Rays Media 24

15/12/2024

WAR-SAXAAFADEED.

Golaha Wasiirrada Jamhuuriyadda Somaliland Oo Fadhigii u horeeyey Ku yeeshay Qasriga Madaxgtooyada JSL.

Hargeysa-15-12-2024-()-Fadhigii 001aad ee Golaha Wasiirrada Jamhuuriyadda Somaliland oo uu Shir-guddoominayey Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) kuna wehelinaayey Madaxweyne ku xigeenku, Mudane Maxamed Cali Aw Cabdi ayaa ka qabsoomay maanta oo ay taariikhdu tahay 15/12/2024 Qasriga Madaxtooyada Somaliland oo ay ka soo qaybgaleen dhammaan xubnaha Golaha Wasiirrada oo isugu jira (Wasiirro, Wasiiru-dawlayaal iyo Wasiir ku xigeenno).

Isbarasho ka dib, Madaxweynuhu waxa uu golihiisa wasiirrada cusub la wadaagay waajibaadka Qaran ee loo igmaday inay ku shaqeeyaan, waxaanu la wadaagay Barnaamijka hagaha u ah wax-qabadka xukuumadiisa, sida ku cad qorshaha Buuggga Xisbiga oo ka kooban lix Cutub (6), taas oo ay saldhig u yihiin wada-jir iyo waxqabad muuqda.

Sidoo kale, Madaxweynuhu waxa uu dul istaagay arrimaha mudnaanta u leh xukuumadiisa 100 cisho ee soo socda. Madaxweynuhu waxa uu golihiisa Xasuusiyey in uu Qaranku inooga fadhiyo in aynu ugu shaqayno daacadnimo iyo hufnaan.

Dhinaca kale Golaha Wasiirrada waxa loo qaybiyey Wax-ka-bedelka iyo kaabista Xeerka kala xadaynta Nidaamka Xukuumadda xeer No.71/2015 oo ujeedada looga bedelay qaab-dhismeedka wasaaradaha iyo hay’adaha madaxa-bannaan si loo waafajiyo xeerka.

Madaxweynuhu wuxuu si guud uga hadlay arrimaha nabadgelyada qaybo ka mida Gobolka Sanaag, waxaanu madaxweynuhu marlabaad ku celiyey baaq nabadgelyo.

ALLAA MAHA DLEH

Mudane Xuseen Aadan Cige (Deyr)
Af-hayeenka Madaxweynaha JSL.

15/12/2024

Soomaali oo dhan ayaa u baahan dawladwanaag iyo dimuqraadiyad.

15/12/2024

Wasiirka amniga Sandheere iyo wasiir ku xigeenka ciyaaraha Somaliland Tadhase.

15/12/2024

Wasiirka Madaxtooyada JSL Khadar Xuseen Cabdi .

15/12/2024

Ciidanka Soomaaliyeed ee ku dagaallamay Raaskaanbooni; iyaga oo kala ah DFS iyo Jubbaland

Halkani waa Garoonka Kismaayo oo laga sagootiyey ciidanka DFS ee ay dagaalka ku qabatay Jubbaland.

14/12/2024

Xildhibaan Barkhad Batuun ayaa qoray ;

“Alxamdullilaah, Muddo 12 sanno ah oo halgan iyo hayyaan dheer ugu jirnay sidii mar'un mushtamaca aan ka soo jeedna Wasiir buuxa u heli laheey himiladdaasi maantay dhabowday waxaan taariikhdeeda leh oo hir-galiyey Madaxweynahayga aan 12 Sanno garab taagna, waa cusub ayaa baryey, war wanaagsan oo farxad galliyey wejiyadda Bulsho weynta Gabooye weeye, waana sawirki dhammeystiryey caddaaladda muujiyeynayna micnaha midhaha halganka.

Dr. Maxamuud Cige oo ah Wasiirka Cusub ee ku metalaya umadda Gabooye Xukumadda k**a soo jeeda gobolka aqoonta ee Awdal waxa aan leeyahay Hambalyo Inader oo wallaal, Madaxweynaheygana waxa aan leeyahay Hiil ayaad umadda u muujisay jidkii kuu jeexna ee horumarinta Bulshaddaynana waan kaala shaqeynaya, Somaliland ayaad Madaxweyne maanta tustay in Gabooye, Ayuub, iyo Tol-jeclaba yihiin muunada iyo magaca qaranka ballan-qaadkaagi saddexda Wasiirna waad fullisay dhammaan Saaxibaddeyda Gollaha Wasiiradda Cusub Hambalyo.”

14/12/2024

Wasiirada Somaliland ee cusub.

07/12/2024

07/12/2024

Madaxweyne Muuse Biixi Cabdi, ayaa hoggaanka sare xisbiga KULMIYE oo haatan mucaarid noqonaya kula dardaarmay inay baxnaaniyaan waqtina siiyaan xukuumadda dhawaan xilka hoggaaminta dalka la wareegi doonta, islamarkaana mucaaradaddooda ka dhigaan mid wax dhisaysa sidii ay horeba caanka ugu ahaayeen ka hor intii aanay hoggaaminta dalka ku guulaysan.

06/12/2024

06/12/2024

03/12/2024

“Waxa aan maanta qaabilay wafti balaadhan oo uu hoggaaminayo Danjiraha dalka Mareykanka Danjire Richard H. Riley oo ay wehelinayaan taliyayaasha ciidamada AFRICOM. Wefdiga waxa aannu si qoto dheer uga wada hadalnay sidii loo sii xoojin lahaa xidhiidhka ka dhexeeya Jamhuuriyadda Somaliland iyo dalweynaha Mareykan.

Sida oo kale, Danjiraha Mareykanku waxa uu na soo gaadhsiiyey dhambaal hambalyo ah oo uu ka siday dawladdiisa Maraykan. Doorashooyinkii Jamhuuriyadda Somaliland ka dhacay 13kii Nov, waxa ay noqdeen doorashooyin indhaha caalamka si weyn ugu soo jeedisay dalkeenna, inoona soo jiidi doona fursado maalgashi oo caalami ah.”

Madaxweynaha cusub ee Somaliland Dr. Cabdiraxmaan Cirro.

01/12/2024

Madaxweynaha la doortey ee Somaliland Cabdiraxmaan Maxamed Cabdilaahi Cirro ayaa galabta kulan gaar ah la yeeshay qaar ka mid ah culimada waa weyn ee Reer Somaliland .

Ugu horeyn culimadu waxay alleh uga baryeen madaxweynaha inuu xilka culus ee dhawaan loo doortey ku asturo , waxaana ay si gaar ah madaxweynaha ay kula dardaarmeen inuu dulqaad iyo samir yeesho .

Madaxweynaha la doortey ayaa culimada dalka uga mahaceliyey kulankooda waxaana uu cadeeyey in albaabkiisu mar walba culimada u furan yahay , waxii tallo ah ee ay siiyeena uu qaadan doono

Kulankan waxaa madaxweynaha ku wehelinaayey madaxweyne ku xigeenkiisa , Xoghayaha Guud ee xisbiga WADDANI iyo Xildhibaan Barkhad Batuun .

01/11/2024

🤲🤲