Chora Media

Chora Media we strive for change through information access!

23/10/2024

ትግራዋይ ነንባዕሉ ክናኸስን ክፀላለምን ውዒሉ ይሓድር ኣሎ፡፡ ፀላእቲ ከዓ ዝወረርዎ መሬትና ዘፍረዮ ምህርቲ ካሓፍሱ ክጎዩ ውዒሎም ይሓድሩ ኣለው፡፡ ‘ታይ ኢና ባ ኮይንና?

ሓይልታት ፀጥታ ትግራይ ስላምን ፀጥታን ትግራይ፣ ሉኣላውነትን ሓድነትን ትግራይ ማእኸል ገይሩ እዩ ዝሰርሕ ዘሎ ክብሉ ምክትል ፕረዝደንት ግዚያዊ ምምሕዳር ትግራይ ጀነራል ታደሰ ወረደ ገሊፆም...
21/08/2024

ሓይልታት ፀጥታ ትግራይ ስላምን ፀጥታን ትግራይ፣ ሉኣላውነትን ሓድነትን ትግራይ ማእኸል ገይሩ እዩ ዝሰርሕ ዘሎ ክብሉ ምክትል ፕረዝደንት ግዚያዊ ምምሕዳር ትግራይ ጀነራል ታደሰ ወረደ ገሊፆም ።
ምክትል ፕረዝደንት ግዝያዊ ምምሕዳርን ካብኔ ሴክሬተርያት ሰላምን ፀጥታን ትግራይ ጀነራል ታደሰ ወረደ( ወዲ ወረደ)፥ ሎሚ ንጋዜጠኛታት ኣብ ዝሃብዎ መግለፂ ካብ ዝተልዓሉ ጉዳያት ተወስኽቲ ነጥብታት ድማ ፡
★ ተፈጢሩ ዝነበረ ወጥሪ ፓለቲካ ስዒቡ ስግኣት ተፈጢሩ ዋላ እንተነበረ፣ ዝኾነ ፓለቲካዊ ወጥሪ ናብ ፀጥታ ፀገም፣ ሽግር ከይዓብይ ንምግባር ኢና ንሰርሕ ዘለና ።
★ ድሕሪ ሕዚ እውን ዝቕፅሉ መድረኻት እውን ብሰላማዊ መንገዲ ክቕፅሉ ክንሰርሕ ኢና ።
★ ኣብ መቐለ ዝተኻየደ ኮንፈረንስ፣ ስፓርታዊ ውድድራት እውን በዘይምንም ፀገም ፀጥታ ተዛዚሙ እዩ።
★ ብዓል ኣሽንዳ ኣብ ኩሉ ከባቢታ ትግራይ ብሰላማዊ መንገዲ ንክኽበር ምድላው ገይርና ኢና።
★ ብመዳይ ፀጥታ ብፅቡቕ መንገዲ እዩ ዝኸይድ ዘሎ።
★ መበገሲ ፀገም ፀጥታ ዝኾኑ ኢልና ሓይሊ ዕማም ኣጣይሽና እናስርሕና ዘሎ ኣብ ዘይሕጋዊ ዕደና፣ ስርቂ ሓፂነ መፂን ተጠናኺሩ ከምዝቕፅልን ዘይተጀመሩ ዘለዎ ድማ ክጅመሩ ምችው ባይታ ተፈጢሩ እዩ።
★ ሓይልታት ፀጥታ ትግራይ ስላምን ፀጥታን ትግራይ፣ ሉኣላውነትን ሓድነትን ትግራይ ማእኸል ገይሩ እዩ ዝሰርሕ ዘሎ።
★ ሓይልታት ፀጥታ ትግራይ ስራሑ ብዝግባእ እናፈፀመን ህዝቢ ድማ ኣብ ጎኑ እዩ ዝበሉ ጀነራል ታደሰ ወረደ ምስጋና ይግባኦ ኢሉ።
★ ፀጥታ ትግራይ ዝዘርግ ዝኾነ ይኹን ፀገም ክገጥም ከምዘይኽእል ድማ ገሊጾም።
★ ፓለቲካ ትግራይ ገጢምዎ ዘሎ ፀገም ወቕቱ ብዝሓቶ መንገዲ መፍትሒ ክረክብ ኢልና ንሓስብ ።
★ ፓለቲካዊ ኣፈላላይ ወይ ቅዋም፣ ኣተሓሳስባታት ፓለቲካዊ ክሳብ ዝኾኑ ንቡር እናኾነ ይኸይድ ኣሎ እዚ ድማ ፅቡቕ እዩ።
★ ከም ህዝቢ መጠን ፓለቲካዊ ፀገም ኣጋጢሙ ኣሎ፣ ዝገጠመሉ ናይ ባዕሉ መበገሲ ክህልዎ እዩ ይኹን እምበር ብዝሰልጠነ መንገዲ ክሳብ ዝኸደ ዝፍታሕ ክኽውን እዩ።
★ ነቲ ኣጋጢሙ ዘሎ ፓለቲካዊ ፀገም ጥራሕ ምርኣይ እንተይኮነስ ክህልዎ ዝኽእል ፀጋ እውን ምርኣይ ፅቡቕ እዩ።
★ ንቐፃሊ ፓለቲካዊ ሂወት ትግራይ ፅቡቕ ክኸውን ኢና ንከታተሎ ዘለና።
★ ፓለቲከኛታትና ድማ ልቢ ኣዕብዮም ኣፈላላዮም ብፓለቲካ ጥራሕ ክፈትሑ ይግባእ።
★ ፓለቲካዊ ኣፈላላይ ብሓይሊ ወይም ምምሕዳራዊ መንገዲ ኣይኮነን ክፍታሕ ዘለዎ።
★ ዝኾነ ይኹን ፓለቲካዊ ኣፈላላይ ብፓለቲካዊ መስርሕ ዝፍተሐሉ መስርሕ ኩሎም ኣብዚ ዝሳተፉ ዘለዎ ኣካላት ክሓስብሉ ይግባእ።
★ ህዝቢ ትግራይ ካብ ልክዕ ንላዕሊ ተሸኪሙ እዩ ዝኸይድ ዘሎ ናብ ተወሳኺ ፀገም ንክይኣትው ኩሉ ዝክኣለና ንገብር ኢና ።
★ ኣብ ፓለቲካ ትግራይ ተጋሩ ጥራሕ ዝሳተፍሉ እምበር ካብ ደገ ኢድ ኣእታውነት ከይህልው ንሰርሕ ኢና ።
★ ኣብ ፀለምቲ ምጥያሽ ግዝያዊ ምምሕዳር ስምምዕ ከምዝተገበረ ይኹን እምበር ምችው ኩነታት ስለዘይተፈጠረ ክፀንሕ ይግባእ ዝብል ቅዋም ሒዚና ኣለና።
★ ኣብ ከምዚ ዝበለ ኩነታት ኮይንና ዝግበር መረፃ ነፃን ፍትሓውን ስለዘይኸውን ክፀንሕ ወሲና ኣለና።
★ ዝተመለሱ ወገናትና እውን እኹል ሰብኣዊ ሓገዝ እናረኸቡ ኣይኮነን ፣ ናይ መንነት ሕቶ ዘይብሉ ህዝቢ ፅዕንቶ ይፍጠረሉ ስለዘሎ ክፍታሕ ይግባእ ኢልና ኣለና ።
★ እቲ ዝተመለሰ ወገና ከምስድርኡ እዩ ተሓዊሱ፣ ምችው ኩነታትን ውሑስ ሰላምን ክሳብ ዝፍጠር ኣብ ምጥያሽ ግዝያዊ ምምሕዳር መረፃን ከምዘይንሳተፍ ገሊፅና ኢና።
# ፈይሰል ሙስጦፋ

