https://www.facebook.com/100833249235014/

Ethio Press, Piasa, Awassa (2024)

10/05/2022

በዓለማችን የነዳጅ እና የጋዝ ዋጋ ጣራ በነካበት በዚህ ወቅት " ሼል " የተሰኘው ግዙፉ የኢነርጂ ኩባንያ ከፍተኛ የሆነ ትርፍ ማስመዝገቡ ተሰምቷል።

ሼል በዓመቱ በመጀመሪያዎቹ ሶስት ወራት 9.13 ቢሊዮን ዶላር ያገኘ ሲሆን ይህም ካለፈው ዓመት ተመሳሳይ ወቅት ካገኘው 3.2 ቢሊዮን ዶላር ትርፍ በሦስት እጥፍ ገደማ ያደገ ነው።

ነገር ግን ድርጅቱ በዩክሬን ጦርነት ምክንያት ከሩሲያ የነዳጅ እና ጋዝ ገበያ መውጣቱ 3.9 ቢሊዮን ዶላር እንዲያጣ እንዳደረገው አሳውቋል።

በኮቪድ-19 ወረርሽኝ ሳቢያ ተዳክሞ የነበረው የዓለም ኢኮኖሚ ማንሰራራት ሲጀምር የነዳጅ እና ጋዝ ዋጋ እየጨመረ ቢመጣም የቅርቡ የሩስያ እና ዩክሬን ጦርነት የነዳጅ እና ጋዝ ዋጋ ጣራ እንዲነካ አድርጎታል።

የነዳጅ እና የጋዝ ዋጋ መጨመር ለኢነርጂ ኩባንያዎች ከፍተኛ ትርፍ እንዲያገኙ እያደረጋቸው ይገኛል።

09/05/2022

ምዕራባውያን ለሩሲያ ስጋት ሆነው ቀጥለዋል " - ፕሬዜዳንት ቭላድሚር ፑቲን

እኤአ ሜይ 9 ሩሲያውያን በሁለተኛው የዓለም ጦርነት ማብቂያ ላይ ሶቪዬት ሕብረት በናዚ ጀርመን ላይ የተቀዳጀችውን ድል አስበው ይውላሉ።

ይህ የድል በዓል ቭላድሚር ፑቲን ወደ ስልጣን ከመጡ በኋላ ትልቅ ትርጉም ተሰጥቶት ነው የሚከበረው።

በዕለቱ ሩሲያ ያላትን ዘመን አፈራሽ ጦር መሳሪያ ለዓለም የምታሳይበት ቀን አድርገውታል።

ከዩክሬን ጋር ጦርነት ላይ ያሉት የሩስያው መሪ የዛሬውን የድል ቀን ምክንያት በማድረግ ከዩክሬን ጋር እየተደረገ ያለውን ጦርነቱ የተመለከተ አዲስ ውሳኔ ያስተላልፋሉ ተብሎ ተጠብቆ ነበር።

ፑቲን በዛሬው በዓል ላይ ጦርነቱ ማብቃቱን አልያም በዩክሬን ላይ አዲስ የተጠናከረ ወታደራዊ እርምጃ ይወሰዳል ብለው ይናገራሉ ተብሎ ሲጠበቅ ነበር።

ነገር ግን " ምዕራባውያን ለሩሲያ ስጋት ሆነው ቀጥለዋል " ከማለት ውጪ ፑቲን ያሉት ነገር የለም።

ፑቲን በዩክሬን እየተፋለሙ ላሉት ወታደሮቻቸው "እየተዋጋችሁ ያላችሁት ለሩስያ ደኅንነት ነው” በማለት መልዕክት አስተላልፈዋል።

06/05/2022

ኢትዮጵያ እና የአውሮፓ ኅብረት ዓመታዊ የፖለቲካ ምክክር አካሄዱ

ኢትዮጵያ እና የአውሮፓ ኅብረት ዓመታዊ የፖለቲካ ውይይታቸውን ዛሬ በአዲስ አበባ አካሄደዋል።

ውይይቱ የተካሄደው በአውሮፓ ኅብረት እና በአፍሪካ፣ በካሪቢያን እና በፓሲፊክ ሀገራት መካከል በተደረሰው የኮቶኑ አጋርነት ስምምነት አንቀጽ 8 መሠረት መሆኑን የውጭ ጉዳይ ሚኒስቴር አስታውቋል።

ምክትል ጠቅላይ ሚኒስትር እና የውጭ ጉዳይ ሚኒስትር አቶ ደመቀ መኮንን የኢትዮጵያን የልዑካን ቡድን በመወከል እንዲሁም በኢትዮጵያ የአውሮፓ ኅብረትን በመወከል አምባሳደር ሮላንድ ኮቢያ የምክክር መድረኩን መርተዋል።

ሁለቱ ወገኖች በሰሜን ኢትዮጵያ ያለውን ግጭት እና የአውሮፓ ኅብረት እና የኢትዮጵያ ግንኙነትን በሚመለከት የተወሰዱ የሰብአዊ እና የተጠያቂነት እርምጃዎችን ጨምሮ የተለያዩ ማኅበራዊ እና ኢኮኖሚያዊ ጉዳዮችን ከግምት ውስጥ በማስገባት የጋራ ተጠቃሚነትን በሚመለከቱ ጉዳዮች ላይ መክረዋል።

አቶ ደመቀ በመክፈቻ ንግግራቸው የኢትዮጵያ መንግሥት በሰሜን ያለውን ግጭት ለማስቆም እና የሀገሪቱን ዘላቂ ሰላም ለማረጋገጥ እያከናወናቸው ያሉ የተለያዩ እርምጃዎችን ዳሰሳ አቅርበዋል።

ምክትል ጠቅላይ ሚኒስትር እና የውጭ ጉዳይ ሚኒስትሩ የሰብአዊ ድጋፍ ተደራሽነትን ማስፋት፣ በቀድሞው የናይጄሪያ ፕሬዝዳንት ኦሉሴጎን ኦባሳንጆ የአፍሪካ ኅብረት ማዕቀፍ ስር የአፍሪካ ቀንድ ከፍተኛ ተወካይ በመሆን የሰላም ተነሳሽነትን መደገፉን እና ሁሉንም ያሳተፈ ሀገራዊ ውይይትን ጠቅሰዋል።

የፍትሕ ሚኒስትሩ ዶ/ር ጌዲዮን ጢሞቴዎስ በሰሜኑ ግጭት ወቅት በሁሉም አካላት የተፈጸሙ የሰብዓዊ መብት ጥሰቶች እና ጾታን መሠረት ያደረጉ ጥቃቶችን ጨምሮ መንግሥት የወሰደውን የተጠያቂነት እርምጃ በተመለከተ አብራርተዋል።

ከዚሁ ጋር በተያያዘ የሚኒስቴር መሥሪያ ቤቶች ግብረ-ኃይል በማዋቀር የጥሰት ተግባራትን፣ የተባበሩት መንግሥታት ድርጅት እና የኢትዮጵያ ሰብዓዊ መብት ኮሚሽን የጋራ ምርመራ እና ምክረ-ሐሳቦቹን ተግባራዊ ለማድረግ በሚደረገው ጥረት እንዲሁም ወንጀለኞችን ወደ ሕግ እንዲቀርቡ እየተሠራ ነው ብለዋል።

የኢትዮጵያ ብሔራዊ የአደጋ ስጋት ሥራ አመራር ኮሚሽን ኮሚሽነር አቶ ምትኩ ካሳ፣ ለትግራይ ክልል ያልተቋረጠ ሰብአዊ ድጋፍን ለማረጋገጥ እስካሁን የተወሰዱ እርምጃዎችን በቪዛ አሰጣጥ፣ ዕርዳታ ሰጭዎች ወደ ትግራይ ይዘውት የሚገቡት መጠን፣ ኬላዎችን በመቀነስ እና ሰብአዊነት ድጋፎች መጨመርን በመጥቀስ አብራርተዋል።

አቶ ምትኩ በኢትዮጵያ በድርቅ እና በግጭት ለተጎዱ ወገኖች ለሚደረገው ድጋፍ የሰብአዊ አጋሮች ምስጋናቸውን አቅርበው፣ የአማራ እና አፋርን ጨምሮ በተለያዩ የሀገሪቱ ክፍሎች የድጋፍ መሠረቱን ማስፋት እና ለዘላቂ ልማት እና መልሶ ማቋቋም ሥራዎች ተገቢውን ትኩረት መስጠት እንደሚገባ አሳስበዋል። .

