Dhugasho

07/06/2024

Jiimce mubarak, Waxaa ino sii socoota sheekadii taxanaha aheed la Magaca baxdey Hadimo jacayl qaybtii 13 aad:

Mustafe waxa uu gurigoodi tagay isagoo uu kaga h**eeyo Ma***n abaheed
waxanay ku kulmeen isagoo albaabka ka soo baxaya waxaanay is
waydarsadeen weedhaahan
Imika ayaad inantaydii ka timid sow mahaa waxan kuu shegayaa hadad
guurka caqabad ku noqoto in aad noloshada oo dhan waayi doontid Mustafe
oo habka hadalka u dhashay ixtiraam waalidna ku daraya ayaa yidhi
Adeer inantadiii waan kuu dayay ee ma wax kale ayaad igu haystaa Isagoon
u jawaabin ayaa ay habaryartii soo boday inta ay ka xanaaqady sida adage ee
uu mustafe ula hadalay ku tidhi
Hadii inan taadi laguu dayay orod oo Na dhaaf ogowna in aan jacayl laheli
Karin lakiin lacag la heli karo
Markii ay intaas tidhi ayuu Ma***n abaheed ka tagay
Ma***n loo sheeg in abahaeed daydayay oo uu Mustafe gurigoodi tagay
markiibana yaabtay iyadoo is garan la waxay samyso iyo dhibka ay u soo
jiiday Mustafe ayay qolkeedi hoosta iskaga soo xidhay markiibna waxa yimid
abaheed oo aad u cadhaysan wuxuuna ku garaacay albaabkii isagoo u
hanjabaya
Iga fur
Inta ay ka furtay ayay iyadoo hoos eegaysa ku fadhiisatay sariirta konahedii
markasu ku yidhi isagoo aad u qaylinaaya
Hadii aad diido guurka waxa aad doonayso waanku ogahay labadabana waad
seegi oo halkaas aayaad maxbuus igu ahaan markaa anigu bari waan ku
sinayaa inankaa iga kaa soo doontay ee dibada ka yimid lacag ku filana haysta
ee ma yeeli karo in aad inan yar oo kale ila hoos cararto sidaana ku diyaar
garow....

Laakiin racaa websaykas si aad akhriiso...https://dhugasho.com/2024/06/03/hadimo-jacay-q-13aad-adegto/

06/06/2024

05/06/2024

Gabaygii Xarbi ismaaciil samatar

Hadduu gaalku noo kiin dhiboo, maanta naga dheelmo

Dhala-uus dhabbaha qaaliyeed, dhinaca Buunshaale

Xeryahaan kaliil h**e ku dhacay, dhaafin mahayaane

Intay dhagaxa hoos uga ridaan, dhuumin mahayaane

Dhoobada intay joojiyaan, dhoofin mahayaane

Nimankii seen isaga dhawnaa, dhaagi mahayaane..

Laakiin racaa websaykas si aad akhriiso...https://dhugasho.com/2024/06/03/gabaygii-xarbi-ismaaciil-samatar/

04/06/2024

Gabaaygii Kadeed

Abwaan gandaal

Waa gabay dhammaystiran oo cadho abwaan ka muuqato. Allaha inoo sahlo.

1. Ummadaan iyadu keensaneen kibirku aafaynin
2. Illaahay kadeed iyo ma bado keenan oo kale
3. Cudurkii kalaa loo cunaa dawo kaniinkeede
4. Kaankaraha qabiilkaa na sudhay keene xadhig wayne
5. Kolkaasay karaamadii luntiyo kaalin dawliya’e
6. Intii aan sidaa loo kambalin sharaftii kaar booday
7. Laakiinse koolkoolintii kala jab soo muuqday
8. Abwaanadu kasmiyo waano badan way kardhanayeene
9. Ka daayaay wax badan baanu nidhi waagii kibirkeeye

Laakiin racaa websaykas si aad akhriiso...https://dhugasho.com/2021/04/07/gabay-kadeed/

03/06/2024

Subaax Waanagsan Akhristayaal Saka Mowduceenu
Waa: Inuu qofku yeesho go’aan adag.

