Quel est le site Web ?

https://www.facebook.com/105665965021653/

Axmed Thoozane

Hooyadu waa shaqsiga kaliya ee inta ay daal iyo duruuf walba kaala soo gudubto, hadana kula Qurxinaysa dhismaha Noloshaada. Crypto advisor and expert

Allow Hooyaday Booskeeda Janno ka dhig.

07/09/2024

Hooyadu waa shaqsiga kaliya ee inta ay daal iyo duruuf walba kaala soo gudubto, hadana kula Qurxinaysa dhismaha Noloshaada.
Allow Hooyaday Booskeeda Janno ka dhig.

15/08/2024

Gabadhu 12saacadood ayey shaqeysaa hadana shaqo looma aqoonsano waxaasi ay qabaneyso saacadahaasi

Sh. Mustafe xaji ismacil Haaruun

05/08/2024

Majirto naf garanaysa meshay ku dhiman doonto iyo sidey u dhiman doonto

03/08/2024

Suaalaha qaar inaad isweydisaa waa muhiim, .amadan waxkasta oo idin sheegiso waa hadal xaqiiqo ah .

03/08/2024

Ilaahow xamar Nabad ka dhig
So sorry Muqdisho🫀

16/07/2024

ISLAAMKA IYO XORIYADA HADALKA IYO RA'YIGA

Diinta Islaamku maaha mid u timid inay caburiso xoriyada Hadalka iyo Aragtida,bal way dhiiri galisay,dhab ahaantii hadaad u dhaba gasho Nusuusta Diinta Islaamka qaybaha ka hadlaya arimahaan waxaad ogaanaysaa sida inaba haba yaraatee uusan Islaamku xasaasiyad oga qabin Aragti dhiibashada ama Xoriyadda hadalka,kaliya Islaamku wuxuu dadka faraa inay wax fiican ku hadlaan.

"وقُولُوا لِلنَّاسِ حُسْنًا وَأَقِيمُو"
"Dadka wanaag kula hadla"

"وَقُلْنَ قَوْلًا مَّعْرُوفًا"
"Hadal wanaagsan ku hadla"

Islaamku wuxuu dhiiri galiyaa doodaha furan ee wanaaga iyo wax kala kororsiga ku dhisan sida Ilaahayba marar badan ku cel celiyay,

"وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ"
"Ula dood hadba sida u wanaagsan Rabigaa oo kaliya ayaa og cida jidkiisa ka luntay sidoo kalana isaga uun ayaa og kuwa hanuunsan"

Sidoo kale Islaamku waxa uu reebay inaanay dadka ka diin duwan Muslimiinta sida Ahlul kitaabka aysan si xun ula doodin oo aysan ku xumaynin doodda,

"وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ ۖ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَٰهُنَا وَإِلَٰهُكُمْ وَاحِدٌ وَنَحْنُ لَهُ مُسْلِمُونَ"

"Ha kula doonina Ahlul kitaabka wax aan wanaag ahayn marka laga reebo kuwa dulmiga u badala dooda oo iyaga ka mid ah,waxaadna tiraahdaan waxaan rumaynay wixii naloo soo dajiyay iyo wixii idinka laydiin soo dajiyay,Ilaahayaga iyo Ilaahiina waa mid kaliya anaguna Ilaahaad ayaan u hogaansanahay.

Rayi cabiridda Islaamku dhiiri galiyay waxaa ka mid ah wada tashiga iyo badinta doodaha wax dhisaya ee lagu kala faa'iidaysanayo oo Ilaahay wuxuu ku amaanay Muslimiinta inay yihiin dad tashada oo ay arintoodu ku qotonto aqoon isweydaarsi.

"﴿وَالَّذِينَ اسْتَجَابُوا لِرَبِّهِمْ وَأَقَامُوا الصَّلَاةَ وَأَمْرُهُمْ شُورَى بَيْنَهُمْ وَمِمَّا رَزَقْنَاهُمْ يُنْفِقُونَ﴾"
""Muslimiintu waa kuwo Rabigooda abiijbay oo Salaadda oogaya,taladoodana ay tahay mid ay ka tashadeen oo wixii aan ku irsaaqnayna wax ka bixinaya".

Xitaa Rasuulka scw oo uu Ilaahay waxyigiisa ku hagaayay ayaa la faray inuu dadka la tashado oo ilaahay waxa uu yiri:-

"﴿وَشَاوِرْهُمْ فِي الْأَمْرِ﴾"
"Kala tasho arimaha"

Islaamu waxa uu qabaa in Muslimiintu dhexdooda iyaga oo Alle iyo Rasuulkiisa scw wada rumaysan u doodi karaan si hufan,haddii ay dooda ka taag taagmatana aysan isu gacan qaadin ee halka ay iskula noqonayaan uu noqdo kitaabka Alle iyo sunada nabiga scw.

"يَا أَيُّهَا الَّذِينَ آمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنكُمْ ۖ فَإِن تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِن كُنتُمْ تُؤْمِنُونَ بِاللَّهِ وَالْيَوْمِ الْآخِرِ ۚ ذَٰلِكَ خَيْرٌ وَأَحْسَنُ تَأْوِيلًا"

"Kuwa iimaanka laga helayoow adeeca Alle iyo rasuulka iyo kuwa hadba talada idiin haya,oo haddii aad wax isku qabataan ula noqda kitaabka Alle iyo sunada Nabiga,haddii aad tihiin kuwo Alle iyo maalinka Aakhiro rumaysan,saasaa idiin khayr badan oo ugu haboon inaad wax isku dhacsiisaan"

Xoriyada hadalka Islaamku wuxuu gaarsiiyay inay Muslimiintu ku dhiiradaan cabiridda aragtidooda oo ay xitaa Nabiga scw oo ay og yihiin inuu waxyi ku soo dagayo aysan kala gaban bareerahooda oo intaas oo goor ay Rasuulka scw ka badaleen ra'yi uu qabay ama aragti uu qaadan lahaa Asxaabtiisa.

Tusaale ahaan dagaalkii Badar meel uu Rasuulka scw dagay ayaa nin Asxaabtiisa ka mid ah oo khabiir ku ahaa arimaha istaraatiijiyada dagaalka uu ku yiri:-Rasuulkii Allow halkan aad na dajisay ma waxyi Alle xagiisa ka yimid ayaad nagu dajisay mise waa xeelad dagaal,Rasuulka scw wuxuu yiri:-waxyi kuma dagin ee waa xeelad dagaal,markaas ayuu Saxaabigii yiri:hadaba Rasuulka Alloow halkaan maaha meel ku haboon kaarto dagaal ee ka rar Ciidanka oo daji afafka ugu shisheeya ee ceelasha Badar oo dhan si aan cadowga biyaha oga xigsano oo markaas nalama gali karaan dagaal dheer iyaga oo ooman iyo anaga oo biyo haysana,Rasuulka scw wuu u guuxay taladaas oo sidii buuna yeelay.