በምክክር መድረኩ ንግግር ያደረጉት በኢትዮጵያ የአውሮፓ ኅብረት አምባሳደር ሮላንድ ኮቢያ ለሁለቱም ወገኖች አሁን ካጋጠሟቸው ፈታኝ ሁኔታዎች አንፃር ወቅታዊ መሆኑን ገልጸው በኢትዮጵያ ስላለው ግጭት እና ድርቅ እንዲሁም በአውሮፓ የሩስያ እና የዩክሬን ግጭት አንስተዋል።

ኢትዮጵያ የሩሲያ እና ዩክሬንን ግጭት በተመለከተ ሁለቱ ሀገራት ችግራቸውን በሰላማዊ መንገድ፣ በድርድር እንዲፈቱ የያዘችውን አቋም በምክክር መድረኩ ላይ በድጋሚ አሳውቃለች።

ውይይቱ ከሰብአዊ መብት ጥሰት እና ከተጠያቂነት እርምጃዎች በተጨማሪ በኢትዮጵያ ስላለው የንግድ ሁኔታ ከአውሮፓ ባለሃብቶች አንፃር የሚፈጠሩ ችግሮችን ለመፍታት እና የዳበረ ኢኮኖሚ ለመገንባት ስለሚያስችለው ጉዳይ ተወያይተዋል።

የአውሮፓ ኅብረ

06/05/2022

ሁሌም ግጭቱ እንዲቆም ፣ ሰብአዊ እርዳታ በሁሉም ቦታ እንዲዳረስ እንዲሁም ሰላምን የሚያመጣ ውጤታማ ድርድር እንዲደረግ ጥረት ሳደርግ ቆይቻለሁ " - አንቶኒዮ ጉተሬዝ

የተባበሩተ መንግስታት ድርጅት ዋና ፀሀፊ አንቶኒዮ ጉተሬዝ የሰሜን ኢትዮጵያ ጦርነት እንዲያበቃ ከሁለቱም ወገኖች ጋር በርካታ ግንኙነቶችን ሲያደርጉ መቆየታቸውን ተናግረዋል።

አንቶኒዮ ጉቴሬዝ ይህን የተናገሩት በዚህ ሳምንት የምዕራብ አፍሪካ አገራት በሆኑት በሴኔጋል፣ በኒጀር እና በናይጄሪያ ጉብኝት ባደረጉበት ጊዜ ለቢቢሲ በሰጡት ቃል ነው።

ዋና ፀሀፊው ከጠ/ሚ ዶ/ር ዐቢይ አሕመድ እና ከህወሓት ሊቀመንበር ደብረጽዮን ገብረ ሚካኤል (ዶ/ር) ጋር ግንኙነቶችን በመፍጠር ጦርነቱ መቋጫ እንዲያገኝ ጥረት ሲያደርጉ መቆየታቸውን ገልጸዋል።

በዚህም የተኩስ አቁም እንዲደረግ፣ የሰብአዊ እርዳታ ለማቅረብ አመቺ ሁኔታ እንዲፈጠርና በመጨረሻም በውይይት ሰላም እንዲወርድ አዘውትረው ሲጥሩ መቆየታቸውን ተናግረዋል።

ጉተሬዝ ፥ " ሁሌም ግጭቱ እንዲቆም፣ ሰብአዊ እርዳታ በሁሉም ቦታ እንዲዳረስ እንዲሁም ሰላምን የሚያመጣ ውጤታማ ድርድር እንዲደረግ ጥረት ሳደርግ ቆይቻለሁ " ሲሉ ለቢቢሲ በሰጡት ቃል ተናግረዋል።

30/04/2022

አሜሪካ በኢትዮጵያ ሁለንተናዊ ሰላም እንዲመጣ ቁርጠኛ መሆኗን ገለፀች!!

የአሜሪካ የውጭ ጉዳይ ሚኒስትር አንቶኒ ብሊንከን በቢሯቸው በኩል በኢትዮጵያ ግጭቶችን ለማስቆም እየተካሄዱ የሚገኙ ተግባራዊ ሥራዎችን በተመለከተ መግለጫ ሰጥተዋል።

አሸባሪው ሕወሓት በፈጠረው ጦርነትና በወረራ በያዛቸው አካባቢዎች እንዲሁም በተለያዩ ግጭቶች የተነሳ ብዙኃን ለችግር መጋለጣቸውን ያስታወሰው መግለጫው ይህንን ችግር ለመቅረፍ በፌዴራል መንግሥትና በክልሎች የተወሰደውን እርምጃ አድንቋል።

በተለይም በትግራይና አፋር ክልሎች በችግር ውስጥ ለሚገኙ ዜጎች የሰብአዊ ድጋፎች እንዲደርሳቸው ለማስቻል የተከናወኑ ተግበራትን ያደነቁት ብሊንከን ፕሬዝዳንት ጆ ባይደንም ያልተቋረጠ አስቸኳይ የሰብአዊ ድጋፍ በግጭት ለተጎዱ ወገኖች እንደሚያስፈልግ መግለጻቸውን ተናግረዋል። አሜሪካም በዚህ ሂደት ውስጥ ድጋፉን ለማድረግ ዝግጁ መሆኗን መግለጻቸውን ከሀገሪቱ ውጭ ጉዳይ ቢሮ ያገኘውን መግለጫ ጠቅሶ ኢዜአ ዘግቧል።

በሌላ በኩል በኢትዮጵያ ሁሉን ዐቀፍ ሰላም እንዲመጣ በጠቅላይ ሚኒስትር ዐቢይ አሕመድ የተወሰዱ እርምጃዎችን ያደነቀው መግለጫው በትግራይ ክልል ነገሮችን ወደ ነበሩበት ለመመለስ ጥረቶች እንዲጠናከሩ ጠይቀዋል።

አንድነቷ፣ ሉዓላዊነቷና እድገቷ የተጠበቀ ኢትዮጵያን በመገንባት ሂደት ለሚከናወኑ ተግባራት አሜሪካ ድገፏን ለማድረግ ቁርጠኛ መሆኗንም መግለጫው አመልክቷል።

29/04/2022

የዩክሬን ፕሬዝዳንት በአፍሪካ ህብረት ንግግር ለማድረግ በድጋሚ ጠየቁ!

የዩክሬን ፕሬዝዳንት ቮሎዲሚር ዜሌንስኪ በአፍሪካ ህብረት ንግግር ለማድረግ በድጋሚ ጠየቁ፡፡ዜሌንስኪ በውጭ ጉዳይ ሚኒስትራቸው ዲሜትሮ ኩሌባ በኩል ነው ጥያቄውን በድጋሚ ያቀረቡት፡፡

የአፍሪካ ህብረት ኮሚሽን ሊቀመንበር ሙሳ ፋኪ ማሃማት ከዩክሬን የውጭ ጉዳይ ሚኒስትር ዲሜትሪ ኩሌባ ጋር በስልክ ማውራታቸውን አስታውቀዋል፡፡

ለሙሳ ፋኪ የደወሉት ኩሌባ ፕሬዝዳንት ቮሎዲሚር ዜሌንስኪ ለአፍሪካ ህብረት አባል ሃገራት መሪዎች ንግግር ለማድረግ ከአሁን ቀደም ያነሱትን ጥያቄ ደግመው አንስተዋል፡፡ከህብረቱ ጋር ጠንካራ ግንኙነት ለመመስረት እንፈልጋለን ስለማለታቸውም ነው የውጭ ጉዳይ ሚኒስትሩ የገለጹት፡፡

ሙሳ ፋኪ በበኩላቸው ዩክሬን ከሩሲያ ጋር ለገባችበት ጦርነት ሰላማዊ መፍትሔዎች ሊፈለጉለት እንደሚገባ አስረግጠው መናገራቸውን ገልጸዋል፡፡

28/04/2022

ማንም አገር አለኝ የማይለው የጦር መሣሪያ አለን፡፡…አስፈላጊ ከሆነ እንጠቀመዋለን " - ቭላድሚር ፑቲን

የሩሲያው መሪ ቭላድሚር ፑቲን በዩክሬን ጦርነት እጁን የሚያስገባ ማንኛውም አገር ላይ መብረቃዊ ጥቃት እንደሚፈጸምበት አስጠነቀቁ፡፡

