CNI URDU

CNI URDU UK Based Media Marketing news, advertising and event management services company in Birmingham.

13/02/2025

بریڈفورڈ میں سید افضال کاظمی کی جانب سے اسپنش کمیونٹی کے اعزاز میں عشائیہ، شہزادہ علی اکبرکے یوم پیدائش کا کیک بھی کاٹا گیا۔

بریڈفورڈ (سی این آئی ) بریڈفورڈ کے مقامی ریسٹورنٹ میں سید افضال کاظمی کی جانب سے اسپنش کمیونٹی کے اعزاز میں ایک پرتکلف عشائیہ منعقد کیا گیا، جس میں اسپین سے برطانیہ آنے والے مہمانوں نے بھرپور شرکت کی۔ اس پر وقار تقریب میں شہزادہ علی اکبر کے یومِ ولادت کے موقع پر کیک کاٹا گیا اور ان کی حیاتِ طیبہ پر روشنی ڈالی گئی۔

تقریب کے دوران معروف شخصیات نے خطاب کرتے ہوئے شہزادہ علی اکبر کے فضائل اور ان کی لازوال قربانیوں کا تذکرہ کیا۔ خطاب کرنے والوں میں مرزا مبین آف لیڈز، اسپین سے تشریف لائے سید فرخ عباس شاہ، سید امداد حسین شاہ کاظمی، سید وقار شاہ، راجہ غضنفر، راجہ امجد، ذوالفقار، ضیاء احمد اور دیگر معززین شامل تھے۔ مقررین نے اہل بیت اطہارؑ کی عظمت، شہزادہ علی اکبر کی سیرتِ مبارکہ اور ان کے اخلاق و کردار پر روشنی ڈالی اور اہل بیتؑ سے محبت و عقیدت کا اظہار کیا۔

تقریب میں شریک مہمانوں نے اس یادگار اجتماع کے انعقاد پر سید افضال کاظمی کا شکریہ ادا کیا اور اس عزم کا اظہار کیا کہ اہل بیتؑ کی محبت اور ان کی سیرت و تعلیمات کو فروغ دینے کا سلسلہ جاری رکھا جائے گا۔ اس بابرکت محفل کا اختتام دعا اور درود و سلام کے ساتھ کیا گیا۔اس محفل میں سپین سے برطانیہ آنے والوں کے مسائل پر بات چیت ہوئی جن کے حل کیلئے یکجہا ہو کر کوشش کرنے کی ضرورت پر زور دیا۔اختتام پر سید افضال شاہ کاظمی نے تمام مہمانوں کا شرکت کرنے پر شکریہ اداکیا۔

13/02/2025

برمنگھم کے بزنس مین وحید اختر کی جانب سے گلفام حسین اورصحافیوں کے اعزاز میں پرتکلف عشائیہ

برمنگھم (سی این آئی) برمنگھم کے معروف بزنس مین وحید اختر آف سورکھی کی جانب سے لندن سے آئے ہوئے گلفام حسین اور برمنگھم کےصحافیوں کے اعزاز میں ایک پرتکلف عشائیہ دیا گیا۔ یہ شاندار تقریب دیسی کھانوں کے مشہور مرکز روئیل کڑاہی اینڈ اسٹیک ہاؤس میں منعقد ہوئی، جس میں صحافی برادری اور معزز مہمانوں نے بھرپور شرکت کی۔

تقریب میں پاکستان پریس کلب یوکے مڈلینڈز کے صدر سید عابد کاظمی اور نائب صدر ابرار مغل نے بطورِ خاص شرکت کی۔ اس موقع پر وحید اختر نے صحافیوں کی خدمات کو سراہتے ہوئے کہا کہ “برمنگھم کے صحافی ہمارے ترجمان ہیں، ان کی بدولت ہماری پہچان ہے، اور ہم ان کی بے حد عزت کرتے ہیں۔”

عشائیے کے دوران شرکاء نے صحافت اور کمیونٹی کے مختلف امور پر تبادلہ خیال کیا اور صحافیوں کی خدمات کو خراج تحسین پیش کیا۔ تقریب میں موجود تمام مہمانوں نے وحید اختر کی اس کاوش کو سراہا اور کہا کہ اس طرح کی تقریبات صحافیوں اور کمیونٹی کے درمیان ہم آہنگی کو فروغ دیتی ہیں۔

عشائیہ میں معروف صحافیوں، کاروباری شخصیات، اور کمیونٹی رہنماؤں نےشرکت کی، جنہوں نے اس پرُخلوص دعوت کے انعقاد پر وحید اختر کا شکریہ ادا کیا۔

13/02/2025

“کم آمدنی والے گھرانوں کی مدد کے لیے £200 پاؤنڈز کی ایک وقتی ادائیگی کا اعلان کیاگیا”

لندن(سی این آئی)برطانیہ کی حکومت نے کم آمدنی والے گھرانوں کی مدد کے لیے £200 کی ایک وقتی ادائیگی کا اعلان کیا ہے، جو ضروری اخراجات جیسے خوراک، توانائی، اور دیگر لازمی ضروریات کو پورا کرنے میں معاون ہوگی۔ یہ ادائیگی ہاؤس ہولڈ سپورٹ فنڈ (Household Support Fund) کے تحت فراہم کی جا رہی ہے، جس کا مقصد معاشی مشکلات کا سامنا کرنے والے افراد کی مدد کرنا ہے۔

درخواست دہندہ کا برطانیہ میں رہائش پذیر ہونا ضروری ہے۔
درخواست دہندہ کو ضروری اخراجات پورا کرنے میں مالی مشکلات کا سامنا ہونا چاہیے۔
کچھ کونسلز نے مخصوص آمدنی کی حد مقرر کی ہے؛ مثال کے طور پر، ڈڈلی بورو (Dudley Borough) میں درخواست دہندہ کی گھریلو آمدنی £40,000 سالانہ سے کم ہونی چاہیے، جبکہ سنگل افراد کے لیے یہ حد £30,000 ہے۔
پہلے سے موصولہ امداد: اگر آپ نے پچھلے 12 ماہ میں اسی فنڈ سے £200 کی ادائیگی حاصل کی ہے، تو آپ دوبارہ درخواست دینے کے اہل نہیں ہوں گے۔

اپنی مقامی کونسل کی ویب سائٹ پر جائیں اور ہاؤس ہولڈ سپورٹ فنڈ کے متعلق معلومات حاصل کریں۔
آن لائن یا دستیاب فارم کو مکمل کریں، جس میں آپ کی ذاتی معلومات، مالی حالت، اور ضروری دستاویزات شامل ہوں۔
آمدنی کا ثبوت، بینک اسٹیٹمنٹ، اور رہائش کا ثبوت جیسے دستاویزات منسلک کریں۔
درخواست کو مقررہ آخری تاریخ سے پہلے جمع کروائیں۔

31 مارچ 2025 تک درخواستیں جمع کروائی جا سکتی ہیں۔
فنڈز محدود ہیں اور پہلے آئیں، پہلے پائیں کی بنیاد پر تقسیم کیے جائیں گے، اس لیے جلدی درخواست دینا بہتر ہے۔

یہ ادائیگی آپ کے موجودہ فوائد یا بینیفٹس پر اثر انداز نہیں ہوگی۔
ہر مقامی کونسل کے اہلیت کے معیار اور درخواست کے عمل میں فرق ہو سکتا ہے، اس لیے اپنی مقامی کونسل کی ویب سائٹ پر مخصوص معلومات حاصل کریں۔

مزید معلومات اور درخواست کے لیے، اپنی مقامی کونسلر سے رابطہ کریں

کی ویب سائٹ ملاحظہ کریں۔

12/02/2025

“صدر پیپلزپارٹی آزادکشمیر چوہدری محمد یاسین کا امریکہ میں دورے کے بعد برمنگھم میں سابق صدارتی مشیر کے گھر آمد پر صحافیوں سے گفتگو کے دوران دورے کی تفصیلات سے آگاہی دی”

