https://www.facebook.com/2210294159235311/

ከምባታ ዞን ብልጽግና ፓርቲ ጽ/ቤት, Durame (2025)

15/01/2025

"ከቃል እስከ ባህል" በሚል መሪ ቃል በከምባታ ዞን የዞን ማዕከል የአባላት የግምገማ መድረክ እየተካሄደ ይገኛል።

ዱራሜ፤ ጥር 07/2017 ዓ.ም

በከምባታ ዞን የዞን ማዕከል የብልጽግና ፓርቲ አባላት የግምገማ መድረክ "ከቃል እስከ ባህል" በሚል መሪ ቃል እየተካሄደ ነው።

መድረኩ የአባላትን ችግሮች በመቅረፍ፣ የኢትዮጵያን ህልም እውን ለማድረግ በሚደረገው ጥረት አቅም ይፈጥራል ተብሎ ይጠበቃል።

የከምባታ ዞን ብልጽግና ፓርቲ ቅ/ጽ/ቤት
ጥር 07/2017 ዓ/ም
ዱራሜ

14/01/2025

የንብረት ታክስ አዋጅ ፀደቀ

የሕዝብ ተወካዮች ምክር ቤት ባካሄደው 15ኛ መደበኛ ጉባዔ በመላ ሀገሪቱ በሚገኙ ከተሞች ውስጥ ተፈጻሚነት የሚኖረው የንብረት ታክስ አዋጅን በአራት ተቃውሞ በአስር ድምጸ ተዓቅቦና በአብላጫ ድምፅ አፅድቋል።

የንብረት ታክስ ፍትሃዊ የሃብት ክፍፍል ለማስፈን፣ አገልግሎትን በተሻለ ጥራት ለማቅረብና የመሰረተ ልማት ማሻሻያዎችን በቀጣይነት ለመተግበር የሚወጣውን የኢንቨስትመንት ወጪ በንብረት ዋጋ ማደግ ምክንያት በሚጣል ታክስ አማካኝነት ለመሰብሰብ የሚያስችል መሆኑ ተገልጿል፡፡

የፀደቀው አዋጅ በመላ ሀገሪቱ በሚገኙ ከተሞች ተፈጻሚነት የሚኖረው ሲሆን÷ ክልሎች አዋጁን መሰረት በማድረግ ከተጨባጭ ሁኔታቸው ጋር በተጣጣመ አኳኋን የየራሳቸውን የንብረት ታክስ ህግ እንዲያወጡ ያስችላልም ተብሏል።

የምክር ቤት አባላት አዋጁ ላይ የፌደራልና የክልል መንግስት ተቋማት እንዲሁም የበጎ አድራጎት ድርጅቶች ከንብረት ታክስ ነጻ የተደረጉ ተቋማት መሆናቸውን በማንሳት የሐይማኖት ተቋማት ለምን አልተካተቱበትም ሲሉ ጠይቀዋል፡፡

እንዲሁም ከንብረት ታክስ የሚገኘው ገቢ ለምን አይነት መሰረተ ልማቶች እንደሚውል በግልጽ አዋጁ ላይ እንዳልተቀመጠ ጠቅሰው÷ መብራት፣ ውሃና ሌሎችም የአስተዳደር አገልግሎቶች ላይ የሚስተዋለው ችግርም እንዲስተካከል ጠቁመዋል፡፡

የፕላን፣ በጀትና ፋይናንስ ጉዳዮች ቋሚ ኮሚቴ ሰብሳቢ አቶ ደሳለኝ ወዳጄ ከምክር ቤት አባላት ለተነሱ ጥያቄዎች በሰጡት ማብራሪያ÷ በከተሞች በንብረት ታክስ ተብሎ ባይከፈልም ለመሰረተ ልማቶች ህብረተሰቡ እየተመካከረ የሚያዋጣው ገንዘብ እንዳለ ተናግረዋል፡፡

ለልማት እቅዶች ማስፈጸሚያ ትልቁ የሀገር ውስጥ ገቢን ማሳደግ ነው ያሉት የቋሚ ኮሚቴው ሰብሳቢ÷የከተሞች መስፋፋትና አጠቃላይ እድገት ተከትሎ ሰፋፊ የልማት ፍላጎቶች እየመጡ መሆኑንም ገልጸዋል፡፡

ያሉትን የልማት ፍላጎቶች በመንግስት ወጪ ብቻ መሸፈን እንደማይቻል ገልጸው በቀጣይ ለሚፈለገው ልማት ከተሞች የራሳቸውን የገቢ አቅም ማሳደግ አለባቸው ብለዋል፡፡

በቀጣይ ከተሞች ከሚሰበስቡት ገቢ ውስጥ የንብረት ታክስ አንዱ መሆኑ፤ አዋጁ የተሻለ ለውጥ ሊያመጣ እንደሚችልም ተናግረዋል፡፡

#(ኤፍ ኤም ሲ)

13/01/2025

የከምባታ ዞን ብልጽግና ፓርቲ ኢንስፔክሽንና ስነ ምግባር ኮሚሽን የ2017 በጀት ዓመት የግማሽ አመት አፈጻጸም ግምገማ አካሂዷል።

ዱራሜ፣ ጥር 05/2017 ዓ.ም

የኮሚሽኑ ጽ/ቤት በዛሬ ውሎው በዞን ማዕከል ሁሉም የኮሚሽን ሥራ አመራር ኮሚቴና አባላት እንዲሁም የ13ቱም መዋቅሮች የኮሚሽን ቅ/ጽ/ቤት ዋናና ምክትል ኃላፍዎች በተገኙበት የአጋማሽ አመቱን አፈጻጸም ገምግሟል።

በመድረኩ የተገኙት የኮሚሽኑ ሰብሳቢ ክብርት ወ/ሮ ውባየሁ በቀለ እንደገለጹት በግማሽ አመት የታዩ ጥንካሬዎች ይበልጥ እንዲጠናከሩ በድክመት የተስተዋሉትን በማረም በቀሪ ጊዜያት የተሻለ አፈጻጸም እንዲመዘገብ ሁሉም የኮሚሽኑ ቤተሰቦች የበኩላቸውን ሃላፊነት እንዲወጡ አሳስበዋል።

የኮሚሺኑ ሰብሳቢ አክለውም ለፓርቲ ኮንፈራንስ የሚቀርበውን ሪፖርቱ ኮሚሽኑ ገምግሞ በማጽደቅና በአጠቃላይ የኮሚሽኑ አፈጻጸም እያደገ መምጣቱን ጠቅሰው ለኮሚሽኑ በተሰጠው ተልዕኮ መሰረት ቅድመ ጉባዔ ስራችንን በከፍተኛ ሃላፊነት ስሜት በየደረጃው የሚገኘው የኮሚሽኑ መዋቅር መስራት እንዳለበትም አሳስበዋል።

በመድረኩ ላይ የተገኙት የከምባታ ዞን ብልጽግና ፓርቲ የኢንስፔክሽንና ስነ ምግባር ኮሚሽን ጽ/ቤት ኃላፊ አቶ አለማየሁ ሃቤቦ እንደገለጹት የፓርቲ ስራዎች በፓርቲው አሠራር መሠራት እየተፈጸሙ ስለመሆናቸው የኢንስፔክሽን ስራ በመስራት ለሁለንተናዊ ብልጽግና አስተዋጽኦ እያቀረበ መሆኑን ገልጸዋል።

አቶ አለማየሁ ሃቤቦ አክለውም "ከቃል እስከ ባህል" በሚል መሪ ቃል በቅርቡ የሚካሄደው የብልጽግና ፓርቲ ክልላዊ 1ኛ መደበኛ ጉባዔ እንደ አንድ ተጨማሪ አቅም በመጠቀም በቀሪዎቹ የስራ ጊዜያት ከፍ ያለ ውጤት ለማስመዝገብ መስራት ተገቢ መሆኑን ገልጸዋል።

'' ጠንካራ ኢንስፔክሽን ለጠንካራ ፓርቲ!!''