ይህን ለማድረግ ደግሞ አገራቸው ሩሲያ አቅምም ብቃትም አላት ብለዋል፡፡

‹‹ማንም አገር አለኝ የማይለው የጦር መሣሪያ አለን፡፡…አስፈላጊ ከሆነ እንጠቀመዋለን›› ሲሉ ብዙዎችን ያሳሰበ ንግግር አድርገዋል፡፡

አንዳንድ ተንታኞች ፑቲን በዚህ ንግግራቸው ለመጠቆም የሞከሩት ባለስቲክ ሚሳኤልና የኑክሊየር መሣሪያን ነው በማለት ግምት ወስደዋል፡፡

ፑቲን ከዚህ በፊት በለጦር ሹማምንቶቻቸው የኑክሊየር መሣሪያ በተጠንቀቅ እንዲዘጋጅ ትዕዛዝ መስጠታቸው አይዘነጋም፡፡

የፑቲን መራር ንግግር የተሰማው ምዕራባዊያን ለዩክሬን እጅግ ውስብስብና ዘመናዊ መሣሪያዎችን በመስጠት በተጠመዱበት ወቅት ነው።

በተለይም ባለፉት ቀናት የአሜሪካ የውጭ ጉዳይ ሚኒስትር ብሊንከን እና የመከላከያ ሚኒስትሩ ኦስቲን በኪየቭ ጉብኝት አድርገው ነበር።

በዚህ ጉብኝታቸው ለዩክሬን ወደ 700 ሚሊዮን ዶላር የተጠጋ እርዳታን ይፋ አድርገዋል፡፡

ከትናንት በስቲያ የምዕራብ አገራት በጀርመን ተሰብስበው ለዩክሬን የሚደረገውን የጦር መሣሪያ እርዳታ እንዴት ከዚህም በላቀ መልኩ ማሳደግ ይቻላል በሚል ተወያይተው ነበር፡፡

በጦርነት ጣልቃ ያለመግባት ጥብቅ ፖሊሲን ትከተል የነበረችው ጀርመን ሳይቀር ያልተጠበቀ የፖሊሲ ለውጥ በማድረግ ለዩክሬን 50 የአየር መቃወሚያ ታንኮችን እሰጣለሁ ብላለች፡፡

መረጃው የቢቢሲ ነው።

26/04/2022

የአሜሪካ ኤምባሲ ፤ የ Diversity Visa (ዲቪ) ን ጨምሮ ሁሉንም የስደተኛ እና ስደተኛ ያልሆኑ የቪዛ ሂደቶች እያስቀጠለ መሆኑን ገልጿል።

ኤምባሲው አገልግሎቱን እየተጠባበቁ ያሉ ሁሉ ፤ በዓለም አቀፉ ወረርሽኝ ኮቪድ-19 እና በኢትዮጵያ ታውጆ በነበረው የአስቸኳይ ጊዜ አዋጅ ወደኃላ የቀሩ ስራዎችን ለመስራት በሚደረገው ሂደት በትዕግስት እንዲጠብቁ መልዕክቱ አስተላልፏል።

የቪዛ ቃለመጠይቆች ሂደት ሚከናወነው በስቴት ዲፓርትመንት ቅድሚያ በሚሰጣቸው ጉዳዮች ላይ በመመስረት መሆኑን የገለፀው ኤምባሲው ፤ አሜሪካውያንና ኢትዮጵያውያን ሰራተኞች በሁሉም የቪዛ መደቦች ላይ በተቻለ መጠን ብዙ ቃለ መጠይቆችን ለማድረግ በማቀድ በትጋት ስራቸውን እያከናወኑ ነው ብሏል።

በዚህም ሂደት ላይ ፤ የአገልግሎቱ ተጠቃሚዎች ሁሉንም አስፈላጊ ሰነዶች ይዘው ለቃለ መጠይቅ ዝግጁ ሆኖ በመምጣት የሁሉንም ሰው የጥበቃ ጊዜ እንዲቀንስ ለማድረግ ማገዝ ይችላሉ ሲል መልዕክቱን አስተላልፏል።

26/04/2022

ባይደን ታሪክን በደንብ መማር አለበት፤ ይህ ሳያውቅ ቱርክን ለመከራከር መሞከሩን ይቅር አንለውም " - ረሲፕ ታይፕ ኤርዶጋን

የአሜሪካው ፕሬዝደንት ጆ ባይደን በፈረንጆቹ በ1915 በአርመን የተካደውን ክስተት ለሁለተኛ ጊዜ " የዘር ማጥፋት " ድርጊት ነው ብለው ገልፀው ነበር።

ይህንን አገላለፅ የቱርኩ ፕሬዝዳንት ረሲፕ ታይፕ ኤርዶጋን ኮንነውታል።

ፕሬዝደንት ኤርዶጋን በቱርክ በፕሬዝዳንት ቤተመንግስት የነበረውን ስብሰባ በመሩበት ወቅት ነው የባይደንን ንግግር የኮነኑት።

ኤርዶጋን ፤ በአርመኒያ ተደርጓል ስለተባለው ወንጀላ፤ በጥቂት ሀገራት እና ፓርላመንቶች የሚሰጠው አስተያያት በቱርክ መንግስት ተቀባይነት የለውም ብለዋል።

ፕሬዝደንት ባይደን ለ1915 የአርመን ክስተት በውሸት እና በሃሰተኛ መረጃ ላይ የተመሰረተ ነው ሲሉ ገልፀዋል።

ኤርዶጋን " ባይደን ታሪክን በደንብ መማር አለበት፤ ይህ ሳያውቅ ቱርክን ለመከራከር መሞከሩን ይቅር አንለውም " ሲሉ ተናግረዋል።

የአርመን ሰዎች በዚህ የአርመንን እና የቱርክ ህዝብን ለማጋጨት አላማው ባደረገው ግብዝ አመለካከት ሲጎዱ ነበር፤ ይጎዳሉም ብለዋል።

በቱርክ እና በአርመን መካከል ያለፈ ቁርሾ ከማጋነን ይልቅ ሰለማዊ ግንኙት መገንባት አስፈላጊ መሆኑን የገለጹት ኤርዶጋን የቱርክ ላሉት የአርመን ፓትሪያሪክ መልእክት መላካቸውን ተነግሯራ።

በቱርክ የሚገኙ አርመኖች በመጀመሪያው የአለም ጦርነት የደረሰባቸውን መጥፎ ሁኔታ በቱርክ ተሰባስበው አስበዋል፡፡

ምንጭ ፦ አል ዓይን ኒውስ

26/04/2022

የመን ውስጥ በ " ሁቲ ኃይሎች " ታስረው የቆዩ አንድ ኢትዮጵያዊ ዜጋ ጨምሮ 12 ሰዎች ከእስር መለቀቃቸውን ኦማን አስታውቃለች።

ታሳሪዎቹ የተለቀቁት የብሪታንያ፣ ኢንዶዥያ፣ ህንድ እና ፊሊፒንስ መንግስታት ባቀረቡት ጥያቄ መሰረት የኦማን ባለሥልጣናት ባደረጉት ጥረት እንደሆነ ነው የተነገረው።

ኢናቾ መኮንን የተባሉ ኢትዮጵያዊን ጨምሮ በእስር ላይ የነበሩት የብሪታንያ ፣ ፍሊፒንስ ፣ ማይናማር ፣ ኢንዶኔዥያ እና የህንድ ዜጎች ከየመን ሰነዓ ወደ ሙስካት መዘዋወራቸውን የኦማን ውጭ ገዳይ ሚኒስቴር አስታውቋል።

የፈረንሳይ ዜና አገልግሎት እንደዘገበው ከታሳሪዎቹ አንዱ የሆነው የብሪታንያ ዜጋ በሁቲዎች በሀገር ክህደት ተጠርጥሮ ለ5 ዓመታት በእስር የቆያ ሲሆን ፤ የታሳሪው ቤተሰቦች በምርመራ ወቅት እጁ መሰረበሩን፣ አካላዊ እና ስነልቦናዊ ጤናው እንዲቃወስ መሆኑን ገልፀዋል።

ሁቲዎች ኢትዮጵያዊውን ግለሰብ ለምን እና መቼ በቁጥጥር ስር እንዳዋሉት በፈረንሳይ ዜና አገልግሎት ዘገባ ላይ የተገለፀ ነገር የለም።

ምንጭ፦ የፈረንሳይ ዜና አገልግሎት

24/04/2022

ለኢትዮጵያ ብላችሁ ህይወታችሁን በመስጠት በዱር በገደሉ ለምትዋደቁ ለመከላክያ ሰራዊት አባላትና ለፌደራል እንዲሁም ለክልል የጸጥታ አካላት አማራ ሚሊሻ ፋኖ አፋር የሚሊሻ በሙሉ እንኳን ለፋሲካ (ትንሳኤ) በዓል በሰላም አደረሳችሁ፣ አደረሰን። በዚህ ትግል ህይወታችሁን ላጣችሁ በሙሉ የከፈላችሁልን የህይወት የደም ዋጋ ቀላል አይደለምና ነፍሳችሁን ይማረው

ለጀግኖቹ ቤተሰቦችና አሁንም በስራ ላይ ላሉ ጀግኖች የኢትዮጵያ የቁርጥ ቀን ልጆች አባላት በሙሉ መልካም በዓል

ኢትዮጵያ ለዘላለም ትኑር

22/04/2022

ጃዋር እና እስክንድር ተያይዘው ከኢትዮጵያ እየወጡ ነው!

