Harun media ሃሩን ሚዲያ

Home
Ethiopia
Addis Ababa
Harun media ሃሩን ሚዲያ

ዓላማችን በሙስሊሙ ማህበረሰብ ዘንድ የመረጃ ክፍተት እንዳይኖር መትጋት ነው።

13/01/2025

የኢትዮጵያ እስልምና ጉዳዮች ጠቅላይ ም/ቤት መጭውን የሐጂ ጉዞ በተመለከተ ከሳውዲ አረቢያ ሐጅና ዑምራ ሚኒስቴር ጋር የሁለትዮሽ ስምምነት ተፈራረሙ!

-ሀሩን ሚዲያ፣ጥር 5/2017

የኢትዮጵያ እስልምና ጉዳዮች ጠቅላይ ምክር ቤትና የሳውዲ አረቢያ ሐጅና ዑምራ ሚኒስቴር የ1446 ዓ.ሒ የሐጅ ጉዞን የተመለከተ የሁለትዮሽ መግባቢያ ሰነድ ተፈራርመዋል።

የመግባቢያ ሰነድ ስምምነቱ በኢትዮጵያ እስልምና ጉዳዮች ጠቅላይ ምክር ቤት ምክትል ፕሬዝደንትና የሐጅና ዑምራ ዘርፍ ተጠሪ በሆኑት ሸይኽ አብዱልአዚዝ ሼይኽ አብዱልወሊና እና በሳውዲ አረቢያ በሐጅና ዑምራ ሚኒስቴር ሚኒስትር ዶክተር ተውፊቅ ራቢዓ እንደተፈረመ ከቦታው ያገኘነው መረጃ ያመላክታል።

በምክር ቤቱ ምክትል ፕሬዝደንትና የሐጅና ዑምራ ዘርፍ ተጠሪ ሼይኽ አብዱልአዚዝ ሼይኽ አብዱልወሊ የተመራው ልዑክ በሳውዲ አረቢያ በተዘጋጀው የ1446 ዓ.ሒ/2017 ዓ.ል ዓመታዊው የሐጅ ማስጀመሪያ አውደርዕይ ላይ እየተሳተፈ ይገኛል።

ጠቅላይ ምክር ቤቱ በአውደ ርዕዩ የሚቀርቡ ልምዶችን ከመቅሰም ጎን ለጎን ከአገልግሎት ሰጪ ድርጅቶች ጋርም ተጨማሪ ስምምነቶች ይፈራረማል ተብሎ ይጠበቃል ሲሉ የዘገበው የኢት/እ/ጉ/ጠ ምክር ቤት ሕዝብ ግንኙነት ነው።

© ሀሩን ሚዲያ

12/01/2025

ባቡል ኸይር የበጎ አድራጎት ድርጅት "አምስት አመታት በሰብአዊነት" በሚል መሪ ሀሳብ የአምስተኛ አመቱን ልዩ ዝግጅት በድርጅቱ የምገባ እና የአረጋውያን መጠለያ ማዕከል በዛሬው እለት በድምቀት አካሄደ!

-ሀሩን ሚዲያ፣ጥር 4/2017

ባቡል ኸይር ላለፋት አምስት አመታት የሰራቸው የሰብዓዊነት ዘርፈ ብዙ ስራዎች በድርጅቱ መስራችና ዋና ስራ አስኪያጅ ወይዘሮ ሀናን ማህሙድ አማካኝነት ለመድረኩ ታዳሚዎች ገለፃ የተደረገ ሲሆን አምስት ዓመታቱ በተስፋ ፣ በማግኘት ፣ በማጣት የተመላለሰ ድርጅቱም በየጊዜው ህዝባዊነቱ እያደገና የሚሰጠው አገልግሎት እየሰፋ መሆን ገልጻ የማዕከል ግንባታውን ሁሉም ርብርብ በማድረግ የግሉን አሻራ እንዲያስቀመጥ መናገሯ ተገልጿል።

የዕለቱ የክብር እንግዳ የኢፌዴሪ የሴቶችና ማሀበራዊ ጉዳይ ሚኒስቴር ሚኒስትር ዲኤታ ክብርት ሁሩያ አሊ ፣የሀይማኖት አባቶች ፣ ጥሪ የተደረገላቸው የባቡል ኸይር የደግነት ቤተሰቦች የድርጅታችን ተጠቃሚ እናቶች እና አባቶች በዚህ ታሪካዊ መድረክ ላይ ታድመዋል።

በመድረኩ የሮዳስ ቲ ሮቶ ባለቤት አቶ ፀጋዬ በመድረኩ በመገኘት የተሰማቸውን ደስታ ሲገልጹ “ ልሰጥ አልመጣሁም ፣ ልቀበል እንጂ “ በማለት የተሰማቸውን ሀሴት በመግለጽ በመካከላችሁ ስለመገኘታቸው የጋበዛቸውን እና አምላካቸውን አመስግነዋል ባለሀብቱ 50 ሺ ሊትር የሚይዝ ሮቶም አበርክተዋል።

ወጣቱ ባለሀብት ምህረትአብ ሙሉጌታ በበኩሉ ከድርጅቱ ድጋፍ አንጻር ምንም አላደረግንም ደስታውው የተሰጠንን ጊዜ ገንዘብ ለአባቶችና እናቶች ድጋፍ ማድረግ ደስታው ለኛ በማለት ተናግረዋል ። መድረኩ በአባቶች ዱኣ የተዘጋ ሲሆን ባቡል ኸይር በመድረኩ ላይ አቶ ፀጋዬን እና ምህረትአብን የክብር ጋቢ በማልበስ አመሰግኗል ሲል ድርጅት በማህበራዊ ትስስር ገፁ ባጋራው መረጃ አስታውቋል።

© ሀሩን ሚዲያ

12/01/2025

በሀረር ከተማ በኢማሙ አህመድ ስቴድየም ታላቅ የዳዕዋ ፕሮግራም ተካሄደ!

