URGA books

26/02/2024

#ШинэНом

"Урга бүүкс" хэвлэлийн газар анхны номоороо монгол гарвальтай Тайванийн яруу найрагч Ши.Мөрөнгийн сонгомол түүврийг уншигчдадаа барьж байна.

Мянганаар тоологдох түүхтэй Хятад яруу найргийн ай он цагийн ээдрээ, нугачаанд эх газрын болон Тайванийн гэсэн хоёр голдирол болон салжээ. Тэрхүү голдирлын нэгэнд Ши Мөрөн гэх том цутгал бий. Зохиолчийн нэр ч өргөн мөрөн гэсэн утгатай. Ши Мөрөн бол түүхийн эгзэгтэй он цагийн шуурганд туугдан далайн чанадад очсон монголчуудын үр сад.

Ши Мөрөн 1943 онд Хятадын өмнөд нутгийн Чунчин хотод төржээ. Гэр бүл нь улс төрийн шалтгаанаар Хонконг руу дүрвэн гарч, 1950-аад оны эхээр Тайваньд суурьшсан аж. Гэр бүлээ даган европт амьдарч байхдаа Бельгийн Брюссель хотноо Эзэн Хааны Урлагийн Академийг зураач мэргэжлээр дүүргэсэн гэдэг. 1981 онд зураач Ши Мөрөн “Хүж өвс” нэртэй анхны номоо хэвлүүлсэн нь түүнийг Тайванийн яруу найргийн гол төлөөлөл болох өндөрлөгт аваачлаа. “Хүж өвс” тэр жилээ долоон удаа хэвлэгдэж, шүүмжлэгчдийн зүгээс “үзэгдэл” гэсэн үнэлгээ авч, залуусын унших дуртай ном болсноор Тайванийн яруу найрагт монгол нэрээр овоглосон нэгэн гайхалтай яруу найрагч төрсөн юм. Тэрбээр “Хүж өвс”, “Алс холын нутаг”, “Гол урсах дуун” тэргүүт долоон шүлгийн түүвэр, арваад эсээ, хүүрнэлийн ном хэвлүүлээд байна.

Орчуулагч: Амарбаатарын Урантогос Togos Amara
Ерөнхий редактор: Уртнасангийн Бямбаням
Техник редактор: Пүрэвдоржийн Номинбилэг Nominbileg Nobi
Дизайнер: Самеди

Нээлт тун удахгүй ...

26/02/2024

Ши Мөрөн гуайн тухай сайхан бичжээ. Ши Мөрөн гуайн шилмэл шүлгийн түүврийг "Урга" хэвлэлийн газар "Мянган жилийн хүсэл" нэрээр эрхлэн хэвлүүлсэн. Интерном, Азхур, Альфабүүкс дэлгүүрээр худалдаалж байгаа шүү. 😇

24/07/2023

Үлэг гүрвэлийн хорхойтнуудын цуглах эвент байна шүү. Улалзах цонжид уулзацгаая. 😍 "Urga" хэвлэлийн газар "Музей: Эртний ертөнцийн эрэл" номоороо оролцох болно 🤩🤩

19/07/2023

Музей цувралын номууд маань GEREN мухлагт байрсан шүү.
Сайн агуулгатай хүүхдийн номыг хүргэдэг GEREN - Хүүхдийн зурагт номын мухлаг-таа баярлалаа.

Динотой тор маань ч цөөн тоогоор GEREN-д байгаа 😍

Гэрэнд Урга хэвлэлийн газраас эрхлэн гаргадаг “Музей” цувралын хоёр дахь дэвтэр болох “Эртний ертөнц дэх эрэл” ном байршлаа!