በቅርብ ጊዚያት ከእስር የተፈቱት ጃዋር መሃመድና እስክንድር ነጋ ተከታትለው ከኢትዮጵያ ሊወጡ መሆኑ ተሰማ።

ጃዋር መሃመድ ዛሬ ምሽት ወደ ጂዳ፣ ሳውዲ አረቢያ በረራውን የሚያደርግ ሲሆን እስክንድር ነጋ ደግሞ በፋሲካ ዋዜማ አገር ለቅቆ ይወጣል።

ጃዋር ከእስር ከተፈታ ዝምታን የመረጠ ሲሆን ጉዞው ሳውዲ ይብቃ ወይንስ ወደ ምድረ አሜሪካ ሄዶ እንደ በፊቱ የአክቲቪዝም ስራውን ይቀጥላል ወይንስ በኦፌኮ አመራርነቱ ሰላማዊ ትግል ያደርጋል የሚለው አጠያያቂ ሆኗል።

እስክንድር ባልደራስን እየመራ ውስጥ ውስጡን የፋኖ እንቅስቃሴን ይደግፋል እየተባለ ሲሆን ወደ አሜሪካ ተጉዞም የገንዘብ ማሰባሰብ ስራ ይሰራል የሚል ግምት አለ።

ጃዋርና እስክንድር የሚያደርጉት ጉዞ በ24 ሰዓታት ልዩነት ሲሆን ተነጋግረውና ለተመሳሳይ አላማ ይሁን አይሁን የታወቀ ነገር የለም። ከዲያስፖራው ገንዘብ ከመሰብሰብ ባሻገር ሁለቱም ተጓዦች ከህወሃት፣ከሸኔ እንዲሁም ሌሎች ፅንፈኛና አክራሪ ቡድኖች የዲያስፖራ ክንፍ ጋር የመገናኘትና የማሴር ስራ ይሰራሉ ተብሎ የሚጠበቅ ሲሆን ከውጭ ሃገራት ሃይሎች ግብፅን ጨምሮ ሊመክሩ እንደሚችሉ መገመት አያዳግትም።

ጃዋር መሃመድና እስክንድር ነጋ ሚስቶችና ልጆቻቸው አሜሪካ ነዋሪ ሲሆኑ አካሄዳቸው ለመመለስ ይሁን አይሁን የተባለ ነገር የለም።

22/04/2022

አሜሪካ ለኢትዮጵያ ተጨማሪ ድጋፍ ሰጠች

አሜሪካ ለኢትዮጵያ የሰጠችው ተጨማሪ ድጋፉ 313 ሚሊየን ዶላር የሚጠጋ ተጨማሪ የሰብዓዊ ድጋፍ ያደረገች ሲሆን በሰሜኑ የኢትዮጵያ ክፍል በነበረው ግጭት ጉዳት ለደሰረባቸው ዜጎች የሚውል መሆኑ ተገልጿል።

ድጋፉም በአማራ፣ አፋር እና ትግራይ ክልሎች በግጭቱ ጉዳት ለደረሰባቸው ዜጎች የሚሰራጭ መሆኑ ተመላክቷል፡፡

ድጋፍ የጤና ተቋማት የሚሰጡትን አገልግሎት ለማሻሻል ፣ተላላፊ በሽታዎችን ለመከላከል ፣ የጾታ ጥቃቶችን እና የሥነ ልቦና ችግሮችን ለመቀነስ ይውላልም ተብሏል፡፡

የአሜሪካ የሰብዓዊ እርዳታ ድርጅቶች በአማራ፣ አፋር እና ትግራይ ክልሎች ችግር ውስጥ ለሚገኙ ዜጎች የሚያደርጉትን የሰብዓዊ ድጋፍ አጠናክረው መቀጠላቸው ተጠቁሟል፡፡

ዩናይትድ ስቴትስ በሰሜኑ የኢትዮጵያ ክፍል ግጭት ከተቀሰቀሰ ጀምሮ እስካሁን 995 ሚሊየን ዶላር የሚያወጣ የሰብዓዊ ድጋፍ ማድረጓንም ዩ ኤስ ኤይድ ባወጣው መግለጫ አስታውቋል ፡፡

18/04/2022

ሰሞኑን አዲስ አበባ በሚገኘው የሩሲያ ኤምባሲ በር ላይ በርካታ " ኢትዮጵያዊያን ሩሲያን ወግነው ዩክሬንን ለመውጋት " ለመመዝገብ ወረፋ በመጠባበቅ ላይ ናቸው የሚል ምስል ማህበራዊ ሚዲያ ላይ በስፋት እየተሰራጨ ነው።

ኢትዮጵያውያኑ በእጃቸው ላይ ዶክመት ይዘው ተሰልፈው ይታያል።

የሩስያ ኤምባሲ ፕረስ አታቼ የሆኑት ማሪያ ቸርኑኪና ለአል ዐይን በሰጡት ቃል ፤ " ሩሲያ ለዩክሬን ጦርነት ኢትዮጵያዊያንን ለመቅጠር ማስታወቂያ አላወጣችም፣ በማህበራዊ ሚዲያዎች እየተሰራጨ ያለው መረጃም ሀሰተኛ ነው " ሲሉ መልሰዋል።

ነገር ግን ኢትዮጵያውን ወደ ኢምባሲው መሄዳቸው እውነት መሆኑን ገልፀዋል።

ኢትዮጵያውያን ወደ ሩሲያ ኢምባሲ የሄዱት ለምልመላ ሳይሆን ለሩሲያ ያላቸውን አጋርነት ለማሳየት መሆኑን ነው የገለፁት።

ይሁንና ሩሲያ ከዩክሬን ጋር እያደረገችው ባለው ጦርነት " በርካታ ኢትዮጵያዊያን በኢሜይል እና በአካል ከሩሲያ ጎን መሆናቸውን እያሳወቁን ነው ለዚህ እናመሰግናለን " ሲሉም አክለዋል።

ኢትዮጵያዊያን ይሄንን እያደረጉ ያለው ረጅም እና ታሪካዊ በሆነው የኢትዮጵያ እና ሩሲያ ወዳጅነት ላይ ስለሚተማመኑ እንደሆነ ኤምባሲው ተገልጿል።

የዩክሬን ኤምባሲ ደግሞ ሩስያ ምልመላ እያደረገች ነው በሚል የተሰራጨውን መረጃ በተመለከተ ለኢትዮጵያ ቼክ መረጃ ማጣሪያ ድረገፅ በሰጠው ቃል ፤ "ይህ አሳዛኝ ድርጊት ነው። አንድ ኢትዮጵያዊ በዚህ ጦርነት ህይወቱ ቢያልፍ ለዩክሬንም ሆነ ለኢትዮጵያ አሳዛኝ ክስተት ይሆናል። " ብሏል።

መረጃው የአል ዓይን ኒውስ እና የኢትዮጵያ ቼክ የመረጀ ማጣሪያ ድረገፅ ነው።

17/04/2022

ሰሜን ኮሪያ የሚሳኤል ሙከራዋን ገፍታበታለች።

በዚህ አመት እጅግ ተደጋጋሚ የሚሳኤል ሙከራ ስታደርግ የነበረችው ሰሜን ኮሪያ በአመቱ 12ኛ ነው የተባለውን የሚሳኤል ሙከራ ማድረጓን የደቡብ ኮሪያ ጦር አስታውቋል።