-ሀሩን ሚድያ ጥር 4/2017

በሐረሪ ክልል እስልምና ጉዳዮች ከፍተኛ ምክር ቤት አዘጋጅነት በሐረር ከተማ ኢማም አህመድ ስታዲየም የታላቁ የረመዳን ወር መቃረብን አስመልክቶ የሙሃደራ ፕሮግራም እና ከ18 ትምህርት ቤት የተወጣጡ የተማሪዎች ምርቃት መርኅግብር ተካሂጿል።

የሐረር ክልል እስልምና ጉዳዮች ምክር ቤት ፕሬዝዳንት ሼይኽ አብዱልሰላም ጅብሪል የፕሮግራሙ አላማ በክልሉ በሚገኙ የእውቀት ትምህርት ቤቶች መካከል ፍቅርና አንድነት ለመፍጠር ያለመ መሆኑን አንስተዋል።

ሼይኽ አብዱልሰላም አክለውም ክልሉ ማህበረሰቡ በፍቅርና በአንድነት አብሮ በመኖር የሚታወቅ በመሆኑ የክልላችን ፀጥታ በሁሉም አካላት ሚና ይጠበቃል ብለዋል።

መርሃ ግብሩ የረመዳን ወር ዝግጅት አካል ሲሆን ማህበረሰባችን የረመዳንን ወር በጋራ ለመቀበል ዝግጅት በማድረግ ላይ ነው ብለዋል።

ዝግጅቱ ሰላማዊ ሆኖ እንዲጠናቀቅ የበኩላቸውን ሚና ለተጫወቱትን የጸጥታ አካላትና የህብረተሰብ ክፍሎችን በራሴና በክልሉ እስልምና ጉዳዮች ምክር ቤት ስም ምስጋናቸውን አቅርበዋል።

በዝግጅቱ ላይ በተለያዩ ምሁራንና የሀይማኖት አባቶች በህብረተሰቡ መካከል አብሮ የመኖር፣የፍቅር እና የአንድነት መልዕክቶችን አስተላልፈዋል።

በመርሀ ግብሩ ላይ በክልሉ የሚገኙ የተለያዩ የህብረተሰብ ክፍሎች፣ኡለማዎች፣የእስልምና ሀይማኖት ትምህርት ቤቶች አመራሮች እና ተማሪዎች መገኘታቸውን ሀሩን ሚድያ ከክልሉ መጅሊስ ያገኘው መረጃ ያመላክታል።

©ሀሩን ሚድያ

12/01/2025

በሸገር ሲቲ የፉሪ ክ/ከተማ እ/ጉ/ም/ቤት 2ኛ መደበኛ ጠቅላለ ጉባኤውን ማካሄዱን ገለፀ!

- ሀሩን ሚዲያ፣ ጥር 4/2017

ም/ቤቱ ጠቅላለ ጉባኤውን የሸገር ሲቲ እ/ጉ/ከ/ም/ቤት ም/ፕሬዚዳንት ኡስታዝ አድናን ጀእፈር፣ የመስጅድና አውቃፍ ዘርፍ ኃላፊ ሼ/ሙሀመድ አሊ ፣የኢትዮጵያ ሙስሊም ወጣቶች ካውንስል ፕሬዚዳንት ኡስታዝ ሀይደር ኸዲር፣ የክ/ከተማ መጅሊስ ሥራ አስፈጻሚ አባላት፣ የወረዳ መጅሊስና የመስጅዶች አስተዳደር ኮሚቴ አባላት፣ ኢማሞች፣ ሙአዝኖች፣ የወጣት ተወካይዮችና ጥሪ የተደረገላቸው እንግዶች በተገኙበት ያለፈው አመት እቅድ አፈጻጸምና የ2017 ዓ.ል የስራ ዘመን እቅድ ቀርቦ ውይይት እንደተደረገበት ተገልጿል።

የ2017 ዓ.ል የስራ ዘመን እቅድ ሰፋ ያለ ሀይማኖታዊና ማህበራዊ ጉዳዮችን የዳሰሰ ሲሆን ለእቅዱ ውጤታማነት የም/ቤቱ መዋቅር ሁሉ ድርሻውን እንዲወስድ ጥሪው ቀርቧል።

በመድረኩ በክ/ከተማው መጅሊስ የነበሩ ጠንካራና ደካማ ጎኖች ተለይተው የተገመገሙ ሲሆን በመስጅዶች ደረጃ በህዝበ ሙስሊሙ አንድነት፣ ወንድማማችነትና የሀገር ልማት ላይ ኢማሞች ከመስጅድ አስተዳደር ኮሚቴና ከወጣቱ ጋር ጠንክረው በአንድነት መስራት እንዳለባቸው ተጠቁሟል።

ሙስሊሙ ማህበረሰብ ያገኘውን እድል በአግባቡ በመጠቀም በሀገር ግንባታ፣ በኢኮኖሚ፣ ማህበራዊ የልማትና በየእርከኑ የአመራር ተሳትፎውን በሚመጥነው ልክ ከፍ ማድረግ እንዳለበት መልእክቶች ተላልፈዋል።

© ሀሩን ሚዲያ

12/01/2025

የ12ተኛ ክፍል ፈተና ምዝገባ ከነገ በስቲያ ማክሰኞ ጥር 6/2017 ዓ/ል ከቀኑ 11፡00 ሰዓት ላይ ይጠናቀቃል ተባለ!

