29/12/2024
Dhawaan waxaa booqasho ku iman doona xaruunta Gobolka Sitti ee magaalada SHINIILE madaxwaynaha dawlada deegaanka soomaalida mudane Mustafe Muhumed Cumar iyo wafti balaadhan uu hogaaminayo. Shacabka iyo hogaaminta gobolka Sitti guud ahaan waxa ay ku faraxsanyihiin dadaalada xukuumada deegaanku ugu jirto ka warqabka iyo ahmiyad siinta baahiyaha horumarka bulshada hadba inta la awoodo.
Waxaa si gaar ah bulsha waynta ree Sitti marag uga yihiin xukuumada madaxwayne Mustafe Muxumad inay mashaariico muhiim u'ah dhanka adeegyada asaasiga ah iyo kaabayaasha dhaqaalahaba ka fulisay gobolka degmooyinkiisa kala duwan. Mashariicahaas oo iskugu jira dhanka Wadooyinka, Biyaha, Waxbarashad, caafimaadka iyo beeraha.
Sidoo kale waxa aan marnaba la ilaawi doonin islamarkaana ah mid taariikhi ah halganka iyo heeganka ay markasta ugu jiraan cidaamda geesiyaasha booliska gaarka ah ee deegaankeena soomaaliyeed ilaalinta amniga muwaadiniinta iyo xuduudahaba kaas oo markasta naf iyo maal uhuraan.
Xukuumada deegaanka iyo dawlada federaalkuba waxa ay si dhaw uga wada shaqaynayaan sidii barakacayaasha galbeedka gobolka Sitti loogu celin lahaa goobahoodii kadib markii labada deegaan ay heshiis ku gaadheen in dagaalka la joojiyo. Dawlada deegaanka soomaalidu waxa ay dadaal badan ku bixinaysaa sidii xal waara loogu heli lahaa dhibtii mudada sanadaha ah soo jirtay.
Tan iyo isbadalkii deegaanka ka dhacay kabacdi waxaa kor ukacday fursadaha maalgashiga ee gaarka loo leeyahay (Private sector) kaas oo maalgashato soomaaliyeed mashriico badan kaga hirgaliyeen aaga warshadaynta iyo maalgashiga loogu talagalay ee Shiniile. Booqashada madaxwaynaha ayay shacabku ka filayaan in mashaariic horumarineed oo xukuumadu fulin doonto ka dhagax dhigo xaruunta gobolka ee Shiniile islamarkaana dhawaan lafilayo inay noqoto ismaamul magaalo.
Ka shacab ahaan waxaan dhamaanteen diyaar unahay soo dhawaynta madaxwayne Mustafe Muxmad Cumar iyo waftigiisa.