የከምባታ ዞን ብልጽግና ፓርቲ ቅ/ጽ/ቤት
ጥር 05/2017 ዓ/ም
ዱራሜ

13/01/2025

'ከቃል እስከ ባህል' በሚል መሪ ሀሳብ በከምባታ ዞን በወረዳዎችና በከተማ አስተዳደሮቾ ሲካሄድ የነበረው የአመራር ግምገማ መድረክ ተጠናቆ ሪፖርት ቀረበ፣

ጥር 05/2017 ዓ/ም

በከምባታ ዞን 'ከቃል እስከ ባህል' በሚል መሪ ሀሳብ በወረዳዎችና ከተማ አስተዳደሮች ደረጃ ከጥር 03-04/2017 ዓ/ም ሲካሄድ የነበረው፥ የአመራሮች የግምገማ መድረክ ተጠናቆ የአፈጻጸም ሪፖርትን በወረዳና ከተማ አስተዳዳር በተመደቡ በዞን አመራሮች አማካይነት ቀርቦ ውይይት በማድረግ ቀጣይ አቅጣጫ ተቀምጧል።

በመድረኩ የከምባታ ዞን ብልጽግና ፓርቲ ቅ/ጽ/ቤት ኃላፊ አቶ ዳዊት ሐንድኖ፣ የከምባታ ዞን ብልጽግና ፓርቲ ቅ/ጽ/ቤት የፖለቲካና አቅም ግምባታ ዘርፍ ኃላፊ አቶ ተስፋሁን ደንታሞ፣ የከምባታ ዞን ብልጽግና ፓርቲ ቅ/ጽ/ቤት የአደረጃጀት ዘርፍ ኃላፊ አቶ በፍቅር ታምራት እና በወረዳዎችና ከተማ አስተዳደሮች ተመድበዉ የነበሩ የዞን አመራሮች ተገኝተዋል።

በመድረኩም፥ በየመዋቅሩ የግምገማ መድረኮች በጥንካሬና በጉድለት የተለዩ ጉዳዮችን በዝርዝር በመያዝ በቀጣይ በጥንካሬ የተለዩትን ለማስቀጠል፣ በጉድለት የተለዩትን ደግሞ ተገቢዉን ዉሳኔ በመስጠትና በማረም በቀጣይ እንደሚመራ ተገልጿል።

በቀጣይ የትኩረት ጉዳዮች ተብለው ከተለዩት መካከል፦

➪የአመራሩን የአመለካከትና የተግባር አንድነት ማረጋገጥ። 'ከቃል እስከ ባህል' በሚል መሪ ሀሳብ በተደረገው የአመራር ግምገማ በውስን መዋቅሮች የአመራሩን የአመለካከትና የተግባር አንድነት ያመጡበትና በተግባር አፈጻጸም የተሻለ ውጤት ማስመዝገብ የተቻለ ቢሆንም በአብዛኛው መዋቅር ግን የዚህ ጉድለት የታየበት በመሆኑ የአመራር አንድነት በተግባር ውጤታማነት እንዲገለጥ በትኩረት እንደሚሰራ ተገልጿል።

➪የአመራሩ ስነ-ምግባር ለተግባር ውጤታማነት ያለው ፋይዳ እጅግ በጣም ከፍተኛ በመሆኑ አመራሩ በመልካም ስነ-ምግባር ማህበረሰቡን ማገልገል፣ የተቋሙን ዕቅድ ማሳካት፣ አዳዲስና ነባር ኢንሼቲቮችን መተግበር እና ተግባርን በፓርቲ ድስፕሊን መፈጸም እንዳለበት ተገምግሟል።

➪የፓርቲንና የመንግስትን አደረጃጀቶች ማጠናከርና ተግባራትን በአደረጃጀቶች አማካይነት ከመፈጸም አኳያ ጉድለት የነበረበት በመሆኑ በቀጣይ ማሻሻልና ተቋማዊ አሠራሮችን ማጠናከር እንደሚገባ ተገምግሟል።

➪ቅንጅታዊ አሠራሮችን በማጠናከር የተግባር ውጤታማነትን ለማሻሻል በትኩረት እንደሚሰራም ተገልጿል።

➪ከኢ-መደበኛ አደረጃጀት፣ከብሔርተኝነት፣ ከቡድንተኝነት፣ ከጎሰኝነት፣ ከአክቲቭስትነት እና ከመሳሰሉ መርህ አልባ ግንኙነት አመራሩ እራሱን ነፃ በማድረግ ለህብረተሰብ ተጠቃሚነት፥ ጊዜውን፣ ጉልበቱን እና እውቀቱን እንዲያውል በትኩረት ይሰራል፣

➪የማህበራዊ ሚዲያ አጠቃቀምን በተመለከተ ከፌክ አካውቶች ተሳትፎ እራስን ነፃ ማድረግ፣ መረጃ አለመስጠት፣ ከጥላቻና ግጭት ቀስቃሽ ከሆኑ መልዕክቶች እራስን ማራቅና የአጀንዳቸው ተሸካሚ ባለመሆን ጤናማ የሆነ የስራ አካባቢን መፍጠር ተገቢ እንደሆነም ተገምግሟል።

➪የህግ የበላይነትን በማረጋገጥ፥ ህብረተሰብን ያሳተፈ የሰላምና ፀጥታን ስራዎች በመስራት፥ የዜጎችን ሰብዓዊና ዲሞክራሲያዊ መብት ከማረጋገጥ አንፃር በዞኑ በሁሉም መዋቅሮች ደረጃ የተሻለ አንፃራዊ ሰላም መኖሩ ተገምግሞ በቀጣይ ዘላቂ ሰላም ለማስፈን በትኩረት እንደሚሰራ ተገልጿል።

➪የአመራር ስምሪትና መረጣ ስርዓቱ የፓርቲን አደረጃጀት መሠረት ያደረገ በማድረግ፥የህዝብን ተጠቃሚነት የሚያረጋግጡ በመልካም ስነ-ምግባር የታነጹ፣ በአመለካከትና በተግባር አፈጻጸም የተሻሉ አካላት መሆን እንዳለባቸውም ተገልጿል።