ስእሊ ይዛረብ!11 ሰነ ምፍላም በርቃዊ ኦፕሬሽን ወፍሪ ኣሉላ ኣብ ሸውዓተ ሕጉም-የጭላ 💪💪💪
18/06/2024

ስእሊ ይዛረብ!
11 ሰነ ምፍላም በርቃዊ ኦፕሬሽን ወፍሪ ኣሉላ ኣብ ሸውዓተ ሕጉም-የጭላ
💪💪💪

03/06/2024

ንሌባን መጭበርበርን ምንድብ ተዘየቢልካዮ ይሰጥጥ 'ዩ። 'ምንድብድብ' ነብሎም!

ናይ ከተማ ዓድዋ ቤት ፅሕፈት ፖሊስ ግን ኣብ ስራሕ ዶ ኣለው? ከመይ ንሓንቲ ብፋሉላት ሸፋቱ ዝተጨወየት ሓንቲ ወገን ንልዕሊ ክልተ ወርሒ ፍትሒ ምርግጋፅ ይኣብዮም? ወይስ ንሶም እውን ኣካል ...
03/06/2024

ናይ ከተማ ዓድዋ ቤት ፅሕፈት ፖሊስ ግን ኣብ ስራሕ ዶ ኣለው? ከመይ ንሓንቲ ብፋሉላት ሸፋቱ ዝተጨወየት ሓንቲ ወገን ንልዕሊ ክልተ ወርሒ ፍትሒ ምርግጋፅ ይኣብዮም? ወይስ ንሶም እውን ኣካል ናይቶም ጨወይቲ እዮም? ብዝኾነ ምጥርጣር የድሊ እዩ!





!