ሰሜን ኮሪያ ትላንት ትላንት ቅዳሜ 2 ሚሳኤሎችን በሰሜን ምስራቅ የባህር ጠረፍ ላይ ከምትገኘው ሃምሁንግ ከተማ ማስወንጨፏ እና 68 ማይል መጓዛቸው ተነግሯል።

የአሁኑ ሙከራ ከቀድሞዎቹ በኃይል ያነሰ ቢሆንም በአካባቢው ላይ ከፍተኛ ውጥረት ባለበት ሁኔታ ወቅት መፈፀሙ አሳሳቢ እንዳደረገው ተነግሯል።

በሌላ በኩል አሜሪካ እና ደቡብ ኮሪያ ዓመታዊ የጋራ ወታደራዊ ልምምዳቸውን ሰኞ ይጀምራሉ። ይህን ልምምስ ሰሜን ኮሪያ በፅኑ አውግዛዋለች። ሀገሪቱ የሁለቱን አጋሮች የጋራ ልምምዶች እንደ ወረራ ልምምድ የሚቆጠር ነው ብላዋለች።

17/04/2022

ወደ ሀገሬ ድርሽ እንዳትሉ "

የሩስያ ውጭ ጉዳይ ሚኒስቴር የብሪታኒያ ጠቅላይ ሚኒስትር ቦሪስ ጆንሰን፣ የውጭ ጉዳይ ሚኒስትር ሊዝ ትረስ እና ሌሎች የካቢኔ አባላት ወደ ሩሲያ ምድር ድርሽ እንዳይሉ እገዳ እንደተጣለባቸው ዛሬ አሳውቋል።

16/04/2022

ኢትዮጵያ የዓለም ምግብ ፕሮግራም ስራ አስፈጻሚ ቦርድ አባል ሆና ተመረጠች።

በተባበሩት መንግሥታት ድርጅት የኢትዮጵያ ቋሚ መልክተኛ ጽ/ቤት ምርጫውን ተከትሎ ባስተላለፈው መልዕክት በዓለም የግዙፉ ሰብአዊ እርዳታ ሰጭ ድርጅት ኢትዮጵያ የቦርድ አባል ሆና መመረጧ በመላው ዓለም በአስቸጋሪ ሁኔታ ውስጥ ለሚገኙ ሀገራት ኢትዮጵያን ጨምሮ የተሻለ ሥራ እንዲከውን ኃላፊነቷን ትወጣለች ከውጭ ጉዳይ ሚኒስቴር ያገኘነው መረጃ ያመለክታል።

የድርጅቱ ስራ አስፈፃሚ ቦርድ የተቋሙ የበላይ አስተዳዳሪ ሲሆን፥ 36 የተመድ ወይም የተባበሩት መንግስታት የምግብና እርሻ ድርጅት (ፋኦ) አባል ሀገራትን የያዘ ነው።

ቦርዱ ለድርጅቱ ድጋፍንና የፖሊሲ አቅጣጫ የሚያደርግ ሲሆን፥ ስራውንም ይከታተላል።

13/04/2022

ከአንድ ሺህ በላይ የዩክሬን ባህር ኃይል አባላት እጅ መስጠታቸውን ሩሲያ ገለጸች

ባህር ኃይል አባላቱ እጅ የሰጡት ከሩሲያ ወታደሮች ጋር በማሪዮፖል የወደብ ከተማ በተደረገ ውጊያ ነው የሩሲያ ዩክሬን ጦርነት ከተጀመረ 50 ቀን ሆኖታል

ከአንድ ሺህ በላይ የዩክሬን ባህር ኃይል አባላት እጅ መስጠታቸውን ሩሲያ ገለጸች፡፡

ዩክሬን የሰሜን አትላንቲክ ቃልኪዳን ጦር ወይም ኔቶን እቀላቀላለሁ ማለቷን ተከትሎ ወደ ጦርነት የገቡት ሩሲያ እና ዩክሬን በሁለቱ አገራትን ጨምሮ በዓለም የዕለት ተዕለት ሁኔታ ላይ ተጽዕኖ አሳርፏል፡፡

50 ቀኑ ላይ በሚገኘው በዚህ ጦርነት እስካሁን ከ5 ሚሊዮን በላይ ዩክሬናዊያን አገራቸውን ለቀው ወደ ጎረቤት አገራት የተሰደዱ ሲሆን በርካቶች ደግሞ ህይወታቸውን፣አካላቸውን እና ንብረታቸውን አጥተዋል፡፡

የዩክሬን የወደብ ከተማ በሆነችው ማሪዮፖል በተካሄደው ጦርነት ከ1 ሺህ በላይ የዩክሬን ባህር ኃይል አባላት ለሩሲያ ጦር እጅ መስጠታቸውን ሮይተርስ ዘግቧል፡፡

13/04/2022

ሩስያ NATOን ለመቀላቀል ከሞከራችሁ እጅግ " ጎጂ " የሆኑ ውጤቶች [ኢኮኖሚያዊና ወታደራዊ] ይኖራል ስትል ካስጠነቀቀቻቸው ስውዲን እና ፊንላንድ መካከል ስውዲን NATOን ለመቀላቀል ለማመልከት መወሰኗ ተሰምቷል።

የስዊዲን ጠ/ሚ ማግዳሌና አንደርሰን ሀገራቸው በሰኔ ወር መጨረሻ ላይ ለNATO ጥምረት አባልነት ለማመልከት መወሰኗን ገልፀዋል።

ፊንላንድ በበኩሏ ፤ አሁን ይኽ ነው የሚባል ውሳኔ ላይ ባትደርስም በሚቀጠሉት ጥቂት ሳምንታት ውስጥ NATOን ለመቀላቀል የማመልከት ውሳኔ ላይ እደርሳለሁ ብላለች።

የፊንላንድ ጠ/ሚ ሳንና ማሪን እና የስዊድን ጠ/ሚ ማግዳሌና አንደርሰን በአካባቢው የጸጥታ ጉዳዮች ላይ ዛሬ በስቶክሆልም ተገናኝተው ተወያይተዋል።

በሩስያ እና ዩክሬን መካከል ያለው ጦርነት አሁንም መፍትሄ የላገኘ ሲሆን ሩስያ ዩክሬን ላይ እርምጃ መውሰድ ከጀመረችባቸው ዋነኛ ምክንያቶች አንዱ NATOን ለመቀላቀል ሙከራ ማድረጓና ለደህንነቷ ስጋትን በመደቀኗ መሆኑ ይታወቃል።

የዩክሬን ጦርነት ከተቀሰቀሰ በኃላ ሩስያ ፤ ስውዲን እና ፊንላድ እንዲህ ያለውን ነገር እንዳይሞክሩት ፤ የሚያደርጉት ከሆነ ግን ወታደራዊ እና ኢኮኖሚያዊ ጎጂ ውጤቶች እንደሚኖሩ አስጠንቅቃቸው ነበር።

አሁን ላይ ስውዲን NATOን ለመቀላቀል ጥያቄ እንደምታቀርብ መወሰኗ ፤ ፊንላንድም በቀጣይ ሳምንታት ውሳኔ ላይ ደርሳለሁ ማለቷ ትልቅ ስጋትን ፈጥሯል።

13/04/2022

የአሜሪካ የአፍሪካ ቀንድ ልዩ መልዕክተኛ ዴቪድ ሳተርፊልድ እና ምክትላቸው ዛሬ አዲስ አበባ እንደሚገቡ ተገለጸ!