Tusaalaha kale waa markii ay Qureysh iyo qayb Yahuudda ka mid ah oo garabsanaya qabiilooyin Carbeed oo reer baadiye ah ay ku soo duuleen maagalada Madiina oo ay ku soo saareen Ciidan ka badan kuwa Muslimiinta Madiina dagan oo dhan xitaa markii lagu daro Caruurta iyo Haweenka,goortaas ay Muslimiintii talo ku cadaatay ayaa waxaa taliyay nin Asxaabtii Rasuulka scw ka mid ahaa oo asal ka soo jeeday Faaris oo ah wadanka iminka Iiraan loo yaqaan,ninkaas Saxaabiga ah waxaa la oran jiray Salmaan al Faarisi,wuxuu yiri Rasuulka Alloow anaga reer Faaris marka ay arinta noocaan ah nagu dhacdo waxaan qodan jirnay dhufays ama god weyn oon isku soo wareejino,kaas oo ay ku adag tahay in ay Fardaha Cadowga soo jiiraan,halkaas oo aan difaac ka gali jirnay oo Ciidanka Cadowga hadii uu isku dayo inuu isaga oo lugayna ka soo gudbo godka aan fallaaro oodda oga qaadi jirnay oon godka ku dhex gumaadi jirnay.

Taladii ayuuna Rasuulka scw qaatay oo godkii bay Magaalada Madiina ku soo wareejiyeen,ilaa uu yaabay Abuu Sufyaan oo markaa Ciidamada Gaalada hogaaminayay oo yiri wallaahi xeeladaan maaha mid ay Carab taqaanay ee Muxamad cid kale ayaa gacan ka siisay,
Halkii bay ka laabteen maalmo ka dib iyaga oo guul daraystay,taladii Salmaanul Faarisina u noqotay Muslimiinta mid ka badbaadisay gumaad baahsan.

"وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا وَكَفَى اللَّهُ الْمُؤْمِنِينَ الْقِتَالَ وَكَانَ اللَّهُ قَوِيًّا عَزِيزًا "
"Ilaahay waxa uu ku celiyay Gaaladii caradooda iyaga oon guul gaarin,Muslimiintiina waxa uu ka kaafiyay in ay galaan dagaal ay ku hoobtaan oo Ilaahay waa mid awood badan oo ay tiisa uun soconayso.

Walaalayaal Xoriyadda Hadalka iyo Ra’yi cabirida Islaamka waxa uu gaarsiiyay heer aan Qofka lagu ciqaabaynin xitaa haddii hadalkiisu dambi yahay,kaliya Islaamku waxa uu qabaa in hadal looga jawaabo hadal kale,ficilna ficil,haddii uusan hadalkaasu ahayn mid qadaf iyo aflagaaddo shakhsi xambaarsan markaa Islaamku taas wuxuu ka waajibiyay ciqaab ku dhacda qofka bilaaba cayda iyo weerarka afka ee ku aadan qofka kale.

Taasna waxaa daliil kuugu filan in Rasuulka scw oo ka ahaa Magaaladii Madiina hogaamiyaha ugu awoodda badan ay Gaalada iyo Munaafaqiinta kula dhiiranayeen aflagaaddo iyo wax aan qabanin suubanaha scw markaasuu Rasuulkana uusan wax tilaabo ficil ah ka qaadi jirin marka laga reebo inuu mararka qaar ugu jawaabo erayo kuwii ay yiraahdeen la mid ah.

Tusaale ahaan waxaa dhacday inuu Rasuulka oo Xoolo qaybinaya uu Nin la oran jiray Cabdullahi dil Khuweysara uu ka carooday oo uu yiri wallaahi qaybtan maaha mid Cadaalad ku dhisan oo markaa intuu Rasuulka aad u carooday uu yiri oo hadaanan aniga Cadaalad samaynin yaa cadaalad sameynaya,oo markaa intuu Cumar Binu Khadaab carooday uu Rasuulka scw ku yiri ii fasax Rasuulku Allow aan ninkan Surka ka gooye,markaana uu Rasuulka scw yiri iska daa Cumaroow ninkan waxaa ka tafiirmi doona Qoom Salaadooda markaad aragtaan aad tiina yaseysaan oo waxayna Islaanimada oga bixi doonaan sida Leebka uu Qaansada oga baxo.

"وعن ابي سعيد الخدري رضي الله عنه قال بينا النبي صلى الله عليه وسلم يقسم جاء عبد الله بن ذي الخويصرة التميمي فقال اعدل يا رسول الله فقال ويلك ومن يعدل إذا لم أعدل قال عمر بن الخطاب دعني أضرب عنقه قال دعه فإن له أصحابا يحقر أحدكم صلاته مع صلاته وصيامه مع صيامه يمرقون من الدين كما يمرق السهم من الرمية"متفق عليه.

Tusaale kalana waxaa inoogu filan in Yahuuddu ay Nabiga caayi jireen ama habaari jireen iyagoo iska dhigaya dad salaamaya,Rasuulka scw kaliya wuxuu ku oran jiray waxaad tiraahdeenba laydin yiri mana dhicin inuu marna yiri ii soo qabqabta nimankan i caayaya aan ciqaabee. Iska daa inuu suubanaha ciqaabo kuwa Anafada u geystay ee xitaa Xaaskiisa Caa’isha rc oo maalin maqashay iyaga oo afxumadaa kula kacaya Rasuulka scw oo si xun ugu jawaabtay ayuu Rasuulka scw ka kululaaday oo yiri Caa’ishaay dhimri oo Islaamka ku qurxi dhimrinta anigaaba u jawaabaye maxaa adiga kuu geeyay.

"عَنْ عايشة رضي الله عنها، قالت : أَتَى النَّبِيَّ صَلَّى اللَّهُ عَلَيْهِ وَسَلَّمَ أُنَاسٌ مِنْ الْيَهُودِ ، فَقَالُوا : السَّامُ عَلَيْكَ يَا أَبَا الْقَاسِمِ ، قَالَ : " وَعَلَيْكُمْ " ، قَالَتْ عَائِشَةُ : قُلْتُ بَلْ عَلَيْكُمُ السَّامُ وَالذَّامُ ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَا عَائِشَةُ : " لَا تَكُونِي فَاحِشَةً " ، فَقَالَتْ : مَا سَمِعْتَ مَا قَالُوا ؟ فَقَالَ : " أَوَلَيْسَ قَدْ رَدَدْتُ عَلَيْهِمُ الَّذِي قَالُوا قُلْتُ : وَعَلَيْكُمْ " . وفي لفظ اخر بِهَذَا الْإِسْنَادِ غَيْرَ أَنَّهُ ، قَالَ : فَفَطِنَتْ بِهِمْ عَائِشَةُ ، فَسَبَّتْهُمْ ، فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَهْ يَا عَائِشَةُ فَإِنَّ اللَّهَ لَا يُحِبُّ الْفُحْشَ وَالتَّفَحُّشَ " ، وَزَادَ فَأَنْزَلَ اللَّهُ عَزَّ وَجَلَّ : وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ سورة المجادلة آية 8 إِلَى آخِرِ الْآيَةِ .