“ክንደይ ሻዕ ኣሎ ትካቦ ለመና ኣሕርሰኒ እንከሎ ‘ቲ ደመና! ብግዜ”
20/05/2024

“ክንደይ ሻዕ ኣሎ ትካቦ ለመና
ኣሕርሰኒ እንከሎ ‘ቲ ደመና!
ብግዜ”

11/05/2024

ንሓደ ሰሙን ክኽበር ዝቐነየ ዓለም ለኸ መዓልቲ ነርስታት ኣብ ሆስፒታል ዓይደር ተዛዚሙ።
ብምኽንያት ዓለም ለኸ መዓልቲ ነርስታት “ነርስታትና መፃኢና፣ ቁጠባዊ ሓይሊ ክንክንን” ብዝብል ቴማ ንሓደ ሰሙን ዝኣክል ብዝተፈላለዩ ምንቅስቓሳት ኣብ ኮምፕርሄንሲቭ ስፔሻላይዝድ ሆስፒታል ዓይደር እናተኸበረ ዝፀንሐ መዓልቲ ነርስታት 2016 ዓ/ም ሎሚ ጉንቦት 03/2016 ዓ/ም ብዕሊ ተዛዚሙ። እቲ በዓል ካብ ኣደባባይ ሮማናት ብኣደባባይ ዘስላሴ፣ ብእንዳ ገብረመንፈስ ቅዱስ ቤተ-ክርስቲያን ኣቢሉ ብማርሽ ባንድ ኦርኬስትራ ትግራይን ብሰብ ሞያ ነርስን ተዓጂቡ ናብ ሆስፒታል ዓይደር ናይ እግሪ ጉዕዞ ዝተገበረ ኮይኑ ኣብ ሆስፒታል ዓይደር ድማ ነቲ በዓል ዝምልከቱ ምድላዋት ተኻይዶም እዮም።
ነቲ ዕለት ዝምልከት መልእኽቲ ዘሕለፉ ዋና ዳይሬክተር ስራሕ ኣካያዲ ኮሌጅ ጥዕና ሳስይንስ ዶ/ር ክብሮም ገ/ስላሴ ብነርስታትና እናተሰርሑ ዝቐነዩ ብሉፃት ስራሕቲ ኣብነት ብምውሳድ ንቐፃሊ ብዙሕ ስራሕ ምስራሕ ከምዝከኣል ኣርእዩና እዩ ብምባል ዝበለፀ ዝገብሮ ድማ ኣብ ምምሃር ምስትምሃርን ምሕካምን ዘለዉ ሰብ ሞያ ነርስ ተናቢቦም ምስራሕ ምኽኣሎም ካልኦት ሞያታት’ውን ብተመሳሳሊ ሓቢርካን ተናቢብካን ምስራሕ ከምዘድሊ ገሊፆም። ነርስታት ናይ ሆስፒታል ጥራሕ ዘይኮኑስ ብኣውርኡ ናይ ስርዓት ጥዕና ዓንዲ ሑቐ እዮም፡ እቲ ስርዓት ጥዕና እንትዕወት ይኹን እንትወድቕ ምስኡ ሓቢሩ ዝዕወትን ዝወድቕን እዩ። ኣብ ምውሓስ ቁጠባ ዓዲ’ውን ናይ ባዕልና ኣስተዋፅኦ ክንገብር ከምዝግባእ ወሲኾም ሓቢሮም።
እንኳዕ ንመዓልቲ ነርስታት ኣብፅሐኩም ክብላ መልእኽቲ ሰናይ ትምኒተን ዝገለፃ ድማ ምክትል ዋና ክሊኒካል ዳይሬክተር ዶ/ር መስቀሉ ኪዱ እየን። ሰብ ሞያ ነርስታትና ምስቲ ካልእ በዓል ሞያ ብሓባር ኣብዝሓለፈ ኣፀጋሚ እዋን ብፍላይ ወለዶ ዘይርስዖ ታሪክ ሰሪሕኩም ኢኹም። ጀሚርክምዎ ዘለኹም ስራሕ’ውን መምሀሪ እዩ። ሆስፒታልና’ውን መምሀሪን መሐከሚን ስለዝኾነ ንኻልኦት መርአያ ዝኸውን ስራሕ ኣበርቲዕና ክንሰርሕ ይግባእ ኢለን። ምስ ታሪክ ምኽባር መዓልቲ ነርስታትን ህልዊ ኩነታት ቤት ትምህርቲ ነርስ ኮሌጅ ጥዕና ሳይንስ ዩኒቨርሲቲ መቐለን ዝምልከት ብተሓባባሪ ፕሮፌሰር ካልኣዩ ኪዳኑን ዶ/ር ገ/ሄር ብሩህን ብዝርዝር ቀሪቦም እዮም።
ብተወሳኺ ንኸባቢ ሓደ ሰሙን ብሰብ ሞያ ነርስታት ኣብ ሆስፒታል ዓይደር ዝተሰርሑ ምንቅስቓሳት ብዋና ሓላፊት ነርሲንግ ሆስፒታል ዓይደር ሲ/ር ኤደን ካሳሁን ዝቐረቡ ኮይኖም ካብዚኦም ምፅራይ ክፍሊታት ተሓከምቲ፣ ምንክብኻብ ተሓከምቲ፣ ምልጋስ ገንዘባዊ ሓገዝ ንኣዝዮም ዝተፀገሙ ተሓከምቲ፣ ምልጋስ ደም፣ ምርመራታት ሽኮርን ጥዕናዊ ኣስተምህሮን ከምዝርከብዎም ሓቢረን።
ኣብቲ መድረኽ ንነርስታት ሆስፒታል ዓይደር ብሓፈሻ ንሰብ ሞያ ነርስ ዝምልከት ኣብ ቀፃሊ ክትግበሩ ይግብኦም ዝተብሃሉ ምስ መሃያ፣ ኣብ ስራሕ ቦታ መፅንሒ ህፃናት/Daycare ምድላው፣ ኣስተዋፅኦ ንዝገብሩ ኣፍልጦ ምሃብ፣ ንሰብ ሞያ ዝወሃብ ነፃ ሕክምና፣ ዕድል ትምህርቲ፣ ወዘተ. ዝብሉ ብርክት ዝበሉ ሓሳባት ብተወካሊ ሰራሕተኛታት ሆስፒታል ዓይደር ብነርስ ብርሃነ ሃ/ማርያም ብንባብ ቀሪቦም እዮም።
ዋና ዳይሬክተር ልምዓትን ምምሕዳርን ኮሌጅ ጥዕና ሳስይንስ ሆስፒታል ዓይደር ዶ/ር ሃ/ስላሴ በርሀ ብግድኦም ኣብዚ ሰሙን ብዝሰራሕኽምዎ ስራሕቲ ኣዚና ኮሪዕና ኢና፡ ስለዚ ኩላትና ሓቢርና እንተሰሪሕና ዘይፍታሕ ፀገም የለን ምስበሉ፤ ብተወካሊ ሰራሕተኛታት ተጠሚሮም ዝቐረቡ ሕቶታት’ውን ፅቡቓት እዮም፡ ክሳብ ዩኒቨርሲቲና ኣመራርሓ ኢሉውን ክሳብ ፌደራል ሕቶኹም እናቕረብና ኢና ንቐፃሊ’ውን ናይ ጥዕና ማሕበራት ይኹን ኩሉ በዓል ሞያ ብሓባር እናተረዳዳእና እንተሰሪሕና ፍታሕ ክነምፅእ ኢና ክብሉ ገሊፆም።
ኣብ መወዳእታ ንልዕሊ 30 ዓመት ኣብ ሞያ ነርስነት ዘገልገሉ፣ ፍሉይ ኣስተዋፅኦ ዝነበሮም ስራሕቲ ክፍሊን ሰብ ሞያን ሓዊሱ ምስክር ወረቐት የቐንየልና ተበርኪትሎም እዩ።
Build Back Better!
@ Mekelle University