- ሀሩን ሚዲያ፣ ጥር 4/2017

የሀገር አቀፍ ትምህርት ምዘናና ፈተናዎች ኤጀንሲ የ2ዐ17 ዓ.ል ትምህርት ዘመን የኢትዮጵያ ሁለተኛ ደረጃ ትምህርት ማጠናቀቂያ (የ12 ኛ ክፍል) ፈተና ምዝገባ መጪው ማክሰኞ ጥር 6/2017 ዓ/ል ከቀኑ 11፡00 ሰዓት ላይ እንደሚጠናቀቅ እና በተለያየ ምክንያት ያልተመዘገባችሁ ካላችሁ በነዚህ ቀሪ ሁለት ቀናት ላይ ብቻ እንድትመዘገቡ እናሳስባለን፣ ያልተመዘገበ አይፈተንም” ሲል ማሳሰቢያ ለጥፏል።

እንደሚታወቀው በአክሱም ከተማ የ12ተኛ ክፍል ሙስሊም ሴት ተማሪዎች በሒጃባቸው ምክንያት የብሄራዊ ፈተና መመዝገቢያ ፎርም እንዳይሞሉ ተከልክለዋል።

በመሆኑም የትምህርት ሚኒስቴር እና የትምህርት ምዘናና ፈተናዎች ኤጀንሲ ጣልቃ በመግባት የአክሱም ከተማ ሙስሊም ተማሪዎች ፎርም የሚሞሉበትን መንገድ እንዲያመቻቹ ተጠይቋል።

© ሀሩን ሚዲያ

12/01/2025

ሙስሊም ተማሪዎች በተለይም ከታች ባለው መዋቅር ተደጋጋሚ የሆኑ የመብት ጥሰቶች እየተፈፀመባቸው ስለሆነ ያለምንም ስጋት ይማሩ ዘንድ የትምህርት ሚኒስቴር ቋሚ የሆነ ድንጋጌ እንዲያስገባ ተጠየቀ!

- ሀሩን ሚድያ ጥር 4/2017

የኢትዮጵያ ከፍተኛ ትምህርት ተቋማት ሙስሊም ተማሪዎች ህብረት ሙስሊም ተማሪዎች ላይ እየደረሱ ያሉ በደሎችን አስመልክቶ ወቅታዊ መግለጫ ሰጥቷል።

በመግለጫውም ሙስሊም ተማሪዎች በተለይም ከታች ባለው መዋቅር ተደጋጋሚ የሆኑ የመብት ጥሰቶች እየተፈፀመባቸው ስለሆነ ያለምንም ስጋት ይማሩ ዘንድ የትምህርት ሚኒስቴር በቅርቡ ማሻሻያ እያደረገባቸው ባሉ አዋጆችና መመሪያዎች ውስጥ ለመብቱ ከለላ የሚሆንና መብቱን የሚጥሱ አካላትን ተጠያቂ የሚያደርግ ድንጋጌ እንዲያስገባ ጠይቀዋል።

ሙስሊም ተማሪዎች በአክሱም ትምህርት ቤቶች፣ በጉንቸሬ፣ በአዲስ አበባ ዩንቨርስቲ፣ በሰላሌ ዩንቨርስቲ፣ በዲላ ዩንቨርስቲ፣ በመቱ ዩንቨርስቲ በሂጃብና በሰላት ምክንያት ተደጋጋሚ በደሎች እየተፈፀመባቸው እንደሚገኝም የከፍተኛ ትምህርት ተቋማት ሙስሊም ተማሪዎች ህብረት አስታውቋል።

በመሆኑም የሚመለከተው አካል በሙስሊም ተማሪዎች ላይ እየደረሰ ያለውን በደል በዘላቂነት እንዲያስቆም ቋሚ መፍትሄ እንዲያወጣ በመግለጫው ላይ ተነስቷል።

- የመግለጫውን ሙሉ ይዘት ከታች አያይዘናል።

© ሀሩን ሚድያ

12/01/2025

በጋምቤላ ከተማ የተገነባው ዘመናዊ መስጅድ ተመረቀ!

- ሀሩን ሚድያ፣ ጥር 4/2017

በጋምቤላ ከተማ 03 ቀበሌ በኡስታዝ ሹአይብ ሸምሱ አስተባባሪነት ግንባታው የተጠናቀቀው ደረጃውን የጠበቀ የአል-አቅሳ መስጂድ መመረቁ ተገልጿል።

መስጂዱንም የኢትዮጵያ እስልምና ጉዳዮች ጠቅላይ ምክር ቤት ፕሬዝዳንት ሼይኽ ሀጂ ኢብራሂም ቱፋ እና የጋምቤላ ክልል ርዕሰ መስተዳድር ወይዘሮ አለሚቱ ኡሞድ መርቀው ከፍተውታል።