➪ከላይ ከተጠቀሱ ጉዳዮች በተጨማሪ ዝርዝር የግምገማ ሪፖርት ቀርቦ ውይይት በማድረግ በቀጣይ ተግባርን በፓርቲ ድስፕሊን በተጠያቂነትና በታማኝነት ስሜት ተግባር ቆጥሮ በመፈጸም አመራሩ በተሰማረበት መስክ ውጤታማ ለመሆን መስራት እንዳለበት የተገለጻ ሲሆን በፓርቲና በመንግስት ተግባራት ውጤታማ ባልሆኑ አካላት አስተማሪ የሆነ ውሳኔ እንደሚወሰድም ጭምር በማሳሰብ መድረኩ ተጠናቋል።

የከምባታ ዞን ብልጽግና ፓርቲ ቅ/ጽ/ቤት
ጥር 05/2017 ዓ/ም
ዱራሜ

13/01/2025

'ከቃል እሰከ ባህል' በሚል መሪ ሀሳብ የአመራር ግምገማ በተካሄደበት ማግስት የቃጫ-ቢራ ወረዳ አመራሮች የመስክ ምልከታ አካሄዱ፣

ጥር 05/2017 ዓ/ም

በከምባታ ዞን በቃጫ ቢራ ወረዳ የውሃ አማራጭን በመጠቀም በበጋ መስኖ የተለያዩ ሰብሎች እና አትክልት የማልማት ተግባር ምልከታ ተደርጓል።

የመስክ ምልከታው በወረዳው ዋላና ቀበሌ በበጋ መስኖ እየለሙ የሚገኙ ሰብሎች እና አትክልቶች የምልከታው አካል ናቸው።

13/01/2025

በልዩ ትኩረት እየተመሩ የሚገኙ የገቢ አሰባሰብ ፣ የሥራ ዕድል ፈጠራና መሠል ዘርፎችን አፈጻጸም ይበልጥ ማሳለጥ ይጠበቃል፦ ርዕሰ መስተዳድር ዶክተር እንዳሻው ጣሰው፤

ጥር 5 ፣ 2017 ፣ የማዕከላዊ ኢትዮጵያ ክልል መንግስት ርዕሰ መስተዳድር የተከበሩ ዶክተር እንዳሻው ጣሰው ከበጀት ዓመቱ ዕቅዶች መካከል በልዩ ትኩረት እየተመሩ የሚገኙ የገቢ አሰባሰብ ፣ የሥራ ዕድል ፈጠራና ኢንተርፕራይዝ ልማት አፈጻጸም፣ ከተረጂነት ወደ ምርታማነት ለመሸጋገር የተቀመጡ አቅጣጫዎችን አፈጻጸም እንዲሁም በጤናዉ ዘርፍ የማጤማ ተሳትፎን አፈጻጸም የተመለከተ ግምገማ በበይነ መረብ አማካይነት ዛሬ አካሂደዋል ።

በአፈጻጸም ግምገማው የሁሉም ዞኖችና ልዩ ወረዳዎች አስተዳዳሪዎች፣ የገቢ፣የስራ እድል ፈጠራና ኢንተርፕራይዝ ልማት እና የጤና ቢሮዎች ሀላፊዎች፣ የክልሉ አደጋ ስጋት ስራ አመራር ኮሚሽን አመራሮች እና ሌሎችም ተገኝተዋል ።

በልዩ ትኩረት እየተመሩ የሚገኙ ተግባራት ያለአንዳች መዘናጋትና በወቅታዊ ተግባራት የመወሰድ ሁኔታ ሳይፈጠር አፈጻጸማቸዉ በአጭር ጊዜ ይበልጥ እንዲሻሻል ርዕሰ መስተዳድሩ አቅጣጫ አስቀምጠዋል ።
በክልሉ በሁሉም ዘርፎች የተጀመሩ የልማትና የመልካም አስተዳደር ስራዎችን ይበልጥ ውጤታማ ለማድረግ ቅንጅታዊ አሰራርን ማጠናከር ፣ የክትትና ድጋፍ ስርዓትን ማጎልበት ፣ የማረጃ ጥራትን ከፍ ማድረግ እንደሚጠበቅም አሳስበዋል ።

ኢኮኖሚው የሚያመነጨውን ገቢ አሟጦ መሰብሰብ ላይ በትኩረት መስራት ይገባል ያሉት ርዕሰ መስተዳድሩ ዘርፉ ካለው ኢኮኖሚያዊ ጠቀሜታ አንጻር የሁሉንም አካላት የተቀናጀ ጥረት እንደሚጠይቅም ጠቁመዋል።

በክልሉ የወጣቶችን የስራ እድል ተሳትፎና ተጠቃሚነት ለማጎልበት የተቀመጠውን ግብ ለማሳካት የተጀመረው ጥረት እንዲጠናከር ያሳሰቡት ርዕሰ መስተዳድሩ ፣ መረጃን የማጥራት፣ ክትትልና ድጋፍን የማሳደግ ጉዳይ መሠረታዊ ትኩረት እንደሚሻም አስገንዝበዋል ።

በጤናው ዘርፍ የማህበረሰብ አቀፍ ጤና ፈንድ ተሳትፎን ለማሳደግ የተጀመረዉ እንቅስቃሴም ተጠናክሮ እንዲቀጥልም አሳስበዋል ።
ከተረጂነት ወደ ምርታማነት ለመሸጋገር በተጀመረው ተግራዊ እንቅስቃሴ ምቹ መደላድሎች እየተፈጠሩ መሆናቸው በዉይይቱ የተዳሰሰ ሲሆን ይህ ተግባርም ተጠናክሮ እንዲቀጥል አቅጣጫ ተቀምጧል ።

12/01/2025

ዕሴቶቻችን የብልጽግና መንገዳችን አመልካቾች ናቸው።

ጥር/04/2017 ዓ.ም

ዕሴቶቻችን ቅድሚያ ዋጋ የምንሰጣቸውና የምንታገልላቸው ወደ ብልጽግና ዓላማ የመድረሻ መንገዳችን አመልካቾች ናቸው።

በምንጓዝበት መንገድ ሁሉ ቅድሚያ የምንሰጠው የዜጎችና የሕዝቦች ክብር፣ ነፃነት፣ ፍትሕ፣ ኅብረ ብሔራዊ ወንድማማችነትና እኅትማማችነት መከባበርና መቻቻል ኅብረ ብሔራዊ አንድነት፣ አሳታፊነት ግልፀኝነትና ተጠያቂነት ይሆናሉ።

12/01/2025

የማዕከላዊ ኢትዮጵያ ክልል የቱሪዝም መገለጫዎች!

ከዩኔስኮ ቅርስ እስከ ማራኪ የስምጥ ሸለቆ ሀይቆች፣ ቀልብን ከሚስቡ ፍል ውሃዎች እስከ ሰንሰለታማ ተራሮች፣ከፓርክ እስከ አስደማሚ ፏፏቴዎች፣ ከታታሪነት መገለጫ የስራ ባህል እስከ ልዩ ልዩ ባህላዊ እሴቶች፣ ከጥንታዊ ቅርሶች እስከ ታሪካዊ የአምልኮ ቦታዎች...

