Quelles sont les heures d'ouverture ?

Lundi 08:00 - 19:00 Mardi 08:00 - 19:00 Mercredi 08:00 - 19:00 Jeudi 08:00 - 19:00 Vendredi 08:00 - 19:00 Samedi 08:00 - 12:30

Irulegiko Irratia

Baxe Nafarroako euskaldunen irratia. Euskal Irratiak sareko kidea. !

16/12/2024

Les Battements d’Elles elkartea Amikuzerat heldu da. Bada 3 urte elkarte hau instalatu dela Kostaldean, minbizia duten emazteak laguntzeko asmotan. Emazteak eritasunak sortzen duen bakartasunetik ateratzen laguntzeko xede du elkarteak, aktibitate desberdinen bidez, besteak beste, kirol, aktibitate kultural eta sortze josteten bidez. Eriez g*in, haien laguntzaileak ere sostengatzen saiatzen dira. Cyrielle Alçugarat elkarteko kideari eta Celine Mirailh laguntzaileari mikroa luzatu diegu.

irulegikoirratia.eus

16/12/2024

Urte ondarreko apairuentzat, ostatu ? Apairu egile ? edo norberak bere etxean ?Manera desberdinak badira urte ondarra markatzeko. Eta urte guzian prezioer kasu egiten bada, iduriz urte ondarrez moltsak errexkiago idekitzen dira. Hemen entzun Heletako Ezkaratza ostatuko Bixente Chapelet, Gozo Gose apairu prestatzaile den Gexine Tikoipe, eta Garaziko Gasna kremeriako Pantxika Otharan 👇
https://www.irulegikoirratia.eus/tokiko-g*iak/urte-ondarreko-apairuentzat-ostatu-apairu-egile-edo-norberak-bere-etxean

16/12/2024

Itxaro Borda Donibane Garaziko Lycée de Navarre St Jean Pied de Port lizeorat etorri da, Le basque et la plume lehiaketako saria emaiterat eta ikasleekin solastatzera. Orroit lizeoan idatzi dituzten fikzio-en artean, 3ek saria ukan dutela, eta batek lehen saria ere. Eta sariak ekartzeaz g*in, denbora hartu du ere ikasleekin solas egiteko 👇
https://www.irulegikoirratia.eus/tokiko-g*iak/itxaro-borda-donibane-garaziko-navarre-lizeorat-etorri-da-le-basque-et-la-plume-lehiaketako-saria-emaiterat-eta-ikasleekin-solastatzera

13/12/2024

Kirikoketa : Idazketatik pantailerat, jauzia emaiteko atelierra irag*iten ari da Irisarrin. Zukug*ilua elkarteak, udazken guziez egiten duen bezala, kirikoketa atelierra antolatua du Irisarrin aste huntan. Xiberuatik Lapurdirat, zinemagintzan ikasia duten 6 ekoizle g*i hurbildu dira aldi huntako atelierrera, beren proiektuaren lantzeko : Maia Iribarne, Philippe Chatard, Eñaut Castagnet, Carmen Etxeverria, Miren Dupouy eta Lucile Irigoien. Eta lehenik hitza Zukug*iluako Maitane Eiheramuno-ri 👇

https://www.irulegikoirratia.eus/tokiko-g*iak/kirikoketa-idazketatik-pantailerat-jauzia-emaiteko-atelierra-irag*iten-ari-da-irisarrin

12/12/2024

Ipar eskia eta asteburuko planak

12/12/2024

Aste hondar honetan bertsolari berriek haien sartzea eginen dute Barnekaldeko bertsolaritzan, Haizea Dator bertso saioaren kari. Pagolako Auzteia Ostatuan iraganen den saioak parada emanen digu 6 bertsolari ezagun zein hasiberri behatzeko. Atsaldeko 7etatik goiti Nahia eta Goizane Etxeberri-Lopepe otzibartarrak, Joanes Etxebarria eta Leina Alkhat Larrandaburu xiberotarrak eta Pettan Prebende eta Gilen Oyhamburu amikuztarrak bertsotan arituko dira. Batzuentzat ez baldin badira lehen urratsak izanen eszenaren g*inean, 13 urteko Gilen Oyhamburuk lehen aldikotz publikoaren aitzinean bertsoak botako ditu. Alabaina, erran behar da eszenak ongi ezagutzen dituela Haur Kantu Txapelketa jadanik irabazi baituela berak idatzi duen kantu batekin. Gileni mikroa luzatu dio Charlotte Etxeberrik lehen saio hori eta bere ibilbidea aipatzeko.

