomaaliya laga ciribtiro wax la yiraahdo argagixiso oo go’aankeeda uu qaatay madaxweynaha, golaha fulintana ay ku shaqeynayaan,” ayuu yiri.

Wasiirka ayaa waxa uu sheegay in jab xoogan la gaarsiyay Al-Shabaab, islamarkaana uu kusoo aruuray beegsiga shacabka iyo weerarada gaadmada ah, taasi oo uu sheegay in heegan buuxa u yihiin ciidamada dowladda.

“Ayaga (Al-Shabaab) ayaa soo codsaday wada-hadal. Khawaarijta waa laba nooc, kuwa waa ajaanib, noocna waa kuwa dalkaan u dhashay oo ayaga fursad waa leeyihiin, laakiin kuwa duulaanka ku yimid dalkaan wax wada-hadal majiro ee waa in dalka iskaga tagaan.”

Wuxuu intaas kusii daray hadalkiisa “Kuwa dalka u dhashay xili kasta haddii ay isa-soo dhiibaan diyaar ayaa loo yahay, laakiin wax lagula gorgortamo meesha ma yaalan, waa in ay dowladnimada raacan oo isku soo dhiibaan, oo shacabkooda dib ugu laabtan.”

Arrintaan ayaa imaneysa xili uu dalka ka socdo dagaal ka dhan ah Al-Shabaab, kaasi oo tan iyo markii uu billowday laga gaaray guulo waaweyn, loogana qabsaday kooxda degaano horleh oo gacanta ku hayeen sanado badan.

07/01/2023

Gudoomiyaha Cusub Ee kaxda Oo Bilaabay Isku Leynta Dadka Dagan Dagmada Kadib Markii.....

Gudoomiyaha Cusub ee Dagmada kaxda ayaa Bilaabay inuu Xilka Ka Qaado Gabar Ka Tirsaneyd Maamulka Dagmada Taas oo Hab Qeybsiga Kaxda Ku mataleysay Beel weynta Loobage How karna aheyd.

Gudoomiyaha ayaa Xilkaasi u magacaabay Mid Asaga la dhashay oo ku heyb ah kadib markii Uu isku dayey inuu u adeegsado Awood Nin jecleysi Taasoo Qasabtay Inuu Ka Gudbay Xeyn daabkii Awood Qeybsi ee Beelaha wada daga dagmadaasi ku heshiiyeen.

Warar Hoose ooy Heshay Raaso24 Ayaa sheegaya inu Gudoomiyaha Cusub Uu Si Toos ah iyo Si Dadbanba Uga Biyo Diiday Baaqyo Dhowr Dhinac ah Kagana Yimid odayaasha Beesha Loobage Kuna Qasabtay iney Xitaa Kulan la yeeshaan Si cadna ugu Sheegay inaanay Wax Wada Tashi ah Ku laheyd Dagmada Beesha Loogabe Oo Soo Galooti Ka Tahay kaxda.

Dhalinyarada iyo Odayaasha Beesha Looboge ayaana Maanta Ka Dhiidhiyey Qaadayna Bananbax ey ku dalbanayaan Xaqooda oo La Duudsiinayo ineysan Daawankaren waxaana Ciidamo Taabacsan Gudoomiyaha Isku dayeen iney Aamusiyaan shacabka Gadoodsan Halkaasna waxaa ka dhashay isku Dhac U Dhexeeya Ciidamada Daacada u ah Gudoomiyaha iyo Dad shacabka ah Oo Qoryo qaatay.

Shacabka Ka Gadooday Xad Gudubyada Xad dhaaf ka ah ee Gudoomiyaha Cusub Iyo Isku Leynta Beesha Sheekhaal Ayaa Tagay Xarunta dagmada waxaana Rasaas Huwiyey Ciidanka Xarunta waxaana Halkaasi Tagay Ciidamo Difaac u ahaa Shacabka waxeyna la wareegeen Xarunti dagmada kaxda.

Shacabka Dagmada kaxda Ayaana Diyaar u aheyn I ey Is Dilaan Dhexdooda Balse waxa ey doonayaan in Meesha Laga Saaro Gudoomiyaha Cusub Ee Raba In Beeshaal La Kala Qub Qubo Eyna kaga Tagaan Halkii ey Midoobi lahaayeen.

