Oborraa Show

05/09/2024

Baggage gammadde obboleessa kiyya
Baga firii ifaajii keetii argatte

20/01/2024

Ganda Kana beektuu
Mee tilmaamaa

17/11/2023

17/11/2023

akka naannawa ati jiraattuutti nyaanni kun maal jedhama?
Comment godhaa

12/11/2023

Mareen Biyyaalessaa Aadaa Ilaaf-Ilaamee Cimsuun Ijaarsa Biyyaalessaa Tumsa
-----------
Itoophiyaan biyya sabdaneettii, saboonni, sablammoonnifi uummattoonni Afaan, Aadaa, amantaafi ilaalcha garaa garaa qaban keessatti argamanidha. Hariiroofi walitti dhufeenyi hawaasummaa uummattoonni kunneen barootaaf uuman biyyi keenya qormaatilee keessaafi alaan uumaman damdamattee akka har'a geessu taasiseera. Kunis, biyyi keenya birmadummaafi bilisummaa ishee kabachiiftee turuun fakkeenya akka taatu taasiseera.

Haatau malee, seenaafi dhugaawwan waloo akka biyyaatti waliin qabnu irratti xiyyeeffatamee sirnaan hojjetamaa waan hin tureef jaalalliifi kabajni biyyaa, ilaalchi sabdaneessummaa obbolummaaf walqixxummaa sabaa, sablammootaafi uummattoota sirnaawaa akka ta'uuf waan hin hojjetamneef biyyi keenya baroota ishee walwaraansa keessa turtu taasiseera.

Kunis, ilaalcha sabummaafi biyyaalessummaa jidduu jiru madaallii sirnaawaa akka qabaatu waan hin taasifneef tokkummaa biyyaalessaa, ijaarsi biyyaafi sirnaa irratti dhiibbaa guddaa uumaa dhufeera. Aadaan mariin dubbii hiikuu waan hin dagaagneef wal dhibdeewwan turanis karaa humnaan hiikuuf yaaluun ykn qawween qofa fala argachuu qaba jechuun aadaa siyaasaa keenya yeroo dheeraaf dhuunfatee tureera.

Mootummaan rakkoo kana hundeerraa furuun siyaasni biyya keenyaa gara siyaasa yaadaatti akka ce'uuf falli jiru maree biyyaalessaa ta'uu hubachuun itti amanamee hojiin erga eegalamee bubbuleera.

Marii biyyoolessaa kana keessatti Oromoos ta'ee sabni kamiyyuu akka sabaatti ajandaa akkamii qabatee gara marii biyyaaleessaatti deemuun rakkoo jiru karaa ilaaf-ilaameen furachuun ijaarsa biyyaafi sirnaa keenya xumurra waan jedhurratti sirriitti mari'atamuu qaba. Dhibdeefi garaa garummaa yaadaa karaa ammayyaa'aa ta`een furuuf qaamni hunduu qophiifi tumsa barbaadamu taasisuu qaba.

Muuxannoon biyyoota hedduus kan agarsiisu rakkoo bara hedduu keessa turan keessaa ba'uu kan danda'an karaa marii biyyaalessaa hunda hirmaachisaa ta'eenidha.

12/11/2023

Misoomni Qamadii jallisii bonee Oomishaa fi Oomsh*tummaa Dabaluuf Baay'ee Murteessaadha.

Maayaa Sadaasa 2/2016 Magaalaa Maayaa Kutaa Magaalaa Addeelleetti Facaan Qamadii Jallisii Bonee lafa hektaara 22 irratti jalqabsiifameera.Sagantaan Facaa Kilaastara Qamadii jallisii Bonee kun Itti Gaafatamaa Waajjira Kantiibaa Magaalaa Maayaa Obbo Buzaayyoo Caalchisaa, Itti Gaafatamaa Waajjira Qonnaa Magaalaa Maayaa Obbo Zallaqaa Abdataa, Bulchaa Kutaa Magaalaa Addeellee Obbo Aalim Bakar fi Itti Gaafatamaa Waajjira paartii Badhaadhina kutaa Magaalaa Addeellee Obbo Aliyyii Abraahimiin kan jalqabsiifame yoo tahu Itti Gaafatamaan Waajjira Kantiibaa Magaalaa Maayaa Obbo Buzaayyoo Caalchisaa Inisheetiiviiwwan Mootummaan Baase hunda hojiirra oolchuun carraa misoomaa Magaalichi qabu hunda fayyadamnee oomishaa fi omishtummaa guddisuuf xiyyeeffannoo olaanaan hojjetamaa jira jedhan .
Itti dabaluuniis bu'aa qabeessummaa qonnaa dabaluuf baay'inaa, qulqullinaa fi Ariitiin oomishuun fayyadamummaa ummata keenyaa akkasumaas wabii nyaataa mirkaneessuun badhaadhina maatii dhugoomsuuf haala qonna duraan rooba Gannaa qofa irratti hirkatee ture hambisuuf Inisheetiivii Qonna Qamadii jallisii Bonaa fayyadamuun hojjetamaa jira jedhan . Facaan Qamadii Jallisii Boneetiis haala Gaariin jalqabsiifameera.