irulegikoirratia.eus

12/12/2024

Goikoetxea musikan : Eskulangintza eta kultura uztarturik, Ortzaizeko Goikoetxea poteria lantegian larunbat huntan. Eta izanen da zer ikusi eta zer entzun: Daniel Subrechicot pianista, danbor sakratuaren ikuskizuna «Ceramic Drum» 15:00etan: Zeramika eta larruen arteko aliantza musikan (Danbor fabrikatzailea Matthieu Chalet Mathoulin), Kandela lurutsuen aurkezpena, Labeen irekitzea lantegian 16:00etan: obra handiak jatorrizko dekorazioekin, dastaketa Laiako txokolatea, arno beroa eta Ithurraldeko jakiak, ahantzi gabe Loteria. Argitasunak Terexa, Mati eta Maitenarekin 👇

https://www.irulegikoirratia.eus/tokiko-g*iak/goikoetxea-musikan-abenduaren-14an-egun-guzian

09/12/2024

Elorri Amestoy Hazpandarra dugu aldi huntako solaskidea, Baionako hospitalean urgentzia psikiatrikoan lan egiten du eta presondegian permanentziak atxikitzen ditu.Osagarri eta eritasun mentaletaz arizan gira.
https://labur.eus/TPUUd

09/12/2024

Donibane Garaziko Elurti etxea bisitatzen ahalko da larunbat huntan. Elurti etxe hau berezia da, etxe pasiboa baita. Erran nahi baitu berotzeko edo freskotasuna atxikitzeko ez duela usaiako ponpa edo berog*ilurik baliatzen. Bakarrik iguziakiaren izpiekin jokatzen du, eta lur peko airearekin kandar meazilo bidez. Euskadi-Eko Garazi enpresako Samuel Paulet 👇

https://www.irulegikoirratia.eus/tokiko-g*iak/etxe-pasibo-bat-zer-ote-da

05/12/2024

Indian bidaiatzeko parada ukanen duzue abenduaren 20a arte, Donapaleuko mediatekara joanez. Séverine Dabadieren “Fragments Indiens” erakusketari esker, India baino gehiago Indarren ezagutza egiten ahalko duzue. Séverine Dabadie argazkilaria usu ibili izan da han, eta bere 18 bidaiaren heinean, hango populazioa ezagutu du. Eta hor kokatzen du bere erakusketaren xedea, Indiarrak irudikatzea. Séverine Dabadierekin egon gira.

irulegikoirratia.eus

04/12/2024

Homeopatia iniziazio eguna larunbat huntan Baigorrin. Homéopathes sans frontière” elkartearekin partaidetzan antolatua den eguna da. Aurten 3garren saioa izanen da, eta egun horren helburua da, egun guzietako min ttipientzat nola homeopatia baliatu. Aitzineko bi saioetan sukarra, rinitak, lombalgiak, zauriak nola artatu ikusi zen. Aldi huntan zintzurreko minak, sinusitak, eta operazio bat badelarik aitzin eta ondotik zer hartzen ahal den esplikatuko da. Larunbateko iniziazio egun hori, deneri idekia da, homeopatiaz intersatua den orori, Marine Vilarelle buraso antolatzaileak argitasunak eman dauzkigu 👇

https://www.irulegikoirratia.eus/tokiko-g*iak/homeopatia-iniziazio-eguna-larunbat-huntan-baigorrin

04/12/2024

«Gu sortu ginen enbor beretik sortuko dira besteak». Ele horiekin bururatu du bere hitzartzea Xarles Bideg*in euskaltzain emerituak. Urrezko...