02/01/2023

Guddoomiyaha golaha Wakiillada Maamulka Somaliland oo Eedeyn u jeediyay Xukuumada uu Hogaamiyo Muuse Biixi Madib markii.....

Guddoomiyaha Golaha Wakiilada Somaliland Cabdirisaaq Khaliif Axmed, ayaa sheegay in maamul xumo ay xukuumadu ku kacday ay sababtay kacdoonada Laascaanood.

Waxa uu sheegay in kacdoonada magaalada Laascaanood ay qayb ka ciyaartay qaabka ay xukuumadu uga jawaabtay kacdoonka, waxa uu sheegay in hadalada masuuliyiinta xukuumada iyo talaabooyinka ciidamada amaanku ay xaalada uga sii dareen.

Waxa uu xusay in ilaa hada ay mudoharaadada ku dhinteen 8 qof oo rayid ah, lana jaray khadka internetka, isla markaana korontada magaalada la jaray saacadaha qaarkood, taasi oo uu ku tilmaamay ku xad gudub xuquuqda aadanaha ah oo ay xukuumadu samaysay.

Waxa uu sheegay in masuuliyada suggida amaanka magaalada Laascaanood ay leedahay xukuumada Somaliland, lagana rabo in sirdoonka iyo ciidamada booliisku ay wax ka qabtaan dilalka ka dhacay Laascaanood.

"Waa howl masuuliyadeeda ay leedahay xukuumadu waana shaqadii loo igmaday madaxweynaha iyo xukuumadiisa, laamaheeda amniga, wasaarada arrimaha guddaha, taliska ciidanka booliiska, sirdoonka, waxa laga rabaa in ay waxkasta oo ka dhacaya ay iyagu wax ka qabtaan" ayuu yidhi Khaliif.

Waxa uu sheegay in uu h**e madaxweynaha ugula taliyay in uu dadka gobolka kala tashado cida ay rabaan in ay maamulkooda u dhiibtaan, isla markaana ay qaar kamid ah dadka magaalada Laascaanood ka qaybgaliyaan ilaalinta amniga.

Xaalada Laascaanood ayaan wali xal buuxa laga gaadhin, iyadoo ciidamada amaanku ay gaaf wareegayaan jidadka magaalada.

02/01/2023

Guddoomiyaha barlamaanka Soomaaliya oo magacaabay guddiga farsamada shirka dib u heshiisiinta Koonfur Galbeed....

Guddoomiyaha barlamaanka Soomaaliya, Sheikh Aadan Maxamed Nuur (Aadan Madoobe) ayaa magacaabay guddiga farsamada ee shirka dib u heshiisiinta Koonfur Galbeed Soomaaliya.

Guddigan oo ka kooban 7 xubnood ayaa loogu talo galay inay isku dubaridaan farsamo ahaan shirka dib u heshiisiinta Koonfur galbeed oo la qabanayo shanta bishan January.

Guddoomiyaha barlamaanka Soomaaliya, Aadan Madoobe, ayaa rajo weyn ka qaba in shirka dib u heshiisiinta uu soo afjaro khilaafka siyaasadeed ee cakiran ee ka taagan Koonfur Galbeed.

Qaar kamid ah siyaasiyiinta mucaaradka ee u ololaynaya doorashada Koonfur Galbeed ayaa h**ey u saluugsanaa shirkaan, iyagoo ku eedeeynayay guddoomiye Aadan Madoobe inuu u janjeero dhinaca Lafta Gareen.

Balse, Guddoomiyaha Golaha Shacabka oo labo habeen ka hor kulan kula qaatay magaalada Muqdisho Midowga Musharraxiinta iyo Madasha Badbaadada Koonfur Galbeed, waxay ku heshiisiyeen in laga wada qeyb galo shirka dib u heshiisiinta

02/01/2023

Al-shabaabka Somalia Oo Markale Dad Shacab ah ka Afduubatay Qeybo ka mid ah Gobolka Hiiraan...

Wararka naga soo gaarayo deegaanada Beerxaano iyo Dhoqor oo ku yaala dhanka Koonfureed ee magaalada Baledweyne ee xarunta gobolka Hiiraan ayaa sheegaya in deegaanadaasi kooxda Al-shabaab ka afduubteen dad shacab ah.