برمنگھم (سی این آئی) صدر پاکستان پیپلز پارٹی آزادکشمیر و رکن قانون ساز اسمبلی چوہدری محمد یاسین نے کہا ہے کہ امریکی صدر ڈونلڈ ٹرمپ دنیا میں تنازعات کے حل اور قیام امن میں اہم کردار ادا کر سکتے ہیں۔ انہوں نے کہا کہ امریکہ میں ہونے والی نیشنل بگ بریکفاسٹ و دعائیہ تقریب میں صدر ٹرمپ کی افتتاحی تقریر اور چیئرمین بلاول بھٹو زرداری کی اختتامی تقریر پاکستان پیپلز پارٹی کی ایک بڑی کامیابی ہے۔

یہ بات انہوں نے امریکہ میں منعقدہ دعائیہ ناشتے میں شرکت کے بعد برطانیہ میں سابق صدارتی مشیر واجد علی برکی کے گھر ان کی ساس مرحومہ کی فاتحہ خوانی کے موقع پر صحافیوں سے گفتگو کرتے ہوئے کہی۔ اس موقع پر فوکل پرسن چوہدری شاہنواز، سابق صدارتی مشیر واجد علی برکی، چوہدری الیاس، نائب حسین مغل، منظور حسین گافہ سمیت دیگر رہنما بھی موجود تھے۔

چوہدری محمد یاسین نے کہا کہ واشنگٹن جیسے طاقتور ترین دارالحکومت میں اعلیٰ سطحی شخصیات سے ملاقاتوں کا موقع ملا، جس میں مسئلہ کشمیر کو بھرپور انداز میں اجاگر کیا گیا۔ انہوں نے کہا کہ بھارتی قابض افواج کے مظلوم کشمیریوں پر انسانیت سوز مظالم کے خلاف عالمی برادری کے ضمیر کو جھنجھوڑا گیا، جس کے بعد امریکی صدر کے قریبی ساتھی اور کانگریس کے رکن نے مقبوضہ کشمیر کی صورتحال جانچنے کے لیے ایک اعلیٰ سطحی فیکٹ فائنڈنگ وفد بھیجنے کا وعدہ کیا ہے۔

چوہدری یاسین نے مطالبہ کیا کہ یہ وفد دونوں اطراف کے کشمیر کا موازنہ کرے اور مقبوضہ کشمیر میں ہونے والی انسانی حقوق کی سنگین خلاف ورزیوں کا نوٹس لے۔ انہوں نے کہا کہ امریکی صدر ڈونلڈ ٹرمپ کے پاس امن کا داعی بننے کا نادر موقع ہے، اور اگر وہ دنیا میں امن قائم کرنے میں کامیاب ہو جاتے ہیں تو تاریخ میں ان کا نام ہمیشہ یاد رکھا جائے گا۔

انہوں نے میڈیا سے گفتگو کرتے ہوئے شہید کشمیر مقبول بٹ اور پروفیسر افضل گورو کو بھی خراج عقیدت پیش کیا اور کہا کہ کشمیری شہداء کی قربانیاں ضرور رنگ لائیں گی۔

چوہدری محمد یاسین نے مزید کہا کہ چیئرمین پیپلز پارٹی بلاول بھٹو زرداری نے دعائیہ ناشتے میں تاریخی خطاب کیا، جس پر وہ انہیں مبارکباد پیش کرتے ہیں۔ انہوں نے کہا کہ پیپلز پارٹی کے خلاف منفی پروپیگنڈہ کرنے والوں کی نیندیں حرام ہو چکی ہیں، اور مخالفین ہر محاذ پر ناکام ہوں گے۔

12/02/2025

صدر آزاد کشمیر بیرسٹر سلطان محمود چوہدری کے 15 فروری کو برمنگھم میں جلسہ عام کی تیاریاں عروج پر

برمنگھم (سی این آئی ) صدر حکومت آزاد ریاست جموں و کشمیر بیرسٹر سلطان محمود چوہدری کے 15 فروری کو برمنگھم میں ہونے والے تاریخی جلسہ عام کی تیاریاں زور و شور سے جاری ہیں۔ یہ جلسہ کشمیری قوم کے حقوق کے لیے ایک اہم سنگ میل ثابت ہوگا، جس میں تمام مکاتب فکر سے تعلق رکھنے والے افراد بھرپور شرکت کریں گے۔

گزشتہ روز صدارتی مشیر چوہدری خادم حسین نے اپنی رہائش گاہ پر اپنی ٹیم کے ہمراہ میڈیا نمائندگان سے گفتگو کرتے ہوئے جلسے کی تفصیلات سے آگاہ کیا۔ انہوں نے کہا کہ بیرسٹر سلطان محمود چوہدری کی کشمیر کاز کے لیے سیاسی جدوجہد کسی سے پوشیدہ نہیں، اور موجودہ حالات میں وہ کشمیری قوم کے حقیقی نمائندہ کے طور پر ابھرے ہیں۔ انہوں نے تمام کشمیری عوام سے اپیل کی کہ وہ یکجہتی کا مظاہرہ کرتے ہوئے اس تاریخی جلسے میں بھرپور شرکت کریں۔

چوہدری خادم حسین نے مزید کہا کہ جلسے میں شرکت کے لیے آنے والے معزز مہمانوں کو بروقت پہنچنے کی تاکید کی جا رہی ہے تاکہ ہال میں گنجائش کی کمی کی صورت میں دور دراز سے آنے والے شرکاء کو کسی قسم کی دشواری کا سامنا نہ کرنا پڑے۔

اس موقع پر انہوں نے تمام کشمیری عوام اور برطانیہ میں مقیم کمیونٹی سے درخواست کی کہ وہ جلسہ عام میں زیادہ سے زیادہ تعداد میں شریک ہو کر کشمیر کاز کے لیے یکجہتی کا اظہار کریں اور صدر آزاد کشمیر بیرسٹر سلطان محمود چوہدری کی قیادت پر اعتماد کا مظاہرہ کریں۔

یہ جلسہ کشمیری عوام کی تحریک آزادی کے لیے ایک مضبوط آواز ثابت ہوگا، جس میں سیاسی، سماجی اور کمیونٹی رہنماؤں سمیت مختلف شعبہ ہائے زندگی سے تعلق رکھنے والے افراد کی شرکت متوقع ہے۔

12/02/2025

برطانیہ کے خصوصی ویزا روٹ کے لیے درخواستیں طلب کی گئی ہیں۔
لندن (سی این آئی) برطانیہ اور بھارت کے درمیان نوجوان پیشہ ور افراد کے تبادلے کے لیے مخصوص UK-India Young Professionals Scheme (YPS) 2025 کا بیلٹ اگلے ہفتے کھلنے جا رہا ہے۔ یہ اسکیم 18 سے 30 سال کی عمر کے بھارتی شہریوں کو برطانیہ میں دو سال تک رہنے، مطالعہ کرنے، کام کرنے اور سفر کرنے کا منفرد موقع فراہم کرتی ہے۔

برطانوی حکومت کے مطابق، بھارتی شہریوں کو 18 فروری سے 20 فروری تک GOV.UK ویب سائٹ پر بیلٹ میں اندراج کرنا ہوگا۔ کامیاب درخواست گزاروں کا انتخاب بے ترتیب قرعہ اندازی کے ذریعے کیا جائے گا، اور بیلٹ میں داخل ہونے کے لیے کسی قسم کی فیس ادا کرنے کی ضرورت نہیں ہوگی۔

YPS بیلٹ میں شامل ہونے کے لیے درخواست دہندگان کو درج ذیل شرائط پوری کرنی ہوں گی:
• کم از کم 18 سال کی عمر (جس تاریخ پر وہ برطانیہ جانے کا ارادہ رکھتے ہیں)
• UK بیچلر ڈگری یا اس سے اوپر کی تعلیمی قابلیت
• برطانیہ میں اپنے اخراجات پورے کرنے کے لیے کم از کم £2,530 کی سیونگز کا ثبوت