30/04/2024

ተጠንቀቑ! መጭበርበርቲ በዚሖም ኣለዉ፡፡
ስልኪ ደዊሎም ካብ ንግዲ ባንኪ ኢና ይብሉኻ እሞ ናይ ንግዲ ባንክ ሞባይል ባንኪ ትጥቀም ዶ? ኣካውንትኻ ዝኾነ ዝጎደለ ዝምላእ ኣለዎ፣ ኣካውንትኻ ከይጥለፍ ተወሳኺ ዝምላእ ኮድ ኣሎ፣ ኮድ ክንልእኸልካ ኢና ንሱ እንተእቲኻ ክነስተኻሕለልካ፣ ኣውደኣመት ስለዝኾነ ከይዕፀወካ…… ገለመለ እናበሉ ገንዘብካ ግርህናኻ ወይ ቴክኖሎጂ ናይ ዘይምፍላጥ ስንፍናኻን ተጠቒሞም ክወሩኻ ዝፅዕሩ ለያቡ በዚሖም ኣለዉ፡፡ ስለዚ ተጠንቀቑ! ናብቲ ባንኪ ብኣካል ከይድኩም እንተዘይኮይኑ ብዛዕባ ሒሳብ ቁፅርኹም ብኣካል ንዘይትፈልጥዎ ሰብ ዝኾነ ሓበሬታ ብስልኪ ከይትህቡ!!

15/04/2024

ጥዑም ንፋስ ደቡብ ፍሽ ፍሽ ይብል ኣሎ ብክልቲኡ ኣእዛንና!

13/03/2024

ፀሓይ ንባዕላ ክትብል ዑደታ ሓልያ ከምትበርቕ ትዕግስቲ እንተሃልዩካ ዘይሓልፍ ፀገምን መከራን የለን። ንኺድ ጥራይ ፀባይ እንተጌርና ኩሉ ክንርእዮ ኢና። ኣብ ጃላ ጉዕዞ መን ከምዝርብርብ ክንርኢ ኢና።

10/03/2024

ኣብ ቆሎ ጥጥቖ ሓፍሓፍ ኣይትበሉ እልፊ እንጣጢዕ መሬትና ይመለስ በሉ ክብረትና ምስመሬትና ክምለስ 'ዩ!!