የአሜሪካ የአፍሪካ ቀንድ ልዩ መልዕክተኛ ዴቪድ ሳተርፊልድ እና ምክትል ልዩ መልዕክተኛ የሆኑት ፔይቶን ኖፕፍ ዛሬ ሚያዝያ 5 ቀን 2014 አዲስ አበባ፤ ኢትዮጵያ እንደሚገቡ የአሜሪካ የውጭ ጉዳይ ሚኒስቴር አስታውቋል።ልዩ መልዕክተኛው የአምባሳደር ዴቪድ ሳተርፊልድ እና የምክትላቸው ፓይተን ኖፍ በጉብኝታቸው ከኢትዮጵያ መንግስት ባለስልጣናት፣የሰብአዊ ድርጅቶች ተወካዮች እና የዲፕሎማቲክ አጋሮች ጋር በመገናኘት ይወያያሉ ተብሏል።

በተጨማሪም በዚህ ጉብኝት ጦርነትን ለማስቆም፣ ያልተገደበ የሰብአዊ አገልግሎት አቅርቦት እንዲኖር፣የሰብአዊ መብት ረገጣ እና የኹሉም ተዋናዮች ጥሰቶች ላይ ግልፅ ምርመራ እንዲደረግ እና በኢትዮጵያ ያለውን ግጭት በድርድር ለመፍታት አሜሪካ የምታደርገውን ጥረት ያስቀጥላሉ ተብሎ እንደሚጠበቅም የአሜሪካ የውጭ ጉዳይ ሚኒስቴር አስታውቋል።የቀድሞውን የአፍሪካ ቀንድ ልዩ መልዕክተኛ አምባሳደር ጄፍሪ ፌልትማንን በቅርቡ የተኩት ሳተርፊልድ ወደ ኢትዮጵያ ሲመጡ ይህ የመጀመሪያቸው አይደለም።

አምባሳደሩ መጋቢት 12 እና 13/2014 አዲስ አበባ ገብተው ለኹለት ቀናት ባደረጉት ቆይታ ከአፍሪካ ኅብረት የአፍሪካ ቀንድ ልዩ መልዕክተኛ ኦሉሴጉን ኦባሳንጆን፣ ከኢትዮጵያ የውጭ ጉዳይ ሚኒስትር እና ምክትል ጠቅላይ ሚኒስትር ደመቀ መኮንን ውይይት አድርገው እንደነበር ይታወሳል።በተያያዘም የአፍሪካ ቀንድ ልዩ መልዕክተኛው ዴቪድ ሳተርፊልድ ከክረምት በፊት ስልጣናቸውን እንደሚለቁ ጉዳዩን በቅርብ ከሚያውቁ ምንጮች ሰምቻለሁ ሲል ሮይተርስ ዘግቧል።ዛሬ አብረዋቸው አዲስ አበባ እንደሚገቡ የሚጠበቁት ምክትላቸው ፔይቶን ኖፕፍ ቦታውን እንደሚረከቡ እንደሚጠበቅም በዘገባው ተመላክቷል።

13/04/2022

የሩሲያው ፕሬዜዳንት ቭላድሚር ፑቲን ሀገራቸውን ሩስያን ለማግለል የሚደረገው ሙከራ አይሳካም ሲሉ ምእራባውያንን አስጠነቀቁ።

ሩስያ በዩክሬን የጀመረችውን " ልዩ ወታራዊ ዘመቻ " ተከትሎ ጠንከር ያሉ ማዕቀቦችን በጣሉባት ምእራባውያን እና አሜሪካ ላይ እምነት እንደማይኖራት ገልጻለች፡፡

ፕሬዜዳንት ፑቲን ፥ " በሶቬት ህብረት ጊዜ ጠቅላላ ማእቀብ ተጥሎ ነበር፤ ሙሉ በሙሉ ተገልላም ነበር፤ ነገርግን ሶቬት አሁንም በስፔስ ቀዳሚ ነች " ሲሉ ተደምጠዋል።

ፕሬዝደንቱ የመገለል ፍላጎት እንደሌላቸው እና በዚህ ዘመናዊ አለም ማግለል እንደማይቻል ተናግረዋል፡፡

በቀዝቃዛው ጦርነት ወቅት ሩሲያ በዩሪ ጋጋሪ አማካኝነት ወደ ስፔስ ያደረገችው በረራ እና በፈረንጆቹ 1957 የስፑትኒክ አንደኛ ወደ ስፔስ መብረር አሜሪካን አስደንግጦ ነበር፡፡ በወቅቱ አሜሪካ ከሩሲያ ጋር ለመወዳደር ስትል ናሳን አቋቁማ ነበር፡፡

ፕሬዜዳንት ፑቲን በዩክሬን " ወታደራዊ ዘመቻ " ለማድረግ የተገደዱት፤ አሜሪካ ዩክሬንን እና ኔቶን በመጠቀም ለማስፈራራት ስለሞከረች እና ይህንም መከላከል ሲለሚገባ ነው ብለዋል፡፡

ፑቲን ሩሲያ በዩክሬን ሁሉንም የምትፈልገውን አላማ ታሳካለች ብለዋል፡፡

ምንጭ፦ አል ዓይን ኒውስ

11/04/2022

የዩክሬን መረጃ!!
የቼችንንያ መሪ ካዲሮቭ ዋና ከተማ ኬቭን እንይዛለን አሉ። የቼችንንያ መሪ ራምዛይድ ካዲሮቭ ቀጣይ የሩሲያ የውጊያ እቅድ ይፋ አደረጉ። አሁን ላይ ካለው የምስራቅ የዩክሬን ጦርነት ራሺያ ማሪፖልን ይዛ ከዛማዶ ከክሬሚያ አማፂዎችና ከራሷ ጦር ጋር የሚያገናኙትን ድልድይ መገንባት የምትፈልግ መሆኑን ታውቋል። የማሪፑል መያዝ ራሺያ ወደ ኬቭ አቅጣጫ ዳግም ዘመቻ እንድትጀምር ሚሰጣት መሆኑን ተመልክቷል። ይህን ሀቅ ይፋ ያደረገው በዚህ ጦርነት በጀግንነቱ ሲወደስ የነበረው የቼችንያው መሪ ራምዛይድ ካዲሮቭ ነው። ራምዛይድ ካዲሮቭ 20,000 ጦሩን በዩክሬን በዩክሬን ጦርነት እየመራ የሚገኝ ጠንካራ ሰው ዛሬ በሰጠው መግለጫ የራሺያ ጦሮች ማሪፑልን ብቻ ሳይሆን ወደምስራቅ ተሻግረው ዳግም ኬቭን ለመያዝ እንደሚሞክሩ ይፋ አድርገዋል። ራምዛይድ ካዲሮቭ እንደተናገረው ማጥቃታችን ማሪፑል ላይ ብቻ አይወሰንም ወደሌሎች የዩክሬን ከተሞችም ይቀጥላል ሉዋስክ፡ዶኔስም በሙሉ ነፃ እናወጣቸዋለን ከዛም ቀጥለን ኬቭና ሌሎች ከተሞችን መያዝ አላማችን ነው ራምዛይድ ካዲቭ ተናግረዋል። ይህን መልእክት ያስተላለፈው ብዙ ሚሊየን ተከታዮች በለው በቴሌግራም ቻናል ላይ በተለጠፈው የቪዲዮ መልእክት ነው። ይህ የራምዛይድ ካዲሮቭ ንግግር ከሰሞኑን የወታደራዊ ተንታኞች ሲሉት የነበረው ማሪፑልን ከክሪምያ ለማገናኘት ቀጥሎም ወደምስራቅ መግፍት የራሺያን እቅድ ያረጋገጠ ሆኗል። ካዲሮቭ ራሱን በተደጋጋሚ የፑቲን የእግረኛ ጦር እያለ የሚጠራ ሲሆን እኛ የምድር ጦሮች ኬቭን ከመያዝ የሚመልሰን የለም ሲል አሁን ላይ ተደምጧል ። ካዲሮቭ ቀደም ሲል ከኬቭ አሁን ደሞ ማሪ ፑሌራ የወታደራዊ ዘመቻ ላይ በቀጥታ እየተሳተፈ ያለ መሪ ነዉ። ከሰሞኑም በቱርክ በተደረገው የሰላም ስብሰባ ማግስት እነሱ ይሰብሰቡ እኛ ግን ውጊያውን እንቀጥላለን ሲል ከፑቲን የመጣውን የተኩስ አቁም ትዛዝ አለመቀበሉንና ጠላትን ለማጥፋት ከዚህ ቅዱስ ረመዳን በላይ ምቹ ግዜ የለም ማለቱ ይታወሳል።

11/04/2022

ሩሲያ ወደ ውጭ በምትልከው ስንዴ ላይ በታሪክ ከፍተኛ የተባለ የታክስ ጭማሪ አደረገች!