برطانوی ہائی کمشنر لنڈی کیمرون نے اس اسکیم کو ایک شاندار موقع قرار دیتے ہوئے کہا،
“ینگ پروفیشنلز اسکیم برطانوی اور بھارتی شہریوں کے لیے ایک جدید اور متحرک پلیٹ فارم فراہم کرتی ہے۔ میں پورے بھارت کے نوجوانوں کو اس میں شرکت کے لیے حوصلہ افزائی کرتی ہوں، چاہے وہ ایٹا نگر، کوئمبٹور، لیہہ، سورت، بھونیشور یا اندور سے ہوں۔”

یہ اسکیم فروری 2023 میں شروع کی گئی تھی اور اس کا مقصد برطانوی اور بھارتی نوجوانوں کو دوسرے ملک میں کام کرنے اور زندگی گزارنے کے تجربے سے روشناس کرانا ہے۔ بیلٹ کے آغاز اور دیگر تفصیلات کے لیے GOV.UK ویب سائٹ پر مزید معلومات دستیاب ہوں گی۔

یہ اسکیم نہ صرف پیشہ ورانہ ترقی کے مواقع فراہم کرتی ہے بلکہ دونوں ممالک کے درمیان ثقافتی تبادلے اور باہمی تعلقات کو بھی فروغ دیتی ہے۔

11/02/2025

برمنگھم میں شوکت خانم ہسپتال کراچی کے لیے فنڈریزنگ ایونٹ، مخیر حضرات کی بھرپور شرکت

برمنگھم (سی این آئی )مقامی ہال میں شوکت خانم کینسر ہسپتال کراچی کی تعمیر کے لیے ایک شاندار فنڈریزنگ ایونٹ کا انعقاد کیا گیا، جس میں برطانیہ بھر سے مخیر خواتین و حضرات نے بڑی تعداد میں شرکت کی۔ ایونٹ میں پاکستان کی معروف اداکارہ حریم فاروق نے بطور ایمبسڈر شرکت کی، جبکہ قلندر قوال گروپ نے اپنی روح پرور لائیو پرفارمنس سے شرکاء کو محظوظ کیا۔

پروگرام کا آغاز تلاوتِ قرآن پاک سے کیا گیا، جبکہ میزبانی کے فرائض عاطف نواز نے انجام دیے۔ شوکت خانم ہسپتال کے ایمبسڈر حریم فاروق نے ڈاکٹر عاصم یوسف کے ہمراہ انسانیت کی خدمت میں نمایاں کردار ادا کرنے والی شخصیات زاہد بھٹی، فہیم بھٹی، روبینہ خان اور دیگر کو اعزازی شیلڈز پیش کیں۔

ایونٹ کے دوران شوکت خانم ہسپتال کے نمائندہ ڈاکٹر عاصم یوسف نے بریفنگ دیتے ہوئے کہا کہ ہمارے بانی عمران خان کے وژن اور ابتدائی عطیہ دہندگان کے عزم کی بدولت 29 دسمبر 1994 کو لاہور میں پہلے شوکت خانم ہسپتال کا آغاز کیا گیا، جو پاکستان میں کینسر کے جدید علاج کی اولین سہولت تھی۔ آج، یہ ہسپتال لاکھوں مریضوں کے لیے امید کی کرن ہے۔

انہوں نے مزید کہا کہ پاکستان میں 75% مریضوں کو مفت علاج فراہم کیا جاتا ہے، جو عوام کے تعاون کے بغیر ممکن نہیں۔ لاہور کے بعد 2015 میں پشاور میں دوسرے ہسپتال کا قیام عمل میں آیا، اور اب کراچی میں نئے ہسپتال کی تعمیر جاری ہے، جس کے لیے مزید فنڈز درکار ہیں۔

ایونٹ کے دوران حریم فاروق، کرسٹینا بیکر اور ڈاکٹر عاصم یوسف نے سی این آئی نیوز سےخصوصی گفتگو کرتے ہوئے کہاکہ اب کراچی میں شوکت خانم ہسپتال کی تکمیل کے لیے آپ کے تعاون کی اشد ضرورت ہے۔ یہ ہسپتال پاکستان کے لاکھوں کینسر کے مریضوں کے لیے امید کی کرن ثابت ہوگا۔۔۔۔۔۔ساٹس
یہ فنڈریزنگ ایونٹ برمنگھم میں بسنے والے پاکستانی کمیونٹی کے جذبۂ خدمت کا منہ بولتا ثبوت ہے۔ مخیر حضرات کی بھرپور شرکت نے ثابت کیا کہ وہ کینسر کے مریضوں کے علاج کے لیے ہر ممکن مدد فراہم کرنے کو تیار ہیں۔

قلندر گروپ کی لائیو پرفارمنس نے شرکاء کو خوب محظوظ کیا۔۔۔

شرکاء نے ہسپتال کی تعمیر کے لیے مزید عطیات دینے کا عزم ظاہر کیا، تاکہ کراچی میں جلد از جلد شوکت خانم ہسپتال کی تکمیل ممکن ہو سکے۔

11/02/2025

مڈلینڈز میں غیر قانونی کام کرنے والے 100 سے زائد تارکین وطن گرفتار

برمنگھم (سی این آئی) برطانیہ میں غیر قانونی کام کرنے والوں کے خلاف جاری کریک ڈاؤن کے تحت مڈلینڈز میں جنوری کے دوران 131 مقامات پر چھاپے مارے گئے، جن میں 106 افراد کو گرفتار کیا گیا۔ ہوم آفس کے مطابق، یہ گرفتاریاں گزشتہ سال کے اسی مہینے کے مقابلے میں 34 فیصد زیادہ ہیں۔

برطانیہ بھر میں مجموعی طور پر 828 جگہوں پر چھاپے مارے گئے، جن میں کیل بارز، کار واش، ریستوران، ٹیک اویز اور کیفے شامل تھے۔ ان کارروائیوں میں 609 افراد کو حراست میں لیا گیا، جو کہ 2024 کے مقابلے میں 73 فیصد اضافہ ہے۔

ہوم آفس کی وزیر، ڈیم انجیلا ایگل نے کہا کہ حکومت “عملی اقدامات کے ساتھ ساتھ ایک واضح پیغام” بھی دینا چاہتی ہے، اسی لیے کچھ چھاپوں کی فوٹیج بھی جاری کی گئی ہے۔

حکام کے مطابق، اگر کوئی آجر غیر قانونی طور پر تارکین وطن کو ملازمت دیتے ہوئے پایا گیا تو اسے فی کارکن £60,000 تک جرمانہ ادا کرنا پڑ سکتا ہے۔

حکومت آج بارڈر سیکیورٹی، اسائلم اور امیگریشن بل پر ہاؤس آف کامنز میں بحث کرے گی۔ اس بل کے تحت نئے جرائم متعارف کرائے جائیں گے اور انسداد دہشت گردی جیسے اختیارات دیے جائیں گے تاکہ انگلش چینل کے راستے غیر قانونی طور پر تارکین وطن کو برطانیہ لانے والے اسمگلروں کے خلاف کارروائی کی جا سکے۔

تاہم، شیڈو ہوم سیکریٹری کرس فلپ نے اس قانون سازی پر تنقید کرتے ہوئے اسے ایک “کمزور بل” قرار دیا، جو ان کے بقول، “کشتیوں کو نہیں روکے گا”۔

یہ کریک ڈاؤن حکومت کی جانب سے برطانیہ میں غیر قانونی امیگریشن کو روکنے کے لیے کیے جانے والے سخت اقدام کا حصہ ہے، جن کے تحت مستقبل میں مزید چھاپے اور کارروائیاں متوقع ہیں۔

11/02/2025

سابق آزاد کشمیر کے صدارتی مشیر واجد علی برکی کی ساس کی فاتحہ خوانی

برمنگھم (سی این آئی) سابق آزاد کشمیر کے صدارتی مشیر واجد علی برکی کی ساس محترمہ کی روح کے ایصالِ ثواب کے لیے فاتحہ خوانی انکی رہاشگاہ پر کی گئی ،جس میں مختلف شعبہ ہائے زندگی سے تعلق رکھنے والی شخصیات نے شرکت کی۔