የማዕከላዊ ኢትዮጵያ ክልል የሁሉም የቱሪስት መስህቦች መገኛ!!
#ምንጭ የክልሉ መንግስት ኮ/ን ቢሮ

11/01/2025

በወቅታዊ ጉዳዮች ላይ የተሰጠ መግለጫ

የከምባታ ዞን አስተዳደር በአዲሱ የመዋቅር አደረጃጀት በአዲስ መልክ ዞን ሆኖ ከተዋቀረ ማግስት ጀምሮ የህብረተሰቡን ተጠቃሚነት ለማረጋገጥ በግብርና፣ በጤና፣በትምህርት፣በመሠረተ ልማት ዘርፈ ብዙ የልማት ተግባራትን እያከናወነ መቆያቱ ይታወቃል።

ዞኑ እስካሁን ባለው ሁኔታ የሀሳብ ልዕልናን በማስቀደም በየጊዜው የሚያጋጥሙ ያለመግባባት ችግሮችን በምክክር እና በውይይት በመፍታት ተግባራዊ ሲያደርግም ቆይቷል።

በአሁን ወቅት ለህዝባችን ከመተባበር ይልቅ መገፋፋትን ፤ ከመደጋገፍ ይልቅ መጠላለፍን፤ ከሰላማዊ ውይይትና ድርድር ይልቅ መጠፋፋትን እንደ አማራጭ አድርጎ የያዙ አካላት ከዚህ አይነት ለህዝባችን ምንም ከማይፈይደው እንቅስቃሴ ፈጥነው በመላቀቅ ከብልጽግናው መንግስታችንና ከህዝባችን ጎን በመቆም በዞናችን ከጫፍ ጫፍ የተጀማመሩ የልማት አጀንዳዎችን በማንቀሳቀስ አሻራቸውን እንዲያስቀምጡ እያሳሰብን የመወቃቀስና የመጠላለፍ ወጥተን በቀና ልብ ለህዝባችን የሚበጁ ሀሳቦችን ማንሸራሸር ላይ ማተኮርን መለማመድ ይኖርብናል።

ለህዝባችን የምያስፈልገው ልማት፣ ሰላም፣ ፍቅር፣ ወንድማማችነት፣ እህትማማችነት፣ አንድነት፣ ዴሞክራሲን መጎልበት፣ መልካም አስተዳደርን መረጋገጥና ብልፅግና ናቸው ያለው መግለጫው ለዚህ ስኬት ደግሞ ሁሉም ዜጋ ድርሻውን በግንባር ቀደምትነት መወጣት ይገባል በማለትም አሳስቧል።

ሰሞኑን በተለያዩ የማኅበራዊ ድረ- ገጾች ከእውነታው ጋር ፈጽሞ የማይገናኙ በአሉባልታና በሐሰት መረጃዎች መነሻ የሚናፈሱ ወሬዎች ልማታዊና ሰላማዊ የሆነውን የከምባታንና የዶንጋን ማኅበረሰብ ሆን ተብሎ በተፈበረከ ወሬ ለማደናገር እየተሞከረ መሆኑን እያስተዋልን ነው ያለው መግለጫው አንዳንድ የማኅበራዊ ድረ-ገጽ ባለቤቶች እንዲሁም ሌሎች ፌክ አካውንት ከፍተው ብዥታ የሚነዙ ግለሰቦችና ቡድኖች ከዚህ ዓይነቱ ሕገ-ወጥ ተግባራቸው ሊቆጠቡ ይገባል በማለት በመግለጫው ጠቅሷል።

በደቡብ አፍሪካ የሚኖሩ የዞናችን ተወላጆችና የልማቱ ደጋፊዎች ሀገር ቤት ለሚካሄደው ልማት በራሳቸው ተነሳሽነት በከፍተኛ ንቅናቄ ሰብስበው ያስረከቡትን ገንዘብ ለታለመለት ዓላማ ሳይውል ተበልቷል በሚል አፍራሽ ፕሮፖጋንዳ እየተሠራበት ይገኛል።

ለመሠረተ ልማት ሥራ የሚያገለግሉ ማሽነሪዎችን ለመግዛት የክልል ፋይናንስ ቢሮ ሲኒየር ባለሙያዎችን ጨምሮ ከተለያዩ ባለድርሻ አካላት የተወጣጣ አንድ የቴክኒክ ቲም ተቋቁሞ ሕጋዊ የጨረታ ሂደቱ በመጠናቀቅ ላይ ይገኛል።

ለዚሁ ዓላማ 22,050,925.36 (ከሃያ ሁለት ሚሊዮን) ብር በላይ የተሰበሰበውን ሀብት ጨምሮ ከሌሎችም ምንጮች በማስተባበር የታሰበውን የማሽነሪ ሙሉ ክሩ ለመግዛት ከፍተኛ ንቅናቄ በሚደረግ ወቅት ፀረ-ልማት ኃይሎች በሀገር ውስጥና ከሀገር ውጪ ለእኩይ ፖለቲካዊ ግባቸው በተናበበ መልኩ የሚያካሂዱት ዘመቻ ከአፍራሽነቱ ባሻገር ለሕዝቡ የሚፈይደው ነገር አይኖርም ብሏል መግለጫው

በሌላም በኩል ባሣለፍነው በጀት ዓመት የዞናችን በለ ብሩኅ አዕምሮ ተማሪዎች በሕጋ ሞዴል አዳሪ ትምህርት ቤት ሲማሩ በበጀት እጥረት ምክንያት ችግር ተፈጥሮ በዞኑ አስተዳደር በኩል ለወገን የድጋፍ ጥሪ ቀርቦ በተደረገው ርብርብ (4,484,544) አራት ሚሊዮን አራት መቶ ሰማኒያ አራት ሺህ አምስት መቶ አርባ አራት ብር) ድጋፍ ተገኝቶ አመርቂ ውጤት ከመመዝገቡም በላይ የ12ኛ ክፍል ተፈታኞች በሙሉ (147 ተማሪዎች) ወደ ከፍተኛ ትምህርት ተቋማት ገብተዋል።

ይህ አይነት ከዚህ ቀደም ያልተለመዱ ግን ደግሞ ህዝባችንን ተጠቃሚ የሚያደርጉ በጎ ተግባራት ተጠናክረው መቀጠል እንዳለባቸውም ተገልጿል።

በዚሁ መሠረት ዞናችን በተያዘው 2017 በጀት ዓመት በሀገር ውስጥና በውጭ ሀገራት የአከባቢውን ተወላጆችና የልማት ወዳድ አካላትን በማቀናጀት ሀብት የማሰባሰቡ ተግባር ተጠናክሮ የቀጠለ ሲሆን ከሀገር ውስጥ የአከባቢውን ባለሀብት ነጋዴዎችንና ተቋማትን ከዞኑ አስተዳደር ጋር በቅንጅት በማወያየት ከ56 ሚሊዬን ብር በላይ ቃል የተገባ ሲሆን የከምባታ ዞን መሠረተ ልማት ሥራዎች ሀብት ማሰባሰቢያ በተከፈተው ልዩ አካውንት ገቢ የማድረግ ሥራ ተጀምሯል።

