10/12/2024
Baad Xaagitte
****
🔴Qhatarak 🇶🇦Irô caagiidah malaak elle tiysixxigennal Qhatarak 🇶🇦 naharsí malaak Gazzal girâ sooloo sissikuk akah takkennah Ameerikak Irô caagiidah malaakâ luk baar le walal gexsem kee Gazzal girâ soolo takkuh meqe niya tanih tanim qaddoosen.
🔴 Ameerikak irô caagiidah malaak iyyeemih Gazzal girâ soolo takkuuy casbit yan mara sittah milaagoonuh kaxxa saami yanim takkay immay Camaas too sittin g*y akke wayuh kaxxa adaf akkuk g*ytimtam qaddoose.
🔴 Camaasak Al Qhassaam elle Tiysixxigennal Asaaku Gazzak Baxaabaxsa le dariifal Israa-il Tankittet maysattaka abak carrisseh tanim Tiysixxige.
🔴 Cuutî gaadilek Maxco gabbaaqeh yan Yacyâ sariiq elle yiysixxigennal Qadan Badih dariifal sugte Ameerikak markabittek nammay Misaa-ilittet carrisseh tanim yiysixxigem kee Tonnaah Ameerikak 3 tekke Logistics Taarre maraakibiy Djiboutî Furdak tewqeh tanit maqar le maysattaka abne axcuk qaddoose.
🔴Israa-ilik Naharsí Malaak Asaaku qimboh addah Israa-il mackamatih Foocal soolem Israa-il Cokmih buxa Umaadoobaak gexxaamah wayto kaal hayteh tanim qaddoosen.
🔴Suuriyal sugte Bashaar Al-Asad xinto tiddigilleemih Israa-il doolat 300 daga takke qaran maysattakooki gexisak g*ytimtam qaddoosem kee Tama maysattakookit Suuriyak kalalí qande luk sugte Silaacittek 80% Taamak iro abak finqisseh tanim Israa-il qande tiysixxige.
Tonnaah Israa-ilik ibí qande Suuriyak Baxaabaxsa le dariifal isí lowsiisih gubat haak g*ytimaamat yaaban baxsa luk Suuriyak inaytâ magaalah tan Dimishqhik 20 k.m Xexxaarat raqta Kutna diqsitta magaalak 3 k.m tan dariifa Israa-il Tankitte culak g*ytimta.
🔴Ameerikah Doolat Suuriya gabat akak radde islaamist kinniimih taagah keenik bohoy linom kee Suuriyak Faxe Qaynatih Tahdiid(bohoy) yemeetek Jurdaan kee Qiraakâ luk gacak faxxiima gacsa edde abenno axcuk Tiysixxige.
🔴 Iraan Doolat Israa-il Suuriyak Kalalí qandeh kambittet abtah tan maysattakooki kee Suuriyak baxaabaxsa le dariifat abtah tan lowsiis gita maliinooy suuriyah curriinoo kee moddaqiinot yaaqateenim kinnuuk baad doolatitte saddam faxximta axcuk seeco xayyoossem kee galli maroh eglah tibbo kaxxaam qagiib nel takke inte.
🔴 tonnaah Cizbullâ gaadile Israa-il suuriyat abtah tan maysattakooki kaxxam saddah tanim qaddoosse.
🔴 lowsiisseh tan Tengele gaadileelah miraaciini Yeyyeeqeh yan maybalaalaqal iyyeemih Suuriyah xintok Suuriyah xaylo Casbit haak Casbí addal uma digaalah maaqattooti beyteh sugteh tan maritteh migaaqitte ayyaaqe loonum qaddoosak Too Qaskar kee Amní abbobtih aracih oytatitte yaceeh yan marah Lakqoh acwa Aaxiginno axcuk yiysixxigen.