Qaadashada go’aan fiicani maaha arin si sahal ah
ku timaada balse waa arrin loo galo dadaal iyo
fikir xeel dheer oo qaata wakhti badan. Haddaba
qaadashada go’aan fiicani waxa ay si fiican u
dhistaa kalsoonida nafta maxaa yeeley qofku
haddii uu go’aanadiisa ku meel maro haba-
yaraadaane wuxuu helayaa awood ku filan oo
kalsooni ah umana baahanayo cid ka caawisa
dhibaatooyinka is huwan ee noloshu soo
bandhigto.
Ugu danbeyn, waxa aan ku kalsoonahay qofka
raaca talaabooyinkan iyo kuwa la mid ah in uu si
fudud ku heli karo kalsoonida nafta. Ogowna waxna
dhib yaraan kuma yimaadaan. Sidaas darteed, u
dhabar adayg dhib kasta iyo cidhiidhi kasta oo kaa
soo wajaha helida waxa aad rabto ee ah kalsooni
buuxda in aad naftaada ku qabtid.

Laakiin racaa websaykas si aad akhriiso..https://dhugasho.com/2024/06/03/inuu-qofku-yeesho-goaan-adag/

31/05/2024

Jiimce mubarak, Waxaa ino sii socoota sheekadii taxanaha aheed la Magaca baxdey Hadimo jacayl qaybtii 12 aad:

Mustafe isagoo u caqli celinaya Ma***n ayuu ku yidhi wax wal oo aduunkan
ka dhacaa xaga ALLE ayay ka qoran yihiin in sidani dhacdana way qornayd
markaa ku samir yeelna siday reerkiinu kuugu taliyeen waayo anigu hadaan
maanta ku kaxaysan lahaa meel aan ku geeyo ma haysto lakiin hadaan xataa
ku ka xaysto abahaa iyo reerkina k**a amaan helayo markaa fadlan hadad
maanta in uun I jeceshahay sidaan ku idhi yeel malin manta ka wanaagsan
ayaynu is heli hadii ALLE isku keen qoraye Ma***n talaa ku cadaatay ilmada
indhaheeda dareeraysaa waxay qoysay wajigeeda waxay sidii u doodaanba
waxa uu akhirkii Mustafe ku qanciyay in ay yeesho sida ay walidkeed la
jeclaadeen ma***n oo oohin darted aan hadal ka so baxayn ayaa iyadoo aad
moodid inay naftu ka gurmayso tidhi hadal Mustafe aad u taabtay ilaa
malinkaan ku jeclaaday ilaa manata habeena ma seexan hurdo la’aantaa
marwalbana waxaad ahayd mid naftayd ku dheer oo dareenkaygu la jiro hadii
aan is idhaa shay qabana adigaan kaa dhex arki jiray iyo wanaagaad ii samayn
jirtay daradana waxaan ahaa mid nafateeda u huraty sidii ay jacaylkaeeda u
haqab tiri lahayd waxay nafataydu adiga dartaa igu qasbi jirtay in aan sameeyo
wax wal oo suuro gal ah maantana adigaa igu qancinaaaya in aan raaco
qofkale oo aan oogahay in anan nolosha la wadaagi karayn ogow waxaad
naftayda ku qasabtay go’aan aanay waligeed yeeli lahayn adiga dartaana waan
u yeelay manta; waxanan ahaan doona mid waralba ku xusta kuna xusuusan
doonta waan ku jeclahay ilaa waligayna waan ku jeclaan donaa
Mustafe laftiisu waxa ku soo istaagatay ilmo waxanu marwalba faraha kula
jiray indhihiisa wuxuu sidii ahadaba akhirkii waxay ku kala tageen in ay
yeesho sidaas madama ay dantu kaliftay waxaanay ku balameen inay soo
wada xidhidhaan oo anay sidaa ku kala hadhin.
Markii ay intas is waydarsadeen ayay kala taageeen iyago aad modiid in mid
walba Kan kale geeridisiii loo soo sheegay.

Laakiin racaa websaykas si aad akhriiso...https://dhugasho.com/2024/05/24/hadimo-jacay-q-12aad-adegto/

30/05/2024

Maah-maahda mantaa:
Maxaad ka fahantay Maahmaahdan?