صدر پاکستان پریس کلب یوکے مڈلینڈز سید عابد کاظمی، ممبر پریس کلب اور براڈکاسٹ جرنلسٹ قمر عباس کاظمی سمیت دیگر دوست احباب بھی اس موقع پر موجود تھے۔ شرکاء نے مرحومہ کی مغفرت اور بلند درجات کے لیے خصوصی دعا کی اور اہلِ خانہ سے دلی تعزیت کا اظہار کیا۔

اس موقع پر مقررین نے مرحومہ کی خاندانی وسماجی خدمات کو خراجِ تحسین پیش کرتے ہوئے ان کے خاندان کے لیے صبرِ جمیل کی دعا کی۔ محفل میں شریک افراد نے اس موقع پر اظہارِ خیال کرتے ہوئے کہا کہ مرحومہ ایک نیک سیرت اور خداترس خاتون تھیں، جن کی خدمات کو ہمیشہ یاد رکھا جائے گا۔

تقریب کے دوران لی گئی تصاویر میں شرکاء کو اجتماعی دعا میں مشغول دیکھا جا سکتا ہے، جہاں سب نے انتہائی عقیدت اور احترام کے ساتھ مرحومہ کے ایصالِ ثواب کے لیے فاتحہ خوانی کی۔

09/02/2025

برطانیہ میں فضائی آلودگی سے پھیپھڑوں کے کینسر میں اضافہ، سالانہ 1100 افراد متاثر

لندن (CNI نیوز) برطانیہ میں فضائی آلودگی کے باعث پھیپھڑوں کے کینسر میں خطرناک حد تک اضافہ ہو رہا ہے۔ ایک برطانوی اخبار کی رپورٹ کے مطابق 2022 میں 1100 افراد زہریلی ہوا کے باعث اس مہلک مرض میں مبتلا ہوئے، جن میں 515 مرد اور 590 خواتین شامل ہیں۔

ماہرین کے مطابق برطانیہ میں ہوا میں موجود زہریلے مادے فن لینڈ کے مقابلے میں چار گنا زیادہ ہیں، جس کی وجہ سے یہاں کینسر کی شرح میں تیزی سے اضافہ ہو رہا ہے۔ فضائی آلودگی میں موجود مضر صحت ذرات نہ صرف پھیپھڑوں کے کینسر بلکہ دیگر سانس کی بیماریوں کا بھی سبب بن رہے ہیں۔

ماحولیاتی ماہرین اور صحت کے شعبے سے وابستہ افراد نے حکومت سے مطالبہ کیا ہے کہ فضائی آلودگی پر قابو پانے کے لیے فوری اور مؤثر اقدامات کیے جائیں، بصورتِ دیگر آئندہ برسوں میں یہ تعداد مزید بڑھنے کا خدشہ ہے۔

ماہرین کے مطابق ٹریفک کی آلودگی، صنعتی دھواں، اور شہروں میں بڑھتی ہوئی آلودگی اس صورتحال کو مزید سنگین بنا رہی ہے۔ اگر حکومت نے سخت پالیسیاں نہ اپنائیں تو برطانیہ میں اموات کی شرح میں نمایاں اضافہ ہو سکتا ہے۔

ماحولیاتی ماہرین کا کہنا ہے کہ ہوا کے معیار کو بہتر بنانے کے لیے پبلک ٹرانسپورٹ کا فروغ، فیکٹریوں کے اخراج پر سخت قوانین، اور شہریوں میں شعور اجاگر کرنا انتہائی ضروری ہے تاکہ آنے والی نسلوں کو ایک صاف اور محفوظ ماحول فراہم کیا جا سکے۔

09/02/2025

برمنگھم میں تحریک انصاف برطانیہ غلامی نامنظور گروپ کا یوم سیاہ پر احتجاجی مظاہرہ

برمنگھم(سی این آئی)تحریک انصاف برطانیہ غلامی نامنظور گروپ کی جانب سے پاکستان قونصلیٹ برمنگھم کے باہر یوم سیاہ کے موقع پر ایک بھرپور احتجاجی مظاہرہ کیا گیا، جس میں کارکنان نے چوری شدہ مینڈیٹ کی واپسی اور قانون کی حکمرانی کے حق میں آواز بلند کی۔

ڈیجیٹل وین کے ذریعے انسانی حقوق کی خلاف ورزیوں کو اجاگر کیا گیا

احتجاجی مظاہرے سے ایک روز قبل، ایک ڈیجیٹل وین چلائی گئی، جس پر تحریک انصاف کے کارکنان کے ساتھ ہونے والی انسانی حقوق کی خلاف ورزیوں کی ویڈیوز دکھائی گئیں۔ اس اقدام کا مقصد بین الاقوامی سطح پر پاکستانی سیاست میں ہونے والی مبینہ ناانصافیوں کو نمایاں کرنا تھا۔

مظاہرین کا جوش و خروش— سخت سردی اور بارش بھی حوصلے پست نہ کر سکی

شدید سردی اور بارش کے باوجود، مظاہرین نے تحریک انصاف کے جھنڈے اور پلے کارڈز اٹھا رکھے تھے، جن پر درج تھا:
•ہمارا چوری شدہ مینڈیٹ واپس کرو
• قانون کی بالادستی بحال کرو
• انسانی حقوق کی خلاف ورزی بند کرو

احتجاجی مظاہرے میں آرگنائزر انعام الحق نامی ، ظفر انور، عمران خلیل، گلفام حسین سمیت متعدد رہنماؤں نے شرکت کی، جبکہ پاکستان کے شہر جہلم سے آئے ہوئے ایم پی اے نے بھی مظاہرین سے خطاب کیا۔ مقررین نے حکومت پاکستان سے جمہوری اصولوں کی بحالی، شفاف انتخابات، اور عوامی مینڈیٹ کی واپسی کا مطالبہ کیا۔

مقررین کا کہنا تھا کہ پاکستان میں جمہوریت کی بحالی اور عوام کے بنیادی حقوق کی حفاظت وقت کی ضرورت ہے۔ انہوں نے عالمی برادری سے بھی مطالبہ کیا کہ وہ پاکستان میں انسانی حقوق کی خلاف ورزیوں اور جمہوری اقدار کی پامالی کا نوٹس لے۔

یہ مظاہرہ برمنگھم میں مقیم پاکستانی کمیونٹی کے بڑھتے ہوئے سیاسی شعور اور پاکستان میں آئینی حقوق کی بحالی کے لیے ان کے عزم کو ظاہر کرتا ہے۔

09/02/2025

ساؤتھ اینڈ سٹی کالج برمنگھم میں شاندار کمیونٹی ایونٹ، مختلف شعبہ جات کی بھرپور شرکت

برمنگھم(سی این آئی )ساؤتھ اینڈ سٹی کالج برمنگھم (SCCB) نے گزشتہ شب ایک شاندار کمیونٹی ایونٹ کا انعقاد کیا، جس میں مختلف شعبہ ہائے زندگی سے تعلق رکھنے والے افراد نے بھرپور شرکت کی۔ یہ تقریب کالج کی کمیونٹی کے ساتھ مضبوط وابستگی کو اجاگر کرنے کے لیے منعقد کی گئی، جہاں تعلیم، کھیل، کاروبار، صحت، قانون نافذ کرنے والے اداروں اور دیگر اہم شعبوں کے نمائندے موجود تھے۔

ایونٹ میں برمنگھم یونیورسٹی، برمنگھم سٹی فٹ بال کلب، مقامی کاروباری ادارے، مقامی کمیونٹی، مقامی میڈیا، NHS، Asda، ویسٹ مڈلینڈز پولیس، Crimestoppers اور ملٹی فیتھ گروپس کے نمائندوں نے شرکت کی۔ شرکاء نے SCCB کی کمیونٹی کے لیے کی جانے والی کاوشوں کو بے حد سراہا اور اس بات پر زور دیا کہ کالج اپنی سماجی خدمات اور تعلیمی معیار کی بدولت دیگر تعلیمی اداروں سے ایک منفرد مقام رکھتا ہے۔

