Mind of Christ Yaada Kiristos የክርስቶስ ልብ

02/09/2023

19/08/2023

17/04/2023

“እናንተ ሰማይንና ምድርን ለሠራ ለእግዚአብሔር የተባረካችሁ ናችሁ።”
— መዝሙር 115፥15

11/08/2022

"እኔ አሁን ዘፋኝ አይደለሁም።"

ዘሪቱ ከበደ በሕንፀት ላይ በፃፈችው ፅሑፍ ከጠቀሰቻቸው ነጥቦች በጥቂቱ፦

"በዐጭሩ በሚያግባባን ቋንቋ ለመግለጽ፣ እኔ አሁን ዘፋኝ አይደለሁም።

ይህ ሕዝብ የመዘመር እንጂ የመዝፈን ትእዛዝ ያልተሰጠው ሕዝብ ነው። የእኔ መሻትና ጥልቅ ፍላጎት እግዚአብሔርን ማክበር ነው። ይህንም እርሱ በወደደው መልኩ፣ በሰጠኝ ስጦታና አቅም ሁሉ ላደርግ እወድዳለሁ። ስለ ዘፈን እየሞገቱ መኖር የሕይወቴ ዐላማ አይደለም። ዘፈን መዝፈን የሚቻልበትና የማይቻልበት ሁኔታና አግባብ ቢኖርም ባይኖርም፣ ከዚህ በኋላ የእኔ ጕዳይ አይደለም። የምፈልገው እግዚአብሔርን በሁለንተናዬ ማምለክ ነው።

አማኝ ነኝ የሚል ሁሉ በማንኛውም ጊዜ እንደ መንፈሳዊ ሰው፣ በመንፈስ ሊመላለስ ይገባዋል። መንፈሳዊ ሰው ደግሞ እግዚአብሔርን ደስ የሚያሰኘውን በሁሉም ስፍራ የሚያደርግ ነው። በዚሁ መንፈስ ስንመላለስ፣ በመዝሙር ስም ስንዘፍን ከምንገኝባቸው ሁኔታዎችም ጭምር እንቆጠባለን ማለት ነው። እርሱን በማምለክ ስም (ሽፋን) ሥጋችንን ለማስደሰት በምናደርገው ሁሉ እግዚአብሔር አይከብርም።

ዘፈንን (ሙዚቃዊ ጥበብን) በልዩነትና እንደ እግዚአብሔር ቃል ለመከወን የሚደረገው ሙከራ በተመለከተ... ፈቃዱ መሆኑን ርግጠኞች ካልሆንን፣ በዚያ መንገድ ከመጓዝ ብንቆጠብ በጣም የተሻለ ይሆናል። አሊያ ግን ዋጋ የሚያስከፍሉ ሁኔታዎችን ለማምለጥ ስንሞክር ከቈምንበት እውነት እየተንሸራተትን፣ ዓለምን ወደ መምሰል ልንሄድና ከዐላማችን ውጪ በሆነ አገልግሎት ልንጠመድ እንችላለን።

መርሳት የሌለባችሁ ቍም ነገር፣ እንዲያገለግሉት ሳይሆን ሊያገለግል የመጣው ጌታ ደቀ መዝሙር ነኝ የሚል የትኛውም ሰው፣ ያንኑ የአገልጋይነት ማንነት በሄደበት ስፍራ ሁሉ ሊያንጸባርቅ የሚገባው መሆኑን ነው። በዓለም ያሉት ሁልጊዜ ከፍ ያለ ቦታን ይሻሉ፤ ለእኛ ግን ከፍታ የእግዚአብሔርን ፈቃድ መኖር ነው።"

የክርስቶስን ዳግም ምጽዓት በተስፋ የሚጠባበቀው ሕዝብ አምላኩን ለመምሰል ራሱን እያስገዛ የሚኖር ነው። ይህንም ሲያደርግ፣ እንደ መንፈስ ቅዱስ ፈቃድ የተሰጠውን ስጦታ በጨለማ ላሉት ወደ ብርሃን መምጣት፣ በቤቱ ላሉት መታነጽ እንዲሁም በሚኖርበት ኅብረተ ሰብ በጸጥታና በዝግታ፣ በሰላምና በሰማያዊ ፍቅር በመመላለስ ነው። ይህ ሕዝብ የሞተለትን ጌታ በመግለጥ ስሙን የሚያስከብር ልከኛ ሕዝብ እንጂ፣ በዓለም ያሉቱ ሁሉ የሚያደርጉትን የሚያደርግ፣ በተድላና በፌሽታ ጕዳይ የተያዘ ሕዝብ አይደለም። ይህን የሚያደርገውም ባለመዝፈን ብቻ ሳይሆን በልምምዶቹ ሁሉ ነው። ሲበላ፣ ሲጠጣ፣ ሲለብስ፣ ሲነግድ፣ ሲወዳጅ፣ ሲያገባ፣ ሲያገለግልና በመሳሰሉት ሁሉ የዓለም ቤተኛ ሆኖና መስሎ ሳይሆን፣ በዚህ ምደር እንደ ባይተዋርና እንደ መጻተኛ ፍጹሚቱን አገሩን እየናፈቀና እየሰበከ የሚኖር ሕዝብ ነው። ይህ ሕዝብ የመዘመር እንጂ የመዝፈን ትእዛዝ ያልተሰጠው ሕዝብ ነው። “በመዝሙርና በዝማሬ በመንፈሳዊም ቅኔ እርስ በርሳችሁ ተነጋገሩ፤ ለጌታ በልባችሁ ተቀኙና ዘምሩ።” (ኤፌሶን 5፥19)