የሩሲያ መንግስት ወደ ውጭ በሚላከው ስንዴ ላይ የታክስ ጭማሪ ማደረጉን የሀገሪቱ ግብርና ሚኒስቴር አስታወቀ።ሚኒስቴሩ፤ ከሀገሪቱ ወደ ውጭ በሚላክ ስንዴ ላይ የታክስ ጭማሪ ማድረጉን የገለጸ ሲሆን ይህም በዚህ ሳምንት ተግባራዊ ይደረጋል ብሏል፡፡ በዚህም መሰረት አንድ ቶን ስንዴ ወደ ውጭ ሲላክ 101 ነጥብ 4 ዶላር እንዲከፈል መንግስት ወስኗል።

09/04/2022

የብሪታንያው ጠ/ሚ ቦሪስ ጆንሰን ዛሬ ከሩስያ ጋር በጦርነት ላይ ወዳለችው ዩክሬን ፤ መዲና ኬየቭ በማቅናት ከፕሬዜዳንት ቮልድሚር ዜሌንስኪ ጋር መገናኘታቸው ተሰምቷል።

የጠ/ሚ ጆንሰን የዩክሬን ጉዞ ይፋዊ ያልሆነ እና ሚስጥራዊ ነበር ተብሏል።

ጠ/ሚ ጆንሰን ይፋዊ ባልሆኑ ጉዞ ወደ ኬየቭ ሄደው ዜሌንስኪን ካገኟቸው በኃላ ባሰራጩት መልዕክት ፤ ጉዟቸው ለዩክሬን ህዝብ ያላቸውን የማይናወጥ ድጋፍ ለማሳየት መሆኑን ገልፀዋል።

ለዩክሬን " አዲስ የገንዘብ እና ወታደራዊ እርዳታ ፓኬጅ እያዘጋጀን ነው " ያሉት ቦሪስ ጆንሰን " ይህም በሩሲያ የሚካሄድባትን አረመኔያዊ ዘመቻ ጋር ለምታደርገው ትግል ያለንን ቁርጠኝነት የሚያሳይ ነው " ብለዋል።

09/04/2022

ሩስያ በአምነስቲ ኢንተርናሽናል እና ሂውማን ራይትስ ዎች ላይ እርምጃ ወሰደች።

ከተመድ የሰብዓዊ መብቶች ም/ቤት የታገደችው እና በዩክሬን የጦር ወንጀል ፈፅማለች እየተባለች በሰብዓዊ መብት ድርጅቶች ስሟ እየተነሳ ያለው ሩስያ ላለፉት 30 ዓመታት በሀገሪቱ ሲንቀሳቀሱ የነበሩትን ሁለቱን የሰብዓዊ መብት ተሟጋች ድርጅቶች (ሂውማን ራይትስ ዎች እና አምነስቲ ኢንተርናሽናል) ፤ የምዝገባ ፍቃድ ሰርዛለች በሀገሯ (ሞስኮ) የነበሩ ቢሮዎችን ዘግታቸዋለች።

ሩስያ ከአምነስቲ ኢንተርናሽናል እና ሂውማን ራይትስ ዎች ባለፈ በአጠቃላይ 15 ዓለም አቀፍ ድርጅቶች እና መንግስታዊ ያልሆኑ ተቋማት (NGO)ን " ዝርዝር ማብራሪያ ሳትሰጥ " የሩስያ ፌዴሬሽን ህግን በመጣስ " በሚል እርምጃ እንደተወሰደባቸው በፍትህ ሚኒስቴሯ በኩል አሳውቃለች።

08/04/2022

ሀገርና ትውልድ እየገደለ ያለው የፈተና ስርቆት !

የትምህርት ሚኒስትር ፕ/ር ብርሃኑ ነጋ ፦

" ... ፈተናዎች ይሰረቃሉ። ቢያብስ እኔ እስከማውቀው ከ2008 ዓ/ም ጀምሮ የሁለተኛ ደረጃ መልቀቂያ ፈተና ያልተሰረቀበት ጊዜ ያለ አይመስለኝም፤ ደረጃው ይለያይ እንጂ።

አንዱ መሰረታዊ ጥያቄ መጠየቅ ያለብን እንዴት ነው የሚሰረቀው ? ማነው የሚሰርቀው ? ለምድነው የሚሰርቀው ? የሚለው ነው።

አንደኛው በአጠቃላይ ፈተናውን አውጥቶ ሶሻል ሚዲያ ላይ ለቆ ሁሉም እንዲያገኘው ማድረግ ነው። ይሄ የተወሰነ ግሩፕን ለመጥቀም የታለመ እንቅስቃሴ አይደለም። በአጠቃላይ የትምህርትሩትን Integrity ለማናጋት የሚደረግ እንቅስቃሴ ነው። ምክንያቱም አንድ ፈተና አውጥቶ ለሁሉም በሶሻል ሚዲያ ሲለቀቀ አንድ የተወሰነ ግሩፕ የሚጠቀምበት ሁኔታ የለም ሁሉም ነው የሚያገኘውና፤ እሱ በአጠቃላይ እንደማህበረሰብ ሁሉን ነገር ፖለቲካ እና የፖለቲካ ትርፍ ማግኛ እየተደረገ የሚኬድበት አካሄድ ያመጣው ጣጣ ነው። በስፋት እና በስነስርዓት መታለፍ ያለበት ሂደት ነው።

ፈተና ሚሰረቀው ግን በዛ መልክ ብቻ አይደለም፤ በተለያየ መልክ ፈተና ይሰረቃል። ከየት በኩል ነው ስርቆቱ ሊመጣ የሚችለው ብለን ለማየት ሞክረን ነበር።

ፈተና አውጭዎቹ ፣ ፈተና የሚያዘጋጁ ሰዎች አካባቢ ስርቆት ሊፈፀም ይችላል። ፈተና አውጭዎችን የምንከታተልበት መንገድ በጥንቃቄ ለመመለከት ሞክረናል እዛ አካባቢ ትልቅ አደጋ አላየንም።

ፈተና ሲታተም ፤ አታሚ መስሪያ ቤት ውስጥ የሚደረገው ጥንቃቄ እና ጥበቃ አለ። ፈተና የሚያትመው 4 ኪሎ ያለው ብርሃንና ሰላም ማተሚያ ቤት ነው። ፈተና ማተመ ከተጀመረ ጀምሮ በፌዴራል ፖሊስ ዕዝ ስር ነው። በሙሉ ካሜራ እየታየ ነው የሚታተመው ያ ፈተና እዛ ይሰረቃል የሚለው እድል አነስተኛ ነው።

በአብዛኛው ፈተና ከስርጭት ጋር በተያያዘ ፈተናው ተይዞ በየክልሎች በሚሰራጭበት ጊዜ ካለው ጀምሮ ነው ችግሩ ያለው።

አንዳንዱ ሆን ተብሎ ነው፤ አንዳንዱ በየክልሉ ያሉ የመንግስት በዞን ይሁን በወረዳ በተለያየ ደረጃ ያሉ የመንግስት ባለሟሎች የሚሳተፉበት ነው። ይሄ መነሻው ይሄን ፈተና ሰርቆ ለአካባቢው ተወላጆች / ተፈታኞች በመስጠት አካባቢዬን እጠቅማለሁ ተብሎ የሚታሰብ የትምህርት ስርዓቱን ከፖለቲካ እና ከክልላዊነት ጋር ያጣበቀው አካሄዳችን ያመጣው በጣም ትልቅ ችግር ነው።
.. ፈተና ሰርቀን የአካባቢያችንን ሰው እንጠቅማለን ፤ የአካባቢያችንን ተማሪ እንጠቅማለን ብሎ የሚያስብ ሰው የሚያስበው ምንድነው ? ያ በስርቆት አልፎ የመጣ ተማሪ ኮሌጅ ገብቶ በስርቆት እና በማጭበርበር ድግሪ ያገኛል ፤ በስርቆት እና በማጭበርበር የያዘውን ድግሪ ይዞ እዛው ክልል መንግስት ውስጥ ነው ስራ የሚቀጠረው እና በትክክል እንዲሰራ ነው የሚጠበቀው ? ክልል መንግስት ውስጥ ገብቶ መስረቅ ነው የሚጀምረው / የትም ቦታ ቢገባ።

የስርቆት ስርዓቱ አንዴ ከታች ማበላሸት ከጀምርን በፍፁም መቆሚያ የሌለው ማንንም በተለየ የማይጠቅም ህብረተሰብን ግን በጋራ ይዞ ገደል የሚገባ ስራ ነው።

