Kebar Teshome, Ajip, Jimma (2025)

29/10/2024

❤️‍🩹

17/08/2024

Lalamasaq ayichalim 😂😂😂

17/08/2024

Yane 😍😍😍

07/08/2024

Argaa na jibbitu feetu of-ajjeessi
Dachee gadhiisii😳😂😂

07/08/2024

Garmamu Tola 💪💪💪

11/07/2024

Garmamu Tola Foon Haadha koo 💚❤️💚

11/07/2024

Yaa marraagdicha mataa namaa🥰

|An waa’ee Hacee barreessuu si’a baayyee jalqabee dhiise, Madaafi xiiqiin narra jiru immimmaankoo fida. Haceen takkaa obbaafate, kan gubataa jiraatu nu’i”

Galataa Tsaggaa Naggasaa (Abbaan Milkii) garuu waa’ee Hacee akkanatti barreesse
👇🏻

Jechoonni tarreeffaman sin ibsani. Waloofi ogeessi sin balballoomsu. Ati kophumakee tulluudha. Kophumakee mootummaadha. Sagaleenkee dhikkifannaa onnee miliyoonotaa to'ata. Ayyaannikee qorqalbii sabaaf suga. Situ sagalee tokkoon raabaa-doorii sochoosa. Odoon dhukaasin boojita. Odoon hidhin amansiifta. Ati bakkalcha. Urjiilee xixiqqoofi duumessi sin daangessu. Bantii sammuu namaa!

Ati qofaakee gucha dukkana dhabamsiisudha. Kophumakee bantii samii ibsita. Kophumakee qalbii dhalootaa bitta. Ati ayyaana, miliyoononni siin milkii laallatu. Ati qaalluudha. Isa darbe seenessaa, isa dhufu raagda. Ati abdaariidha. Abdaarii guddaa biyyi itti irreeffatu. Odaa guddaa itti dhibaafatanidha. ..Odoo ati dhalattee "Jirtuu?" hin jenne ta'ee, jechi kun jechuma ta'ee hafa. Ati biraandii Oromooti. Fakkaataa hin qabdu. Miliyoononni si akkeessuu danda'u. Uumaan garuu si qofaa addunyaa kanarratti erge. Ati mil'uu uumaa, suga addunnyaa, badhaasa walaabuu, warqee barri irraan dabarredha....Ati bokkuu seenaa, gucha qabsoo, qimamii warraaqsaa, mi'eessituu waan Oromooti. Ati kallacha dhugaa, burqaa aartii, faaya haqaafi faajjii bilisummaati. Simboo uumaan uumama ittiin daawwatu. Ajab!

Ati qajeelchaa seenaa sabaati. Kan dhokate mul'ista. Kan awwaalamee situ qotee baase. Seenaa xuraa'e kuulte. Qorqalbii sabaa ijaarte. Boquu ol nu qabde. Warra rafe wareersitee, warra wareere dammaqsite. Arkiteektii seenessa Oromoo! Faajjii dhaloonni mirmirsu, siidaa guddicha walaabuu!

Situ dambalii galaana aartii Oromoo jijjiire. "Laal Galootoo"jettee galaana guddaa dambaliiste. Galaanichatu kaan liqimsee, kaan lalisiise. "Maalan jiraa?"tu saba dammakse. Jirra jirraatu lubbuu nutti h**e. Geerarsa keetu Oromummaa bantii samiitti ol kaas