کالج کے پرنسپل مائیک ہاپکنز نے اپنے خطاب میں SCCB کے مشن پر روشنی ڈالتے ہوئے کہا کہ کالج نہ صرف معیاری تعلیم کی فراہمی میں پیش پیش ہے بلکہ کمیونٹی کی فلاح و بہبود کے لیے بھی اہم کردار ادا کر رہا ہے۔ انہوں نے اس عزم کا اظہار کیا کہ SCCB ہمیشہ کمیونٹی کے ساتھ جڑا رہے گا اور اس طرح کے مزید مثبت اور تعمیری اقدامات جاری رکھے گا۔

تقریب کے موقع پر کالج کے کمیونٹی رابطہ آفیسر محمد غفران، وائس پرنسپل اور دیگر شرکاء نے سی این آئی نیوز اور 92 نیوز سے گفتگو کرتے ہوئے کہا کہ یہ ایونٹ کمیونٹی کو جوڑنے کا ایک بہترین موقع ہے۔ ان کا کہنا تھا کہ SCCB مستقبل میں بھی اسی طرح کی تقریبات کا انعقاد کرتا رہے گا تاکہ مختلف ادارے اور افراد آپس میں مل کر کمیونٹی کی ترقی کے لیے کام کر سکیں۔

تقریب میں شریک مہمانوں نے بھی اپنے خیالات کا اظہار کرتے ہوئے کہا کہ وہ ہر سال اس تقریب میں شرکت کو اپنی ڈائری کا اہم حصہ سمجھتے ہیں، کیونکہ یہ انہیں کمیونٹی کے ساتھ جُڑے رہنے اور مختلف طبقات کے ساتھ نیٹ ورکنگ کا موقع فراہم کرتی ہے۔

یہ ایونٹ نہ صرف ایک کامیاب نیٹ ورکنگ پلیٹ فارم ثابت ہوا بلکہ اس نے ساؤتھ اینڈ سٹی کالج اور کمیونٹی کے درمیان ایک مضبوط شراکت داری کو مزید تقویت دی، جس سے مستقبل میں بھی تعاون اور ترقی کے نئے دروازے کھلیں گے۔

07/02/2025

پاکستان پریس کلب یوکے کے زیر اہتمام لوٹن میں پیکا ترمیمی آرڈیننس کے خلاف احتجاجی مظاہرہ

لوٹن (سی این آئی ) پاکستان پریس کلب یوکے کے زیر اہتمام لوٹن میں آزادیٔ اظہارِ رائے کے خلاف متنازعہ حکومتی پیکا ترمیمی بل کے خلاف احتجاجی مظاہرہ کیا گیا، جس میں صحافی برادری، انسانی حقوق کے نمائندے اور کمیونٹی رہنماؤں نے بھرپور شرکت کی۔ مظاہرے کے دوران پاکستان فیڈرل یونین آف جرنلسٹس اور دیگر تمام صحافتی تنظیموں کے ساتھ مکمل اظہارِ یکجہتی کرتے ہوئے اس قانون کو کالا قانون قرار دیا گیا اور حکومت سے مطالبہ کیا گیا کہ پیکا ترمیمی آرڈیننس کو فوری طور پر واپس لیا جائے۔

احتجاجی مظاہرے میں پاکستان پریس کلب کے سابق صدر شیراز خان، نائب صدر اسرار راجہ، مقامی برانچ کے صدر اسرار خان، احتشام الحق قریشی، سردار آصف شریف اور دیگر نمایاں شخصیات نے شرکت کی۔ مقررین نے خطاب کرتے ہوئے کہا کہ پاکستان کے آئین میں جمہوری نظام کے تحت آزادیٔ اظہارِ رائے کو بنیادی حق تسلیم کیا گیا ہے، اور میڈیا و سوشل میڈیا پر نئی پابندیاں عائد کرنے کا مقصد ملک میں انسانی حقوق کی خلاف ورزیوں پر زبان بندی کرنا ہے۔

سابق صدر پاکستان پریس کلب شیراز خان نے اپنے خطاب میں کہا کہ آزادیٔ صحافت کسی بھی جمہوری ملک کی پہچان ہوتی ہے، اور حکومت کو میڈیا پر قدغن لگانے کے بجائے آزادیٔ رائے کے فروغ کے لیے اقدامات کرنے چاہئیں۔ انہوں نے کہا کہ صحافی برادری کسی بھی قسم کی پابندیوں کو قبول نہیں کرے گی اور اس کالے قانون کے خلاف ہر فورم پر آواز بلند کرے گی۔

اس موقع پر انسانی حقوق کے نمائندے اور کمیونٹی رہنما بھی موجود تھے، جنہوں نے پیکا قوانین کو بنیادی انسانی حقوق کے خلاف قرار دیتے ہوئے حکومت پاکستان سے مطالبہ کیا کہ وہ فوری طور پر اس متنازعہ قانون کو واپس لے۔

بعد ازاں، پاکستان پریس کلب یوکے کے نمائندوں نے پاکستان کے ہائی کمشنر ڈاکٹر فیصل سے ملاقات کی اور انہیں پیکا آرڈیننس پر اپنے تحفظات سے آگاہ کیا۔ پاکستان پریس کلب کے وفد نے واضح کیا کہ آزادیٔ صحافت پر قدغن کسی صورت برداشت نہیں کی جائے گی اور اگر یہ قانون واپس نہ لیا گیا تو احتجاج کا دائرہ مزید وسیع کیا جائے گا۔

06/02/2025

چوہدری واجد علی برکی کی خالہ اور ساس منیر بیگم انتقال کر گئیں

بریڈفورڈ(سی این آئی نیوز) سابق مشیر صدر آزاد کشمیر اور پارلیمانی امیدوار یوکے چوہدری واجد علی برکی کی خالہ اور ساس محترمہ منیر بیگم رضائے الٰہی سے وفات پا گئی ہیں۔ ان کے انتقال کی خبر سن کر عزیز و اقارب سمیت سماجی و سیاسی حلقوں میں گہرے رنج و غم کا اظہار کیا جا رہا ہے۔

مرحومہ کی نماز جنازہ 6 فروری 2025 بروز منگل شام 5 بجے جے ٹی آئی وکٹوریہ اسٹریٹ مسجد، بریڈ فورڈ (BD9 4RA) میں ادا کی جائے گی۔

خاندان کے افراد، عزیز و اقارب، دوست احباب، سیاسی و سماجی رہنما اور عوام الناس سے نماز جنازہ میں شرکت کی درخواست کی جاتی ہے۔
مختلف سیاسی و سماجی رہنماؤں نے چوہدری واجد علی برکی اور ان کے اہل خانہ سے تعزیت کا اظہار کیا ہے۔

اللہ تعالیٰ مرحومہ کی مغفرت فرمائے، ان کے درجات بلند کرے اور انہیں جنت الفردوس میں اعلیٰ مقام عطا فرمائے۔ آمین۔

ادارہ سی این آئی نیوز نیٹ ورک کی جانب سے بھی چوہدری واجد علی برکی اور ان کے اہل خانہ سے دلی تعزیت کا اظہار کیا گیا ہے۔

06/02/2025

برمنگھم میں آل پارٹیز کشمیر رابطہ کمیٹی کے زیر اہتمام یومِ یکجہتی کشمیر کی تقریب، کشمیری عوام سے اظہارِ یکجہتی

برمنگھم (سی این آئی ) برطانیہ کے شہر برمنگھم میں آل پارٹیز کشمیر رابطہ کمیٹی کے زیر اہتمام یومِ یکجہتی کشمیر کے موقع پر ایک پروقار تقریب کا انعقاد کیا گیا، جس میں مختلف سیاسی، مذہبی جماعتوں کے رہنماؤں، کمیونٹی لیڈرز، خواتین اور شہریوں نے بھرپور شرکت کی۔ شرکاء نے کشمیر کی آزادی کے حق میں آواز بلند کرتے ہوئے بھارتی مظالم کی مذمت کی اور کشمیری عوام کے ساتھ یکجہتی کا اظہار کیا۔