በተለይ በአሁኑ ወቅት ለመሠረተ ልማት ሥራ በዞናችን ታሪክ ለመጀመሪያ ጊዜ ከደቡብ አፍሪካ ተወላጆችና ከልማት ወደጆች በተገኘው ፈንድ ማሽናሪ ግዥ ለማከናወን ቅድመ ዝግጅት ሥራዎች እየተሠሩ ባሉበት ሁኔታ የተጀመረውን የልማት እንቅስቃሴ ጠል በሆኑ ግለሰቦች በጭፍን አመለካከት በተወሰዱ መረጃዎች መነሻ የተነሣው ጉዳይ ፈጽሞ የተሳሳተና የተቋሙን የሥራ ሞራል የሚጎዳ፤ እንዲሁም የተጀመረውን የደቡብ አፍሪካ ሀብት አሰባሰብን በሚያጨልም ሁኔታ የተገለጸበት የተዛባ አመለካከት ፈጥኖ መታረም እንዳለበትና ለሕዝቡ ትክክለኛውን ሥዕል ማስያዝ እንደሚጠበቅባቸው በመግለጫው ተጠቅሷል።

በመጨረሻም በሐሰት መረጃ ተንተርሶ ከዞን እስከ ክልል ከፍተኛ አመራሮቻችን ዙሪያ የተገለጸው መልዕክት ፍጹም የተሳሰተና ከእውነታው የራቀ መሆኑን ታውቆ በሀገር ውስጥም ሆነ በውጪ ሀገራት ያላችሁ የልማት ወዳዶች የተጀመረውን የሀብት አሰባሰብ የልማት ንቅናቄ በተቀናጃና በተባበረ ክንድ እውን ለማድረግ መረባረብ ቀደሚው ተግባር መሆን እንዳለበት በመግለጫው አስተውቋል።

#የከምባታ ዞን መንግስት ኮሙኒኬሽን ጉዳዮች መምሪያ!

11/01/2025

በከምባታ ዞን በሁሉም ወረዳና ከተማ አስተዳደሮች "ከቃል ወደ ባህል" በሚል መሪ ሀሳብ የአመራሮች የግምገማ መድረክ ተጀምሯል።

ዱራሜ፣ ጥር 03/2017 ዓ/ም

የግምገማው መድረክ የአመራሩን ችግሮች በመቅረፍ ፣ የኢትዮጵያን ህልም እውን ማድረግ ላይ ያለመ ስለመሆኑም ተመላክቷል።

የከምባታ ዞን ብልጽግና ፓርቲ ቅ/ጽ/ቤት
ዱራሜ

11/01/2025

የብልፅግና ፓርቲ አባላት ዲጂታል መረጃ አያያዝና አጠቃቀም ስርዓት ላይ የአሰልጣኞች ስልጠና መካሄድ ጀመረ

ጥር 03/2017 ዓ.ም

በአዳማ ከተማ ለፓርቲው የክልልና ከተማ አስተዳደር ቅርንጫፍ ጽ/ቤቶች አደረጃጀት ዘርፍ አመራሮችና ICT ባለሙያዎች አዲስ በተዘጋጀው የአባላት ዲጂታል መረጃ አያያዝና አጠቃቀም ስርዓት ላይ የአሰልጣኞች ስልጠና መሰጠት ተጀምሯል።

የስልጠና መርሐ ግብሩን ያስጀመሩት የብልፅግና ፓርቲ ማዕከላዊ ኮሚቴ አባልና በብልፅግና ፓርቲ ዋና ፅ/ቤት የአደረጃጀት ዘርፍ ም/ኃላፊ አቶ ካሊድ አልዋን አዲስ የተዘጋጀው የአባላት መረጃ አያያዝ ስርዓት የፓርቲውን አደረጃጀት መዋቅር የተከተለ፣ የአባላትን ሁኔታ ከግንዛቤ ውስጥ ያስገባና ዘመኑ የደረሰበትን የኢንፎርሜሽን ኮሚኒኬሽን ቴክኖሎጂ ዕድገት ደረጃ ያማከለ ነው ብለዋል።

የብልፅግና ፓርቲ አባላት መረጃ አያያዝ ስርዓትን ማዘመን የፓርቲውን ስትራቴጂክና የእለት ተእለት ስራዎችን ውጤታማ እንደሚያደርግ ያብራሩት አቶ ካሊድ የመረጃ ቋቱን በአግባቡ ማደራጀትና ጥቅም ላይ ማዋል ለፓርቲው ቀጣይ የተቋም ግንባታ እምርታ ውሳኝነት አለው ብለዋል።

የዲጂታል መረጃ ቋት ስርዓቱ ከአባላት የግል መረጃ አንስቶ አጠቃላይ እንቅስቃሴና አፈጻጸም በቀላሉ ለመከታተልና ለመምራት እንደሚያስችል ጠቅሰዋል።

የመረጃ ቋት ስርዓቱን መነሻ በማድረግ የአባላት የዲጂታል መታወቂያ መዘጋጀቱንም የተናገሩት ኃላፊው ፓርቲው ዲጂታል ብልፅግናን እውን እያደረገ መሆኑን አመላክተዋል።

የአበላት ዲጂታል መታወቂያ ስራን ለማስጀመር አጠቃላይ የቅድመ ዝግጅት ስራዎች የተጠናቀቁ ሲሆን በቀጣይ ወደ ስራ ለማስገባት ስልጠናው ወሳኝ መሆኑም ተጠቁሟል።

የብልፅግና ፓርቲ አባላት የመረጃ ቋት ስርዓት ማናጅመንትንና የዲጂታል መታወቂያን በተመለከተ ስልጠና የሚወስዱ አመራሮችና ባለሙያዎች ወደየመጡበት ክልሎችና ከተማ አስተዳደሮች ተመልሰው ከስራቸው ለሚገኙ አካላት ስልጠና በመስጠትና ለአባላቱ የግንዛቤ የመፍጠር ስራውን ወደ ተግባር ማስገባት እንደሚጠበቅባቸው ተገልጿል።

ከዚህ ጋር በተያያዘም የመረጃ ቋት ስርዓትና ዲጂታል መታወቂያው የፓርቲውን የስራ ቋንቋዎች መጠቀም የሚያስችል አማራጭ ያለው እንደሆነ ተመልክቷል።
ዲጂታል ብልፅግናን ማረጋገጥ ግቡ ያደረገው የአሰልጣኞች ስልጠና መርሀ ግብር በሌሎች ተያያዥ ጉዳዮችም ላይ በማተኮር ቀጥሏል።

10/01/2025

የመደመር እሳቤ ለሁለንተናዊ ብልጽግና መሰረትነው !!