03/12/2024

Amikuzeko ikastolak eguberriko merkatua antolatzen du abenduaren 7an.

03/12/2024

Xarles Videg*in Euskal linguistak, ikerlariak Baionako hiriak eskainitako ohorezko urrezko medaila ukan du.

03/12/2024

Pelegrinea etxea Garruzen, burgesen ontasuna izana. Gaur egun oraino, etxe horren edertasuna agerian da. Luzaz etxe inportantea izan da Pelegrinia, hastapenean Nafarroako erreinuaren garaian, kargu handiak zituzten jabeak hor bizi baitziren. Eta ondotik ere ostatu, ganbara, miñardiak izan ziren Pelegrinian, langile ta sehi ainitzekin. Zezentegi bat ere eta inguruko laborariak heldu ziren beren behien estalaraztera. Noël Chohobigarat-ek kondatu dauku 👇
https://www.irulegikoirratia.eus/tokiko-g*iak/pelegrinea-etxea-garruzen-burgesen-ontasuna-izana

03/12/2024

"Etxit uste musikako egina nintzan"

Gamarte Galtxetaburuko Jean Christian Irigoyen, akordeon musikari trebe, abila, ixila bezain omoretsua dugu gonbidatu
https://labur.eus/dfOJe

03/12/2024

Azkarateko Munoa ikastolakoak Donibane Garaziko mediatekarat izan dira joanden astean. Urtean behin, euskal elkargoak eskola guzier autobus fresak pagatzen dizkie mediatekara joaiteko. Eta Munoa ikastolan gogotik laguntza hortaz baliatzen dira, Liburutegiaren liburuen artean gozatzeko. Eta g*inera Nahia Dumaz Zamora mediatekako eremaileak ere harrera ona egiten die, ipuin kondaketa eginez, eta liburu hautaketan aholkuak emanez. Hemen entzung*i Nahia Dumaz, Aloña Sabarots erakaslea, eta haurrak 👇

https://www.irulegikoirratia.eus/tokiko-g*iak/anhauzeko-munoa-ikastolakoak-donibane-garaziko-mediatekarat-izan-dira-joanden-astean

27/11/2024

Hazparneko Armand David laborantxa lizeoak ate idekiak antolatzen ditu larunbat goiz huntan. 4.tik BTSa arte, orotarat 260 ikasle kondatzen dira gaur egun. Sail guziak profesionalak dira, eta bi ardatz proposatuak dira : edo kanpoko baratze edo paisai antolaketa ; edo laborantxako tresnen baliapena eta konponketa. BTSetik landa ere berezitasun bat proposatua da, ur bazterretan tresnen baliapenaz. Eta helduden sartzetik goiti, euskaraz ere ikasten ahalko da. Pantxo Etxeverria erakaslearekin argitasunak 👇

https://www.irulegikoirratia.eus/tokiko-g*iak/hazparneko-armand-david-laborantxa-lizeoak-ate-idekiak-antolatzen-ditu-larunbat-goiz-huntan

Adresse

Nafarroako Etorbidea 41
Saint-Jean-Pied-de-Port
64220

Heures d'ouverture

Lundi	08:00 - 19:00
Mardi	08:00 - 19:00
Mercredi	08:00 - 19:00
Jeudi	08:00 - 19:00
Vendredi	08:00 - 19:00
Samedi	08:00 - 12:30

Téléphone

+33559371411

Site Web

http://irulegikoirratia.eus/

Notifications

Soyez le premier à savoir et laissez-nous vous envoyer un courriel lorsque Irulegiko Irratia publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à Irulegiko Irratia:

Vidéos

Noiz heldu bilakatzen gira? Zer da desberdintasuna haurren eta helduen artean? Haurrek azalpen guztiak emaiten dizkigute. irulegikoirratia.eus

Arberoako ikastolako sutearen ondotik, egoera gogor batean dira hango haurrak eta gurasoak. Amikuzeko haurrek aterabideak proposatzen dizkiete, eta sostengu mezu bat igortzen diete. irulegikoirratia.eus