06/03/2024

ዑደት ፍሉይ ልኡኽ ኣሜሪካ ኣብ ቀርኒ ኣፍሪካ

ፍሉይ ልኡኽ ኣሜሪካ ኣብ ቀርኒ ኣፍሪካ ኣምባሳዶር ማይክ ሃመር ናብ ኢትዮጵያ፣ ጣልያንን ዓባይ ብሪታንያን ጉዕዞ ክገብር እዩ። ኣብ ኣዲስ ኣበባ ካብ ፅባሕ 28 ለካቲት ክሳብ 4 መጋቢት 2016 ዓም ፃኒሒት ዝገብር ኮይኑ ብዋናነት ብሕብረት ኣፍሪካ ዝተዳለወ መድረኽ ምልከታ ኣፈፃፅማ ውዕሊ ሰላም ፕሪቶሪያ ክከታተል እዩ።

ኣብቲ መድረኽ ከይዲ ኣፈፃፅማ ምስንባት፣ እግሪ ምትካልን ናብ ሕብረተሰብ ዳግመ ምፅንባርን ሰራዊት ትግራይ፣ ህፁፅ ምምላስ ተመዛበልቲ ናብ መረበቶምን ዘላቒ ምርግጋፅ ሽግግር ፍትሕን ትኹረት ተገይሩ ዝዝተየሎም ምዃኑ ምፍላጥ ተኻኢሉ።

ኣምባሳዶር ሃመር ምስ ሰበ ስልጣን ፌደራል መንግስቲ ተራኺቡ ኣብ ዘላቒ መፍትሒ ኣብ ክልላት ኣምሓራን ኦሮሚያን ዘሎ ጦርነት ክመክር እዩ። ካብዚ ብተወሳኺ ምስ ኣመራርሓ ኢጋድን ዓለም ለኸ ትካላትን ከም ዝራኸብ ተገሊፁ።

ኣብ ሎንዶን ካብ 5 ክሳብ 10 መጋቢት 2016 ዓም ፃኒሒት ዘለዎ ኮይኑ ኣብ መድረኽ ምሕዝነትን ቀዳምነትን ስትራተጂካዊ ቦታ ምብራቕ ኣፍሪካ ዝሳተፍ ኮይኑ ምስ ወፃኢ ጉዳይ እንግሊ እውን ክመክር እዩ። ብተወሳኺ ኣብ ጣልያን ሮም ዝካየድ ዋዕላ ዳይሬክተራት ኣፍሪካ ኣባል ሃገራት ጉጅለ 7 ከምዝርከብን ከምዝመክርን ተገሊፁ።
Tribune

05/03/2024

ዙከርበርግ ንክምርዖ ንሕና ፌስቡክ ክንዕፆ ኣለና? 🤔

ብሉፃት ተፃወትቲ ቼዝ ከተማ ሸራሮ ብደረጃ ትግራይ ኣብ ዝተኻየደ ውድድር ብክልቲኡ ፆታ ብምዕዋት ዋንጫ ወሲዶም ኣለው። ብተወሳኺ እዞም ብሉፃት ጋንታ ቼዝ ከተማ ሸራሮ ብብርኪ ሃገር ኣብ ዝካየ...
01/03/2024

ብሉፃት ተፃወትቲ ቼዝ ከተማ ሸራሮ ብደረጃ ትግራይ ኣብ ዝተኻየደ ውድድር ብክልቲኡ ፆታ ብምዕዋት ዋንጫ ወሲዶም ኣለው። ብተወሳኺ እዞም ብሉፃት ጋንታ ቼዝ ከተማ ሸራሮ ብብርኪ ሃገር ኣብ ዝካየድ ውድድር ንትግራይ ወኪሎም ንክወዳደሩ ተሓርዮም እዮም። ብደረጃ ሃገር ሰዓርቲ እንተኾይኖም ድማ ብደረጃ ዓለም ኣብ ሃገረ ቡልጋርያ ኣብ ዝካየድ ውድድር ክሳተፉ ትፅቢት ይግበር። ❤️💛 ትግራይ ብኣኹም ትሕበን ጀጋኑ ደቂ ዓደይ። ብዓወት ተፀምቢልኩም ከምትምለሱ ሙሉእ እምነት ኣለኒ።❤️💛