"Xadiis caa'isha warinayso ayaa wuxuu ahaa inay tiri waxa dhacday inay Rasuulka u yimaadeen qolo Yahuuda ka mid ah oo ay yiraahdeen "Assaamu caleeyka"oo la micno ah Mowd ha kugu dago,Rasuulkana scw uu yiri idina sidoo kale,Caa’isha oo maqlaysay ayaa tiri :-Mowd idinku dag oo balaayo idin asiibtay,markaas baa Rasuulka scw yiri Caa’ishaay ha noqonin tu af xun,markaasay Caa’isha tiri oo miyaadan maqlaynin waxay ku yiraahdeen,markaasuu Rasuulka yiri oo miyaanan u jawaabin oon oran intay i yiraahdeen"

Ilaahay sareeye oo arintaas Aayad ka soo dajiyay wuxuu uun tilmaamay falkoodii foosha xumaa oo wax ciqaab dunawi ah uma yaboohin oo wuxuu yiri-"kuwa markay kuu imaanayaan aan kugu salaameynin salaantii Alle kugu salaamay".

Walaalayaal Xoriyadda Hadalka ee Islaamka xitaa wuxuu gaaray in hadal kaliya loogu jawaabo kuwii ku xadgudbi jiray Rasuulka scw ee xitaa mararka qaar ku jees jeesi jiray diinta,oo runtii hadaad u dhaba gasho Quraanka marka uu ka hadlayo aflagaadadii ay Munaafaqiinta iyo Yahuuddii Madiina daganeyd ku hayeen Rasuulka iyo Muslimiintu marna ma gayaysiin Muslimiintu inay gacan kaga jawaabaan iyagoo si kasta oga adkaa munaafaqiinta iyo Yahuuda.

Ilaahayna marka uu ka hadlayo ficilkooda xun uun buu tilmaami jiray isagaana ciqaab Aakhiro u yaboohi jiray marna ma idmin in hadal xun oo ay ku hadleen ficil looga jawaabo oo waxaa Quraanka ku badan marka uu Alle timaamo hadalkooda
(Qaaluu)waxaa la farayay Rasuulka (Qul) yacni haday sidaa ku dhahaan adna sidaa ugu jawaab.

Munaafaqiinta wax aysan Rasuulka ku sheegin lama arko,waxay ku quursan jireen marka uu Sadaqada aruurinayo ama qaybinayo oo waxay oran jireen oo Suuska iyo Shoodda uu kan dadka siiyay maxay ka deeqi,
"وَمِنْهُمْ مَنْ يَلْمِزُكَ فِي الصَّدَقَاتِ...."

Waxay kaloo Rasuulka scw ku sheegi jireen inuu dhag ween yahay markaasaa Ilaahay ugu jawaabi jiray waa dhag weyn idinka khayr badan,tiiyoo uusan Rasuulka scw wax ciqaab ah oo hadal looga jawaabo dhaafsiisan uusan u dalici jirin,ilaahayna uusan farin wax ciqaab ah oo ay Dunida ku mutaan marka laga soo rago ciqaabta Aakhiro.

"وَمِنْهُمُ الَّذِينَ يُؤْذُونَ النَّبِيَّ وَيَقُولُونَ هُوَ أُذُنٌ ۚ قُلْ أُذُنُ خَيْرٍ لَّكُمْ يُؤْمِنُ بِاللَّهِ وَيُؤْمِنُ لِلْمُؤْمِنِينَ وَرَحْمَةٌ لِّلَّذِينَ آمَنُوا مِنكُمْ ۚ وَالَّذِينَ يُؤْذُونَ رَسُولَ اللَّهِ لَهُمْ عَذَابٌ أَلِيمٌ "

Waxaa kale oo la og yahay inay meel fagaare ka caayi jireen Rasuulka scw iyaga oo xukunkiisa ku hoos nool oo ay kicin jireen fitmooyin iyo brobogaando mana dhici jirin inuu Rasuulka scw ficil ugu jawaabo,waxay siiradu xustaa inuu kii munaafaqiinta madaxa u ahaa oo ka jawaabaya dagaal dhex maray laba wiil oo uu midna Ansaar ahaa midna Muhaajiriin ahaa oo dhagta laga qaniinay kii Ansaariga ahaa inuu yiri"oo ma sidaasay yeeleen oo sida Awrka mid kale u qaniino ayay Wiilasheenii u qaniineen horaa loo yiri Eygaada cayili ha ku cunee"
Intaasoo dhan suubanaha ficl ogama jawaabi jirin bal markay Asxaabta ka codsadaan noo idin aan dilnee Munaafaqiinta wuxuu oran jiray"ma waxaad rabtaan inay dadka ku sheekeystaan Muxamad Asxaabtiisa ayuu laayaa"

Walaalayaal sida aan arkayno lama hayo meel uu Islaamka ku caburiyay Xoriyadda Hadalka ee dadka oo waxaan u jeednaa sida uu ula mucaamilay kuwii sida xun u adeegsaday Xoriyadda Hadalka kolay ku tahay,waxaan kaloon aragnaa sida uusan Islaamku ficil gacan ah oga jawaabin hadal xun oo la yiri dartii,marka sidaa darteed miyeysan haboonayn in ay Muslimiinta u laabtaan diintooda oo aysan caburin Xoriyadda Hadalka iyo soo jeedinta Ra’yiga.

Islaamku waxa uu ka digay in la caburiyo Xoriyadda Hadalka oo wuxuu ceebeeyay gaaladii isku dayi jirtay inay caburiyaan Xoriyadda Hadalka ee Ambiyadii loo soo diray oo ahaa kuwo aan Ciidan wadan kaliya talo Alle xagii looga soo dhiibay u siday kuwa caburinaya. Quraanka waxaa ku badan hanjabaadihii ay gaalada kala hortagi jireen Xoriyadda Hadalka oo ay ka mid yihiin :-

"لَئِنْ لَمْ تَنْتَهِ لأَرْجُمَنَّكَ )
"Hadaadan ka joogin dhagax baan kugu dili"

"قَالُوا يَا شُعَيْبُ مَا نَفْقَهُ كَثِيرًا مِمَّا تَقُولُ وَإِنَّا لَنَرَاكَ فِينَا ضَعِيفًا وَلَوْلا رَهْطُكَ لَرَجَمْنَاكَ وَمَا أَنْتَ عَلَيْنَا بِعَزِيزٍ "
"Shucayboow anagu garan mayno wax badan oo ka mid ah waxaan aad sheegayso,waxaanan kuu aragnaa mid dhexdeena daciif ku ah,haddii aanan tolkaa kugu xaq dhowreynina waa h**e ayaan dhagax kugu dili lahayn,mana tihid min nagu culus".