የኢትዮጲያ እስልምና ጉዳዮች ጠቅላይ ምክር ቤት ፕሬዝዳንት ሼይኽ ሀጂ ኢብራሂም ቱፋ እንደገለፁት በጋምቤላ ከተማ ዘመናዊ መስጂድ እንዲገነባ አስተዋፅኦ ላደረጉ አካላት በሙሉ ምስጋናቸውን አቅርበዋል።

በዝግጅቱ ላይ የፌደራል መጅሊስ ከፍተኛ አመራሮች፣ የኦሮሚያ መጅሊስ ከፍተኛ አመራሮች፣ የአዲስ አበባ መጅሊስ ከፍተኛ አመራሮች፤ኡለማዎች፣ ኡስታዞች፣ ከፍተኛ የመንግስት ኃላፊዎች፣ በርካታ የጋምቤላ ከተማ ነዋሪዎች መገኘታቸው ተገልጿል።

© ሀሩን ሚድያ

12/01/2025

የትግራይ ክልል እስልምና ጉዳዮች ከፍተኛ ም/ቤት በትግራይ ክልል የሚንቀሳቀሱ ተቋማት እና ማህበራት በአክሱም ተማሪዎች ጉዳይ ያላቸውን አቋም እንዲያሳውቁ ጠየቀ!

- ሀሩን ሚዲያ፣ ጥር 4/2017

የትግራይ ክልል እስልምና ጉዳዮች ከፍተኛ ም/ቤት በትግራይ ክልል የሚንቀሳቀሱ ተቋማት እና ማህበራት በአክሱም ተማሪዎች ጉዳይ ያላቸውን አቋም እንዲያሳውቁ በዛሬው ዕለት ባወጣው መግለጫ ጠይቋል።

የክልሉ መጅሊስ ለትግራይ የሀይማኖት ተቋማት ጉባኤ፣ ትግራይ ህዝብ ግንኙነት ጉባኤ፣ ትግራይ ሲቪክ ማህበራት ህብረት፣ ትግራይ ሴቶች ቢሮ፣ ህወሓት ጽ/ቤት፣ ባይቶና ፓርቲ ጽህፈት ቤት፣ ሳልሳይ ወያነ ፓርቲ ጽ/ቤት፣ ዓሲምባ ፓርቲ ፅህፈት ቤት፣ ውናት ፓርቲ ፅሕፈት ቤት፣ ለ አክሱማዊ ዋዐሰላ ፓርቲ ፅሕፈት ቤት እና ለ ሁሉም የትግራይ ብሔራዊ ፓርቲዎች አቋማቸውን በጽሁፍ እንዲገልጹ ጠይቀዋል።

- ሙሉ መግለጫው ከታች ተያይዟል።

© ሀሩን ሚዲያ

12/01/2025

ጋሽ ሰዓድ የድግነት የምስጋና ልዩ ዝግጅት||HarunMedia|||
https://youtu.be/DRoTjPt6VSM

11/01/2025

ሃሩን መረጃ
በማእከላዊ ኢትዮጵያ ስልጤ ዞን ወረቤ ከተማ በመገንባት ላይ ለሚገኘው ሒክማ ኢስላማዊ ዩኒቨርስቲ በሳዑዲ ዓረቢያ ሪያድ በተደረገ የገቢ ማሰባሰቢያ ቴሌቶን ፕሮግራም ከ1.6 ሚሊየን ሪያል በላይ መሰብሰቡ ተገለፀ

ሃሩን ሚዲያ

11/01/2025

በሪያድ በተደረገ የገቢ ማሰባሰቢያ ፕሮግራም ለሒክማ ዩኒቨርስቲ ከ1.6 ሚሊየን ሪያል በላይ ተሰበሰበ።

11/01/2025

ሴኩላሪዝም እና የሃይማኖት ነፃነት በኢትዮጵያ የትምህርት መስተጋብር ተግዳሮቶችና ተስፋዎች በሚል የምርምር አውደ ጥናት ቀርቦ ውይይት ተካሄደ!

- ሀሩን ሚድያ፣ ጥር 3/2017 አዲስ አበባ

ኢማን ኢስላማዊ ማህበር ለ1 ዓመት ኢስላሚክ ሪሰርች እና ካልቸራል ሴንተር (IRCC) በተባለ ተቋም ሴኩላሪዝም እና የሃይማኖት ነፃነት በኢትዮጵያ የትምህርት ሥርዓት መስተጋብር፣ ተግዳሮቶች እና ተስፋዎች" በሚል ጥናት ሲያስጠና መቆየቱ ተገልጿል።

በዛሬው ዕለትም የፌደራል መጅሊስ ከፍተኛ አመራሮች፣ ኡለማዎች፣ ኡስታዞች፣ ምሁራኖች እና ሌሎች ባለድረሻ አካላት በተገኙበት የጥናቱ ውጤት ቀርቦ ውይይት ተካሂዷል።

ጥናታዊ ፅሁፉን ያቀረቡት ሚ/ር ቃሲም ሱልጣን እና ሚ/ር ኦርጂ ቢሶ ናቸው። በጥናታዊ ፅሁፉ ላይ የሃይማኖት ነፃነት በኢትዮጵያ የትምህርት ተቋማት አረዳድና አተገባበር ምን እንደሚመስል፣ የሴኩላሪዝም ምንነት፣ የሴኩላሪዝም አተገባበር በሀገራችን የተለያዩ አካባቢዎች ተሞክሮዎችን በመውሰድ መካተታቸው ተገልጿል።