29/02/2024

ህፁፅ ጠመተን ግብረ መልሲን ዝጠልብ ወራር ዕስለ ኣምበጣ ኣብ ወረዳ ታሕታይ ኣድያቦን ሸራሮን ኣጋጢሙ ኣሎ!
***************************************
ጋዜጠኛ Kidanemariam Berhane ከምዝፀሓፎ
"ዳግም ሓደጋ ወራር ዕስለ ኣንበጣ ኦም ኣብ ወረዳ ታሕታይ ኣድያቦ ጣብያታት መንጠብጠብን ዝባን ገደናን፣ኣብ ከተማ ሸራሮ፣ኣብ ወረዳ ዓዲ ዳዕሮ ጣብያታት ሕብረት፣ዓዲ ገደናን ፃዕዳ ምቦራን!
ዓዲ ኣድሕን ይበሃል 'ሎ! "
መናእሰይ ማእኸላይ፣ ምዕራብን ሰሜን ምዕራብን ከምኡ እውን ኣብቲ ከባቢ ዘለኹም ኣሃዱታት ኣባላት ሓይልታት ፀጥታ ትግራይን ሸኽምኹም እዩ እሞ ሓላፍነትኩም ተዋፅኡ፤ እዙይ ህፁፅ መልእኽቲ ገባር ሰሜን ምዕራብ ትግራይ እዩ።
#ቢሮ ሕርሻን ካልኦት ዝምልከተኩም ኣካላት መንግስቲ እውን ብህፁፅ ግቡእ ምላሽ ክትህቡን ክትሕግዙን ይግባእ።

29/02/2024

ካቢኔ ግዝያዊ ምምሕዳር ኣብ ኣፈፃፅማ ውዕሊ ፕሪቶሪያ ኣደሂቡ ዘተዩ

ትማሊ 20 ለካቲት 2016ዓ.ም ኣማስዩ ዝተኣከበ ካብኔ ግዝያዊ ምምሕዳር ክልል ትግራይ ኣፈፃፅማ ውዕሊ ፕሪቶሪያ ዝምልከት ዝርዝር ምይይጥ ኣካይዱ ኣሎ።

ክሳዕ ሕዚ ዝተርኣዩ ምዕባለታት ብምዕቃብ ውሑስ ሰላም ንምርግጋፅ ብቆራፅነት ምስራሕ ቀዳማይ ሕሪያ ግዝያዊ ምምሕዳር ምዃኑ ዘስመረ እቲ ካቢኔ ብቐፃልነት እውን ንመስሪሕ ሰላማዊ ቃልሲ ሰረት ገይሩ ብሙሉእ ዓቕሙ ከም ዝሰርሕ ኣረጋጊፁ ኣሎ።

ውሑስን ዘላቕን ሰላም ዝረጋገፅ ሕገመንግስታዊ ወሰናት ትግራይ ከይተሸራረፉ ሙሉእ ብሙሉእ እንተኽበሩን እንትሕለዉን፣ ኣብ መሬት ትግራይ ዘለዉ ዕጡቓት ኣምሓራን ሰራዊት ኤርትራን ካብ ትግራይ መሊኦም እንትወፅኡ፣ ተመዛበልቲ ወገናትና ናብ መረቤቶም ተመሊሶም ስሩዕ ህይወት ምምራሕ እንትኽእሉን፤ ብሓፈሻ ስምምዕ ፕሪቶሪያ መሊኡ እንትትግበር ስለዝኾነ መንግስቲ ፌዴራል ኮነ ሕብረት ኣፍሪካ ሓላፍነቶም ብዝግባእ ንክዋፅኡ ፃውዒት ኣቕሪቡ ኣሎ።

ግዝኣታዊ ወሰናት ትግራይ ብዝምልከት ብመሰረት ውዕሊ ፕሪቶሪያን ሕገ መንግስቲ ፌዴሪኢን ንክፍታሕ ፃዕሪ ይገብር ከምዝፀንሐ ዝሓበረ ካቢኔ ግዝያዊ ምምሕዳር፣ ዛጊድ ዝተበፅሐ ክልተኣዊ ናይ ትግበራ ስምምዕ ከምዘይለ ኣብሪሁ ኣሎ። ቀፃሊ ኣብ ዝህሉ ናይ ፓነል ኣኼባ ኣብ ሓበራዊ ስምምዕ ብምብፃሕ ሕቶታት ህዝቢ ትግራይ ግቡእ መልሲ ንክረኽቡ ብፅንዓት ከምዝቃለስ እውን ኣፍሊጠ‍ኡ ኣሎ። እዚ ከምዘለዎ ኮይኑ ብበይናዊ ውሳነ ኣብ ልዕሊ ህዝቢ ትግራይ ዘየድሊ ፅዕንቶን ፀቕጥን ንምፍጣር ዝግበር ምንቅስቓስ ትኽክል ስለዘይኮነ ብእዋኑ ክእረም ከምዘለዎ ሓቢሩ ኣሎ።

ውዕሊ ፕሪቶሪያ ብዝተማልአ መንገዲ ንምትግባር ካብኡ ዘድሊ ኩሉ ንምግባር ድሉውነቱ ዘረጋገፀ እቲ ካቢኔ ከይዲ ኣፈፃፅምኡ ብዝርዝር ንምርኣይን ቀፀልቲ መፍትሕታት ንምፃርን ብዝተፈላለዩ ምኽንያታት ክጓተት ዝፀንሐ ፓኔል ሕብረት ኣፍሪካ ቀልጢፉ ስርሑ ክጅምር ይግባእ ኢሉ።

ግዝያዊ ምምሕዳር ትግራይን መንግስቲ ፌዴራልን እናተላዘቡ ፀገማት ንምቅላልን ምትእምማን ንምፍጣርን ብዝተወሰነ ብርኪ እናሰርሑ መፂኦም እዮም ዝበለ እቲ ካቢኔ ሕቶታት ህዝቢ ትግራይ ብዝተማልአ መንገዲ ንምምላስ ከይዲ እቲ ልዝብ ካብ ክልተኣዊ መስሪሕ ወፂኡ ናብ መስሪሕ ፓኔል ሕብረት ኣፍሪካ ንክኣቱ ወሲኑ ኣሎ።

ውዕሊ ፕሪቶሪያ ንክኽተም ግደ ውድብ ሕቡራት መንግስታት፣ ኣሜሪካ፣ ሕብረት ኣውሮፓ፣ ኢጋድ፣ ኬንያ፣ ደቡብ ኣፍሪካን ካልኦት ፈተውቲ ሃገራትን ዕዙዝ ከምዝነበረ ዝሓበረ ካቢኔ ግዝያዊ ምምሕዳር ሕዚ እውን እቲ ፓኔል ስርሑ ክጅምርን እቲ ውዕሊ መሊኡ ክትግበርን ግቡኦም ንክዋፅኡ ፃውዒት ኣቕሪቡ ኣሎ።

ካብ ኣፈፃፅማ ውዕሊ ፕሪቶሪያ ብተወሳኺ ኩነታት ሰራዊት ትግራይ ዝምልከት እውን ሰፊሕ ምይይጥ ኣካይዱ እዩ። ብፍላይ ኣብ ልዕሊ ሰራዊት ትግራይ ዝግበሩ ዘለዉ ወፍርታት ፀለመን ጠቐነን ብዝርዝር መርሚሩ ኣሎ። ኣብ ልዕሊ ሰራዊት ትግራይ ዝካየድ ዝኾነ ዓይነት ወፍሪ ጠቐነ ተቐባልነት ዘይብሉ ጥራሕ ዘይኮነስ ኣብ ህልውና ህዝብና ዘነፃፀረ ጥቕዓት ከምዝኾነ ብልቢ ምርዳእ ኣገዳሲ እዩ ኢሉ። ድሕሪ ሕዚ ኣብ ልዕሊ ሰራዊትና ዝግበር ወፍሪ ጠቐነ ስቕ ኢሉ ከምዘይርኢ እውን ካብኔ ግዝያዊ ምምሕዳር ክልል ትግራይ ኣስምርሉ ኣሎ።

ቤት ፅሕፈት ጉዳያት ኮሙዩኒኬሽን ትግራይ
21 ለካቲት 2016ዓ.ም
መቐለ

28/02/2024

ኣብ ምስ #መደራደርቲ ኣካላት #ንምዝታይ መርሃ ግብሪ ተታሒዙ ከምዘሎ ቤት ፅሕፈት ጉዳያት ኮሙዩኒኬሽን ትግራይ ኣፍሊጡ።
እዚ ዝተገለፀ ሓላፊ እቲ ቤት ፅሕፈት ኣይተ ረዳኢ ሓለፎም 19 ለካቲት 2016 ዓ.ም ምስ ቴሌቪዥን ትግራይ ኣብ ዘካየድዎ ቃለ መሕትት እንትኾን፣ ውዕሊ ፕሪቶርያ ብዘይምትግባሩ ስቓይን ሞትን ህዝቢ ትግራይ ደው ስለዘይበለ፣ ግዝያዊ ምምሕዳር ትግራይ ምስ መንግስቲ ፌደራልን ማሕበረሰብ ዓለምን ንትግበርኡ ብዘይምቁራፅ ይዝቲ ከምዘሎ ብምሕባር፣ኣብ ዝቕፅሉ ሰሙናት እውን ምስ መደራደርቲ ኣካላት ንምዝታይ መርሃ ግብሪ ተታሒዙ ከምዘሎ ኣፍሊጦም።
መስርሕ ሰላማዊ፣ዲሞክራስያዊ፣ ፖለቲካውን ኩነታት ተጠቒምካ ሕቶታት ህዝቢ ትግራይ ክምለሱ ምምጓት ተመራፂ መማረፂ ምዃኑ እውን ሓቢሮም።
ጉዳይ ብጥሜት ዝሞት ዘሎ ህዝቢ ትግራይ ጠጠው ንምባል መፍትሒ ምንዳይ ዝምልከት ምስ መንግስቲ ፌደራል ዝነበሩ ኣፈላላያት ናብ ሓደ ንምምፃእ ከምዝተኸኣለ ዝሓበሩ እቶም ሓላፊ፤ ዘላቒ መፍትሒ ዝኾነ ናይ ዓርስኻ ምኽኣል ስራሕቲ እውን ብትኹረት ይስረሐሎም ከምዘሎ ገሊፆም።
ይኹን እምበር ህዝቢ ትግራይ ኣብ ከቢድ ሰብ ሰራሕን ተፈጥሮኣውን ፀገማት እናሃለወ ከም ትካል ኣብ ግዝያዊ ምምሕዳር ትግራይን ኣዘዝቲ ሓይልታት ፀጥታ ትግራይን ዝግበር ዘሎ ዝተዋደደን ዝተወደበን ወፍሪ ፀለመ ጉድኣቱ ከምዘመዝን ሓላፊ ቤት ፅሕፈት ጉዳያት ኮሙዩኒኬሽን ኣይተ ረዳኢ ሓለፎም ሓቢሮም።
ዘለናሉ ህልዊ ኹነታት ትግራይ ተኣፋፊ ስለዝኾነ ሕቶታት ህዝቢ ትግራይ ብሓድነታዊ መንፈስ ብምምላስ ህዝቢ ትግራይ ምድሓን ወሳኒ እዩ ዝበሉ ኣይተ ረዳኢ፣ ዘለናሉ ኹነታት ከየገናዘቡ ኣብ ፀለመ ዝተዋፈሩ ኣካላት ደው ኢሎም ከገናዝቡ ከምዝግባእ እውን ኣተሓሳሲቦም።
©ቤት ፅሕፈት ጉዳያት ኮሙዩኒኬሽን ትግራይ
20 ለካቲት 2016 ዓ.ም

26/02/2024

ሓይልታት ኣምሓራ ካብ ዞባ ምዕራብ ትግራይ ተጋሩ ናይ ምብራርን ዲሞግራፊ ናይ ምልዋጥን ተግባሮም ሕዚ እውን ይቕፅልሉ ኣለው።
*******************
ገበትቲ ሓይልታት ኣምሓራ ብሓይሊ ወሪሮም ኣብ ዝሓዝዎ መሬት ዞባ ምዕራብ ትግራይ ንዝነብሩ ተጋሩ ምብራርን ስራሕቲ ምቕያር ዲሞግራፊን ሕዚ እውን ኣጠናኺሮም ይቅፅልሉ ኣለው።
ኣብዚ ሰሙን እዚ ጥራሕ ልዕሊ 1142 ወገናት ካብ ዝተፈላለዩ ከባቢ ዞባ ምዕራብ ትግራይ ብወረርቲ ሓይልታት ኣምሓራ ተባሪሮም ናብ ከተማ ሸራሮ ከምዝኣተው መተሓባበሪ ተመዛበልቲ ዞባ ምዕራብ ክላሰተር ሸራሮ ኣፍልጡ።
መተሓባበሪ ተመዛበልቲ ዞባ ምዕራብ ክላስተር ሸራሮ ኣይተ ኣሰፋ ገ/ሂወት ከምዝበልዎ፣ ዕጡቛት ኣምሓራ ኣብዚ ሰሙን ጥራሕ 1142 ወገናት ካብ ኣደባይ፣ ራውያን፣ ዓዲ ጎሹ፣ ማይቀይሕ፣ ባዕኸር፣ ከተማ ሰቲት ሑመራን ካልኦት ከባብታትን ተባርሮም ናብ ከተማ ሸራሮ ከምዝመፁ ሓቢሮም።

ነዞም ሓደሽቲ ተመዛበልቲ ወገናት ህዝብን ምምሕዳርን ከተማ ሸራሮ ብግዝያውነት ምግቢ እናወፀአ ንምምጋብ ይምኩር ኣሎ። ኮይኑ ግና ምስቲ በቢመዓልቱ ዝመፅእ ዘሎ ተወሳኺ ተመዛባሊ ካብ ዓቅሚ ንላዕሊ ይኽውን ምህላው ገሊፆም።
እቶም ተመዛበልቲ መደቀሲ ቦታ፣ መንፀፍ ኮነ ቀረብ ክዳንን ምግብን የብሎምን። እቶም ተመዛበልቲ ዛጊድ ብመንግስታውን ዘይመንግስታውን ኣካላት ቆላሕታ ሰለዘይተወሃቦም ኣብ ሓደጋ ወዲቖም ከምዝርከቡ ብምሕባር ገበርቲ ሰናይ፣ ግዝያዊ ምምሕዳር ትግራይን ፌደራል መንግስትን ፍሉይ ቆላሕታ ሂቡ ክሰርሕሉ ኣይተ ኣሰፋ ገ/ሂወት ፃውዒቶም ኣቕሪቦም።
©Sheraro Communication

Address

Addis Ababa
<<NOT-APPLICABLE>>

Telephone

+251936888820

Website

Alerts

Be the first to know and let us send you an email when Chora Media posts news and promotions. Your email address will not be used for any other purpose, and you can unsubscribe at any time.

Shortcuts

Share