Зохиолын гол дүр болох Мэрин охинтой цуг Завроподын өндгийг хайх зуураа төрөл төрлийн үлэг гүрвэлүүдтэй танилцаарай. Сонирхолтой зохиолоос гадна цээжилсэн хүрдээ шалгах, тоо бодох, үлэг гүрвэлийн бутарсан ясыг нийлүүлж эвлүүлэх, дуртай зүйлсээ зурах, нэр зөв таах гэх мэт бүтээлч дасгал ажлуудтай. Бас Монгол оронд үлэг гүрвэлүүд хаагуур нутаглаж байсныг харуулсан газрын зураг хүртэл бий. Өөр бусад дэлгэрэнгүйг номноосоо үзээрэй 🦖🦕

03/07/2023

Үлэг гүрвэлийн ертөнцөд юу болсон бэ? 😍 "Музей: Эртний ертөнц дэх эрэл" номын нээлтэд хүрэлцэн ирж, нэгэн өдрийг хамт өнгөрүүлсэн хүндэт уншигчдадаа баярлалаа.

Бидэнтэй хамтран ажилласан Arts Council of Mongolia хамт олон, Бодь Дарма сангийнхан, ШУА-ын Палеонтологийн хүрээлэн, The Asia Foundation Mongolia -гийхандаа баярлалаа. 😍

Музей цувралын дараагийн номоор удахгүй уулзъя. Ном маань бүх номын дэлгүүрт тун удахгүй хүрэх болно оо. 🤩

30/06/2023

Дараагийнх нь аль музей байх вэ? Таагаарай 🌏🌟🌑🌝

30/06/2023

🦕Бэлдээд л… 🦖🔥

29/06/2023

Ногоон ордны аялал маань хэвлэгдээд нэг ой хүрчээ 😅 Хүүхдүүдээ дагуулаад музей орохдоо барьдаг гарын авлага, чөлөөт цагаар уншдаг гэр бүлийн ном болоорой гэж ерөөж байв. Хоёр өдрийн дараа Үлэг гүрвэлийн музейгээр аялах нь ээ 🤩🥰

07/04/2023

27/05/2022

Гадаа ногоорч, урин цаг ирснийх Ногоон ордноороо зочлоорой. Зочлохдоо ном мартуузай. Ном маань Интерном, Азхур, Ninebook, мөн Богд хааны музейн дэлгүүр худалдаалж байгаа.

Хүүхдийн баяраар номоо бариад Богдын ногоон ордноор аялбал сонирхолтой биш гэж үү.

Мөн олон тоогоор авах бол манай хуудас руу хандаад хямдруулаад аваарай 🥰

17/05/2022

"Музей: Ногоон ордны аялал" номын маань нээлтэд хүрэлцэн ирсэн хүндэт ууншигч, хүүхэд багачууддаа баярлалаа. Ном маань Интерном, Ninebook дэлгүүрт байгаа, удахгүй бусад газарт хүрэх болно.

Бас номын баяраар уулзацгаая
👇😍

09/05/2022

"Музей: Ногоон ордны аялал" номын нээлтэд та бүхнийг урьж байна. Монголын хамгийн анхны музей, сүүлчийн хааны орд өргөөнд уулзацгаая. 😊

08/05/2022

#ЭнэӨдрийнШүлэг

Барахын аргагүй жимсийг би чамд үлдээлээ
Бас дээр нь нэмээд ойлгохын аргагүй зуныг
Бараг л хайртай болсныгоо хэлчих дөхсөн намрыг
Баяртай... бүсгүй минь бүгдийг нь чамд үлдээлээ.

Хааяа нэг ганцаардвал хууртаж гансрахын учрыг
Хаа хамаагүй бороо шивэрсэн ч дагаад л уярдаг шалтгааныг
Хагацъя даа... би чамд үлдээж байна.

Photo: Y E L L O W B I R D
Poem: Ц.Батбаатар

02/05/2022

#ШинэНом #Музей #Хүүхдийнбүтээлчном

Тавдугаар сарын мэндийг шинэ номтой угтаж байна. URGA books хэвлэлийн газар ArtsCouncil Mongolia Acm хамтран "Музей: Ногоон ордны аялал" номоо нээхэд бэлэн боллоо.

Музейн соёл, өв уламжлал, түүхийн ертөнцөөр аялуулах "Музей" цувралын эхний ном ийнхүү уншигчдадаа хүрч байна. Музей номын нээлт 2022 оны тавдугаар сарын 14-ны 11.00 цагаас Богд Хааны Ордон музейд болно.

