16/12/2024
Bidasoa Atletiko Taldeak Gabonetako Krosa ospatu zuen pasa den larunbaten bere hamargarren urteurrenean. Betty Urruty eta Alexander Oiarbide izan ziren korrikalaririk azkarrenak, inoizko partehartze handiena izan duen edizioan.
Antxeta Irratia
- Page d'Accueil
- France
- Hendaye
- Antxeta Irratia
Hendaian kokatutako irrati komunitarioa, Euskal Irratiak sarearen partaide.
📻 90.5fm eta 89.7fm.
Adresse
18, Lekueder Karrika (Intzura-Le Joncaux Industrigunea)
Hendaye
64700
Téléphone
Site Web
Notifications
Soyez le premier à savoir et laissez-nous vous envoyer un courriel lorsque Antxeta Irratia publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.
Contacter L'entreprise
Envoyer un message à Antxeta Irratia:
Raccourcis
Partager
Antxeta Irratia
2001. urteko otsailan piztu nintzen. Hilabeteetako inurri lanaren ostean, uhinetarako atea zabaldu zidaten Entzun Ikus eta Pausumedia elkarteek. Komunikabide ugariko eskualdera egin nuen jauzi. Nekeza izan zen lekua lortzea bertan. Banuen antza berezitasun bat. Erdaraz lan egiten zuten denek, eta nik aldiz euskaraz. Horretarako sortu baininduten. Behe Bidasoa eskualdeko euskaldunei, tokiko informazioa euskaraz helarazteko. Irun, Hendaia, Urruña, Hondarribia eta Biriatu biltzen dituen eskualdea, egunetik egunera pittin bat gehiago euskalduntzeko.
Nire izaerak ere ezberdintzen nau komunikabide arruntetatik. Elkartea bainaiz. Irrati komunitarioa. Komunitatearekin eta komunitatearentzat egiten dut lan egunerokoan. Lapurdi eta Gipuzkoa batzen ditut, ezkarai eta atakarik gabeko teilatupean. Librea da sarrera, eta askea irteera. Sartu eta atera ibiltzen dira eskualdeko bizilagunak. Adierazpen askatasun eskubidea eta komunikazioaren demokratizazioa praktikara eramaten. Oinarrizko giza eskubideak errespetatzen dituen orori ematen diot hitza. Orotariko diskriminazio ezkor, arrazakeria, xenofobia, sexismo... bazterrean utziz. Hitza, bestelako jendarte eredu baten aldeko borrokan tresna eraginkorra baita.
Norbanako eta eragileen parte hartzeaz gain, sarean ere lan egiten dut. Ipar Euskal Herriko Euskal Irratiak sareko kide naiz, Xiberoko botza, Gure Irratia eta Irulegiko irratiarekin batera. Lapurdi, Baxe Nafarroa eta Zuberoa. Hiru herrialde hauek dira gure eremu naturalak, eta nire bide, Gipuzkoara emaren dugu jauzi txiki bat. Tokiko informazioa eta informazio orokorra uztartzen ditugu lauron artean, beti ere aurrez aipaturiko balore eta ezaugarriak aplikatuz. Ipar Euskal Herrian, euskararen alde lan egiten duen etxe handi bat da Euskal Irratiak sarea. Euskararen alde, hurbileko komunikazioaren alde, komunikazio parte hartzailearen alde... Euskal Herri osoan ere antolatuak gaude Arrosa sarearen bidez. Baita mundu mailan ere AMARC federazioari esker.
Hasierako garaiak politak bezain zailak izan baziren ere, jada badbakit nolakoa naizen eta zertarako sortu ninduten. Badakit zerk mugiarazten nauen eta lanean jarraitzeko konpromiso irmoa dut. Hitzaren bidez, zinezko komunikazio askeari esker bestelako lehio bat zabaltzen dut egunero Behe Bidasoaren zerbitzura. Gure eskualdea eta mundua beste begi batzuekin begiratu eta ulertzeko.