Ku dhawaad 20 ruux oo dhamaantood ahaa dad shacab ah oo kasoo jeeda Beesha Xawaadle ayaa la xaqiijiyay in kooxda ay ka ka xeysteen deegaanada Beerxaano iyo Dhoqor, islamarkaana ka gudbiyeen Wabiga Shabeelle oo markii horaba la sheegay in kooxda afduubka geysatay ay kasoo gudbeen.

Dadkaan shacabka ah ee Al-shabaab afduubteen ayaa la sheegay iney ahayeen dad beeraleey ah oo aanan la ogeyn sababta rasmiga ah ee ka dambeysa afduubka Al-shabaab u geysteen.

Laba cisho ka hor ayay aheyd markii sidaan oo kale kooxda Al-shabaab ay afduubteen dad shacab ah oo marayey inta u dhaxeeyso degmada Halgan iyo deegaanka Dheenweyne ee gobolka Hiiraan, kuwaas oo ay kooxda ka gudbiyeen Wabiga Shabeelle, maadama dhanka Galbeed ee gobolka Hiiraan ay wali kooxda ku leeyihiin Saldhigyo waa weyn.

02/01/2023

Beesha caalamka Oo Sheegtay inay ka Walaacsan yihiin rabshadaha ka socda magaalada Laascaanood iyo Xasuuqa Ey somaliland ka wado magaalada...

Saaxiibada Beesha caalamka ayaa sheegay inay ka walaacsan yihiin rabshadaha ka socda magaalada Laascaanood ee gobolka Sool ee sababay dhimashada iyo dhaawaca dad rayid ah.

Qoraal kooban oo ay Beesha caalamku kasoo saartay xaaladda Laascaanood, waxay ku sheegtay, in xaqiijinta ilaalinta dadka rayidka ah ay tahay waxay ugu muhiimsan.

Beesha caalamku waxay ku baaqeen xasillooni iyo is-xakameyn, islamarkaana xiisadaha jira lagu xalliyo isdajin iyo wadahadal.

Warkaan ayaa kusoo aaday, iyadoo magaalada Laascaanood uu muddo todobaad ah ka socdo mudaharaad loogasoo horjeedo Somaliland, kaasoo u muuqda mid sii xooggaysanaya.

Illaa iyo hadda laguma guulaysan in dadweynaha lagu qanciyo inay isdajiyaan. Dadku waxay aad uga kaceen dilalka magaalada kusoo noqnoqday oo aysan jirin cid loo qabtay.

Waxay dalbanayaan in Somaliland isaga baxdo magaalada Laascaanood. Waxaa mudaharaadka sii xoojiyay isimada dhaqanka SSC oo ku baaqay in Somaliland ka baxdo Laascaanood.

Dhimashada dadka rayidka ah ayaa kor usii kacaysa. Somaliland waxay weli iskudayaysaa in hab militari lagu xalliyo xaaladda cakiran ee laascaanood ka jirta, balse way ugasii dartaa.

02/01/2023

Xasan Sheekh Maxamuud oo shaaciyey xogta sababtii ay Puntland u saxiixi diiday heshiiska Dowlada federaalka iyo maamul goboleedyada.

Madaxweynaha Soomaaliya Xasan Sheekh Maxamuud ayaa khudbadiisii xalay qeyb ka mid ah uga hadlay khilaafaadka dowladda federaalka iyo dowlad goboleedyada dalka, si gaar ah khilaafkii la sheegay in Puntland ay kala noqotay shirkii u dambeeyey.

Madaxweynaha ayaa sheegay in faalooyin qaldan laga qoray shirkii u dambeeyey ee dowladda federaalka iyo dowlad goboleedyada, isagoo qiray in madaxweynaha Puntland Saciid Deni uusan saxiixin heshiiskii lagu gaaray shirkaas.

“Waxaan rabaa in warbixin aan idinka siiyo shirkii u dambeeyey oo laga faafiyey faalooyin aan sax aheyn, shirkii dhowaa ee golaha wadatashiga, wuxuu ahaa muhiim, waxaana looga hadlayey laba ajende,” ayuu yiri Madaxweyne Xasan Sheekh.

Madaxweynaha ayaa sheegay in labadaas Ajende horay looga balamay oo shirkii h**e ee golaha lagu go’aamiyey in shirkaan dambe looga wadahadlo labadaas qodob, “Xiligaas waxaan ku balanay in qolo kasta ay ka soo fekerto,” ayuu yiri.