ጥር 2017 ዓ.ም

የመደመር እሳቤ ለዜጎች ሁለንተናዊ ብልጽግና ማለትም ለቁሳዊ ሀብት ግኝት፣ ለአካል ብቃት መጎልበት፣ ለአዕምሮ መታደስና ለመንፈስ እርካታ መጎናፀፍ ዋነ መንገድ ነው።

በብልጽግና እሳቤ ህብረ-ብሄራዊ አንድነት,አብሮነት፣መቻቻል, ወንድማማችነት/እህትማማችነት/ይጎለብታል።

በአንጻሩ ከባቢያዊነት,ዘረኝነት,ጎሰኝነትና መንደርተኝነት የአስተሳሰብ ዝቅጠት መገለጫ ነው።

የዜጎች እውነተኛ ማንነት መለኪያ የዕለት ተዕለት እንቅስቃሴ መገለጫ የሆነው የራስ ስብዕና ነው።

የሰዎችን ማንነት ለመግለጽ የግለሰቦቹ ብሄር/ብሄረሰብና ህዝብ በመግለጽ ወይም ግለሰቦቹ በወቅቱ ባላቸው ስልጣን፣የትምህርት ዝግጅትና ትውውቅ መሰረት ያደረገ እንደሆነ እሳቤው መሰረት የሌለው የእንቧይ ላይ ካብ ነው።

09/01/2025

"ከቃል ወደ ባህል" በሚል መሪ ሀሳብ በከምባታ ዞን ዞናዊ የአመራሮች የግምገማ መድረክ በዱራሜ ከተማ እየተካሔደ ነው፤

ዱራሜ፣ ጥር 01/2017 ዓ.ም

በመድረኩም የማዕከላዊ ኢትዮጵያ ክልል መንግስት በምክትል ርዕሰ መስተዳደር ማዕረግ የገጠር ክላስተር አስተባባሪና የግብርና ቢሮ ኃላፊ አቶ ዑስማን ሱሩር፣ የከምባታ ዞን ዋና አስተዳዳሪ የተከበሩ ዶ/ር ዳዊት ለገሰ፣ የከምባታ ዞን ብልጽግና ፓርቲ ቅ/ጽ/ቤት ኃላፊ አቶዳዊት ሐንድኖ እና የዞኑ አስተባባሪ አካላት፣ የከምባታ ዞን የህዝብ ተወካዮች ም/ቤት ዋና አፈጉባኤ ወይዘሮ አስከለ ሰሶ፣ የከምባታ ዞን የዞን ማዕከል አመራር በሙሉ፣ የከምባታ ዞን የወረዳዎች እና የከተማ አስተዳደር አስተባባሪ አካላት ተገኝተዋል።

በሚካሔደው የአመራሮች የግምገማ መድረክ የአመራሩን ችግሮች በመቅረፍ፣ የኢትዮጵያን ህልም እውን ማድረግ ላይ ያለመ ስለመሆኑም ተመላክቷል።

በግምገማው የዞን ማዕከል አመራሮች እና የወረዳና የከተማ አስተዳደር አስተባባሪ አካላት ይመዘናሉ።

የከምባታ ዞን ብልጽግና ፓርቲ ቅ/ጽ/ቤት
ጥር 01/2017 ዓ/ም
ዱራሜ

08/01/2025

በሚኒስትሮች ምክር ቤት የሀገራዊ ፕሮጀክቶች በክልሎች ደረጃ ያለ አፈፃፀም ግምገማ ተደርጎ እንደነበር ይታወሳል። ይኽን ተከትሎ በክቡር አቶ አደም ፋራህ በምክትል ጠቅላይ ሚኒስትር ማዕረግ የዴሞክራሲ ስርዓት ግንባታ ማዕከል ኃላፊ እና የብልፅግና ፓርቲ ምክትል ፕሬዝዳንት የተመራ ስብሰባ በጠቅላይ ሚኒስትር ጽህፈት ቤት ዛሬ ተካሂዷል።

በስብሰባው የመስክ ምልከታና ግምገማ ቡድኖች መሪዎች ግምገማዎቻቸውን እና ግኝቶቻቸውን አቅርበዋል። ይኽ የሱፐርቪዥን እና የግብረመልስ ሂደት ሰፋ ያለው ሥርዓትን የማጠናከር ተግባር አካል ሲሆን አፈፃፀሞችን በዞን እና ወረዳ ደረጃ በመመልከት ክፍተቶችን መለየትን አላማ አድርጓል።

Following the Federal Council of Ministers’ supervision of national project implementation at the regional level, a debriefing meeting was convened by H.E. Adem Farah, Head of the Democracy System Building Coordination Center with the rank of Deputy Prime Minister and Vice President of the Prosperity Party, at the Office of the Prime Minister today.

During the meeting, field supervision leads presented their assessments and findings. This supervision and feedback process forms part of a broader approach to systems strengthening, aimed at identifying gaps and evaluating performance at the zonal and woreda levels.

08/01/2025

በክልሉ ከሚገኙ ሁሉም ተቋማት ጋር የመረጃ ግንኙነት በማጠናከር በሁሉም ዘርፎች የህብረተሰቡን ፍትሀዊ ተጠቃሚነት ለማረጋገጥ በትኩረት እየተሰራ ነው - የማዕከላዊ ኢትዮጵያ ክልል ፕላንና ልማት ቢሮ

ታህሳስ 30/2017 ዓ/ም

በክልሉ ከሚገኙ ሁሉም ተቋማት ጋር የመረጃ ግንኙነት በማጠናከር በሁሉም ዘርፎች የህብረተሰቡን ፍትሀዊ ተጠቃሚነት ለማረጋገጥ በትኩረት እየሰራ መሆኑን የማዕከላዊ ኢትዮጵያ ክልል ፕላንና ልማት ቢሮ ገለፀ።

ከተሞች መዘመን እንዲችሉ በከተሞች የሚገነቡ ግንባታዎች ደረጃቸውን የጠበቁ እንዲሆኑና የኮሪደር ልማቶችን ጥራት ለማስጠበቅ ተገቢ ክትትል እየተደረገ መሆኑም ተገልጿል::

የማዕከላዊ ኢትዮጵያ ክልል ፕላንና ልማት ቢሮ ኃላፊ ዶክተር ባዩሽ ተስፋዬ፤ የክልሉ መንግስት ለሰላም መስፈን በሰጠው ልዩ ትኩረት የተገኘውን አስተማማኝ ሰላም በሁሉም የልማት ዘርፎች ለመድገም የጠራ መረጃ ማሰባሰብና ማሰራጨት ላይ ትኩረት ተደርጎ እየተሰራ ነው ብለዋል።

በትምህርት ፣ በጤና፣ በምግብ ዋስትና፣ በመሰረተ ልማት አውታሮችና በሌሎች የልማት ፕሮጀክቶች ህብረተሰቡን ውጤታማና ፍትሃዊ ተጠቃሚ ለማድረግ ትክክለኛ መረጃን ማሰባሰብ እና ማሰራጨት የሚችል የመረጃ ዌብ ሳይት በማበልጸግ እየተሰራ ነው ብለዋል።

በክልሉ ከሚገኙ ሁሉም ተቋማት ጋር የመረጃ ግንኙነት በማጠናከር በሁሉም ዘርፎች የህብረተሰቡን ፍትሐዊ ተጠቃሚነት ለማረጋገጥ በትኩረት እየሰራ መሆኑንም ዶክተር ባዩሽ አመላክተዋል::

ከኢኮኖሚ ዕድገት የተመጣጠነ፣ አምራች እና የበለጸገ ህብረተሰብ ለመፍጠር በስነ-ህዝብ ምጣኔ ላይ ልዩ ትኩረት መደረጉንም ዶክተር ባዩሽ ጠቁመዋል።

