05/11/2025
ደራርቦ የዋለልኝ
ደራርቦ ያረገልኝ
ደራርቦ የደገፈኝ
ደራርቦ ያስገረመኝ
ስንት የማወራው
የጌታ ምረት አለኝ /4/
ዛሬ በጠዋት አንድ ወንድሜ ደውሎ የጌታን ምህረት አውርቶ አስለቀሰኝና ዞርብዬ የመጣሁባቸውን የእግዚአብሔር የምህረት አሻራ ያለባቸውን ሰው የማያቃቸውን ስውር መንገዶቼን እንዳስብ አረገኝ ።
በዚህ የመዝሙር ስንኝ ውስጥ ስንት የዳሰስኩት የተጠቀጠቀ የእግዚአብሔርን ደግነት ያየሁበት የሕይወት ታሪክ አለኝ መሰላችሁ ዘር ባልተዘራበት ምድረበዳ እባብና ጊንጥ በሞላበት ምድር ጨካኝ አስገዳይ ባለበት ሞት ሞት በሚሸት መንደር ላይ የከበበኝ የተጠነቀቀልኝ ማንም ሳይስቅልኝ የሳቀልኝ በለቅሶ ፈንታ የደስታን ዘይት በልቤ ያፈሰሰልኝ ክፉ እንዳይነካኝ ያስጠነቀቀልኝ የማይወድቀውን የጣለልኝ የታሰረውን የፈታልኝ የተቆለፈውን የከፈተልኝ
እየማረ የመራኝ እየወደደ የወደደኝ ከቀስት ፊት አመልጥ ዘንድ ምልክት እየሰጠ ያስመለጠኝ ያባቶቼ አምላክ ትዝ አለኝ .... እናንተስ ምን ትዝ አላችሁ ?
ክብር ለስሙ ብቻ !!!
አዲስአለም