Madaxweyne Xasan Sheekh ayaa sheegay in wadahadal kadib shirkii u dambeeyey heshiis looga gaaray labadii qodob ee ajendaha u aheyd shirka, balse Puntland aysan saxiixin heshiiska.

“Walaalaheen reer Puntland waxay ka cudurdaarteen heshiiskaas, waxay dalbadeen waqti dheeri ah oo wadatashi ay ku soo galaan, waqtigii ay u baahnaayeen ayey qaateen, waana ka rajeyneynaa in aragtidooda ay noo keenaan,” ayuu hadalkiisa ku sii daray Xasan Sheekh.

Sidoo kale Madaxweynaha ayaa cadeeyey in dowladda federaalka iyo afarta dowlad goboleed ee kale ay heshiiskaas si buuxda isugu af-garteen oo la wada saxiixday.“Walaaleheen reer Puntland, waxaan ka rajeyneynaa in mar dhow aan aragtidooda helno, si loogu saleeyo dastuurka la sameyn doono,” ayuu yiri Madaxweynuhu.

Labada qodob ee ajendaha u aheyd shirkaas, Puntland-na ay ka cudurdaaratay inay saxiixdo ayaa bayaankii ka soo baxay shirka waxaa lagu cadeeyey in loogu heshiisyey sidaan

:Goluhu, marka laga reebo Puntland, wuxuu saxiixay heshiis siyaasadeedka Hannaanka Fedaraalaynta Garsoorka iyadoo la isku raacay in la qaato hannaanka isku-dhafka ah ee garsoorka.

1 – HANNAANKA FADERAALAYNTA GARSOORKA

Goluhu, marka laga reebo Puntland, wuxuu saxiixay heshiis siyaasadeedka Hannaanka Fedaraalaynta Garsoorka iyadoo la isku raacay in la qaato hannaanka isku-dhafka ah ee garsoorka.

2 – ASTAYNTA AWOODAHA HEERARKA DOWLADDA

Goluhu, marka laga reebo Puntland, wuxuu isku raacay, saxiixayna heshiis siyaasadeedka Astaynta Awoodaha heerarka dowladda kuwaas oo kala ah: awoodaha u gaar ah heer federaal, kuwo u gaarka ah heer DXDF iyo kuwo wadaagga ah.

02/01/2023

Ciidamo Tiro Badan )o Lasoo Dhoobay Wadooyinka Magaalada Muqdisho Kadibna Xiray jidad Badan oo Muhiim ah iyo Sababta......

Waddooyinka magaakada Muqdisho ee caasimada Soomaaliya waxaa saaka la soo dhoobay ciidamo ka tirsan kuwa dowladda, gaar ahaan kuwa loo yaqaano Goofi Gaduuda ee ilaaliya xarunta madaxtooyada iyo madaxda qaranka.

Shacabka reer Muqdisho ayaa kusoo waabariistay ciidamadan oo la soo dhigay jidadka muhiimka ah ee caasimada, sida Maka Al-Mukaramaya, Tarabuunka iyo jidad kale.

Ciidamadan oo wata gaadiidka gaashaaman ee dagaalka idoo kale mar dambe hakiyay dhaq-dhaqaaqa waddooyinkaasi, si loo xaqiijiyo amniga.

Sida ay ogaatay Raaso24.com dhaq-dhaqaaqan cusub ayaa ku aadan booqasho uu madaxweynaha Soomaaliya ugu tegayo qaar kamid ah ciidamada laga keenay Eritrea ee ku jiro mid kamid ah xeryaha ciidan ee ku yaalla magaalada caasimada ah ee Muqdisho.

Madaxweyne Xasan Sheekh Maxamuud ayaa la filayaa in uu khudbad u jeediyo ciidamadaasi oo loo diyaarinayo duulaan ka dhan ah kooxda Al-Shabaab.

Soomaaliya ayaa haatan ku jirto marxalad dagaal, waxaana howlgallo culus ay ka socdaan inta badan gobollada dalka, kuwaas oo deegaano horleh looga qabsaday Al-Shabaab.

Si kastaba, madaxweynaha Soomaaliya oo shalay khudbad jeediyay ayaa shaaca ka qaaday in sanadkan cusub ee 2023-ka uu noqon doono sanadka xoreynta dalka.