ከ2016 ዓ.ም ጀምሮ የኑሮ ውድነትን ለመከላከልና ገበያን ለማረጋጋት በተሰራው ስራ በክልሉ 104 የሰንበት ገበያ በማቋቋም አበረታች ለውጥ ተመዝግቧል ብለዋል።

ክልሉ የብዝሃ ማዕከላት በመሆኑ የሚገነቡ ግንባታዎች ደረጃቸውን የጠበቁ እንዲሆኑ የኮሪደር ልማቶች ጥራታቸውን ለማስጠበቅ ተገቢ ክትትል እየተደረገ መሆኑን ዶክተር ባዩሽ መግለጻቸውን ደሬቴድ ዘግቧል።
#የክልሉ መንግስት ኮ/ን

08/01/2025

በ84 የግል ከፍተኛ የትምህርት ተቋማት ላይ ርምጃ ተወሰደ

ታህሳስ 30፣ 2017

ዳግም ምዝገባ እንዲያካሄዱ ጥሪ ቀርቦላቸው ምዝገባ ባላካሄዱ 84 የግል የከፍተኛ ትምህርት ተቋማት ላይ ርምጃ መውሰዱን የትምህርትና ስልጠና ባለስልጣን አስታወቀ፡፡

የባለስልጣኑ የህዝብ ግንኙነትና የኮሙኒኬሽን ስራ አስፈጻሚ ማርታ አድማሱ÷ወጥነት ያለው የፈቃድ አሰጣጥ ስርዓት እንዲተገበር የግል ከፍተኛ ትምህርት ተቋማት ዳግም ምዝገባ እየተከናወነ መሆኑን ለፋና ሚዲያ ኮርፖሬሽን ተናግረዋል ፡፡

በዳግም ምዝገባውም የግል ከፍተኛ የትምህርት ተቋማቱ የተሳሳተ ሰነድ ካላቸው እንዲያስተካክሉ አልያም የጎደለውን እንዲያሟሉ እድል ተሰጥቷቸው እንደነበርም ተናግረዋል ።

ዳግም ምዝገባ እንዲያደርጉ ጥሪ ከቀረበላቸው 102 ተቋማት ውስጥም 84 የሚሆኑት ዳግም ምዝገባ አለማድረጋቸውን ገልጸው ምዝገባ ያላከናወነ ተቋም በራሱ ፈቃድ ከመማር ማስተማር ስራው እንደወጣ ይቆጠራል ብለዋል ።

እነዚህ ተቋማትም ከመማር ማስተማር ስራው ሲወጡ የመውጫ ፎርም እንዲሞሉ የሁለት ሳምንት ጊዜ ገደብ እንደተሰጣቸውም የኮሙኒኬሽን ስራ አስፈጻሚዋ አስታውቀዋል ።

አሁን ላይ አምስት ተቋማት ብቻ ይህንን ሂደት የጀመሩ ሲሆን÷ ወደዚህ ስራ ያልገቡ ቀሪ የግል ከፍተኛ ትምህርት ተቋማት ደግሞ በፍታብሄር እና በወንጀል ህግ ተጠያቂ እንደሚሆኑ ተናግረዋል ፡፡

ተቋማቱ ከዚህ በኋላ በሰነድ የታገዘ ምዝገባ እንደማያደርጉ እና ዳግም ወደ መማር ማስተማር ስራው እንደማይመለሱም አረጋግጠዋል፡፡

በቀጣይም ዘጠኝ የግል ከፍተኛ የትምህርት ተቋማት ላይ ተመሳሳይ ርምጃ እንደሚወሰድ ገልፀው በተቋማቱ ትምህርታቸውን ሲከታተሉ የነበሩ ተማሪዎች አስፈላጊውን መረጃ በማሟላት እስከ ጥር ወር 2017ዓ.ም መጀመሪያ ድረስ ፈቃድ ወዳላቸው ተቋማት እንዲያዛውሩ ትዕዛዝ መሰጠቱንም አብራርተዋል ፡፡
ምንጭ #(ኤፍ ኤም ሲ)

06/01/2025

'የገና' በዓል የምህረትና የይቅርታ የምስራች ዜና የተሰማበት የጌታችንና የመድኀኒታችን የኢየሱስ ክርስቶስ ልደት መታሰቢያ በዓል ነው - የከምባታ ዞን ብልጽግና ፓርቲ ቅ/ጽ/ቤት ኃላፊ አቶ ዳዊት ሐንድኖ፣

ታህሳስ 28/2017 ዓ/ም

ለመላው የክርስትና እምነት ተከታዮች ለጌታችንና ለመድኃኒታችን ለኢየሱስ ክርስቶስ ልደት መታሰቢያ 'የገና' በዓል እንኳን በሰላም አደረሰን/ሳችሁ መልዕክት አቶ ዳዊት ሐንድኖ የከምባታ ዞን ብልጽግና ፓርቲ ቅ/ጽ/ቤት ኃላፊ አስተላልፈዋል፣

'የገና' በዓል ጌታችንና መድኃኒታችን ኢየሱስ ክርስቶስ የሰው ልጆች በሰሩት ኃጥአት የተፈረደባቸውን የሞት ፍርድን በመስቀል ላይ ሞት ለመሻር በታናቀ ቦታ የራሱን ክብር ጥሎ ለዓለም የሞት መድኃኒት ሆኖ የተወለደበትን የመታሰቢያ በዓል ሲሆን በዓሉም በክርስትና እምነት ተከታዮች ዘንድ በድምቀት የሚከበር በዓል መሆኑን ገልጸዋል።

ይህ በዓል ጌታችንና መድኃኒታችን ኢየሱስ ክርስቶስ ለሰው ልጆች ፍቅሩን የገለጠበት፣ የይቅርታና የምህረት ዘመን የምስራች ያበሰረበት በዓል መሆኑንም ገልጸዋል።

የሰው ልጆች በምድር ላይ ቆይታቸው በፍቅር፣ በይቅርታ፣ በአንድነትና በመተባበር በወንድማማችነትና በእህትማማችነት፣ በመተሳሰብ እና በመደጋገፍ መልካም ስራ በመስራት እንዲኖሩ አስተምሮት ያለው በዓል መሆኑንም ገልጸዋል።

በማህበራዊ፣ በኢኮኖሚያዊ እና በፖለቲካዊ እንቅስቃሴያችን ይቅርታና ምህረት የሚንጸባረቅበትን መንገድ ስንከተል ሰላምና ፀጥታን በማስፈን፣ ሰብዓዊና ዲሞክራሲያዊ መብት በማረጋገጥ የሰላምና የፍቅር ህይወት በማጽናት ልማታዊ ጊዜያችን በማሳደግ ሁለንተናዊ ብልጽግናን ለማረጋገጥ ሚናው የጎላ መሆኑንም ገልጸዋል።

አቶ ዳዊት ሐንድኖ እንገለጹት በዓሉን ስናከብር በይቅርታ በመደመር ህይወታችንን በአዲስ መንፈስ ማደስ፣ ዝቅተኛ ገቢ ያላቸው አካላት በዓሉን ከእኛ ጋር በደስታ እንዲያከብሩ ማዕድ በማጋራት፣ መልካም የሆነውን በሙሉ በመፈጸም የሚናከብርበት መሆን አለበት ሲሉ ገልጸዋል።

አቶ ዳዊት ሐንድኖ በመጨረሻም በዓሉ የሰላም የፍቅር የደስታ እንዲሆን መመኘታቸውን ገልጸው በዓሉ በሰላም ተከብሮ እንዲጠናቀቅ ሁሉም የድርሻውን እንዲወጣ ጥሪያቸውን ያቀረቡ ሲሆን በይቅርታ በመደመር እሳቤ ሁለንተናዊ ብልጽግና ይረጋገጣል ሲሉም ገልጸዋል።

መልካም የገና በዓል!!