29/05/2024

Gabaygii Cabdi Muxumed (Cabdi Sanweyne)

Cabdiyoo harraadsani hadduu, ilo ku soo hiiqayAnigow horreeyey markaan, hadallo weydiiyeySaddexdii ha’ gaabood markuu, kala hanbeyn waayey

Ragaan hubo habeenkii markaan, hilinka qaadsiiyeyHadha-gari dusheedii markuu, heeganku isdhaafayHuusaale raadkii markii, lagu haqiiqeeyeyHawanley markii laysku helay, dhagadle HaaruunaHarareemadkaa uga darraa, hootadaan ridayeWaa tay huleeleen sidii geel, habeen didaye

Bah-Gaalaad haddii anan horsocon, guul ma hoyiseeneFeetinkii haleelada lahaa, halab ma maaleeneCabdiyow hunguri waa midkaad, bariba haysaayeKii h**e habeenkuu taguu, hadurka raacaaye Haan baan ahaa haanta kale, hakisa miisaaneHayin baan ahaa reerka maadh, lagu halleeyaayeHashu nimay ku daaqdaan ahaa, oo hubka u sido e Haaruftaan la soo baxay warmaha, iga habeedeystayIntuu hoosku soo meeri baad, na hubsan weydeeneMarkaan yaraha haydalay xan baad, na hororsiiseeneDad hadduu hiddiyo waayo badan, hayb iskula waaroInuu meel ka wada hiil galey, ugu hagaagtaayeKuwii lay hormariyow ka gala, dirirta haaneedkaHareertaan ka iil reerka yaan, haadku ka idleysan

Laakiin racaa websaykas si aad akhriiso...https://dhugasho.com/2024/05/24/gabaygii-cabdi-muxumed-cabdi-sanweyne/
Xigaasho: Doolo.com

28/05/2024

Maanso jacayl ah
Libta calafka loolida kalgacal lahashadii guurka

Anigoonan laabxaadhashada kugu lug goynaynin

Way kugu ladaan oo indhuhu kaama lalayaane

Lubigayga meel aad lushaan kuugu laasimaye

Lafta dhudhunka laydiga faraha laaxibnida qoorta

Lixaadkiyo jidhkaa laysku ladhay timaha laalaada

Luga socodka laafyada gacmaha guudka laba raaban

Libdha subax ah liishiyo adood laban ku moodayso

Waxaa tahay sidii laan janoy laydha galabeede…

Laakiin racaa websaykas si aad akhriiso..https://dhugasho.com/2021/03/17/maanso-jacayl-ah/

27/05/2024

Subaax Waanagsan Akhristayaal Saka Mowduceenu
Waa: Guuleystayaasha Caqliga Badan

Haddi aad Leedahay 21-daan Tilmaam, Ogow Waxaad Kamid Tahay Dadka
Adduunka Ugu Caqliga Badan

Fikrad ahaan waayo aragnimadeeda ayaa naga dhigayo kuwa awood leh,
Inaad Noqoto mid niyadsan, awoodo inuu nooshiisa xakameeyo isla
markaasna aan dareemin inuu naftiisa ka xun yahay, waa qaar kamid ah
sifooyinka ay waajib tahay inaan sameyn.
Ma aaminsan tahay inaad leedahay mid kamid Ah sifooyinkaan,? haddii aad
tahay qof leh waxad ku raaxeysaneysaa maskax awood leh, waadna ka adag
tahay arrin kasta oo kusoo wajahdo xataa kuwooda ugu adag.
Garro sida aad u kala saari laheyd caqliga iyo Caadifada: Waxaa laga ma
maarmaan ah inaad kala garato caqliga iyo caadifada Xilliga aad ku jirto
xanaaq si aad u qaadato go,aan wanaagsan.
Waqtigaaga ku qaado qaab miro dhal leh: Waxaa macquul ah in qofka uu
sameeyo kumanaan cudur daar haddii uusan sameyn shaqo uu qaban lahaa,
balse dadka maskoxdooda awooda leedahay waxay xoogga saaraan waxay
doonayaan, waxayna ka fogaadaan inay waqtigooda ku lumiyaan wax aan
mirro dhal aheyn.

Ku Kalsoonow Awooda aad kula qabsan karto Isbadalka: Nolosha markasta
way sii hormareysaa, mararka qaarna waxaa dhib kugu noqoneyso inaad la
qabsato midda cusub, dadka intoo badan waxay isku dayaan inay la
dagaalamaan isbadalka, laakiin dadka garaad weyn u saaxiibka ah waxay si
deg deg ah ula qabsadaan nolosha cusub.