"قَالُوا أَوَلَمْ نَنْهَكَ عَنِ الْعَالَمِينَ )
"Waxay yiraahdeen:Oo Luudoow sow taan kaa reebnay inaad meelaha ka hadasho ood dadka wax u sheegto"

Dhab ahaantii waxaa muhiim noo ah hadaynu nahay Muslimiinta maanta nool inaynu tixgalin siino Xoriyadda Hadalka oo aynaan ku tuman tacaaliimta diinteena ee tilmaan ku filan naga siisay sidii aan u tixgalin lahayn xoriyadda Hadalka iyo cabirida ra’yiga.

Ugu dambayntiina Waxaa inala gudboon inaan iska dayno tacasubka oo aan ka faa'iidaysano ra'yi kasta oo suuban oo wax dhisaya oo ay Maslaxo ku jirto,isla markaana aan qofna lagu dhibaateyn ra'yi uu la yimi ama hadal uu meel ka yiri ama Buug uu aragtidiisa ku qoray,kaliya laga jawaabo si Nasteexo ku dhisan oo hadal ah wixii khalad u muuqda ee uu qofkaasi yiri ama qoray oo aan la isku dayin in gacan loola tago Qof aan isaguba gacan qaad iyo hub u adeegsan meel marinta fikirkiisa.

Waadna mahadsan tihiin..

01/07/2024

Salaadaha qaybtood in guryaha lagu dukado -gaar ahaan kuwa Sunada ah-waxay guryaha u soo jiiddaa khayr badan iyo barako.
Rasuulka scw wuxuu yiri:-
"إذا قَضَى أحَدُكُمُ الصَّلاةَ في مَسْجِدِهِ، فَلْيَجْعَلْ لِبَيْتِهِ نَصِيبًا مِن صَلاتِهِ، فإنَّ اللَّهَ جاعِلٌ في بَيْتِهِ مِن صَلاتِهِ خَيْرًا."رواه مسلم.
“Haddii uu midkiin Salaadiisa ku gudanayo Masaajidka bal Gurigiisana ha u weeciyo Qayb Salaadiisa ka mid ah,waayo Eebe wuxuu ku siinayaa khayr badan Salaada uu Gurigiisa ku Dukado”.

01/07/2024

Waxaa la yiri Dagaalkii koobaad Ee Adduunka Asbaabihii Cusmaaniyiinta looga adkaaday waxaa ka mid ahayd,Markii ay Culimadii Fadwada ee Istanbuul fadhiday ka hor yimaadeen Madaafiic Casri ah oo uu Jarmalka siiyay Khilaafadii Cusmaaniyiinta,Culimadii waxay yiraahdeen Khilaafadu Bidco ayay ku kacday waayo inaga oo Manjaniiq haysana maahayn in ay Gaalo ka soo qaadato madaafiic iyo wax aan la aqoon.
Waxay yiraahdeen:-
"لا يجوز الا منجنيق".
“Ma banaana in aan ku dagaal galno madfac aan Manjaniiq ahayn”.

Waxyaabaha Khilaafadii jabiyay way badnaayeen,kolka kala qoqobka iyo kacdoonadii gudaha laga soo tago,waxaa iyana qayb ka ahayd Fadwooyinka aan waaqiciga ahayn ee ay Culimada qaybtood ku tashwiishinayeen dadka oo ay Khilaafada kaga hor keenayeen.

Waxayna arimahanu ka mid ahaayeen waxyaabihii uu Aakhirka ka faa’iidaystay Mustafa Kamaal ee uu ku inqilaabay Khilaafadii kolkii dambe Turkiga uun ku soo urursatay.

30/06/2024

DIINTA ISLAAMKU KOLNA MA DIIDO AQOONTA IYO HOROMARKA DADKA .

Diinta Islaamku Horomarka Aadanaha k**a hor timaaddo bal way dhiiri galisaa,waxan is leeyahay Aqoonta ay Diinta u leeyihiin ayaa yar kuwa diidan arintaa ee ku dooda Diin iyo Cilmi iyo Caqli ayaa is diidan,iygoon degdegin baaritaan qoddo dheer ha ku sameeyeen arintaa Aniga waan ku sameeyay oon bartay/arkay in aysan Diintu Sayniska iyo Cilmiga ka horjeedin.
Is badalka iyo Horomarkana ay dhiiri galiso,Ilaahay wuxuu si ku celcelis ah Quraanka ugu sheegay in Aadanaha isaga Masuul looga dhigay Dunida lana faray inuu dabo iyo dacal ugu socdo soona kashifo siraha ku qarsoon si uu Insaanka u fududeysto Noloosha Dunida.

هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِن رِّزْقِهِ ۖ وَإِلَيْهِ النُّشُورُ .
“Eebe waa midka Dunida idiinka dhigay mid idiin dulleysan ee intaad ku socotaan ood dabo iyo dacal u fuushaan ka doonta Risqiga iyo Nolosha Eebe idiinka qadaray”

"۞ وَلَقَدْ كَرَّمْنَا بَنِي آدَمَ وَحَمَلْنَاهُمْ فِي الْبَرِّ وَالْبَحْرِ وَرَزَقْنَاهُم مِّنَ الطَّيِّبَاتِ وَفَضَّلْنَاهُمْ عَلَىٰ كَثِيرٍ مِّمَّنْ خَلَقْنَا تَفْضِيلًا (70)
"Bani Aadamkii waan karaamaynay,waxaanan u xilsaarnay Dunida Bad iyo Barriba,waxanan ku irsaaqnay waxyaabaha ugu wanaagsan,waxaanan ka fadilnay oon ka sara marinay wax badan oo wixii aan abuurnay ka mid ah”.

"وَإِذْ قَالَ رَبُّكَ لِلْمَلَائِكَةِ إِنِّي جَاعِلٌ فِي الْأَرْضِ خَلِيفَةً ۖ
"Bal xus waqti uu Rabigaa ku yiri Malaa’igta waxaan Dunida u samaynayaa mid maamula oo khaliif ka noqda..”

Ilaahay wuxuu faray Aadanaha inuu fakaro oo Caqliga uu siiyay isticmaalo oo wax ku soo saarto noloshiisana ku hormariyo.
"أَوَلَمْ يَنظُرُوا فِي مَلَكُوتِ السَّمَاوَاتِ وَالْأَرْضِ وَمَا خَلَقَ اللَّهُ مِن شَيْءٍ "
“Oo miyaysan Eeg-eegin Hanashada Eebe ee Samaawaadka iyo arlada iyo waxa Eebe khalqay ee ay ku dhex jiraan”.

Wuxuu kaloo Eebe faray Dadku in ay Naftooda iyo waxa ay ka samaysan tahay iyo sida loo abuuray ka fakaraan,oo ay ogaadaan waxa ay ubaahan tahay iyo waxa dhibaatada ku ah.
أَوَلَمْ يَتَفَكَّرُوا فِي أَنفُسِهِم ۗ
"Miyeysan Naftooda iyo sida ay u taal ku fakarin”.