تقریب سے خطاب کرتے ہوئے صدر آل پارٹیز کشمیر رابطہ کمیٹی فہیم کیانی، کشمیری رہنما ڈاکٹر ظفر اقبال، محمد غالب، انعام الحق نامی اور دیگر مقررین نے پانچ فروری کو کشمیری عوام کے لیے مختص کرنے پر پاکستانی عوام کا شکریہ ادا کیا۔ ان کا کہنا تھا کہ پاکستانی عوام اور اوورسیز کشمیری ہر سال یومِ یکجہتی کشمیر کو بھرپور انداز میں منا کر دنیا کو یہ پیغام دیتے ہیں کہ کشمیری عوام تنہا نہیں۔

رہنماؤں نے کہا کہ بھارت کے غیر قانونی قبضے اور کشمیریوں پر ڈھائے جانے والے مظالم کو ہر فورم پر بے نقاب کیا جائے گا۔ ان کا کہنا تھا کہ کشمیر کی آزادی کی جدوجہد اقوامِ متحدہ کی قراردادوں کے مطابق جاری رہے گی اور دنیا بھر میں کشمیری عوام کے حقِ خودارادیت کے لیے آواز بلند کی جاتی رہے گی۔

مقررین نے برطانیہ میں مقیم کشمیری کمیونٹی پر زور دیا کہ وہ اپنے حقوق اور کشمیری عوام کے لیے متحرک کردار ادا کریں اور برطانوی سیاسی حلقوں کو مسئلہ کشمیر کی سنگینی سے آگاہ کریں۔

تقریب کے شرکاء نے اس عزم کا اظہار کیا کہ وہ کشمیری بھائیوں کے ساتھ کھڑے ہیں اور ان کی آزادی تک اپنی جدوجہد جاری رکھیں گے۔ اختتام پر شہداء کشمیر کے لیے دعا کی گئی اور بھارتی مظالم کے خلاف احتجاجی نعرے بلند کیے گئے۔

یہ تقریب برمنگھم میں کشمیریوں کے ساتھ اظہار یکجہتی کی ایک اہم کاوش تھی، جس میں مختلف مکاتب فکر کے افراد نے شرکت کرکے یکجہتی کا عملی مظاہرہ کیا۔
تقریب کے آخر میں علامہ فضل احمد قادری نے کشمیر کی آزادی اور امت مسلمہ کی سلامتی کیلئے دعاء بھی کروائی

04/02/2025

برمنگھم میں پاکستانی ڈاکٹروں کے اعزاز میں فیملی ڈنر، تنظیمی انتخابات کے امیدواروں کا تعارف

برمنگھم (سی این آئی) ویسٹ مڈلینڈز کے ایک مقامی ریسٹورنٹ میں پاکستانی ڈاکٹروں کے اعزاز میں ایک شاندار فیملی ڈنر کا انعقاد کیا گیا، جس میں مختلف شہروں سے تعلق رکھنے والے 100 سے زائد پاکستانی ڈاکٹروں نے شرکت کی۔ یہ اپنی نوعیت کا پہلا اجتماع تھا جس میں پاکستان کے مختلف کالجز سے وابستہ ماہرین تعلیم اور میڈیکل پروفیشنلز کو ایک چھت تلے اکٹھا ہونے اور باہمی تبادلہ خیال کا موقع ملا۔

تقریب کے دوران معروف پاکستانی ڈاکٹر محبوب مرزا نے برطانیہ میں پاکستانی ڈاکٹروں کی نمائندہ تنظیم “اپنے” (APPNE) کے آئندہ انتخابات کے امیدواروں کا تعارف کرایا۔ صدارتی امیدوار کے طور پر ڈاکٹر شبی احمد، جنرل سیکرٹری کے لیے ڈاکٹر عمارہ سہیل، جبکہ خزانچی کے عہدے کے لیے ڈاکٹر عادل کریم کو نامزد کیا گیا۔

اجلاس میں برطانیہ میں مقیم پاکستانی ڈاکٹروں کے مسائل، ان کے مستقبل اور فلاح و بہبود کے حوالے سے تفصیلی گفتگو کی گئی۔ مقررین نے زور دیا کہ پاکستانی ڈاکٹرز کو تنظیم کی ممبرشپ حاصل کرنی چاہیے تاکہ نئے آنے والے ڈاکٹروں کی راہنمائی بہتر طریقے سے کی جا سکے اور انہیں درپیش چیلنجز کا مؤثر حل تلاش کیا جا سکے۔

اس موقع پر شرکا نے سی این آئی نیوز سے بات چیت کرتے ہوئے بتایا کہ اس وقت برطانیہ میں تقریباً 20 ہزار پاکستانی ڈاکٹرز خدمات انجام دے رہے ہیں اور ان کے حقوق کے تحفظ کے لیے تنظیمی انتخابات کا انعقاد نہایت اہمیت کا حامل ہے۔

تقریب کے اختتام پر شرکا نے منتظمین کا شکریہ ادا کیا اور اس عزم کا اظہار کیا کہ پاکستانی ڈاکٹروں کے درمیان اتحاد اور یکجہتی کو فروغ دینے کے لیے مستقبل میں بھی ایسے اجتماعات کا انعقاد کیا جائے گا۔

04/02/2025

سابق وزیراعظم عمران خان کی جانب سے چیف آف آرمی سٹاف کے نام کھلا خط۔۔

‏“فوج بھی میری ہے اور ملک بھی میرا ہے!!
‏ہمارے فوجی پاکستان کے لیے قربانیاں دے رہے ہیں۔ دہشتگردی کے خلاف جنگ میں کامیابی کے لیے ضروری ہے کہ قوم فوج کے پیچھے کھڑی ہو لیکن افسوسناک امر ہے کہ اسٹیبلشمنٹ کی پالیسیوں کی وجہ سے فوج اور عوام میں خلیج دن بدن بڑھتی جا رہی ہے۔

‏اس کی کچھ بنیادی وجوہات ہیں جن کو مد نظر رکھتے ہوئے اسٹیبلشمنٹ کو اپنی پالیسیوں پر نظرثانی کرنے کی ضرورت ہے تا کہ عوام اور فوج کے درمیان بڑھتے ہوئے فاصلے اور فوج کی بدنامی کو کم کیا جا سکے۔

‏سب سے بڑی وجہ 2024 کے انتخابات میں تاریخی دھاندلی اور عوامی مینڈیٹ کی سر عام چوری ہے جس نے عوام کے غصے کو ابھارا ہے۔ جس انداز میں ایجنسیاں پری پول دھاندلی اور نتائج کنٹرول کرنے کے لیے سیاسی انجینئرنگ میں ملوث رہیں اس نے قوم کے اعتماد کو شدید ٹھیس پہنچائی ہے۔ صرف 17 نشستیں جیتنے والی پارٹی کو اقتدار دے کر “اردلی حکومت” ملک پر مسلط کر دی گئی-

‏دوسری وجہ چھبیسویں آئینی ترمیم ہے۔ جس طرح چھبیسویں آئینی ترمیم کے ذریعے عدلیہ کو کنٹرول کرنے کی غرض سے ملک میں آئین اور قانون کی دھجیاں اڑائی گئی ہیں اس کے خلاف پاکستانی عوام میں شدید نفرت پائی جا رہی ہے۔ میرے مقدمات "پاکٹ ججز" کے پاس لگانے کے لیے ناصر جاوید رانا نے فیصلے کو ملتوی کیا۔ عدالتوں میں جاری "کورٹ پیکنگ" کا مقصد یہی ہے کہ عمران خان کے خلاف مقدمات من پسند ججز کے پاس لگا کر اپنی مرضی کے فیصلے لیے جا سکیں۔ اس سب کا مقصد میرے خلاف مقدمات میں من پسند فیصلے، انسانی حقوق کی پامالی اور انتخابی فراڈ کی پردہ پوشی ہے تا کہ عدلیہ میں کوئی شفاف فیصلے دینے والا نہ ہو۔