ሴኩላሪዝምን በተመለከተ እስከታች ድረስ ግልፅ አሰራር አለመኖሩን፣ የሴኩላሪዝም አረዳድ ላይም ክፍተት መኖሩን እንዲሁም መንግስት የሚያስተዳድረውን ማኅበረሠብን የሚመሰል የህግ ማዕቀፍ እንዲኖረውም ምክረ ሀሳብ ቀርቧል።

በውይይቱ ላይ ከተሳታፊዎች ጥናቱን ለማዳበር ሙያዊ ሃሳቦችዎን ያጋሩ ሲሆን የጥናቱ ውጤት ለሃገር ፋይዳ በሚጠቅም መልኩ እና ጥናቱ እንዲተገበር ገንቢ አስተያየቶችን በመስጠት ውይይቱ ተጠናቋል።

- ሀሩን ሚድያም በዝግጅቱ ላይ በመገኘት ያሰናዳነውን የቪድዮ ዝግጅት በአላህ ፍቃድ ወደ እናንተ የምናደርስ ይሆናል።

© ሀሩን ሚድያ

11/01/2025

በኢትዮጵያ የመጀመሪያ አለም አቀፍ ከወለድ - ነጻ የፋይናስ ኮንፍረንስ እና ሽልማት ስነ-ስርአት ሊካሄድ መሆኑ ተገለፀ!

- ሀሩን ሚዲያ፣ ጥር 3/2017

በኢትዮጵያ የመጀመሪያው ዓለም አቀፍ ከወለድ- ነፃ ፋይናንስ ኮንፍረንስ እና ሽልማት "ጠንካራ የፋይናንስ አገልግሎት ለህብረተሰብ ዘላቂ ጥቅም" በሚል መሪ ሀሳብ በመጭው የካቲት ወር እንደሚካሄድ ተገልጿል።

ሳዲያ መልቲ ሚዲያ እና አል ማቲን ኮንሰልታንሲ ከኢትዮጵያ እስልምና ጉዳዮች ጠቅላይ ምክር ቤት ጋር በመተባበር ኮንፍረንስ እና ሽልማቱን የሚያዘጋጁ መሆናቸውን በዛሬው ዕለት አዘጋጆቹ በአዲስ አበባ አያ ሆቴል በሰጡት መግለጫ አስታውቀዋል።

የአልማቲን አማካሪ ዋና ሥራ አስፈፃሚ የዓለም አቀፍ ከወለድ-ነጻ የፋይናንስ ኮንፈረንስ እና ሽልማት 2025 አዘጋጆች መካከል የሆነው ከማል አብደላ እንደገለፀው የኮንፈረንሱ ዋና አላማ በሀገራችን ያሉ ከወለድ ነፃ የፋይናንስ ተቋማትን ተቀራርበው እንዲሰሩ የትብብር መድረክ ማዘጋጀት፣ ከወለድ ነፃ የፋይናንስ አገልግሎቱን አስመልክቶ ለማህበረሰቡ ግንዛቤ ለመፍጠር እንዲሁም በዘርፉ ያሉ ማነቆዎች ላይ መፍትሔ ለማበጀት መሆኑ ተገልጿል።

ይህ በኢትዮጵያ የመጀመሪያው ዓለም አቀፍ ከወለድ- ነፃ ፋይናንስ ኮንፍረንስ እና ሽልማት የፌዴራል እና የአዲስአበባ መጅሊስ አመራሮች፣ ከፍተኛ የመንግስት የስራ ሀላፊዎች፣ የዘርፉ ምሁራን፣ ነጋዴዎች፣ ከወለድ ነፃ የፋይናንስ ተቋማት እና ጥሪ የተደረገላቸው እንግዶች በተገኙበት በመጭው የካቲት ወር በአዲስአበባ ስካይ ላይት ሆቴል እንደሚካሄድ ተገልጿል።

© ሀሩን ሚዲያ

11/01/2025

2ኛው አለም አቀፍ የቁርኣንና የአዛን ውድድር በኢትዮጵያ አዘጋጆች ከአዲስአበባ ሙስሊም ወጣቶች ሊግ ጋር ውይይት አካሂዱ!

- ሀሩን ሚዲያ፣ ጥር 3/2017

በዘይድ ኢብኑ ሳቢት የቁርአን ማህበር አዘጋጅነት በኢትዮጵያ እስልምና ጉዳዮች ጠቅላይ ምክር ቤት የበላይ ጠባቂነት በመጭው ጥር 25/2017 በአዲስአበባ ስታዲየም የሚካሄደውን 2ኛው አለም አቀፉ የቁርአንና የአዛን ውድድር አስመልክቶ ውድድሩን በኻዲምነት ከሚመሩት የአዲስአበባ ሙስሊም ወጣቶች ሊግ ጋር ውይይት ተደርጓል።

በውይይቱ ላይ ውድድሩን በተሻለ መልኩ ለማዘጋጀት የኢትዮጵያን ኢስላማዊ ታሪኮች አጉልቶ ለማሳየት በሚቻልበት ሁኔታዎች ላይ እንዲሁም የማህበረሰቡን የእንግዳ ተቀባይነት ባህል በሚገልጽ መልኩ እንግዶችን ለመቀበል የተደረጉ ዝግጅቶች ላይ ውይይት ተደርጓል።

የአዲስአበባ ሙስሊም ወጣቶች ሊግ 2ኛው አለም አቀፍ የቁርአን እና የአዛን ውድድር በኢትዮጵያን አስመልክቶ በመስጅዶች በጀማአና በተለያዩ መንገዶች ግንዛቤ የመፍጠር ስራ እየሰራ መሆኑ ተገልጿል።