Ka Fagow Cabsida: Dadka intooda badan waxay ka fogaadaan waxyaabaha
keeni kara cabsida, laakiin qaarkood waxay isku dayaan inay wajahaan
cabsida si ay dadka kale ugu muujiyaan qaab wanaagsan, laakiin dadka
caqliga badan way ka hortagaan cabsida cad ee naftooda kuu wajahdo.
Qaladkaaga Wax Ka Baro: Dadka caqliga awood ku dhisan leh ficiladooda
k**a marmarsiiyoodaan mana ka qariyaan dadka kale qaladaadka ka
dhacay, waxayna u noqotaa cashir si aysan sidaan camal ugu dhicin.
Isku Fiiri Sida aad hadda tahay iyo sida aad dooneyso inaad noqot:
qofka leh maskxda fiican wuu ku qanacsan yahay waxa uu hadda yahay,
laakiin isla watigaas wuxuu kasii shaqeeyaa sidii uu middaan mid ka fiican u
gaari lahaa...

Laakiin racaa websaykas si aad akhriiso...https://dhugasho.com/2024/05/23/guuleystayaasha-caqliga-badan/

24/05/2024

Jiimce mubarak, Waxaa ino sii socoota sheekadii taxanaha aheed la Magaca baxdey Hadimo jacayl qaybtii 11 aad:

Wayahay macaan aniga waxaa aan la ladi layahay amaba hurdo ii diiday waa
jacaylkaaga marwlbana waxan ka fikiraa sidii aan nolosha kula qaybsan lahaa
adiga macaan aad baan kuu jecelahay ee waa inoo caawa
Markii ay intaas is waydarsadeen ayuu Mustafe dib u fikiray waxaanu garwaaqsaday inuu arin cusubi soo kordhay .
jacayl dartiis waxa uu ahaa malintaas mid ay ku dheertay wakhtigii balantu
oo wakhtiga u arkayay mid aan dhaqaqaynba intay wakhtigii balantu
gaadhaysay ayaa kaga badatay buur waxa lagaadhay wakhtigii balantu ahayd
Ma***na goor h**eba waxay sii tagtay gurigii hindiyo Mustafena wakhtigii
balanta ayuu ku soo beegay kadib gurigi markii uu garaacay ayay ka furaty
Ma***n iyagoon wax hadal ah is waydaarsan ayay isku dhageen salaam kal
iyo lab ah una badan arami jacayl oo wada jir u haysa waxaanay sidii
ahayeen mudo kadib ayay qolkii fadhiga fadhisteen iyagoo wali sidii isku
haysta xiiso badanaa kulanka jacaylka ahi marka ay labada qof raalida isku
yihiin waxaanay sidi ahadaanba waxay bilabeen sheeko dhadhan jacayl leh
layskana waaraysanaayo waxawalba waxaanay a***n mudo
ka waraysanaysay reerkii iyo sida lagu ahaa markii uu Mustafe nabad qab
badan ku sheegay ayuu ku yidhi Ma***n maxaa cusbaa ee soo kordhay
Inta iyadoo gacmaha gacmihiisa kula jirta ay siyar oo ayar aayar aah ugala
baxaday ayay hoos u fooorasatay iyado garan la si ay wax ugu sheegto
Mustafe iyo halka ay ka bilaabayso waxana arkay Mustafe oo ku celiyay
hadalkii lakiin inta ay wax ay ugu jawaabto garan wayday aayay iyadoo
ilamadu indhaheeda qubanayso tidh:

Laakiin racaa websaykas si aad akhriiso....https://dhugasho.com/2024/05/22/hadimo-jacay-q-11-aad-adegto/