‏تیسری وجہ "پیکا" جیسا کالا قانون ہے۔ الیکٹرانک میڈیا پر پہلے ہی قبضہ کیا جا چکا ہے، اب پیکا کی صورت میں سوشل میڈیا اور انٹرنیٹ پر بھی قدغن لگا دی گئی ہے۔ اس سب کی وجہ سے پاکستان کا جی ایس پی پلس سٹیٹس بھی خطرے میں ہے۔ انٹرنیٹ میں خلل کی وجہ سے ہماری آئی ٹی انڈسٹری کو 1.72 بلین ڈالر سے زائد کا نقصان ہو چکا ہے اور نوجوانوں کا کیرئیر تباہ ہو رہا ہے۔

‏چوتھی اہم وجہ ملک کی سب سے بڑی اور مقبول جماعت پر ریاستی دہشتگردی کا سلسلہ مسلسل جاری ہے۔ ہمارے لیڈران اور کارکنان کی چادر چار دیواری کا تقدس پامال کرتے ہوئے ایک لاکھ سے زائد چھاپے مارے گئے، 20 ہزار سے زائد ورکرز اور سپورٹرز کی گرفتاریاں کی گئیں، انہیں اغوا کیا گیا، لوگوں کے خاندانوں کو ہراساں کیا گیا اور تحریک انصاف کو کچلنے کی غرض سے مسلسل انسانی حقوق کی پامالی کی جا رہی ہے جس نے عوامی جذبات کو مجروح کیا ہے۔

‏پانچویں بڑی وجہ ملک میں سیاسی عدم استحکام کی بدولت معیشت کا برا حال ہے جس نے عوام کو مجبور کر دیا ہے اور وہ پاکستان چھوڑ کر اپنے سرمائے سمیت تیزی سے بیرون ملک منتقل ہو رہے ہیں۔ معاشی عدم استحکام اپنی انتہا پر ہے۔ گروتھ ریٹ صفر ہے اور پاکستان میں سرمایہ کاری نہ ہونے کے برابر ہے۔ کسی بھی ملک میں قانون کی حکمرانی اور عدل کے بغیر سرمایہ کاری ممکن نہیں ہوتی۔ جہاں دہشتگردی کا خوف ہو وہاں کوئی سرمایہ کاری کرنے کو تیار نہیں ہوتا۔ سرمایہ کاری صرف تب آتی ہے جب ملک میں عوامی امنگوں کی ترجمان حکومت قائم ہو اس کے علاوہ سب کلیے بے کار ہیں۔

‏چھٹی بڑی وجہ تمام اداروں کا اپنے فرائض چھوڑ کر سیاسی انتقام کی غرض سے تحریک انصاف کو کچلنے کا کام کرنا ہے۔ میجر، کرنل سطح کے افراد کی جانب سے عدالتی احکامات کی دھجیاں بکھیرنے کا سلسلہ جاری ہے۔ عدلیہ کے فیصلوں کو جوتے کی نوک پر رکھا جا رہا ہے، جس کی وجہ سے پوری فوج پر نزلہ گر رہا ہے۔ پرسوں اے ٹی سی کے جج نے عدالت میں میری اہلیہ کو شامل تفتیش ہونے کا حکم دیا اس کے باوجود کے وہ آنا چاہتی تھیں کسی نادیدہ قوت نے اس کو سبوتاژ کیا۔

‏بحیثیت سابق وزیراعظم میرا کام اس قوم کی بہتری کے لیے ان مسائل کی نشاندہی ہے جس کی وجہ سے فوج مسلسل بدنامی کا شکار ہو رہی ہے۔ میری پالیسی پہلے دن سے ایک ہی ہے یعنی فوج بھی میری اور ملک بھی میرا۔ ملکی استحکام اور سلامتی کے لیے ناگزیر ہے کہ فوج اور عوام کے درمیان کی خلیج کم ہو، اور اس بڑھتی خلیج کو کم کرنے کی صرف ایک ہی صورت ہے، اور وہ ہے فوج کا اپنی آئینی حدود میں واپس جانا، سیاست سے خود کو علیحدہ کرنا اور اپنی معین کردہ ذمہ داریاں پوری کرنا، اور یہ کام فوج کو خود کرنا ہو گا ورنہ یہی بڑھتی خلیج قومی سلامتی کی اصلاح میں فالٹ لائنز بن جائیں گی۔”

Address

Kings Road
Birmingham
B112AA

Telephone

+442036338749

Website

http://www.Urdu.cninews.tv/

Alerts

Be the first to know and let us send you an email when CNI URDU posts news and promotions. Your email address will not be used for any other purpose, and you can unsubscribe at any time.

Contact The Business

Send a message to CNI URDU:

Videos

“اپنے خوابوں کو حقیقت میں بدلیں”BMet برمنگھم آپ کے لیے پیش کرتا ہے یونیورسٹی کی سطح کے اعلیٰ معیار کے کورسز، جو آپ کو اپنے مستقبل کی تعمیر میں مدد فراہم کریں۔ کاروبار، صحت کی دیکھ بھال، انجینئرنگ، اور تخلیقی فنون سمیت مختلف شعبوں میں دستیاب کورسز آپ کی پیشہ ورانہ مہارتوں کو نکھارنے کے لیے تیار کیے گئے ہیں۔برمنگھم کے مختلف کیمپسز میں جدید ترین سہولیات اور شاندار تدریسی عملے کے ساتھ، BMet ہر عمر اور ہر پس منظر کے طلبا کے لیے بہترین مواقع فراہم کرتا ہے۔2025 کے داخلے کے لیے ابھی اپلائی کریں اور اپنی صلاحیتوں کو دنیا کے سامنے لانے کا یہ سنہری موقع ہاتھ سے نہ جانے دیں۔مزید معلومات کے لیے آج ہی وزٹ کریں: www.bmet.ac.ukBMetآپ کا مستقبل، آپ کا انتخاب #BMet #MetroCollege #cniurdu #cninewsnetwork #birmingha2025

ایلون مسک کی سٹار لنک پاکستان میں رجسٹرڈ، انٹرنیٹ کے نئے دور کا آغاز۔۔۔بی بی سی اردو سروس کی خصوصی رپورٹ کی چیدہ چیدہ باتیں۔

پاکستان کا 77واں جشن آزادی ملی جوش وجذبہ سے پاک مکہ میٹ اور اوورسیز ایشین نیٹ ورک کے زیر اہتمام برمنگھم شالیمار ہال میں منایا گیا۔جسمیں برطانیہ بھر سے اہم شخصیات نے کثیر تعداد میں شرکت کرکے وطن سے محبت و عقیدت کا اظہار کیا۔لارڈ مئیر آف برمنگھم نے میگا ایونٹ کی صدارت کی جس میں پاکستان اور برطانیہ کے قومی ترانے،ملی نغموں کے ساتھ ہر طرف پاکستانی جھنڈوں کے کلر ہی نظر آرہے تھے ،پرتکلف ڈنر اور قوالی کے سرُور کے ساتھ میگا ایونٹ کا اختتام کیا گیا۔اس دوران سی این آئی اردو کی جانب سے لی گئیں تصاویر۔ #cniudru #cninewsnetwork #cniudru #ppcukmidlands #royalshalimar #92News #birminghamuk #pakmeccameats #consulateofbirmingham #lordmayorofbirmingham

“اہم اپ ڈیٹ “ غیر متوقع حالات کے باعث ابرار الحق برمنگھم میں جشن آزادی کی تقریب میں پرفارم نہیں کریں گے۔ پروگرام روائتی انداز اور جوش جذبہ اور منصوبہ بندی کے مطابق اچھے اندازمیں ہوگا ۔۔۔۔اور تفریح کی جگہ چاہت محمود علی اور پارٹی کی قوالی پیش کی جائے گی۔ ۔۔۔۔لائیو سٹریمنگ ، بچوں کی پرفارمنس ۔۔۔۔اور پاکستانی جھنڈے کا رنگ آپ کو نظر آئے گا ۔۔۔تمام وطن سے محبت کرنے والے اپنے پلان کے مطابق شرکت کریں۔۔۔۔۔۔جشن آزادی تمام پاکستانیوں کو مبارک ۔۔۔ #ppcukmidlands #cniudru #cninewsnetwork #92News #royalshalimar