ፍልስጤም እና ሶሪያን ጨምሮ ከ60 ሀገራት በላይ እንደሚሳተፉበት የሚጠበቀው 2ኛው አለም አቀፍ የቁርአን እና የአዛን ውድድር በኢትዮጵያ ከጥር 10/2017 ጀምሮ እንግዶች ወደ አዲስ አበባ ይገባሉ ተብሏል።

© ሀሩን ሚዲያ

11/01/2025

በአክሱም ሙስሊም ሴት ተማሪዎች ላይ እየደረሰ ያለው የመብት ጥሰት በቀላሉ የሚታይ አይደለም ሲል ቅድሚያ ለሰብኣዊ መብቶች የተሰኘ ድረጅት የሒጃብ ክልከላውን አወገዘ!

- ሀሩን ሚዲያ፣ ጥር 3/2017

ቅድሚያ ለሰብዓዊ መብቶች (Human Rights First) በፌዴራል ፍርድ ቤቶች ማቋቋሚያ አዋጅ ቁጥር 1234/2 አንቀጽ 11(4) የተቋቋመ ድርጅት መሆኑ ተገልጿል።

ድርጅቱ በአክሱም ሙስሊም ሴት ተማሪዎች ላይ እየደረሰ ያለው የመብት ጥሰት በቀላሉ የሚታይ አይደለም ሲል ዛሬ ባወጣው መግለጫው አስታወቋል። ይህ ጥሰት የትግራይን ሕገ መንግሥት የሚጻረር፣ የተማሪዎችን የአለባበስ ሥርዓት የሚጻረር እና በአጠቃላይ ከሕግ እና ከነባሩ የትግራይ ተወላጆች ባህል ጋር የሚጋጭ ነው ብሏል።

በትግራይ ሂጃብ መልበስ ህጋዊ እና ለብዙ ሺህ አመታት ሃይማኖታዊ ተግባር ሆኖ ቆይቷል ያለ ሲሆን ትምህርት ቤቶች በማንኛውም መልኩ ከስቴት ወይም ከክልል ሕገ መንግሥት ጋር የሚቃረኑ ሕጎችን እንዲያወጡ ወይም እንዲተገበሩ አይፈቀድላቸውም ብሏል ድርጅቱ።

ህገ መንግስቱን በግልፅ በመጣስ የተማሪዎችን የትምህርት እድል መነፈግ በጣም አሳሳቢ ጉዳይ ነው ያለ ሲሆን ጉዳዩ ወደ ህግ መምራት አለበት ሲል አክሏል።

በፌዴራል ፍርድ ቤቶች ማቋቋሚያ አዋጅ ቁጥር 1234/2 አንቀጽ 11(4) እነዚህን ጥሰቶች በፈጸሙት የመንግስት ተቋማት እና ግለሰቦች ላይ በከፈቱት ክስ (የትግራይ እስልምና ጉዳዮች) ቅድሚያ ለሰብዓዊ መብቶች አስፈላጊው እርዳታ ለማድረግ ዝግጁ መሆኑን ገልጿል

ሰብአዊ መብቶች በቋንቋ፣ በጎሳ፣ በሀይማኖት፣ በሀብት እና በቀለም አይለያዩም። ሁሉም ሰው በተፈጥሮው ብቻ በሕግ ፊት እኩል ነው። የኛ ውግንና ለሰብአዊ መብት ብቻ ነው ሲል መግለጫውን አጠቃሏል።

© ሀሩን ሚዲያ

11/01/2025

"...ሂጃባችሁን ካላወለቃችሁ ፎርም አትሞሉም በመባላችን የ12 አመት ልፋታችንን መና ሊቀር ነው።"

▣ የአክሱም ከተማ የ12ተኛ ክፍል ሙስሊም ተማሪዎች!

- ሀሩን ሚዲያ፣ ጥር 3/2017

በትግራይ ክልል የአክሱም ከተማ ሙስሊም ሴት ተማሪዎች "ወይ ሂጃባችሁን አውልቃችሁ ፎርሙ ሙሉ ካልሆነ ከፈተና ውጪ ትሆናላችሁ" በመባላቸው የአስር ሁለት አመት ድካማችን ሜዳ ላይ ሊቀር ነው ሲሉ ለሀሩን ሚዲያ ገልጸዋል።

የዘንድሮው የትምህርት ዘመን የዩኒቨርስቲ መግቢያ ፎርም የሚሞላበት ቀን በመጭው ሰኞ ጥር 5/2017 ዓ.ል የሚጠናቀቅ መሆኑ የተገለፀ ሲሆን 159 የሚሆኑ የአክሱም ከተማ ሙስሊም ሴት ተማሪዎች ፎርሙን አለመሙላታቸውን ገልጸዋል።

በሰሜን ኢትዮጵያ በነበረው ጦርነት ሁለት አመት ወደኋላ መቅረታቸውን የሚናገሩት ተማሪዎቹ አሁን ደግሞ በሂጃባችን ምክንያት ከፈተና ውጪ ልንሆን ነው ሲሉ ተናግረዋል።

"ትምህርታችሁን ወይም ሂጃባችሁን" አንዱን ምረጡ ተብለን ሰብዓዊ ክብራችን ሀይማኖታዊ ማንነታችን ተገፎ ከጓደኞቻችን በታች እንድንሆን እየተደረግን ነው ሲሉ ተማሪዎቹ ቅሬታቸውን ገልጸዋል።