Mar kale wuxuu Eebe dadka u sheegay in ay Dunidan toodii tahay oo ay ka mid yihiin khalqiga loo amaamuday in ay camiraan.
"وَالْأَرْضَ وَضَعَهَا لِلْأَنَامِ (10)"
“Eebe Dhulka wuxuu u yagleelay-oo uu ugu talo galay khalqiga”.

Rasuulka scw Dadka wuxuu ku yiri idinkaa u ogaal badan arimaga Adduunyadiina.
“انتم اعلم في امور دنياكم".

Ma jirto Diin Islaam oo kolna is hor taagtay horomarka Bulshada iyo Aqoonta bal way dhiiri galisay oo amaantay Cilmiga iyo Aqoonta.

Islaamku isagaa dadka u dira in ay Dunida soo baaraan oo soo kashifaan siraha ku qarsoon iyo sida Abuurka ku billowday.

﴿ قل سيروا في الأرض فانظر كيف بدأ الخلق ﴾ [العنكبوت - 20].
“Ku socda dhulka oo soo eega sida uu Eebe abuurka ku billaabay”.

Quraanku Saynis maaha waa Hanuun iyo Hadyi u yimi inuu Dadka u kordhiyo waxa ka maqan oo aysan arki karin oo ay adag tahay inay Cilmi iyo Aragti tooda ah ku gaaraan,sida jiritaanka Eebe iyo inuu yahay isaga midka waxan ay ku dhex jiraan iska leh,inuu Aadanaha si gaar ah xil u saaray,Imtixaamay,la Xisaabtami doono Maalin dambe oo Qiyaame la yiraahdo oo uu ku soo kulmin doono Duni kale geerida iyo gabgabada Dunida ka dib.

Quraanku in kasta oo uusan xoogga saarin arimo ay tahay inay Aadanaha iyaga Aqoontooda iyo la legdankooda Dunida ku gaaraan,hadana wax buu ka tilmaamay koonkan ay ku dhex nool yihiin.

Eebe wuxuu sheegay in Dunida iyo inta ay is dul meereystaanba ay Falag (Orbit ku wada jiraan)

وَهُوَ الَّذِي خَلَقَ اللَّيْلَ وَالنَّهَارَ وَالشَّمْسَ وَالْقَمَرَ ۖ كُلٌّ فِي فَلَكٍ يَسْبَحُونَ (33)
“Eebe waa midka abuuray Habeenka iyo Maalinta iyo Qorraxda iyo Dayaxa mid kasta oo kuwaas ka mid ahina Falag(Orbit)ayuu dhex dabaashaa”.

Ma jirto Habeen iyo Maalin jismi ama jurmi leh oo Falag la meeraysta Qorraxda iyo Dayaxa ee waxa loo jeedo waa halka laga dareemo oo Dhulka ah”.

Wuxuu kale oo Eebe sheegay in ay Qorraxda ku socoto meel iyada u gaar ah oo Quraanku ma oran Qorraxda ayaa Dunida ku wareegta.
وَالشَّمْسُ تَجْرِي لِمُسْتَقَرٍّ لَهَا ذَلِكَ تَقْدِيرُ الْعَزِيزِ الْعَلِيمِ ۝
“Qoraxdu waxay ku kadleysaa meel iyada u gaar ah,arintaaana waa jaangooyada Allaha awoodda badan ee ay tiisa uun socoto”.

Mar kale Quraanku wuxuu tilmaamay Goobanimada iyo wareegsanaanta Dhulka iyo in Habeenka iyo Maalinta ay ku yimaadaan qaab ka dhasha wareegga Dhulka.

خَلَقَ السَّمَاوَاتِ وَالْأَرْضَ بِالْحَقِّ ۖ يُكَوِّرُ اللَّيْلَ عَلَى النَّهَارِ وَيُكَوِّرُ النَّهَارَ عَلَى اللَّيْلِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُّسَمًّى ۗ أَلَا هُوَ الْعَزِيزُ الْغَفَّارُ (5)
“Wuxuu abuuray Samaawaadka iyo Arlada,wuxuuna qaab wareeg ah Habeenka oga dul keenaa Maalinta,sidoo kalana uu qaab wareeg ah Maalinta oga dulkeenaa Habeenka,wuxuuna sakhiray Qorraxdii iyo Dayaxii oo uu mid kasta ka dhigay mid ku socda muddo cayiman iyo xisaab,war baraaruga e Eebahaa sidaa wax isugu qoofalay waa mid ay tiisa uun socota oo dambiyadana dhaafa”.

Daliilada tilmaamaya fidsanaanta Dhulka waa kuwa ka hadlaya waaqaca indhaha u jeedaan kolka aan Dhulka joogno oo kuu muuqanaysa in meesha aad ku socotaa ay tahay meel fidsan.

Eebe wuxuu sheegay in Koonka iyo waxyaabahaa Xagga sare ka Muuqdaba ay yihiin kuwo sii ballaaranaya marba marka ka dambeeya.

"وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ (47)"
"Samada waxaan ku dhisnay Quwad waanan sii waasicin doonaa”.

28/06/2024

Markii laga soo tago xumaanta farriintaan iyo marxalada raqiisnimada aanan lagu arag taariikhda muslimiinta iyo mida soomaaliyeed .

Amxaaro !?
Caddowgaaga iyo caddowgii awowgaa lahaa markaad hooooosta sogashato waa mid subxanallaah, manta sharaftii awooweyaashen waxa aynu kubedelanay in nafteenii udulleyno caddowgii awooweyasheen ina dhahen wakaas caddowgini ayaa manta inaguna jiilka 100ka sanno ee sosocda usii dulleyneyna, bal haddii lanoolaado taarikhdu wey isqori doontaa waynuna eegi dona!!!.

Caruurta in lagu anqariyo nacayb iyo kala fogaanshiyo somaliyeed iyo soo dhawaysiga cadowga iyo nacaybka walaalahood waa mid kamida waddadii burburka. !!

26/06/2024

Hadal xaqiiqo ah

Sh.mustafe x. Ismacil harun

24/06/2024

WAXYEELADA AY DAD CEEBEYNTU LEEDAHAY.

Qof Dad ceebeynaya lama dhagaysto,hadaad dhagaysatana lama rumeysto,Ceeb dadeed lama raadiyo oo lama raad-raaco,hadaad la kulantana lama sii faafiyo oo waa la asturaa.
sidaas ayaa dariiqa toosan ah oo diintuna faraysaa,waayo Insaanu waa dambiile sidiisaba mana noqon karo Ceeb ka saliim,illaa Qof ilaahay u naxariistay mooyee.
Qofka aad wax xilli ku maqasho ama ku aragto si gaar ah ugu nasteexee adiga oon fidineynin ceebtiisa.

Ilaahay iyo Rasuulkiisa scw waxay si ku celcelis ah inoogu sheegeen in ceebaha la asturo ay waajib tahay,in la fidiyo ceebna ay xaaraam tahay.