Зохиогч У.Бямбаням
Зураач Л.Нямдорж
Мэргэжлийн редактор Ц.Гүнчин-Иш
Техник редактор Б.Энхсайхан
Дизайнер М.Гүнчинмаа
Бичиглэл Т.Надмидцэрэн

01/05/2022

#энэөдрийншүлэг #шимөрөн

БИ

Алсад одох дуртай би, хагацах бас дуртай
Амьдрал бүхэлдээ хүслээр дүүрэхүйд дуртай
Асур тэнгэрийн одон альхан зүгт дуудлаа ч
Алс холоо тэмцэн түүнээ одох дуртай.

Үлдэх би дуртай, үүрдийн утгад дуртай
Үй олон жимсний мод цэцэрлэгтээ тарих дуртай
Өвлийн цас, зуны хур, хаврын урь, намрын ургацаа хүлээж
Үлдсэн амьдралдаа өдөр бүр ургасаар байх
Өөр эсэн бодолгүй хүсэл л үлдэхэд дуртай.

Цаг хугацаанд угаагдсан өнгөнд би дуртай
Цааш нь дуулж чадаагүй тэр л дуунд хайртай.

Харанхуй шөнийн гүнд урт шүлэг бичих би дуртай
Хариугүй цэлмэх үүрээр үсэг бүрийг нь тэмтчин
Хамаатай үг бүрээс таныг далдлан нууж
Хасаж алгуурхан арилгаж орхих би дуртай.

1984.09.02

Шүлэг: Ши.Мөрөн "Мянган жилийн хүсэл" түүвэр
Орчуулагч А.Урантогос
Гэрэл зураг: У.Бямбаням

24/04/2022

Шинэ номын тухай мэдээ 😍

“Урга бүүкс” хэвлэлийн газар анхны номоороо монгол гарвальтай Тайванийн яруу найрагч Ши.Мөрөнгийн сонгомол түүврийг уншигчдадаа хүргэхээр зэхээд байна. Мянгана...

20/04/2022

Ном маань Internom Bookstore NINE Bookstore Аз Хур номын их дэлгүүр - Azkhur nomiin ikh delguur дэлгүүрт очсон шүү. Авч амжаагүй бол тэндээс авч болно. 👌

20/04/2022

"Urga books"-ийн анхны ном Ши.Мөрөнгийн "Мянган жилийн хүсэл" сонгомол түүвэр болон яруу найрагч А.Урантогосын шинэ номын нээлт жинхэнэ утгаараа Poetry Night-ыг мэдрүүллээ. Хүрэлцэн ирсэн уншигчдадаа, яруу найрагчдадаа баярлалаа. Өөр олон удаа, ийм халуун дотно, утга уянгатай уулзахын ерөөл тавья.

Гэрэл зургийг: Erkhbayar Tsengel Хэрэв зургийг ашиглах бол гэрэл зурагчны нэрийг дурдаж өгөхийг хүсье.

Урга бүүкс удахгүй дахин уулзана аа. 🙂

26/03/2022

Тайванийн яруу найрагч Ши Мөрөн "Мянган жилийн хүсэл" түүвэр тун удахгүй ...

ҮНЭР ЯЛДАМ ЦЭЦЭГ

Турьхан горхи тэнхээ мэдэн их далайд тэмүүлнэ
Түрэх давалгаа нь гэвч эх газраа ахин дахин тэвэрнэ.
Хашааны өмнөх, цагаан цэцэгтэй ногоон модны дэргэдээс
Хуучин шигээ аяархан, гар далласаар хагацсан сан...

Бүх зүйл хувирсан хорин жилийн хойно ч
Бидний хайрын сэтгэл шөнө бүр сэрсээр байнам,
Зөөлөн салхи шүргээд өнгөрөх бүрд тэгээд
Зүйргүй анхилам үнэрт цэцэрлэг болон хувирнам.