10/11/2023

10/11/2023

Magaalaa Maayaa kutaa magaalaa Addeelleettii simanaa ho'an keeysumotaa keenyaaf bakkaa kantibaan magaalaa maayaa Dr.Ifraha Waziriifii bulchaan godinnaa Harargee bahaa Kabajamoo addee Miskiiin argamnitii bifa gaariin gagahefama ooleeti jira

10/11/2023

Leenjiin dandeettii raawwachiisummaa Hooggaansa Mootummaa Marsaa 3ffaan Giddu Gala Leenjii Yunivarsitii Haramaayaatti bakka Hoogganaan Ijaarsa Paartii Badhaadhinaa Damee Oromiyaa Obbo Namarraa Bulii argamanitti kennamuu eegaleera.

Leenjichi dandeettii raawwachiisummaa Hooggaantoota Mootummaa cimsuun fayyadamummaa uummataa mirkaneessuurratti kan xiyyeeffate yoo ta'u mata duree "Ba'aa Irraa Gara Bu'aatti" jedhuun gaggeessitoota naannoolee biyyattii hunda irraa walitti dhufaan hirmaachisuun guyyoota 12f itti fufee kan kennamu ta'a.

06/11/2023

Sabdaneessummaa tokkummaa ijaarun filannoo osoo Hin taane dirqama!!!

Qabxiilee ijoo ibsituu sabdaneessummaa ta’an kanneen keessaa hedumini sabaa, afaan, amanaafi dhimmoonni kkf qabxiilee gurguddoo kanneen ta’aniidha.

Itoophiyaa keessatti nageenyaa waaraafi fulla’aa, akkasumas badhaadhina hunda galeessa dhugoomsuun akka danda’amuuf garaagartee uumamaa simatanii keessummeessudhaan tokkummaa sabdaneessummaa ijaaruun daandii filannoo biraa hin qabne ta’uusaa Paartiin Badhaadhinaa gadi jabeessuun amana.

Paartiin keenya garaa garummaa uumamaa biyya kana keessatti mul’atu fudhachuu fi wal’aansoo qabuun tokkummaa biyyoolessaa ijaaruun Itiyoophiyaa nagaa, waaraa fi badhaadhina waliigalaa goonffatte dhugoomsuudhaaf karaan tokkicha kana qofaa ta’uus ni amana.

Heddumminni eenyummaa hundaa karaa wal-qixa ta’eefi haqa qabeessa ta’een, ofitti fudhatee tokkummaa sabdaneessummaa jabeessuu yoo ta’u, baay’ee taanee akka tokkootti, tokkos taanee akka baay’ina keenyaatti, kaayyoofi galma tokkoof kan ittiin walitti ida’amnu dhugaa Itoophiyaanotaati.

Duudhaalee tokkummaa sabdaneessummaa keessaa qajeeltoon "waliin badhaadhina, badhaadhinees waliin jiraanna" jedhu yaada waliigalaa yoo ta'u, loogii fi moggaatti ofirraa dhiibuu kanneen sirreessaniidha.

06/11/2023

Magaalaa Maayaatti Manni Marii IMX Bakka Itti Aanaa Kantiibaa Magaalaa Maayaa Obbo Diinoo Amiin fi Itti Gafatamaan Waajjira Carraa Hojii Uumuu fi Ogummaa Magaalaa Maayaa Obbo Galaanaa Qalbeessaa argamanitti gaggeeffame.

Mana Marii kana irratti Gabaasni Waajjira Carraa Hojii Uumuu Kutaalee Magaalaa dhihachuun Irratti Mar'achuun Kallattiin hojii ka'ameera.

06/11/2023

Busaa Dhabamsiisuun Anarraa Jalqaba!
= = =
Dhibeewwan daddarboo bifa weeraraatiin uumamuun dhala namaa sadarkaa olaanaadhan ajjeesan keessaa inni tokko busaadha. Yeroodhaa gara yerootti hir’achaa kan dhufe ta’uus sadarkaa addunyaatti ammas sababa dhibee busaatiin lubbuun heddu darbaa jira. Biyya keenyattis yeroo eeggachuun bifa weeraraatiin uumamuun miidhaan qaqqabsiisu hir’achaa kan dhufe ta’us ammas rakkoo qaqqabsiisaa jira.

Guyyaa har’aas Sadarkaa Naannoo Oromiyaatti Godina Iluu Abbaa Booritti torbeen busaa Godinaalee Lixa Oromiyaafi Aanaalee Godinichaa hirmaachisuun Magaalaa Mattuutti mata duree "Busaa Dhabamsiisuun Anarraa Jalqaba" jedhuun kabajamaa jira.

Saganticha irratti Hogganaa Itti Aanaa Biiroo Fayyaa Oromiyaa Obbo Darajjee Abdannaa dabalatee Aangowwan Ol'aanoo Naannichaafi Federaalaa akkasumas Keessummootni Godinaalee Lixa Oromiyaa kabaja torbee Busaa kana irratti argamaniiru. Ayyaanni torbee busaa kun akka Oromiyaatti yeroo 5ffaaf mata duree busaa dhabamsiisuun anarraa jalqaba jedhuun Hoggantoonnii Naannoofi Federaalaa akkasumas qaamoleen hawaasaa garaa garaa argamanitti kabajamaa jira. Naannoo Oromiyaatti hanga bara 2030tti dhibee Busaa dhabamsiisuuf hojjetamaa jira.

Kabajni torbee busaa iddoowwan wal hormaata busaa qulqulleessuun akkasumas qaamoolee hawaasaa garaa garaa hojii hubannoo uumuu hojjechuun kan itti fufu ta’a. Yeroo kun yeroo busaan bifa weeraraatiin uumamu ta’uu isaatiin wal qabatee hawaasni naannoo isaa qulqulleessuun hojii dhibee busaa ittisuuf hojjetamu tumsa taasisuu qaba!