Roz-E-Ashura | Soz o slam | Regent Park hall Birmingham | CNI News

برمنگھم میں پاکستانی ،کشمیری اور انڈین چٹ پٹے کھانوں سے شہرت پانے والے ریسٹورنٹ مغل اعظم کی منجمنٹ کی طرف سے صحافیوں کے اعزاز میں پر تکلف کھانے کی دعوت کے موقع پر لی گئیں تصاویر۔۔۔۔۔۔اس دوران برطانیہ میں ہونے والے الیکشن میں اوورسیز ایشینز کمیونٹی کے رول کے حوالے سے تفصیلی گفتگو ہوئی جو صحافیوں کے لکھنے اور بولنے میں معاون ثابت ہو گی۔۔۔۔۔اس دوران سی این آئی اردو کی جانب سے لی گئیں تصاویر ۔ #ppcukmidlands #cniudru #cninewsnetwork #92News #GeoNews #smmatv #DunyaNewsUK #WeTV

“بزم پوٹھوہار اینڈ کشمیر گروپ نمبر ون کی عید ملن پارٹی “ برمنگھم (سی این آئی) نواحی علاقہ سٹوربرج(Stourbridge )میں بزم پوٹھوہاراینڈ کشمیر گروپ کے زیر اہتمام عید ملن پارٹی کا انعقاد کیا گیا جس میں خطہ پوٹھوہار اور آزادکشمیر سے برطانیہ میں آباد مخلتف شعبہ ہائے زندگی سے تعلق رکھنے والے افراد نے کثیر تعداد میں شرکت کرکے اپنی تہذیب و ثقافت اوروطن سےمحبت کا اظہار کیا۔اس دوران برطانیہ میں مقیم خطہ پوٹھوہار سے تعلق رکھنے والے افراد کو پاکستان اور برطانیہ میں درپیش مسائل کے حل کے لیے ایک نئی فلاحی تنظیم کے قیام کا اعلان بھی کیا گیا. جس کا ایک مقصد برطانیہ میں خطہ پوٹھوہار کی تہذیب وثقافت اور زبان کا فروغ ہے جبکہ نئی نسل کو اس سے روشناس کرنا بھی مقصود ہے.۔تفصیلات کے مطابق خطہ پوٹھوار کی ثقافت ، روایات اور زبان سے برٹش پاکستانی بچے بھی بہت پیار کرتے ہیں اس زبان کی وجہ سے نئی نسل کا اپنے ملک اور کلچر کے ساتھ لگاو بڑھ رہا ہے۔ یہاں کے لوگ اپنی زندگی کو مختلف رنگوں میں رنگتے ہیں۔ پوٹھوہاری لوگ اپنے خوابوں کو پورا کرنے اور ان کی ترقی اور خوشی کو محفوظ کرنے کے لیے محبت اور اتحاد واتفاق کوعظیم اہمیت دیتے ہیں۔پوٹھوہار کے لوگ اپنی زندگی کو مخلصی، سیدھائی، اور کوشش کے ساتھ گزارتے ہیں۔ محنت کرکے اپنے خاندانوں کو سپورٹ فرا

Home Office launched social media campaign in Vietnam to deter small boat migrants | Special Report | CNI News #homeoffice

لوٹن کی معروف رواحانی سماجی و سیاسی شخصیت ابرار حسین گیلانی نے اپنی ریائشگاہ پر سی این آئی نیوز کے ایڈیٹر انچیف سید عابد کاظمی،نیوز کاسٹر معین احمد اور فیضان ابرار کاظمی کے اعزاز میں پر تکلف افطارڈنر کااہتمام کیا گیا۔۔۔۔اس دوران برطانیہ میں آباد اوورسیز کمیونٹی کی ایکٹویٹز اور پاکستان سے نئے آنے والوں کی پرابلمز پر گفت وشنید ہوئیں۔۔۔۔اس دوران پیر ابرار گیلانی کوفیملی سمیت عمرہ کی ادائیگی پر مبارکباد بھی دی ۔۔۔۔۔اس دوران سی این آئی اردو کی جانب سے لی گئیں تصاویر۔ #cniudru #cninewsnetwork #syedabidkazmi #92News #Luton

سابق ممبر کشمیر کونسل اور پی ٹی آئی آزادکشمیر کے سنئر رہنماء چوھدری حمید پوٹھی کے اعزاز میں معروف بزنسمین آٹو سپارٹ برمنگھم کے چیف ایگزیکٹو چوھدری ظہور علی کی جانب سے پر تکلف افطار ڈنر منعقد کیا گیا ۔جسمیں اوورسیز کشمیر یوں اور پاکستانیوں نے بھرپور شرکت کی چوھدری حمید پوٹھی نے پاکستان اور آزادکشمیر کی سیاسی صورتحال پر تفصیلی بریفنگ دی اور اوورسیز کو عمران خان کے ساتھ کھڑے رہنے پر زور دیا ۔۔۔اس دوران سی این آئی اردو کی جانب سے لی گئیں تصاویر۔ #cniudru #cninewsnetwork #92News #birmingham #DunyaNews #AJKGovernment

برمنگھم کی بزنس کمیونٹی سے تعلق رکھنے والی اہم شخصیت واجد علی برکی کو فیملی سمیت عمرہ کی ادائیگی پر انکے آفس میں سی این آئی نیوز نیٹ ورک کی منجمنٹ ٹیم نے مبارکباد دیتے ہوئے ہار پنیا کر گفٹ کارڈ کے ساتھ کیک کاٹ کر مبارکباد دی اور آب زم زم کے ساتھ مکہ مکرمہ کی لذیذ گھجریں کھانے کے ساتھ دعاء کی کہ اللہ تعالیٰ تمام کو صحت وسلامتی عطاء فرمائے اور تمام فیملی کو نیکی کے راست پر قائم رکھے۔۔۔۔۔اس موقع پر واجد علی برکی نے پاک سرزمین مدینہ سے لائے ہوئے گفٹس سی این آئی ٹیم کو دئیے جس پر ادارہ انکا شکریہ ادا کرتا ہے۔۔۔اس موقع پر سی این آئی اردو کی جانب سے لی گئیں تصاویر۔۔ #cniudru #cninewsnetwork #92News #birmingham #uk

‎اظہار افسوس ۔۔۔ اناللہ وانا الیہ ‎راجعون،۔۔۔۔۔

اظہار افسوس ۔۔۔ اناللہ وانا الیہ راجعون،۔۔۔۔۔۔ سی این آئی نیوز بریڈفورڈ کے رپورٹر ،شاعر اہلبیت اور جے اے پی یارکشائر کے صدر عارف حسین جعفری اچانک رضائے الہٰی سے وفات پا گئے ہیں۔بچوں کی شادی کے سلسلہ میں پاکستان گئے ہوئے تھے ۔اچانک دل کا دورہ پڑھنے کے باعث خالق حقیقی سے جاملے۔انکی وفات کی خبر سن کر انہتائی دکھ ہوا۔یہ ویڈیو برمنگھم میں ہونے والے جلوس میں بریڈ فورڈ سے سپشل ماتمی دستے کے ہمراہ برمنگھم میں آئے سی این آئی سے گفتگو کی ماتم کے بارے میں اپنے خیالات کا اظہار کیا۔۔۔۔کیا پتا تھا ہمارے ساتھ انکی آخری گفتگو ہو گی۔۔۔۔۔انکی گفتگو سن کر آپ کو اندازہ ہو جائے گا کہ وہ کس قدر اہلبیت سے محبت رکھتے تھے ۔۔۔۔۔ہماری دعاہے کہ اللہ تعالیٰ انکو جنت الفردوس میں جگہ عطاء فرمائے۔الٰہی آمین

CNI URDU

13/02/2025

13/02/2025

13/02/2025

12/02/2025

12/02/2025

12/02/2025

11/02/2025

11/02/2025

11/02/2025

09/02/2025

09/02/2025

09/02/2025

07/02/2025

06/02/2025

06/02/2025

04/02/2025

04/02/2025

Address

Telephone

Website

Alerts

Contact The Business

Videos

‎اظہار افسوس ۔۔۔ اناللہ وانا الیہ ‎راجعون،۔۔۔۔۔

Shortcuts

Share

Category