ፈተናዎች የሚሰረቁት ፤ ፈተናው ከመሰረቁ ባሻገር ተማሪዎች ሊፈተኑ ከገቡ በኃላ ያለአግባብ በኩረጃ ወይም በፈታኞች እርዳታ ያለ አግባብ ውጤት እንዲያመጡ በተቀናበረ እና በተደራጀ መንገድ እንቅስቃሴ ይካሄዳል።
.. የምናውቃቸው ነገሮች አሉ። አንዳንድ ክልል ፈታኞች ሲሄዱ ገንዘብ ተዋጥቶ፣ በሬ ታርዶ ፣ ድግስ ተደርጎ ፣ እንደውም ከገንዘቡ ተጨማሪ ለፈታኞቹ ጉቦ ተሰጥቶ ወይ ፈተናውን አይቶ እዛው እራሳቸው አርመው ለተማሪዎቹ እንዲሰጡ ወይም እርስ በእርስ ሲኮራረጁ ዝም ብሎ እንዲያዩ የሚደረግበት ጉደኛ

07/04/2022

በአሜሪካ አነሳሽነት 193 አባል ሀገራት ላሉት የተመድ ጠቅላለ ጉባኤ የቀረበው ሩስያን ከተመድ የሰብዓዊ መብቶች ም/ቤት የማገድ የውሳኔ ሀሳብ በአብላጫ ድምፅ ዛሬ ፀድቋል።

የውሳኔ ሃሳቡን ከ193 አባልት 93 ሀገራት የደገፉት ሲሆን 58 ሀገራት ድምጸ ተአቅቦ አድርገዋል፤ 24 ሀገራት ደግሞ ተቃውመዋል።

በዚህም በአብላጫ ድምጽ ሩሲያን ከሰብአዊ መብቶች ም/ቤት ታግዳለች።

የውሳኔ ሃሳቡ ለጉባኤው የቀረበው ሩሲያ ጦሯ ዩክሬን ውስጥ ከፍተኛ የሰብዓዊ መብት ጥሰት እና ግፍ ፈጽሟል በሚል ነው።

የውሳኔ ሃሳቡን አሜሪካ፣ ዩኬ፣ ፈረንሳይ፣ ካናዳ፣ ዴንማርክ ፣ጀርመን፣ ፖላንድ ፣ ጃፓን፣ ጣልያን፣ ፖርቹጋል፣ ኖርዌይ፣ ፊንላንድ...ሌሎችም በርካታ ሀገራት ደግፈዋል።

የተባበሩት አረብ ኤሜሬትስ፣ ሴኔጋል፣ ሳዑዲ አረቢያ፣ ሱዳን፣ ደቡብ ሱዳን፣ ደ/አፍሪካ፣ ፓኪስታን፣ ኩዌት፣ ኳታር፣ ኡጋንዳን ጨምሮ 58 ሀገራት በድምፀ ተአቅቦ አልፈዋል።

ሀገራችን ኢትዮጵያ፣ ጎረቤታችን ኤርትራ፣ አልጄሪያ ፣ ቡሩንዲ፣ ቻይና፣ ጋቦን፣ ኢራን፣ ሶሪያ ዝምባብዌ...ሌሎችም ሀገራት ተቃውመዋል።

እንደ ጎረቤታችን ሱማሊያ፣ ጋምቢያ፣ ጊኒ፣ ሞሪታኒያ፣ የመሳሰሉ ሀገራት ጭራሽ ድምፅ አልሰጡም።

ዛሬ ሩስያ ከተመድ ሰብዓዊ መብት ም/ቤት ትታገድ ተብሎ የቀረበውን የውሳኔ ሃሳብ ተቃውማ ድምፅ የሰጠችው ኢትዮጵያ ከዚህ ቀደም በዩክሬን እና ሩስያ ጦርነት ዙሪያ በተመድ ጠቅላላ ጉባኤ ላይ " ሩስያ ዩክሬንን ወራለች ወታደሮቿንም ታስወጣ " በሚል በቀረበ የውሣኔ ሃሳብ ላይ ሙሉ በሙሉ ድምፅ ሳትሰጥ ወንበሯን ባዶ አድርጋ መውጣቷ ይታወሳል። በወቅቱ ውሳኔው " በበሳል ዲፕሎማሲ የተደረገ ውሳኔ ነው " መባሉ አይዘነጋም።

ሩስያ የዛሬውን የተመድ ጉባኤ ውሳኔ " ህገወጥ " ብላዋለች።

07/04/2022

የኢትዮጵያ መንግስት አምነስቲ ኢንተርናሽናል እና ሂዩማን ራይትስ ዎች በጣምራ ባወጡት ሪፖርት ዙሪያ ምላሽ ሰጥቷል።

መንግስት በወልቃይት ላይ ትኩረቱን ያደረገውን ሪፖርት ይዘት በጥንቃቄ እየመረመረ እንደሚገኝ ገልጿል።

ሪፖርቱ በሰብአዊ መብት ላይ የሚነሱ ከባድ ጥሰቶች ከሚባሉት በተጨማሪ በሀገሪቱ ውስጥ የተከሰቱትንና በጥንቃቄ መታየት የሚገባቸውን የፖለቲካ ለውጦች፣ ሰላምና ደህንነት፣ የውስጥ ወሰን ጉዳዮችን ያካተተ መሆኑንም መገንዘብ ያስፈልጋል ብሏል።

የዘር ማጽዳት፣ የጦር ወንጀል እና በሰው ልጆች ላይ የሚፈጸሙ ወንጀሎችን ክስንም ያቀረበ ሪፖርት መሆኑን ገልጿል።

የሰብአዊ መብት ጥሰት የፈፀሙትን ሁሉ ተጠያቂ ለማድረግ ቁርጠኛ መሆኑን የገለፀው መንግስት ለዚህም ነው የኢሰመኮ እና የተመድ የሰብአዊ መብት ከፍተኛ ኮሚሽነር ፅ/ ቤት የጋራ ምርመራ ዉጤቶችን ተከትሎ መንግስት የሚኒስትሮች ግብረ ሃይል ማቋቋሙን አስታውሷል።

ግብረሃይሉ ዛሬ ሁለተኛ ስብሰባ አካሂዶ የምርመራ ሂደቱን ለማፋጠን የተለያዩ መመሪያዎችን አውጥቷል፤ ለአሁኑ ሪፖርትም ተገቢውን ትኩረት በመስጠት በቅርበት ይመረምራል ሲል አስረድቷል።

መንግስት ሁለቱ ተቋማት ጉዳዪን ለመመርመር የተጠቀሟቸውን በርካታ ፖለቲካዊ ጉዳዮች ትክክለኛነት ላይ ጥያቄ ማቅረቡን ገልጿል።

06/04/2022

የቡርኪናፋሶው የቀድሞ ፕሬዚዳንት ኮምፓኦሬ የእድሜ ልክ እስራት ተፈረደባቸው‼️

በቶማስ ሳንካራ ግድያ የተከሰሱትና ለወራት ጉዳያቸው በፍርድ ቤት ሲታይ የቆዩት የቡርኪናፋሶ የቀድሞ ፕሬዚዳንት ብሌዝ ኮምፓኦሬ የእድሜ ልክ እስራት ተፈርዶባቸዋል፡፡

በፈረንጆቹ ጥቅምት 15 ቀን 1987 የተገደለውን የቶማስ ሳንካራ ግድያ ለማጣራት የስድስት ወራት የፍርድ ሂደት የወሰደው የኦጋዶጉ ፍርድ ቤት በጉጉት ሲጠበቅ የነበረውን የፍርድ ውሳኔ አሳልፏል፡፡

በሳንካራ ግድያ ጥፋተኛ የተባሉት የቀድሞው ፕሬዚዳንት ብሌዝ ኮምፓኦሬ እና ረዳቶቹ ጊልበርት ዳይንደርሬ እና ካፋንዶ ሃይሲንቴ በእድሜ ልክ እስራት እንዲቀጡ የኦጋዶጉ ፍርድ ቤት ወስኗል፡፡

የፓን አፍሪካኒዝም መሪው ቶማስ ሳንካራ ከ12 ሰዎች ጋር በደረሰበት ጥቃት በፈረንጆቹ 1987 መሞቱ ይታወሳል።

Ethio Press

10/05/2022

09/05/2022

06/05/2022

06/05/2022

30/04/2022

29/04/2022

28/04/2022

26/04/2022

26/04/2022

26/04/2022

24/04/2022

22/04/2022

22/04/2022

18/04/2022

17/04/2022

17/04/2022

16/04/2022

13/04/2022

13/04/2022

13/04/2022

13/04/2022

11/04/2022

11/04/2022

09/04/2022

09/04/2022

08/04/2022

07/04/2022

07/04/2022

06/04/2022

Address

Website

Alerts

Shortcuts

Share

Category

Other Media/News Companies in Awassa