-وَلَا تَقْفُ مَا لَيْسَ لَكَ بِهِ عِلْمٌ ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَٰئِكَ كَانَ عَنْهُ مَسْئُولًا .
“Ha raac-raacin waxa xun ee aadan ogaal u lahayn waayo Maqalka iyo Araga iyo Qalbiga mid kasta oo kuwaa ka mid ah wax baa layska weydiin doonaa maalinka Qiyaame”.

Sideedaba hadal xun oo ceeb iyo aflagaaddo shakhsi ama dad ku saabsan lama dhagaysto lamana rumeeyo,inaad rumeyso xumaan Qof laga sheegayo ayaaba dambi ah oo taa badalkeed inaad beeniso xumaanta aad maqashay ayaa waajib ah oo Ilaahay kol uu Mu’miniinta kala hadlayay arintaas wuxuu yiri:

-لَّوْلَا إِذْ سَمِعْتُمُوهُ ظَنَّ الْمُؤْمِنُونَ وَالْمُؤْمِنَاتُ بِأَنفُسِهِمْ خَيْرًا وَقَالُوا هَٰذَا إِفْكٌ مُّبِينٌ .
“Oo kolkii aad maqasheen ceebta maxay Ragga iyo Dumarka Mu’miniinta ah naftooda khayr isugu maleyn waayeen oo ay u oran waayeen waxani waa been abuur cad”.

Ceebeyn la maqlay oo misna la fidiyay Ilaahay waxa uu ka dhigay dambi cadaab weyn lagu mudanayo oo Ilaahay wuxuu yiri:-

“إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ “
“Kuwa jecel inay foolxumada iyo ceebta ku faafto Mu’miniinta waxay leeyihiin Cadaab daran Adduun iyo Aakhiraba”.

Waqtigii lagu been abuurtay Mu’miniinta hooyadood Caa’isha Ilaahay ha ka raali noqdee,ilaahay wuxuu dadkii Rasuulka scw la noolaa oo Asxaabtiisa u badnaa u sheegay inay khatar ku galeen oo ay Cadaab ku mudan gaareen foolxumadii iyo ceebtii laysla dhex maray darteed.

-وَلَوْلَا فَضْلُ اللَّهِ عَلَيْكُمْ وَرَحْمَتُهُ فِي الدُّنْيَا وَالْآخِرَةِ لَمَسَّكُمْ فِي مَا أَفَضْتُمْ فِيهِ عَذَابٌ عَظِيمٌ.
“Haddii aysan ahaan lahayn Ilaahay raxmadiisa uu idinku galadeystay Adduun iyo Aakhiro,waxaa idin haleeli lahaa cadaab weyn ceeb fidintii aad isla dhex qaadeen darteed.

Ilaahay in ceebaha la asturo wuxuu ku daray waxyaabaha waaweyn ee isaga loogu dhowaado oo lagu kasbado dambidhaaf iyo asturnaan.

Rasuulka scw wuxuu yiri:-

"من نفس عن مؤمن كربة من كرب الدنيا نفس الله عنه كربة من كرب يوم القيامة، ومن يسر على معسر يسر الله عليه في الدنيا والآخرة، ومن ستر مسلمًا ستره الله في الدنيا والآخرة، "
“Qofkii kurbo Adduunyo ka fayda Qof Muumin ah Ilaahay baa isna ka fayda kurbo ka mid ah kurbooyinka Aakhiro,qofkii ka fududeeya mid ay dayni cusleysay oo ama ka bixiya ama u daaya Ilaahay baa Adduun iyo Aakhiraba nolol wanaagsan u fududeeya,Qofkii astura ceeb qof Muslim ah ceebtiisa Ilaahay baa astura Adduun iyo Aakhiraba”.

Imaamu Shaafici Ilaahay ha u naxariistee waxa uu ku gabyay:-

اذارمتَ أنْ تَحيا سَليماً مِن الأذى *** وَ دينُكَ مَوفورٌ وعِرْضُكَ صَيِنُّ
لِسانُكَ لا تَذكُرْ بِهِ عَورَةَ امرئٍ *** فَكُلُّكَ عَوراتٌ وللنّاسِ ألسُنُ
وعَيناكَ إنْ أبدَتْ إليكَ مَعايِباً *** فَدَعها وَقُلْ يا عَينُ للنّاسِ أعيُـنُ
وعاشِرْ بِمَعروفٍ وسامِحْ مَن اعتَدى *** ودَافع ولكن بالتي هِيَ أحسَنُ.

Haddii aad doonayso inaad dhibaato la’aan noolaato oo diintaadu wanaagsanaato sharaftaadana dhowrsanaato.
Carabkaaga ha ku sheegin ceeb dad leeyihiin waayo adigaba ceebo ayaad leedahay dadkuna waxay leeyihiin carrab ay ceebtaada ku sheegi karaan.
Ishaada haddii ay ceeb aragto ka gudub oo ku dheh naftaada dadkuba indho ay ceebtaada ku arkaan ayay leeyihiin.
Dabeecad san dadka kula dhaqan oo saamax,oo ha kaa soo fulo mar kasta waxa haboon.

Ugu dambeyntii waxaa haboon in laga digtoonaado waddooyinka sheydaanka ee ay dad ceebeyntuna ku jirto,maanta yaa insaan ah oo ceeb ka saliim noqon kara?!.

Ilaahay wuxuu yiri:-

"وَلَوْلَا فَضْلُ اللَّهِ عَلَيْكُمْ وَرَحْمَتُهُ مَا زَكَىٰ مِنكُم مِّنْ أَحَدٍ أَبَدًا وَلَٰكِنَّ اللَّهَ يُزَكِّي مَن يَشَاءُ ۗ وَاللَّهُ سَمِيعٌ عَلِيمٌ (21)"
“Haddii aysan jiri lahayn fadliga Eebe dushiina ku leeyahay iyo Raxmadiisa mid ceeb ka saliim noqda oo idinka mid ah lama arkeen,ee Ilaahay baa dahira oo ceeb ka saliim ka dhiga ciddii uu doono oo Eebe waa mid maqla oo cilmi badan”.

23/06/2024

Generation Changes😍....kan midka xun dunida masoo mari donan filayaaa

21/06/2024

muhiim ah

Waxaynu ubaahan nahay dhammaan teen ba in aynu ka shaqayno Beerista 40Kun oo geed sanadkan oo keliya, taas oo qayb ka ah qorshe cusub oo aynu ubaahan nahay in aynu samayno si aynu uhelno Burco cagaaran kadibna uhelno Somaliland Cagaaran, taas oo uga gol leenahay joojinta iyo kahor tagga cimiladda sixumanisa ee Dunida.

Waxaynu ubaahan nahay dhammaan teen ba shacab iyo Dawladda Hoose ee Burco
“ in aan beerno afartan kun oo geed Sanadkan qof kasta oo doonaya in uu Mustaqbal katago waa in uu qayb ka noqdaa Burcada Cagaaran si loohelo hormuudna loogu noqdo Somalilandta Cagaaran”

Axmed Tosane

20/06/2024

"Hadaad rabto nolol degan inaad ku noolaato, Nolol aan warwar iyo walbahaar lahayn Salliga Nebiga (ﷺ) iyo tasbiixda badsada."