02/01/2023

Qorshihii C/Rashiid JANAN ee Gobolka Gedo oo Fashilmay Saddex Sabab Dartood Kadib markii....

Wararka laga helayo gobolka Gedo ayaa sheegaya inuu fashil ku yimid qorshaha wasiirkii h**e ee amniga Jubbaland, Cabdirashiid Nuur (Janan), kaas oo dhowaan dib ugu laabtay gobolkaas, isaga oo uu wehlinayay Senator Fartaag.

Janan oo doonayey inuu markale dib u soo ceshado awooddii uu mar ku lahaa Gedo ayaa waxaa haatan dhicisoobay qorshihii uu maalmo ka hor u tagay gobolkaasi.

Midda koowaad ee fashilisay ayaa ah in qaar kamid ah ciidamadii uu ku abaabulay gudaha degmada Doolwoay ayla goosteen hubkii uu siiyay, isla-markaana ay tageen degmada Beledxaawo, ayaga oo gabaad ka dhigtay xero ay ku sugan yihiin ciidamada dowladda.

Wararka ayaa intaasi ku daraya in Janan oo sameeyay dadaallo kala duwan laga diiday dalab ah in askarta iyo hubkaba markale dib loogu soo celiyo gacantiisa.

Sidoo kale qorshaha labaad ee fashiliyay damacii Janan ee ahaa inuu markale gacanta ku dhigo Gedo ayaa ah in saraakiisha ciidamada dowladda oo uu xiriir la sameeyay ay ka biyo diideen abaabulkiisa, isla-markaana ay u sheegeen in xittaa aysan siin karin magan-gelyo.

Arrimaha kale ee ka horyimid ninkan waxaa ka mid ah in la kala fur-furay xulafadiisii, wuxuuna waayey Senaor Cabdullaahi Sheekh Ismaaciil Fartaag oo la tegay Gedo, kaas oo hadda si deg deg ah looga yeeray magaalada Muqdisho, kadib dacwad uu ka gudbiyay madaxweynaha dowlad goboleedka Jubaland,Mudane Axmed Maxamed Islaam (Madoobe).

Si kastaba, lama oga sida ay wax noqon doonaan, balse madaxda Jubbaland ayaa doonaya inay dhinac isaga ridaan arrinta Gedo, si loo soo afjaro xiisada muddada soo socotay.

01/01/2023

Khilaaf Xoogan oo ka dhex Qarxay Madaxda Maamulka Puntland Gaar ahaaan Deni iyo Karaash Kadib Markii ey......

Wararka laga helayo magaalada Garoowe ee xarunta gobolka Nugaal ayaa sheegaya in halkaas laga dareemayo saameynta ka dhalatay xiisadda weli ka taagan magaalada Laascaanood ee xarunta gobolka Sool, taas oo la soo wariyay in haatan ay khilaaf ka dhex dhalisay madaxweynaha Puntland iyo sidoo kale ku xigeenkiisa.

Saciid Deni iyo Axmed Karaash ayaa isku qabtay qaabka looga falcelinayo xaaladda adag ee haatan ka taagan Laascaanood, taas oo gashay todobaadkii labaad oo rabshado ah.

Wararka ayaa sheegaya in natiijo la’aan uu ku soo dhammaaday kulan ay yeesheen labada mas’uul, kaas oo ay goobjoog ahaayeen mas’uuliyiin kale, isla-markaana looga hadlayey dhibaatada ka taagan gudaha magaalada Laascaanood oo ay joogaan ciidanka Somaliland.

Karaash ayaa ka carooday qoraal uu habeen ka hor madaxweyne Saciid Deni ka soo saaray xiisaddaas, kaas oo u badnaa baaq loogu dirayo madaxda Somaliland, taas oo uu dhibsaday ku xigeenku, sida ay Caasimada Online u sheegeen ilo wareedyo xilkas ah.

Khilaafka labadaan nin ayaa marar badan soo noq-noqday, waxaana ugu dambeeyay oo ay is qabteen xilligii doorashooyinka markaas oo uu musharrax ahaa Saciid Deni, inkasto markii dambe xal waara laga gaaray khilaafkaas oo saameeyay hay’adaha maamulka.

Dhinaca kale waxaa lagu soo warramayaa in xildhibaano iyo saraakiil ka soo jeeda gobolka Sool, isla-markaana ka tegay Garoowe ay isku uruursanayaan duleedka magaaladaas, si ay u aadan aaga magaalada Laascaanood oo ay ka taagan tahay xaalad aad u cakiran.