በከተማዋ 159 የሚሆኑ ሙስሊም ሴት የ12ኛ ክፍል ተማሪዎችን ጨምሮ ቁጥራቸው በርካታ የሆኑ የሁለተኛ ደረጃ ትምህርት ቤት ሙስሊም ተማሪዎች በተመሳሳይ ምክንያት ከትምህርት ገበታ ውጪ ከሆኑ ከወር በላይ ሆኗቸዋል።

በጉዳዩ ዙሪያ ትምህርት ሚኒስቴርም ሆነ በሴቶች እና ህፃናት ላይ የሚሰሩ ተቋማት እንዲሁም የሰብዓዊ መብትን በተመለከተ የሚሰሩ ተቋማት አስካሁን ያሉት ነገር የለም።

© ሀሩን ሚዲያ

11/01/2025

ሴኩላሪዝም እና የሃይማኖት ነፃነት በኢትዮጵያ የትምህርት መስተጋብር ተግዳሮቶችና ተስፋዎች በሚል የምርምር አውደ ጥናት ቀርቦ ውይይት እየተካሄደ ይገኛል!

- ሀሩን ሚድያ ጥር 3/2017፤ አዲስ አበባ

ኢማን ኢስላማዊ ማህበር ለ1 ዓመት ኢስላሚክ ሪሰርች እና ካልቸራል ሴንተር (IRCC) በተባለ ተቋም ሴኩላሪዝም እና የሃይማኖት ነፃነት በኢትዮጵያ የትምህርት ሥርዓት መስተጋብር፣ ተግዳሮቶች እና ተስፋዎች" በሚል ጥናት ሲያስጠና መቆየቱ ተገልጿል።

በዛሬው ዕለትም የፌደራል መጅሊስ ከፍተኛ አመራሮች፣ ኡለማዎች፣ ኡስታዞች፣ ምሁራኖች እና ሌሎች ባልድረሻ አካላት በተገኙበት የጥናቱ ውጤት ቀርቦ ውይይት እየተካሄደበት ይገኛል።

- ሀሩን ሚድያም በዝግጅቱ ላይ የተገኘ ሲሆን ተጨማሪ መረጃዎችን የሚያደርስ ይሆናል።

© ሀሩን ሚድያ

10/01/2025

በአፋር በተከሰተ የመሬት መንቀጥቀጥ ከ54 ሺ በላይ ወገኖች ከቀያቸው መፈናቀላቸው ተገለፀ።

- ሀሩን ሚድያ፣ ጥር 2/2017 ዓ.ል

በአፋር ክልል በተደጋጋሚ በተከሰተው የመሬት መንቀጥቀጥ የካልዋሌና አጎራባች ቀበሌዎች የአደጋ ተጋላጭ በመሆናቸው ምክንያት ከ54 ሺህ በላይ ሰዎች ከቀያቸው መፈናቀላቸው የተገለፀው የኢትዮጵያ እስልምና ጉዳዮች ጠቅላይ ምክር ቤት የልዑካን ቡድን በአፋር ክልል ምልከታ ባደረገበት በዛሬው ዕለት ነው።

በክልሉ የገቢረሱ ዞን አስተዳደሪ አቶ ዓሊ ለኢትዮጵያ እስልምና ጉዳዮች ጠቅላይ ምክር ቤቱ ልዑክ በሰጡት ማብራሪያ የመሬት መንቀጥቀጡ የአደጋ ስጋት በፈጠረባቸው አካባቢዎች የሚኖሩ ዜጎች አካባቢውን ለቀው እንዲወጡ ኮማንድ ፖስት ታውጇል ብለዋል።

አስተዳዳሪው እንዳሉት ከአዋሽ ፈንታሌ የ4 ቀበሌ እና ከድሉቻ ደግሞ የ2 ቀበሌ ነዋሪዎች አካባቢያቸውን ለቀው አስቦሌ ቦራ እና ዳኢዶ በሚባል አካባቢ ሰፍረዋል። መንግስት ለተፈናቃዮች ድጋፍ እያደረገ እንደሆነ የገለፁት አስተዳዳሪው ከችግሩ ስፋት አንፃር የሁሉንም ኢትዮጵያዊ ርብርብ ይጠይቃል ብለዋል።

የጥናት ባለሙያዎች ከፈንታሌ እስከ ደፋን ባሉ አካባቢዎች የሚኖሩ ወገኖች አካባቢውን ለቀው እንዲወጡ ቢጠየቁም አሁንም በርካታ ቁጥር ያላቸው ሰዎች አካባቢውን ለቀው ለመውጣት ፈቃደኛ ሊሆኑ እንዳልቻሉም አስተዳዳሪው ጠቅሰዋል።

በኢትዮጲያ እስልምና ጉዳዮች ጠቅላይ ምክር ቤት የሥራ አስፈጻሚ አባልና የፈትዋና ምርምር ዘርፍ ተጠሪ በሆኑት ሼይኽ ኢድሪስ አሊ ሑሴን የተመራው የምክር ቤቱ ልዑክ በመሬት መንቀጥቀጡ ሳቢያ በነዋሪዎች ላይ የደረሰውን ጉዳት ተመልክቷል።