~Sheekh Mustafe

20/06/2024

Subxaana Allah.
"وَفِىٓ أَنفُسِكُمْ ۚ أَفَلَا تُبْصِرُونَ." (الذاريات)

19/06/2024

ISLAAMKA IYO DHIIRIGALINTA SHAQADA IYO XOOGSIGA.

Badi Dadka Soomaaliyeed waxay wada doonayaan in ay shaqada meel sare ka billaabaan ama ay mashaqaystenimo door bidaan oo uu waqtiga kaga dhamaado iska daba wareeg.

India BHD holderska ayaa dhul nus boos ah beer ka xagaafta oo noloshooda ka soo saara,Kenya waxaad ku arkaysaa dhalin digriiga koowaad ee jaamacadaha dhameeyay oo Hotelada Cuntada ka shaqaysta,ama Xafiisyada nadiifiya oo Dhulka iyo Musqulaha dhaqa,oo halkaa ka aruursada lacagtii ay wax ku sii baran lahaayeen,Soomaalida noloshooda dhan waa khayaali iyo waqti lumis iyo Shaxaad iyo faan aan micno ku dhisneyn oo saboolnimo baahday ku dambeysiiya.

Yaa yiri jaamiciyiinta kaliya ha sugeen shaqo u qalanta.
Caalamka wax shaqo isku ceebeeya oon soomaali ahayn waa la waayay.

Diinta islaamka oo ah diin dhinac walba ka dhameys tiran oo baysna u noqon karta nolosha aadane kasta oo rumeeya waxyaabaha ay dhiiri galiso waxaa ka mid ah dadku inay yeeshaan xirfado shaqo iyo wax soo saar,nusuusta abaartaa ku aadan oo ah kuwo aad uga badan in la soo koobo waxaa ka mid ah intan aan tusaalaha yar u soo qaatay.

Ilaahay wuxuu yiri:-

‎"هُوَ الَّذِي جَعَلَ لَكُمُ الْأَرْضَ ذَلُولًا فَامْشُوا فِي مَنَاكِبِهَا وَكُلُوا مِن رِّزْقِهِ ۖ وَإِلَيْهِ النُّشُورُ (15)"
“Eebe waa midka Dunida idiinka dhigay mid idiin dullaysan-oo idiin sakhiran-ee intaad dabo iyo dacal ugu socotaan risqiga Eebe kala soo baxa oo cuna,ogaadase in xagiisa laydinku soo kulmin doono nolosha dambe”.

Wuxuu kale oo uu Eebe yiri:-

‎“وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ ۚ لِّلرِّجَالِ نَصِيبٌ مِّمَّا اكْتَسَبُوا ۖ وَلِلنِّسَاءِ نَصِيبٌ مِّمَّا اكْتَسَبْنَ ۚ وَاسْأَلُوا اللَّهَ مِن فَضْلِهِ ۗ إِنَّ اللَّهَ كَانَ بِكُلِّ شَيْءٍ عَلِيمًا (32)”
“Ha naawilina waxa aan qaarkiin qaarka kale dheereysiinay,Raggu waxa ay leeyihiin wixii ay shaqaystaan,Dumarkana waxa ay leeyihiin waxa ay shaqaystaan,oo ilaahay dheeraad waydiista waa mid wax kasta oge”.

Indhaha laguma taago wixii Cid kale Eebe u qoray ee uu Nasiibka iyo Dadaalkooda ku caawiyay,Adiga waxaa ku khuseeya Xaqiiqda ku hor taal,dadaalkaaga iyo halka uu Nasiibkaagu ku dhigay oo la doonayo in aad ku qanacdo.

Waxaa Muhiim ah in aadan ka Xishoonin dantaada oo aad hadba halka aad taal ka billowdo halganka nolosha adiga oo kaashanaya Rabiga deeqda bixiya.

Waligaa ha ka xishoon Xoogsiga iyo Shaqada ay dani ku baddo,adiga oo han sare leh ayaad ku meel gaari kartaa ka dibna uga gudbi kartaa heer kale.

Adduunkan qof ad adag oo Agrisave ah oo dantiisa yaqaan halka ay dhigtana kala halgama uun baa ka adkaan kara.

Rasuulka scw wuxuu yiri:-
‎"((لأن يأخذ أحدكم حبله فيأتي بحُزمة الحطب على ظهره، فيبيعها فيكفَ الله بها وجهه،خير له من أن يسأل الناس أعطوه أم منعوه))رواه البخاري والحديث صحيح"
“In uu midkiin xarigiisa qaato oo uu xirmo xaabo ah degta u soo rito oo uu iibiyo oo uu Alle kaga deeqo baryada dadka ayaa u dhaanta inuu dadka wax weydiisto ama ha siiyeen ama ha u diideene”.

Rasuulka scw wuxuu yiri:-

‎"كَانَ دَاوُدُ عليهِ السَّلامُ لا يَأْكُل إِلاَّ مِن عَملِ يَدِهِ" رواه البخاري.
“Nabi daud wuxuu ahaa mid aan cunin wax ka baxsan kasabka gacantiisa”.

Rasuulka scw waxa kale oo uu yiri:-

‎ "كَانَ زَكَرِيَّا عليه السَّلامُ نجَّاراً" رواه مسلم
“Nabi zakariye wuxuu ahaa Farshaxan”.

Rasuulka scw wuxuu mar kale yiri:-

‎ "مَا أَكَلَ أَحَدٌ طَعَاماً خَيْراً مِن أَنَ يَأْكُلَ مِن عمَلِ يَدِهِ"رواه البخاري.
“Qofna ma cuno cunto ka khayr badan wixii ay gacmihiisa soo shaqeeyeen”.

Ambiyadii Ilaahay Aadanahiisa ka xushay ayaa ahaa Qowsaaro Xoolaha u raaca carro edegga ay Dunida kaga noolaayeen.

Rasuulka scw wuxuu yiri:-

"عن أبي هريرة رضي الله عنه أن النبي صلى الله عليه وسلم قال: (ما بعث الله نبيا إلا رعى الغنم، فقال أصحابه: وأنت؟ فقال: نعم، كنت أرعاها على قراريط (جزء من الدينار، أو موضع بمكة) لأهل مكة) رواه البخاري.

“Ilaahay Nabi ma soo dirin Illaa wuxuu ahaa Ari jire,Asxaabtii baa ku tiri xitaa Adiga?!Rasuulka scw wuxuu yiri:-xitaa aniga oo waxaan Reer Maka Ariga ugu raaci jiray Sunuud yar”.

Xitaa Dumarkii baa Islaamku faray in ay xoogsadaan oo aysan cid kale u fadhiyin haddii dantu baddo oo ay waayaan Rag ka xigsada Masuuliyadda Qoyska.