Lama oga sida ay wax noqon doonaan, balse xaaladda ayaa haatan faraha kasii baxaysa, waxaana kordhay dhimashada iyo dhaawaca ka dhashay rabashadaha Laascaanood.

Magaaladan waxaa ku soo noq-noqday dilalka kooxaha aan la garanayn ay geystaan, waxaana la beegsadaa dadka hal-doorka u ah bulshada gobolka Sool.

01/01/2023

Maamulka Somaliland Oo Xoog ku Jartay Internetkii Magaalada Laascaanood iyo Wararkii u Dambeeyay Ee Ka Soo Baxay Dibad hada......

Ciidamada maamulka Somaliland ayaa saakay xoog ku jaray adeegga intetnetka ee magaaladaasi ka shaqeenayay, kaddib markii ciidamada galeen xarumaha shirkadaha isgaarsiinta kuna amreen maamulka in ay jaraan intetnetka.

Shirkadda isgaarsiinta Somtel ayaa la sheegay in gabi ahaan jartay adeeggii internetka, waxaana kaliya shaqeenaya telfoonka wacitaanka caadiga ah, waxaana hawada ka maqan inta badan internetkii laga isticmaali jiray Laascaanood.

Ammar lasoo baxay madaxweynaha Somaliland Muuse Biixi ayaa la sheegay in lagu jaray adeeggii internetka ee ka shaqeenayay Laascaanood, si loo qariyo tacadiyada ciidamada u geesanayaan dadka shacabka.

Magaalada Laascaanood ayaa wali lasoo sheegayaa in ay ka socdaan rabshado u dhaxeeya shacabka magaalada iyo ciidamada Somaliland, shacabka carreesan ayaana ciidamada ku tuuraya dhagxaan halka ciidamada iyaguna adeegsanayaan rasaas nool nool.

Waxaa wali xiran inta badan goobihii ganacsi ee ku yaallay magaalada Laascaanood, waxaana jirta cabsi badan oo laga qabo in rabshadaha halkaasi ka socda in ay kasii daraan haddii aan xal deg deg ah la helin.

Maamulka Somaliland ayaana uga gon leh jaritaanka adeegga internetka in meesha laga saaro rabshadaha oo inta badan kusii faafay isticmaalka internetka iyo muuqaalkada rabshadaha oo lagu baahinayay baraha bulshada.

01/01/2023

Ciidamada Dowladda iyo kuwa Macawiisleyda oo la wareegay Deegaanka Masagaway Ee hoostagta degmada Ceeldheer Ee Gobolka Galgaduud.

Ciidamada milatariga Soomaaliya oo garab ka helayay kuwa deegaanka ayaa maanta la wareegay deegaanka Masagawaay oo kamid ah deegaanadda hoostaga degmada Ceeldheer ee gobolka Galgaduud.

Sida ana wararka ku helnay ciidamada dowladda iyo kuwa deegaanka ayaa gudaha u galay deegaanka Masagawaay ,kaddib markii halkaasi isaga baxeen dagaalyahanadii Al Shabaab ee h**ey ugu sugnaa deegaankaasi.

Saraakiisha hoggaamineysa ciidamada dowladda ayaa sheegay in si buuxda ula wareegeen deegaanka Masagawaay, waxa ayna saraakiisha sheegeen in ay wadaan howlgalo ay kusii baacsanayaan Shabaabkii ka baxay deegaanka.

Waxa ay sheegeen saraakiisha ciidamada in howlgalkooda ay sii wadayaan ayna qorsheenayaan sida ugu dhaw in Al Shabaab uga saaraan degmada Ceeldheer ee gobolka Galgaduud oo qiyaastii 20-km u jira deegaanka Masagawaay .

Ciidamada dowladda ee garabka ka helaya kuwa deegaanka beesha Abgaal oo h**ey ugu guuleestay in Al Shabaab ka saaraan gobolka Shabeelaha Dhaxe ayaa markan gudaha u galay gobolka Galgaduud, waxa ayna doonayaan in Al Shabaab ka saaraan goobo badan ay ka joogaan Galgaduud.

01/01/2023

Axmed Madoobe oo Dacwad ka Gudbiyay Senator Fartaag iyo Maxamuud Sayid oo Muqdisho yimid Kadib Markii....