ሼይኽ ኢድሪስ አሊ ሑሴን የመሬት መንቀጥቀጡ በዜጎች ላይ ያደረሰውን ችግር አስከፊነት በአካል ተገኝተን መመልከታችን በችግሩ ስፋት ልክ መፍትሄ ለማፈላለግ ይረዳናል ብለዋል።

የጠቅላይ ምክር ቤቱ ልዑክ በመሬት መንቀጥቀጡ ከፍተኛ ወድመት የደረሰበትን የከሰም ስኳር ፋብሪካም የጎበኘ ሲሆን ጉዳቱን የፋብሪካው የሲቪል ስራዎች መምሪያ ኃላፊ አቶ አሰመላሽ ፍሳሃዬ ለልዑካኑ ገለፃ አድረገዋል።

የአፋር ክልል እስልምና ጉዳዮች ከፍተኛ ምክር ቤት እና የክልሉ ሸሪዓ ፍርድ ቤት ምክትል ፕሬዝደንት ሸይህ ሙሳ ሙሐመድ ዑመር በበኩላቸው በስኳር ፋብሪካው አካባቢ በነበረ መስጅድ ላይ ከደረሰው ውድመት በስተቀር እስከ አሁን በሰዎች ላይ የደረሰ የሞት እና የአካል ጉዳት የለም ብለዋል።

የኢትዮጵያን እስልምና ጉዳዮች ጠቅላይ ምክር ቤት ልዑክ ከተፈናቃዮች ጋር የጁምዓ ሰላትን የሰገደ ሲሆን የጠቅላይ ምከር ቤቱ የመስጂድና አውቃፍ ዘርፍ ተጠሪ ሸይኽ መሐመድ አህመድ አውስዮ እና የምክር ቤቱ የሕዝብ ግንኙነትና ሚዲያ ዘርፍ ተጠሪ ሸይህ ሁሴን ሀሰን በተፈጥሮ አደጋው ምክንያት ከቀያቸው ተፈናቅለው ለከፋ ማህበራዊ ቀውስ ለተጋለጡ ወገኖች የአብሮነት መልዕክት አስተላልፈዋል።

የጠቅላይ ምክር ቤቱ የልዑክ ቡድኑ በቀጣይ ህዝቡን በማስተባበር አስፈላጊ የሆኑ ሰብዓዊ እርዳታዎችን እንደሚያደርግም ቃል መግባታቸውን ከጠቅላይ ምክር ቤቱ ህዝብ ግንኙነት ያገኘነው መረጃ ያመላክታል።

© ሀሩን ሚድያ

Address

Https://maps. App. Goo. Gl/ZN47MPhnMDPQd422A
Addis Ababa
1000

Website

https://www.harunmedia.org/

Alerts

Be the first to know and let us send you an email when Harun media ሃሩን ሚዲያ posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Harun media ሃሩን ሚዲያ:

Videos

▶ከሒክማ ኢስላማዊ ዩንቨርሲቲ ከሪያድ ቅርንጫፍ ሥራ አስፈጻሚ ኮሚቴ ስለ ጃንዋሪ 9 ፕሮግራም የተሰጠ መግለጫ ||| Dec 13/2024 ||| ሪያድ: ሳኡዲ አረቢያ #RiyadhSaudiarabiya #Ethiopia #muslims #HikmaIslamicUniversity #IslamicEducation #IslamicStudies #CommunityService #CulturalPreservation #GlobalCollaboration #EthicalLeadership #SustainableDevelopment #InnovationInIslamicStudies #AcademicExcellence #LifelongLearning #ProfessionalDevelopment #GlobalImpact #InterculturalUnderstanding #EthicalResearch #CommunityEngagement #LeadershipSkills #EnvironmentalStewardship #SocialJustice #GlobalCitizenship

ኒቃቢስቷ ታጋይ' ኖራ ኤሊል ጉዞ ወደ ኢስላም በዛሬው መሰናዶ .... ዛሬ ምሽት 03:00 ይጠብቁን

ሙስሊም ተቀጣሪዎችን ያገለለው አየር መንገድ ማስታወቂያ | ሀሩን አጫጭር መረጃዎች

"የትዕግስት ፍሬዎች" የጁመአ ኹጥባ ምሽት 01:00 በሀሩን ሚዲያ ይጠብቁን

#14 የንፁህ መጠጥ ውሃ ምንጮች ውሀ ለተጠሙ ጉሮሮዎች" ልዩ ዝግጅት ዛሬ ምሽት 3:00 ይጠብቁን

ጋዜጠኛ ሰዒድ ኪያር

"የሃላባ ህዝብ ደግሞ ለስፖርት ልማት ከገንዘብ ባሻገር መሬቱን የሚያዋጣ ህዝብ ነው" ጋዜጠኛ ሰዒድ ኪያር||harunmedia||

የጎንደርን "ቀኝ ቤት እና እርግብ በር" መስጂዶች ገቢ ማሰባሰቢያ ዝግጅት ዛሬ ምሽት 03፡00 በሀሩን ሚዲያ ይጠብቁን||HarunMedia||

በሶሻል ሚዲያ ለምንሰራው ሁሉ ነገር ነገ አላህ ዘንድ ተጠያቂዎች ነን" የሶሻል ሚዲያ አጠቃቀማችንን ለበጎ እናድርገው!" ጋዜጠኛ ሰኢድ ኪያር ከሀሩን ሚዲያ ጋር ያደረገው ቆይታ||HarunMedia|| ሙሉ ዝግጅቱን ኮሜንት ስር ባለው ሊንክ ገብተው ይመልከቱ 👇