13/07/2022
አቶ ደመቀ መኮንን ለህብረት ስራ አስፈፃሚ ምክር ቤት መደበኛ ጉባኤ ሉሳካ ገቡ
አዲስ አበባ፣ ሐምሌ 6፣ 2014 (ኤፍ ቢ ሲ) ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን ለአፍሪካ ህብረት 41ኛ ስራ አስፈፃሚ ምክር ቤት መደበኛ ጉባኤ ዛምቢያ፣ ሉሳካ ገቡ።
ምክር ቤቱ ከነገ ጀምሮ ጉባኤውን ለሁለት ቀናት የሚያካሂድ ሲሆን፥ የአጀንዳ 2063 የመጀመሪያ 10 ዓመታት አፈፃፀምን ይመለከታል ተብሏል።
ቀጥሎም በቀጣዩ 10 ዓመታት ዕቅድ ላይም እንደሚመከር ይጠበቃል።
በተጨማሪም ነዘንድሮው የህብረቱ መሪ ቃል በሚያተኩርበት ስነ ምግብ ዘርፍ በግማሽ ዓመቱ ስለተፈፀሙ ተግባራት እንደሚወያይ ከኢፌዲሪ የውጭ ጉዳይ ሚኒስቴር ያገኘነው መረጃ ያመለክታል።