Madaxweynaha dowlad goboleedka Jubbaland Axmed Maxamed Islaam (Madoobe) oo ku sugan magaalada Muqdisho ayaa dacwad ka dhan ah senator C/llaahi Sheekh Ismaaciil Fartaag u gudbiyay guddoomiyaha Aqalka Sare Cabdi Xaashi Cabdullaahi.

Sida aan xogta ku helnay Axmed Madoobe ayaa ku eedeeyay Fartaag in dhibaato ka dhan ah maamulkiisa ka wado gobolka Gedo, waxa uuna ka dalbaday guddoomiyaha Aqalka Sare Cabdi Xaashi in uu faragaliyo tallaabana ka qaado senatorka.

Guddoomiyaha Aqalka Sare ayaa wararku sheegayaan in si degdeg ah ula xiriiray Senator Fartaag , waxa uuna ka codsaday in si degdeg ah ku yimaado magaalada Muqdisho si ay uga wada hadlaan xaalado taagan.

Cabdi Xaashi ayaana u sheegay senator Fartaag in tallaabo adag uu mudan doono haddii uu ka dhaga adeego amarkiisa kuna soo laaban waayo magaalada Muqdisho, taa oo loo qaatay in senatorka suurto gal tahay in xilkiisa ku waayo amar diidada.

Madaxweynaha Jubbaland Axmed Madoobe oo wali ku sugan Muqdisho ayaa madaxda sare ee dalka kala hadlaya sidii gacanta maamulkiisa loogu soo celin lahaa gobolka Gedo, waxaana wali socda kulamo arrintaasi la doonayo in xal looga gaaro.

Dhinaca kale magaalada Muqdisho waxaa soo gaaray madaxweyne kuxigeenka 1-aad ee Jubbaland Maxamuud Sayid Aadan oo qeyb ka ah kulamada xalka loogu raadinayo sidii Jubbaland gacantooda loogu soo celin lahaa gobolka Gedo.

Gobolka Gedo waxaa dhawwaan gaaray Senator Fartaag iyo xubno kale ay kamid ahaayeen wasiirkii h**e ee amniga Jubbaland Cabdirashiid Janan, waxaana safarkaasi ka carrooday maamulka Jubbaland oo u arka siyaasiyiintan in caqabad ku yihiin la wareegidooda Gedo.

Address

35 LAIDLEYS WALK
Fleetwood
FY77JL

Telephone

+252615141277

Website

http://Raaso24.com/

Alerts

Be the first to know and let us send you an email when Raaso24 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Raaso24:

Videos

( Daawo ) Ra’iisul Wasaaraha Xukumada Somalia Mudane Xamse Ayaa ka hadlayay wixii Magaalada Laascaanood ka dhacay Wuxuuna yiri :- “Shacabka aan u hubaysnayn oo dhagxaan wata, in hub iyo rasaas lala dhaco, oo la laayo wax la aqbali karro ma ahan, cid laga aqbali karo ma jirto”.

كلو عام وأنتم بخير

Maamulka Cusub Ee Dagmada Kaxda oo Bilaabay Ku Xad Gudubka Dadka Dagan Dagmadaasi Iyo Jirdil ey u Geesteen Haweendey Ciidamada Gudoomiyaha.....

Hambalyo Reer Raaso Meel walba ood Joogtaan Maantoo kale madaxaa Na Furan

DEG DEG: Ciidanka Ruushka Oo Dharbaaxyo Kulul lagula dhuftay Gudaha Magaalada Kharkiv gawaari laga gubay qaarna laga qabsaday

DEG DEG: Ciidanka Ruushka Oo Dharbaaxyo Kulul lagula dhuftay Gudaha Magaalada Kharkiv Xuquuqda codka iyo muuqaalka :- Radio Buulaxuubeey

Shiinaha oo daan-daansi dagaal ku bilaabay Taiwan , Dagaalkii Ukrain iyo Ruusha Wixii Ku soo Kordhay | Wararkii u dambeeyay.

Shiinaha oo daan-daansi dagaal ku bilaabay Taiwan , Dagaalkii Ukrain iyo Ruusha Wixii Ku soo Kordhay | Wararkii u dambeeyay. Xuquuqda Codka Iyo Muuqaalka By :- Khaalid Foodhaadhi