1980.10.04

Орчуулагч А.Урантогос

Гэрэл зураг: Крист Стокес

18/11/2021

#Энэөдрийншүлэг #Намрыгүдэхүй

Арван нэгдүгээр сар миний дургүй сар.
Яагаад би түүнд дургүй билээ?
Намар биш, хэтэрхий орой –
Өвөл биш, арай л эрт –
Ямар ч цаг улирал гэх вэ дээ,
Арван нэгдүгээр сард дургүй ээ.
Хоосорч хохийсон модод нэг л этгээд
Хоржоонт үнэрээр сэтгэлийг хатгана.
Тэр үнэр зүрх рүү хутга шиг биш,
Хатсан хуурай өвс шиг шагайгаад
Тэвчээрийг минь хэмжих мэт
Хачин солгой аялгуу хуурдана.
Зүрхийг минь хөрөөдөж буй тэр чимээнд
Хөгжим мэдэхгүй хүмүүс хууртана.
Хөөрхий, ийм л цагаар хорвоод ирсэн минь
Анхнаасаа утгагүй явдал байсан шиг санагдана...

Poem: Г.Аюурзана "Миний дургүй сарууд"
Photo: Paul Suciu

14/11/2021

06/10/2021

...

Навч минь би чиний
Гараас чинь хөтлөөд цуг хийсье тэгэх үү
Намрын бороонд хамтдаа даарч хонох
Ганцхан хоногийн зөвшөөрөл өгөөч

Чиний л дэргэд бүтэн шөнө бээрч хоноод
Чимээгүйхэн үүрээр хамтдаа цуг нисье
Шимширсэн гунигийн хатуу цээж өмөлж
Шархадсан шувуу шиг цоорхойг чинь энхрийлье, зөвшөөрөөч.

Poem: Б.Лхагвасүрэн

18/02/2021

#ЭнэӨдрийнШүлэг #Нямсүрэн

Чиний эрэгт намайг суусаар л байтал
Чи гол горхи минь, чи гол горхи минь урссаар л байв шүү...
Тэнгэрийн энэ шөнийн гэгээнээр.
Нойтон ганц бургас шиг
Тэр гүүрэн доогуур.
Чамтай цуг яваад л өгөх юм сан.
Чиний л ойр хоргодож.
Ийм олон хоносоор байтал.
Чи гол горхи минь, чи гол горхи минь ...
Хэнийхний уруу л чигтэй урссаар байв шүү.
Мэдсээр л байсан жаргал,
Мэдсээр л хүлээсэн зовлон гэж

Poem: Д.Нямсүрэн
Photo: Никита Тришалов

05/12/2020

#НохойМэтҮнэнч

"Уулын манан ууландаа л хөллөнө"

"Үхэл гэгч нэгэн хүний мөнх нойрссоноор төгсдөг юм биш, тэр хүний нөхөр дайсан хоёрын сэтгэлд оршин байдгийг үзэв. Тэрхүү үхэл өнчин хоцорсон бяцхан охиных нь зүрхэнд, цал буурал болсон хөгшин эхийн нь сэтгэлд, төрсөн ахын нь тойрч займчсан үгэнд, аманцар бэргэний шулуухан асуусан асуултад нуугдан байгааг үзэв. Энд найрлан суугаа, муу бүхнийг умартан зайлуулсан амгалан царайтай энэ хүмүүсийн харцанд, өглөөхөн охин нь булаан авсан цэнхэр дээлийн шаглаасанд, Хишгээ хүүхний хонио хариулж явсан буурал царамд байгааг мэдэв..."

Д.Норов "Тэжээвэр" туужаас

05/12/2020

#ЭнэӨдрийнШүлэг #АгшижСунах

Агшиж сунах хоног өдрүүдийн дунд
алгаа дэлгээд, хөлөө жийгээд амсхиймээр байна
амьдрал гэдэг уухилан зүтгэх галт тэрэгний цагаас
албаар ч болов ганцхан удаа хоцорч үзмээр байна…

цамцныхаа уранхайг ширж, цай хандлан, үзэгнийхээ толгойг хэмлэн
цааш эгцлэн алхах хорин насаа амар тайван үдье
ааг амьсгаагүй гүйхэд минь цовхчин сандарсан зүрхнийхээ
цантаад үлдсэн хэсгийг бүлээн хэвээр нь үлдээе дээ..,