23/05/2024

Nalawadag Hal maah-maah. Geelu leyahay

22/05/2024

Cabbeeye Ismaaciil Axmed Shabeel

1. Bilic quruxsanleeyey iyadoo, boodh ku dhaashiyatay

2. Baar coodanleeyey markay, bari u sii jeedday

3. Ee Baarqabkeedii nirgaha, badan kaxeynaayey

4. Barbar socodka laafyaha markuu, kor ula boodaayey

5. Boqorkeeda weeye kolkay, bogga ku meereysay

6. Ees dhibida baarkiyo miskaha, bay isaga yeelay

7. Ees micida sida baaldi jabay, balaw ka siinaayey

8. Bishimaha hortoodiyo afkuu, buladku laallaado

9. Dhegta baarrinteediyo tawaad, labada baal qoysey

10. Boggoo xoodmay bay soo, baxdaa burunjidiisiiye

11. Waa boqorka geelee markuu, bulad shixaamaayey

12. Bishimaha kolkuu qawladda, buladku duulaayey

13. Ees doobta sida buunka iyo, ridayey baaruudda

14. Budhudhkeeda dhalay aarankii, boqol la moodaayey

15. Yaa Baha Wacaysaay kolkay, Yalax ku baaqaysay

16. Birmadkeeda oo Reer Isaaq, buurri dabajoogo

17. Oo Baashahoodii watoo, boqol nin dheeradaay

18. Baashaalba kaama ekeyn, bogga dharaartiiye

19. Alley lehe rag lagu beegsadaad, barigi hayseene

20. Basar caydhi leedahay nin ogi, k**a baqeen geele

21. Sidii qaylo beel kale ka timid, yaad barbariseene

22. Ba’ayeeyda naaguhuna saw, idin ma beerqaaddo.

Xigaasho: Doolo.com

Laakiin racaa websaykas si aad akhriiso....https://dhugasho.com/2024/05/19/cabbeeye-ismaaciil-axmed-shabeel/

21/05/2024

Tixaha waraabaha

Waraabaa ayaan yidhi

Haddaad igu ogaydeen

Baadida islaamkiyo

Anoo aaran geel cuna

Iimaan la’aantii

Alle Iga haddeeyoo

Astaqfurula baan idhi

Aamiin baanan kala baxay

Magacii Inkaarnaa!

Isagoo ujeedo leh

Orgibaa nin gawracay

Indhashuu usadhay laan

Waa amaanadaadee

Sii ilaali buu yidhi

Markuu tegay islaankii

Agagaas dhurwaagii

Amba-qaad talaabada

Hadba soo ogaal durug

Eeg-eeg hilbaha dagan

Ursay jeenyihii h**e

Wuxu yidhi udgoonaa

Af balaadhan kala qaad

Carrab ooman soo saar

Awlalada ka leef-leef

Wuxu yidhi alleylehe

Oon xalaala baan helay

Aadbuu cantuugada

Adhaxda uga buuxsaday

Kolay araracdii tahay

Alamsay laf iyo jiidh

Inyar neefkii k**a tegin

Duqa imashadiisii

Eedaysanihii bood

Oodiyo dhirtii jiidh

Erey baase laga qoray

Ku arooray maahmaah

Isagoo ordaayoo

Afar-qaadayuu yidhi

”Waxaad igu ogaataan

Wixii aan ahaan jiray”!!!!

Ibraahim Gadhle (AUN)

Kabanle

Laakiin racaa websaykas si aad akhriiso...https://dhugasho.com/2021/03/10/tixaha-waraabaha/

20/05/2024

Subaax Waanagsan Akhristayaal Saka Mowduceenu
Waa: Guurka

Waa maxay guur ?

Guurku waa hishiis sharci diineen kufula kaa oo dhex maraya laba qof (Lab iyo Dheddig).
Guurku macnahiisu waa fal amar Waa guur oo meel ka guur oo meel kale u guur
Meelo badan ayaa laga guurayaa oo meelo badan ayaa loo guurayaa meelaha badan oo laga
guuraayo waxaa ka mid ah:
❖ Kali ka guur oo lamaane u guur
❖ Dhalin yaro ka guur oo waayeel u guur
❖ Xilsaamad ka guur oo xilkas u guur
❖ Iskaabule ka guur oo xaaslay u guur
❖ Caruur la’aan ka guur oo caruurley u guur
❖ Xidid la’aan ka guur oo xididley u guur
❖ Lootaliye ka guur oo tashade u guur
❖ Jacayl ka guur oo kalkacayl u guur
❖ Been ka guur oo run u guur
❖ Xaaraan ka guur oo xalaal u guur

Laakiin racaa websaykas si aad akhriiso...https://dhugasho.com/2024/05/19/guurka/

17/05/2024

Jiimce mubarak, Waxaa ino sii socoota sheekadii taxanaha aheed la Magaca baxdey Hadimo jacayl qaybtii 10 aad:

Waxan aniga iyo hooyadaa kuu soo goynay, imikana waxan kuu sheegayaa
inaad soo kala doorato duco waalid iyo haabaar waalid Ma***n oo aan
aabaheed waligeed hadal ku celin ixtiraam dartiis ayaa ku tidhi;
Aabo maan aaniga waxba layga waydinayn guurkayga lakiin sideed iigu
quudhaysaan Nin aanan garanayn wax uu yahay wax naga dhexeyaana aanay
jirin
Iyadoo hadalkii wadata ayuuu ka dhex galay abaheed markaasu yidhi
Hadii aad dhago leedahay anigu khamiista waan ku bixinayaa hadii aad
diidana gurigana ii dhaaf cidaad jeceshayna raac waligana habaar waalid
ayaan kugu ogahay.
Qofna ma jecla inuu qof aanu nolosha lawaadagi Karin uu la nolaado qof wal
oo bini aadmi ahina waa u xor cida uu la wadaagayo nolosha oo waxaan u
doori Karin walaa waliid walaa cid kale lakin waxa lagu leyahay talo iyo in la
waaniyo.
Ma***n oohini way u dhamaatay habeenkaas oo dhana iska daa inay hurdo
seexato ee waxa indhaheeda ka qubanaysay ilmo aad moodid in uu dhiig ku
jiro wajigeedana barar dartiis uu la buurnaaday kana luntay quruxdii sariirtii
uu abaheed kaga dul tagay ayay wali ku jiiftaa sidii baanu waagii ugu barayay
iyadoon afka markaliya isku qaban beerkana ka oyaysa iyo siday wax ugu
sheegi doonto marka uu Mustafe yimaado waxana maskaxdeda ka dhadhici la
sida dad cidii ugu dhawayd ee ahaa abaheed iyo hooyadeed ugu qudheen in
ay nolosheda la qaybsato cid aanay garanayn .malintii la soo doonayay waxa
ka hadhay barii oo kaliya dhamaan dadki xafaduna way ogadeen oo waxay la
yaban yihiin guurka aanay inantu raalida ka ahayn ee hadana lagu khasbaayo
lakiin waa wax ka dhaca inta badan dhulka soomalida oo hablaha la siiyo wilal
aanay garnayn oo lagu siinayo dibada ayuu ka yimid iyo lacag ayuu leyahay
aan loo meel dayan waxa hadhow ka dhalan karaya malintaas oo dhan..

Laakiin racaa websaykas si aad akhriiso...https://dhugasho.com/2024/05/13/hadimo-jacay-q-10aad-adegto/

16/05/2024

Maah-maahda mantaa:
Maxaad ka fahantay Maahmaahdan?

Mahadsanid sida wanagsan aad Nola waadagtey Maariya Bintu Cabdilaahi

15/05/2024

Gabaygii Maxamed Fiin ee Silsiladdii Rayad

Calow gugakan gabaygaad tidhi gocasho weyn reebye

Wixii gacal ahaa uumiyaa waa mid kala geyne

Gabadh iyo walaalkeedba waa kala geddoomeene

Gardarriyo isyeelyeel mar buu gubey bilaadkiiye

Nin garaad leh baan kugu ogaa gaban ahaantiiye

Maantaad gu’yaal badan jirtoo guudku ku caddaaday

Bal garwaaqso warankaad gantiyo gedaha aad joogtid

Guntigii wadaadkii la eed gebagabayntiise

Galow baa ka ciyey ceelashaad geesi ku ahayde

Buuhoodle geel looma horin goorti dabadeede

Gammaankii badnaa ugama fulo labada geesoode

Garmaaddii shubaysiyo la waa garabyo weyntiiye

Geedaha ka baxay laga ma cuno godobyo dhowdhoowe

God abaaday waakaa noqdiyo guri madoobaade

Waxa guuldarrada ugu wacnaa geli colaadeede

Waa gaasir Reer-Cali wuxuu wada gudboonaaye

Ma gu’ yaree see Cali tashigu uga gulaallaaday?

Guhaad laguma falo ruux hadday gogoshu kuu taalle..

Laakiin racaa websaykas si aad akhriiso...https://dhugasho.com/2024/05/13/gabaygii-maxamed-fiin-ee-silsiladdii-rayad/