የከምባታ ዞን ብልጽግና ፓርቲ ቅ/ጽ/ቤት
ታህሳስ 28/2017 ዓ/ም
ዱራሜ

04/01/2025

በከምባታ ዞን ሀደሮ ከተማ አስተዳደር በግል ባለሀብት በአቶ ተሰማ ሾቢሶ ከ150 ሚሊየን ብር በላይ ወጪ የተገነባው ኤልሻዳይ ሕንፃ ተመርቆ አገልግሎት መስጠት ጀመረ።

ሕንፃው የሆቴል ፣ የንግድና የስብሰባ አዳራሽ አገልግሎት መስጣት የሚችልና ከ150 በላይ ጊዜያዊና ቋሚ የሥራ እድል መፍጠር የሚችል መሆኑም ተመልክቷል።

በሀደሮ ከተማ ተገኝተው ሕንፃውን መርቀው አገልግሎት ያስጀመሩት የከምባታ ዞን ዋና አስተዳዳሪ የተከበሩ ዶክተር ዳዊት ለገሠ ሕንፃው ተገንብቶ ለአገልግሎት ዝግጁ መሆኑ የባለሀብቱንና የህብረተሰቡን ተሳትፎ በማጠናከር የከተሞችን ልማትና እድገት ለማረጋገጥ እየተደረገ ባለው ጥረት እሴት የሚጨምር መሆኑን አብራርተዋል።

ኢንቨስትመንት ሲስፋፋ ሰፊ የሥራ እድል ይፈጠራል የአካባቢው ልማትና እድገት ይረጋገጣል ያሉት ክቡር የዞኑ አስተዳዳሪው ለዚህም ሠላምና ፀጥታ ወሳች በመሆኑ ለሠላማችን በጋራ ዘብ በመቆም ለአካባቢያችን ልማት መረባረብ ይገባናልም ነው ያሉት።

በዞናችን ያሉ ልማት ወዳድ ባለሀብቶች ከተሞቻችንን በማልማት ህዝባችንን ተጠቃሚ ለማድረግ በትኩረት ሊሠሩ እንደሚገባ በመጥቀስ ሌሎች በሀገር ውስጥና ከሀገር ውጭ ያሉ ባለሀብቶች በዞኑ ኢንቨስት በማድረግ የድርሻቸውን በመወጣት የህብረተሰቡን ተጠቃሚነት ማረጋገጥ አለባቸው ብለዋል። ለዚህም መንግስት የመሠረተ ልማት ችግር ለመቅረፍ በህዝቡ ዘንድ ያለው እምቅ አቅም በማስተባበር ከመቼውም ጊዜ በላይ በትኩረት እየሠራ እንደሚገኝ ገልፀዋል።

የእንኳን ዳህና መጣችሁ ንግግር ያደረጉት የሀደሮ ከተማ ከንቲባ ክቡር አቶ አበራ ታፈሳ ሀደሮ ከተማ በፍጥነት በማደግ ላይ ያለች ከተማ በመሆኗ ዛሬ ላይ የተመረቀው ኤልሻዳይ ህንፃ ሌላ እሴት የሚጨምር ኢንቨስትመንት መሆኑን ተናግረዋል።

ከተማዋ የልማት ወዳድ ህዝቦችና እምቅ የተፈጥሮ ሀብት ያላት ከመሆኑ ጋር ተያይዞ በርካታ የኢንቨስትመንት ሥራዎች እየተሠሩ በመሆናቸው በርካታ ብሔር ብሔረሰቦች በፍቅር ፣ በመቻቻልና በሠላም የሚኖሩባት ከተማ በመሆኑ እንደ ኤልሻዳይ ሕንፃ ባለቤት ሁሉ ኢንቨስት ለማድረግ መሬት የወሰዱ ባለሀብቶች በውላቸው መሠረት በማልማት ለከተማዋ እድገት የድርሻቸውን እንዲወጡ ጠይቀዋል።

የኤልሻዳይ ሕንፃ ባለቤትና የሀደሮ ከተማ ተወላጅ የሆኑት አቶ ተሰማ ሾቢሶ በከተማ አስተዳዳሩ በንግድ ሥራ ላይ ተሰማርተው ከነበሩበት ኑሮ ለማሻሻል በሚደረገው ጥረት ወደ ደቡብ አፍሪካ በማቅናት ጥረው ግረው ባፈሩት ሀብት ሕንፃውን መገንባት መቻላቸውን ተናግረዋል።

በአራት ዓመት ጊዜ ውስጥ ተገንብቶ የተጠናቀቀው ይህ ህንፃ 158 ሚሊየን ብር ወጪ የተደረገ ሲሆን የሆቴልና የስብሰባ አዳራሽ የንግድ አገልግሎት የሚሰጥ መሆኑንም ነው ያብራሩት።

ባለሀብቱ አያይዛውም ህንፃው ሙሉ በሙሉ ሥራ ሲጀምር ለ150 ሰው ጊዜያዊና ቋሚ የሥራ እድል መፍጠር የሚችል መሆኑን ጠቅሰው ህንፃው ተገንብቶ ለምረቃ እስክደርስ ከጎናቸው በመሆን የረዳቸውን ፋጣሪያቸውን፣ ባለቤታቸውንና መላው ቤተሰቦቻቸውን እንዲሁም የሀደሮን ህዝብና መንግስት አመስግነዋል።

በምረቃ መርሃግብሩ የከምባታ ዞን ብልጽግና ፓርቲ ጽህፈት ቤት ኃላፊ አቶ ዳዊት ሀንዲኖን ጨምሮ የከምባታ ዞን አስተባባሪ አካላትና ከፍተኛ የመንግስት ሥራ ኃላፊዎች፣ የሀገር ሽማግሌዎች፣ የሐይማኖት አባቶች፣ የንግዱ ማህበረሰብ የሀደሮ ከተማ ነዋሪዎችና ጥሪ የተደረገላቸው እንግዶች ተሳትፈዋል።
#የከምባታ ዞን መንግስት ኮ.ጉ.መምሪያ

ከምባታ ዞን ብልጽግና ፓርቲ ጽ/ቤት

15/01/2025

14/01/2025

13/01/2025

13/01/2025

13/01/2025

13/01/2025

12/01/2025

12/01/2025

11/01/2025

11/01/2025

11/01/2025

10/01/2025

09/01/2025

08/01/2025

08/01/2025

08/01/2025

06/01/2025

04/01/2025

Address

Website

Alerts

Videos

Shortcuts

Share

Category