Ирэх өдрүүд дурсамж, түүнээс цааших нь ч бас
итгэж сурахгүй л бол амьдрал дундаасаа хойш энэрэлгүй
Аль ч замыг сонгосон хүрэх газар нэг
агшиж сунах өдрүүдийн дунд хөлөө жийгээд, алгаа дэлгээд хүн хэвээр …

Poem: Samedi
Photo: Eric Kim

09/10/2020

#ЭнэӨдрийнТэмдэглэл #Нобель

Утга зохиолын салбарын Нобелийн шагналтан өнгөрч шөнө тодорлоо. Америкийн яруу найрагч Луйс Глюк. Амьдралынхаа турш 12 түүвэр гаргасан. Сара Лоуренсын коллеж, Колумбегийн их сургуульд суралцаж байсан ч зэрэг аваагүй орхисон тэрбээр өдгөө Йелийн их сургуулийн утга зохиолын хөтөлбөрт багшилдаг аж. Яруу найрагчийн хувь оршихуйг нийтийнх болгодог эгэл боргил, эгц шулуун шүлгүүдийнх нь төлөө Нобель өгчээ. Түүний шүлгээс "Дэлхийн сонгомол яруу найраг" номд Г.Аюурзана орчуулан хүргэсэн билээ. Дуртай нэг шүлгээ та бүхэнтэй хуваалъя даа.

АРГАА БАРСАН ЗӨГНӨЛ

Өөрт чинь нэгэн үнэнийг хэлье:
өдөр бүр л хүмүүс үхдэг. Үхэл бол ердөө л эхлэл нь.
Өрх гэрийг уй гашуу нэрмэж, бэлэвсэн эхнэрүүд,
өнчин хүүхдүүд шинээр төрдөг. Тэд гараа эвхэн суугаад,
өнөөдрөөс цаашхи энэ амьдралаа төсөөлөхийг оролддог.

Оршуулгын газарт зарим нь анх удаагаа л ирж буй нь энэ.
Орь дуу тавьчих вий, эсвэл уйлахгүй байх вий гэж айна.

Хэн нэгэн нь бэлэвсэн эхнэр рүү бөхийгөөд,
хэрхэх ёстойг шивнэнэ, тэр нь цөөвтөр үг хэлэх ч юм уу,
хэдэн мөчийн турш онгорхой буй булшны нүх рүү
хэсэгхэн шороо яаж ийгээд цацах ажил байна.

Ингээд, цөмөөрөө гэр рүү нь явцгаана,
гэр нь гэнэтхэн л зочдоор пиг дүүрчихнэ.

Эзэгтэй буйдан дээр намбатайхан суугаад,
гэм хийсэн мэт чимээгүй дөхөгсдийг хүлээнэ,
зарим нь гараас нь барьж, зарим нь түүнийг тэвэрнэ.
Бараг л хүн бүхэнд таарах үгийг олоод хэлчихнэ,

Баярлалаа, ирсэнд баярлалаа ч гэдэг юм уу.
Дотроо бол тэднийг бушуухан яваасай гэж бодно.

Дорхноо гараад оршуулгын газар тийш гүйхийг хүснэ,
цаашлаад эмнэлэг рүү, хэвтэж байсан тасаг руу нь.
Боломжгүй гэдгийг нь мэднэ л дээ. Гэлээ ч энэ бол
цагийг буцаах хүсэл, сүүлчийн горь найдвар нь.

Ахиад жаахан л цаашилбал тэдний гэрлэлт рүү очно,
анхны үнсэлт нь одоо тийм ч хол биш байна.

1990. ( Орчуулсан Г.Аюурзана)

12/05/2020

#Одохуй

Уран зохиолыг хүний амьдралыг үгээр зурах урлаг гэвээс тэр Монгол хэлт уран зохиолын гарамгай нэгэн урлаач байлаа. Амгалан болтугай.

Гашууны хэдэн тагтаа тэнгэрийн өнгөнд уусан алдарсан хаврын өдрөөр холын аянд мордсон эрхэм зохиолчид хүндэтгэн мэхийе.