‎"وعن جابر رضي الله عنه قال:-طلقت خالتي فأرادت أن تجد نخلها فزجرها رجل أن تخرج فأتت النبي صلى الله عليه وسلم فقال : بلى فجدي نخلك فإنك عسى أن تصدقي أو تفعلي معروفا )
“Saxaabiga jaabir rc wuxuu yiri:-habaryartay baa la furay kolkaasay damacday inay beerteeda ka shaqaysato,nin ayaa damcay inuu u diido markaasay u timid nabiga scw ooy arintaa u sheegtay,kolkaasuu ku yiri nabiga scw:-ka shaqayso beertaada waxaa dhici karta inaad waxa kaa soo gala aad qaarna sadaqaysato qaarna aad si kale wax kuu haboon aad ugu qabsato”.

Ugu dambeyntii Dhallintu haddii ay cudurdaarka dilaan,wax qabsiga iyo shaqada saacaddaa hurran ee ay heli karaana ka khashaafin waxaa Hubanti ah in ay dhaami doonaan sida ay hadda yihiin ee kololka qaar u dhaxeysa Nolol iyo Geeri.

Adresse

Rignieux-le-Franc

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Axmed Thoozane publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Vidéos

Gabadhu 12saacadood ayey shaqeysaa hadana shaqo looma aqoonsano waxaasi ay qabaneyso saacadahaasi Sh. Mustafe xaji ismacil Haaruun

Bal eeg cuqubada laga gelayo masaakiinta waxaan rajaynaya dadkii waxaas sameyey malaa uma arkaan waxani inuu yahay madheeyaan nafi kujirto waxaan rajaynaya in agteena waxani kayahay Robot. War xoolaha xuquqdooda ilaaaliya

Dhinac walba Nolosha kafiiri dadka Somalida meelkasta oo waddanka kakala joogan waa ummad fashilantay, markaan kuleeyahay waa ummad fashilantay waxaan ula jeda dhanka siyaasadda wayku fashilmeen, dhanka dhaqaalaha way ku fashilmeen ,dhanka arrimaha bulshada iyo waxbarashada way kufashilmeen ,dhanka Dawlad nimada wayku fashilmeen dhanka Amniga iyo kala danbaynta way ku fashilmeen, ugu danbayn dhammaanba qaybaha kala duwan ee Nolosha waa fashil. Waxa la dhihi karaa dhammaan teenba waxaynu nahay dad fashil ah nolosha aynu nool nahay majirto wax aynu kusoo kordhinkarno inaynu uga sii darno marxaladdaha qalafsan ee 30kii sano jirey moyane. Inkabadan 30sano ayaynu dagaalada ,abaaraha iypl barakaca dhexdeena ah xalinkari lanahay, dhoriyo 30sano ayaa kuwa dadku soodorteen ee madaxda loodortey katalinayeen barakicinta iyo dagaal ka oogidda beelihii ama shacabkii iyaga soodortey dhexdooda. Maanta agteena qofka bani aadamka ahi majirto wax qiimo uu leeyahay,isaga iyo qudhaan jada anad arkeyn ee aad ku istagtay ee dhimatay waa isku mid, ilaahay agtiisana in qof kibir lagu dilo iyo in dunida larogo waxa culus in qof ladilo. Muhiimadda ugu danbaysa ee hadalkayga waxa weyan waa maxay sababta wax looga qaban layahay dilka la dilayo dhallinyarta soomaliyeed ee maalinwalba sida bilaa macnaha ah loogu xasuuqayo fagaareyaasha layskugu yimaaddo. ● Maxa loolaayey oo ay udhinteen dhalinyartii xeebta Liido? ● Maxay udhinteen oo ay galafsadeen dhalinyartii iyo waayeelkii qaraxii Soobe ? Celcelis ahaan 21million ayaa lashega in tiradeenu tahaya waxa ay nu kusocona in 1million keliyata iska soo reebno? Wixii taarikhda hore udhacay waa in aynu fiirinaa ,waxa harereheen ka dhacayana waa in aynu isha kuhaynaa sidana sidookale haddii somali nahay waa in aynu si isku dhanna oo wax iska bedelna, haddii kale dhammanteenba inamariya dabka isku wada gurnee. Wq: #Axmed_Thoosane

Suaalaha qaar inaad isweydisaa waa muhiim, .amadan waxkasta oo idin sheegiso waa hadal xaqiiqo ah .

Somali da Wlhi halahas ka dhiman qof walpo wax aan dan uga jirin iyo Shaqo an lo dirsan wax ey qabtan bey la yihiin😅

Hadal xaqiiqo ah Sh.mustafe x. Ismacil harun

😄 From Ceelgaal To Become the Richest Somalia American 🇺🇸

Qofna kuuma baqayo, kumana daryeelayo kumana ilaalinayo noloshan ilaa hooyadaa mooyaane,Hooyadu waa laf dhabarta Nolosha 💝🧡ilaahow Hooyo abaalkeeda Janno kayeel ifkana Raaxo iyo Janno ka dhig🥺

Waxa hadlaya asaga ma ahan ee wa iimaanka fiican ee ku jira qalbigiisa iyo damiirkiisa wanaagsan sidey tahayna u rumaysan kitaabka ilaahay iyo maalinta aaqiro.

6 cashar oo nolosha u muhiim ah,madama wax wal0ana is bedelayan. 1. Noloshu waa mid aan la saadaalin karin oo ay ka buuxaan wax yaabo la yaab leh, xumaan iyo samaanba. 2. Gali wakhtigaaga iyo tamartaada waxa run ahaantii muhiim kuu ah. Haddi ay tahay xirfad shaqo, mashruuc xamaasad leh, ama xidhiidh qoto dheer oo lala yeesho dadka aad jeceshahay, kuwani waa waxyaalaha nolosha ka dhiga mid macno leh. 3. Ku dadaal wanaag iyo wax qabad, laakiin ha ka tegin dareenka naxariista iyo dadnimada. Xusuusnow in caqabad kasta ama jirro kasta ay ka dambeeyaan, uu jiro qof leh sheekadiisa iyo halgankiisa. 4. Waqtigeena dhulka waa xaddidan yahay yacni muddada ay nu nool nahay, wajahida xaqiiqadan waxay noqon kartaa cabsi. Laakiin qirashada dhimashadeena . 5. Sheekooyinka, qoran iyo kuwa noolba, waxay naga caawiyaan inaan macno u samayno adduunka iyo meesha aan kaga sugannahay. Waxay noo ogolaadaan inaan wadaagno waayo-aragnimada, helno meel ay wadaagaan, oo aan wax ka barano midba midka kale. 6. Sida aynu u noolayno nolosheena iyo saamaynta aynu ku yeelano dadka kale waxa ay gaadhi kartaa in ka badan jiritaankeena. Ku dadaal in aad raad wanaagsan kaga tagto aduunka, ha ahaato xidhiidh shakhsiyeed, guulo xirfadeed, ama dadaalo hal abuur leh. احمد إبن جامع سحرديد W/Q: